سکھر / ڈہرکی (خصوصی رپورٹ) وزیراعلیٰ سندھ سید مراد علی شاہ نے کہا ہے کہ ہم کرکٹ کھیلنے نہیں عوامی سیاست کرنے والے ہیں اور ہمیشہ عوامی خدمت سرخرو ہوئے ہیں کیونکہ ہمارے بانی قائد شہید ذوالفقار علی بھٹو نے عوامی خدمت کا درس دیا۔ پیپلزپارٹی عوامی و وفاقی پارٹی ہے جو کراچی سے کشمیر تک پھیلی ہوئی ہے۔ انہوں نے تحریک انصاف سندھ کے سابق صدر بردار نادر اکمل خان لغاری کی پیپلزپارٹی میں شمولیت کو خوش آئند قرار دیتے ہوئے کہا کہ نادر اکمل لغاری سے یرا پرانا تعلق ہے۔ گھوٹکی کے عواام کو فائدہ ہوگا۔ وہ ڈہرکی میں سردا ر نادر اکمل خان لغاری کی پیپلزپارٹی میں شمولیت کے موقع پر جلسہ عام سے خطاب کررہے تھے۔ اس موقع پر رکن قومی اسمبلی فریال تالپور نے کہا کہ پیپلزپارٹی شہیدوں کی پارٹی ہے اور شہید زندہ اور ہمارے ساتھ ہیں ۔ جلسہ عام سے خطاب کرتے ہوئے پیپلزپارٹی کے صوبائی صدر نثاراحمد کھوڑو نے کہا کہ پورے ملک کے عوام پیپلزپارٹی کے ساتھ ہیں۔ سردار نادر اکمل خان لغاری نے کہا کہ سندھ میں صرف پیپلزپارٹی کی سیاست ہے میں نے کبھی بھی مطلب کی سیاست نہیں کی اور نہ کروں

لاہور (خصوصی رپورٹ) محکمہ سکول ایجوکیشن نے موسم گرما کے پیش نظر سرکاری سکولوں کے اوقات کار میں تبدیلی کر دی ہے۔ نئے اوقات کار کا اطلاق کل سے ہو گا۔ نوٹیفکیشن جاری کردیا گیا۔ لڑکیوں کا سکول 7:30پر لگے گا اور چھٹی ایک بجے ہو گی۔ لڑکوںکا سکول 7:45پر لگے گا جبکہ چھٹی 1:15پر ہوگی۔ ڈبل شفٹ سکولوں میں پہلی شفٹ صبح سات بجے اور سیکنڈ شفٹ دوپہر 12بجکر تیس منٹ پر لگا کرے گی۔ جمعہ کے روز لڑکیوں کو 12بجے اور لڑکوں کو 12:30پر چھٹی ہو گی۔ ص

لاہور (کرائم رپورٹر) اقبال ٹاﺅن کے علاقہ میں سیوریج کا مین ہول زوردار دھماکہ سے پھٹ گیا جس کے نتیجہ میں 35سالہ شخص جاں بحق‘ 2زخمی ہو گئے۔ اہل علاقہ خوفزدہ ہو کر گھروں سے باہر نکل آئے جبکہ قلعہ گجر سنگھ سے 30سالہ نوجوان کی نعش برآمد۔ پولیس نے نعش کو مردہ خانہ جمع کروا کر ورثاءکو اطلاع کر دی۔ بتایا گیا ہے کہ اقبال ٹاﺅن کے علاقہ ستلج بلاک کا رہائشی 35سالہ نوید گھر کا سیوریج خراب ہونے کے باعث اسے ٹھیک کر رہا تھا کہ مین ہول میں بھری گیس سے زوردار دھماکہ ہوگیا جس کے نتیجہ میں نوید بھٹی موقع پر ہلاک ہو گیا جبکہ 2افراد شدید زخمی ہو گئے جنہیں طبی امداد کیلئے ہسپتال پہنچا دیا گیا۔ دھماکے کی آواز سن کر مقامی رہائشی گھروں سے باہر نکل آئے جبکہ قلعہ گجر سنگھ کے علاقے میں واقع ہوٹل میں جہلم کا رہائشی الیاس نامی شخص ٹھہرا ہوا تھا جس کا علاج مقامی ہسپتال سے جاری تھا‘ رات گئے اچانک دم توڑ گیا۔ اطلاع ملنے پر پولیس موقع پر پہنچ گئی جنہوں نے نعش کو قبضہ میں لے کر مردہ خانہ جمع کروا دیا۔ پولیس کے مطابق متوفی کافی عرصہ سے بیمار تھا اور لاہور میں علاج کروانے کیلئے آیا ہوا تھا۔

لاہور (کرائم رپورٹر) گارڈن ٹاﺅن کے ماڈل تھانہ کے نائب محرر نے خاتون کو مبینہ طور پر تفتیش کے دوران زیادتی کا نشانہ بنا ڈالا۔ خاتون کو تفتیش کیلئے ماڈل تھانہ لایا گیا تھا جہاں نائب محرر اعجاز نے مبینہ طور پر زیادتی کا نشانہ بنایا اور بعدازاں افسران کے سامنے پیش کر کے درخواست کی کہ یہ خاتون مکروہ دھندا چلا رہی تھی‘ اس کے خلاف مقدمہ درج کیا جائے۔ تفتیش کے دوران متاثرہ خاتون نے ایس پی ماڈل ٹاﺅن کو اپنی کہانی سنا دی اور بتایا کہ گزشتہ رات محرر اعجاز نے اسے زیادتی کا نشانہ بنایا جس پر مذکورہ ملزم کی گرفتاری کے احکامات جاری کئے گئے۔ جب پولیس کا پی ایس او نائب محرر کی گرفتاری کیلئے تھانے پہنچا تو وہ تھانے کی دیوار پھلانگ کر فرار ہو چکا تھا تاہم تاحال اسے گرفتار نہیں کیا جا سکا۔ اے ایس پی عائشہ بٹ کا کہنا تھا کہ معاملے کی شفاف تحقیقات کے بعد تمام حقائق جلد سامنے لائیں گے۔ دوسری جانب ڈی آئی جی آپریشنز نے بھی کہا تھا کہ واقعے کا علم ہوا ہے جس کی مکمل انکوائری کی جائے گی۔

لاہور (خصوصی رپورٹ) وزیراعظم محمد نواز شریف اور انکی اہلیہ کلثوم نواز نے اپنی شادی کی 46ویں سالگرہ منائی اور کیک بھی کاٹا، وزیراعظم کی صاحبزادی مریم نواز کا والدین کی شادی کی سالگرہ پر اپنی ٹوئٹ میں کہنا تھا کہ محبت کی ہر کہانی خوبصورت ہے لیکن میرے لئے اپنے والدین کا پیار سب سے خوبصورت اور پسندیدہ ہے۔ تفصیلات کے مطابق اتوار کو وزیراعظم محمد نواز شریف اور انکی اہلیہ کلثوم نواز نے اپنی شادی کی 46ویں سالگرہ منائی اور کیک بھی کاٹا اس موقع پر وزیراعلی پنجاب میاں شہباز شریف بھی موجود تھے۔ بعد ازاں سماجی رابطے کی ویب سائٹ ٹویٹر پر وزیراعظم کی صاحبزادی نے نوازشریف اور خاتون اول کلثوم نواز کی شادی کی سالگرہ کی تصویریں پوسٹ کرتے ہوئے کہا کہ محبت کی ہر کہانی خوبصورت ہے لیکن میرے لئے اپنے والدین کا پیار سب سے خوبصورت اور پسندیدہ ہے اوراس دنیا میں کوئی شے مکمل (پرفیکٹ) نہیں لیکن آپ دونوں کا معاملہ مختلف ہے۔ ماشا اللہ 46 سال تک ایک ساتھ۔ مریم نواز کا کہنا تھا کہ رسول خدا حضرت محمد مصطفی کا فرمان ِعظیم ہے کہ اس شخص کا ایمان سب سے بہترین ہے جس کا کردار عمدہ ترین ہو اور جو اپنی بیوی سے نرم رویہ رکھتا ہو۔ نوازشریف کی صاحبزادی کا کہنا تھا کہ والدین نے اپنے شادی کی 46 ویں سالگرہ دادی کے گھر میں منائی جس میں وزیراعلی پنجاب شہباز شریف بھی موجود تھے اور شادی کا کیک نوازشریف کے بہن بھائی لائے تھے۔