لندن( خصوصی رپورٹ) سابق وزیر اعظم نواز شریف کی صدارت میں گزشتہ روز مسلم لیگ ن کے رہنماو¿ں کا جو اہم اجلاس ہوا اس میں نواز شریف اور اسحقٰ ڈار کی واپسی کے علاوہ پارٹی امور کے بارے میں بھی اہم فیصلے کئے گئے۔ ان فیصلوں کی ضرورت اس لئے پیش آئی کہ نواز شریف کے دوبارہ پارٹی سربراہ بننے کی راہ ہموار ہوگئی ہے اور پارٹی ذرائع کا کہنا ہے کہ ان کے دوبارہ انتخاب کی ضرورت نہیں، صدر پاکستان کی طرف سے قانون کی توثیق کے بعد وہ خود بخود دوبارہ پارٹی کے صدر بن جائینگے، اجلاس میں پارٹی کے تنظیمی امور پر غور ہوا اور بعض فیصلے بھی کئے گئے۔

اسلام آباد( کرائم رپورٹر ) وفاقی دارالحکومت اسلا م آباد میں کالعدم دہشتگرد تنظیم داعش کے جھنڈے لہرا دیئے گئے،جھنڈوں پر”خلافت آرہی ہے“ کے نعرے درج تھے۔ وزیر داخلہ نے معاملے کا نوٹس لیتے ہوئے رپورٹ طلب کرلی جبکہ حساس اداروں نے جھنڈے اتار کر تحقیقات شروع کر دیں۔ میڈیا رپورٹس کے مطابق اتوار کے روز اسلام آبادایکسپریس وے پرداعش کے جھنڈے لگادیے گئے۔جھنڈوں کی اطلاع ملتے ہی قانون نافذ کرنے والے ادارے متحرک ہوگئے۔ پولیس نے کاروائی کرتے ہوئے جھنڈے اتارلیے ہیں۔ جھنڈوں پرداعش کا لوگواور نعرے درج تھے جس پر کلمہ طیبہ لکھا گیا ہے اور ”خلافت آرہی ہے“ کے نعرے درج تھے۔ سکیورٹی ذرائع کے مطابق قانون نافذ کرنے والے اداروں نے جھنڈے لگانے سے متعلق تحقیقات کا آغازکردیا ہے۔دوسری جانب سے معاملے کی اطلاع ملتے ہی وزارت داخلہ میں کھلبلی مچ گئی ، وزارت حکام نے فوری طور پر وزیر داخلہ احسن اقبال کو بذریعہ فون اطلاع دی جس پر وزیر داخلہ نے حساس اداروں اور پولیس کو فوری کارروائی کرنے کا حکم دیا جبکہ آئی جی اسلام آباد معاملے کی جلد از جلد تحقیقات کر کے تفصیلی رپورٹ وزارت داخلہ جمع کرانے کی ہدایت کی ہے ۔

لاہور(سپیشل رپورٹر)روزنا مہ خبریں کو دستیاب معلومات کے مطابق عالمی عدالت انصاف میں این ٹی ڈی سی اور آئی پی پیز کے درمیان ہونے والے معاہدے کے حوالے سے اس سے قبل بھی مالی سال 2013ءمیں آئی پی پی پیز کو ادا کئے جانے والے 480ارب روپے کے گردشی قرضے میں وزارت خزانہ کی طرف سے 44.32ارب روپے کی ادائیگیاں ایسے بجلی گھروں کو کئے جانے کا انکشاف ہوا ہے جنہوں نے نہ پاور ہاﺅس چلایا اور نہ ہی ایک یونٹ بجلی پیدا کی جبکہ پیسے بھی انہیں بلوں‘ رسیدوں اور کسی ریکارڈ کے بغیر ادا کئے گئے۔ آڈیٹر جنرل اسدامین بھی وزارت خزانہ سے یہ بل کلیئر کرواتے کرواتے ریٹائر ہو گئے۔دستیاب دستاویزات کے مطابق وزارت خزانہ نے گیارہ نجی بجلی گھروں کو 44.32ارب روپے کی ادائیگی وزیر خزانہ اسحاق ڈار کے حکم پر کی۔ ان نجی بجلی گھروں نے ایک یونٹ بجلی پیدا کی اور نہ ہی پلانٹ چلایا لیکن بل حکومت کو بھجوا دیا۔ وزارت پانی و بجلی کی طرف سے ان بلوں پر کوئی اعتراض نہیں کیا گیا اور انہیں وزارت خزانہ کو ادائیگی کیلئے بھجوا دیا گیا ہے۔ وزارت خزانہ نے بھی ان بلوں پر کوئی اعتراض نہیں لگایا بلکہ ان کمپنیوں کو ساڑھے بتیس ارب روپے کی خطیر رقم کی ادائیگیاں کر دیں۔ آڈیٹر جنرل آف پاکستان نے وزارت خزانہ سے کہا ہے کہ وہ اس طرح سے ان بلوں کو کلیئر نہیں کر سکتے۔ جن بجلی گھروں کو ادائیگیاں کی گئی ہیں ان میں وزیراعظم کے قریبی دوست اور ملک کے ایک معروف بینکار کا نجی بجلی گھر بھی شامل ہے۔ جن بجلی گھروں کو 2002ءکی پاور پالیسی کے تحت بغیر بلوں کی ادائیگیاں کی گئیں ان میں نشاط پاور لمیٹڈ‘ نشاط چونیاں‘ حبکو‘ لبرٹی پاور‘ سفائر الیکٹرک‘ اورینٹ پاور‘ سیف پاور لمیٹڈ‘ اٹلس پاور‘ ہالمور فاﺅنڈیشن‘ اٹک پاور جنریشن شامل ہیں۔ کچھ پاور ہاﺅسز کو 1994ءکی پاور پالیسی کے تحت ادائیگیاں کی گئیں جن میں ایچ سی پی سی ایل‘ فوجی‘ روش‘ کیپکو‘ آلٹرن‘ پاک چین‘ کے ای ایل‘ لال پیر شامل ہیں۔ تحقیقات کے مطابق عالمی ثالثی عدالت میں جانے والے نو کمپنیوں کے مالکان پاکستانی سیاست دانوں کے بے حد قریب ہیں اور ان گروپس کو ملکی سیاست میںاہم متصور کیا جاتا ہے۔جن کمپنیوں نے یہ کیس جیتا ان میںملک کے معروف صنعتکار میاں منشا کے صاحبزادے حسن منشا کی نشاط پاور اور نشاط چونیاں پاور لمیٹڈ،سیف پاور لمیٹڈ کے سیلم سیف اللہ جو معروف سیاست دان ہیں،حب کمپنی کے چیرمین حسین داﺅد،ہال مور پاور جنریشن کمپنی کے چیف ایگزیکٹو آفیسر محمد ظہیر جو خود واپڈا میں بطور الیکٹریکل انجینئر کے کام کچکے ہیں۔سفائر پاور جنریشن لمیٹڈ کے چیرمین محمد عبداللہ،لبرٹی پاور ٹیک کمپنی کے مالکان نور محمد حاجی محمد گروپ،اٹلس پاور کمپنی کے یوسف حسین شیرازی شامل ہیں۔ذرائع نے دعویٰ کیا ہے کہ یہ بااثر صنعتکار خاندان نہ صرف موجودہ بلکہ ہر آنے والی حکومت میں اپن اثر رسوخ استعمال کرتے ہیں اور ملک کے خلاف عالمی ثالثی عدالت میں بھی کیس لیجانے کی وجہ 2013ءمیں ان پاور جنریشن کمپنیوں کو حکومتی سطح پر کی جانے والی غیر قانونی ادائیگیاں ہیں۔

لاہور(کرائم رپورٹر)انٹر نیٹ کی دنیا میں تیزی سے کی گئی ترقی میں جہاں بہت سی سہولتیں حاصل ہوئی ہیں وہی جرائم نے بھی جنم لیا ہے ۔ہیکرز کی جانب سے کھلے عام انٹرنیٹ پر مختلف ویب سائٹس بنا کر دنیا بھر کے ممالک میں موجود کارڈ ڈیوائس کے ذریعے ڈیٹا ہیک کرنے والوں سے انتہائی کم ر یٹ پر ڈیٹا خریدا جاتا ہے جبکہ بغیر کسی کا ڈیٹا چوری کیئے ڈوپلیکیٹ کریڈٹ کارڈ بنانے والوں کو یہی ڈیٹا اپنی مرضی کے ریٹ پر فروخت کیا جاتا ہے اور اس طرح کی درجنوں ویب سائٹس آن لائن لوگوں کے کریڈٹ کارڈ ز کا ڈیٹا کی خریدو فروخت کر رہی ہیں ۔

لاہور (کرائم رپورٹر) لاہور سمیت ملک کے مختلف علاقوں میں اے ٹی ایم مشینوں پر ہیکنگ ڈیوائس نصب کرکے ڈیٹا چوری کرنے والے گروہ ایک مرتبہ پھر متحرک ،متعدد شاپنگ مالز اور پیٹرول پمپس پرنصب مشینوں پرکھڑے ورکرز 100ر وپے فی کارڈ کے عوض ہیکنگ ڈیوائس نصب کرنے لگے،کارڈ کا مکمل ڈیٹا ڈیوائس کے ذریعے کاپی کر کے ڈوپلیکیٹ کریڈٹ کارڈز تیار کیئے جانے لگے ،تعلیم یافتہ بیروز گارنوجوان سائبرکرائم کی طرف مائل ہونے لگے۔ذرائع کے مطابق شہر لاہور سمیت پاکستان بھر میں کریڈٹ کارڈ ز کا ڈیٹا چوری کر کے ڈوپلیکیٹ کریڈٹ کارڈز تیار کرنے کا انکشاف ہوا ہے ۔ یہ جرائم پیشہ عناصر مختلف ہوٹلز، شاپنگ مالز اور پیٹرول پمپس سمیت دیگر ایسی جگہیں جہاں خرید اری کیلئے اے ٹی ایم کارڈ کا استعمال ہوتا ہے وہاں مشین پر کھڑے آپریٹر کوفی کارڈ 100روپے حساب سے مک مکا کر لیا جاتا ہے اور اس طرح مقررہ وقت تک ہیکرز کی جانب سے ہیکنگ ڈیوائس اس مشین کے ساتھ منسلک رہتی ہے جس میں کارڈگزار کر رقم ادا کی جاتی ہے ۔ ہیکرز کی جانب سے اس ڈیوائس کو اتار کر اس میں محفوظ ہونے والے اس تمام ڈیٹا کو اپنے کمپیوٹر یا لیپ ٹاپ میں کاپی کر لیا جاتا ہے جس کے بعد بلینک اے ٹی ایم کارڈ لیکر ان میں ان تمام کارڈز کا ڈیٹا انسال کرکے نئے ڈوپلیکیٹ کارڈز تیار کر لئے جاتے ہیں جن میں موجود رقم سے کوئی نہ کوئی قیمتی چیز خرید کر اور پھر اسے کسی دوسری جگہ کم ریٹ پر فروخت کر کے شہریوں کے پیسے لوٹے جاتے ہیں ۔اس تمام کام کو ان پڑھ یا کم پڑھا لکھا شخص کبھی بھی نہیں کرسکتا تاہم اس کیلئے ان پڑھے لکھے نوجوانوں کا انتخاب کیا جاتا ہے جو کالج اور یونیورسٹیز سے تعلیم حاصل کر نے کے بعد حصول روزگار کیلئے مارے مارے پھرتے ہیں ۔ ان جرائم پیشہ عناصر کی جانب سے گلی ، محلوں اور بازروں میں پرکشش تنخواہ بتا کر نوکری کی آفر کے پمفلٹ دیواروں پر چسپاں کیئے جاتے ہیں جن کو پڑھنے کے بعد جوق در جوق پڑھے لکھے نوجوان ان سے رابطہ کر تے ہیں جن میں سے ان کے ساتھ مکمل رازداری کے ساتھ شمولیت کرنے والے نوجوانوں کا انتخاب کر کے باقیوں کو مسترد کر دیا جاتا ہے جبکہ متعدد تو ایک دوسرے کے ساتھ روابط کی بنیاد پر اس جرم کی دنیا میں آتے ہیں۔

راولپنڈی (بیورو رپورٹ) آرمی چیف جنرل قمر جاوید باجوہ نے کہا ہے کہ مادروطن کا دفاع کرتے رہے ہیں، کررہے ہیں اور کرتے رہیں گے، پاکستان کے شہدا کو سلام پیش کرتے ہیں، پاکستان کی باہمت قوم دشمنوں کی سازشیں ناکام بناتی جارہی ہے۔ پاک فوج کے شعبہ تعلقات عامہ آئی ایس پی آر کے مطابق اتوار کے روز اپنے ایک بیان میں آرمی چیف جنرل قمر جاوید باجوہ نے کہا کہ دشمنوں کی پاکستان کو غیرمستحکم کرنے کی سازشیں بے نقاب ہوچکی ہیں، مادروطن کا دفاع کرتے رہے ہیں، کررہے ہیں اور کرتے رہیں گے، پاکستان کی باہمت قوم دشمنوں کی سازشیں ناکام بناتی جارہی ہے۔ آرمی چیف نے کہا کہ ہر قیمت پرمادر وطن کے دفاع کا حلف لیاہے، پاک فوج کے شہداءکو سلام پیش کرتے ہیں۔

لاہور (خبر نگار) پاکستان پیپلز پارٹی کے چیئرمین بلاول بھٹو زرداری کے جنوبی پنجاب میںجلسوں کا شیڈول جاری کر دیا گیا ۔بتایا گیا ہے کہ پیپلز پارٹی جنوبی پنجاب کے صدر مخدوم احمد محمود کی زیر صدارت اجلاس ہوا جس میں بلاول بھٹو زرداری کے جلسوں کاشیڈول مرتب کیا گیا ۔بتایا گیا ہے کہ بلاول بھٹو زردای 5 نومبر کو لیہ اور 17 نومبر کو ہارون آباد میں جلسہ عام سے خطاب کرینگے۔جبکہ3دسمبر کو رحیم یارخان اور 17دسمبر کو میلسی میں جلسے کا پروگرام ترتیب دیا گیا ہے۔

نوشہرہ (خصوصی رپورٹ) تحریک انصاف کی منحرف رہنما عائشہ گلالئی نے کہا ہے کہ آئندہ الیکشن میں بھی پی ٹی آئی کے پلیٹ فارم سے الیکشن لڑوں گی‘ ضلع بھر میں ڈینگی کے مریضوں میں اضافہ ہورہا ہے‘ فاٹا کو خیبرپختونخوا میں ضم کیا جائے۔ اتوار کو میڈیا سے گفتگو کرتے ہوئے عائشہ گلالئی نے کہا کہ ضلع بھر میں ڈینگی کے مریضوں کی تعداد میں اضافہ ہورہا ہے۔ آئندہ الیکشن میں بھی پی ٹی آئی کے پلیٹ فارم سے الیکشن لڑوں گی فاٹا کو خیبرپختونخوا میں ضم کیا جائے۔