اسلام آباد(ویب ڈیسک ):تحریک انصاف کے سیکرٹری جنرل جہانگیرترین نے سپریم کورٹ فیصلے کوماننے سے انکارکردیا ہے،انہوں نے اپنے ٹویٹ میں کہا کہ ”میں نہیں مانتا“۔میڈیا رپورٹس کے مطابق سیکرٹری جنرل تحریک انصاف جہانگیرترین نے سپریم کورٹ میں نااہلی کے فیصلے پرردعمل ظاہرکرتے ہوئے کہا کہ سپریم کورٹ نے ٹرسٹ ڈیڈ کی محض تشریح کی بنیاد پرمجھے نااہل قراردیا۔لندن پراپرٹی کی مکمل منی ٹریل قبول کی گئی چھپائی نہیں گئی۔لندن پراپرٹی کو2011ءسے بچوں کا اثاثہ ظاہرکردیا تھا۔انہوں نے کہا کہ مجھ پرلگائے گئے الزامات مستردہوئے۔ مجھ پرانسائیڈ ٹریڈنگ اور زرعی آمدن چھپانے کاالزام تھا۔ قرض معافی اور اختیارات کا ناجائز استعمال بھی ثابت نہیں ہوا۔ انسائیڈ ٹریڈنگ کاالزام بھی باہر پھینک دیا ہے۔ واضح رہے سپریم کورٹ نے تحریک انصاف کے رہنمائ جہانگیرترین کونا اہل قراردے دیا ہے،سپریم کورٹ نے جہانگیرترین کو 62ون ایف کے تحت تاحیات نااہل قرار دیاہے۔نااہلی کے ساتھ ہی سپریم کورٹ نے فیصلے میں الیکشن کمیشن کو بھی جہانگیرترین کی نااہلی کا نوٹیفکیش جاری کرنے کی ہدایت کردی ہے۔ چیف جسٹس سپریم کورٹ جسٹس ثاقب نثار کی سربراہی میں تین رکنی بنچ نے عمران خان اور جہانگیرترین کیخلاف نااہلی کیس کی سماعت کی۔عمران خان اور جہانگیرترین کیخلاف سپریم کورٹ میں نااہلی کی درخواست مسلم لیگ ن کے رہنماءحنیف عباسی نے دائر کی۔سپریم کورٹ میں چیف جسٹس کی سربراہی میں 405دن کیس کی سماعت ہوئی۔آج سپریم کورٹ نے عمران خان اور جہانگیرترین کی نااہلی کیس کافیصلہ سنا دیا ہے۔سپریم کورٹ نے اپنے فیصلے میں عمران خان کو اہل قرار دے دیاہے۔عدالت نے اپنے فیصلے میں قرار دیا کہ جہانگیرترین کو اہل قرار نہیں دیاجاسکتا۔عدالت نے اپنے فیصلے میں یہ بھی قرار دیاکہ جہانگیرترین درست جواب نہیں دے رہے تھے لہذا جہانگیرترین صادق اور امین نہیں رہے۔جہانگیرترین ایماندار شخص نہیں ہیں۔جہانگیرترین نے اپنے بیان میں مشکوک ٹرمز استعمال کیں۔جہانگیرترین نے اعتراف جرم بھی کیا اور جرمانہ بھی دیا۔واضح ہوگیاکہ جہانگیرترین کی ہی آف شورکمپنیاں ہیں۔ہائیڈ ہاو¿س کا اصل مالک جہانگیرترین ہے۔جہانگیرترین نے 50کروڑ روپے بیرون ملک منتقل کیے۔سپریم کورٹ نے کہاکہ جہانگیرترین کی زرعی اراضی کیس کا فیصلہ ابھی فی الحال نہیں سنایاجارہاہے۔

چیرمین تحریک انصاف عمران خان کا کہنا ہے کہ ہوسکتا ہے کہ حکومت اپنی مدت سے پہلے ہی ختم ہوجائے، اگر ایسا ہوا تو 90 دن میں الیکش کرائے جائیں۔خان پور میں میڈیا سے بات کرتے ہوئے عمران خان کا کہنا تھا کہ کونسا آئین کہتا ہے کہ حلقہ بندیوں کے بعد ہی الیکشن ہونے چاہیے، اگر حکومت چلی جاتی ہے تو آئین کہتا ہے 90 دن میں الیکشن کرائے جائیں۔عمران خان نے کہا کہ مسلم لیگ (ن) کے زیادہ تر لوگ نواز شریف کے ساتھ نہیں اور زیادہ تر لوگ عدلیہ پر خودکش حملہ کرنے کے حامی نہیں۔چیرمین تحریک انصاف کا کہنا تھا کہ شریف خاندان 300 ارب روپے کی کرپشن سے تکنیکی طور پر بچنے کی کوشش کر رہا ہے۔عمران خان نے کہا کہ کرپشن کیسز سے بچنے کے لئے شریف خاندان جتنے ہتھکنڈے استعمال کرے گا، عوام کا ان کی کرپشن پر اتنا یقین پختہ ہوگا جب کہ شریف مافیا وی ا?ئی پی طریقوں سے اپنے خلاف احتساب کا رخ پھیرنا چاہتا ہے۔

پشاور (رپورٹنگ ٹیم ‘مانیٹرنگ ڈیسک) پشاور این اے 4ضمنی الیکشن میں تحریک انصاف نے میدان مار لیا، ن لیگ، پیپلزپارٹی، اے این پی ، جماعت اسلامی کو شکست تحریک انصاف کے ارباب عامر 47586ووٹ لے کر پہلے نمبر پرہیں۔نون لیگ کے ناصر موسی زئی 25267ووٹ لے کر دوسرے نمبر ہیں۔اے این پی کے خوشدل خان 25143ووٹ لے کر تیسرے نمبر پر ہیں۔ پیپلزپارٹی کے اسد گلزار کے 12802ووٹ لے چوتھے نمبر پر ہیں۔ آزاد امیدوار شفیق امینی 9169ووٹ لے کرپانچویں نمبر پرہیں۔ جماعت اسلامی کے واصل فاروق 7241ووٹ لے کر چھٹے نمبر پرہیں۔ آزاد امیدوار الحاج لیاقت علی نے 4116ووٹ لے کر ساتویںنمبر پر ہیں۔ غیر سرکاری حتمی نتائج کا اعلان کردیا گیا۔حلقے میں پولنگ کا عمل صبح 8 بجے شروع ہوا جو شام 5 بجے تک بلا تعطل جاری رہا۔ ضمنی انتخاب میں پی ٹی آئی کے ارباب عامر، اے این پی کے خوشدل خان، مسلم لیگ (ن) کے ناصر خان موسیٰ زئی اور پیپلز پارٹی کے اسد گلزار سمیت کل 14 امید وار میدان میں تھے۔ضمنی انتخاب کے لیے حلقے میں 3 لاکھ 98 ہزار رجسٹرڈ ووٹرز کے لیے 269 پولنگ اسٹیشنزقائم کیے گئے جب کہ نتائج کے لئے پہلی بار الیکٹرانک مشین کا استعمال کیا گیا۔ پولنگ کے دوران امیدواروں اور ووٹرز کی جانب سے ضابطہ اخلاق کی کھلی خلاف ورزی کی گئی، لوگ کھلے عام ہتھیار لے کر پولنگ اسٹیشن میں پھرتے رہے جب کہ ووٹرز کی جانب سے موبائل فون کا بھی بھر پور استعمال کیا گیا لیکن پولنگ اسٹیشنز پر موجود عملے نے کسی کے خلاف کوئی کارروائی نہیں کی۔پی ٹی آئی کے رکن قومی اسمبلی گلزار خان کی وفات کے باعث خالی ہونیوالی قومی اسمبلی کی نشست پر ہونے والے ضمنی انتخاب میں پولنگ صبح 8 بجے شروع ہوئی جو بلاتعطل شام 5 بجے تک جاری رہی، پولنگ کےلئے پولنگ سٹیشنوں پر مرد حضرات کیساتھ خواتین کا بھی کافی رش رہا،جبکہ بزرگ، خواتین اور معذورا فراد بھی ووٹ ڈالنے آئے،تاہم پولنگ کے دوران بعض مقامات پر بدنظمی دیکھنے میں آئی اور مختلف علاقوں سے 6 افراد کو گرفتار کیا گیا جبکہ بڈھ بیر میں کسی اور کا ووٹ ڈالنے کی کوشش میں پولیس اہلکار پکڑا گیا۔تحریک انصاف کے رہنما گلزار احمد کی موت کے بعد خالی ہونے والی نشست پر انتخاب لڑنے کے لئے 14 سے زائد امیدوار مدمقابل ہیں جن میں سے 9 آزاد اور5 کا تعلق مختلف سیاسی جماعتوں سے ہے۔حلقے میں تین جماعتوں تحریک انصاف، عوامی نیشنل پارٹی اور مسلم لیگ (ن) کے درمیان سخت مقابلہ رہا۔اس دوران بڈھ بیر،ارمڑ،موسیٰ زئی ،ہزارخوانی ،پھندو،باغوانان ،متنی اورترناب کے پولنگ سٹیشنوں پربہت زیادہ رش دیکھنے میں آیااس دوران قانون نافذ کرنے والے اداروں نے حلقے میں سیکیورٹی کے لئے پولیس کے 7 ہزار اہلکار تعینات کئے گئے ہیں اور حساس پولنگ اسٹیشنز پر پاک فوج کے جوان بھی تعینات رہے ۔یہ حلقہ تین لاکھ 97 ہزار 904 رجسٹرڈ ووٹروں پر مشتمل ہےجہاں پر2لاکھ 35ہزار164مرداور1لاکھ 62ہزار740خواتین ووٹرز ہیں یہ حلقہ زیادہ تر مضافاتی علاقوں پر مشتمل ہے جو ایک طرف قبائلی علاقے خیبر ایجنسی سے ملا ہوا ہے اور اس میں قبائلی علاقہ جات ایف آر پشاور بھی آتا ہے۔الیکشن کمیشن کے ذرائع کے مطابق اےن اے چار کے ضمنی انتخاب کے لئے 35پولنگ سٹیشنوں میں الیکٹرانک ووٹنگ مشینوں کااستعمال کیایہاں پرپولنگ سٹیشنوں پر269پریذائیڈنگ افیسر،837اسسٹنٹ پریذائیڈنگ افیسراور837پولنگ افیسرزاپنے فرائض سرانجام دے رہے تھے جبکہ ان پولنگ سٹیشنزپر امن وامان کی صورتحال کوبرقراررکھنے اورکیلئے تقریباً سات ہزارسکیورٹی اہلکاروں کی ڈیوٹی لگائی گئی تھی واضح رہے کہ گزشتہ عام انتخابات میں تحریک انصاف کے امیدوار گلزار خان نے مسلم لیگ (ن) کے موجودہ امیدوار ناصر خان موسی زئی کو 34 ہزار سے زائد ووٹوں سے شکست دی تھی ، عام انتخابات میں ناصر خان موسیٰ زئی 20 ہزار سے زیادہ ووٹ لے کر دوسرے نمبر پر آئے تھے جبکہ تیسری پوزیشن جماعت اسلامی نے لی تھی۔ پاکستان تحریک انصاف کے چیئرمین عمران خان نے پشاورمیں این اے 4 میں پاکستان تحریک انصاف کی کامیابی پر امیدوار ارباب عامر ایوب کو مبارکباد پیش کرتے ہوئے کہا ہے کہ آج این اے 4 کی جیت مشترکہ اپوزیشن کیخلاف بڑی کامیابی ہے، اس کامیابی پر تمام کارکن مبارکباد کے مستحق ہیں۔ نجی ٹی وی کے مطابق عمران خان کا کہنا تھا کہ وہ پشاور میں پاکستان تحریک انصاف کے امیدوار اور پوری ٹیم کو شاندار جیت پر مبارکباد پیش کرتے ہیں۔ عمران خان نے مزید کہا کہ پشاور میں این اے4 کی جیت اس بات کا ثبوت ہے کہ خیبرپختوانخوا کی عوام پاکستان تحریک انصاف کی قیادت اور کارکردگی پر پورا یقین رکھتی ہے۔ عمران خان نے کہا کہ آج این اے 4 کی جیت مشترکہ اپوزیشن کیخلاف بڑی کامیابی ہے۔