اسلام آباد( آن لائن )اسلام آباد چیمبر آف سمال ٹریڈرز کے سرپرست شاہد رشید بٹ نے کہا ہے کہ افغانستان کو پاکستان کا پانی چوری کرنے سے روکا جائے اور اسکی آبی جارحیت کا بھرپور جواب دیا جائے ۔افغانستان بھی بھارت کی جانب سے پاکستان کے خلاف آبی دہشت گردی میں شامل ہو کر پاکستان کو صحرا بنانے کی گھناونی سازش میں شامل ہو گیا ہے جس کا تدارک کیا جائے۔بھارت پاکستان کا پانی چوری کرنے یلئے سینکڑوں بنا رہا ہے جس سے دونوں ممالک کے مابین 18.5 ملین ایکڑ فٹ پانی کی تقسیم کا فارمولا متوازن نہیں رہا ہے جس سے پاکستان کی معیشت پر انتہائی منفی اثرات مرتب ہو رہے ہیں ۔شاہد رشید بٹ نے یہاں جاری ہونے والے ایک بیان میں کہا کہ عالمی بینک بھی غیر جانبدار نہیں رہا بلکہ ایک عالمی طاقت کے اشارے پر بھارت کا ہمنوا بنا ہوا ہے جس کی نتیجہ پاک بھارت ایٹمی جنگ کی صورت میں نکل سکتا ہے۔ افغان حکومت پاکستان کے دشمن ممالک کی مدد سے سات ارب ڈالر کی لاگت سے مختلف مقامات پر ایک درجن ڈیم بنا رہی ہے جو پانچ ملین ایکڑ فٹ پانی ذخیرہ کرنے کی استعداد کے حامل ہونگے جس سے صوبہ خیبر پختوان خواہ اور فاٹا میں رہنے والی پختون آبادی بری طرح متاثر ہو گی۔ ان متنازعہ منصوبوں سے دریائے کابل کے پانی میں پاکستان کا حصہ سترہ فیصد کم ہو جائے گا جس سے عوام،صنعت اورزراعت پر انتہائی منفی اثرات مرتب ہونگے ۔پشاور کے بیس لاکھ عوام سمیت ٹانک، ڈیرہ اسماعیل خان،شمالی وزیرستان اور کئی علاقوں کے عوام پینے اور زراعت کیلئے دریائے کابل کا پانی استعمال کرتے ہیں جبکہ ورسک ڈیم کی بجلی بھی اسی دریا کے پانی سے بنتی ہے جبکہ یہی دریا بیس سے اٹھائیس ملین ایکڑ فٹ پانی دریائے سندھ کو فراہم کرتا ہے۔اس پانی میں کمی سے دونوں ممالک کے مابین کشیدگی میں مزید اضافہ ہو گا اس لئے افغانستان سے جلد از جلد پانی کی تقسیم کا منصفانہ معاہدہ کرنے پر غور کیا جائے جو دونوں ممالک کے مستقبل کے لئے بہت ضروری ہے جبکہ افغانستان بھارت کا آلہ کار نہ بنے۔
Monthly Archives: June 2018
رنجیت سنگھ کی برسی، سکھ یاتری کل پاکستان پہنچیں گے
لاہور (خبرنگار) سکھ لیڈرمہاراجہ رنجیت سنگھ کی برسی کی تقریبات میں شرکت کے لےے بھارت سے تقریباً 0 سکھ یاتری خصوصی ٹرین کے ذریعے کل (جمعرات) 21جو ن کو پاکستان پہنچیں گے۔ جہاں پرسیکرٹری بورڈ محمد طارق خان، ڈپٹی سیکرٹری عمران گوندل، سردار رمیش سنگھ اروڑا، پاکستان سکھ گورو دوارہ پر بندھک کمیٹی کے پردھان سردار تارا سنگھ، سابق پردھان سردار بشن سنگھ، پی آر او عامر حسین ہاشمی، سکیورٹی آفیسر فضل ربی اور اعلیٰ افسران انکا استقبال کریں گے۔ ڈپٹی سیکرٹری عمران گوندل کے مطابق بھارت سمیت دنیا بھر سے آنے والے سکھ مہمانوں کی رہائش، سیکورٹی اور سفری سہولیات سمیت دیگر تما م ضروری انتظامات مکمل کر لےے گئے ہیں۔تقریبات میں لوڈ شیڈنگ کے دوران جنریٹر زموجود ہوں گے جبکہ سیکورٹی خدشات کے پیش نظر سی سی ٹی وی کیمرے نصب کیے گئے ہیں۔ ٹرانسپورٹ کے لیے ریلوے انتظامیہ کے ساتھ مکمل رابطے میں ہیں، جبکہ میڈیکل کی سہولیات کے لیے ماہر ڈاکٹرز کی ٹیم یاتریوں کے ساتھ رہے گی۔ انہوں نے بتایا کہ موسم گرما کی وجہ سے روم کولرز اور فین استعمال کیے جائیں گے۔23جون کو حسن ابدال سے ننکانہ صاحب آئیں گے جہاں پر گورو دوارہ جنم استھان میں قیام کریں گے۔ قیام کے دوران گوردوارہ سچا سودا فاروق آباد روانہ ہو جائیں گے جہاں یاتراکر نے کے بعد26جون کو لاہور آئیں گے اور گورو دوارہ ڈیرہ صاحب لاہور میں قیام کریں گے ۔ لاہور قیام کے دوران گوردوارہ روہڑی صاحب ایمن آباد اور گوردوارہ دربار صاحب کرتار پور یاترا کریں گے۔مہاراجہ رنجیت سنگھ کی برسی کی مرکزی تقریب 29جون کو گورو دوراہ ڈیرہ صاحب لاہور میں منعقد ہو گی جس میں بھارت سمیت دنیا بھر سے آئے سکھ یاتری اور مقامی سکھ برادری، پاکستان سکھ گورودوارہ پر بندھک کمیٹی کے رہنماءشریک ہوں گے ۔بھارت سے آئے سکھ یاتری30جون کو سپیشل ٹرین کے ذریعے بذریعہ واہگہ بارڈر واپس چلے جائیں گے۔
مہوش حیات اور ہمایوں سعید کو چین میں خصوصی ایوارڈ سے نواز دیا گیا
شنگھائی(شوبزڈیسک)پاکستانی شوبز انڈسٹری کے سٹار اداکار ہمایوں سعید اور مہوش حیات کی فلم ’پنجاب نہیں جاوں گی‘ نے شنگھائی آرگنائزیشن کوآپریشن فلم فیسٹیول میں خصوصی ایوارڈ اپنے نام کرلیا۔چین میں شنگھائی کوآپریشن آرگنائزیشن (ایس سی او) فلم فیسٹیول کی تقریب منعقد ہوئی جس میں پاکستانی فلم ’پنجاب نہیں جاوں گی‘ نے خصوصی ایوارڈ اپنے نام کرلیا جب کہ ایوارڈ وصول کرنے کے لیے فلم میں مرکزی کردار ادا کرنے والے اداکار ہمایوں سعید اور اداکارہ مہوش حیات خود وہاں موجود تھے۔مہوش حیات نے سماجی رابطے کی ویب سائٹ انسٹاگرام پر مداحوں کو عید کی مبارکباد دیتے ہوئے ایوارڈ وصول کرنے کی تصاویر بھی شیئر کی ہے ۔
انتخابات: مختلف جماعتوں کی جانب سے فنکار بھی میدان میں ہونگے
لاہور (شوبزڈیسک)پیپلز پارٹی کلچرل ونگ سندھ کے عہدیداروں کو بھی الیکشن لڑنے کے لئے پارٹی ٹکٹ مل گئے۔ پیپلز پارٹی کلچرل ونگ سندھ کے صدر اداکار قیصر نظامانی اور ایوب کھوسو پیپلز پارٹی کے ٹکٹ پر الیکشن میں حصہ لیں گے۔ جبکہ دیگر سیاسی جماعتوں میں برابری پارٹی کے سربراہ گلوکار جواد احمد ،،تحریک انصاف کے رہنما گلوکار ابرار الحق اور (ن) لیگ کی جانب سے اداکارہ کنول نعمان اور پروڈیوسر عاصمہ بٹ بھی الیکشن میں حصہ لے رہی ہیں۔ یاد رہے کہ اس سے قبل شوبز سے تعلق رکھنے والے فنکار الیکشن میں حصہ لے چکے ہیں جن میں قوی خان ،طارق عزیز ،کمال احمد ،عنایت حسین بھٹی ،مصطفی قریشی سمیت دیگرکئی فنکاروں نے انتخابات میں حصہ لیا تھا۔
اداکار شامل ہیں۔
وینا ملک نے خود کو سمارٹ بنانے کے لئے جم جوائن کر لیا
لاہور(شوبزڈیسک) اداکارہ وینا ملک نے خود کو سمارٹ بنانے کے لئے جم جوائن کر لیا۔ ذرائع کے مطابق اداکارہ وینا ملک کا شادی کے بعد وزن 23پونڈ کا اضافہ ہو گیا تھا مگر اب انہوں نے اپنی فٹنس کو بحال کرنے کے لئے جم جوائن کر لیا ہے۔ اس حوالے سے وینا ملک کا کہنا ہے کہ ماں بننے کے بعد میں نے خود پر توجہ نہیں دی اور اسی وجہ سے میرے وزن میں اضافہ ہو گیا اور اب میں نے اس کو کنٹرول کرنے کے لئے جم جوائن کر لیا ہے اور دو تین ماہ میں اپنا وزن 25پونڈ تک کم کرلوں گی۔
ما ہرہ کی ”سات دن محبت ان “نے 3کروڑ کما لیے
لاہور(شوبز ڈیسک)عید الفطر کے موقع پر ریلیز ہونے والی ماہرہ خان اورشہریار منور کی فلم ’سات دن
محبت ان‘ باقی تمام فلموں کو پیچھے چھوڑتے ہوئے کمائی میں سب سے آگے نکل گئی۔عید الفطر پر مقامی سینماو¿ں میں 4 پاکستانی فلموں کا میلہ سجا، جس میں ماہرہ خان اورشہریارمنورکی’سات دن محبت ان‘، جاوید شیخ، دانش تیمور کی ’وجود‘، معمر رانا، سونیا حسین کی ’آزادی‘ اور میکال ذوالفقار، علی کاظمی کی ’نا بینڈ ناباراتی‘ شامل تھیں تاہم شائقین کوجس فلم کا بے صبری سے انتظار تھا وہ ماہرہ خان کی فلم ’سات دن محبت ان‘ تھی۔جو مجموعی طور پر میدان جیتنے میں کامیاب رہی دوسرے نمبر پر معمر رانا کی آزادی‘ جبکہ تیسرے نمبر پر جاوید شیخ اور دانش تیمور کی وجود رہی چوتھے نمبر پر ہالی وڈ فلم ” جراسک ورلڈ“ کا بزنس رہا“ تاہم میکال ذوالفقار کی ” نا بینڈ نا باراتی“ کا بینڈ بج گیا
اور یہی حال پنجابی فلموں کا رہا ۔تاہم چھوٹے بجٹ کی فلموں کے حساب سے معمر رانا اور ماہی ساہی کی فلم ” مارکیٹ “ رہی ۔ماہرہ خان کی ” سات دن محبت ان“ کی ریلیزسے قبل ہی بھرپوراندازمیں تشہیرکی گئی تھی جب کہ فلم میں ماہرہ خان پہلی بارسنجیدہ کردارسے ہٹ کرمزاحیہ کردارادا کررہی تھیں یہی وجہ تھی ماہرہ خان کے مداح اس فلم کو دیکھنے کے لیے بے چین تھے۔عید کے دونوں دن ماہرہ خان کی فلم دیکھنے کے لیے شائقین نے بھرپوراندازمیں سینماو¿ں کارخ کیا جب کہ تھیٹرسے نکلنے کے بعد لوگ فلم کی تعریف کرتے نظر آئے۔ عید کے پہلے روزفلم نے 1
کروڑ 5 لاکھ کا بزنس کیا جب کہ دوسرے روز فلم پہلے روز کے مقابلے میں زیادہ بزنس کرنے میں کامیاب رہی اور2 کروڑ کی کمائی کرڈالی۔ اس طرح ریلیز کے دودنوں میں فلم مجموعی طورپر3 کروڑ5 لاکھ کا بزنس کرنے میں کامیاب ہوئی۔دوسری جانب اداکار معمر رانا اور سونیا حسین کی فلم ’آزادی‘ کوبھی لوگوں نے خوب پسند کیا ریلیز کے پہلے روز ’آزادی‘اور’سات دن محبت ان’کا بزنس ایک جیسا رہا فلم ’آزادی‘ نے پہلے روز 1 کروڑ5 لاکھ کا بز نس کیا لیکن دوسرے روزفلم کمائی کے مقابلے میں ’سات دن محبت ان‘ سے تھوڑی پیچھے ہی رہی۔ ریلیز کے دوسرے روز فلم نے 1کروڑ 45لاکھ روپے کمائے اس طرح مجموعی طور پر فلم دو دنوں کے اندر 2 کروڑ5 لاکھ کا بزنس کرسکی۔پاکستان کے لیجنڈ اداکارجاوید شیخ کی ہدایت کاری میں بننے والی فلم ’وجود‘میں اداکار دانش تیمور، سائدہ امتیاز اور بھارتی اداکارہ آدیتی سنگھ نے مرکزی کردار اداکیاتھا، تاہم فلم شائقین کو متاثر کرنے میں ناکام رہی۔ فلم نے عید کے پہلے روز صرف50 لاکھ کا بزنس کیا جب کہ دوسرے روز70 لاکھ کا بزنس کرسکی اس طرح مجموعی طور پر فلم 1 کروڑ 20 لاکھ روپے ہی کماسکی۔عید الفطر کے موقع پرپاکستانی فلموں کے مقابلے میں بھارتی فلموں پر تو پابندی عائد تھی تاہم ہالی ووڈ فلم’جراسک ورلڈ‘نمائش کے لیے پیش کی گئی۔ حیرت
انگیز طورپرعید کے پہلے روز ’جراسک ورلڈ‘ماہرہ خان کی فلم’سات دن محبت ان‘ سے پیچھے رہی اور صرف 1 کروڑ4 لاکھ کابزنس کرسکی تاہم دوسرے روز فلم اچھا بزنس کرنے میں کامیاب ہوئی اور2کروڑ5لاکھ کمالیے اس طرح فلم کا بزنس مجموعی طورپر 3 کروڑ45 لاکھ رہا۔
قومی ٹیم ماسٹر کبڈی کپ میں شرکت کیلئے آج دبئی روانہ ہوگی
اسلام آباد(سی پی پی)رکنی قومی کبڈی ٹیم ماسٹر کبڈی کپ میں شرکت کیلئے آج بدھ کو دبئی روانہ ہوگی۔ پاکستان کبڈی فیڈریشن کے سیکرٹری جنرل محمد سرور رانا کے مطابق قومی ٹیم کا دستہ 18 ارکان پر مشتمل ہوگا جس میں 14کھلاڑی اور 4 آفیشلز شامل ہیں ٹیم کی قیادت ناصر علی کریں گے۔ کوچنگ کے فرائض کرنل نبیل احمد، ٹیم منیجر کے رانا امجد علی اور ریفری کے بادشاہ گل انجام دیں گے۔ٹورنامنٹ میں 6 ممالک کی ٹیمیں حصہ لیں گی۔
جن کو دو گروپوں میں تقسیم کیا گیا ہے گروپ اے میں پاکستان کے ساتھ روایتی حریف بھارتاور کینیا کو رکھا گیا ہے جبکہ گروپ بی میں ایران،، جنوبی کوریا اور ارجنٹائن شامل ہیں۔ پاکستان روایتی حریف بھارت کے خلاف 22 جون کھیلے گا۔ یہ ٹورنامنٹ 30 جون تک جاری رہے گا۔
سرفراز ورلڈ کپ 2019تک ٹیم کے کپتان رہیں گے
لاہور(سی پی پی)پاکستان کرکٹ بورڈ کے چیئرمین نجم سیٹھی نے کہاہے کہ انگلینڈ کیخلاف ٹیسٹ سیریز برابر کرنا بڑی کامیابی ہے ،ہماری ٹیم نوجوان کھلاڑیوں پر مشتمل ہے اور سیکھنے کے مراحل سے گزر رہی ہے ،سر فراز احمد ورلڈکپ 2019 تک پاکستان ٹیم کے کپتان برقرار رہیں گے۔ ان خیالات کا اظہار انہوں نے ایک انٹر ویو کے دوران کیا۔ نجم سیٹھی نے کہاکہ آئرلینڈ کرکٹ بورڈ کی جانب سے ٹیسٹ میچ دیکھنے کی دعوت پر وہاں گئے تھے لیکن اس مرتبہ ٹیم کے ساتھ دورہ کچھ زیادہ طویل ہوگیا۔انہوں نے کہا کہ میں نے ہمیشہ کپتان سرفراز احمد کو سپورٹ کیا ہے ، سرفراز کے علاوہ ہماری ٹیم میں کوئی بھی کھلاڑی کپتانی کا اہل نظر نہیں آتا،،میرا پورا اعتماد سرفراز احمد پر ہی ہے۔ چیئرمین پی سی بی نے مزید کہا کہ کرکٹ گرانڈز کے بارے میں بھی پالیسی بنالی گئی ہے ،کرکٹ کمیٹی فیصلہ کرے گی کہ سٹیڈیم کی پچز پر کتنے میچز کھیلے جاسکتے ہیں، اگر پی سی بی کو گراﺅنڈ کی ضرورت ہے تو کسی کو بھی گراﺅنڈ نہیں ملے گا۔انہوں نے بتایا کہ پی ایس ایل فرنچائززکی مدد کرنے کے لیے تیار ہیں۔ انتخابات اور پھر نئی حکومت آنے کے بعد نجم سیٹھی چیئرمین برقرار رہیں گے ، اس سوال پر انہوں نے بتایا کہ میں نے اپنا کام پوری ایمانداری سے کیا ہے۔چیئرمین پی سی بی نے کہا کہ اعلی معیار کے ڈسپلن اور بہتر مستقبل کیلیے عزم کی بدولت ہم بہت جلد دنیا کی مضبوط ترین ٹیموں میں شمار ہوں گے، ابھی کئی خامیاں ہوں گی جنھیں وقت اور تجربے کیساتھ دور کر لیں گے، پاکستان کرکٹ درست سمت میں گامزن ہے۔
، میری کوششوں کا بالآخر اچھا نتیجہ سامنے آنے پر میڈیا میں تنقید بھی ختم ہوجائیگی۔نجم سیٹھی نے کہا کہ ہیڈ کوچ مکی آرتھر کے ساتھ معاہدہ ورلڈ کپ 2019 تک کا ہے۔ اس میں توسیع کا فیصلہ فریقین کو مل کر ہی کرنا ہوگا، میرے خیال میں غیرملکی کوچ بہترین کام کر رہے ہیں، معاون اسٹاف بھی اپنا کردار کر رہا ہے۔
قومی ٹیم انگلش سر زمین پر ورلڈ کپ جیت سکتی ہے
لندن (نیوزایجنسیاں)پاکستان کے سابق فاسٹ باﺅلر اور ہیڈ کوچ وقار یونس نے کہا ہے کہ پاکستان کرکٹ ٹیم کے 2019ءورلڈکپ جیتنے کی اچھی امیدیں موجود ہیں۔میڈیا سے گفتگو کرتے ہوئے وقار یونس نے کہا کہ انگلینڈ اینڈ ویلز میں کھیلا جانے والا ورلڈکپ 2019ءایک سخت ٹورنامنٹ ہو گا۔ انہوں نے کہا کہ ”ہوم کنڈیشنز میں انگلینڈ خطرناک ٹیم ہے اور گزشتہ کچھ ورلڈکپ میزبان ٹیم نے ہی جیتے ہیں لیکن دیگر ٹیمیں بھی بہترین تیاری کیساتھ ٹورنامنٹ کھیلنے آئیں گی۔“وقار یونس نے کہا کہ اگلے ورلڈکپ میں بہترین مقابلے دیکھنے کو ملیں گے جبکہ پاکستانی ٹیم سے متعلق گفتگو کرتے ہوئے وقار یونس نے کہا کہ گرین شرٹس نے انگلینڈ میں چیمپینز ٹرافی 2017ءجیتی اور اب وہ کنڈیشنز کے بارے میں جانتے ہیں اور یہ ظاہر بھی کر چکے ہیں کہ وہ ان کنڈیشنز میں بہترین کرکٹ کھیل سکتے ہیں۔وقار یونس نے کہا کہ ”پورے ملک کی جانب سے ٹیم پر دباﺅہو گا کیونکہ اس مرتبہ توقعات بہت زیادہ ہیں جبکہ انگلینڈ میں پاکستانیوں کی ایک بڑی تعداد مقیم ہے جو اپنی ٹیم کو سپورٹ کرنے کیلئے میدانوں کا رخ کرے گی۔ دباﺅہو گا لیکن لڑکے اس دباﺅ سے گھبرانے کے بجائے لطف اندوز ہوں گے۔
انگلینڈنے ون ڈے تاریخ کاسب سے بڑاٹوٹل بناڈالا ”
ناٹنگھم(نیوزایجنسیاں) انگلینڈ نے آسٹریلیا کے خلاف 481 رنز بناکر ون ڈے کرکٹ کا نیا ریکارڈ قائم کردیا۔یہ پہلا موقع ہے جب کسی بھی ٹیم نے ایک روزہ کرکٹ میں 450 کا ہندسہ عبور کیا۔انگلینڈ کی جانب سے ایلکس ہیلز نے 147 جبکہ جونی بیئرسٹو نے 139 رنز کی جارحانہ اننگز کھیلیں۔اس کے علاوہ جیس روئے 82 اور کپتان اوئن مارگن 67 رنز کے ساتھ نمایاں رہے۔آسٹریلوی بولرز انگلش بلے بازوں کے ہاتھوں بالکل بے بس نظر آئے۔ بولر انڈریو ٹائی نے 9 اوورز میں 100 رنز دیے جبکہ جھائی رچرڈسن نے اپنے مقررہ 10 اوورز میں 92 رنز دیے۔اس سے قبل انگلینڈ ہی کے پاس یہ ریکارڈ تھا جو اس نے 2016 میں پاکستان کے خلاف 444 رنز کی صورت میں بنایا تھا۔اس میچ میں بھی ایلکس ہیلز نے پاکستانی گیند بازوں کی جم کر پٹائی کی تھی اور 171 رنز کی شاندار اننگز کھیلنے میں کامیاب رہے تھے۔میچ میں وہاب ریاض نے اپنے مقررہ 10 اوورز میں 110 رنز دیے تھے۔
جاپان نے کو لمبیا کو ہرا کر اپ سیٹ کر دیا
سرانسک (نیوزایجنسیاں)فیفا ورلڈ کپ میں شریک ایشین سپر پاور ٹیم جاپان نے میگا ایونٹ میں فاتحانہ آغاز کیا ہےجبکہ سینی گال نے پولینڈکو حیران کن طورپر 2-1سے زیرکیا۔جاپان نے روس میں جاری فٹبال ورلڈ کپ میں اپنے پہلے میچ میں فیورٹ کولمبیا کو ایک کے مقابلے میں دو گولز سے شکست دے دی۔گروپ ایچ کے میچ میں جاپان اور کولمبیا مدمقابل آئے تاہم کھیل کے تیسرے ہی منٹ میں کولمبیا کو بڑا دھچکا اس وقت لگا جب ریفری نے جاپان کے کھلاڑی شنجی کاگاوا کا شاٹ اپنے ہاتھ سے روکنے پر کولمبیا کے اہم مڈفیلڈر کارلوس سینشز مورینو کو ریڈ کارڈ دکھا کر گراو¿نڈ سے باہر بھیج دیا گیا۔1986 ورلڈ کپ کے بعد یہ کسی کھلاڑی کو دکھایا جانے والا تیز ترین ریڈ کارڈ ہے جو کھیل کے تیسرے ہی منٹ میں دکھایا گیا۔ 1986 میں کھیل کے 54 ویں سیکنڈ میں یوروگوائے کے جوز البرٹو بتیستا کو ریڈ کارڈ دکھایا گیا تھا۔کارلوس سینشز کو ریڈ کارڈ دکھائے جانے کے بعد کولمبیا کو بقیہ پورا میچ 10 کھلاڑیوں کے ساتھ کھیلنا پڑا اور اس کا بھرپور فائدہ جاپان نے اٹھایا۔کارلوس سینشز کے ریڈ کارڈ کے عوض جاپان کو پینلٹی کک دی گئی جس پر جاپانی مڈفیلڈر شنجی کاگاوا نے گیند کو جال کی راہ دکھا کر اپنی ٹیم کو 0-1 کی برتری دلادی۔ یہ گول کھیل کے چھٹے منٹ میں ہوا۔ابتدائی طور پر دھچکا لگنے کے باوجود کولمبیا کے کھلاڑیوں نے ہمت نہیں ہاری سخت محنت جاری رکھی جس کا صلہ انہیں 39 ویں منٹ میں مل گیا جب مڈفیلڈر یوآن فرنینڈو کوئنٹیرو نے فری کک پر گول کرکے جاپان کی سبقت ختم کردی، ہاف ٹائم تک مقابلہ 1-1 سے برابر رہا۔کھیل کے 70 ویں منٹ میں جاپان نے مڈفیلڈر شنجی کاگاوا کی جگہ تجربہ کار کھلاڑی کیسوکے ہونڈا کو طلب کیا جنہوں نے 73 ویں منٹ میں اسٹرائیکر یویا اوساکو کو بہترین پاس دیا جسے انہوں نے گول میں تبدیل کرنے میں کوئی کوتاہی نہیں کی۔اس گول کے ساتھ جاپان کی برتری 1-2 ہوگئی جو میچ کے اختتام تک برقرار رہی اور جاپان یہ میچ جیت کر تین پوائنٹس کا حقدار ٹھہرا۔
پانی والا پائپ ہمسائے کو کیوں دیا ؟ ٹیکسلا میں سنگدل باپ نے بیٹی کو قتل کر دیا
ٹیکسلا(بیورورپورٹ)ٹیکسلا میں سنگدل باپ نے پڑوسیوں کو پانی کا پائپ دینے پر اپنی 12سالہ بیٹی کو طیش میں آ کر ڈنڈوں کے وار کر کے قتل کر دیا بچی کی چیخوں کی آوازیں سن کر اہل علاقہ اکٹھے ہو گئے اور واقعہ کی فوری طور پر ٹیکسلا پولیس کو اطلاع دی اطلاع ملتے ہی تھانہ ٹیکسلا کے ایس ایچ او یار محمد نفری کے ہمراہ موقع پر پہنچ آئے اور قاتل کو رنگے ہاتھوں گرفتار کر لیا اور تھانہ ٹیکسلا میں مقدمہ دررج کر کے تفتیش شروع کر دی دوسری طرف ٹیکسلا پولیس نے 12سالہ عائشہ مقتولہ کی نعش کو قبضے میں لے کر سول ہسپتال پہنچایا اور پوسٹمارٹم کے بعد ننھی عائشہ کی نعش جب گھر پہنچی تو کہرام مچ گیا ہر آنکھ اشکبار تھی تفصیلات کے مطابق گذشتہ روز تھانہ ٹیکسلا کے علاقہ پنڈ گوندل میں سنگدل باپ معروف شاہ نے اپنی ننھی منھی 12سالہ بیٹی عائشہ کو پڑوسیوں کو پانی کا پائپ دینے کی پاداش میں ڈنڈوں کے وار کر کے قتل کر دیا ننھی عائشہ اپنے سنگدل باپ کے سامنے ہاتھ جوڑ جوڑ کر مافیاں مانگتی رہی اور چیختی چلاتی رہی مگر بے رحم باپ نے ایک نہ سنی اور اپنی ننھی عائشہ کو ابدی نیند سلا دیا عائشہ کی آواز چیخوں کی آواز سن کر اہل علاقہ اکٹھے ہو گئے اور پولیس کو اطلاع دی تو ٹیکسلا پولیس کے ایس ایچ او یار محمد نے نفری کے ہمراہ موقع پر پہنچ کر قاتل معروف شاہ کو گرفتار کر لیا اور مودمہ درج کر کے تفتیش شروع کر دی ٹیکسلا پولیس کی بروقت کاروائی اور قاتل کی گرفتاری پر اہل محلہ نے ٹیکسلا پولیس زندہ باد کے نعرے بھی لگائے۔
حجرہ شاہ مقیم : وڈیروں کا 2 بھائیوں پر برہنہ کرکے تشدد ، پھندا ڈال کر گھسیٹتے رہے ، پیٹھ سے کھال اڈھیر ڈالی
حجرہ شاہ مقیم (نمائندگان خبریں) مزدوری سے انکار پر دو مزدور بھائیوںکو برہنہ کرکے تشدد کانشانہ بناڈالا، وڈیرے جسم کے نازک حصوں پر برف والے سوﺅں سے وارکرتے رہے ،پولیس نے موقع پرپہنچ کرہسپتال پہنچایا،ملزمان خواہ کتنے ہی بااثر کیوں نہ ہوں معاف نہیں کیاجائے گا،ڈی ایس پی سرکل انعام الحق چوہدری کی صحافیوں سے گفتگو ۔ تفصیلات کے مطابق حجر ہ شاہ مقیم کے نواحی گاﺅ ں موضع جیٹھ پور کے محنت کش دو حقیقی بھائیوں نے مقام زمیندار محمد اسلم چوہدری،حنیف چوہدری اور محمد دین وغیرہ کی زرعی زمینوں پر زبردستی کام کرنے سے انکار کردیاتو گاﺅں کے وڈیرے اسلم وغیرہ دس افراد نے گزشتہ روز صبح نوبجے کے قریب دونوں محنت کش بھائیوں ساجد علی اور شرافت علی پسران نور محمد چھینبہ کو انکے گھر سے اغوا کرلیااورانکے گلوں میں پھندے ڈال کربرہنہ کرکے گاﺅں کی گلیوں میں گھسیٹتے ہوئے انہیں اپنے ڈیرہ پرلے گئے جہاں لے جاکر ان کے ساتھ جانوروں سے بھی بدتر سلوک کیاگیا اوران پرسرعام برہنہ تشدد کچھ اس انداز میں کیاگیاکہ آہنی تاروں سے ان کی پیٹھ کی کھال اتار دی گئی جبکہ برف والے سوﺅں کے وار کرکے ان کے جسم کے نازک حصوں میں سوراخ کیے گئے ملزمان اتنے بااثر ہیں کہ گاﺅں میں سے کوئی بھی مظلوموں کو انکے چنگل سے آزاد کروانے نہ پہنچا۔ اسی دوران خفیہ اطلاع پاکر مقامی پولیس نفری موقع پرپہنچی جسے آتادیکھ کرملزمان فرارہوگئے پولیس نے محنت کشو ں کو تشویشناک حالت میں ہسپتال پہنچایاجنہیں تحصیل ہیڈ کوارٹر ہسپتال میں طبی امداد دی جارہی ہے دوسری طرف واقعہ کی اطلاع ملتے ہی ڈی ایس پی چوہدری انعام الحق نے مفرور ملزمان کی گرفتاری کیلئے پولیس پارٹی تشکیل دیکر ملزمان کی فوری گرفتاری کے احکامات جاری کردیئے۔ میڈیاسے گفتگوکرتے ہوئے ڈی ایس پی نے کہاملزمان خواہ کتنے ہی بااثر کیوں نہ ہوں انہیں قانون کی گرفت میں لایا جائے گا اورکیفرکردارتک پہنچاکردم لیں گے۔ دریں اثنا تشدد کانشانہ بننے والے محنت کشوں کی میڈیکو لیگل رپورٹ مرتب کی جارہی ہے ۔
