کراچی(ویب ڈیسک)مرکزی رویت ہلال کمیٹی کے چیئرمین مفتی منیب الرحمان نے ملک میں شعبان المعظم کا چاند نظر آنے کا اعلان کردیا۔ذرائع کے مطابق شعبان کا چاند دیکھنے کے لیے مرکزی رویت ہلال کمیٹی کا اجلاس کراچی میں مفتی منیب الرحمان کی زیرصدارت ہوا جس میں مختلف مکاتب فکر کے علمائے کرائے، محکمہ موسمیات اور اسپارکوں کے نمائندوں نے بھی شرکت کی۔ملک بھر میں چاند دیکھنے کے لیے زونل کمیٹیوں کے اجلاس ان کے متعلقہ مقامات پر ہوئے جس میں چاند نظر آنے سے متعلق شہادتیں اکٹھا کی گئیں جن سے مرکزی کمیٹی کو آگاہ کیا گیا۔ملک بھر سے چاند نظر آنے کی شہادتیں موصول ہونے اور ان کی تصدیق کے بعد مرکزی رویت ہلال کمیٹی کے چیرمین مفتی منیب الرحمان نے اعلان کیا کہ ملک میں شعبان المعظم کا چاند نظر آگیا ہے اور کل بروز اتوار7 اپریل یکم شعبان ہوگی۔

لاہور(ویب ڈیسک)مسلم لیگ ق کے مرکزی رہنما و سپیکر پنجاب اسمبلی چودھری پرویز الہی نے ق لیگ یوتھ ونگ کے صدر شیخ عمر کی رہائش گاہ جا کر ان کے والد کے انتقال پر اظہار افسوس کیا اور مرحوم کے درجات کی بلندی کے لئے خصوصی دعا کی اس موقع پر ق لیگ کے رہنما اعجاز چودھری۔ سہیل سرفراز چیمہ۔ اشفاق بھٹی۔ اقبال خان سمیت دیگر بھی موجود تھے۔ چودھری پرویز الہی کا کہنا تھا کہ والدین دنیا کی سب سے بڑی نعمت ہیں والد کی کمی کوئی پوری نہیں کر سکتا۔ انہوں نے کہا کہ دکھ کی اس کھڑی میں سب شیخ عمر کے ساتھ کھڑے ہیں۔

لاہور( ویب ڈیسک)چیئرمین برابری پارٹی پاکستان جواد احمد کا کہناہے کہ عمران خان اور انکی جماعت پی ٹی آئی نے محض اقتدار کے شوق میں ملک کا مستقبل تاریک کر دیا ،لوگوں کیلئے پہلے دوائی خریدنا مشکل تھا اب بچوں کیلئے کتابیں خریدنا بھی ممکن نہیں رہا ان باتوں کا اظہار انھوں نے پارٹی کے مرکزی سیکرٹیریٹ میں لاہور کمیٹی کے ورکرز سے خصوصی ملاقات میں کیا اس موقع پر ان کا مزید کہنا تھا کہ وفاقی وزیر صحت ادویات کی قیمتوں میں اضافہ پر چھپنے کی کوشش نہ کریں ادویات کی قیمتوں میں اضافہ کر نا غریبوں کو مارنے کی کوشش کے مترادف ہے،ساری قوم کو عذاب میں مبتلا کر دیا گیا ہے حد تو یہ ہے کہ ایک سوروپے کی دوائی کو 588 روپے قیمت جاری کر دی گئی، حکومتی ماتحت ادارہ ڈریپ اپنا کردار بخوبی ادا نہیں کررہا جس کے باعث اب ادویات بھی 99فی صد عوام کی پہنچ سے دور ہوتی جارہی ہیں جبکہ مدینہ ریاست کا دعوی کرنے والوں نے پنجاب کی غریب عوام سے ہسپتالوں میں فری ٹیسٹوں کی سہولت بھی چھین لی ہے اور ادیات کی تیاری کے لئے کمپنی کو 51 فیصد منافع دیا جانا سمجھ سے بالاتر ہے برابری پارٹی ادویات اور بجلی کے بلوں میں ہونے والے حالیہ اضافہ کو رد کرتی ہے اور حکومت سے مطالبہ کرتی ہے کہ بار بار ڈالر کی قیمت میں اضافہ کرکے عوام کو مزید پریشانی میں نہ ڈالا جائے بلکہ اس موقع پر پارلیمنٹ غریبوں کو لوٹنے والے افسران اور نجی کمپنیوں کے مابین گٹھ جوڑ کامیاب نہ ہونے کے لئے اپنا کردار اد کرئے۔

اسلام آباد(ویب ڈیسک) وزیراعظم عمران خان کا کہنا ہے کہ جھوٹے دعووں کے ذریعے جنگ کا ماحول بنا کر انتخابات جیتنے کی بی جے پی کی سازش بری طرح بے نقاب ہو چکی ہے۔سماجی رابطے کی ویب سائٹ پر ٹوئٹ کرتے ہوئے وزیراعظم عمران خان نے کہا کہ بھارتیہ جنتا پارٹی (بی جے پی) نے جنگ کا ماحول بناکر انتخابات جیتنے کی کوشش کی اور پاکستانی جہاز ایف 16 گرانے کے جھوٹے دعوے کیے گئے لیکن یہ سازش بری طرح بے نقاب ہوچکی ہے، سچائی کی ہمیشہ جیت ہوتی ہے اور یہی بہترین پالیسی ہے۔وزیراعظم عمران خان کا کہنا تھا کہ ہماری حکومت کے فیڈرل اور صوبائی نمائندگان کو اپنے علاقوں میں موجود پناہ گاہوں کا دورہ کرنا چاہیئے اور پناہ گاہوں میں موجود افراد کے ساتھ کھانا کھانا چاہیئے، اس اقدام سے ہمارے نمائندگان کو احساس ہوگا کہ ہمارے معاشرے کے سب سے نچلے درجے کا افراد کے مسائل کیا ہیں اور آنے والے مہینوں میں ، میں بذات خود غربت کے خلاف اس جہاد کی نگرانی کروں گا۔

اسلام آباد(ویب ڈیسک) وفاقی وزیراطلاعات فواد چوہدری نے کہا ہے کہ اربوں روپے لوٹنے والے نواز، شہباز، حمزہ اور آصف زرداری یا تو پیسے واپس کریں یا جیل کاٹیں۔اسلام آباد میں پریس کانفرنس کرتے ہوئے فواد چوہدری نے کہا کہ حمزہ شہباز کی گرفتاری کے لیے ماڈل ٹاﺅن میں آپریشن ہورہا ہے، کل سے لاہور میں چلنے والے ڈرامے کا مرکزی کردار حمزہ شہباز ہیں جو گھر کی بیسمنٹ میں چھپے بیٹھے ہیں اور انہوں نے خواتین و بچوں کو ڈھال بنا رکھا ہے، اصولی طور پر حمزہ شہباز کو گرفتاری دینی چاہیے اور الزامات کا سامنا بھی کرنا چاہیے۔فواد چوہدری نے کہا کہ حمزہ شہبازکو گرفتارکرنا نیب کے لیے مشکل نہیں ہے، ان کے پاس وارنٹ گرفتاری اور فورس موجود ہے اور وہ جب چاہیں گھر میں گھس گرفتار کرسکتے ہیں لیکن ایسا کرنے سے تماشہ ہوگا، اس لیے وہ انتظار کررہے ہیں کہ حمزہ شہباز خود گرفتاری دیں، اور (ن) لیگ کی غنڈہ گردی بھی برداشت کررہے ہیں۔وفاقی وزیر اطلاعات نے کہا کہ ملک میں سب سے زیادہ قانون سے ریلیف شریف فیملی کو ملا ہے، شریف خاندان اپنی مرضی اور سہولت کے ساتھ قانون کو چلانا چاہتے ہیں، پیپلزپارٹی اورن لیگ چاہتی ہے قوم کا پیسہ ان کی جیب میں جاتارہے اورکوئی نہ پوچھیں، جب ان لوگوں پرہاتھ ڈالتے ہیں تویہ جمہوریت کے پیچھے چھپتے ہیں تاہم وقت آگیا ہے کہ سیاست اورجرم میں فرق کریں۔فواد چوہدری کا مزید کہنا تھا کہ شہبازشریف اوران کے خاندان پرالزام ہے کہ انہوں نے بیرون ملک85بلین ارب کی جائیدادبنائی ہے جب کہ زرداری صاحب پرپانچ بلین بیرون ملک بھجوانے کا الزام ہے، اپوزیشن اپنی چوری بچانے میں لگی ہوئی ہے اب یہ لوگ یا توپیسے واپس کریں یاجیل جائیں۔

پشاور(ویب ڈیسک)اسپیکر خیبر پختونخوا اسمبلی مشتاق غنی کا کہنا ہے کہ ملک قرضوں کے بوجھ تلے دب چکا ہے اس لیے عوام دو کے بجائے ایک روٹی کھا کر گزارا کریں۔پاکستان اس وقت مشکل ترین معاشی حالات سے گزر رہا ہے اور اس کا اعتراف وزیراعظم عمران خان اور وزیر خزانہ اسد عمر بارہا اپنے بیانات میں بھی کر چکے ہیں۔پاکستان تحریک انصاف کی حکومت ان حالات کا ذمہ دار مسلم لیگ ن اور پیپلز پارٹی کو قرار دیتی ہے جب کہ اپوزیشن جماعتیں ملک کی موجودہ معاشی صورت حال کا ذمہ دار تحریک انصاف کو ٹھہراتی ہے۔خیبر یونین آف جرنلسٹ کے پروگرام میٹ دی پریس سے خطاب کرتے ہوئے اسپیکر کے پی اسمبلی مشتاق غنی کا کہنا تھا کہ ملک مشکل معاشی حالات سے گزر رہا ہے اور قرضوں کے بوجھ تلے دب چکا ہے اس لیے عوام دو کے بجائے ایک روٹی کھا کر گزارا کریں، آگے وقت آئے گا جب عوام کو ڈھائی روٹی کھانے کو ملے گی۔