لاہور (مانیٹرنگ ڈیسک) سینئر تجزیہ نگار توصیف احمد خان نے کہا ہے کہ جانے والے وزیر اعظم شاہد خاقان عباسی نے لوڈشیڈنگ ختم کرنے کا دعویٰ کیا ہے ان کی حکومت کے آخری دن بجلی کا شارٹ فال پانچ ہزار پچاس میگاواٹ تھا۔ تجزیوں اور تبصروں پر مبنی چینل فائیو کے خصوصی پروگرام ”کالم نگار“ میں گفتگو کرتے ہوئے انہوں نے کہا کہ پنجاب حکومت 20 روپے میں شاہدرہ سے گھنٹہ تک بہترین ٹرانسپورٹ میٹرو بس کی صورت میں دی ہے مگر ذاتی ٹرانسپورٹ رکھنے پر ہم اس میں بیٹھنا اپنی توہین سمجھتے ہیں۔ انہوں نے کہا کہ نواز شریف کی مونچھ کا بال سردار ذوالفقار کھوسہ نے ن لیگ کو طلاق دے دی ہے۔ لغاری خاندان ن لیگ کے ساتھ تھیں جسکی وجہ سے کھوسے انہیں چھوڑ گئے۔ سیاست میں وفاداریاں مستقل نہیں ہوتیں کبھی جاوید ہاشمی بھی نواز شریف کے لیڈر تھے اور وہ انکی گاڑی چلانا باعث فخر محسوس کرتے تھے۔ انہوں نے کہا کہ 2000ءسے قبل کسی اسمبلی نے اپنی مدت پوری نہیں کی۔ عدالتی فیصلوں کے حوالے سے انہوں نے کہا کہ عدالتوں میں کیسز کے فیصلوں میں تاخیر کا سوال توہین عدالت نہیں ہے۔ خواجہ آصف کو سیاست سے نکال باہر کرنے کی بات پھانسی کے مترادف تھی۔ لارڈز ٹیسٹ کے حوالے سے انہوں نے کہا کہ پاکستانی ٹیم انہونی کرنے کی عادی ہے۔ خدا کرے ٹیم کی بیٹنگ سنبھل جائے اور ہم لارڈز ٹیسٹ جیت جائیں۔ پروگرام میں گفتگو کرتے ہوئے تجزیہ نگار مریم ارشد نے کہا کہ میٹرو اور اورنج لائن منصوبوں کی وجہ سے قدیم اثاثے خطرے کا شکار ہیں حکومتیں تہذیب کے درپے ہوتی چلی جا رہی ہیں کہا جاتا رہا ہے کہ شالا مار باغ کوئی نہیں جاتا اس لیے وہاں یونیورسٹی بنا دی جائے۔ اوپر میٹرو چل رہی ہے اور نیچے بھوک وننگ ہے۔ سیاستدانوں کی ناک لوہے کی بنی ہوئی ہے عزت نفس نہیں ہے۔ شہباز شریف کا لوڈشیڈنگ کے حوالے سے بیان سن کر افسوس ہوا وہ جیسے دکاندار کی طرح کہہ رہے تھے کہ اب میرا مال خراب نکلا تو میں ذمہ دار نہیں ہونگا اپنے کاموں کی وجہ سے شہرت پانے والے شہباز شریف نے اہم کاموں کی درجہ بندی نہیں کی۔ ذاتی دوستیاں ختم ہونگی تو جمہوریت مضبوط ہو گی حکومت کے خاتمے پر عوام یوم نجات منا رہے ہیں ۔ ہمارے ملک میں کرکٹ نے سب کو متحد کر رکھا ہے سیاست میں تو ایک نگران کے نام پر متحد نہیں ہو پا رہے۔ سینئر تجزیہ نگار امجد وڑائچ کا کہنا تھا کہ حکومت نے جاتے ہوئے ایک ہزار ارب کا سرکلز نگران حکومت کے گلے ڈال دیا ہے۔ چیلنج کرتا ہوں کہ نندی پور، بہاولپور، حویلی بہادر آباد بھکی اور ساہیوال کا کوئی پاور پراجیکٹ اپنی صلاحیت کے مطابق بجلی پیدا نہیں کر رہا عوام لوڈشیڈنگ کے ستائے ہوئے ہیں انہوں نے سیاسی حوالے سے گفتگو کرتے ہوئے کہا کہ سردار ذوالفقار کھوسہ اور نواز شریف کے درمیان 5 سال قبل طلاق ہو چکی ہے۔ اب حلالہ ضروری ہے تاہم امید ہے ملک میں جمہوری اسمبلیوں کی مدت پوری ہوتی رہنے سے سیاسی نظام بہتر ہو جائے گا اور ادارے مضبوط ہونگے ۔ انہوں نے بتایا کہ اب سیالکوٹ کے حلقے سے الیکشن میں خواجہ آصف اور عثمان ڈار آمنے سامنے ہونگے۔ پروگرام میں مہمان تجزیہ نگار امجد اقبال کا کہنا تھا کہ موجودہ حکومت میں سرکلر ایسٹ 478 ارب سے 940 ارب تک جا پہنچا ہے جو نگران حکومت ادا نہیں کر سکتی۔ سرکلز ڈیبٹ آئی بی سے بجلی خریدی جاتی ہے انکی وجہ سے بڑھنا ہے بجلی کے نئے منصوبے لگنے کے باوجود مکمل صلاحیت کے مطابق بجلی پیدا نہیں ہو رہی۔ لوڈشیڈنگ کا مسئلہ نہ گزشتہ حکومتوں نے حل کیا نہ اب ہوا ہے۔ انہوں نے بتایا کہ سردار ذوالفقار کھوسہ کے ن لیگ کے ساتھ اختلافات ان کے بیٹے دوست محمد کھوسہ کے اداکارہ ساتھ کیس پر خراب ہوئے۔ اب تحریک انصاف آیا ایک دو سیٹوں پر سردار ذوالفقار کھوسہ کے ساتھ اچھی پوزیشن حاصل کرے گی۔ تاہم ملک میں ہم اسمبلی کی مدت پوری ہونے پر نہیں حکومت سے نجات پر خوشی مناتے ہیں۔ انکا مزید کہنا تھا کہ میٹرو منصوبہ ان کیلئے فائدہ مند ہے جن کے پاس ذاتی سواری نہں ۔ جین مندر میٹرو کی وجہ سے نہیں بہت پہلے توڑا جا چکا ہے۔ پنجاب اسمبلی میں قانون موجود ہے کہ کسی سڑک ادارے اور مال روڈ کی بلڈنگز کا سٹرکچر اور نام کوئی تبدیل نہیں کر سکتا۔

سرگودھا(محمدکامران ملک سے) تھانہ جھال چکیاں پولیس کا مزدوری کیلئے سعودی عرب گئے شخص کے گھر پر آدھی رات کو حملہ ‘چادرچار دیواری کا تقدس پامال ‘گیٹ توڑ کر اندر داخل ‘سامان کی توڑ پھوڑ ‘گاڑی کی فروخت سے ملنے والی رقم مبلغ14لاکھ روپے بھی ساتھ لے گئے ۔خاتون کو گرفتار کرکے تھانہ لیجاکر حبس بیجا میں قید کردیا ‘36گھنٹے بعد معاملات طے پانے کے بعد خاتون کو رہا کرنے کے بدلے اس کے بھائی کو چرس کے مقدمہ میں بے گناہ چالان کر دیا ‘9لاکھ روپے ہڑپ ‘5لاکھ واپس ‘چیف جسٹس آف پاکستان ‘آئی جی پنجاب ‘آر پی او اور ڈی پی او سے فوری نوٹس لینے کامطا لبہ۔ تفصیلات کے مطابق تھانہ جھال چکیاں کے اے ایس آئی اعجاز نتھوکہ نے 28/29مئی کی درمیانی رات کو ایک بجے کے قریب چک71شمالی میں راجہ نذیر کے گھر پر چھاپہ مارا جو کہ مزدوری کیلئے سعودی عرب میں مقیم ہے پولیس گیٹ کے تالے توڑ کر اندر داخل ہوگئی اور گھر کی تلاشی کے دوران سامان کی توڑ پھوڑ شروع کر دی لیکن انہیں کوئی بھی ممنوعہ چیز نہ مل سکی البتہ گاڑی کی فروخت سے حاصل ہونے والی رقم 14لاکھ جو گھر میں پڑی تھی وہ اٹھالی اور اپنی اس غیر قانونی حرکت کو تحفظ دینے اور بوگس کارروائی کیلئے راجہ نذیر کی اہلیہ پروین بی بی کو اپنے ساتھ تھانہ جھال چکیاں لیجاکر ایک کمرے میں بند کر دیا جبکہ پروین بی بی کے ورثاءکے رابطہ کرنے پر معاملات طے پاگئے جس کے نتیجہ میں پروین بی بی کو رہا کرنے کے عوض اس کے سگے بھائی راجہ غلام حسنین‘کو 480گرام چرس ڈال کر چالان کرنے کا معاملہ طے پایا اور 14لاکھ کی رقم میں سے 5لاکھ کی رقم واپس ہوئی اور 9لاکھ روپے کی ر قم ہڑپ کرلی گئی اس سلسلہ میں جب اے ایس آئی اعجاز نتھوکہ کا موقف لینے کیلئے ان کے موبائل فون پر رابطہ کیا گیا تو موصوف نے کہا کہ ریڈ ایس ایچ او انسپکٹر ثقلین شاہ نے کیا ہے اور مجھے تو مقدمہ کا استغاثہ دینے کیلئے کہا گیا مجھے نہ تو ریڈ کا علم ہے اور نہ میں 14لاکھ روپے کے بارے میں کچھ جانتا ہوں ۔

لاہور(مانیٹرنگ ڈیسک)جب نیکی کی نیت کریں اللہ تعالیٰ خود بخود انسان کے لئے ہدایت کے راستے کھول دیتے ہیں ، چینل ۵ کے پروگرام ”مرحبا رمضان “ سے مسرت مصباح نے گفتگو کرتے ہوئے کہا کہ میں ہمیشہ اللہ تعالیٰ کا سجدے میں شکر اداکرتی ہوں کہ اس ذات نے مجھے اپنی مخلوق کی خدمت کیلئے چنا، 2003میں ایک لڑکی نے میری سوچ و فکر بدلی، اور وہ میری پہلی متاثرہ کسٹمر تھی، 766سے زیادہ تیزاب سے متاثرہ لڑکیوں کا علاج کیا گیا ہے، اسلام نے خواتین کو بہت سے حقوق سے نوازا ہے لیکن معاشرہ انکے حقوق پورے نہیں کرتا، والدین کا بچوں صرف قرآن پاک پڑھانا نہیں ضروری نہیں بلکہ اسے سمجھانا بھی فرض ہے ، شعور کی کمی نے ان واقعات میں اضافہ کردیاہے، تعلیم کے ساتھ ساتھ تربیت بھی اہم پہلو ہے ، درحقیقت مذہب سے دوری نے انسانوں کو حیوان بنادیاہے ، کچھ ایسے واقعات بھی دیکھے جن سے روح کانپ اٹھتی ہے ، اور مدد کرنے پر ہماری ٹیم کو دھمکیاں دی جاتی ہیں، خصوصی طور پر سسرال والوں کی جانب سے ایسا رویہ دیکھا گیا ہے، ہمارا مقصد متاثرہ اور معصوم بچیوں کی مدد کرنا ہے ، اسلئے قانونی کارروائی میں نہیں پڑتے ، 2011میں تیزاب گردی کرنےوالے شخص کو 7سال کی سزا مقرر کی گئی تھی ، لیکن سزا میں تاخیر کے باعث متاثرہ کے گھر والے ہمت ہار جاتے ہیں، انہوں نے حکومت کو پیغام دیتے ہوئے کہا کہ مجھے تمغے اور شاباش نہیں چاہئے بلکہ مجرموں کو پکڑ کر سزا دی جائے تاکہ عورت کو معاشرے میں عزت و احترام اور حقوق مل سکیں، علامہ سید ضیاءاللہ شاہ بخاری نے بتایا کہ اسلام نے خواتین کے حقوق کو قرآن مجید میں تفصیل سے بیان کیا ہے ، اسلام نے عورت کو بہت بلند رتبہ عطا کیا ہے ، رسول اکرم خود اپنی بیٹی کے احترام میں کھڑے ہوجاتے تھے ، اس سے زیادہ بیٹی کی اہمیت کی مثال نہیں ملتی ، پہلے زمانہ جاہلیت میں بیٹی و زندہ درگور کردیاجاتا تھا اور اب تیزاب سے جلا دیا جاتا ہے ، ایک بیوی کی سسرال کی خدمت کرنا ، صفائی ستھرائی ، خاوند کے ہرکام کا خیال رکھنا شریعت اور دین کے مطابق ذمہ داری نہیں ہے ۔ اللہ پاک نے پہلے عورت کے حقوق فرمائے ہیں پھر فرائض کا حکم دیا ہے ، عزت و احترام انکا پہلا حق ہے ، حضرت آدم ؑ کی بیوی اماں حوا ؑ کو آدم ؑ کے جسم سے پیدا کرکے بتایا کہ یہ تمہارا حصہ ہے، اسکو کم تر نہ جانو، اللہ تعالیٰ نے خواتین کے حقوق مرد سے تین گناہ زیادہ فرمائے ہیں، نبی کریم نے فرمایا جو شخص دو بیٹیوں کی اچھی پرورش کرکے بیاہ دیتا ہے اسکے اور میرے درمیان دو انگلیوں کا فاصلہ ہوگا، بیٹی اللہ پاک کی رحمت ہے اور اسکی پیدائش سے گھر میں سکون، کاروبار میں برکت اور باپ کی عزت کا سبب ہوتی ہے ، بیوی کے ساتھ حسن سلوک کے بارے میں فرمایا ” تم میں بہترین انسان وہ ہے جو اپنی بیوی کے ساتھ بہترین ہے “ حضرت عائشہ ؓ نے فرمایا نبی اکرم اکثر گھر کے کاموں میں بھی میرا ہاتھ بٹاتے ۔

اسلام آباد (مانیٹرنگ ڈیسک) پاکستان میں ٹریفک سگنلز تو موجود ہیں مگر ان ٹریفک قوانین کی پابندی نہیں کی جاتی۔ ٹریفک قوانین پر پابندی کروانا کس کا فرض ہے؟ اس حوالے سے چینل فائیو کے پروگرام ”ہاٹ لنچ“ میں ملک میں ٹریفک قوانین اور اس میں حائل مسائل عوام کے سامنے لائے گئے۔ ٹریفک وارڈنز موجودگی کے باوجود بے ھنگم ٹریفک کو کنٹرول کرنے میں ناکام نظر آتے ہیں۔ لوڈشیڈنگ و دیگر وجوہات کی بنا پر بڑی شاہراﺅں پر ٹریفک سگنل بند کر دیے جاتے ہیں جسکے باعث اکثر ٹریفک پھنسی دکھائی دیتی ہے اور منٹوں کا سفر گھنٹوں کی صورت اختیار کرجاتا ہے۔ ٹریفک پولیس کیساتھ عام شہریوں کی بھی ذمہ داری ہے کہ ٹریفک قوانین پر عمل کریں اور اشاروں کو سائن بورڈز کو فالوں کریں۔ تاکہ ٹریفک پھنسنے کیساتھ حادثات سے بھی بچا جا سکے۔ شہروں میں ٹریفک کا نظام درہم برہم ہونے پر عوامی شکایات منظر عام پر ہیں۔ جس پر مختلف شہروں سے نمائندہ چینل فائیو نے صورتحال سے آگاہ کیا۔ اس سے قبل میئرلاہور کرنل (ر) مبشر نے ٹریفک قوانین کی خلاف ورزی کے حوالے سے ہر قدم میں ٹیلی فونک گفتگو کرتے ہوئے کہا کہ ٹریفک کے قواعدوضوابط ہیں اور سڑکوں پر سگنل بھی موجود ہیں۔ ٹریفک پولیس کیساتھ میں گزشتہ دنوں عوامی آگاہی مہم کا حصہ رہا ہوں اور احتیاطی تدابیر سے عوام کو آگاہی دیتا رہا ہوں۔ انہوں نے کہا کہ اسوقت اورنج ٹرین کیوجہ سے ٹریفک کے مسائل کا سامنا کرنا پڑا ہے۔ مگر یہی اورنج لائن عوام کی سہولت بنے گی۔ ضروری نہیں ہراشارے کے نیچے چار پولیس والے کھڑے ہوں۔ باشعور شہریوں کا کام ہے کہ ٹریفک سگنلز کی پابندی کریں۔ موٹر سائیکل اور رکشہ اپنی سائیڈ پر چلائیں عوامی آگاہی سے مسائل خود حل ہوجائینگے، انہوں نے کہ وی آئی پیز اور وی وی آئی پیز پروٹوکول کے لیے دو سے چار منٹ سے زیادہ ٹریفک کو بلاک نہیں کیا جاتا۔ میچز اور بیرون ملک سے خاص شخصیات کی آمد پر روٹس کو زیروکلیئرنس دینا پڑتی ہے اور ٹریفک کو 20سے 25 منٹ بلاک رکھا جاتا ہے۔ اگر فارن ٹیمز کو سکیورٹی نہ دکھائی جائے تو وہ نہیں آئینگے۔ دہشتگردی پر قابو پانے کے باوجود ایکسٹرا سکیورٹی دی جاتی ہے کہ وہ اعتماد کیساتھ آئیں اور پاکستان میں کرکٹ کھیلیں۔ پر قدام میں قصور سے ٹریفک کی صورتحال بتاتے ہوئے نمائندہ چینل فائیو سجاد انصاری نے کہا کہ قصور میں ٹریفک بلاک رہنا معمول بن چکا ہے۔ ماڈل سٹی بنائے جانے کے باجود ایک ٹریفک سگنل موجود نہیں۔ جسکے باعث بڑی شاہراﺅں پر ٹریفک بلاک رہتی ہے۔ٹریفک وارڈنر رکشوں اور موٹر سائیکلوں کے چالان کرتے ضرور نظر آتے ہیں مگر بلاک ٹریفک کی بحالی کے لیے اہلکاروں کو کام کرتے نہیں دیکھا گیا۔ مین چوک، ریلوے روڈ اور للیانی اڈہ چوک پر ٹریفک ناجائز تجاوزات کے باعث اکثر بند رہتی ہے۔ مگر انتظامیہ کیطرف سے توجہ نہیں دی جا رہی۔ سکھر سے نمائندہ چینل فائیو محمد ندیم نے بتایا کہ سکھر میں جگہ جگہ ٹوٹے ہوئے سگنلز اور بیئریر لگاکر ٹریفک بلاک کی جاتی ہے مگر پولیس یا ٹریفک پولیس کی جانب سے ٹریفک بنج کرنیوالا کوئی اہلکار موجود نہیں۔ ٹریفک جام کے وقت سکول کے بچوں اور رش کے باعث شدید حادثات ہوتے ہیں۔ سکھر کی عوام کا کہنا ہے کہ سندھ حکومت کا نعرہ ہے ”جیے بھٹو اور مرے عوام“۔