اسلام آباد (مانیٹرنگ ڈیسک) مریم نواز نے الیکشن میں کامیابی کے بعد عدالت اور فوج کو زبردست تنقید کا نشانہ بنایا۔ غیر حاضری میں دی گئی سزا کی کوئی قانونی حیثیت نہیں ہوتی۔ اب کے جمہوریت گئی تو ایوب خان اور پرویز مشرف کے مارشل لا کو لوگ بھول جائیں گے۔ عدالت اور آرمی چیف کے پاس تمام آئینی آپشن ختم ہو چکے ہیں۔ معروف تجزیہ کار، ڈاکٹر شاہد مسعود نے نجی ٹی وی پر انکشاف کیا ہے کہ تمام وزراءکی ترجیح صرف یہ تھی کہ نوازشریف کی خالی ہونے والی سیٹ پر ان کی اہلیہ کو کامیاب کروا لیا جائے۔ مریم نواز نے الیکشن میں کامیابی کے بعد عدالت اور فوج کو تنقید کا زبردست نشانہ بنایا۔ وہ اداروں کو نشانہ بنا کر ملک سے چلتی بنی۔ اور غیر حاضری میں دی گئی سزا کی بالکل بھی اہمیت نہیں ہوتی۔ اس کی کوئی قانونی حیثیت نہیں ہوتی۔ شریف فیملی کی غیر موجودگی میں اگر عدالتیں انہیں سزا سنا دیتی ہیں تو ان کی واپسی پر دوبارہ سماعت شروع کرنا ہو گی۔ سندھ میں بہت سخت آپریشن ہونے والا ہے۔ سب کی چیخیں نکل جائیں گی۔ مقتدر حلقے سوچ رہے ہیں اب جمہوریت گئی تو صحیح والا مارشل لا لگے گا ایوب خان جیسا یا مشرف جیسا مارشل لا نہیں ہو گا۔ اتنا سخت کہ آج تک کسی نے نہ دیکھا ہو۔ عدالت اور قمر جاوید باجوہ کے پاس تمام آئینی آپشن ختم ہو چکے ہیں ملک کو آگے لے جانے کیلئے اب کچھ نہیں بچا۔
Monthly Archives: September 2017
واٹس ایپ کے صارفین ہو جائیں ہوشیار ،کہیں آپ بھی دھوکہ تو نہیں کھا رہے
نیویارک (ویب ڈیسک)اگر آپ واٹس ایپ استعمال کرتے ہیں تو واٹس ایپ گولڈ کا نام بھی ضرور سن رکھا ہوگا، اور شاید اسے استعمال کرنے کی تمنا بھی رکھتے ہوں گے۔ یہ بات عام سننے میں آتی ہے کہ اسے صرف دنیا کی مشہور ترین شخصیات ہی استعمال کرتی ہیں ،مگر حال ہی میں عام صارفین کو بھی ایک میسج موصول ہونے لگا ہے، جس میں بتایا جاتا ہے کہ انہیں واٹس ایپ گولڈ استعمال کرنے کا خصوصی موقع دیا جا رہا ہے اور اب وہ بھی اس خاص سروس سے لطف اندوز ہو سکتے ہیں۔ لیکن ٹیکنالوجی ماہرین نے خبردار کیا ہے کہ اگر آپ کو اپنی واٹس ایپ اپ گریڈ کرکے واٹس ایپ گولڈ میں بدلنے کا میسج موصول ہو تو اس کے دھوکے میں ہرگز نہ آئیں کیونکہ یہ آپ کا موبائل فون ہیک کرنے کی سازش ہے۔ رپورٹ کے مطابق ہیکروں کی طرف سے صارفین کو ایک میسج بھیجا جاتا ہے جس میں لکھا ہوتا ہے، ”آخر کار واٹس ایپ کا خفیہ گولڈن ورڑن لیک ہوگیا ہے۔ یہ ورڑن صرف مشہور شخصیات استعمال کرتی ہیں۔ اب آپ بھی اسے استعمال کرسکتے ہیں۔“ حقیقت یہ ہے کہ گولڈ اپ گریڈ نامی کوئی چیز حقیقت میں موجود نہیں ہے، بلکہ اس میسج پر عملدرآمد کرتے ہوئے آپ جو چیز ڈاﺅن لوڈ کریں گے دراصل وہ ایک وائرس ہے جو آپ کے موبائل فون کا کنٹرول ہیکروں کے حوالے کردے گا۔ اکثر صارفین اس پیشکش کو واٹس ایپ گولڈ اپ گریڈیشن کا نادر موقع جان کر دھوکا کھاجاتے ہیں اور اپنے قیمتی ڈیٹا سے ہاتھ دھو بیٹھتے ہیں۔ اب تک سامنے آنے والی معلومات کے مطابق زیادہ تر اینڈرائیڈ صارفین کو اس فریب کا نشانہ بنایا جارہا ہے۔ ٹیکنالوجی ماہرین کا کہنا ہے کہ اگر آپ کو اس طرح کا کوئی میسج موصول ہو تو اسے کھولے بغیر ڈیلیٹ کردیں۔
43سالہ مصباح الحق کو آخر کار بی پی ایل میں جگہ مل گئی
ڈھاکا(سپورٹس ڈیسک) بنگلادیش پریمیئر لیگ میں مصباح الحق بھی اپنا جادو جگائیں گے۔بنگلادیش پریمیئر لیگ کے ڈرافٹ میں مجموعی طور پر 46 پاکستانی پلیئرز نے حصہ لیا تھا مگر صرف15 کا انتخاب ہوا، ان میں سابق ٹیسٹ کپتان مصباح الحق بھی شامل ہیں، ان کی خدمات چٹاگانگ وکنگز نے حاصل کی ہیں، انھیں اس سائیڈ میں یاسر عرفات بھی جوائن کریں گے، ٹیم کے آئیکون سومیہ سرکار ہیں۔راجشاہی کنگز میں پاکستان کے محمد سمیع اور اسامہ میر موجود ہیں۔ ڈھاکا ڈائنا مائٹس میں شاہد آفریدی، محمد عامر، شاہین شاہ آفریدی موجودہیں۔ کومیلہ وکٹورینز کو شعیب ملک، حسن علی، رومان رئیس، فہیم اشرف اور عمران خان جونیئر کا ساتھ حاصل ہوگا۔ کھلنا ٹائٹنز میں شاداب خان، سرفراز احمد اور جنید خان شامل ہیں۔ رنگپور رائیڈرز میں پاکستان کا کوئی بھی کھلاڑی موجود نہیں۔ بابراعظم سلہٹ کی نمائندگی کرینگے۔مقامی کھلاڑیوں کی فہرست میں اے پلس کیٹیگری میں شامل واحد کھلاڑی مستفیض الرحمان کی خدمات راجشاہی کنگز نے حاصل کیں، اسی طرح اے کیٹیگری میں موجود بنگلادیش کے سابق اسپنر عبدالرزاق رنگپور رائیڈرز میں شامل ہوگئے۔یاد رہے کہ بنگلادیشی لیگ کے ڈرافٹ کیلیے 46 پاکستانی کھلاڑیوں نے اپنے نام پیش کیے تھے،ان میں کامران اکمل اور اظہر علی بھی شامل تھے تاہم انھیں کسی بھی ٹیم نے اپنا نہیں بنایا۔ بی پی ایل کا اگلا ایڈیشن نومبر میں ہی کھیلا جائے گا۔
اور اس کے مقابلے جنوبی افریقہ کی نئی گلوبل ٹوئنٹی 20 لیگ سے متصادم ہیں جب کہ پی سی بی نے بھی انہی تاریخوں میں اپنا ٹی ٹوئنٹی ایونٹ کرانے کا اعلان کیا ہوا ہے۔
وزیرا عظم اور آرمی چیف میں 4مرتبہ ہیلو ہائے کی اندرونی کہانی سامنے آگئی
اسلام آباد(خصوصی رپورٹ)سول ملٹری تعلقات پر گماہ اگست کی جائزہ رپورٹ جاری ‘خارجہ امور اور قومی سلامتی کے معاملات پر قومی سلامتی کمیٹی کے تین اجلاس ہونے وزیراعظم اور آرمی چیف میں چار بار ملاقاتیں ہونے اور پارلیمنٹ میں ان امور پر بحث کا کلیدی طورپر تذکرہ کیا گیا قومی سلامتی پر پارلیمینٹ کی فعالیت کو اجاگر کرنے کے علاوہ سول ملٹری قریبی رابطوں کو سراہا گیا ہے ، پاک فوج کی آئین جمہوریت کے ساتھ وابستگی کے اظہار کو بھی رپورٹ کے ذریعے اجاگر کیا گیا آغاز ہی میں رپورٹ میں پاک فوج کے آئین و جمہوریت کے ساتھ عزم کا اعادہ کا تذکرہ کیا گیا ہے امریکہ سے امداد کی ضرورت نہیں عزت و احترام اور باہمی اعتماد کی ضرورت ہے سے متعلق آرمی چیف کی گزشتہ ماہ امریکی سفیر سے ملاقات کو بھی رپورٹ میں خصوصی طور پر اجاگر کیا گیا ہے۔ رپورٹ حال ہی میں ایک غیر سرکاری ادارے (پلڈاٹ) کی طرف سے جاری کی گئی ہے۔جائزہ رپورٹ کے آغاز میں پاک فوج کے ترجمان کے 21 اگست کے اس بیان کو سول ملٹری میں کوئی تقسیم نہیں ہے کو بہت زیادہ اہمیت دیتے ہوئے رپورٹ کا ڈی جی آ ئی ایس پی آر کے بیان کو شامل کیا گیا ہے ۔یاد رہے کہ امریکی سفیر سے ملاقات میں آرمی چیف نے واضح کیا کہ امریکہ سے امداد کی ضرورت نہیں ہے عزت و احترام اور باہمی اعتماد کی ضرورت ہے۔ رپورٹ میں اگست میں ممتاز قانون دان عاصمہ جہانگیر کی جے آئی ٹی سے متعلق پریس کانفرنس کا حوالہ بھی دیا گیا ہے۔ اسی طرح سول ملٹری تعلقات کے حوالے سے اگست کے اوائل میں سابق فوجی صدر پرویز مشرف کے برطانوی نشریاتی ادارے کو دیئے گئے انٹرویو کا ذکر بھی ملتا ہے۔ اگست میں آرمی چیف کی انتخاب کے بعد نومنتخب وزیراعظم شاہد خاقان عباسی سے ملاقات کا اہم تذکرہ بھی رپورٹ میں ملتا ہے اسی طرح گیارہ اگست کو چیف آف آرمی سٹاف کی جی ایچ کیو میں انٹرن شپ پروگرام کے طلبہ و طالبات سے ملاقات اور اس موقع پر پاک فوج کے اہم بیان کا بھی خصوصی ذکر کیا گیا ہے۔، وزیراعظم شاہد خاقان عباسی کی صدارت میں 16 اگست، 24 اگست اور 30 اگست کو قومی سلامتی کے اجلاسوں کے انعقاد کو کلیدی طور پر اجاگر کیا گیا ہے یہ اجلاس پاک امریکہ تعلقات اور قومی سلامتی کی صورتحال کے جائزہ کے کے لیے ہوئے تھے اور رپورٹ میں ایک ماہ میں قومی سلامتی کمیٹی کے تین اجلاس کے انعقاد پر حکومت کی تعریف کی گئی ہے۔سول ملٹری تعلقات کے حوالے سے چیف آف آرمی سٹاف کے سابق وزیراعظم میاں محمد نواز شریف کو کلثوم نواز شریف کی صحت دریافت کرنے کے لیے ٹیلی فون کا بھی خصوصی طور پر اس جائزہ رپورٹ میں ذکر کیا گیا ہے ترکی میں فوجی سربراہان کی اگست میں ہونے والی تبدیلی کا بھی اس جائزہ رپورٹ میں تذکرہ ملتا ہے۔ اگست میں وزیراعظم شاہد خاقان عباسی اور چیف آف آرمی سٹاف جنرل قمر جاوید باجوہ کے درمیان چار مرتبہ براہ راستہ رابطہ ہوا ۔ایک بار ون آن ملاقات ہوئی تین بار قومی سلامتی کمیٹی کے اجلاسوں کے دوران براہ راست رابطہ ہوا اس کو خصوصی طور پر سراہا گیا ہے۔
اینڈی فلاور کی اردو سے محبت, ثبوت بھی سامنے آگئے
لاہور (خصوصی رپورٹ) ورلڈالیون کے کوچ اور قومی ٹیم کے بیٹنگ کوچ گرانٹ فلاور کے بھائی اینڈی فلاور کا کہنا ہے کہ پاکستان میں اردو کے کچھ الفاظ سیکھے ہیں۔ اینڈی فلاور نے کہا کہ دیکھنے آیا تھا کہ میرا بھائی گرانٹ یہاں اتنا خوش کیوں ہے، انہوں نے کہا کہ پاکستان میں اردر کے کچھ الفاظ سیکھے ہیں جن میں السلام علیکم، شکریہ اور پاکستان زندہ آباد کے الفاظ سیکھ چکا ہوں۔
انوکھے ہیرسٹائل نے سوشل میڈیا پر کھلبلی مچادی
لاہور(خصوصی رپورٹ)امریکی نوجوان نے اپنے انوکھے ہیئر سٹائل کی بدولت اپنا نام گنیز بک آف ورلڈ ریکارڈ میں شامل کروا لیا ہے۔امریکی ماڈل بینینے اپنے بالوں کا20.5انچ اونچا ٹاور بنایاجو نہایت خوبصورتی سے اس نے سر پرسجا رکھا تھا۔بینی نے اپنے انوکھے ہیئر سٹائل سے نہ صرف لوگوں کوحیران کر دیا بلکہ اپنا نام بھی گنیزبک آف ورلڈ ریکارڈ میں شامل کر وا لیا۔
ٹریفک سارجنٹ کو کچلنے والے ایم پی اے بارے بڑی خبر
کوئٹہ(ویب ڈیسک) عدالت نے ٹریفک سارجنٹ کو کچلنے والے رکن بلوچستان اسمبلی عبدالمجید اچکزئی پر فرد جرم عائد کردی۔کوئٹہ کی عدالت نے ٹریفک سارجنٹ کو کچلنے کے کیس کی سماعت کی۔ پولیس نے پشتون خوا ملی عوامی پارٹی کے رہنما عبدالمجید اچکزئی کو سیشن کورٹ میں پیش کیا۔ عدالت نے عبدالمجید اچکزئی پر فرد جرم عائد کردی جب کہ ملزم نے صحت جرم سے انکار کیا۔ عدالت نے سماعت ملتوی کرتے ہوئے آئندہ تاریخ پر گواہوں کو پیش کرنے کی بھی ہدایت کی۔واضح رہے کہ 20 جون 2017 کو پشتون خوا ملی عوامی پارٹی کے رہنما عبدالمجید اچکزئی نے اپنی گاڑی سے ٹریفک سارجنٹ عطاءاللہ کو کچل کر ہلاک کردیا تھا۔
تصویر نے سب کو چکر دیدیا, یہ بچی پانی کے اندر ہے یا باہر؟
لندن(خصوصی رپورٹ)انٹرنیٹ کی دنیا بصری دھوکوں سے بھری ہوئی ہے، اب وہ دانستہ ہو یا حادثاتی، مگر آئے روز ایسی تصاویر سامنے آتی رہتی ہیں جو ذہن گھما کر رکھ دیتی ہیں۔یقین نہیں آتا تو اوپر دی گئی تصویر دیکھیں اور فوٹوگرافر کو داد دیں جس نے سوشل میڈیا پر متعدد افراد کو پریشان کردیا۔کچھ عرصے پہلے سوشل میڈیا سائٹ ریڈیٹ پر اس بچی کی تصویر شائع کی گئی تھی اور پوچھا گیا تھا کہ یہ پانی کے اندر ہے یا باہر؟دیکھنے میں تو یہ بچی پانی کے اندر ہی لگ رہی کیونکہ اس کے گرد بلبلے کچھ ایسا ہی عندیہ دیتے ہیں مگر آپ کے خیال میں صحیح جواب کیا ہے؟ایک منٹ تک سوچیں اور اپنا جواب نیچے کمنٹ میں بتائیں۔اور اپنے جواب کو کمنٹ میں دیکر آپ نیچے دیا گیا ہمارے جواب سے اس کا موازنہ کرسکتے ہیں۔تو اس کا جواب یہ ہے کہ یہ بچی پانی کے اندر نہیں بلکہ باہر ہے، کیونکہ زیرآب جانا اور چھینٹے اڑانا بیک وقت ممکن نہیں اور اس کی کوئی تک بھی نہیں
سوئٹزرلینڈ اپنی سرزمین پر آزاد بلوچستان سے متعلق تشہیری مہم روکے
جنیوا(ویب ڈیسک) پاکستان نے سوئٹزلینڈ سےآزاد بلوچستان سے متعلق تشہیری مہم روکنےاورکالعدم بی ایل اے کے خلاف کارروائی کرنے کا مطالبہ کردیا۔ اقوام متحدہ جنیوا میں پاکستان کے مستقل مندوب فرخ عامل نے سوئس ہم منصب کو ایک مراسلہ بھیجا ہے جس میں سوئس سرزمین کو بی ایل اے تنظیم کی بھارتی گٹھ جوڑ سے پاکستان مخالف سرگرمیوں کےاستعمال پر گہری تشویش اور تحفظات سے آگاہ کیا گیاہے۔مراسلے کے متن میں کہا گیاہے کہ سوئٹزرلینڈ میں “آزاد بلوچستان” نعرے کی تشہیر پاکستان کی سالمیت و خود مختاری پر حملہ ہے، کالعدم دہشت گرد تنظیم پاکستان کے صوبہ بلوچستان میں سیکیورٹی فورسز اورمعصوم شہریوں پر حملوں میں ملوث ہے جب کہ برطانیہ میں بھی یہ تنظیم اور امریکا میں اس کے کئی نمائندے دہشت گرد قرار دیئے جا چکے ہیں۔ مراسلے میں آزاد بلوچستان کی تشہیر روکنے،کالعدم بی ایل اے کے دہشت گردوں کی تشہیری کمپنی کے خلاف قانونی کارروائی کرنے کا مطالبہ کیا گیا ہے۔
گوشت کی ایک پلیٹ کی قیمت 70ہزار روپے, حیرت انگیز خبر
لاہور(خصوصی رپورٹ)یوں تو آپ نے کئی بارمختلف ذائقوں اور ترکیبوں سے بنے مزیدار گوشت کھائے ہونگے لیکن پیرس میں دنیا کے سب سے مہنگے گوشت کی ایک پلیٹ کی قیمت70ہزار روپے ہے ۔دنیا کے سب سے مہنگے گوشت کو ایک انوکھے طریقے سے تیار کیا جاتا ہے جس کی ایک بڑی چانپ کی قیمت 3 لاکھ 20 ہزار روپے اورایک پلیٹ کی قیمت 70 ہزار روپے تک ہے ۔یہ گوشت کم ازکم 5 سال پرانا ہوتا ہے ۔کمپنی کے مطابق فرانسیسی شہری کے فارم میں جانوروں کو ہر طرح کے آرام میں رکھا جاتا ہے اور انہیں دباو اور تناو سے دور رکھا جاتا ہے کیونکہ اس سے ان کے گوشت پر اثر پڑتا ہے اور ایک ہفتے میں صرف 4 گائیں ذبح کی جاتی ہیں۔
آپ کی یادداشت، ذہانت متاثر کرنے کرنیوالا دشمن آپ کے سب سے قریب ہے
لندن (خصوصی رپورٹ)برطانوی دماغی ماہرین نے خبردار کیا ہے کہ سمارٹ فون اور دیگر دستی آلات پر بڑھتا ہوا انحصار ہماری یادداشت، معلومات جمع کرنے اورمسائل حل کرنے کیلئے سوچ بچار کی صلاحیت شدید متاثر کررہا ہے اسی لیے ممتاز دماغی ماہر نے خبردار کیا ہے کہ سمارٹ فون کا بے تحاشا استعمال اور اس پر انحصار ہمیں کند ذہن بنارہا ہے ۔دماغی ماہر ڈاکٹر سوسن گرین فیلڈ نے کہا کہ ٹیکنالوجی کا بڑھتا ہوا استعمال آج کی نسل کو شدید متاثر کررہا ہے اور ان میں معلومات جمع کرنے اور مسائل حل کرنے کی صلاحیت اور محنت میں کمی واقع ہورہی ہے ۔ ماہرین نے کہا اب نام یاد رکھنا اور سالگرہ ازبر کرنا صرف ایک کلک کے حوالے کردیا گیا ہے ۔ ان کے مطابق دماغ مسلسل مشق سے سیکھتا ہے اور اس میں حقائق جمع کرنے کی کوشش نہ کی جائے تو یہ دماغی صلاحیت بتدریج کمزور ہوتی جاتی ہے ۔
ہالی وڈ کی مشہور گلوکارہ، اداکارہ نے اپنی سب سے بڑی خواہش ظاہر کردی
لاس اینجلس(خصوصی رپورٹ)بالی وڈ گلوکارہ میڈونا نے اپنے کنسٹرٹس میں نئی جدت لانے کی خواہش کا اظہار کیا ہے۔ برطانوی نشریاتی ادارے کے مطابق تقریبا 27 برس قبل شہرہ آفاق گلوکارہ میڈونا نے اپنے ‘بلونڈ ایمبیشن’ نامی میوزک ٹور سے جدید پاپ موسیقی کے کنسرٹس کرنے کی نئی جدت قائم کی تھی۔اس ٹور میں کئے گئے کنسرٹس بڑے سٹیڈیمز میں منعقد ہوئے جہاں انہوں نے بہت داد سمیٹی تاہم برطانوی خبررساں ادار ے سے گفتگو کرتے ہوئے میڈونا نے بتایا کہ میں مستقبل میں چھوٹے پیمانے پر کنسرٹس کرنے پر غورکر رہی ہوں ،میڈونا نے کہا میں سوچ رہی ہوں کہ ایسے شوز کئے جائیں جہاں میں دنیا بھر کا سفر کرنے کے بجائے ایک جگہ رہوں ۔
عالمی شہرت یافتہ گلوکارہ لیڈی گاگابارے افسوسناک خبر
ریوڈی جنیرو(خصوصی رپورٹ)عالمی شہرت یافتہ گلوکارہ لیڈی گاگا شدید بیماری کے بعد ہسپتال منتقل ہوگئی ہیں جس کے باعث گلوکارہ نے برازیل کے سالانہ ’راک ان ریو‘ فیسٹیول میں اپنی شرکت بھی منسوخ کردی ہے۔ میڈیا رپورٹ کے مطابق لیڈی گاگا نے سماجی رابطے کی ویب سائٹ انسٹا گرام پر اپنے بازو کی تصویر شیئر کی جس پران کے ہاتھ میں ڈرپ لگی نظر آرہی ہے۔ لیڈی گاگا نے اپنی پوسٹ پر مداحوں کے نام پیغام میں کہا کہ میں آپ لوگوں کے لئے کچھ بھی کرسکتی ہوں تاہم اس وقت مجھے اپنی صحت کا خیال رکھنا ہے۔ لیڈی گاگا نے کہا کہ بہترین ڈاکٹر ان کی نگرانی کررہے ہیں اور انہوں نے ریو ڈی جنیرو میں اپنے تمام مداحوں کا شکریہ اداکیا ہے۔دوسری جانب لیڈی گاگا کے انسٹاگرام پیج پرایک پیغام دیا گیا جس میں کہا گیا کہ شدید جسمانی تکلیف کی وجہ سے لیڈی گاگا اپنے فن کا مظاہرہ کرنے سے قاصرہیں۔ وہ راک ان ریو کنسرٹ میں شرکت نہیں کریں گی۔
