لاہور (ویب ڈیسک)پاکستان سپر لیگ کا چوتھا سیزن 14 فروری کو شروع ہونے جارہاہے اور اس حوالے سے پاکستان کرکٹ بورڈ نے تمام تیاریاں بھی مکمل کر لیں ہیں جبکہ افتتاحی تقریب میں ’ دس منٹ ‘ کیلئے بین الاقوامی شہرت یافتہ گلوکار ’ پٹ بل ‘ کو بھی بلا لیا ہے تاہم اس کے ساتھ ہی ایک اور بھی بڑی خوشخبری یہ ہے کہ پی سی بی نے میزبانی کے فرائض کیلئے معروف سپورٹس اینکر زینب کے ساتھ ساتھ سابقہ مس ورلڈ اور حسن کی شہزادی ” ایرن ہولینڈ “ کی بھی خدمات حاصل کر لی ہیں ۔ایرین ہولینڈ اور خوبصورت زینب عباس کے علاوہ مشہور زمانہ گلوکار فخر عامل بھی پاکستان سپرلیگ کی میزبانی کے فرائض انجام دیتے ہوئے ایونٹ کو چار چاند لگائیں گے ۔اس کے علاوہ ماہرین میں عامر سہیل ، بریڈ ہوگ اور شاون ٹیٹ شامل ہیں ۔