پشاور (خصوصی رپورٹ) جماعت اسلامی پاکستان تحریک انصاف کے ساتھ پانچ سال تک شریک اقتدار رہنے کے بعد باضابطہ طور پر علیحدہ ہو گئی تا ہم جماعت اسلامی نے واضح کیا ہے کہ وہ حکومت کے خلاف کسی بھی محاذ کا حصہ نہیں بنے گی وزیراعلیٰ ہاﺅس پشاور میں پریس کانفرنس کرنے کے بعد جماعت اسلامی کے تین صوبائی وزراءعنایت اﷲ‘ مظفر سید اور حبیب الرحمن نے اپنے استعفے وزیراعلیٰ پرویز خٹک کے حوالے کر یئے پریس کانفرنس کرتے ہوئے وزیراعلیٰ پرویر خٹک نے کہا کہ جماعت اسلامی کے ساتھ شراکت اقتدار کے بعد ہم نے اچھا وقت گزار رہے جماعت اسلامی ایم ایم اے کا حصہ بننے کے بعد ایک اچھے موڈ کے ساتھ علیحدہ ہو رہی ہے آج ہم ایک ٹرینڈ سیٹ کر رہے ہیں جو کہ دوسری جماعتوں کے لئے قابل تنقید مثال ہے جماعت اسلامی کے جانے پر افسوس ہے لیکن سیاست میں ایسا ہوتا رہتا ہے اور یہ ایک مکمل طور پر سیاسی فیصلہ ہے اس موقع پر سینئر صوبائی وزیر عنایت اﷲ نے کہا کہ 2013ء میں گیارہ نکات پر تحریک انصاف کے ساتھ معاہدہ ہوا تھا نصاب میں جو تبدیلیاں کی گئی تھیں اسے واپس لیا جائیگا بونیر اور دیر میں تعلیمی اداروں کے قیام صوبائی حقوق میرٹ کی بالادستی بلدیاتی انتخابات کا انعقاد دان نکات کا حصہ ہیں پانچ سال تک شریک اقتدار رہے برداشت کی قوت کو فروغ دیا صوبے کے عوام کے مفاد کا خیال رکھا اور پانچ سال تک تحریک انصاف کے ساتھ رہے۔ ہم حکومت کے ساتھ گلے یا شکایت کی بنیاد پر نہیں بلکہ ایک اتحاد کا حصہ بننے کے بعد علیحدہ ہو رہے ہیں جے یو آئی خود فیصلہ کر یگی کہ وہ کب اقتدار سے علیحدہ ہو گی لیکن ایم ایم اے کے پلیٹ پر ہونے والے فیصلوں کی جماعت اسلامی پابندی ہے۔ دریں اثنا سینٹ الیکشن میں ہورس ٹریڈنگ میں مبینہ طور پر ملوث اراکین اسمبلی گورنر ہاﺅس پہنچ گئے اور ایک درخواست جمع کرائی جس میں کہا گیا ہے کہ وزیراعلیٰ کو اسمبلی سے اعتماد کا ووٹ حاصل کرنے کیلئے گورنر اپنا آئینی حق استعمال کریں۔
Monthly Archives: May 2018
سجل علی بھی ” سوہا جوڑا“ پہن کر سجنے کیلئے تیار
لاہور (خصوصی رپورٹ) پاکستانی اداکارہ سجل علی عنقریب شادی کرنیوالی ہیں۔ سجل علی کس سے شادی کرنے والی ہیں یہ بات تو ابھی سامنے نہیں آ سکی ہے تاہم انہوں نے شادی کرنے کا فیصلہ سابق دوست اور اداکار فیروز خان کو جواب دینے کیلئے کیا ہے۔ چند سال پہلے سجل علی اور فیروز خان کی دوستی مثالی سمجھی جاتی تھی اور دونوں شادی کے خواہشمند بھی تھے لیکن کئی وجوہات کی بنا پر ان کے راستے جدا ہوگئے ‘تاہم اب یہ اطلاعات موصول ہو رہی ہیں کہ سجل علی کی دوستی ان دنوں ایک مشہور شخصیت کے ساتھ ہے اور دونوں عنقریب شادی کرنے کا اعلان کریں گے۔
مقروض جنت نہیںجائیگا ۔۔۔!!
اسلام آباد (خصوصی رپورٹ) قومی اسمبلی میں بجٹ پر بجٹ کے دوران جماعت اسلامی کے پارلیمانی لیڈر صاجزادہ طارق اﷲ نے کہا کہ اس وقت ملک میں ہر نو مولود بچہ ایک لاکھ 25 ہزار کا مقروض ہے۔ اﷲ کا فرمان ہے کہ مقروض جنت میں نہیں جائے گا۔ قوم کا کیا بنے گا۔
واہ بھئی واہ ۔۔۔ مسجد کیلئے ہندﺅں نے زمین عطیہ کر دی
چندی گڑھ (خصوصی رپورٹ) موم میں 4000 سکھ، 400 ہندو اور 400 مسلمان آباد ہیں۔ بہت سے ہندو گورودوارہ جاتے ہیں اور بعض اوقات پگڑیاں بھی پہنتے ہیں جو عام طور سکھ پہنا کرتے ہیں۔ اس کے علاوہ وہ رسومات اور تقریبات میں شرکت کے لیے دوسری برادری کے لوگوں کے گھر بھی جاتے ہیں۔ گورودوارہ کی مذہبی شخصیت گیانی سرجیت سنگھ کا کہنا ہے کہ ہندوﺅں کی گیتا پاٹھ جیسی تقریبات سکھوں کے ہال میں منعقد کی جاتی ہیں۔ انہوں نے مزید کہا کہ لوگ اسے صرف گورودوارہ ہی نہیں سمجھتے بلکہ سماجی تقریبات کے لیے اکٹھے ہونے کی جگہ کے طور پر دیکھتے ہیں۔ مندر کے انتظامی امور میں سرگرم اور استاد بھرت رام کا کہنا ہے: ہم خوش قسمت ہیں کہ ہمارے پاس ایسے سیاسی رہنما نہیں ہیں جو ہمیں تقسیم کریں یا برادریوں میں تقسیم پیدا کریں۔اس گاﺅں کے لوگوں میں وہی بھائی چارہ ہے جو قدیم وقتوں میں ہوا کرتا تھا اور اسی وجہ سے ہم نے مسجد کے لیے زمین دینے کا فیصلہ فوراً ہی کر لیا۔ ان کا مزید کہنا تھا کہ انڈیا اور پاکستان کے لوگوں میں نفرتیں نہ ہوں‘ اگر سیاستدانوں میں نہ ہوں۔ ناظم اور بھرت شرما‘ گیانی سرجیت سنگھ کا کہنا ہے کہ فنڈز یا عطیات دینے سے کسی کو کوئی مسئلہ نہیں ہے۔ بہت سے ہندو اور سکھوں کے خیال میں مسجد صرف مسلمانوں کے لیے نہیں ہو گی۔ یہ تمام گاﺅں والوں کے لیے ہے۔ اس سب کے باوجود اس بھائی چارے کی کچھ حدود ہیں۔ اگر آپ ان سے کہیں کہ کیا وہ اپنے بیٹوں اور بیٹیوں کو ایک دورسرے کی برادریوں میں شادی کرنے دیں گے تو ان کا ردعمل کافی حیران کن ہوتا ہے۔ سکھ پنچایت کے رکن چوہر سنگھ اس بارے میں کہتے ہیں‘ دیکھئے بھائی چارہ ایک الگ چیز ہے۔ سکھ اور مسلمان الگ الگ مذاہب ہیں، ایسی کوئی بھی چیز ہمارے گاﺅں میں قابل قبول نہیں ہوگی۔ بھرت شرما ان سے اتفاق کرتے ہیں۔ ایسے کبھی بھی نہ تو ماضی میں ہوا ہے اور نہ مستقبل میں ہو گا۔ انڈیا میں یہ عام بات ہے، یہاں تک کے ہندوﺅں میں بھی کئی مختلف ذاتوں میں شادیوں کی مخالفت کی جاتی ہے‘ تاہم انڈیا کے مغربی بنگال جہاں فرقہ وارانہ کشیدگی بہت زیادہ ہے کے مقابلے میں پنجاب کا یہ گاﺅں جنت سے کم نہیں۔ بھرت شرما کا کہنا ہے کہ خدا ہر جگہ ہے، اب چاہے وہ گورودوارہ ہو، مسجد یا مندر۔
ملک کے بیشتر حصوں میں موسم آج بھی گرم اور خشک
کراچی(ویب ڈیسک)ملک کے بیشتر حصوں میں موسم آج بھی گرم اور خشک رہنے کا امکان ہے اور سندھ کے بیشتر علاقوں، بلوچستان میں تربت، چاغی، سبی اور پنجاب کے جنوبی شہروں میں سورج آج بھی گرمی برسائے گا۔محکمہ موسمیات کے مطابق کراچی میں آج بھی درجہ حرارت 40 ڈگری سینٹی گریڈ سے تجاوز کرنے کا امکان ہے تاہم شہر میں سمندری ہوائیں چلتی رہیں گی۔محکمہ موسمیات کا کہنا ہے کہ کراچی میں آج جنوب مغرب سے ہوائیں 14کلومیٹر فی گھنٹہ کی رفتار سے چل رہی ہیں اور ہوا میں نمی کا تناسب 50 فیصد ہے۔محکمہ موسمیات کے مطابق ہفتے سے پیر تک پنجاب اور خیبرپختونخوا کے بالائی علاقوں میں وقفے وقفے سے بارشیں ہوں گے، ہفتے سے پیر تک فاٹا،کشمیر اور گلگت بلتستان میں وقفے وقفے بارشوں ہوں گے۔ اسلام آباد سمیت بالائی علاقوں میں بارشوں کا سلسلہ پیرتک جاری رہے گا۔
قبرستان کی بجائے ہر گھر کے باہر قبر
آندھرا پردیش (خصوصی رپورٹ) جنوبی ہندوستان کی ریاست آندھرا پردیش کے کنرنول ضلع میں واقع ایاکونڈا ایک ایسا گاﺅں ہے جہاں ہر گھر کے ساتھ یا سامنے قبر ہے۔ ایاکونڈا کرنول ضلع ہیڈکوارٹر سے 66 کلو میٹر کے فاصلے پر گونے گنڈل تحصلی میں ایک پہاڑی پر آباد ہے۔ مالاداسری برادری کے کل 150 خاندانوں والے اس گاﺅں کے لوگ اپنے عزیزواقارب کی موت کے بعد ان کی لاش کو گھر کے سامنے دفن کرتے ہیں کیونکہ یہاں کوئی قبرستان نہیں ہے۔ اس گاﺅں میں ہر گھر کے سامنے ایک یا دو قبریں دیکھی جا سکتی ہیں۔ گاﺅں کی خواتین اور بچوں کو اپنے روزمرہ کے کاموں کے لیے ان قبروں سے ہو کر گزرنا ہوتا ہے۔ اگر خواتین ان سے ہو کر پانی لینے جاتی ہیں تو بچے ان کے گرد کھیلتے ہیں۔ گاﺅں والوں کا کہنا ہے کہ یہ قبریں ان کے اجداد کی ہیں جن کی وہ روزانہ پوجا کرتے ہیں، ان پر نذرانے چڑھاتے ہیں اور اپنے مخصوص رسم و رواج کی پابندی کرتے ہیں۔ گھر کے افراد گھر میں پکنے والا کھانا اس وقت تک نہیں چھوتے جب تک انہیں پہلے قبر پر نذر نہیں کیا جاتا۔ اس گاﺅں میں ہر گھر کے سامنے ایک یا دو قبریں ضرور ہیں۔ اس رواج کے بارے میں گاﺅں کے سرپنچ شرینواسول نے بی بی سی سے بات کرتے ہوئے کہا‘روحانی پیشوا نلاریڈی اور ان کے شاگرد مالا دشاری چنتا منی سوامی نے گاﺅں کی ترقی کے لیے اپنی پوری طاقت اور دولت لگا دی تھی۔ ان کے کاموں کا شکریہ ادا کرنے کے لیے گاﺅں کے لوگوں نے ان کے اعزاز میں یہاں ایک مندر قائم کیا اور ان کی پوجا کرنے لگے۔ اسی طرح اپنے خاندان کے بزرگوں کے اعزاز میں یہ لوگ اپنے گھر کے باہر ان کی قبریں بناتے ہیں۔ ان کے یہاں کا یہ رواج محض کھانے نذر کرنے اور پوجا کرنے تک محدود نہیں بلکہ جب وہ کوئی نئی چیز خریدتے ہیں تو بھی وہ سب سے پہلے اس کو ان قبروں کے سامنے رکھتے ہیں اور اس کے بعد ہی اس کا استعمال کرتے ہیں۔ اس گاﺅں میں کچھ دوسرے رسم و رواج بھی ہیں۔ مثال کے طور پر یہاں کے لوگ اپنے گاﺅں سے باہر شادی نہیں کرتے اور یہ لوگ چارپائی پر بھی نہیں سوتے۔
ان کو پھانسی دیدی جا ئے،آرمی چیف نے 11دہشت گردوں کی سزائے موت کی توثیق کردی
راولپنڈی (ویب ڈیسک )چیف آف آرمی سٹاف جنرل قمر جاوید باجوہ نے 11دہشت گردوں کی سزائے موت کی توثیق کردی جبکہ 3خطرناک دہشت گردوں کو عمر قید کی سزا کی توثیق کی گئی ہے۔آئی ایس پی آر کی جانب سے جاری بیان میں کہا گیا ہے کہ سزا پانے والے دہشت گرد سنگین وارداتوں میں ملوث تھے جنہوں نے مجسٹریٹ کے سامنے اپنے جرائم کا اعتراف کیا تھا۔انہوں نے بتا یا کہ سزا پانے والے دہشت گرد سیکیورٹی تنصیبات پر حملوں ،قانون نافذ کرنے والے اداروں کے اہلکاروں کے قتل ،تعلیمی اداروں کو تباہ کرنے ،عام شہریوں کے قتل میں ملوث تھے۔آئی ایس پی آر نے مزید کہا کہ سزا پانے والے دہشت گردوں میں عارف اللہ ،بخت محمد ،محمد عمران ،یوسف خان ،نادر خان ،برہان الدین،محمد زیب ،سلیم اور عزت خان سمیت دیگر دہشت گرد شامل ہیں۔
نعیم بخاری کی متنازعہ چوٹیں ۔۔۔؟ دیکھنے والے بھی دنگ رہ گئے
لندن (خصوصی رپورٹ)تحریک انصاف کے رہنما اور معروف وکیل نعیم بخاری کو لندن میں شدید چوٹیں آئی ہیں، ان کی بائیں آنکھ شدید متاثر ہوئی ہے اور پسلیاں بھی ٹوٹ گئی ہیں۔ اطلاعات کے مطاب لندن کے انڈرگراﺅنڈ سٹیشن پر نامعلوم افراد سے کسی معاملے پر جھگڑے ہونے کے بعد لڑائی بڑھی اور انہیں تشدد کا نشانہ بنایاگیا۔ نعیم بخاری کے خاندانی ذرائع کے مطاب اس کی تردید کرتے ہوئے کہا کہ لندن کے ماربل آرچ سٹیشن کی اندرونی سیڑھیوں پر گرنے سے نعیم بخاری کو چوٹیں آئیں اور پیرا میڈیکل سٹاف کو فوری طلب کرکے انہیں طبی امداد دیکر ہسپتال داخل کرایاگیا، ان کی حالت خطرے سے باہر ہے تاہم انہیں مکمل صحب یاب ہونے میں تین ماہ لگ سکتے ہیں۔ لندن کے سینٹ میری ہسپتال میں نعیم بخاری کی عیادت کے بعد سابق کرکٹر سرفراز نواز نے گفتگو میں کہا کہ نعیم بخاری کی حالت اب قدرے بہتر ہے اور وہ جلد گھر شفٹ ہوجائیں گے۔ بعض آزاد ذرائع دعویٰ کررہے ہیں کہ گرنے سے آنکھ پر گہرا نشان نہیں پڑسکتا، ہوسکتا ہے کہ کوئی لڑائی جھگڑا ہوا ہو۔
سیکریٹری بلدیات سندھ کے سیکریٹری نے سارے کرپٹ افسران کے نام بتا دیئے
سندھ(ویب ڈیسک) سیکریٹری بلدیات سندھ کے پرسنل سیکریٹری رمضان سولنگی نے دوران تفتیش زبان کھول دی۔ ان کا کہنا ہے کہ ڈی ایم سیز محکمہ بلدیات کو ماہانہ کروڑوں روپے بھتا دیتی ہیں۔ذرائع کے مطابق نیب کی زیرِ حراست رمضان سولنگی نے محکمہ بلدیات میں ہونے والی کرپشن میں ملوث اہم افراد کے نام بتادیے ہیں۔اپنے بیان میں انہوں نے کہا کہ ڈی ایم سی جنوبی سے ہر ماہ ایک کروڑ روپے آتے ہیں، ڈی ایم سی ویسٹ سے ماہانہ ساڑھے تین کروڑ روپے جمع کرائے جاتے ہیں ، سندھ کی ہر ڈسٹرکٹ کونسل اور میونسپل کمیٹی سے ماہانہ لاکھوں روپے آتے ہیں۔رمضان سولنگی نے کہا کہ وزیر بلدیات کے فرنٹ مین کے نام پر مختلف کاغذی کمپنیاں قائم ہیں۔ ٹی ایم او، انجینئر اور اکاونٹنٹ ایم پی ایز کی سفارش پر لگائے جاتے ہیں۔ افسران کی تعیناتی لوکل گورنمنٹ بورڈ کے سیکریٹری انیس دستی کے ذمے تھی جنہیں حال ہی میں ڈی سی حیدرآباد تعینات کیا گیا ہے ، وزیر بلدیات نے انیس دستی کو اہم ٹاسک دے کر حیدرآباد بھیجا ہے۔
صبا قمر،صائمہ نور اور شگفتہ اعجاز آج اپنی اپنی سالگرہ منائینگی
لاہور(ویب ڈیسک ) پاکستان کی معروف اداکارہ صبا قمر آج اپنی سالگرہ منا رہی ہیں۔اداکارہ صائمہ نور اور شگفتہ اعجاز بھی آج اپنی اپنی سالگرہ منا ئینگی۔اداکارہ صبا قمر5مئی 1984 کو گوجرانوالہ میں پیدا ہوئیں۔ ماڈلنگ سے اپنے کیریئر کا آغاز اور بعدازاں ٹی وی ڈراموں میں بے مثال اداکاری سے اپنی شناخت قائم کی۔ صبا قمر نے ٹی وی ڈراموں کے ساتھ پاکستانی اردو فلموں اور بالی ووڈ کی ایک فلم میں بھی اداکاری کی ہے انہوں نے بالی ووڈ میں بننے والی فلم ہندی میڈیم میں بھی اپنی اداکاری کے جوہر دکھائے اور ان کی فلم آج بھی چین کے سینما گھروں کی زینت بنی ہوئی ہے جبکہ صبا قمر کا شمار پاکستان کے ٹاپ اداکاروں میں ہوتاہے۔
پاکستان میں ماﺅں کے دودھ بینک ۔۔۔ بڑی خبر سے بڑا بھونچال
لاہور (خصوصی رپورٹ) ماﺅں کے ”دودھ بینک“ قائم کرنا غیرشرعی ہیں۔ مغرب کی نقالی کرتے ہوئے ماﺅں کے ”دودھ بینک“ قائم کرنا جائز نہیں کہ کسی کو پتہ نہ ہو کہ کس بچے نے کس ماں کا دودھ پیا ہے تو اس طریقے سے رشتہ جو ولادت کے تعلق سے حرام ہے رضاعت سے بھی حرام ہوجاتا ہے۔ عورت کے دودھ سے حرمت جب ثابت ہوتی ہے جبکہ بچے نے دو سال کی عمر کے اندر اس کا دودھ پیا ہو‘ بڑی عمر کے آدمی کے لئے دودھ سے حرمت ثابت نہیں ہوتی نہ عورت رضاعی ماں بنتی ہے۔ اس نے یہ بھی اجازت دی ہے کہ والدہ کے علاوہ دوسری عورت بھی بچے کو دودھ پلاسکتی ہے جسے رضاعی ماں کا رتبہ ملتا ہے۔ اگر بچہ خدانخواستہ ماں اور باپ دونوںسے محروم ہوجائے تو اس کو دودھ پلانے کا انتظام کرنا اس کے ورثاءکی ذمہ داری ہے۔ ان خیالات کا اظہار جامعہ نعیمیہ کے ناظم اعلیٰ اسلامی نظریاتی کونسل کے رکن علامہ راغب نعیمی نے نیااخبار سے گفتگو کرتے ہوئے کیا۔ انہوں نے کہا کہ احکامات رضاعت بیان کرتے ہوئے مزید کہا کہ مائیں اپنے بچوں کو پورے دو سال دودھ پلائیں‘ دودھ پلانے والی ماﺅں کا کھانا اور کپڑا دستور کے مطابق باپ کے ذمہ ہوگاکسی شخص کو اس کی طاقت سے زیادہ تکلیف نہیں دی جاتی (تو یاد رکھو کہ) نہ تو ماں کو اس کے بچے کے سبب نقصان پہنچایا جائے اور نہ باپ کو اس کی اولاد کی وجہ سے نقصان پہنچایا جائے اور اسی طرح (نان نفقہ) بچے کے وارث کے ذمہ ہے۔
فیصلہ ہو گیا ماہرہ خان بھی ہالی وڈ بالی وڈکے روبرو ہونگی
پاکستان (ویب ڈیسک) پاکستان کی دلکش اداکارہ ماہرہ خان 71 ویں سالانہ کانز فلم فیسٹیول 2018 میں شرکت کریں گی۔ماہرہ پہلی بارکانزفلم فیسٹیول میں پاکستان کی نمائندگی کریں گی۔کانزفلم فیسٹیول کا میلہ ہرسال فرانس میں منعقد کیا جاتا ہے جس میں ہالی ووڈ اوربالی ووڈ کی صف اول کی اداکاراوں کو مدعو کیا جاتا ہے۔اس سال کانز فلم فیسٹیول میں ہالی وڈ اداکارہ جولیان مور، جین فونڈا اور ایوا لنگوریا کی شرکت متوقع ہے جبکہ بالی وڈ سے دپیکا پڈوکون، ایشوریا رائے بچن اور سونم کپور شرکت کریں گی۔ماہرہ پہلی بارکانزفلم فیسٹیول میں پاکستان کی نمائندگی کریں گی۔71 واں سالانہ کانز فلم فیسٹیول رواں ماہ 9 مئی سے 20 مئی تک جاری رہے گا، جس میں دنیا بھر سے دستاویزی فلمیں دکھائی جائیں گی۔کانزفلم فیسٹیول میں دنیا بھرسے منتخب کی ہوئی فلمیں اوردستاویزی فلمیں دکھائی جاتی ہیں اورکانزکا میلہ ہرسال مئی میں منعقد کیا جاتا ہے۔
نثار کا آج بڑا پلان ،خفیہ راز افشاءاہم اعلان
راولپنڈی (ویب ڈیسک) سابق وزیر داخلہ چوہدری نثار علی خان نے آج شام 4 بجے اہم پریس کانفرنس کرنے کا اعلان کردیا۔چوہدری نثار علی خان گزشتہ کئی روز سے خبروں کی زینت بنے ہوئے ہیں اور اس کی وجہ ان کی پی ٹی آئی میں ممکنہ شمولیت کی افواہیں ہیں۔ چوہدری نثار کی جانب سے اس حوالے سے کوئی باضابطہ اعلان نہیں کیا گیا اور نہ ہی انہوں نے اپنا موقف عوام کے سامنے رکھا ہے جس کے باعث چہ میگوئیاں بڑھنے لگی ہیں۔ کانفرنس کرنے کا اعلان کردیا ہے۔ وہ آج (ہفتہ کو) شام 4 بجے پریس کانفرنس کریں گے اور ملکی معاملات اور پارٹی امور پر میڈیا سے گفتگو کریں گے۔ ذرائع کا کہنا ہے کہ وہ اپنی پریس کانفرنس میں پی ٹی آئی میں شمولیت کے حوالے سے اٹھنے والے سوالات کے جواب بھی دیں گے جبکہ اپنا آئندہ کا لائحہ عمل بھی پیش کریں گے۔
