اسلام آباد(اے این این)”ایم کیو ایم کیلئے پی ٹی آئی خود رشتہ لے کرآئی، اب جھگڑا یہ ہے کہ پہلے بڑی بہن کی شادی ہوگی یا چھوٹی کی “۔یہ دلچسپ باتیں متحدہ قومی موومنٹ (پاکستان) کے رہنما فاروق ستار نے ایک نجی ٹی وی کے پروگرام میں کہیں۔میزبان کے ایک سوال کا جواب دیتے ہوئے ڈاکٹر فاروق ستار کا کہنا تھا کہ تحریک انصاف خود ہمارے پاس رشتہ لے کر آئی اور اب یہ ان کو فیصلہ کرنا ہے کہ وہ اپوزیشن لیڈر کس کو چنتی ہے تاہم اب تحریک انصاف میں اس بات پر جھگڑا چل رہا ہے کہ پہلے چھوٹی بہن کا رشتہ ہوگا یا پھر بڑی بہن کا ، اس بارے عمران خان کو فیصلہ کرنا ہے ۔اس سوال پر دلہا عمران خان ہے یا شاہ محمود قریشی ؟ڈاکٹر فاروق ستار کا جواب تھا ”آج کل لڑکی والے خود رشتہ لے کر لڑکے والوں کے گھر آتے ہیں“۔

لاہور (خصوصی رپورٹ) پاکستان کے تقریباً تمام وزیرخزانہ کاتعلق مڈل کلاس سے تھا لیکن جب وہ وزیر خزانہ بنے تو پھر دولت کی دیوی ان پر مہربان ہوتی گئی۔ ڈاکٹر محبو الحق ایسے وزیرخزانہ تھے جو صحیح معنوں میں اقتصادی ماہر تھے، باقی نے پی ایچ ڈی کی اور پھر کسی تعلق واسطے سے قسمت کی دیوی ان پر مہربان ہوگئی۔ ڈاکٹرمحبوب الحق سمیت ڈاکٹر مبشر حسن ایسے وزیرخزانہ رہے جن پر کرپشن کا کوئی الزام نہیں لگا۔ ڈاکٹر مبشر حسن اب بھی مڈل کلاس والی زندگی گزار رہے ہیں۔ لیکن دوروز قبل جن پر نیب کورٹ نے آمدن سے زائد اثاثے بنانے کے حوالے سے فرد جرم عائد کی وہ لوئر مڈل کلاس سے اٹھے اور پھر دیکھتے ہی دیکھتے امیر ترین خاندانوں کی فہرست میں شامل ہوگئے۔ وفاقی وزراءخزانے میں سے ایوب دور میں وزیرخزانہ رہنے والے شعیب ایسے شخص ہیں جن پر سب سے پہلے کرپٹ ہونے کا الزام لگا۔ یہ الزام کسی اور نے نہیں لگایا بلکہ اس وقت کے وزیرخارجہ ذوالفقار علی بھٹو نے لگایا وہ کہا کرتے تھے کہ شعیب بہت کرپٹ آدمی ہے۔ نیب کورٹ نے اسحاق ڈار پر فرد جرم عائد کرتے ہوئے کہا کہ نیب نے ان کے نوے کروڑ روپے سے زائد کے اثاثے پکڑ لیے ہیں۔ نیب نے یہ الزام بھی لگایا کہ ان کے اثاثوں میں گزشتہ تین چار برس کے دوران بہت ہی زیادہ اضافہ ہوا۔ ان کی پراپرٹی نہ صرف پاکستان میں ہے بلکہ لندن اور دبئی میں بھی ہے۔ دبئی میں ان کے بڑے بڑے پلازے، ٹاور اور دنیا کی مہنگی گاڑیوں کو رائے پر دینے والا شو روم بھی ہے۔ ایوب دور میں ان کے وزیرخزانہ شعیب تھے ان پر بھی کرپشن کا الزام تھا۔ ان کے بعد بھٹو کازمانہ آیا تو انہوں نے ڈاکٹر مبشر حسن کو اپنا وزیرخزانہ لگایا۔ ان کے بارے میں کسی طرف سے الزام نہیں کہ انہوں نے اپنی ذات کیلئے کرپشن کی ہو اور نہ ہی کسی ادارے کے لیے۔ ذوالفقار علی بھٹو کے بعد ضیاءالحق کا دور آیا تو ان کے دور میں ڈاکٹر محبوب الحق کو خزانے کی کنجی دی گئی۔ ڈاکٹر محبوب الحق کے بارے میں بتایا گیا ہے کہ وہ اصل میں پاکستان کے پہلے اقتصادی ماہر تھے۔ ڈاکٹر محبوب الحق دو ادوار میں وزیر خزانہ رہے۔ انہوں نے پاکستان کی ترقی میں اہم کردار ادا کیا اور پھران کو ورلڈ بینک میں اعلیٰ عہدے پر نوکری مل گئی۔ ضیاءالحق دور کے بعد محترمہ بے نظیر بھٹو کا دور آیا تو ان کے دور میں مخدوم شہاب الدین وزیرخزانہ بنے۔ ان کے بارے میں بتایا گیا ہے کہ وہ زمیندار تھے اور ایک بہت بڑے پیر کی اولاد میں سے تھے لیکن ان پر بھی گرین ٹریکٹر سکیم لانے کے حوالے سے کرپشن کاالزام لگا۔ صدر زرداری کے دور حکومت میں ان پر ایفیڈرین منگوانے کے سکینڈل کا الزام بھی لگا جو ابھی تک بھگت رہے ہیں۔ بے نظیر کے بعد میاں نواز شریف کا دور آیا تو اسحاق ڈار ان کے

حضرت جابرؓ سے روایت ہے کہ میں نے حجة الوداع میں عرفہ کے دن امام الانبیاءﷺ کو دیکھا کہ آپ اپنی اونٹنی پہ سوار تھے اور ارشاد فرما رہے تھے اے لوگو میں نے تمہارے درمیان وہ چیز چھوڑ دی ہے کہ اگر تم اس کو مضبوطی سے پکڑے رہو گے تو کبھی گمراہ نہیں ہو گے وہ چیز اللہ تعالیٰ کی کتاب (یعنی قرآن پاک) اور میری عترت میرے اہل بیت ہیں۔

اسلام آباد (مانیٹرنگ ڈیسک) نوازشریف نے امریکہ میں جس لابنگ فرم کی خدمات حاصل کیں وہی فرم بھارتی وزیراعظم مودی کیلئے بھی لابنگ کرتی ہے۔ یہ انکشاف سینئر صحافی نے نجی ٹی وی پروگرام میں کیا انہوں نے کہا کہ نوازشریف نے اپنی سیاسی بحالی کیلئے عالمی سطح پر لابنگ کیلئے امریکہ کی معروف فرم رابرٹی گلوبل کی خدمات حاصل کی ہیں اور یہی فرم نریندر مودی نے بھی بھارت کی لابنگ کیلئے کررکھی ہے افغان صدر اشرف غنی بھی اسی فرم کے ذریعے مخالفوں کے خلاف لابنگ کراتے ہیں۔

فیصل آباد‘ ملتان (مانیٹرنگ ڈیسک) آج صبح 2ٹریفک حادثات میں 5افراد جاں بحق جبکہ 38زخمی ہو گئے۔ تفصیلات کے مطابق فیصل آباد کے علاقے ڈجکوٹ روڈ پر کاہنہ پل کے قریب ٹریکٹر ٹرالی مسافر وین سے ٹکرا گئی۔ ریسکیو ذرائع کے مطابق حادثے میں 5افراد جاں بحق جبکہ 5زخمی ہو گئے۔ زخمی ہونے والوں کو طبی امداد کیلئے سول ہسپتال منتقل کردیا گیا۔ حادثہ تیزرفتاری کے باعث پیش آیا جبکہ ملتان کے علاقے بہاولپور روڈ پر مسافر بس الٹ گئی۔ مسافر بس الٹنے سے 33افراد زخمی ہو گئے۔ ریسکیو ذرائع کے مطابق حادثہ میں زخمی ہونے والے 20افراد کو طبی امداد دے کر موقع پر فارغ اور 13کو نشتر ہسپتال منتقل کر دیا گیا۔ زخمی ہونے والوں میں خواتین اور بچے بھی شامل ہیں۔ حادثہ کا شکار ہونے والی مسافر بس سیالکوٹ سے صادق آباد جا رہی تھی۔ حادثہ تیزرفتاری کے باعث پیش آیا۔

راولپنڈی(آئی این پی)آرمی چیف جنرل قمر جاوید باجوہ نے کہا ہے کہ ملک مخالف پروپیگنڈا میں ملک دشمن غیر ملکی ایجنسیاں ملوث ہیں، پاک فوج ہر قسم کے اندرونی وبیرونی چیلنجز سے مقابلہ کرنے کی صلاحیت رکھتی ہے اور کوئی بھی پاکستان کو بری نظر سے دیکھنے کی جرات نہیں کرسکتا ، بلوچستان کے بغیر پاکستان نامکمل ہے ،بلوچستان میں ترقی ،استحکام اور امن کے بغیر پاکستان ترقی نہیں کرسکتا ، نوجوان نسل پاکستان کا سب سے قیمتی سرمایہ ہیں ، نوجوان اپنے مثبت کردار سے قومی یکجہتی وترقی میں کردارادا کریں، نوجوان نسل ملک مخالف پراپیگنڈا سے کبھی بھی متاثر نہ ہوں، پاک فوج نے پوری قوم کی حمایت سے ملک کو دہشت گردی اور تشدد سے پاک کرنے کےلئے بہت اہم کامیابیاں حاصل کیں، قومی مقاصد کے حصول کے لئے اپنی تمام صلاحتیں بروئے کار لائیں گے۔جمعرات کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باوجوہ سے انٹر سروسز پبلک ریلیشنز ڈائریکٹوریٹ (آئی ایس پی آر) میں بلوچستان کے مختلف تعلیمی اداروں سے تعلق رکھنے والے طلباءاور اساتذہ کے 173رکنی وفد نے ملاقات کی ۔ اس موقع پر آرمی چیف جنرل قمر جاوید باجوہ نے کہا کہ بلوچستان کے بغیر پاکستان نامکمل ہے ،بلوچستان میں ترقی ،استحکام اور امن کے بغیر پاکستان ترقی نہیں کرسکتا ، نوجوان نسل پاکستان کا سب سے قیمتی سرمایہ ہیں ، نوجوان اپنے مثبت کردار سے قومی یکجہتی وترقی میں کردارادا کریں ۔ آرمی چیف نے کہا کہ نوجوان نسل ملک مخالف پراپیگنڈا سے کبھی بھی متاثر نہ ہوں ۔انہوں نے کہا کہ ملک مخالف پروپیگنڈا میں ملک دشمن غیر ملکی ایجنسیاں ملوث ہیں ۔ آرمی چیف نے طلباءکو تعلیم پر توجہ ، سخت محنت کرنے اور منفی سرگرمیوں سے بچنے کی ہدایت کی ۔ انہوں نے کہا کہ تعلیم ہماری قومی ترجیحی ہے ۔ کوئٹہ میں نسٹ یونیورسٹی کا قیام اسی سلسلے کی کڑی ہے ، بلوچستان متحرک اور صلاحیتوں سے مالا مال نوجوان نسل رکھنے والا صوبہ ہے ، پاکستان کا مستقبل بلوچستان کی قابل اور باصلاحیت نوجوان نسل سے وابستہ ہے ۔انہوں نے کہا کہ قومی مقاصد کے حصول کے لئے اپنی تمام صلاحتیں بروئے کار لائیں گے ۔آرمی چیف نے کہا کہ مجھے اس بات پر بہت فخر ہے کہ میرا تعلق بلوچ رجمنٹ سے ہے اس لئے مجھے بلوچستان کے ساتھ بہت پیار ہے ، یہ ہمارا ملک ہے ہم اس میں رہتے ہیں اور ہم نے یہیں مرنا ہے ۔ آرمی چیف نے کہا کہ پاک فوج ہر قسم کے اندرونی وبیرونی چیلنجز سے مقابلہ کرنے کی صلاحیت رکھتی ہے اور کوئی بھی پاکستان کو بری نظر سے دیکھنے کی جرات نہیں کرسکتا ۔آرمی چیف نے طلباءکو یقین دہانی کرائی کہ پاک فوج انہیں ایک محفوظ اور مستحکم پاکستان دینے کے لئے پرعزم ہے ۔انہوں نے کہا کہ پاک فوج نے پوری قوم کی حمایت سے ملک کو دہشت گردی اور تشدد سے پاک کرنے کےلئے بہت اہم کامیابیاں حاصل کی ہیں ۔ آرمی چیف نے صوبے میں حکومت کے تعاون سے شروع کئے گئے ترقیاتی منصوبوں کا بھی ذکر کیاجس میں مواصلات ، انفراسٹرکچر، سکولز اور کیڈٹ کالجز شامل ہیں ۔اس موقع پر طلباءنے پاک فوج کے بلند مورال اور پیشہ ورانہ صلاحیتوں کو سراہتے ہوئے پرامن اور خوشحال پاکستان کےلئے کردار ادا کرنے کی یقین دہانی کرائی۔