پشاور(ویب ڈسک)این اے 4 پشاور ضمنی الیکشن کے غیر سرکاری غیر حتمی نتائج کے مطابق تحریک انصاف کے امیدوار کی یقینی ہوگئی ہے۔ تفصیلات کے مطابق این اے 4 پشاور ضمنی الیکشن کے سلسلے میں 269 پولنگ اسٹیشنز میں سے 206 کے غیر حتمی غیر سرکاری نتائج سامنے آگئے ہیں۔ سامنے آنے والے غیر سرکاری غیر حتمی نتائج کے مطابق تحریک انصاف کے امیدوار کی فتح یقینی ہوگئی ہے۔ تحریک انصاف کے امیدوار ارباب عامر اب تک 37 ہزار سے زائد ووٹ حاصل کر چکے ہیں۔ جبکہ ان کے مدمقابل ن لیگ کے امیدوار اب تک 30 ہزار ووٹ حاصل کر پائے ہیں۔

لاہور (خبر نگار ) الیکشن کمیشن نے لاہور سے حلقہ این اے 120 کے ان 39 پولنگ سٹیشنوں کی فہرست جاری کر دی ہے جن میں بائیو میٹرک مشینیں نصب کی جائینگی بتایاگیا ہے کہ اس الیکشن کے ووٹرز گوگل میپ کے ذریعے اپنے اپنے پولنگ بوتھ پر جا سکیں گے جس کیلئے ووٹرز اپنا ووٹ نمبر 8300 پر ایس ایم ایس کر کے پولنگ بوتھ اور ووٹ نمبر بھی لکھ سکیں گے الیکشن کمیشن کے مطابق ان 39 پولنگ سٹیشنوں پر 110 افراد کو ٹرین کیا جائیگا جس میں خواتین سٹاف کی تعداد 45 اور مرد سٹاف کی تعداد 55 ہوگی جبکہ پولنگ سٹاف کو بائیو میٹرک مشینیں استعمال کرنے کیلئے اسلام آباد سے عملہ لاہور پہنچ گیا ہے الیکشن کمیشن کے مطابق بائیو میٹرک کا ڈیمو آج میڈیا کے سامنے پیش کیا جائیگا جبکہ بائیو میٹرک کے نتائج ضمنی الیکشن پر اثر انداز نہیں ہونگے بائیو میٹرک کے ساتھ ساتھ مینول طریقے بھی ووٹنگ ہوگی۔