لاہور (تجزیہ نگار) آج کے دن تک دو صوبوں میں تحریک انصاف کا عمل دخل ہے ایک صوبے میں وہ حکمران اوردوسرے میں اپوزیشن ہے۔ صوبہ خیبرپختونخوا میں اس کی حکومت ہے جبکہ صوبہ پنجاب میں وہ اپوزیشن کی قیادت کررہی ہے۔ کے پی کے میں جناب پرویز خٹک معاملات کے نگران جبکہ پنجاب میں میاں محمودالرشید کا عمل دخل ہے۔ ان دونوں صوبوں میں نگران حکومتوں کے قیام کیلئے انہیں کردار ادا کرنا تھا اور کرنا ہے لیکن دونوں میں اس جماعت نے جو کچھ کیا اس سے ظاہر ہی نہیں ثابت ہوگیا کہ اس جماعت میں ابھی تک سیاسی بالغ نظری کا شدید فقدان ہے۔ ن لیگ والے ان پر یوٹرن کا جو الزام عائد کیا کرتے تھے اور کرتے ہیں وہ انہوں نے سچ ثابت کردکھایا ہے۔ اس معاملے میں مذکورہ دونوں ہستیاں ہی نہیں ان کی پارٹی کے سربراہ یعنی عمران خان بھی برابر کے ذمہ دار ہیں۔ ہوسکتا کہ دونوں صوبوں میں نگران وزیراعلیٰ کے تقرر کا معاملہ ان کی مرضی اور مشاورت کے بغیر طے کیا گیا ہو اور پھر واپسی بھی ان کی رضا کے بغیر ہوئی ہو۔ اس کا سب سے بڑا ثبوت یہ ہے کہ کے پی کے میں جس شخص کو نگران وزارت اعلیٰ کا ہار ڈالا گیا وہاں کے وزیراعلیٰ اسے لے کر فوراً عمران خان کے پاس چلے گئے۔ مقصد سلام کرانا ہوگا۔ یہ بجائے خود ایک حماقت جس سے یہی تاثر ملا کہ نامزد نگران وزیراعلیٰ کسی حوالے سے بھی غیرجانبدار شخصیت نہیں بلکہ پی ٹی آئی کا اپنا آدمی ہے کچھ حلقے تو باقاعدہ الزام لگاتے رہے۔ خصوصاً سوشل میڈیا پر پچاس کروڑ بلکہ اس سے بھی زائد مسودے کی باتیں ہوتی رہیں۔ہمیں نہیں معلوم اور اہم نہیں سمجھتے کہ اس میں کوئی حقیقت ہوسکتی ہے لیکن جس طرح کا طرز عمل اختیار کیا گیا اس سے اس قسم کے تاثر کو تقویت ضرور ملی۔ تاہم بعد میں پی ٹی آئی نے یہ فیصلہ واپس لے لیا اور نامزد وزیراعلیٰ نہاتے دھوئے ہی رہ گئے۔ ان کی واپسی کی وجہ یہ تو نہیں ہوسکتی کہ سودا نہیں ہوا بلکہ یہاں بھی سیاسی کو تاہ نظری آڑے آئی ہوگی۔ لوگوں کی طرف سے کڑی تنقید کی بنیاد بھی یہی تھی۔ ابھی اس معاملے کی گرد بیٹھ ہی رہی تھی کہ پی ٹی آئی کے بلے سے ایک دوسرا چھکا پڑگیا۔ پنجاب میں جس نااپر میاں محمودالرشید کی میاں شہبازشریف کے ساتھ ملاقات میں جس شخصیت پر اتفاق ہوا تھا اور اس کا باقاعدہ اعلان بھی نہیں کردیا گیا دو روز تک یہ نام چلتا رہا اور ناصر کھوسہ ڈھیڑ ساری مبارکبادیں بھی قبول کرچکے ہونگے کہ میاں محمودالرشید یہاں بھی یوٹرن لے لیا۔ دو دن گزرنے کے بعد ان کی طرف سے جو اعلان کیا گیا وہ ان کے بچگانہ پن اور ناپختہ سیاسی سوچ اور شعور کا مظہر ہے۔ ایک تو انہوں نے ناصر کھوسہ کا نام واپس لینے کا اعلان کردیا اور ساتھ ہی یہ بھی بتادیا کہ وہ کتنے پانی میں ہیں۔ اعلان کی وجہ یہ بتائی گی عمران سے جلد بازی میں غلطی ہوگئی اور غلط فہمی میں یہ فیصلہ کرلیا گیا۔ جس پر عوام کی طرف سے کڑی تنقید ہوئی۔ تنقید تو آخر ہونا ہی تھی۔ تحریک انصاف کے کارکنوں پر یہ نام پر کیا بیتی ہوگی۔ اس سے تو بہتر تھا آپ نگران وزارت اعلیٰ کیلئے بھی میاں شہبازشریف یا ان کے صاحبزادے حمزہ شہباز کا نام ہی تجویز کردیتے کیونکہ کہا یہی جارہا ہے کہ ناصر کھوسہ بھی تو ایک طرح سے ان کے اپنے ہی آدمی ہیں۔ ہمیں نہیں معلوم اس کی آئینی اور قانونی پوزیشن کیا ہے لیکن جہاں تک ہم سمجھ سکے ہیں وہ یہی ہے کہ اب نام کی واپسی باہمی رضامندی کے ساتھ ہی ہوسکتی ہے۔ ورنہ تو تیر کمان سے نکل چکا ہے اور یہ پیپلزپارٹی والا تیر ہرگز نہیں بلکہ حقیقی تیر ہے انتخابات کی بالکل ابتدا میں ہی اس کے بنیادی فیصلوں میں اختیار کئے گئے۔ احمقانہ طرز عمل سے محسوس ہوتا ہے کہ پی ٹی آئی قیادت کو سیاسی بالغ نظری کیلئے ابھی تک زیادہ تجربے کی ضرورت ہے۔ اسی نوعیت کے فیصلے کئے گئے تو اس ملک کا اللہ ہی حافظ ہے۔ اقتدار میں آکر بھی منظور آفریدی اور ناصر محمود کھوسہ جیسے فیصلے ہی کئے گئے اور پھر انہیں واپس بھی لے لیا گیا تو اس ملک کا کیا بنے گا۔ یہ کھسم (خاوند) والا معاملہ ہے کہ کھسم کیا تو برا کیا اور کرا کے چھوڑ دیا تو اور برا کیا…. کیا عوام یہ سوچنے پر مجبور ہوجائیں گے کہ غالباً ایک مبینہ کرپٹ ملک کیلئے اتنا خطرناک نہ ہو جس قدر خطرناک متوازن ذہن نہ رکھنے والا ہوسکتا ہے۔

لاہور (مانیٹرنگ ڈیسک) وزیراعلیٰ شہباز شریف نے کہا ہے کہ ہمارے نگران وزیراعلیٰ ناصر محمود کھوسہ ہی ہیں اور ان کے نام کی سمری گورنر کو منظوری کے لیے بھجوائی جاچکی ہے۔ تفصیلات کے مطابق پنجاب کابینہ کے آخری رسمی اجلاس سے خطاب میں وزیراعلیٰ نے کہا کہ اپوزیشن نام دینے سے پہلے اور بعد میں کہیں سو رہی تھی، انہوں نے کہا کہ نگران وزیراعلیٰ کا نام مشاورت سے فائنل کیا گیا تھا اور یہ نام اپوزیشن نے ہی تھا اور اب ایک مرتبہ نام دیکر واپس لینا سمجھ سے بالا تر ہے انہوں نے کہا کہ اب اگر اپوزیشن کے نام آئے بھی تو ہم ناصر محمود کھوسہ کی ہی حمایت کریں گے۔ وزیراعلی پنجاب اور صدر مسلم لیگ ن شہبازشریف نے کہا ہے کہ چودھری نثاربڑے میاں صاحب کے زیادہ گہرے دوست ہیں اور انہوں نے بڑے میاں صاحب سے ہمیشہ میری شکایت کی۔وزیراعلی پنجاب نے صحافیوں سے گفتگو کرتے ہوئے کہا کہ چودھری نثارصاحب کی اصل میں دوستی اوربھائی چارہ نوازشریف سے تھا،یہ 1988 کے زمانے کی بات ہے چودھری نثارمیرے مخالف تھے،اوروہ نوازشریف کو میری شکایات کیا کرتے تھے۔شہبازشریف نے کہا کہ چودھری نثارکے کہنے پرمجھے نوازشریف سے جھاڑ پڑتی تھی،ان سے میرا تعلق نوازشریف کے ذریعے ہوا،سابق وفاقی وزیر داخلہ سے کچھ عرصہ اسی طرح گزرا پھروہ میرے دوست بن گئے،انہوں نے کہا کہ چودھری نثارمیں بچپنا ضرورہے،بچے کومنانا پڑتا ہے،انہیں بھی مناتے رہتے ہیں۔صحافی نے سوال کیا کیا اس بارچودھری نثارکومنالیں گے؟کے جواب میں شہبازشریف نے کہا کہ اللہ خیرکرےگا، سب ٹھیک ہو جائےگا۔وزےراعلیٰ پنجاب محمد شہبازشرےف نے آج ضلعی ہیڈ کوارٹر ہسپتال راجن پو رمیں سی ٹی سکین مشین اور موبائل ڈائیگنوسٹک یونٹ کا افتتاح کیا۔ وزیراعلیٰ نے افتتاح کے فورا بعد سی ٹی سکین کے شعبے کا تفصیلی دورہ کیا۔ ہٹاچی کمپنی کے حکام نے سی ٹی سکین مشین کے افعال کار کے بارے میں تفصیلی بریفنگ دی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ پنجاب کے مختلف اضلاع میں ایک ارب 20کروڑ روپے کی لاگت سے سی ٹی سکین مشینیں نصب کی جا رہی ہیں۔ سی ٹی سکین مشین کی تنصیب، انتظامات اور عملے کی تنخواہوں کے اخراجات ہٹاچی کمپنی ادا کرے گی جبکہ ضلعی ہسپتالوں میں سی ٹی سکین ٹیسٹ مریض کےلئے مفت ہوگا ، فیس حکومت پنجاب ادا کرے گی۔ مریضوں کو ایمرجنسی کی صورت میں 24گھنٹے سی ٹی سکین ٹیسٹ کی سہولت میسر ہوگی۔ راجن پور میں نصب کی جانےوالی سی ٹی سکین مشین جدید ترین ہے۔ نجی انتظام سے سی ٹی سکین مشین اور پتھالوجی لیب چلانے کے مثبت نتائج سامنے آرہے ہیں۔ انہوںنے کہا کہ پنجاب کا ہیلتھ کلچر بدل چکا ہے۔ سی ٹی سکین مشین اب خراب ہوگی او رنہ ہی عملہ غائب ہوگا۔ راجن پور کے ڈسٹرکٹ ہیڈ کوارٹر ہسپتال میں جدید ترین سی ٹی سکین مشین پاکستان مسلم لیگ( ن) کی طرف سے عوام کےلئے تحفہ ہے۔ وزیراعلیٰ نے ہسپتال کی تعمیر نو کے منصوبوں کا بھی افتتاح کیا جن پر مجموعی طور پر 24کروڑ 60لاکھ روپے لاگت آئی ہے۔ وزیراعلیٰ نے او پی ڈی ، گائنی،سرد خانے،برن اور ڈینٹل یونٹ کا بھی دورہ کیا۔ وزیراعلیٰ مختلف وارڈز میں گئے اور مریضوں کی تیمار داری کی ، بچوں کو پیار کیا اور مریضوں کی جلد صحت یابی کی دعا کی۔وزےراعلیٰ نے ہسپتال کے دورے کے دوران مرےضوں کی مزاج پرسی کی اوراےک مرےض سے سرائےکی مےں پوچھا کہ ”سائیں ٹھیک تھیوں“ جس پر مرےض نے مسرت کا اظہار کرتے ہوئے کہا کہ، ”اللہ دا شکر اے ،شہبازشریف جیونداں رو“۔ وزیراعلیٰ نے ضلعی ہسپتال راجن پور میں مریضوں اور لواحقین سے ہسپتال میں دستیاب سہولتوں ، ادویات اور ڈاکٹر وں کے بارے استفسار کےا اور مریضوں نے طبی سہولتوں پراطمےنان کااظہارکےا۔وزےراعلیٰ پنجاب محمد شہبازشرےف نے ڈسٹرکٹ ہےڈ کواٹرہسپتال راجن پور مےں صحت عامہ کے مختلف منصوبوں کے افتتاح کے بعد مےڈےا کے نمائندوں سے گفتگو کرتے ہوئے کہا کہ پنجاب حکومت نے صحت عامہ کی سہولتوں کی بہتری کےلئے انقلاب آفرےن اقدامات کےے ہےں۔حکومت پنجاب کے ان اقدامات کی بدولت عوام کو صحت کی معےاری سہولےات اوراعلی معےار کی ادوےات مفت مل رہی ہے ۔انہوںنے کہا کہ تےن سال قبل ضلعی ہسپتالوں کی تعمےر نو کے منصوبے کا آغاز کےا تھا۔پہلے جب مےں ہسپتالوں کے دورے کرتا تھا تو مجھے ہسپتالوں کی حالت زار دےکھ کر دکھ ہوتا تھا اورمجھے ہسپتالوں کے اےم اےس کے خلاف کارروائی بھی کرنا پڑتی تھی،اب ہمارے اقدامات کے باعث ضلعی ہسپتالوں کی حالت مےں بہتری آئی ہے ،پہلے مےں سےلاب کے دوران ضلعی ہسپتال راجن پور آےا تھا اوراس کی حالت زار دےکھ کر مجھے بہت تکلےف ہوئی تھی ،آج ےہ شاندار ہسپتال دےکھ کر مجھے انتہائی خوشی ہوئی ہے اورےہاں ہسپتال مےں بہترین سرجیکل وارڈز اورڈائےلسز سنٹر اورڈےنٹل سرجری کے شعبے موجود ہےں ۔ےہاں سی ٹی سکےن مشےن بھی لگ چکی ہے جو 24گھنٹے مرےضوں کی خدمت پر معمور ہے۔انہوںنے کہاکہ ہسپتال کے دورے کے دوران مےں نے مرےضوں سے طبی سہولتوں کے بارے مےں درےافت کےا تو اےک بھی شکاےت نہےں ملی اورےہی معےار ہے جو تمام لوگوں کی کاوشوں کا ضامن ہےں۔ انہوںنے کہا کہ مےرے دل سے ہسپتال کے اےم اےس ،ڈاکٹرز اورسرجنز کے لئے دعائےں نکل رہی ہےں۔ انہوںنے کہا کہ ہسپتال کی ادوےات کا سٹور انتہائی شاندار ہے اوراس کا موزانہ لاہور کے کسی بھی پرائےوےٹ مےڈےکل سٹور سے کےا جاسکتا ہے۔ انہوںنے کہاکہ جنوبی پنجاب کی خدمت ہماری سےاست کا نصب العےن ہے اورپاکستان مسلم لےگ(ن) کی حکومت نے جنوبی پنجاب کی ترقی کےلئے بے مثال اقدامات کےے ہےں اورےہاں تعلےم، صحت سمےت اربوں روپے کی لاگت سے ترقےاتی منصوبے مکمل کےے ہےں۔اس خطے کی ترقی کےلئے آبادی کے تناسب سے زےادہ فنڈز دےئے گئے ہےں۔ہم نے جنوبی پنجاب کی 31فےصد آبادی کےلئے 42سے 45فےصد وسائل فراہم کےے ہےں ۔چےلنجز کے باوجود ترقےاتی کاموں کو تےزرفتاری سے آگے بڑھاےا ہے ۔انہوںنے کہاکہ پاکستان ہم سب کا ہے اورہمےں ملکر اسے سنوارانا ہے ۔وزےراعلیٰ نے کہاکہ اگر اللہ تعالیٰ نے دوبارہ موقع دےاتوراجن پور مےں مےڈےکل کالج اورٹےکنےکل ےونےورسٹی بنائےں گے اوران منصوبوں کو ڈےڑھ سال کے اندر پاےہ تکمےل تک پہنچائےںگے۔انہوںنے کہاکہ پاکستان مسلم لےگ(ن) کی حکومت نے توانائی بحران کے خاتمے کےلئے دن رات محنت کی ،پنجاب حکومت نے گزشتہ 5سالوں کے دوران 5ہزار مےگاواٹ بجلی پےدا کی ہے جو نےشنل گرڈ مےںجارہی ہے ۔ انہوںنے کہا کہ 2010ءکے خوفناک سےلاب کی تباہ کارےوں کا پورے راجن پور کو سامنا کرنا پڑا تھا اورآج اللہ تعالیٰ کے فضل سے حالات ےکسر بدل چکے ہےں اور آج کا ضلعی ہسپتال ےورپ کے کسی معےاری ہسپتال سے کم درجے کا نہےں ہے ۔وزےراعلیٰ نے مےڈےا کے نمائندوں کے سوالوں کا جواب دےتے ہوئے کہا کہ نامزدنگران وزےراعظم اوروزےراعلیٰ نےک نےتی اور غےر جانبداری کے حوالے سے اچھی شہرت رکھتے ہےں ،امےد ہے کہ آئندہ انتخابات شفاف اورعوامی امنگوں کے عےن مطابق ہوںگے۔وزےراعلیٰ نے ہسپتالوں کی حالت سدھارنے پر صوبائی وزےر صحت خواجہ عمران نذےر،سےکرٹری صحت علی جان،مقامی انتظامےہ ،اےم اےس اورپوری ٹےم کی تعرےف کی۔وزےراعلیٰ پنجاب محمد شہبازشرےف جنوبی پنجاب کے دورے کے پہلے مرحلے میں راجن پو ر پہنچے توان کا پرجوش خیر مقدم کےا گےا -راجن پور کے روایتی لباس میں نوجوانوں نے پرجوش نعرے لگائے – وزیراعلیٰ ہاتھ ہلا کر نعروں کا جواب دیتے رہے-وزیراعلیٰ کی آمد کی خبر پر راستوں کے اطراف میں ہزاروں لوگ جمع ہوگئے۔ وزےراعلیٰ پنجاب محمد شہبازشرےف راجن پور کے ضلعی ہسپتال مےں صحت عامہ کے منصوبوں کے افتتاح کے بعد بہاولپور گئے اور وہاں تقریبا 6ارب روپے کے ترقیاتی منصوبوں کا افتتاح کیا -وزےراعلیٰ نے سٹےٹ آف دی آرٹ ڈرگ ٹیسٹنگ لیب کا افتتاح کےا اور مختلف شعبوں کا دورہ کےا۔وزیراعلی نے ادویات کے معیار اور ڈرگ ٹیسٹنگ کے بارے میں آگاہی حاصل کی اوراس موقع پرگفتگو کرتے ہوئے کہا کہ صوبہ بھر میں ڈرگ ٹیسٹنگ کے قیام کا مقصد عوام کو معیاری ادویات کی فراہمی یقینی بنانا ہے -انہوںنے کہاکہ حکومت کے اس انقلابی اقدام سے پنجاب کے نہ صرف سرکاری بلکہ پرائیویٹ ہسپتالوں میں بھی معیاری او رمستند ادویات دستیاب ہوںگی -انہوںنے کہاکہ غےر معےاری اورجعلی ادوےات کا کاروبار کرنے والے انسانےت کے دشمن ہےںاورہم کسی کو غیر معیاری اور جعلی ادویات کے ذریعے کسی کو عوام کی زندگیوں سے کھیلنے کی اجازت نہیں دیں گے -وزےراعلیٰ پنجاب محمد شہبازشرےف نے بہاولپور میں سٹیٹ آف دی آرٹ ای خدمت مرکز کا افتتاح کیا -اس موقع پر گفتگو کرتے ہوئے وزےراعلیٰ نے کہاکہ ای خدمت مرکز میں شہریوں کو ایک ہی چھت تلے مختلف سرکاری محکموں سے متعلق سروسز فراہم کی جا رہی ہیںاورای خدمت مرکز کے قیام کا مقصد گڈ گورننس اور سروسز کے معیار کو بہتر بنانا بھی ہے – اےسے مراکز قائم کر کے عوام کو ان کی دہلیز تک خدمات کی فراہمی کا وعدہ پورا کررہے ہیں-وزیراعلی نے ای خدمت مرکز میں شہریوں سے گفتگوکرتے ہوئے سہولتوں کی فراہمی کے بارے میں دریافت کیااور ای خدمت مرکز کے عملے سے طریقہ کار اور سروسز کی فراہمی کے دورانیے کے بارے میں بھی پوچھا- بعدازاں وزےراعلیٰ نے وکٹوریہ ہسپتال بہاولپور میں آئی سی یو ، کارڈیالوجی سنٹر ، کڈنی سنٹر اور ریجنل بلڈ سنٹر کا باقاعدہ افتتاح کیا-افتتاح کے بعد مختلف شعبوں اور وارڈز کا دورہ کیا ، مریضوں سے بات چیت کی۔وزیراعلی نے آئی سی یو ، کارڈیالوجی اور کڈنی سنٹر میں مریضوں کی عیادت کی اورانکی جلد صحت یابی کےلئے دعاکی۔ وزیراعلیٰ پنجاب محمد شہباز شریف نے بھکر اور حاصل پور میں ٹریفک حادثات میں قیمتی انسانی جانوں کے ضیاع پر اظہار افسوس کیا ہے۔ وزیراعلیٰ نے جاں بحق افراد کے لواحقین سے دلی ہمدردی اور دکھ کا اظہار بھی کیا ہے۔ انہوں نے زخمیوں کی جلد صحت یابی کیلئے دعا بھی کی۔

کوئٹہ، لاہور (نمائندگان خبریں) بلوچستان اسمبلی میں عام انتخابات میں ایک ماہ کے التوا کی قرارداد منظور کر لی گئی۔ نجی ٹی وی کے مطابق بلوچستان اسمبلی میں قرارداد وزیر داخلہ سرفراز بگٹی نے پیش کی تھی۔ ان کا مو¿قف تھا کہ جولائی میں شدید گرمی ہوتی ہے لہٰذا ووٹرز کا باہر نکلنا ناممکن ہے۔ عام انتخابات اگست کے آخری ہفتے میں منعقد کرائے جائیں۔ بلوچستان اسمبلی میں قرارداد کے خلاف اپوزیشن نے شدید احتجاج کرتے ہوئے اسمبلی میں واک آﺅٹ کیا۔ قرارداد صوبائی وزیرداخلہ میر سرفراز بگٹی نے اسمبلی سیکرٹریٹ میں جمع کرائی ہے۔ بلوچستان کے وزیر داخلہ سرفراز بگٹی کی جانب سے اسمبلی سیکرٹریٹ میں جمع کرائی جانے والی قرارداد میں انتخابات ملتوی کرنے کے لئے دو وجوہات کو بنیاد بنایا گیا۔ نمبر ایک جولائی میں صوبے کے لوگ فریضہ حج کے ادائیگی کے باعث سعوری عرب میں ہوں گے اور وہ اپناحق رائے دہی استعمال نہیں کر پائیں گے۔ نمبر دو جولائی میں مون سون بارشوں کی وجہ سے اکثر اضلاع سے لوگ نقل مکانی کر جاتے ہیں جسکی وجہ سے وہ حق رائے دہی استعمال کرنے سے محروم رہیں گے۔۔قرار داد میں یہ بھی کہا گیا ہے کہ یہ تمام صورت حال بلوچستان میں عام انتخابات پر اثر انداز ہوسکتی ہے اس لیے صوبے میں انتخابات کو موخر کیا جائے۔ قراردار اسمبلی کے ہونے والے اجلاس میں پیش کی جائے گی۔یاد رہے کہ عام انتخابات 25 جولائی کوہوں گے۔ وقائع نگار کے مطابق الیکشن کمیشن آف پاکستان کی جانب سے ملک بھر میں عام انتخابات 25جولائی کو کروائے جانے کے اعلان کے بعد بلوچستان اسمبلی میں بھی اس حوالے سے صوبائی وزیرادخلہ سرفراز بگٹی کے طرف سے قرارد اد جمع کروائی گئی کہ پاکستان سے حج کے لیے دولاکھ سے زائد حاجی سعودیہ عرب جاتے ہیں اور وہ دوران الیکشن بھی وہیں ہونگے جبکہ ملک میں مون سون کا آغاز ہونے کے باعث کئی علاقوں میں نقل مکانی شروع ہوجاتی ہے اس لیے الیکشن ایک ماہ کے لیے موخر کئے جائیں۔اس بارے میں جب سابق سیکرٹری الیکشن کمیشن آف پاکستان کنور دلشاد سے پوچھا گیا تو ان کا کہنا تھا کہ بالکل ای سی پی کو اختیار حاصل ہے کہ وہ اگر مخصوص حالات میں چاہے تو الیکشن موخر کرسکتی ہے ۔جو حالات اور وقت بتایا جارہا ہے اس میں بہتر تو یہی ہوگا کہ انتخابات کو دو سے تین ماہ کے لیے ملتوی کردیا جائے اور ان انتخابات کو مئی کی بجائے اکتوبر یا نومبر میں کروایا جائے۔دوسری جانب اس حوالے سے عوامی ردعمل بھی سامنے آرہا ہے اورگزشتہ روز بھی شہریوں کی جانب سے اخبارات کے دفاتر میں فون کرکے پوچھا جاتا رہا کہ کیا جولائی میں الیکشن ممکن ہوسکتے ہیں کیونکہ ملک میں جاری موسم کی وجہ سے سیاسی جماعتوں کے لیے ممکن نہیں ہوگا کہ وہ اپنی انتخابی مہم ملک بھر میں یکساں طور پر چلاسکیں جو کہ جمہوری اقدار کے منافی ہے۔