دیر (آئی این پی)امیر جماعت اسلامی پاکستان سنیٹر سراج الحق نے کہاہے کہ روپے کو خاک میں ملانے اور

ڈالر کو کو سونے کا تاج پہنانے والے وہی معاشی جادوگر ہیں جنہوںنے ہمیشہ عوام کو معاشی ترقی اور خوشحالی کے سبز باغ دکھاکر دھوکا دیا ۔ قومی دولت لوٹ کر منی لانڈرنگ کے ذریعے بیرون ملک منتقل کی ۔لندن ، دبئی اور سوئس بنکوں میں لوٹی گئی دولت جمع کرانے والوں نے روپے کی بے قدری کر کے ملکی معیشت کو تباہ کر دیاہے ۔ ہم حکومت کی معاشی پالیسی کی مذمت اور اسے مسترد کرتے ہیں جس نے عوام کو مہنگائی اور غربت کے سوا کچھ نہیں دیا ۔ متحدہ مجلس عمل ایک نئے عزم کے ساتھ میدان میں آئی ہے اب ملک سے منفی ، انتہا پسندانہ اور نفرت کی سیاست کا خاتمہ اور شائستہ اور بااخلاق سیاست ہوگی ۔ ملک کی پانچ بڑی دینی جماعتوں کا اتحاد قوم اور امت کے لیے خیر و برکت کا پیغام ہے ۔ عدالت عظمیٰ کے بار بار احکامات کے باوجود راﺅ انوار کا گرفتار نہ ہونا ملک کے انٹیلی جنس اداروں اور پولیس کی ناکامی ہے، بالآخر راﺅ انوار نے خود عدالت میں آ کر گرفتاری دی ہے جس نے ثابت کر دیاہے کہ قانون صرف غریبوں کے لیے ہے ، بااثر لوگ ہمیشہ قانون سے ماورٰی سمجھے جاتے ہیں ۔ وزیراعظم کی اپنی ایئر لائن اور کمپنیاں مسلسل ترقی کر رہی ہیں جبکہ پی آئی اے کو کوڑیوں کے بھاﺅ بیچا جارہاہے ۔ پی آئی اے قومی ادارہ ہے ،اسے کسی صورت بکنے نہیں دیں گے ۔ وہ بدھ کو دیر خاص میں شمولیتی جلسہ سے خطاب کر رہے تھے ۔ اس موقع پر صاحبزادہ طارق اللہ بھی موجود تھے ۔ اس موقع پر پیپلز پارٹی کے رہنما رسول شاہ نے اپنے سینکڑوں ساتھیوں اور خاندان سمیت جماعت اسلامی میں شمولیت کا اعلان کیا ۔ سراج الحق نے رسول شاہ کی جماعت اسلامی میں شمولیت کا خیر مقدم کیا ۔ سنیٹر سراج الحق نے کہاکہ ایم ایم اے کی سیاست کا مقصد ملک میں شریعت کے نظام کا نفاذ ہے ہماری سیاست کسی خاندان ، جاگیردار اور وڈیرے کے اقتدار کے لیے نہیں بلکہ اللہ کے نظام کے لیے ہے ۔ سیکولر لابی لینڈ اور ڈر گ مافیا اور عالمی اسٹیبلشمنٹ کے ایجنٹ نہیں چاہتے کہ ملک میں دینی قوتیں مضبوط ہوں اور بر سراقتدار آئیں ۔ انہوںنے کہاکہ مغرب چاہتاہے کہ دیندار لوگ گلے میں منکے ڈال کر کونوں کھدروں میں بیٹھ جائیں اور اللہ ہو اللہ ہو کرتے رہیں ۔ مغرب کو سب سے زیادہ خطرہ سیاسی اسلام سے ہے جو ان کے مقابلے میں غیر سودی نظام معیشت دیتاہے اور شریعت کی بالادستی کی بات کرتاہے ۔ انہوں نے کہاکہ ہم نبوی سیاست کی پیروی کرتے ہوئے عام پاکستانی کو وڈیروں اور جاگیرداروں کے ظالمانہ استحصالی نظام کے چنگل سے نجات دلائیں گے۔ سنیٹر سراج الحق نے کہاکہ کرپٹ اور بد دیانت حکمرانوں کی کرپشن اور بد اخلاقی نے معاشرے کو ناصرف عریانی و فحاشی کی غلاظت میں مبتلا کر دیاہے بلکہ عوام کو مہنگائی اور غربت کی دلدل میں پھنسا کر ہمیشہ کے لیے محرومیوں کے اندھے غاروں میں دھکیل دیاہے ۔ انہوںنے کہاکہ پاکستان کی کرنسی اور معیشت کی تباہی اور بربادی کے اصل ذمہ دار وزیر خزانہ اور وزیر خارجہ ہیں جنہوں نے ہمیشہ قوم کو اصل حقائق سے بے خبر رکھا اور معیشت کی مضبوطی کے جھوٹے دعوے کرتے رہے ۔

کراچی (خصوصی رپورٹ)مشیر خزانہ مفتاح اسماعیل
کہ ڈالر کی قیمت میں اضافہ کوئی ہیجان کی بات نہیں ہے، روپے کی قدر میں کمی سوچی سمجھی پالیسی کے تحت ہوئی ہے،روپے کی قدر میں کمی سے پاکستانی انڈسٹری کا پہیہ چلے گا، دسمبر میں بھی پاکستانی روپیہ ڈالر کی نسبت دس فیصد زیادہ قدر رکھتا تھا جس کی وجہ سے برآمدات کم اور درآمدات بڑھ رہی تھیں، اسی کی وجہ سے کرنٹ اکاونٹ خسارہ بھی بڑھ رہا تھا، دسمبر میں باقاعدہ پالیسی کے تحت روپے کی قدر پانچ فیصد کم کی گئی تھی اس کے بعد مہنگائی نہیں بڑھی، ہمارا اندازہ تھا کہ روپے کی قدر میں مزید کمی کی جاسکتی ہے اسی لئے منگل کو اسٹیٹ بینک نے روپے کی قیمت میں پانچ فیصد مزید کمی کی، اب مارکیٹ میں ڈالر کی قیمت 115روپے پر رک جائے گی اس کیلئے اسٹیٹ بینک کو مداخلت کی ضرورت نہیں پڑے گی، ڈالر کی قیمت 115روپے بالکل صحیح ہے، چھ آٹھ مہینوں تک روپے کی قدر میں مزید کمی کی ضرورت نہیں رہے گی، پاکستانی روپیہ اپنی صحیح مارکیٹ ویلیو ڈھونڈچکا ہے، اب برآمدات بڑھیں گی ،درآمدات کم ہوں گی اور کرنٹ اکاونٹ خسارہ بھی کم ہونا شروع ہوجائے گا۔ مفتاح اسماعیل کا کہنا تھا کہ درآمدات کی گروتھ کم ہونے سے ترسیلات بڑھیں گی، اس وقت زرمبادلہ کے ذخائر 12.8ارب ڈالر ہیں، آئندہ چارمہینے میں زرمبادلہ کے ذخائر میں 600ملین ڈالر اضافہ ہوجائے گا، ہمارے پاس کیپٹل اکاونٹ سے اتنے پیسے آجائیں گے جو اگلے چار مہینے میں کرنٹ اکاونٹ خسارے سے زیادہ ہوں گے، روپے کی قدر میں کمی سے پاکستانی انڈسٹری کا پہیہ چلے گا، دسمبر میں ڈالر کی قیمت بڑھنے کے باوجود مہنگائی نہیں ہوئی امید ہے اس بار بھی مہنگائی نہیں بڑھے گی، گروتھ کا ہدف تقریبا حاصل کرلیں گے جس سے روزگار کے مواقع بڑھیں گے، بجلی کے منصوبے مکمل ہونے کے ساتھ برآمدات بڑھیں گی۔

اسلام آباد:(ویب ڈیسک ) چیف جسٹس پاکستان نے اسحاق ڈار کی رہائش گاہ کیلئے پارک اکھاڑ کر سڑک بنانے کے از خود نوٹس کیس میں ڈی جی ایل ڈی اے پر شدید برہمی کا اظہار کرتے ہوئے اراضی کا ریکارڈ طلب کرلیا۔سپریم کورٹ میں چیف جسٹس پاکستان کی سربراہی میں 3 رکنی فل بینچ نے اسحاق ڈار کی رہائش گاہ کے لیے پارک اکھاڑ کر سڑک بنانے پر از خودنوٹس کی سماعت کی جس کے سلسلے میں ڈی جی لاہور ڈیولیپمنٹ اتھارٹی عدالت میں پیش ہوئے۔چیف جسٹس نے ڈی جی ایل ڈی اے سے استفسار کیا کہ کس کے کہنے پر آپ نے پارک کو اکھاڑ کر سڑک بنائی۔ڈی جی ایل ڈی اے نے بتایا کہ اسحاق ڈارنے پارکنگ کے لیے سڑک کھلی کرنے کی درخواست کی تھی، اس پر چیف جسٹس نے سوال کیا کہ کیا، آپ کو اسحاق ڈارنے تحریری طور پر درخواست دی تھی؟ ڈی جی نے کہا کہ مجھے اسحاق ڈار نے فون کرکے سڑک بنانے کا کہا تھا۔چیف جسٹس پاکستان نے ڈی جی ایل ڈی اے پر سخت برہمی کا اظہار کرتے ہوئے کہا کہ کس طرح کے آفیسر ہیں آپ، وزیر کے زبان ہلانے پر پارک اکھاڑدیا، آپ کو اس کی سزا بھگتنی ہوگی، یہاں فیورٹزم نہیں چلنے دوں گا، آپ کے خلاف نیب کے قوانین کے تحت کاروائی بنتی ہے۔

لاہور ( مانیٹرنگ ڈیسک ) چینل فائیو کے تجزیوں و تبصروں پر مشتمل پروگرام ”کالم نگار“ میں گفتگو کرتے ہوئے تجزیہ کار جاوید کاہلوں نے کہا ہے کہ راو¿ انوار کو سیاسی پشت پناہی حاصل تھی، گذشتہ روز ڈرامائی انداز میں عدالت میں آئے ، ماسک پہن کر پیش ہوئے ، چیف جسٹس کہہ چکے ہیں کہ راو¿ انوار کے سہولتکاروں کو پتہ لگائیں گے اور سزا بھی دینگے، راو¿ انوار کی پیشی بیک ڈور سے طے تھی ، مین گیٹ تک انکی گاڑی آئی ، یہ کام سپریم کورٹ کی سکیورٹی و جج صاحبان کی اجازت کے بغیر نہیں ہوسکتا ، انہوں نے مزید کہا کہ ڈالر کی قیمت سے مارکیٹ میں بہت بڑا طوفان آنیوالا ہے ، اگر پاکستانی کرنسی کے ساتھ کوئی کھیل کھیلا جارہاہے تو متعلقہ اداروں کو فوری نوٹس لینا چاہئے ، تجزیہ کار افضال ریحان نے کہا ہے کہ راو¿ انوار کا سرنڈر کرنا اداروں کی ناکامی ہے ، میڈیا نے نقیب اللہ قتل کیس اجاگر کیا تو روپوش ہوگیا، عدلیہ کو سب کیساتھ ایک جیسا برتاو¿ کرنا چاہئے، قانون کا اصول ہے جب تک جرم ثابت نہ ہو کوئی مجرم نہیں ہوتا، انہوں نے مزید کہا کہ ڈالر کی قیمت بڑھنے سے خطرناک حد تک مہنگائی بڑھے گی، سارا بوجھ عوام کو ہی برداشت کران پڑیگا، انہوں نے کہا کہ سب کو اصول و قانون کے مطابق چلنا چاہئے، تجزیہ کار علامہ صدیق اظہر نے کہا کہ پاکستان بہت سارے ممالک کیلئے تجارتی منڈی کا کام کررہاہے، ہماری صنعت نہ ہونے کے برابر ہے ، ڈالر کی قیمت بڑھنے سے ملکی معیشت کو بہت نقصان ہوگا، پاکستان کی معیشت کے ساتھ مذاق کیا جارہا ہے ، روپے کے ساتھ ساتھ عوام کی قوت خرچ بھی گرتی جارہی ہے ، انہوں نے مزید کہا کہ اگر لوٹی ہوئی رقم واپس آگئی اور معاشی پالیسی پنپتی رہی تو اسکا بھی کوئی فائدہ نہیں ہوگا، ملک کو انڈسٹریل بیس بنانے کی ضرورت ہے ، انڈسٹریز کو بجلی و گیس سستی فراہم کرنی چاہئے، تجزیہ کار توصیف احمد خان نے کہا کہ سپریم کورٹ کی ذمہ داری ہے کہ راو¿ انوار کو چھپانے والوں کا پتہ کرکے انہیں بھی طلب کرے اور سزا دے، ذاتی خیال ہے کہ اسکو پیش اس لئے کیا گیا ہے کہ چھاپنے والے سمجھ گئے تھے کہ اگر ایسا نہ کیا تو ہاتھ ان تک پہنچ جائیگا، عدلیہ نے ماضی میں اچھے فیصلے کئے ہیں، انہوںنے مزید کہا کہ لوٹا ہوا پیسہ ملک میں واپس آجائے تو ہم قرض لینے والے نہیں بلکہ دینے والے بن جائیں گے، انہوں نے کہا کہ نون لیگ والے 3بار حکومت کرچکے پھر بھی کام کوئی نہیں کیا، تجزیہ کاروں نے کہا کہ پی ایس ایل خود آئند ہے لیکن اسکی وجہ سے سڑکیں بند کرکے عوام کو پریشان نہیں کرنا چاہئے، قذافی اسٹیڈیم کے اردگرد بہت جگہ ہے، غیر ملکی کھلاڑیوں کیلئے وہیں فائیو سٹار ہوٹل بنایا جاسکتا ہے ۔