لاہور(کورٹ رپورٹر) سپریم کورٹ لاہور رجسٹری میں (ن) لےگی سےنےٹر اسحاق ڈارکی رہائشگاہ کیلئے پارک
اکھاڑکرسڑک بنانے پر ازخودنوٹس کی سماعت کے دوران چیف جسٹس ثاقب نثارنے 10 روز میں پارک کو اصل حالت میں بحال کرنے اورڑک کو دوبارہ پارک بنانے کا خرچہ اسحاق ڈار سے وصول کرنے کا حکم دیتے ہوئے سابق وفاقی وزیر خزانہ اور ایل ڈی اے کو نوٹس جاری کردیئے ڈی جی اےل ڈی اے کی غےر مشروط معافی مستر دکر دی گئی جبکہ اپنے رےما کس مےں چےف جسٹس آف پاکستان نے کہا کہ کیسے افسرہیں؟وزیرکی زبان ہلانے پرپارک اکھاڑدیا،آپ کوسزابھگتنی ہوگی،ذاتی پسندنہیں چلنے دوں گا‘آپ کےخلاف نیب قوانین کے تحت کارروائی بنتی ہے اب آپ ہڑتال کریں جب مقدمہ نیب کو جاتا ہے تو سب ہڑتال کرنا شروع کر دیتے ہیں،اس پر ڈی جی ایل ڈی اے نے کہا کہ پلیز مقدمہ نیب کو نہ بھیجیں مجھے معاف کردیں ۔تفصیلات کے مطابق چیف جسٹس پاکستان جسٹس میاں ثاقب نثار کی سربراہی میں جسٹس عمر عطاءبندیال اور جسٹس اعجاز الاحسن پر مشتمل تین رکنی بنچ نے سپریم کورٹ لاہور رجسٹری میں سابق وزیر خزانہ اسحاق ڈار کی رہائشگاہ کے باہر سڑک بنانے کےلئے پارک کو اکھاڑنے سے متعلق از خود نوٹس کیس کی سماعت کی ۔ سماعت کے دوران ڈی جی ایل ڈی اے سمیت دیگر اعلیٰ افسران عدالت کے رو برو پیش ہوئے سماعت کے آغاز پرکمرہ عدالت میں نجی ٹی وی کے پروگرام کی ریکارڈنگ چلائی گئی،ڈی جی ایل ڈی اے نے پروگرام نہ دکھانے کی استدعا کی،چیف جسٹس آف پاکستان نے کہا کہ آپ بھی دیکھیں اورہم بھی پروگرام دیکھتے ہیںدوران سماعت چیف جسٹس ثاقب نثار نے ڈی جی ایل ڈی اے سے مکالمہ کرتے ہوئے استفسار کیا کہ بتایاجائے سٹرک پرکتنے اخراجات آئے؟،اس پر زاہد اختر زمان نے بتایا کہ سڑک کی تعمیر پرایک کروڑ 50 لاکھ روپے لاگت آئی،چیف جسٹس آف پاکستان نے حکم دیا کہ یہ اخراجات آپ کوجیب سے اداکرنے ہوں گے آپ کے ساتھ کیا سلوک کیا جائے،اس پر ڈی جی ایل ڈی اے نے کہا کہ مجھے معاف کردیا جائے میراقصور نہیں ہے چیف جسٹس ثاقب نثار نے ریمارکس دیتے ہوئے کہا کہ آپ غلط بیانی کر رہے ہیں ،میرے پاس آپ کے اعتراف کرنے کی ریکارڈنگ موجود ہے آپ کیخلاف نیب کے سیکشن 9 کے تحت کارروائی بنتی ہے ۔چیف جسٹس پاکستان نے کہاکہ میں نے صرف ٹیپا کو گھرکے قریب پارکنگ کا مسئلہ حل کرنے کا کہاتھااس پر ڈی جی ایل ڈی اے نے کہا کہ پلیز مقدمہ نیب کو نہ بھیجیں مجھے معاف کردیںچیف جسٹس نے ریمارکس دیتے ہوئے کہاکہ وزیرکی زبان جیسے ہی ہلتی ہے،آپ لوگ غلام بن جاتے ہیں،آپ لوگ سیاسی لوگوں کے غلام بن کررہ گئے،چیف جسٹس نے کہا کہ نوکری بچانے کیلئے آپ لوگ کسی بھی حدتک جاسکتے ہیںچیف جسٹس پاکستان نے ریمارکس دیتے ہوئے کہا کہ اب آپ ہڑتال کریں ،جب مقدمہ نیب کو جاتا ہے تو سب ہڑتال کرنا شروع کر دیتے ہیں،چیف جسٹس نے کہا کہ آپ وزیروں کے غلام بنے ہوئے ہیں ،وزیروں کے کہنے پرآپ پارک اکھاڑ دیتے ہیں جسٹس عمر عطا ءبندیال نے ریمارکس دئیے کہ اگر آپ کا مقدمہ نیب کو نہ بھجوایا گیا تو یہ روایت پڑھ جائے گی ۔ آپ پہلے پارک کو اصل حالت میں بحال کریں پھر دیکھتے ہیںعدالت نے اسحاق ڈار اور ایل ڈی اے کو نوٹس جاری کرتے ہوئے 10 روز میں پارک کو اصل حالت میں بحال کرنے کا حکم دے دیاچیف جسٹس ثاقب نثار نے کہا کہ تحریری طورپربتائیں پارک کتنی جگہ پرمحیط ہے،حلف نامے کےساتھ تمام ریکارڈابھی لےکر آئیں۔

اسلام آباد (این این آئی) پاکستان مسلم لیگ (ن) کے سینئر رہنماءاور سابق وفاقی وزیر داخلہ چودھری نثار نے کہا ہے کہ ایک سال سے میں نے بڑے صبر اور تحمل سے حالات اور معاملات کو برداشت کیا ، کوشش کی کسی معاملے پر اس حد تک ردعمل نہ دوں جس سے پارٹی کو نقصان پہنچے، چند منظور نظر صحافیوں سے طے شدہ سوالات کراکے اشارتا میری تضحیک کی کوششیں کی گئیں، واضح مہرہ تو صرف ایک شخص تھا جس کا نہ تو مسلم لیگ سے کوئی نظریاتی اور نہ ہی سیاسی ناطہ ہے، مگر کٹھ پتلی کبھی اپنی طاقت پر نہیں ناچتی، میاں نواز شریف کے گزشتہ دن پڑھے گئے شعر اور کلمات اور انکی بیٹی کے بیان نے مجھے مجبور کیا ہے کہ میں اپنا ردعمل دوں، میاں صاحب! احسان انسان نہیں کرتا، اللہ تعالیٰ انسانوں پر کرتا ہے۔ مگر آپ اگر یہ سمجھتے ہیں کہ آپ نے لوگوں پر احسان کیے ہیں تو بہت سارے لوگوں نے آپ کو بھی اس مقام پر پہنچانے میں مدد اور احسان کیا ہوگا۔آپ کو ان کا بھی احساس اور احسان مند ہونا چاہئے، مریم نواز کی تیز و تند زبان کی وجہ سے پارٹی ایک بند گلی میں جا رہی ہے۔جمعرات کو پاکستان مسلم لیگ (ن) کے سینئر رہنماءاور سابق وفاقی وزیر داخلہ چودھری نثار نے مسلم لیگ (ن) کے قائد محمد نواز شریف اور ان کی صاحبزادی مریم نواز کے بیان پر ردعمل کا اظہار کرتے ہوئے کہاہے کہ گزشتہ ایک سال سے میں نے بڑے صبر اور تحمل سے حالات اور معاملات کو برداشت کیا ہے اور کوشش کی ہے کہ کسی معاملے پر اس حد تک ردعمل نہ دوں جس سے پارٹی کو نقصان پہنچے۔ انہوں نے کہا کہ میں نے کافی حد تک اپنے آپ کو قومی سیاست سے الگ کر کے حلقے کی سیاست تک محدود کر لیا۔ مگر افسوس سے کہنا پڑتا ہے کہ خاص طور پر پچھلے آٹھ ، دس مہینوں میں ایک مخصوص طرف سے میری ذات کو مختلف طریقوں سے نشانہ بنایا جاتا رہاہے ۔انہوں نے کہا کہ کبھی خود ساختہ لطیفے، کبھی طنزیہ جملے اور کبھی نہ ہونےوالے واقعات کا حوالہ دے کر میری ذات کو نشانہ بنایا جاتا رہا۔ انہوں نے کہا کہ جب اور کچھ نہ بنا تو اپنے چند منظور نظر صحافیوں سے طے شدہ سوالات کراکے اشارتا میری تضحیک کی کوششیں کی گئیں۔ اس کا واضح مہرہ تو صرف ایک شخص تھا جس کا نہ تو مسلم لیگ سے کوئی نظریاتی اور نہ ہی سیاسی ناطہ ہے۔ مگر کٹھ پتلی کبھی اپنی طاقت پر نہیں ناچتی۔ انہوں نے کہا کہ میاں نواز شریف کے گزشتہ دن پڑھے گئے شعر اور کلمات اور انکی بیٹی کے بیان نے مجھے مجبور کیا ہے کہ میں اپنا ردعمل دوں۔ انہوں نے کہا کہ میاں صاحب! احسان انسان نہیں کرتا، اللہ تعالیٰ انسانوں پر کرتا ہے۔ مگر آپ اگر یہ سمجھتے ہیں کہ آپ نے لوگوں پر احسان کیے ہیں تو بہت سارے لوگوں نے آپ کو بھی اس مقام پر پہنچانے میں مدد اور احسان کیا ہوگا۔آپ کو ان کا بھی احساس اور احسان مند ہونا چاہئے۔ انہوں نے کہا کہ جہاں تک مریم نواز کا تعلق ہے تو اس کی تیز و تند زبان کی وجہ سے پارٹی ایک بند گلی میں جا رہی ہے۔ میں اس کی بات کا اسی پیرائے میں جواب دے سکتا ہوں مگر میرے دل میں اس کے خاندان کا آج بھی احترام ہے۔ اس لئے آج صرف منیر نیازی کے شعر کے ذریعے اتنا کہوں گا کہ ’ادب کی بات ہے ورنہ منیر سوچو تو….جو شخص سنتا ہے، وہ بول بھی تو سکتا ہے‘۔ انہوں نے کہا کہ میں یہ بھی واضح کر دوں کہ میں نے اپنے اوپر یہ پابندی صرف آج کے بیان تک لگائی ہے اگر مہروں اور کٹھ پتلیوں کے ذریعے مجھ پر الزامات کا سلسلہ جاری رہا تو میں تفصیلی وضاحت کرنے کا حق محفوظ رکھتا ہوں۔

اسلام آباد (آن لائن) رہنما تحریک انصاف بابر اعوان کیخلاف توہین عدالت کیس سماعت کے لیے مقررکردیا گیا چیف جسٹس میاں ثاقب نثارکی سربراہی میں تین رکنی بینچ منگل کوکیس کی سماعت کرے گا۔یاد رہے کہ پیپلز پارٹی کے بانی ذوالفقار علی بھٹوکا مقدمہ کھولنے کے حوالے سے سابق صدر آصف علی زرداری کی جانب سے عدالت عظمی کو بھجوائے گئے ریفرنس کی یکم دسمبر2011کو سماعت کے بعد عدالت عظمی کے باہرمیڈیا سے گفتگو کی تھی ،اس دوران ان کی طرف سے عدالت کے خلاف توہین آمیز الفاظ استعمال کرنے پربابر اعوان کونوٹس جاری ہواتھاجس کا نوٹس لیتے ہوئے اس وقت کے چیف جسٹس افتخار چوہدری نے بابر اعوان کالائسنس وکالت معطل کردیا تھا جو بعد میں آنے والے چیف جسٹس تصدق حسین جیلانی کے دور میں بحال کردیا گیا تاہم توہین عدالت کیس تاحال زیر التوا تھا ۔اب عدالت نے کیس کی سماعت کےلئے اٹارنی جنرل اور بابر اعوان کونوٹس جاری کئے ہیں ۔یاد رہے کہ صدر زرداری نے بھٹو ریفرنس میں بابر اعوان کی جگہ اعتزازاحسن کو وکیل نامزدکیا تھا تاہم اس کی گذشتہ کئی سال سے دوبارہ سماعت نہیں ہوسکی۔

اسلام آباد (این این آئی) سابق وزیر اعظم محمد نوازشریف کی صاحبزادی مریم نواز نے احتساب عدالت کی جانب سےایک ہفتے کےلئے استثنیٰ کی دارخواست مسترد ہونے پر کہا ہے کہ امی نے فون پر پوچھا اجازت مل گئی ؟ میں نے کہا نہیں ¾ کہنے لگیں کوئی بات نہیں ¾ہمارا اللہ مالک ہے ۔ٹوئٹر پر اپنے بیان میں مریم نواز نے کہاکہ امی میری اور ابو کی منتظر تھیں ¾ فون پر پوچھا کہ اجازت مل گئی؟ میں نے کہا نہیں ملی ¾کہنے لگیں کوئی بات نہیں، ہمارا اللّہ مالک ہے!۔ مریم نواز نے کہاکہ جب عدالت سے والدہ کی عیادت کےلئے اپنے اور اپنے والد کےلئے ایک ہفتہ کے استثنیٰ مانگا تو نیب نے کہا کہ پورے خاندان کاوہاں ہونا ضروری نہیں!۔ مریم نواز نے کہاکہ وقت ایک سا نہیں رہتا نہ وقت بدلتے دیر لگتی ہے ۔

اسلام آباد(اے این این، آئی این پی ) احتساب عدالت نے سابق وزیراعظم نواز شریف اور ان کی صاحبزادی مریم نواز کی جانب سے نیب ریفرنسز میں حاضری سے استثنی کی دائر مسترد کردی۔جمعرات کو احتساب عدالت کے جج محمد بشیر نے ایون فیلڈ ریفرنس کی سماعت کی۔سماعت کے آغاز پر نواز شریف اور مریم نواز کی جانب سے حاضری سے استثنی کی درخواست دائر کی گئی۔درخواست میں 7 دن کے لیے حاضری سے استثنی مانگا گیا تھا جب کہ بیگم کلثوم نواز کی میڈیکل رپورٹ بھی درخواست کے ساتھ لگائی گئی تھی۔درخواست میں استدعا کی گئی تھی کہ 26 مارچ سے ایک ہفتے کے لئے حاضری سے استثنی دیا جائے جب کہ اس دوران نواز شریف کی جگہ ان کے نمائندے علی ایمل اور مریم نواز کی جگہ ان کے نمائندے جہانگیر جدون پیش ہوں گے۔سماعت کے دوران نواز شریف کے وکیل خواجہ حارث نے موقف اختیار کیا کہ کلثوم نواز کی کیمو تھراپی ہونی ہے جس کے لیے نواز شریف اور ان کی صاحبزادی کو لندن جانا ہے جب کہ ڈاکٹرز نے بھی کہا کہ کلثوم نواز کے شوہر کو بلایا جائے۔اس موقع پر نیب پراسیکیوٹر افضل قریشی کی جانب سے حاضری سے استثنی کی شدید مخالفت کی گئی اور کہا کہ ٹرائل اختتام کے قریب ہے اس لیے ملزمان کو جانے کی اجازت نہ دی جائے۔عدالت نے درخواست پر فیصلہ محفوظ کرلیا اور بعدازاں فیصلہ سناتے ہوئے اسے مسترد کردیا۔لندن فلیٹس ریفرنس میں پاناما جے آئی ٹی سربراہ واجد ضیا نے بیان قلمبند کراتے ہوئے کہا کہ آہلی اسٹیل ملز کے 25 فیصد شئیرز فروخت معاہدے کی تصدیق کے لیے یو اے ای کو خط لکھا جس کے مطابق آہلی اسٹیل ملز کی فروخت کے معاہدے کا کوئی ریکارڈ نہیں اور اس کی فروخت پر 12 ملین درہم کی ٹرانزیکشن کا بھی کوئی ریکارڈ نہیں ہے۔واجد ضیا نے بتایا کہ طارق شفیع سے متعلق 1980 کا 12 ملین درہم کے معاہدے کا بھی کوئی ریکارڈ نہیں اور یہ مبینہ معاہدہ بھی قطری شہزادے کے ساتھ کیا گیا تھا اور یہی 12 ملین درہم ایون فیلڈ سمیت دیگر اثاثہ جات بنانے میں استعمال ہوئے۔واجد ضیا کے مطابق طارق شفیع نے بی سی سی آئی بینک سے ڈیفالٹر ہونے کے باوجود قرضہ لیا جس پر وکیل خواجہ حارث نے اعتراض اٹھایا اور سوال کیا کہ یہ قیاس آرائی ہے یا تجزیہ ہے۔واجد ضیا نے کہا کہ میں نے جو کام کیا وہ سپریم کورٹ کی طرف سے دیے گئے 13 سوالات پر کیا، جے آئی ٹی رپورٹ میں ان 13 سوالوں کے جوابات دیے گئے۔ خواجہ حارث نے کہا کہ وہ جوابات صرف سپریم کورٹ آف پاکستان کیلئے تھے، ان جوابات کو اس عدالت کے سامنے پیش نہیں کیا جاسکتا۔جے آئی ٹی کے سربراہ واجد ضیا نے اسکریپ سے متعلق معاہدہ بھی پیش کیا اور کہا کہ یو اے ای حکام نے بتایا کہ اسکریپ سے متعلق ایسا کوئی معاہدہ نہیں جب کہ جواب گذار نے اس حوالے سے غلط بیانی کی۔مریم نواز کے وکیل امجد پرویز نے اعتراض اٹھاتے ہوئے کہا کہ جج صاحب نے آپ کو منع کیا ہوا ہے پھر بھی آپ رائے دے رہے ہیں اور بیان دیکھ کر پڑھ رہے ہیں ۔جس پر فاضل جج محمد بشیر نے واجد ضیا کو کہا کہ آپ دستاویزات پڑھے بغیر بیان دیں، ہمارے پاس سب دستاویزات موجود ہیں۔واجد ضیا نے کہا کہ طارق شفیع کی جانب سے جمع کرایا گیا معاہدہ جھوٹا اور جعلی ہے، متحدہ عرب امارات کے مطابق طارق شفیع معاہدے کی تصدیق کا بھی ریکارڈ نہیں ملا۔ اس موقع پر مریم نواز کے وکیل نے اعتراض اٹھایا کہ واجد ضیا پھر ایم ایل اے سے پڑھ کر بیان لکھوا رہے ہیں جس پر فاضل جج نے انہیں روکتے ہوئے کہا کہ آپ دستاویزات دیکھ سکتے ہیں، پڑھ نہیں سکتے۔بعدازاں احتساب عدالت نے ایون فیلڈ ریفرنس کی سماعت منگل27 مارچ تک کے لئے ملتوی کردی۔

اسلام آباد (اے پی پی) صدر مملکت ممنون حسین نے کہا ہے کہ پاکستان کی ترقی و استحکام کا راز جمہوریت ہی میں پوشیدہ ہے، درپیش چیلنجوں سے نبردآزما ہونے کےلئے ضروری ہے کہ جمہوری روایات کو فروغ دیا جائے تاکہ معاشرے میں رواداری ہم آہنگی اور برداشت پروان چڑھے۔ انہوں نے یہ بات یوم پاکستان کے موقع پر قوم کے نام اپنے پیغام میں کہی۔ وزیراعظم شاہد خاقان عباسی نے کہا ہے کہ پاکستان ایک جمہوری جدوجہد کے ذریعے وجود میں آیا، اس کی بقاءسلامتی، یکجہتی، ترقی اور خوشحالی کا راز بھی جمہوریت میں ہی پوشیدہ ہے، آئین کی سربلندی اور قانون کی بالادستی کو یقینی بنائے بغیر آبرومند نہیں ہو سکتے۔ انہوں نے یہ بات یوم پاکستان کے موقع پر اپنے پیغام میں کہی۔