Monthly Archives: February 2021

headlines, خاص خبریں, سلائڈنگ, قومی خبریں

18,NA75 مارچ کو دوبارہ الیکشن ،کمشنر RPO گوجرانوالہ تبدیل DC،DPOسیالکوٹ ،ACڈسکہ کو معطل کرنے کا حکم چیف سیکرٹری ، IG ذاتی حیثیت میں طلب

Leave a comment

الیکشن کمیشن آف پاکستان (ای سی پی) نے قومی اسمبلی کے حلقہ این اے-75 ڈسکہ میں 20 فروری کو ہونے والا ضمنی انتخاب کالعدم قرار دیتے ہوئے پورے حلقے میں دوبارہ الیکشن کروانے کا حکم دے دیا۔

الیکشن کمیشن میں مذکورہ حلقے میں ضمنی انتخاب کے دوران مبینہ دھاندلی کے خلاف دائر کردہ درخواست میں مسلم لیگ (ن) کی اُمیدوار نوشین افتخار نے پورے حلقے میں دوبارہ انتخاب کا مطالبہ کیا تھا جبکہ پاکستان تحریک انصاف (پی ٹی آئی) نے ان 20 پولنگ اسٹیشنز پر دوبارہ پولنگ کی درخواست دی تھی جن کے نتائج روکے گئے تھے۔

چیف الیکشن کمشنر سکندر سلطان راجا کی سربراہی میں 5 رکنی کمیشن نے این اے 75 مبینہ انتخابی دھاندلی کیس کی سماعت کی۔

فیصلے میں الیکشن کمیشن نے کہا کہ ضمنی انتخاب کے دن پورے حلقے میں بدامنی پھیلائی گئی، پولنگ کے دوران فائرنگ کے واقعات رپورٹ ہوئے، جس کے نتیجے میں دو افراد بھی جاں بحق ہوئے۔

الیکشن کمیشن نے کہا کہ شفافیت اور غیر جانبداری کو یقینی بناتے ہوئے این اے 75 ڈسکہ ضمنی الیکشن کالعدم قرار دیے جاتے ہیں۔

آئین کے آرٹیکل 218(3) اور الیکشن ایکٹ 9(1) میں دیے گئے اختیارات کو استعمال کرتے ہوئے این اے 75 کا ضمنی الیکشن کالعدم قرار دیا جاتا ہے۔

ساتھ ہی الیکشن کمیشن نے این اے 75 میں 18 مارچ کو دوبارہ ضمنی انتخاب کروانے کا بھی حکم دیا۔

الیکشن کمیشن میں سماعت کا احوال

سماعت میں مسلم لیگ (ن) کی اُمیدوار نوشین افتخار کی نمائندگی کرنے والے وکیل سلمان اکرم راجا نے کہا کہ جن پولنگ اسٹیشن کے پریزایڈنگ افسران غائب ہوئے وہاں پولنگ کی شرح 86 فیصد تک رہی۔

انہوں نے کہا کہ الیکشن کمیشن کے پاس اختیارات ہیں کہ معاملے کی تہہ تک تحقیقات کرے کہ ڈی ایس پی ذوالفقار ورک کی دوسری مرتبہ تعیناتی کا کون ذمہ دار ہے۔

سلمان اکرم راجا نے کہا کہ پی ٹی آئی اُمیدوار کے سب سے بڑے سپورٹر نے کہا تھا کہ یہ ڈنڈے کا الیکشن ہے، جس پر چیف الیکشن کمشنر نے کہا کہ گاؤں میں ڈنڈے تو ویسے بھی چل جاتے ہیں۔

الیکشن کمیشن کے سندھ سے تعلق رکھنے والے رکن نے کہا کہ ویڈیو سے لگتا ہے ڈنڈے سوٹے کا لفظ محاورے کے طور پر بولا گیا تھا۔

وکیل پی ٹی آئی بیرسٹر علی ظفر نے دلائل میں کہا کہ یہ بات درست نہیں ہے کہ غیر متنازع تمام 337 پولنگ اسٹیشنز پر ووٹرز کو روکا گیا۔

وکیل نے کہا کہ نوشین افتخار نے ریٹرننگ افسر (آر او) کو جو درخواست دی اسے پڑھا جائے، نوشین نے 23 پولنگ اسٹیشنز پر دوبارہ پولنگ کی درخواست دی جبکہ آر او نے بھی اپنی رپورٹ میں بیس پولنگ اسٹیشنز کے نتائج تاخیر سے پہنچنے اور صرف 14 پر ری پولنگ کی تجویز دی۔

سماعت میں سلمان اکرم راجا نے متنازع 20 پولنگ اسٹیشنز کے ووٹوں کا فرانزک آڈٹ کرانے کی استدعا کی۔

بیرسٹر علی ظفر نے کہا کہ ہر الیکشن تنازع کا سیاسی اور میڈیا پہلو ہوتا ہے، جرمن فلاسفر نے کہا تھا شکار، جنگ اور الیکشن ہارنے کے بعد جھوٹ بولا جاتا ہے۔

ان کا مزید کہنا تھا کہ این اے-75 کے 360 میں سے 337 پولنگ اسٹیشنز کا کوئی تنازع نہیں، ریٹرننگ افسر نے قیاس آرائیوں کی بنیاد پر دوبارہ پولنگ کی سفارش کی، یہ کہنا درست نہیں کہ نتیجہ تاخیر سے آنے کا مطلب رزلٹ تبدیل ہونا ہے۔

جس پر کمیشن کے سندھ سے رکن نے کہا کہ جس انداز میں تاخیر ہوئی اس سے نتائج میں تبدیلی کا گمان ہو سکتا ہے۔

بیرسٹر علی ظفر نے کہا کہ پریزائڈنگ افسران کے آر او آفس پہنچنے کا کوئی وقت مقرر نہیں، صبح سے شام تک موبائل کی بیٹریاں ختم ہوجاتی ہیں جس پر رکنِ خیبرپختونخوا ارشاد قیصر نے کہا کہ کیا ڈرائیورز سمیت سب کی بیٹریاں ختم ہوگئی تھیں؟

وکیل پی ٹی آئی نے کہا کہ انتخابی عملے کا دفاع نہیں کروں گا، جن کے نتائج میں تبدیلی نہیں ہوئی کیا ان کے موبائل آن تھے؟ پریزائڈنگ افسران کا دیر سے آنا کوئی غیر قانونی چیز نہیں کہ اس پر دوبارہ الیکشن کرایا جائے۔

چیف الیکشن کمشنر نے سوال کیا کہ ووٹرز کے لیے خوف و ہراس کی فضا ہو تو کیا ہوگا؟ اگر ماحول ایسا بنا دیا جائے کہ ووٹر ووٹ نہ ڈال سکے تو پھر کیا ہونا چاہیے۔

بیرسٹر علی ظفر نے کہا کہ بہتر تھا ریٹرننگ افسر نتائج کا اعلان کرتے، نتائج کا اعلان ہونے کے بعد ٹربیونل سے رجوع کیا جا سکتا تھا، کسی پریذائڈنگ افسر نے اغوا ہونے یا نتیجہ تبدیل کرنے کا نہیں کہا، انکوائری کرنا الیکشن کمیشن نہیں ٹربیونل کا کام ہے۔

چیف الیکشن کمشنر نے کہا کہ علی اسجد کے پارٹی سربراہ نے 20 پولنگ اسٹیشنز پر دوبارہ پولنگ کا بیان دیا۔

رکن سندھ نے کہا کہ کیا 10 پریزائڈنگ افسران کے لاپتا ہونے کا مطلب قانون کی صریحاً خلاف ورزی نہیں؟ بیرسٹر علی ظفر نے کہا کہ اس کے لیے کمیشن کو پہلے قرار دینا ہوگا کہ پریزائڈنگ افسران نے جھوٹ بولا۔

چیف الیکشن کمشنر نے کہا کہ سال 2018 کے عام انتخابات میں فارم 45 کا مسئلہ سامنے آیا تھا لیکن الیکشن کمیشن کو فارم 45 نہ ملنے کی شکایت نہیں آئی۔

سماعت میں پی ٹی آئی امیدوار علی اسجد ملہی نے کہا کہ مریم نواز نے رات 12:30 بجے ہی فتح کا اعلان کر دیا تھا، کئی بار الیکشن ہارنے پر پولنگ ایجنٹس فارم 45 کی کاپی نہیں لیتے۔

پی ٹی آئی اور مسلم لیگ (ن) کا ردِ عمل

الیکشن کمیشن کے فیصلے پر ردِ عمل دیتے ہوئے مسلم لیگ (ن) کی نائب صدر مریم نواز نے کہا کہ ‘ڈسکہ کے عوام کا ان کا حق واپس مل گیا’۔

سماجی روابط کی ویب سائٹ ٹوئٹر پر اپنے پیغام میں ان کا کہنا تھا کہ ‘جعلی صادق و امین کو ووٹ چور کی سند جاری اور بکسہ چوری کی تصدیق ہوگئی، ووٹ چور عمران خان اغوا کار بھی نکلا!’

ایک اور پیغام میں مریم نواز نے کہا کہ الیکشن کمیشن نے اس فیصلے سے عوام میں اپنی ساکھ اور عزت میں اضافہ کیا ہے۔

اس ضمن میں مریم نواز کے ترجمان محمد زبیر نے میڈیا سے گفتگو کرتے ہوئے کہا کہ ‘حکومت رنگے ہاتھوں پکڑی گئی ہے، حکمراں جماعت نے وہ حربے استعمال کیے کہ خود الیکشن کمیشن بھی حیران رہ گیا’۔

مسلم لیگ (ن) کی امیدوار نوشین افتخار نے فیصلے کو ‘تاریخی’ قرار دیتے ہوئے تشدد کے باوجود ووٹ ڈالنے پر ووٹرز کا شکریہ ادا کیا۔

دوسری جانب وفاقی وزیر اطلاعات شبلی فراز نے صحافیوں کو بتایا کہ ان کی پارٹی قانونی ٹیم سے مشورہ کر کے تمام آپشنز پر غور کرے گی۔

انہوں نے یہ کہتے ہوئے مسلم لیگ (ن) کو تنقید کا نشانہ بنایا کہ یہ جماعت اپنی کامیابی تو قبول کرلیتی ہے لیکن اپنی شکست تسلیم نہیں کرتی۔

ڈپٹی کمشنر، ڈی پی او سیالکوٹ، اسسٹنٹ کمشنر ڈسکہ کی معطلی کا حکم

دوسری جانب الیکشن کمیشن نے چیف سیکریٹری پنجاب اور آئی جی پنجاب کو ضمنی انتخابات کے دوران اپنے فرائض سے غفلت برتنے پر 4 مارچ کو ذاتی حیثیت میں طلب کر لیا ہے۔

الیکشن کمیشن نے اسٹیبلشمنٹ ڈویژن اور حکومت پنجاب کو حکم دیا ہے کہ ڈپٹی کمشنر سیالکوٹ ذیشان جاوید لاشاری، ضلعی پولیس افسر (ڈی پی او) سیالکوٹ حسن اسد علوی، اسسٹنٹ کمشنر ڈسکہ آصف حسین اور ڈسکہ و سمبڑیال کے ڈی ایس پیز کو معطل کیا جائے اور انہیں کسی الیکشن ڈیوٹی پر مامور نہیں کیا جائے۔

بیان میں کہا گیا کہ ان تمام افراد کے خلاف الیکشن کمیشن خود انکوائری کرے گا یا وفاقی حکومت یا صوبائی حکومت کو انکوائری کرانے کا حکم دے گا، جس کا فیصلہ بعد میں ہوگا۔

اس کے علاوہ الیکشن کمیشن نے کمشنر گوجرانوالہ ڈویژن اور آر پی او گوجرانوالہ رینج کو ان کے موجودہ عہدوں سے تبدیل کرکے گوجرانوالہ ڈویژن سے باہر بھیجنے کی ہدایت کی ہے۔

ڈسکہ ضمنی انتخاب

خیال رہے کہ قومی اسمبلی کے حلقہ 75 (سیالکوٹ 4) میں ضمنی انتخاب میں نتائج میں غیرضروری تاخیر اور عملے کے لاپتا ہونے پر 20 پولنگ اسٹیشن کے نتائج میں ردو بدل کے خدشے کے پیش نظر الیکشن کمیشن نے متعلقہ افسران کو غیرحتمی نتیجہ کے اعلان سے روک دیا تھا۔

الیکشن کمیشن آف پاکستان (ای سی پی) کے جاری کردہ ایک اعلامیے میں کہا گیا تھا کہ این اے 75 سیالکوٹ کے نتائج غیرضروری تاخیر سے موصول ہوئے اور اس دوران متعدد مرتبہ پریزائڈنگ افسران سے رابطے کی کوشش بھی کی گئی مگر رابطہ نہ ہوسکا۔

اعلامیے کے مطابق ڈسٹرکٹ ریٹرننگ افسران اور ریٹرننگ افسر حلقہ این اے 75 نے آگاہ کیا ہے کہ 20 پولنگ اسٹیشنز کے نتائج میں رد و بدل کا شبہ ہے، لہٰذا مکمل انکوائری کے بغیر حلقے کا غیرحتمی نتیجہ جاری کرنا ممکن نہیں۔

ساتھ ہی یہ بھی بتایا گیا تھا کہ الیکشن کمیشن نے ڈسٹرکٹ ریٹرننگ افسران اور ریٹرننگ افسر کو این اے 75 سیالکوٹ کے غیرحتمی نتیجے کے اعلان سے روک دیا ہے اور مکمل انکوائری اور ذمہ داران کے تعین کی ہدایات کی گئی ہیں۔

مسلم لیگ (ن) نے دھاندلی کے الزامات عائد کر کے دوبارہ پولنگ کا مطالبہ کیا تھا جس پر وزیراعظم عمران خاں نے ڈسکہ میں قومی اسمبلی کے حلقہ این اے-75 پر ہوئے ضمنی انتخاب میں مبینہ دھاندلی کے الزامات پر پاکستان تحریک انصاف (پی ٹی آئی) کے امیدوار سے 20 پولنگ اسٹیشنوں پر دوبارہ پولنگ کی درخواست دینے کا کہا تھا۔

قومی خبریں

‘چائے کی پیشکش عمومی تھی آفر اب بھی برقرار ہے’

Leave a comment

ڈی جی آئی ایس پی آر میجر جنرل بابرافتخار نے کہا ہے کہ چائےکی پیشکش عمومی طور پر کی ‏تھی آفر اب بھی برقرار ہے۔

اے آر وائی نیوز کے پروگرام دی رپورٹرز میں گفتگو کرتے ہوئے ترجمان پاک فوج نے کہا کہ انگلیاں ‏اٹھانےوالوں کو حکومت اچھےسےجواب دےرہی ہے جہاں جواب کی ضرورت ہوتی ہےوہاں جواب ‏دیتےہیں، الزامات کاکوئی وجود ہی نہیں توان کاجواب دینےکافائدہ نہیں۔

ڈی جی آئی ایس پی آر نے کہا کہ عوام اورمیڈیاسمجھتےہیں اوراپنےاداروں سےمحبت کرتے ہیں، ‏چائےکی پیشکش عمومی طور پر کی تھی آفر اب بھی برقرار ہے۔

ڈی جی آئی ایس پی آر نے بتایا کہ ڈی جی ایم اوہاٹ لائن ایک پرانا میکنزم ہے جس کےتحت ‏جیسے بھی حالات ہوں رابطہ جاری رہتا ہے کوئی بھی ایمرجنسی ہوجائےاس کےعلاوہ بھی رابطہ ‏ہوتا ہے، ہاٹ لائن رابطہ جاری رہتاہے۔

میجرجنرل بابرافتخار نے کہا کہ اس وقت رابطہ کسی خاص حالات کےتحت نہیں ہوا، ملٹری ٹو ‏ملٹری جومیکنزم ہے اسی کےتحت ڈی جی ایم اوزرابطہ ہوا، زمین حقائق پر دونوں جانب سے کہا ‏گیا سیزفائر پر عمل ہونا چاہیے، بھارت کی سیزفائرکی خلاف ورزی پران کی چوکیوں کونشانہ ‏بناتےہیں، دونوں جانب سیزفائرکی خلاف ورزی سے نقصان ہورہاتھا جب کہ دہشت گردی پرجس طرح ‏قابوپایاوہ خطےکےلیےبھی بہت اہم ہے۔

قومی خبریں

یکم مارچ سے تعلیمی ادارے معمول کے مطابق کھولنے کا اعلان

Leave a comment

وفاقی وزیر تعلیم شفقت محمود نے اعلان کیا ہے کہ یکم مارچ سے تمام اسکولز ہفتے میں 5 دن کلاسز کے معمول پر واپس آجائیں گے۔

مائیکرو بلاگنگ ویب سائٹ ٹوئٹر پر اپنی ٹوئٹس میں وزیر تعلیم نے اعلان کیا کہ پیر یکم مارچ سے تمام اسکولز 5 دن کی کلاسز کے معمول پر واپس آجائیں گے، کچھ بڑے شہروں میں اسکولوں پر کلاسز کو چھوٹے گروہوں میں تقسیم کرنے کی پابندی 28 فروری تک تھی۔

انہوں نے لکھا کہ یہ اعلان ان تمام تعلیمی اداروں پر لاگو ہوتا ہے جہاں پابندیاں نافذ تھیں۔

ساتھ ہی انہوں نے لکھا کہ اللہ کا شکر ہے کہ ہم معمول کی طرف واپس آرہے ہیں۔

اپنی ایک اور ٹوئٹ میں شفقت محمود کا کہنا تھا کہ تمام تعلیمی اداروں میں کورونا ایس او پیز جیسے سماجی فاصلے، ماسک پہننچے اور ہاتھوں کو دھونے کی سہولت کو یقینی بنانے کا سلسلہ جاری رکھا جائے۔

واضح رہے کہ سال 2020 میں ملک میں آنے والی اس وبا نے تعلیمی سرگرمیوں کو بری طرح متاثر کیا اور فروری میں وائرس کے پہلے کیس کے بعد مارچ میں پہلی مرتبہ ملک میں تعلیمی اداروں کو بند کرنا پڑا جو 6 ماہ سے زائد عرصے تک بند رہے اور پھر ستمبر کے مہینے میں انہیں مرحلہ وار کھولا گیا۔

تاہم وائرس کی دوسری لہر کے حملے سے ایک مرتبہ پھر طلبہ کی صحت کو لاحق خطرات کے پیش نظر نومبر میں ان تعلیمی اداروں کو دوبارہ بند کرنے کا فیصلہ کیا گیا۔

جس کے بعد ایک مرتبہ پھر تقریباً 2 ماہ تک تعلیمی ادارے بند رہے اور 18 جنوری سے ملک میں نویں سے بارہویں، او اور اے لیول کے طلبہ کے لیے تعلیمی سرگرمیاں بحال کردی گئیں، بعد ازاں یکم فروری سے اسکولز کی دیگر کلاسز اور جامعات کو بھی کھول دیا گیا۔

تاہم ملک کے مختلف شہروں میں کورونا وائرس کی صورتحال کے پیش نظر تعلیمی اداروں میں طلبہ کو متبادل دنوں میں بلانے کی ہدایات جاری کی گئی تھیں تاکہ وائرس کے پھیلاؤ کو کم کیا جاسکے۔

قبل ازیں گزشتہ روز نیشنل کمانڈ اینڈ آپریشن سینٹرز (این سی او سی) نے ملک میں کورونا وائرس کی صورتحال کو دیکھتے ہوئے تجارتی مراکز پر اوقات کار اور سرکاری دفاتر میں 50 فیصد عملے کی پابندی ختم کردی تھی۔

اس کے علاوہ 15 مارچ سے سنیما ہالز، مزارات، انڈور شادی کی تقریبات کی اجازت بھی دے گی گئی تھی جبکہ پی ایس ایل کے جاری میچز میں شائقین کی تعداد 20 سے بڑھا کر 50 فیصد کردی گئی تھی جبکہ پلے آف میں مکمل تعداد میں شائقین کو آنے کی اجازت دی گئی ہے۔

اگر ملک میں اس وقت تک کورونا وائرس کی مجموعی صورتحال کو دیکھیں تو 5 لاکھ 75 ہزار 941 افراد اس سے متاثر ہوئے ہیں جس میں سے 5 لاکھ 39 ہزار 888 صحتیاب ہوئے ہیں جبکہ انتقال کرجانے والوں کی تعداد 12 ہزار 772 ہے۔

خاص خبریں, سلائڈنگ, قومی خبریں

دیپالپور: با اثر افراد کا غیر انسانی سلوک ،بزرگ کو کتے کا جھوٹا دودھ پلاتے رہے،بدترین تشدد بھی کیا ،تشدد کے بعد گلے میں پٹہ ڈال کر گھسیٹتے رہے،ویڈیو منظر عام آنے کے بعد ایک ملزم گرفتار ،دیگر کی گرفتاری کیلئے چھاپے

Leave a comment

دیپالپور(ویب ڈیسک) بااثر افراد کا بزرگ کیساتھ غیر انسانی سلوک اور وحشیانہ تشدد کا نشانہ بنایا گیا۔ غلام رسول کو کتے کا جوٹھا دودھ پلاتے رہے۔ ویڈیو وائرل ہونے پر ملزم گرفتار تفصیلات کے مطابق ڈیپالپور کے نواحی علاقے تینتالیس فور ایل میں غریب محنت کش کو بااثر افراد نے وحشیانہ تشدد کا نشانہ بنایا اور غیر انسانی سلوک کرتے ہوئے اس کو کتے کا جوٹھا دودھ پینے پر بھی مجبور کرتے رہے۔ غریب غلام رسول کا قصور یہ تھا کہ اس نے ملزمان کے مظالم کے خلاف ڈی پی او اوکاڑہ کو درخواست دے رکھی تھی۔ جس کا زمان، محمد خان اور بشیر وغیرہ کو سخت رنج تھا۔ اور انہوں نے موقع ملتے ہی غلام رسول کو پکڑا اور اپنی ڈھاری پے لے گئے جہاں پہلے اسے شدید تشدد کا نشانہ بنایا اور پھر اس کے گلے میں پٹہ ڈال کر گھسیٹتے رہے اور پھر اس کو کتے کا جوٹھا دودھ پینے پر مجبور کرتے رہے۔

خاص خبریں, سلائڈنگ, قومی خبریں

خبریں گروپ کے اشتراک سے پاکستان کی پہلی vExpo کا آج سے آغاز

Leave a comment

لاہور (ویب ڈیسک) پاکستان کی پہلی ورچوئل (آن لائن) ایکسپو 25فروری کو شروع ہوگی۔ تفصیلات کے مطابق پاکستان میں پہلی بار رئیل اسٹیٹ اور کسٹرکشن کی آن لائن نمائش روں ماہ کی 25 تاریخ سے شروع ہوگی۔ ورچوئل ایسپو پاکستان کی تاریخ میں پہلی بار منعقد کیا جانے والا ایک ایسا پلیٹ فارم ہے جس میں حقیق نمائش کی طرح عصر حاضر کی جدید تقاضوں کو مدنظر رکھتے ہوئے آن لائن نمائش کی جائیگی۔ ورچوئل ایکسپو میں ملک بھر کے بڑے تعمیراتی ادارے اپنے کاروباری منصوبہ جات نمائش کیلئے پیش کریں گے۔ ورچوئل ایکسپو کے انعقاد کا بنیادی مقصد کورونا کے اس وبائی دور میں تعمیراتی و کاروباری سرگرمیوں کو فروغ دینا ہے۔ ورچوئل ایکسپو سے صارفین حقیقی نمائش کی طرح گھر بیٹھے نمائش میں شامل ہونے اور منصوبہ جات کو دیکھنے کے علاوہ معلومات سرمایہ کاری خرید و فروخت کر سکیں گے۔ ورچوئل ایکسپو دنیا بھر میں کاروبار کو فروغ دینے اور گھر بیٹھے صارفین تک پہنچنے کا سب سے موثر ذریعہ ہے۔ ورچوئل پلیٹ فارم کی خاص بات یہ ہے کہ نمائش میں شرکت کے لیے وقت کی قید نہیں ے۔ جوبیس گھٹنے میں کسی بھی وقت کوئی بھی سٹال ہولڈرز یا وزیٹرز آن لائن پلیٹ فارم پر نمائش میں شرکت کرسکے گا۔

headlines, خاص خبریں, سلائڈنگ, قومی خبریں

احسان اللہ احسان کے فرار میں چند فوجی ملوث ،کارروائی شروع کردی:ڈی جی آئی ایس پی آر

Leave a comment

ڈی جی آئی ایس پی آر کا کہنا تھا کہ طالبان ترجمان احسان اللہ احسان کے فرار میں ملوث فوجی اہلکاروں کے خلاف کارروائی شروع ہوچکی ہے، نئی امریکا انتظامیہ طالبان سے مذاکرات پرغورکررہی ہے، بھارت کی تمام فوجی نقل وحرکت پر ہماری نظر ہے، سعودی عرب کے ساتھ فوجی سطح پر اچھے تعلقات ہیں۔

غیرملکی میڈیا کے نمائندوں کے ساتھ بات چیت میں ڈی جی آئی ایس پی آر میجر جنرل بابر افتخار کا کہنا تھا کہ احسان اللہ احسان کا فرارہوجانا ایک بہت سنگین معاملہ تھا اور اس پر مکمل تحقیقات کے بعداس کے ذمہ دار فوجی افسروں کے خلاف کارروائی کی جا چکی ہے۔

انھوں نے کہا کہ ’احسان اللہ احسان کی دوبارہ گرفتاری کی کوششیں بھی جاری ہیں لیکن فی الوقت انھیں علم نہیں ہے کہ احسان اللہ احسان کہاں ہیں،گذشتہ دنوں تحریک طالبان کے سابق ترجمان کی جانب سے نوبل انعام یافتہ سماجی کارکن ملالہ یوسفزئی کو ٹوئٹر پر دھمکی کے بارے میں ایک سوال پر فوج کے ترجمان کا کہنا تھا کہ ’ان کی معلومات کے مطابق جس ٹوئٹر اکاؤنٹ سے ملالہ کو دھمکی دی گئی وہ ایک جعلی اکاؤنٹ تھا۔

انہوں نے مزید کہا بھارت کی تمام فوجی نقل و حرکت پر ہماری نظر ہے اور پاکستان ان خطرات سے نمٹنے کی بھرپور صلاحیت رکھتا ہے، شمالی اور جنوبی وزیرستان میں حالیہ دہشت گردی کے واقعات پر ڈی جی آئی ایس پی آر نے کہا کہ پاکستان میں اب دہشت گردوں کے محفوظ ٹھکانے نہیں ہیں لیکن چند عناصر موجود ہیں جو دوبارہ فعال ہونے کی کوشش کر رہے ہیں اور انہیں بیرونی ایجنسیوں کی جانب سے اسلحے اور مالی معاونت کی جا رہی ہے۔

افغان امن عمل پر بات کرتے ہوئے میجر جنرل بابر افتخار نے کہا کہ نئی امریکی انتظامیہ افغان طالبان مذاکرات کے معاملے پہ غور کر رہی ہے اور پاکستان کا اس معاملے پر یہی موقف ہے کہ افغانستان میں امن کے قیام کے لیے مذاکرات جاری رہنے چاہییں اور اس میں تعطل بالکل نہیں آنا چاہیے۔

انہوں نے کہا کہ پاکستان افغان امن مذاکرات کا حامی ہے، ایک سوال کے جواب میں انہوں نے کہا کہ سعودی عرب سے فوجی سطح پر اچھے تعلقات ہیں اور پاکستان کے ٹریننگ سینٹر سعودی عرب میں موجود ہیں لیکن ان کا یمن تنازعے سے کوئی تعلق نہیں ہے،سابق آرمی چیف راحیل شریف کے حوالے سے ڈی جی آئی ایس پی آر نے بتایا کہ وہ ابھی سعودی عرب میں ہی ہیں اور اپنی عہدے پر موجود ہے۔

headlines, خاص خبریں, سلائڈنگ, قومی خبریں

چین امریکہ دوری پاکستان ختم کروا سکتاہے:عمران خان

Leave a comment

پاکستان کے وزیر اعظم عمران خان سری لنکا کے دو روزہ دورے پر ہیں۔ اس دورے کے دوران وزیر اعظم عمران خان سری لنکا کے صدر گوٹابھایا راج پکشے اور وزیر اعظم مھیندا راج پکشے سے ملاقات کریں گے۔ اس کے علاوہ وہ سرمایہ کاروں کی ایک کانفرنس میں بھی شرکت کریں گے۔

عمران خان کا یہ دورہ اس وقت سرخیوں میں آیا جب پاکستان کے وزیراعظم عمران خان کے سری لنکا کے دورے سے قبل سری لنکا کے مقامی میڈیا پر ایسی خبریں سامنے آئیں کہ پاکستان کے وزیراعظم کا سری لنکا کی پارلیمان سے خطاب کا منصوبہ منسوخ کر دیا گیا ہے۔

یہ بھی دعوے سامنے آئے کہ عمران خان کے خطاب کو منسوخ کیے جانے کے پس پشت انڈیا ہے اور پاکستان کے وزیر اعظم عمران خان سری لنکا کی پارلیمان میں مسئلہ کشمیر اٹھا سکتے تھے اور یہ دہلی کو ناراض کرنے کے لیے کافی ہو سکتا ہے جبکہ ایک دعویٰ یہ بھی کیا جا رہا ہے کہ عمران خان سری لنکا کی پارلیمنٹ میں وہاں کے مسلمانوں کے حقوق کے بارے میں بات کر سکتے تھے۔

تاہم سری لنکا کا کہنا ہے کہ خطاب کی منسوخی کی وجہ کووڈ 19 کی پابندیوں اور ضابطہ کار کے باعث کی گئی ہے۔

کسی بھی ملک کے سربراہ کے لیے کسی دوسرے ملک کی پارلیمنٹ سے خطاب کرنا اعزاز کی بات سمجھی جاتی ہے۔ سری لنکا کی حکومت یہ اعزاز پاکستان کے وزیر اعظم کو دینا چاہتی تھی جو دونوں ممالک کے گہرے تعلقات کا کی عکاسی ہے۔

headlines, خاص خبریں, سلائڈنگ, سپورٹس, قومی خبریں

15مارچ سے سینما گھر شادی ہال کھلیں گے،PSLمیچز میں شائقین کی تعداد 20%سے 50%کر دی گئی

Leave a comment

نیشنل کمانڈ اینڈ آپریشن سینٹر (این سی او سی) نے ملک بھر میں کورونا وائرس کی صورتحال پر غور کے بعد 15 مارچ سے مزارات، سینما ہالز اور ان ڈور شادیوں کی اجازت دینے کا فیصلہ کر لیا ہے۔

این سی او سی کی جانب سے جاری نوٹی فیکیشن کے مطابق سینما ہالز، مزارات اور انڈور شادیوں میں کورونا ایس او پیز پر سختی سے عمل کرنا ہوگا۔

اس کے علاوہ پی ایس ایل میچز میں شائقین کی تعداد 20 فیصد سے 50 فیصد بڑھانے کا بھی فیصلہ کر لیا گیا ہے۔ پی ایس ایل میچز میں سٹیڈیم کی گنجائش کے مطابق شائقین کے داخلے کی اجازت ہوگی، جبکہ پلے آف میچز میں ایس او پیز کے تحت تمام شائقین کو آنے کی اجازت دیدی گئی ہے۔

تجارتی مراکز اور پارکس میں اوقات کار کی پابندی اور 50 فیصد سٹاف کے گھر سے کام کی شرط بھی ختم کر دی گئی ہے تاہم ماسک پہننے اور سماجی فاصلوں کے حوالے سے ایس او پیز پر عمل درآمد جاری رہے گا۔

ایس او پیز کے مطابق لوکل باڈیز اور کینٹ بورڈ انتخابات مئی جون کے مہینے میں کئے جائیں گے۔

خاص خبریں, سلائڈنگ, قومی خبریں

امتنان شاہد کی ڈی آئی جی سکیورٹی اسلام آباد وقار الدین سے ملاقات، سکیورٹی صورتحال پر تبادلہ خیال

Leave a comment

اسلام آباد (ویب ڈیسک) ایڈیٹر خبریں گروپ اور سی ای او چینل۵ امتنان شاہد نے ڈی آئی جی سکیورٹی وقارالدین کے ساتھ اسلام آباد میں ان کے دفتر ملاقات کی۔ ملاقات میں اسلام آباد کی سیکورٹی صورتحال اور دیگر امور پر تبادلہ خیال کیا۔ ڈی آئی جی وقارالدین نے امتنان شاہد سے گفتگو کرتے ہوئے کہا کہ وفاقی دارلاحکومت اسلام آباد ، انتہائی پرامن شہر ہے لوگوں کی جان و مال کا تحفظ ہماری بنیادی ذمہ داری ہے۔ غیر ملکی سفارتکاروں کیلئے وفاقی دارالحکومت اسلام آباد محفوظ ترین شہر ہے۔ ڈپلومیٹک انکلیو میں واقع غیر ملکی سفارتخانوں اور سفارتکاروں کی سیکورٹی کیلئے اسلام آباد پولیس نے غیر معمولی انتظامات کر رکھے ہیں۔ ڈی آئی جی کا کہنا تھا کہ سیف سٹی پروجیکٹ کی وجہ سے اسلام آباد میں سٹریٹ کرائم میں نمایاں کمی واقع ہوئی ہے۔ وفاقی دارالحکومت اسلام آباد کی پولیس ایک ماڈل پولیس ہے۔ پولیس کے شعبے میں اصلاحات کے خوش آئند نتائج برآمد ہوں گے۔ ایڈیٹر خبریں گروپ امتنان شاہد نے وفاقی دارلحکومت اسلام آباد کی پولیس کی کارکر دگی کو سراہتے ہوئے کہا کہ یہ بات خوش آئند ہے کہ اسلام آباد میں امن و امان کی صورتحال دیگر شہروںکی نسبت بہتر ہے۔ ڈی آئی جی سکیورٹی کی طرف سے اٹھائے جانے والے اقدامات کو امتنان شاہد نے تسلی بخش قرار دیا۔

خاص خبریں, سلائڈنگ, قومی خبریں

نیسلے لیکٹو جن (NESTLE LACTOGEN-1) دودھ نے نومولود کی جان لے لی، کمپنی کے اعلی حکام 9 مارچ کو عدالت طلب

Leave a comment

لاہور(خبریں،چینل ۵،ویب ڈیسک)نیسلے پاکستان کے خلاف مزید گھیرا تنگ ،نیسلے ک پاﺅڈر ملک لیکٹوجن پینے سے تین سال قبل نو مولود بچی کی مبینہ موت کے معاملات میں اہم پیشرفت ،ماڈل ٹاﺅن کچہری کی عدالت نے نیسلے سے متعلق پولیس کی رپورٹ کوجھوٹی اور بے بنیاد قرار دیتے ہوئے کمپنی کے اعلیٰ حکام کو 9مارچ کو عدالت میں طلب کر لیا ،اس حوالے سے مقدمہ مدعی عثمان بھٹی کا خبریں چینل فائیو سے خصوصی گفتگو کرتے ہوئے کہنا تھا کہ 5جولائی 2018ءکو نیسلے کمپنی کا لیکٹوجن ون دودھ پینے سے ان کی نومولود بچی جاں بحق ہوئی تھی،ڈاکٹر کے کہنے پر شک کی بنیاد پر جب بچی کا میڈیکل کروایا گیا تو اس میں بچی کی موت کی وجہ سانس رک جانے سے ہوئی ،جس کے فوری بعد میں نے تھانہ فیکٹری ایریا کے مجسٹریٹ نوید اشرف اعوان کی عدالت میں بچی کی قبر کشائی کیلئے درخواست دائر کی کمپنی نے اپنی رپورٹ خود عدالت میں پیش کر دی رپورٹ کے مطابق دودھ میں کیلشیم کلورائیڈ ،سوڈیم ،پوٹاشیم اور موئسچر کی مقدار فارمولے سے زیادہ ہونا بچی کی موت کی وجہ بنی،نیسلے مافیا ایک طرف کہتا رہا کہ دودھ ہمارا نہیں اور دوسری جانب معزز عدالت میں اپنے وکیل پیش کر کے تاخیر ی حربے استعمال کرتا رہا نیسلے نے قبر کشائی کا حکم بھی سیشن کورٹ میں چیلنج کیا تھا،تا ہم ناکام رہا،19ستمبر 2018ءکو قبر کشائی کے بعد نمونے پنجاب فرانزک لیبارٹری کو بھجوائے گئے اور رپورٹ میں بچی کے معدے میں Residde and Phenytoinپائے جانے کا انکشاف ہوا جو بچی کی موت کی وجہ بنا،تین سال کے دوران عدالتوں کے چکر لگاتارہا ہوں پویلس کی جانب سے کیس کو التوا میں رکھا گیا ،ایک سال طویل عرصے کے بعد سینئر پولیس افسر کے مداخلت کے بعد تھانہ فیکٹری ایریا میں 1086/9ایف آئی آر درج کی گئی۔

شوبز

شہزاد رائے نے جسمانی تشدد پر پابندی کے بِل کو بچوں کیلئے بہترین تحفہ قرار دے دیا

Leave a comment

قومی اسمبلی نے تاریخی اقدام اٹھاتے ہوئے 23 فروری کو اسلام آباد میں بچوں پر جسمانی تشدد پر پابندی کا بِل منظور کیا۔

یہ بِل مسلم لیگ (ن) کی رکن اسمبلی مہناز اکبر عزیز نے اسلام آباد میں بچوں کو جسمانی سزا دینے کے خلاف احکام وضع کرنے کا بل پیش کیا جسے ایک شق میں وفاقی وزیر برائے انسانی حقوق شیریں مزاری کی ترمیم کے بعد منظور کیا گیا۔

بل کے متن میں کہا گیا تھا کہ سرکاری و غیر سرکاری، کام کرنے کی جگہ، تعلیمی اداروں، مدارس، ٹیوشن سینٹرز میں بچوں پر جسمانی تشدد کی ممانعت ہو گی۔

اس میں کہا گیا تھا کہ بچے کے خلاف کسی قسم کی تادیبی کارروائی میں جسمانی تشدد شامل نہیں ہو گا اور مرتکب افراد کو نوکری سے فارغ کرنے کی انتہائی سزا دی جا سکتی ہے۔

بل کے متن کے مطابق بچوں پر تشدد کی صورت میں جبری ریٹائرمنٹ، تنزلی، تنخواہ میں کٹوتی کی سزا بھی دی جا سکے گی اور جسمانی تشدد کے خلاف شکایات کے لیے وفاقی حکومت طریقہ کار وضع کرے گی۔

موسیقار، گلوکار اور انسانی حقوق کے کارکن شہزاد رائے جو 2013 سے اپنے تعلیمی ٹی وی شو میں بچوں پر تشدد کے خلاف مہم چلارہے ہیں، انہوں نے بتایا کہ یہ مسئلہ اتنا اہم کیوں ہے۔

—فائل فوٹو: انسٹاگرام
—فائل فوٹو: انسٹاگرام

ڈان امیجز سے بات چیت کرتے ہوئے انہوں نے کہا کہ جب ہم اسکول میں تھے تو پٹائی کلچر تھا، میں کسی کا نام نہیں لینا چاہوں گا لیکن ہم سب نے ہی کسی نہ کسی موقع پر مار کھائی ہے۔

شہزاد رائے نے بتایا کہ ‘ اقوام متحدہ کے دفتر برائے منشیات اور جرائم کا خیر سگالی سفیر بننے کے بعد میں نے سینٹرل جیل کراچی میں کنسرٹ میں کیا تھا اور وہاں موجود بچوں سے بات چیت کی تھی’۔

گلوکار نے بتایا کہ ان میں سے اکثر بچوں نے بتایا کہ انہیں مار نہیں پڑتی کیونکہ وہ صرف بڑی چوٹوں جیسا کہ سر پھٹنے یا تشدد پر ہی غور کرتے تھے۔

ان کا کہنا تھا کہ جب بچوں کو جسمانی سزائیں دی جاتی ہیں، تو معاشرہ انہیں، ایک پوری نسل کو یہ بتاتا ہے کہ تشدد کسی مسئلے کو حل کرنے کا درست ذریعہ ہے۔

شہزاد رائے نے کہا کہ ‘جب بچہ پیدا ہوتا ہے تو والدین اس کی پٹائی کرتے ہیں، جب وہ تعلیم کے حصول کے لیے اسکول یا مدرسہ جاتا ہے تو اساتذہ اسے مارتے ہیں اور آخر کار پولیس بھی اسے بے رحمی سے مارتی ہے’۔

گلوکار نے مزید کہا کہ ‘بچہ یہ دیکھتا ہے کہ اگر کسی مسئلے کو ٹھیک کرنا ہے تو تشدد ہی اس کا واحد حل، واحد راستہ ہے’۔

ان کا کہنا تھا کہ اسی لیے میں زور دیتا ہوں کہ اپنے بچوں کی حفاظت کریں، انہیں پڑھائیں، سخت سزائیں نہ دیں۔

شہزاد رائے جنہوں نے حالیہ دنوں مختلف قانون سازوں بشمول اسپیکر قومی اسمبلی کو فوری طور پر اس بل پر کارروائی پر زور دیا تھا، اس کی منظوری پر بہت زیادہ خوش ہیں۔

گلوکار نے مزید کہا کہ ‘یہ میری طرف سے پاکستان کے بچوں کے لیے بہترین تحفہ ہے’۔

بچوں پر جسمانی تشدد پر پابندی کے بل کے حوالے سے بات کرتے ہوئے انہوں نے کہا کہ ‘ 2012 سے اس ضمن میں ایک تبدیلی آئی ہے جو میں دیکھ رہا ہوں کہ پہلے جب کوئی بڑا کسی بچے کو مارتا تھا تو لوگ اس کی ویڈیوز بناتے تھے، وہ سوشل میڈیا پر شیئر ہوتی تھیں اور وہ مجرم پکڑا جاتا تھا’۔

اپنی بات کو جاری رکھتے ہوئے انہوں نے کہا کہ تاہم بعدازاں اس شخص کو رہا کردیا جاتا لیکن اب ایسے افراد جو تشدد کرتے ہیں انہیں رہا نہیں کیا جاتا۔

انہوں نے یہ بھی کہا کہ صرف بل کی منظوری ہی اس مسئلے کا حل نہیں ہے، انہوں نے کہا کہ اصلاحات چلتی رہتی ہیں۔

شہزاد رائے کا کہنا تھا کہ بچوں کے تحفظ کے اداروں اور محکمہ معاشرتی بہبود دونوں کو یکساں طور پر مضبوط کرتے ہیں۔

انہوں نے مزید کہا کہ سخت ترین لڑائی ہمارے نصاب میں مہارت پر مبنی تعلیم کو شامل کرنا ہے۔

شہزاد رائے نے اس بِل کی منظوری کو ایک مثبت پیشرفت قرار دیا اور ساتھ ہی کہا کہ اس حوالے سے مزید کام ہونے کی ضرورت ہے۔

گلوکار کا کہنا تھا کہ ایسے تمام اقدامات قومی سطح پر کرنے کی ضرورت ہے، انہوں نے کہا کہ اور بھی مسائل ہیں جنہیں حل کرنا ضروری ہے۔

Furthermore, for better results, it is recommended to use Relislim together with another drug — Kel 6. cialis tadalafil Undoubtedly, both drugs have their own advantages and disadvantages, patients should pay attention to possible side effects when choosing Duromine or Relislim.

سائنس اور ٹیکنالوجی

اب گوگل آپ کے لیے ویب پیج پڑھ کر بھی سناسکتا ہے

Leave a comment

سان فرانسسكو: شاید آپ کو یاد ہوگا کہ کوئی ایک سال قبل گوگل نے اعلان کیا تھا کہ اب اینڈرائڈ آلات کے لیے بطوراسسٹنٹ ایک آپشن پیش کیا جارہا ہے جس کے تحت گوگل نیوزیا کسی بھی ویب بیچ کو بلند آواز میں سنا جاسکتا تھا۔ لیکن اب اس میں مزید پیش رفت ہوئی ہے۔

اب آپ اپنے فون کو دور رکھ کر انگریزی کے تین مختلف لہجوں میں ویب پیج سن سکتے ہیں۔ ان میں برطانوی، آسٹریلوی اور بھارتی انگریزی کے لہجے شامل ہیں۔ یہاں تک کہ یہ 42 زبانوں میں تراجم بھی کرسکتا ہے۔ لیکن اب تک اس میں زبانیں پڑھنے اور انگریزی لہجوں کی کمی تھی جسے پورا کردیا گیا ہے۔

اب آپ ’ریڈ الاؤڈ‘ کے آپشن میں چھ مختلف آوازوں میں سے ایک منتخب کرسکتے ہیں۔ ان میں مردوخواتین کی آوازیں شامل ہیں جو بھارتی، آسٹریلوی اور برطانوی انگریزی لہجوں میں خبریں سناتی ہیں۔

فیچر تک رسائی کے لیے کروم یا کروم پر مبنی کسی بھی براؤزر کو کھولیں اور اسسٹنٹ کو آن کیجئے۔ اب فون پر کہیں ’ریڈ دِس‘ یا کہیں ’ریڈ اِٹ‘ ۔ یہ کہتے ہی ایک نیا انٹرفیس پاپ اپ میں کھل جائے گا جس کے درمیان میں مطلوبہ پیج ہوگا اور نیچے پلے بیک کنٹرول ہوگا۔ اب اوپر دائیں جانب تین نکات (ڈاٹ) وال اوورفلو بٹن کو ٹچ کیجئے اور اس میں ریڈ الاؤڈ وائس کا انتخاب کیجئے۔

اسی جگہ سے آپ انگریزی کے مختلف لہجوں (ایسنٹ) کا انتخاب کرسکتے ہیں جن میں چھ نئی آوازیں شامل ہیں ۔ ان آوازوں کو مصنوعی ذہانت سے بنایا گیا ہے۔

But the most important thing is that you don’t need a prescription to buy Cialis Daily in our online pharmacy Buy Cialis without a doctor’s prescription. cialis tadalafil Best Medications for Every Customer.

خاص خبریں

فیصل واوڈا کی نااہلی کیس میں عدم پیشی پر الیکشن کمیشن سے معافی، 50 ہزار جرمانہ بھی ادا

Leave a comment

اسلام آباد: الیکشن کمیشن نے نااہلی کیس میں فیصل واوڈا کی مسلسل عدم پیشی پر کہا ہے کہ وہ جس پارلیمان کے رکن ہیں اسے عزت دیں۔

الیکشن کمیشن میں فیصل واوڈا نااہلی کیس کی سماعت ہوئی تو وہ حسب معمول پیش نہ ہوئے۔ ان کے وکیل نے طلبی کا حکم واپس لینے کی درخواست دائر کرتے ہوئے گزشتہ سماعت پر عدم پیشی پر الیکشن کمیشن کی جانب سے عائد 50 ہزار روپے کے جرمانے پر بھی اعتراض اٹھا دیا۔

وکیل نے یہ بھی کہا کہ درخواستوں کے قابل سماعت نہ ہونے پر تفصیلی دلائل دیے ہیں، پہلے کمیشن اپنے دائرہ اختیار اور درخواستوں کے قابل سماعت ہونے پر فیصلہ کرے، الیکشن کمیشن ڈیڑھ سال بعد نااہلی درخواستوں پر سماعت نہیں کرسکتا۔

ممبر پنجاب الطاف قریشی نے کہا کہ خواہ مخواہ کیس کو لٹکانا سمجھ سے بالاتر ہے، آج تک فیصل واوڈا نے جواب بھی جمع نہیں کرایا۔ ممبر بلوچستان نے کہا کہ لگتا ہے فیصل واوڈا کمیشن کو کچھ سمجھتے ہی نہیں۔

ممبر پنجاب الطاف قریشی نے کہا کہ قانون میں کہاں لکھا ہے کہ سماعت کا اختیار نہیں؟ بہتر ہوگا اپنا اور ہمارا وقت ضائع نہ کریں، صاف صاف بتائیں فیصل کیوں نہیں آئے؟ کیا وہ قانون سے بالاتر ہیں؟ جس پارلیمان کے وہ رکن ہیں کیا انہیں اس کی بالادستی کا احترام نہیں؟۔

وکیل نے کہا کہ فیصل واوڈا کراچی میں ہیں، ان کی والدہ بیمار ہیں اس لئے نہیں آسکے۔

ممبر پنجاب نے کہا کہ جہاں اتنے جھوٹ بولے وہاں ایک جھوٹ جہاز کا ٹکٹ نہ ملنے کا بھی بول دیتے، فیصل واوڈا جس پارلیمان کے رکن ہیں اسکو عزت دیں۔

الیکشن کمیشن نے طلبی کا حکم چیلنج کرنے کی فیصل واوڈا کی درخواست مسترد کردی جبکہ نااہلی کیس ناقابل سماعت ہونے کی استدعا بھی مسترد کردیں۔

فیصل واوڈا نے 50 ہزار روپے جرمانہ کمیشن کو جمع کروا دیا جسے الیکشن کمیشن نے سویٹ ہوم میں جمع کرانے کی ہدایت کی۔

ممبر کے پی ارشاد قیصر نے کہا کہ الیکشن ٹربیونل کراچی نے دوہری شہریت کا معاملہ متعلقہ فورم پر اٹھانے کا کہا، الیکشن کمیشن ہی متعلقہ فورم ہے جو یہ کیس سن سکتا۔ فیصل واوڈا کیخلاف درخواست گزار کے وکیل نے کہا کہ فیصل واوڈا چاہتے ہیں سینیٹر بن جائیں تاکہ یہ کیس ختم ہوسکے۔

فیصل واوڈا نے عدم پیشی پر الیکشن کمیشن سے معافی مانگ لی جبکہ کمیشن نے فیصل واوڈا کو 10 مارچ کو طلب کرتے ہوئے سماعت ملتوی کردی۔

Journal of Affective Disorders. cialis 20mg Sleep Medicine.