ممبئی(شوبزڈیسک) بالی وڈ اداکارہ عالیہ بھٹ ہدایتکار اشوینے آئر تیواری کی نئی کامیڈی فلم میں جلوہ گر ہوں گی۔ بھارتی میڈیا کے مطابق اداکارہ عالیہ بھٹ ہدایتکار اشوینے ایئر تیواری کی نئی کامیڈی فلم میں جلوہ گر ہوں گی، جس کی عکسبندی آئندہ سال شروع کی جائے گی۔ اداکارہ عالیہ بھٹ فلم ”گلی بوائے “ اور ”براہمسترا “ میں دکھائی دیں گی۔

لاہور(شوبزڈیسک) اداکار حمزہ علی عباسی عمران خان کی سابق اہلیہ ریحام خان کی کتاب کے بارے میں چند انکشافات سامنے لے آئے جس میں انہوں نے کہا کہ کتاب کے متن سے لگتا ہے کہ ریحام پرہیز گار اور تہجد گزار خاتون ہیں اور عمران خان دنیا کے سب سے بڑے شیطان ہیں.تفصیلات کے مطابق معروف اداکار اور پی ٹی آئی کے رہنما حمزہ علی عباسی نے ٹویٹر پر جاری پیغام میں کہا کہ بدقسمتی سے ریحام خان کی کتاب کے حوالے سے ان کی لکھی ہوئی ایک تحریر پڑھنے کا تجربہ ہواہے۔ جس کا خلاصہ یہ ہے کہ کتاب میں عمران خان کو شیطان قرار دیا گیاہے جبکہ ریحام خان نے خود کو تہجد گزار خاتون اورشہبازشریف کو حیرت انگیز اور بہترین شخصیت کے مالک قرار دیا ہے۔

ممبئی(شوبز ڈیسک) بالی وڈ فلم ”سندیپ اور پنکی فرار“ آئندہ سال یکم مارچ کو ریلیزکی جائے گی۔ بھارتی میڈیا کے مطابق یش راج فلمز کے بینر تلے بننے والی فلم ”سندیپ اور پنکی فرار“ اس سے قبل آئندہ سال 3 اگست کو ریلیز کی جانی تھی لیکن اب فلم کی ریلیز کی تاریخ پیچھے کر دی گئی ہے اور اب یہ فلم یکم مارچ کو ریلیزکی جائے گی، فلم میں اداکار ارجن کپور اور پرینیتی چوپڑا مرکزی کردار ادا کر رہے ہیں۔

لاہور (شوبزڈیسک) ماڈل واداکارہ ایمان علی نے کہا ہے کہ پاکستانی فلموں کی کامیابی نے نئے اداکاروں کیلئے کام کی نئی راہیں کھول دیں، اچھے نتائج کیلئے محنت کرنا ضروری ہوتی ہے ۔اپنے اےک انٹر وےو مےں اےمان علی نے کہا کہ فلم ہویا ٹی وی ہر جگہ کچھ ہٹ کرکرنے کی کوشش کرتی ہوںجس کےلئے فوکس اسکرپٹ اور اپنا کردار ہوتاہے‘ اگر کردار پسند آجائے تو تبھی ہی ہاں کرتی ہوں فن ایک سمندر کی طرح ہیں جہاں روزانہ آپ کچھ نہ کچھ سیکھ رہے ہوتے ہیں ۔ٹی وی ڈرامہ ہو یا فلم عوام تفریح حاصل کرنا چاہتے ہیں۔ ویسے تو ہر موضوع پر فلم اور ٹی وی ڈرامہ بننا چاہیے مگر فلمیں زیادہ تر ہلکے پھلکے کامیڈی اور میوزیکل موضوعات پر ہی ہوں ۔

ممبئی (شوبزڈیسک) بالی وڈ اداکار شلپا شیٹھی کے انسٹاگرام پر مداحوں کی تعداد 60 لاکھ ہو گئی۔ بھارتی ذرائع ابلاغ کے مطابق اداکارہ شلپا شیٹھی نے انسٹاگرام پر مداحوں کی تعداد 6ملین ہونے کی خوشی میں وڈیو شیئر کرتے ہوئے کہا ہے کہ میری سالگرہ کا تحفہ مجھیانسٹاگرام پر مداحوں کی تعداد 60لاکھ ہونے کی صورت میں بہت ہی جلدی مل گیاہے، میری لئے بہت زیادہ محبت، حوصلہ افزائی، تعریف اور جوش و ولولے کے لئے آپکی دل کی گہرائیوں سے شکرگزار ہوں۔، مجھے امید ہے میں آگے بھی آپ کی امیدوں پر پورا اتروں گی۔وڈیو میں شلپا شیٹھی کرکٹ کھیل رہی ہیں اور انہوں نے چھکا لگایا ہے جبکہ ان کے بیٹے ویان وکٹ کیپر بنے ہوئے ہیں۔ واضح رہے کہ شلپا شیٹھی کندرا کی سالگرہ 6جون کو منائی جائے گی۔

ممبئی (شوبزڈیسک)فلم ”زیرو “ کے آخری شیڈول کی عکسبندی امریکی خلائی ادارے ناسا میں کی جائے گی۔ بھارتی میڈیا رپورٹ کے مطابق اداکار شاہ رخ خان، انوشکا شرما اور آر مادھاون ان دنوں امریکا میں فلم ”زیرو“ کے 45روز پر مشتمل آخری شیڈول کی عکسبندی میں مصروف ہیں اس دوران وہ ناسا میں بھی عکسبندی کریں گے۔ ہدایتکار آنند ایل رائے کی فلم ”زیرو “میں اداکار شاہ رخ خان، انوشکا شرما اور کترینہ کیف مرکزی کردار جبکہ اداکارہ کاجول، سلمان خان، سری دیوی، رانی مکھرجی، کرشمہ کپور اور عالیہ بھٹ بطور مہمان اداکار شرکت کریں گے، فلم 21دسمبر کو ریلیزکی جائے گی۔

ممبئی(شوبزڈیسک)بالی وڈ اسٹار سلمان خان کی نئی فلم ریس 3 ریلیز سے پہلے ہی 100 کروڑ بھارتی روپے کمانے میں کامیاب ہوچکی ہے۔۔بھارتی میڈیا کے مطابق اس فلم کا بجٹ 120 کروڑ روپے ہے اور اس کے سیٹلائٹ حقوق ممکنہ طور پر 100 کروڑ روپے میں فروخت ہوچکے ہیں ۔اس طرح یہ فلم کی ریلیز سے قبل ہی 85 فیصد بجٹ ریکور کرچکی ہے۔ٹریڈ ایکسپرٹ اور فلم سازوں کے مطابق بڑے سٹارز جیسے شاہ رخ خان،، عامر خان، سلمان خان اور اکشے کمار وغیرہ کی فلموں کے سیٹلائٹ رائٹس ان اسٹارز کے نام کے باعث بہت بھاری رقم کے عوض فروخت کیے جاتے ہیں۔ریس 3 کے پروڈیوسیر رمیش تورانی نے سیٹلائٹ رائٹس کی رقم بتانے سے گریز کرتے ہوئے کہا کہ بڑے بجٹ کی فلمیں جیسے ریس تھری کے سیٹلائٹ اور ڈیجیٹل رائٹس بہت مہنگے داموں فروخت ہوتے ہیں۔

لاہور (شوبزڈیسک) رومانٹک کامیڈی فلم ”نہ بینڈ، نہ باراتی“ کا پہلا ٹریلر جاری کردیا گیا۔عید الفطر پر پاکستانی فلموں کے دَنگل میں ایک اور فلم شامل، ہدایت کار محمود اختر کی فلم’ نہ بینڈ، نہ باراتی‘ اب عید الفطر پر پاکستان کے سنیما گھروں کی زینت بنے گی۔فلم کی شوٹنگ نہ صرف پاکستان بلکہ کینیڈا کے مختلف مقامات پر کی گئی ہے جبکہ اس میں راحت فتح علی خان اور امانت علی خان جیسے گلوکاروں نے اپنی آواز کا جادو جگایا ہے۔ فلم کی کاسٹ میں سینئر اور جونیئر فن کاروں کا خوبصورت امتزاج دیکھنے کو ملے گا۔ فلم میں ایک جانب نئی نسل کے پسندیدہ ہیرو میکال ذوالفقار جلوے بکھیر رہے ہوں گے تو دوسری جانب امریکی نژاد پاکستان ہیرو شایان خان فن کا جادو جگائیں گے۔

لاہور ( شوبزڈیسک) پاکستانی فلم انڈسٹری کے معروف مزاحیہ اداکار ننھا کی 32ویں برسی چپ چاپ گزر گئی ۔ ننھا کا اصل نام رفیع خاور تھا اور وہ 1942ءمیں ساہیوال میں پیدا ہوئے۔انہوں نے کمال احمد رضوی کے پہلے ڈرامہ سیریل ”آ نوکری کریں“سے فنی زندگی کا آغاز کیا پھرڈرامہ سیریز ”الف نون“سے ان کی شہرت کا آغاز ہوا۔ کیریئر کا آغاز 1966ءمیں فلم ”وطن کا سپاہی“سے کیا ۔ فلم ”دبئی چلو“نے ننھا کو شہرت کی بلندیوں تک پہنچا دیا۔ یادگار فلموں میں سوہرا تے جوائی، سالا صاحب، نوکر تے مالک، نمک حلال، تیری میری اک مرضی، مہندی اور دیگر قابل ذکر ہیں۔ننھا کی ٹائٹل رول پر مشتمل فلم ”سالا صاحب“ لاہور میں 300 ہفتے تک زیرِ نمائش رہی جو کہ ایک ریکارڈ ہے۔ننھا کی فلمی ہیروئن میں ممتاز، انجمن، مسرت شاہین، رانی، دردانہ رحمان اور نازلی پسند کی جاتی تھیں۔ننھا نازلی کے عشق میں مبتلا ہو کر سنجیدہ ہوچکے تھے لیکن نازلی کی جانب سے بے وفائی پر ننھا نے موت کو گلے لگا لیا۔
انہوں نے زندگی بھر مسکراہٹیں بانٹیں جبکہ اپنی زندگی کا ڈراپ سین انتہائی پردرد تھا۔