سان فرانسسکو( ویب ڈیسک ) ٹویٹر نے اپنے ایک اہم فیچر کا اعلان کیا ہے جس کے ذریعے فیس بک کی پوسٹ کو اوجھل کرنےکی طرح کسی ٹویٹ پر آنے والے الٹے سیدھے جوابات کو چھپانا ممکن ہوجائے گا۔
اس فیچر کا نام ’ہائیڈ ٹویٹ‘ رکھا جائے گا جو فی الحال آزمائشی عمل سےگزررہا ہے اور جلد ہی اسے عام صارفین کے لیے پیش کردیا جائے گا۔ اس سے قبل ٹویٹ کےجواب میں آنے والے غیرپسندیدہ جملوں کو میوٹ یا بلاک کیا جاتا تھا۔ ٹویٹر کمپنی اس عمل کے ذریعے گفتگو کو مہذب اور بہتر بنانا چاہتی ہے۔ اس کےعلاوہ “View Hidden Tweets” کے ذریعے اوجھل کئے گئے جوابات دوبارہ دیکھے جاسکتے ہیں۔
ہائیڈ ٹویٹ کا فیچر کا انکشاف سب سے پہلے ایک پروگرامر منچن وونگ نے کیا۔ اس ضمن میں ٹویٹر کی سینیئر پراڈکٹ مینیجر مشیل یاسمین حق نے کہا کہ ہائیڈ ٹویٹ اور اسے دوبارہ ظاہر کرنے کے فیچر کا مقصد ٹویٹر پر صحتمندانہ گفتگو کو فروغ دینا ہے تاکہ یہ پلیٹ فارم گفتگو کا ایک بہتر مقام بن سکے۔مشیل یاسمین نے کہا کہ بہت سے لوگ تنگ کرنے والے ٹویٹس کو میوٹ یا بلاک کررہے تھے یا اس کے لیے رپورٹ کا آپشن استعمال کرتے رہے تھے تاہم اس نئے آپشن سے صارفین اپنا اکاو¿نٹ بہتر طور پر منظم رکھ سکیں گے۔ تاہم ڈجیٹل آزادی کے ناقدین نے اس فیچر کو اظہار کی آزادی یا کسی کی ہتک کے لیے استعمال کرنے کا ایک طریقہ بتایا ہے۔اس کے ذریعے لوگ کسی ایسی بحث کو بند کرسکیں گے جو کسی سیاسی عمل یا حکومت کے متعلق ہوگی تاہم ٹویٹر کا مو¿قف ہے کہ یہ صحتمندانہ بحث کو جاری رکھنے کا ایک طریقہ ہے۔ اس کے ذریعے وہ جملے غائب کئے جاسکتے ہیں جس سے ا?پ متفق نہیں ہوتے۔ فی الحال اس فیچر کی دن رات کی ا?زمائش جاری ہے۔

ممبئی( ویب ڈیسک ) بھارت میں پوست (افیون) کی فصلوں کی دن رات نگرانی کی جارہی ہے کیونکہ طوطوں کو ان کی لت لگ گئی ہے اور وہ اپنی اشتہا پوری کرنے کے لیے مسلسل ان فصلوں پر منڈلارہے ہیں۔ یہاں تک کہ بعض ماہرین نے طوطوں کو منشیات کا عادی قرار دیدیا ہے۔بھارتی ریاست مدھیا پردیش کے ضلعے نیمچ میں مختلف کاموں کے لیے افیون کاشت کی جاتی ہے مگر کسانوں کے مطابق افیون کے عادی طوطوں کی بڑی تعداد ہر روز ان کی فصلوں پر حملہ کررہی ہے۔ اول تیز بارشوں سے فصلیں شدید متاثر ہوچکی ہیں اور اس پرطوطوں کی یلغار سے پودے شدید متاثر ہوئے ہیں۔ اب کسان دن رات اپنی فصلوں پر پہرہ دے رہے ہیں۔ایک کسان نے بتایا کہ ایک پھول سے 25 گرام تک افیون نکلتی ہے اور پرندے اس پر بار بار حملہ کرتے ہیں۔ بسا اوقات پرندے ان بیچوں کا گچھا لے کر اڑجاتے ہیں جس سے فصل کا ناس ہورہا ہے۔ طوطوں کو بھگانے کے لیے لاو¿ڈ اسپیکر اور پٹاخوں سمیت سارے حربے استعمال کررہے ہیں لیکن اب تک کوئی خاص فائدہ نہیں ہوسکا ہے۔ماہرین نے ان پرندوں کو عقلمند قرار دیا ہے جو پودے کو کتر کر افیون کے بیج مزے سے کھارہے ہیں اور بسا اوقات وہ پورا خوشہ لے کر اڑ جاتے ہیں۔ ماہرین کا خیال ہے کہ پودے میں موجود نشے کے اثرات طوطوں کو عین اسی طرح متاثر کررہے ہیں جس طرح انسان کافی اور چائے پی کر اس کا اثر محسوس کرتے ہیں۔ انسانوں کی طرح طوطے بھی بہت جلد ان کے عادی بن رہے ہیں۔اگرچہ دنیا بھر میں ایسے واقعات ہوتے رہتے ہیں لیکن بھارتی کسانوں کے مطابق طوطے افیون کے عادی ہوچکے ہیں اور دوسری فصلوں میں ان کی دلچسپی ختم ہوچکی ہے۔