لاہور (ویب ڈیسک) بعض افراد نے طلاق کو مذاق بناکر رکھ دیا ہے وہ طلاق کے بعد حلالہ کے ذریعے بیوی کو نکاح میں لے لیتے ہیں ایسی ایک مثال ایک امام مسجد جس نے 6مرتبہ اپنی بیوی کو طلاق دی اور 6مرتبہ حلالہ کروایا، نجی ٹی وی پروگرام میں شمع کی اب بیتی سن کر ہر انکھ اشکبار ہو گئی۔ شمع نامی خاتون نے بتایا کہ اس کا خاوند امام مسجد تھامیرا خاوند غصیلہ، جھگڑالو اور قوم پرست شخص تھا۔کیونکہ متعلق اس کی برادری سے نہ تھا جس کی وجہ سے اس کے خاندان میں بھی اس چیز کو لےکر لڑائی جھگڑے چلے جن کا بہانہ بنا کر اس نے شادی کے 2یا ڈھائی سال بعد مجھے طلاق دیدی اس وقت میرا ایک بچہ تھا۔ طلاق کے بعد میں اپنے والدین کے گھر واپس اگئی اور اپنے بچے کے حصول کیلئے بے چین رہی، اسی دوران مجھے میرے خاوند نے پیغام بھیجا کہ میں بچہ نہیں لے جانے دوں گا اور جہاں جاﺅ گی وہاں چین سے بیٹھنے بھی نہیں دوں گا اور مجھ پر دباﺅ ڈال کر حلالہ کا کہا گیا اور حلالہ کیلئے میرا نکاح اپنے ایک دوست سے کر دیا جس کے ساتھ میں ایک دن رہی ، اس کے بعد اس کے دوست نے مجھے طلاق دی اور میں نے عدت پوری ہونے کے بعد اپنے پہلے شوہر سے شادی کر لی۔شمع نے اپنی اپ بیتی سناتے ہوئے بتایا کہ اس طرح مجھے میرے امام مسجد شوہر نے 6مرتبہ طلاق دی اور 6مرتبہ مجھے حلالہ کے عمل سے گزرنا پڑا۔ شمع نے ا?خر کار تنگ اکر صارم برنی ٹرسٹ میں پناہ لے لی اور ٹرسٹ کے بانی صارم برنی جو پروگرام میں شریک تھے نے بتایا کہ شمع دماغی طور پر بہت متاثر ہو چکی تھی جب یہ ہمارے پاس ائی۔ اس نے تنگ اکر ہمارے پاس پناہ لی اور اب اس نے اپنے بچوں سے دوری صرف اس وجہ سے برداشت کی ہوئی ہے کہ یہ نکاح اور حلالہ کا سلسلہ ختم ہواور شمع اب ہمارے پاس ہے۔ ہم نے اس کے شوہر کے خلاف علاقہ مکینوں کو تمام حالات بتائے جنہوں نے اس کے امام مسجد شوہر جو وہاں مسجد میں فرائض سر انجام دے رہا تھا کو مسجد سے نکال دیا اور اب وہ کسی اور علاقے کی مسجد میں امامت کروا رہا ہے۔

لاہور(ویب ڈیسک)  2013ءکے انتخابات ہوں یا اس کے بعد ہونے والے ضمنی انتخابات، ان سب میں حصہ لینے والی سیاسی جماعتیں مسلم لیگ (ن) پر دھاندلی کے الزامات لگاتی آئی ہیں لیکن اب تاریخ میں پہلی مرتبہ لاہور کے حلقہ این اے 120میں ضمنی انتخاب کے موقع پر ایسی ویڈیوز سامنے آ گئی ہیں کہ ہر پاکستانی دنگ رہ گیا ہے۔ ان ویڈیوز میں ایک خاتون اور ایک مرد شہری یہ الزامات عائد کر رہے ہیں کہ وہ مسلم لیگ (ن) کے ووٹرز ہیں لیکن انہیں یا تو اندر جانے سے منع کر دیا جاتا ہے اور اگر وہ مسلم لیگ (ن) کی پرچی کیساتھ پولنگ سٹیشن میں داخل ہوتے ہیں تو ووٹ ہی ڈالنے نہیں دیا جاتا اور کہا جاتا ہے کہ آپ کا ووٹ کہیں اور پر ہے۔  ویڈیو میں موجود خاتون نے کہا کہ ”وہ کہہ رہے ہیں کہ میرا شناختی کارڈ اصلی نہیں ہے اس لئے آپ ووٹ نہیں ڈال سکتیں۔ میں نے ان سے کہا کہ اس کی لیمی نیشن اتری ہوئی ہے اور کچھ بھی تو نہیں ہوا جبکہ اس کی معیاد بھی 2021ء میں ختم ہونی ہے۔ میں پھول منڈی سے شیر کو ووٹ ڈالنے کیلئے آئی ہوں۔“

خوشاب(ویب ڈیسک) چیرمین تحریک انصاف عمران خان کا کہنا ہے کہ سپریم کورٹ کو سلام پیش کرتا ہوں جس سے ہمیں نئے پاکستان کی امید ملی جب کہ پورے پاکستان کی نظریں کل لاہور کے حلقے این اے 120 میں ہونے والے ضمنی الیکشن پر جمی ہوئی ہیں۔خوشاب میں جلسہ عام سے خطاب کرتے ہوئے عمران خان کا کہنا تھا کہ کل این اے 120 لاہور میں زبردست میچ ہونے والا ہے، ایک طرف یاسمین بی بی ہیں تو دوسری طرف ایم این اے، ایم پی ایز اور مریم بی بی، جس میں وفاق اور پنجاب حکومت کے وسائل بھی شامل ہیں۔
انہوں نے عوام کو مخاطب کرتے ہوئے کہا کہ این اے 120 کے لوگو پیسہ دینا مسلم لیگ (ن) کا پرانا وطیرہ ہے اور اگر ضمنی الیکشن کے لئے یہ لوگ پیسہ دیں تو لے لو لیکن ووٹ بلے کو ہی دینا کیونکہ سارا پاکستان آپ کی طرف دیکھ رہا ہے، کل آپ کو دکھانا ہے کہ آپ اس ملک کی عدلیہ کے ساتھ ہیں یا سب سے بڑے ڈاکو کے ساتھ ہیں۔
عمران خان کا کہنا تھا کہ آج تک جیلوں میں غریب آدمی جاتا تھا اور چھوٹا چور چوری کرتا ہے تو پیسا ملک میں خرچ کرتا ہے لیکن بڑے بڑے ڈاکو اقتدار میں آکر قوم کا پیسا باہر بھیجتے ہیں تو قرضے لینے پڑتے ہیں اور حکمران قرضوں کا پیسا واپس کرنے کیلیےعوام پر ٹیکس لگاتے ہیں جس کی وجہ سے بجلی اور گیس مہنگی ہوتی ہے۔ انہوں نے کہا کہ نوجوان سمجھ گئے ہیں کرپشن کے کینسر کو ختم کرنا ہو گا، سپریم کورٹ کو سلام پیش کرتا ہوں جس سے ہمیں امید ملی جب کہ کل لاہور کے لوگ فیصلہ کریں گے وہ عدلیہ کے ساتھ کھڑے ہیں۔
چیرمین پی ٹی آئی نے کہا کہ برصغیر میں پاکستان سب سے غریب ملک ہے اور ہم بنگلادیش اور بھارت سے بھی پیچھے رہ گئے ہیں جب کہ پاکستان کو نقصان پہنچانے والے اسمبلیوں میں بیٹھے ہیں، قوم غربت میں ڈوب گئی اور ان کے بچوں کے بچے بھی ارب پتی بن گئے، کرپشن سے چھوٹا سا طبقہ ارب پتی بن جاتا ہے جب کہ عوام غربت اور افلاس میں زندگی گزارنے پر مجبور ہیں۔ انہوں نے کہا کہ سنگاپورکے وزیراعظم نے 3 وزیروں کو جیل میں ڈالا اور سنگاپورمیں ایماندار وزیراعظم نے کرپشن سے بچنے والا پیسا تعلیم پر خرچ کیا جب کہ ہمارے ڈھائی کروڑ بچے اسکول جانے سے محروم ہیں

اسلام آباد(ویب ڈیسک)سابق وزیر داخلہ چوہدری نثار علی خان نے کہا ہے کہ آرمی چیف جنرل قمر جاوید باجوہ دنیا سے جبکہ وزرا پاکستان سے ڈو مور کا مطالبہ کررہے ہیں۔سابق وزیرِ داخلہ کے ترجمان کے مطابق چوہدری نثار نے وزیر خارجہ خواجہ محمد آصف کے بیان پر تبصرہ کرتے ہوئے کہا کہ ملک میں عجیب صورتحال ہے آرمی چیف کہتے ہیں کہ پاکستان نے بہت قربانیاں دیں اب دنیا ڈو مور کرے جبکہ وزرائے خارجہ و داخلہ کہہ رہے ہیں کہ پاکستان کو ڈو مور کرنا چایئے، وزیر موصوف کو علم ہے کہ ان کے بیان کی ہندوستان میں کتنی پذیرائی اور تشہیر ہوئی اور اسے بھارت کے اس بے بنیاد موقف کی تصدیق کے طور پر پیش کیا گیا کہ سارا مسئلہ پاکستان میں ہے۔
چوہدری نثار نے کہا کہ وزیرخارجہ خواجہ آصف اور وزیر داخلہ احسن اقبال ساڑھے چار سال سے وزیر ہیں، کیا انہوں نے کبھی کابینہ یا قومی سلامتی کمیٹی کے اجلاس میں یہ بات کہی؟، وزراءکا کام بیان دینا نہیں بیماری کا علاج کرنا ہے، انہیں چاہیے تھا کہ کابینہ یا قومی سلامتی کمیٹی میں مسئلہ اٹھاتے۔سابق وزیر داخلہ نے کہا کہ انتہائی اہم اور حساس معاملات پر اظہار خیال کرتے ہوئے پہیلیوں اور مفروضوں کی بجائے حقائق اور ریکارڈ کے مطابق بات ہونی چاہیے، دہشت گردی کے خلاف قربانیوں کے باوجود دنیا بھر میں ہم پر نکتہ چینی کی وجہ ہی یہ ہے کہ ہم خود اپنے بیانات اور رویوں کی وجہ سے اپنے پیچھے پڑے ہیں، ہم خود بیرونی طاقتوں کو موقع دیتے ہیں کہ وہ ہمارا مذاق اڑائیں اور اپنی ناکامیوں کا بوجھ بھی ہم پر ڈال دیں۔
چوہدری نثار کا کہنا تھا کہ کیا پاکستان کی داخلی سلامتی کی صورتحال میں جون 2013 اور آج زمین آسمان کا فرق نہیں؟، یہ ہماری مشترکہ کوششوں کی وجہ سے ہوا، کسی بیرونی مدد یا دباو¿ کی وجہ سے نہیں، اب اگر وزیر موصوف کو کسی کی کوئی کمی یا کمزوری نظر آتی ہے تو وہ بیان دینے کی بجائے اس کا مداوا کریں۔

لاہور(ویب ڈیسک) سربراہ عوامی مسلم لیگ شیخ رشید کا کہنا ہے کہ حکمرانوں نے گزشتہ 4 سال میں 35 ارب ڈالر قرضہ لیا اس لیے شریف خاندان کو جیل میں بھیج کر آئی ایم ایف کا قرضہ چکایا جائے۔لاہور میں میڈیا سے بات کرتے ہوئے شیخ رشید کا کہنا تھا کہ نوازشریف کی نااہلی کے فیصلے میں حدیبیہ پیپرز کا ذکر کیا گیا اور یہ کیس شریف خاندان کے تمام مقدمات کی ماں ہے، اسحاق ڈار نے خود اعتراف کیا ہے کہ انہوں نے نوازشریف کو 4 ہزار 212 ملین بیرون ملک بھجوائے، میں حیران ہوں کہ اسحاق ڈار کو نااہل کیوں نہیں کیا گیا عدالتی فیصلے کے بعد اسحاق ڈار کو مستعفیٰ ہوجانا چاہیے تھا انہیں چاہئے کہ وہ اپنے عہدے سے مستعفیٰ ہوکر گواہ بن جائیں اور اگر وہ اپنے بیان سے انحراف کریں گے تو مجرم ہوں گے اب ان پر ہے کہ انہوں نے گواہ بننا ہے یا مجرم بن کر جیل جانا ہے۔
شیخ رشید کا کہنا تھا کہ حکمران پاکستان کے ساتھ مذاق کررہے ہیں منی لانڈرنگ کرنے والوں کومالیاتی اداروں کاسربراہ بنا دیا گیا، گزشتہ 4 برس میں 35 بلین ڈالرز کا قرضہ لیا گیا اور تاریخ کی سب سے مہنگی ایل این جی کا معاہدہ بھی اسی حکومت نے کیا، شریف خاندان نے ٹیکسٹائل کے کاروبار کو تباہ کردیا اورتاثر یہ دیا جا رہا ہے کہ نوازشریف کے بغیرملک چل نہیں سکتا، سپریم کورٹ کی جانب سے بنائی گئی جے آئی ٹی کے والیم 10 میں مزید کھاتے سامنے آرہے ہیں نوازشریف پر 21 مقدمات ہیں جن میں سے 17 مقدمات التوا میں ہیں۔ اسی لئے سپریم کورٹ نے کہا کہ اداروں کے چیئرمین سیاسی بنیادوں پر نہیں اہلیت پر لگائے جائیں تو ملک ٹھیک ہوجائے گا۔ ان کا کہنا تھا کہ نوازشریف لندن میں گھٹنے ٹیک کر بیٹھ گئے ہیں اور این آر او چاہتے ہیں جب کہ دوسرا بھائی ترکی میں بیٹھ کر این آر او کی تیاری میں ہے لیکن اب ملک میں این آراوکی کوئی گنجائش نہیں، ہمارا مطالبہ ہے نوازشریف اور ان کے خاندان کوجیلوں میں ڈال کر ملک کے قرضے اتارے جائیں۔
سربراہ عوامی مسلم لیگ نے کہا کہ نوازشریف کی صاحبزادی مریم نواز نہ صرف پارٹی توڑے گی بلکہ خاندان بھی توڑدے گی نوازشریف کے اقتدارمیں سب سے بڑی تباہی کا ہاتھ مریم کا ہے جی ٹی روڈ ریلی میں اٹھائے گئے سوالات مریم نواز کے تحریر شدہ تھے۔ وزیرداخلہ کے بیان پر شیخ رشید کا کہنا تھا کہ یہ منہ اورمسورکی دال، ضیاالحق کی تقریبات میں تلاوت کرنے والے آج ملک کے وزیرداخلہ بن گئے ہیں۔