حکومت نے پاکستان ٹیلی ویژن (پی ٹی وی) انتظامیہ کو لکھے گئے خط میں پی ٹی وی کی کارکردگی پر برہمی کا اظہار کرتے ہوئے چینل بند کرنے کا عندیہ دے دیا۔وفاقی وزیر اطلاعات فواد چوہدری نے حکومت کی جانب سے لکھے گئے خط میں گزشتہ چند ماہ میں پی ٹی وی انتظامیہ کی ناقص کارکردگی اور مالی حالات کو بہتر بنانے میں ناکامی پر ناراضی کا اظہار کیا ہے۔انہوں نے اپنے خط میں لکھا کہ پی ٹی وی کا خسارہ بڑھ رہا ہے، ایسا معلوم ہوتا ہے کہ انتظامیہ کی جانب سے خسارے میں کمی لانے کے لیے کوئی ٹھوس حکمت عملی تیار نہیں کی گئی۔aوفاقی وزیر نے اپنے خط میں کہا کہ پی ٹی وی کو پہلے بھی کئی مرتبہ ہدایات جاری کی گئیں لیکن اس کے باوجود انتظامیہ کی جانب سے خسارے سے نمٹنے کے لیے کسی قسم کا بزنس پلان پیش نہیں کیا گیا۔انہوں نے کہا کہ اگر معاملات اسی طریقے سے چلتے رہے تو وہ دن دور نہیں جب سرکاری ٹی وی چینل کو بند کرنا پڑے گا۔وفاقی وزیر اطلاعات نے کہا کہ پی ٹی وی پاکستان سپر لیگ( پی ایس ایل) کی بولی جیتنے میں ناکام رہا ہے اور ایک دہائی میں یہ پہلی مرتبہ ہوا کہ سرکاری چینل پاکستان جنوبی افریقہ کی کرکٹ سیریز نشر کرنے میں ناکام رہا۔

کراچی(ویب ڈیسک) پاکستان میں ایک سال کے دوران متوسط طبقے کی سواری موٹرسائیکلوں کی قیمت میں 36 ہزار روپے تک اضافہ ریکارڈ کیا گیا ہے جس کی وجہ ڈالر کی قیمت میں اضافے کو قرار دیا جا رہا ہے۔نجی ٹی وی  کے مقابلے روپے کی بے قدری نے جہاں مختلف اشیاءکی قیمتوں میں اضافہ کیا وہیں متوسط طبقے کی سواری سائیکلیں بھی 36 ہزار روپے تک مہنگی ہو گئیں۔ ایک سال کے دوران سوزوکی کمپنی نے 150 سی سی موٹر سائیکل کی قیمت 24 ہزار روپے اضافے سے 2 لاکھ 43 ہزار روپے کر دی۔یاماہا کمپنی نے 125 جی موٹر سائیکل کی قیمت 10 ہزار 600 روپے اضافے سے 1 لاکھ 44 ہزار 500 روپے جبکہ ہنڈا کمپنی نے سی بی 125 ایف موٹر سائیکل کی قیمت 36 ہزار روپے اضافے سے 1 لاکھ 62 ہزار 500 روپے کر دی۔موٹر سائیکل ڈیلرز کے مطابق روپے کے مقابلے ڈالر کی قیمت میں اضافے کے سبب ایک سال کے دوران موٹرسائیکلوں کی قیمتوں میں اضافہ ریکارڈ کیا گیا ہے۔

کراچی(ویب ڈیسک)سندھ میں مشیروں کی تعیناتی کے معاملے پر گورنر عمران اسماعیل اور وزیراعلیٰ سید مراد علی شاہ آمنے سامنے آگئے ہیں ۔نجی ٹی وی جیونیوز نے ذرائع کے حوالے سے دعویٰ کیاہے کہ گورنر عمران اسماعیل نے اعجاز جاکھرانی کو وزیراعلیٰ کا مشیر بنانے سے متعلق سمری روک دی، اس سے قبل وزیراعلیٰ مراد علی شاہ نے گورنر کی جانب سے مشیر کی تعیناتی کے لیے بھیجی گئی سمری روک لی تھی۔گورنر سندھ رہنما تحریک انصاف امید علی جونیجو کو مشیر بنانا چاہتے ہیں اور اس تقرری کی سمری ڈھائی ماہ سے وزیراعلیٰ سندھ نے روک رکھی ہے۔پیپلز پارٹی سے تعلق رکھنے والے صوبائی وزیر ناصر حسین شاہ کوششوں کے باوجود گورنر سندھ کو نہ مناسکے جب کہ پیپلز پارٹی کی اعلیٰ قیادت بھی گورنر سندھ کے رویے پر ناراض ہے۔پیپلز پارٹی کا مو¿قف ہے کہ گورنر سندھ کو مشیر مقرر کرنے کا قانونی اختیار نہیں اور اس معاملے پر گورنر و وزیراعلیٰ کے درمیان رسہ کشی جاری ہے۔

وفاقی وزیر اطلاعات فواد چوہدری نے کہا ہے )(ویب ڈیسک)کہ ہمارا نظام عدل یہ ہے کہ 15 مرغیاں چوری کرنے والا جیل میں ہے اور 1500 ارب چوری کرنے والا پبلک اکاؤنٹس کمیٹی کا چیئرمین ہے۔اسلام آباد میں تقریب سے خطاب کرتے ہوئے فواد چوہدری کا کہنا تھا کہ عمران خان کی سیاست کی بدولت نواز شریف اورآصف زرداری کا اصل چہرہ عوام کے سامنے آیا، عمران خان کی جدوجہد کی بدولت ہی نواز شریف اور آصف زرداری کی سیاست قصہ پارینہ بن چکی ہے۔انہوں نے کہا کہ سیاسی طور پر تحریک انصاف کو کسی قسم کا کوئی چیلنج نہیں، ہمیں اقتدار میں آتے ہی سب سے اہم چیلنج معیشت کا تھا۔ان کا کہنا تھا کہ جس طرح ڈاکو ڈاکے کے بعد اپنی عیاشیوں پر پیسے لٹاتا ہے، پچھلے کمرانوں نے بھی ملک کے ساتھ ایسا ہی کیا، ن لیگ ور پیپلز پارٹی نے پاکستانی کی معیشت کا بیڑا غرق کیا۔فواد چوہدری نے کہا کہ دھرنے کی وجہ سے عام لوگوں میں شعور اور حقوق کی فراہمی کی بات ہوئی، دھرنے کے بعد عوام میں سیاسی شعور پیدا ہوا۔

اسلام آباد:(ویب ڈیسک)وزیراعظم عمران خان نےکہا ہےکہ احتساب اور میرٹ ہی نظام میں بہتری لانے کے اصول ہیں۔وزیراعظم عمران خان کی زیر صدارت سول سروس ریفارمز ٹاسک فورس کا اجلاس ہوا جس سے خطاب کرتے ہوئے عمران خان نے کہا کہ 60 اور 70 کی دہائی میں پاکستانی سول سروس خطےکی سب سے بہترین سروس تھی، خطے کے دیگر ممالک ہم سے سیکھنے آتے تھے، بدقسمتی سے سیاسی مداخلت سے سول سروس کا زوال شروع ہوا، سول سروس کو سیاسی مداخلت سے بچانے کے لیے سیاستدانوں کی ٹریننگ بھی ضروری ہے، ٹریننگ بھی اس لیے ضروری ہےکہ بیوروکریٹ بلا خوف و خطرذمہ داریاں انجام دیں۔انہوں نے کہا کہ ہماری حکومت نیک نیتی کے ساتھ اصلاحات کا ایجنڈا لے کر آئی ہے، عوامی فلاح و بہود کی خاطر نظام میں بہتری لانے کے خواہش مند ہیں، احتساب اور میرٹ ہی نظام میں بہتری لانے کے اول ہیں۔وزیراعظم کا کہنا تھا ہماری حکومت کا مشن ہے کہ بیوروکریسی کو سیاسی مداخلت سے بچایا جائے، ہر تقرری صرف میرٹ کی بنیاد پر کی جائے، خیبرپختونخوا میں ہماری حکومت سروس کے انتظامی ڈھانچے میں تبدیلیاں لائی، تبدیلیوں کی وجہ سے خیبرپختونخوا کی گورننس میں بہتری آئی۔

لاہور(ویب ڈیسک) حکومت نے سابق صوبائی وزیر علیم خان کی گرفتاری کے بعد کرپشن کے خلاف کاروائی مزید تیز کرنے کا فیصلہ کرلیا ہے، وزیراعظم عمران خان نے پانامہ لیکس میں شامل تمام افراد کو کٹہرے میں لانے کے احکامات جاری کردیے، انہوں نے کہا کہ پانامہ لیکس میں شامل تمام افراد کو ڈھونڈا جائے، پانامہ لیکس میں 400 سے زائد پاکستانی سیاستدان اور کاروباری شخصیات ملوث ہائی گئی تھیں۔میڈیا رپورٹس کے مطابق وزیراعظم عمران خان نے ملک میں کرنٹ اکاو¿نٹ خسارے اور سیاسی بحران پر قابو پانے کے بعد اب کرپٹ افراد کے خلاف بلاامتیاز کاروائی کا فیصلہ کرلیا ہے۔ ذرائع وزیراعظم سیکرٹریٹ کا کہنا ہے کہ پاناما لیکس میں شامل چار سو سے زائد افراد کے نام سامنے آئے تھے لیکن ان میں صرف سابق وزیراعظم نوازشریف کیخلاف کاروائی کی گئی۔تاہم اب پی ٹی آئی کے رہنمائ اور سنیئر صوبائی وزیر علیم خان سے بھی آف شور کمپنی کے بارے میں باقاعدہ تفتیش شروع کردی گئی ہے۔ نیب نے علیم خان کو پیشی کے دوران تسلی بخش جواب نہ دینے کے باعث گرفتار کرلیا ہے۔ اس کے ساتھ ہی وزیراعظم نے پانامہ لیکس میں ملوث دیگر افراد کو بھی کٹہرے میں لانے کا فیصلہ کرلیا ہے۔ وزیراعظم عمران خان نے انٹیلی جنس اداروں کو احکامات جاری کیے ہیں کہ 78 ایسے افراد جن کی معلومات نامکمل تھیں جبکہ 175 ایسے افراد جن کے بارے میں کچھ بھی معلوم نہیں ہوسکا، ان تمام کو تلاش کیا جائے۔ذرائع کا کہنا ہے کہ تین سو کے قریب افراد ٹیکس ایمنسٹی اسکیم لیکر اپنی کمپنیاں چین میں منتقل کرچکے ہیں۔ واضح رہے 2016ئ میں امریکا میں پاناما جزیرے کی ایک لائ فرم فونسیکا نے دنیا بھر کے نامور سیاستدان اور کاروباری شخصیات سے متعلق ایک فہرست جاری کی تھی۔ جس میں پاکستان کے نامور کاروباری لوگ بھی آف شور کمپنیاں بنانے میں شامل تھے۔