برازیلیا(مانیٹرنگ ڈیسک) جانوروں کی افزائش نسل کے فارمز کے بارے میں تو ہر کسی نے سن رکھا ہو گا لیکن آپ یہ سن کر سر تھام کر بیٹھ جائیں گے کہ برازیل میں انسانی بچے پیدا کرنے کا ایک فارم پکڑا گیا ہے جہاں لڑکیوں کے ساتھ ایسا ہولناک سلوک کیا جاتا تھا کہ سن کر ہی آدمی کی روح کانپ جائے۔ میل آن لائن کے مطابق یہ فارم برازیل کے ایک نام نہاد مذہبی پیشوا جواﺅ تیکسیرا ڈی فاریا نامی شخص چلا رہا تھا، جو لوگوں کا روحانی علاج بھی کرتا تھا۔ جواﺅ اپنے پیروکاروں میں ’جان آف گاڈ‘ کے لقب سے مشہور تھا۔ بتایا گیا ہے کہ اس کے اس فارم پر لڑکیوں کو جنسی غلام بنا کر رکھا جاتا، ان کے ساتھ جنسی زیادتی کی جاتی اور اس کے نتیجے میں پیدا ہونے والے بچے دنیا بھر میں بے اولاد لوگوں کے ہاتھ فروخت کر دیئے جاتے تھے۔ ایک لڑکی سے مسلسل 10سال تک بچے حاصل کیے جاتے اور پھر اسے قتل کر دیا جاتا تھا۔رپورٹ کے مطابق اس فارم ہاﺅس پر اب تک 600سے زائد خواتین کے ساتھ یہ درندگی ہو چکی تھی۔ڈی فاریا کے اس غیرانسانی کرتوت کا بھانڈا گزشتہ دنوں برازیل کے گلوب ٹی وی نیٹ ورک کے ایک پروگرام میں اس کی درندگی کا شکار ہونے والی 10خواتین نے پھوڑا۔ ان خواتین نے پروگرام میں فارم کے بارے میں تفصیلات بتائیں جس کے بعدڈی فاریا کو گرفتار کر لیا گیا۔ ٹی وی شو میں بٹنکورٹ زہیرا لینیکے نامی خاتون نے بتایا کہ ”تین براعظموں کے ممالک سے تعلق رکھنے والی ایسی خواتین سے بات کر چکی ہوں۔ یہ سب وہ خواتین تھیں جو ڈی فاریا کے فارم سے بچے خرید چکی تھیں۔ ان خواتین نے بتایا کہ انہوں نے 50ہزار ڈالر (تقریباً 69لاکھ روپے)تک کی قیمت میں بچے خریدے۔اس فارم پر غریب خاندانوں کی 14سے 18سالہ لڑکیوں کو رقم کا لالچ دے کر لایا جاتا تھا اور پھر انہیں برازیلی ریاست مینس گریس میں واقع اس فارم میں جنسی غلام بنا کر قید کر لیا جاتا تھا۔ یہ لوگ لڑکیوں کو بھوکارکھتے اور کھانا حاصل کرنے کی ایک ہی شرط ہوتی کہ ایک مرد سے جنسی تعلق استوار کرو اور کھانا لے لو۔یہ لوگ بلیک مارکیٹ میں ان لڑکیوں کے بچے فروخت کرتے تھے۔ “

الجزائر(ویب ڈیسک) شمالی افریقہ کے مسلمان ملک الجزائر میں ایک ماہ کے اندر ایک ہی طریقے سے 10 لڑکیوں نے خود کو پھانسیاں لگا کر خود کشی کرلی۔ خود کشی کرنے والی تمام لڑکیاں کم عمر اور غیر شادی شدہ ہیں جس کے باعث حکام تشویش کا شکار ہوگئے ہیں۔ امکان ظاہر کیا جارہا ہے کہ ان لڑکیوں نے کسی ویڈیو گیم کی وجہ سے خود کشی کی ہے، تاہم اس حوالے سے تحقیقات جاری ہیں۔ خیال رہے کہ گزشتہ برس بلیو وہیل نامی قاتل گیم نے دنیا بھر میں متعدد نوجوانوں کو اپنے ہاتھوں اپنی زندگیوں کے خاتمے پر مجبور کیا تھا۔العربیہ کے مطابق الجزائر میں گزشتہ ماہ کے دوران 10 نوجوان لڑکیوں نے رسی یا اپنے سکارف کا پھندہ بنا کر اپنی زندگی کا خاتمہ کرلیا۔ خودکشی کا تازہ واقعہ 24جنوری کو سامنے آیا جب دو لڑکیوں نے خود کشی کی۔ ان میں ایک کی عمر 18 سال تھی اور وہ یونیورسٹی میں دوسرے سال کی طالبہ تھی۔ اس نے اپنے گھر میں پھندے کے ساتھ جھول کر اپنی زندگی ختم کر دی۔ اسی روز تبسہ ریاست میں 21 سالہ ایک لڑکی نے پھندے کے ساتھ جھول کر اپنی جان لے لی تھی۔

اسلام آباد(ویب ڈیسک)وفاقی حکومت نے خلیجی ممالک کے شاہی خاندانوں کو سندھ میں ہوبارہ کا شکار کرنے کیلئے 13 لائسنس جاری کر دیئے ہیں ۔تفصیلات کے مطابق وفاقی حکومت نے شکار کیلئے یہ لائسنس سعودی عرب ، متحدہ عرب امارات ، بحرین اور قطر کے بادشاہ ، صدر ، ولی عہد ، کزن اور سعودی عرب کے شاہی خاندان سے تعلق رکھنے والے فوجی سربراہوں کو جاری کیے ہیں ۔یاد رہے کہ ماضی میں پاکستان تحریک انصاف کی حکومت شکار کیلئے لائسنس جاری کرنے پر ن لیگ کی حکومت کو شدید تنقید کا نشانہ بنا تی رہی ہیں اور ان کی جانب سے خیبر پختون خواہ میں شکار کیلئے کی اجازت دینے سے بھی انکار کر دیا گیا تھا جہاں تحریک انصاف کی حکومت تھی ۔

لندن (ویب ڈیسک)برطانوی شہزادی لیڈی ڈیانا کی حادثاتی موت آج بھی ایک معمہ ہے تاہم اب لیڈی ڈیانا سے متعلق تہلکہ خیز انکشاف سامنے آیا ہے ۔وزیراعظم عمران خان کی سابق اہلیہ جمائما نے انکشاف کیا ہے کہ برطانوی شہزادی ڈیانا پاکستانی ہارٹ سرجن ڈاکٹر حسنات سے شادی کرنا چاہتی تھیں جس کیلئے وہ پاکستان میں رہنے کیلئے بھی تیار تھیں۔تفصیلات کے مطابق جمائما خان نے اپنے انکشافات میں برطانیہ کی مرحوم شہزادی لیڈی ڈیانا کی زندگی کے سب سے بڑے راز سے پردہ اٹھا دیا ہے۔جمائما خان نے بتا یا کہ وہ اور لیڈی ڈیانا بہت اچھی سہیلیاں تھیںاور یہ دوستی ایک پاکستانی شخص کی وجہ سے ہوئی تھی۔ لیڈی ڈیانا برطانوی شاہی خاندان کی بہو بننے کے بعد والی زندگی سے زیادہ خوش نہیں تھیںاور انہیں برطانیہ میں مقیم پاکستانی شخص ڈاکٹر حسنات سے جنون کی حد تک محبت تھی۔ لیڈی ڈیانا کہتی تھیں کہ ہر شخص نے انہیں اپنے مطلب کیلئے استعمال کیا ہے، لیکن ڈاکٹر حسنات وہ واحد شخص ہے جو کبھی ایسا نہیں کرے گا۔لیڈی ڈیانا ڈاکٹر حسنات کی محبت میں اس حد تک سنجیدہ تھیں کہ وہ اس پاکستانی سے شادی کرنے کیلئے پاکستان منتقل ہو جانے کیلئے بھی تیار تھیں۔ یہی وجہ ہے کہ انہوں نے میری اور عمران خان کی شادی کے بعد مجھ سے کئی مرتبہ رابطہ کیا اور پاکستان میں گزرے میرے وقت سے متعلق تفصیلات جانیں۔ لیڈی ڈیانا ان سے اکثر رائے طلب کرتی تھیں کہ آیا نہیں پاکستان منتقل ہونا چاہیے یا نہیں۔جمائما خان بتاتی ہیں کہ لیڈی ڈیانا نے ڈاکٹر حسنات سے شادی کرنے کیلئے ہی 2 مرتبہ پاکستان کا دورہ کیا تھا۔ اپنے دورے کے دوران لیڈی ڈیانا نے ڈاکٹر حسنات کے اہل خانہ سے ملاقات کرکے انہیں راضی کرنے کی کوشش کی تھی، تاہم ڈاکٹر حسنات کی والدہ کے انکار کے باعث ان کی شادی نہ ہو پائی۔ بعد ازاں لیڈی ڈیانا اور ایک ارب پتی مصری شخص کے درمیان تعلقات قائم ہوگئے تھے اور پھر دونوں پیرس میں ایک کار حادثے میں جاں بحق ہوگئے تھے۔