اسلام آباد(ویب ڈیسک) وفاقی وزیر برائے سائنس اینڈ ٹیکنالوجی فواد چوہدری نے کہا ہےکہ جہانگیر ترین عمران خان کے قریبی لوگوں میں سے ہیں اور ان ہی کی وجہ سے تحریک انصاف اقتدار میں آئی ہے۔خبر رساں ویب سائٹ کو دیے گئے انٹرویو میں فواد چوہدری نے چینی بحران پر جہانگیر ترین اور خسرو بختیار سمیت پی ٹی آئی ارکان کو بے قصور قرار دیا اور کہا کہ سبسڈی دینا پالیسی فیصلہ تھا اور جس طرح ایف آئی اے کی ابتدائی رپورٹ کو پیش کیا گیا وہ نا مناسب تھا۔انہوں نے کہا کہ چینی پر 80 فیصد سبسڈی تو مسلم لیگ ن کے دور میں دی گئی لیکن ایف آئی اے رپورٹ کو جس انداز میں پیش کیا گیا اس سے یہ لگا کہ اس معاملے میں سب ہمارے ہی لوگ ملوث ہیں۔فواد چوہدری کا کہنا تھا کہ ایف آئی اے کی ابتدائی رپورٹ پر کوئی بھی فیصلہ کرنے سے پہلے فرانزک رپورٹ کا انتظار کرنا چاہیے تھا کیونکہ ابتدائی رپورٹ کو جس انداز میں پیش کیا گیا اس سے حکومت کو نقصان ہوا ہے۔انہوں نےمزید کہا کہ جہانگیر ترین کی پارٹی کے لیے گراں قدر خدمات ہیں اور ان کا شمار پارٹی کے ان لوگوں میں ہوتا ہے جن کی وجہ سے تحریک انصاف اقتدار میں آئی ہے، سمجھتا ہوں کہ وہ چند لوگ جن کی وجہ سے آج تحریک انصاف اقتدار میں ہے ان میں جہانگیر ترین شامل ہیں اور انہوں نے 2013 سے پارٹی کے لیے بہت کام کیا ہے، میرے خیال میں وہ وزیراعظم کے قریب ترین لوگوں میں سے ہیں۔وفاقی وزیر کا کہنا تھا کہ جہانگیر ترین ہی عمران خان کو سب سے زیادہ جانتے ہیں، اس لیے وہ بھی اس معاملے کی وجہ سے اپنے تعلقات عمران خان سے خراب نہیں کریں گے، عمران خان میں یہ خرابی کہہ لیں یا کچھ بھی، اگر کوئی کرپشن میں ملوث ہوا تو وزیراعظم اس کا ساتھ نہیں دیں گے اور یہ بات جہانگیر ترین بھی جانتے ہیں اس لیے مجھے نہیں لگتا کہ وہ اپنے تعلقات عمران خان سے خراب کریں گے، ان کے تعلقات ٹھیک رہیں گے۔احتساب سے متعلق فواد چوہدری نے کہا کہ احتساب کے وعدے پر تحریک انصاف کے کارکن اور وزیراعظم عمران خان مطمئن نہیں ہیں کیونکہ وہ احتساب کا وعدہ کرکے آئے تھے، ہم سمجھتے ہیں کہ جو ٹھوس کیسز ہیں ان کا فیصلہ ہو جانا چاہیے، پیسے واپس آنے چاہئیں اور ان کو سزائیں ملنی چاہئیں لیکن ایسا نہیں ہوا اور اب لوگوں کی دلچسپی ختم ہو گئی ہے اور عوام کو اگر کوئی امید ہے تو وہ صرف عمران خان سے ہی ہے۔وفاقی وزیر نے سابق وزیراعظم نواز شریف کی وطن واپسی کو تحریک انصاف کی حکومت کے لیے ایک بڑا چیلنج قرار دیا اور کہا کہ اس وقت حکومت کی تمام تر توجہ کورونا وائرس پر ہے اسی وجہ سے نواز شریف کے کیس پر حکومت کی کوئی توجہ نظر نہیں آرہی، میں خود نواز شریف کو ملک سے باہر بھیجنے کے خلاف تھا لیکن اب ان کو واپس لانا بھی ایک چیلنج ہوگا۔

کو لمبو (ویب ڈیسک)کورونا وائرس وبا کے دوران انتقال کرجانے والے مسلمانوں کو اسلامی طریقے سے دفن کرنے کی اجازت نہیں دی جارہی ہے،کولمبو: سری لنکا میں مسلمانوں کو اپنے مردوں کو دفنانے کی اجازت نہ دینے اور لاشوں کو انتظامیہ کی جانب سے کورونا وائرس کا شکار قرار دے کر جلانے کا انکشاف ہوا ہے۔عالمی خبر رساں ادارے کے مطابق سری لنکن دارالحکومت کولمبو میں فاطمہ رنوسا نامی خاتون دوران علاج خالق حقیقی سے جاملیں تاہم طبی عملے نے ان کی موت کی وجہ کورونا قرار دے کر لاش انتظامیہ کے حوالے کردی اور خون نمونے ٹیسٹ کے لیے لیبارٹری بھیج دیئے۔سری لنکا میں حکومت نے کورونا وائرس سے ہلاک ہونے والوں کو دفنانے کے بجائے لاشیں جلانے کا فیصلہ کیا ہے جس کی وجہ سے انتظامیہ نے ٹیسٹ کا نتیجہ آنے سے پہلے ہی فاطمہ رنوسا کی لاش جلادی لیکن دو روز بعد کورونا ٹیسٹ منفی آیا جس پر اہل خانہ پھوٹ پھوٹ کر رونے لگے۔مرحومہ کے بیٹے محمد ساجد نے حکام سے واقعے کا نوٹس لے کر انصاف کی فراہمی کا مطالبہ کرتے ہوئے میڈیا کو بتایا کہ ان کی والدہ کی میت کو اسلامی طریقہ کار کے برخلاف کورونا وائرس کا بہانہ بنا کر جلا دیا گیا اور جب سے ٹیسٹ منفی ا?نے کا پتا چلا ہے ہمارا غم دہرا ہوگیا ہے۔

اسلام آباد: (ویب ڈیسک)سول ایوی ایشن اتھارٹی نے اندرون ملک پروازوں کی بندش میں مزید 16 روز کی توسیع کردی۔پاکستان میں کورونا وائرس کے باعث نافذ لاک ڈاو¿ن کی وجہ سے اندرون و بیرون ملک پروازیں گزشتہ ماہ سے بند ہیں اور اس میں مرحلہ وار توسیع کا سلسلہ جاری ہے۔حکومت پاکستان نے اندرونِ ملک تمام پروازیں 2 اپریل تک معطل کردیںسول ایوی ایشن اتھارٹی نے بین الاقوامی فضائی آپریشن میں 15 مئی جب کہ اندرون ملک 13 مئی تک توسیع کا نوٹم جاری کیا تھا تاہم اب علاقائی پروازوں کی بندش میں مزید توسیع کردی گئی ہے۔سول ایوی ایشن اتھارٹی کے مطابق اندرون ملک فضائی ا?پریشن کی بندش میں مزید 16 روز کی توسیع کی گئی ہے جب کہ خصوصی پروازوں اور چارٹرڈ طیاروں کو پابندی سے استثنا حاصل ہے۔

لاہور (ویب ڈیسک)دنیا بھر کو لپیٹ میں لینے والی عالمی وبا کورونا وائرس کے کیسز میں دن بدن تیزی سے اضافہ ہورہا ہے، اب تک پاکستان میں اس وبا سے متاثر ہونے والے افراد کی تعداد 32 ہزار 980 ہوگئی جبکہ 734 افراد انتقال بھی کرچکے ہیں۔سرکاری سطح پر کورونا وائرس کے فراہم کیے گئے اعداد و شمار کے مطابق آج (13 مئی کو) مزید 63 نئے کیسز کی تصدیق کی گئی ہے۔پاکستان میں 26 فروری 2020 کو کورونا وائرس کے پہلے کیس کی تصدیق کراچی میں ہوئی تھی، ابتدا میں ملک میں وائرس کا پھیلاو¿ سست تھا لیکن گزرتے وقت کے ساتھ اس میں تیزی کا رجحان دیکھنے میں آیا۔کورونا وائرس کے کیسز سامنے آنے کے بعد پورے ملک میں بتدریج لاک ڈاو¿ن نافذ کیا گیا تھا جس میں 2 مرتبہ توسیع بھی کی گئی بعد ازاں وفاقی اور صوبائی حکومتوں نے 9 مئی سے اس میں مرحلہ وار نرمی کا اعلان کیا تھا۔لاک ڈاو¿ن کے باوجود مارچ اور اپریل میں کیسز اور اموات کی تعداد میں مسلسل اضافہ دیکھنے میں آیا۔تاہم مئی کے آغاز سے ہی ملک میں کورونا وائرس کے کیسز اور اموات کی شرح میں مزید تیزی آئی جس کا اندازہ اس سے لگایا جاسکتا ہے کہ یکم مئی سے لے کر اب تک صرف 13 دن میں 15 ہزار سے زائد کیسز سامنے آئے ہیں۔

اسلا م آ با د (ویب ڈیسک)نجی ٹی وی ذرائع کے مطابق گزشتہ روز وزیراعظم کی سربراہی میں ہونے والے وفاقی کابینہ کے اجلاس میں کابینہ نے لاک ڈاو¿ن میں مزید نرمی کرنے پر اتفاق کیا۔ذرائع نے بتایا کہ وزیراعظم نے بین الصوبائی ٹرانسپورٹ اور ٹرین سروس کھولنے کا عندیہ دیتے ہوئے کہا کہ صوبوں سے اتفاق کے بعد جلد ٹرانسپورٹ اور ٹرین کھولیں گے لیکن اس کے لیے لوگوں کو ایس او پیز کی پابندی اور احتیاطی تدابیر کی ترغیب دینا ہے۔ذرائع کے مطابق وزیراعظم کا کہنا تھا کہ وہ شروع سے لاک ڈاو¿ن کے حامی نہیں تھے، اب آہستہ آہستہ لاک ڈاو¿ن میں مزید نرمی لائیں گے
\