سپریم کورٹ نے مردم شماری کے خلاف اپیل سماعت کیلئے مقررکردی ۔ جسٹس اعجازالاحسن کی سربراہی میں تین رکنی بنچ 13نومبرکوابتدائی سماعت کرے گا۔ دوسری جانب مٹھائی اوربیکری آئٹمزکی قیمتوں کے تعین کا معاملہ بھی سپریم کورٹ میں پہنچ گیا۔

درخواست گزارحسن کامران نے بلوچستان میں مردم شماری کے نتائج چیلنج کیے تھے، بلوچستان ہائیکورٹ سے درخواست خارج ہونے پر یہ اپیل سپریم کورٹ میں دائرکی گئی۔

مردم شماری کے خلاف اپیل کے علاوہ کراچی میں غیرقانونی تعمیرات اورتجاوزات کیخلاف کیس بھی سپریم کورٹ میں سماعت کے لیے مقرر کردیا گیا ہے جس کی سربراہی جسٹس اعجازالاحسن کی سربراہی میں تین رکنی بنچ 17 نومبر کوسماعت کرے گا۔

عدالت نے اس حوالے سے لینڈ یوٹیلائزیشن ڈپارٹمنٹ سمیت دیگرفریقین کونوٹس جاری کر دیے۔

غیرقانونی تعمیرات اورتجاوزات کیخلاف شہری اظہارالحق نے درخوست دائر کر رکھی ہے۔

دوسری جانب مٹھائی اوربیکری آئٹمزکی قیمتوں کے تعین کا معاملہ بھی سپریم کورٹ تک پہنچ گیا۔ شہری ادریس اعوان کی اپیل 15 نومبرکو سماعت کیلئے مقررکی گئی ہے۔

درخواست گزارنے پشاورہائیکورٹ فیصلے کیخلاف اپیل دائرکررکھی ہے جس کی سماعت چییف جسٹس فائزعیسیٰ کی سربراہی میں تین رکنی بینچ کرے گا۔

عدالت نے ایڈووکیٹ جنرل خیبرپختونخوا سمیت فریقین کو نوٹس جاری کردیے۔

واضح رہے کہ پشاورہائیکورٹ نے مٹھائیوں اوربیکری آئٹمز کی قیمتیں کنٹرول کرنے کو انتظامی معاملہ قراردیا تھا۔

معروف عالم دین مولانا طارق جمیل مرحوم بیٹے عاصم جمیل کے انتقال کے بعد اپنے خلاف سوشل میڈیا پر کی جانے والی تنقید سے آبدیدہ ہوگئے۔

مولانا طارق جمیل کے آبائی قصبے تلمبہ میں 29 اکتوبر کو ان کے بیٹے عاصم نے گارڈ سے بندوق چھین کر خود کو گولی مار لی تھی۔ موت کے بعد مولانا طارق جمیل کے صاحبزادے مولانا یوسف جمیل نے مختلف قیاس آرائیوں کی تردید کرتے ہوئے بتایا تھا کہ عاصم جمیل بچپن سے شدید ڈپریشن کا شکار تھے، انہیں علاج کی غرض سے گزشتہ 6 ماہ سے بجلی کے جھٹکے لگائے جارہے تھے۔ اس باعث انہوں نے گارڈز سے گن چھین کرخود کو شوٹ کرلیا۔

بیٹے کے انتقال کے بعد سے مولانا طارق جمیل کے سوشل میڈیا اکاؤنٹس پرمختلف ویڈیو اپ لوڈ کی جارہی ہیں جن میں وہ بیٹے کے حوالے سے مختلف واقعات کا ذکر کرتے ہیں۔

تاہم سوشل میڈیا صارفین کی جانب سے ان ویڈیوز پر تبصروں میں مختلف حوالوں سے تنقید کی جارہی ہے۔

مولانا تازہ ویڈیو میں خود پر اور مرحوم بیٹے پر کی جانے والی تنقید کا ذکر کرتے ہوئے آبدیدہ ہوگئے۔

ویڈیو میں ان کا کہنا ہے کہ، ’کچھ لوگوں نے اس موقع پر بہت منفی کردار ادا کیا ۔ جوان بیٹ کی میت اٹھا رہا ہوں، اورسوشل میڈیا پر کیا کیا ہورہا ہے، میرے ملک سے انسانیت ختم ہوگئی ہے ، اسلام کو پتہ نہیں کیا بنادیا ہے۔ کسی کا نام نہیں لیتا سوشل میڈیا بھرا پڑا ہے اوراتنی جھوٹی خبریں ہیں، زخم پر مرہم لگاتے ہیں یا نمک چھڑکتے ہیں‘۔

انہوں نے اپنے جذبات کے حوالے سے بتاتے ہوئے کہا کہ زندہ لاش کی طرح پھر رہا ہوں ، کچھ دیر کیلئے دل بہل جاتا ہے اور پھر وہ (بیٹا) آنکھوں کے سامنے آجاتا ہے۔ کوئی کہہ رہا ہے خواب جھوٹا بیان کیا، قرآن خوانی کیوں کروائی یہ حرما ہے، کوئی کہتا ہے دُعا کیوں کروائی، صرف لائکس لینے اور چند پیسے اکٹھے کرنے کیلئے کررہے ہیں، شرم نہیں آتی لوگوں کو، سستی شہرت کے لیے مجھے اور رُلا رہے ہیں۔

مولانا طارق جمیل کا کہنا تھا کہ، ؎ماں باپ کی یہ کیفیت ہو اور کوئی ایسے تبصرے کرر ہا ہو تو میرے اوپر کیا گزرے گی۔ جن کی زبانیں شعلے برسائیں انہیں آخرت میں بھگتنا پڑے گا۔ میں نے سب معاف کردیا لیکن اللہ کا نظام چلتا ہے،صرف لائکس لینے اور چند پیسے اکٹھا کرنے والے نہیں جانتے کہ تمہارے چند پیسوں کے لالچ میں ایک باپ کے زخم اور کتنے گہرے ہوجائیں گے’۔

اُن کا کہنا تھا کہ ، ’اپنا دکھ آپ کے ساتھ شیئر کیا ہے اور آپ کو نصیحت کرتا ہوں کہ اپنی زبان کی حفاظت کریں‘۔ میرا بچہ اتنا نیک تھا، کبھی غیبت کرتا تھا نہ کرنے دیتا تھا، کسی سے نفرت نہیں کرتا تھا۔وہ کہتا تھا جس جس نے پاکستان کو لوٹا ہے ، اس میں جتنا میرا حصہ لوٹا ہو میں نے سب کو معاف کیا، میرا ایسا بچہ مر جائے اور مجھ پر طعنے برسا رہے ہوں کہ قرآن خوان کیوں کروائی۔ ایسوں کے پاس سوائے نفرت کی آگ بھڑکانے کے اور کوئی موضوع ہی نہیں ہے۔

گزشتہ روز بھی طارق جمیل کے یوٹیوب چینل پرایک جذباتی ویڈیو اپ لوڈ کی گئی تھی جس میں انہیں عاصم جمیل کی عاصم کی فیکٹری کا دورہ کرتے ہوئے دیکھا جاسکتا ہے۔

ویڈیو میں دیکھا جاسکتا ہے کہ وہ فیکٹری میں پہنچتے ہیں تو ان کے چہرے پر درد اور غم نمایاں ہے۔

انہوں نے ملازمین سے ملاقات کی اور اپنے بیٹے کے دفتر بھی گئے جہاں اس کی میز پر بیٹھتے ہی وہ جذبات پر قابو نہ رکھ سکے۔

دوحہ: اسرائیل اور حماس کے مابین قیدیوں کے تبادلے کا معاہدہ طے پا گیا ہے۔ 

اس حوالے سے عرب میڈیا نے ذرائع کا حوالہ دے کر بتایا کہ  دونوں فریقین نے اسرائیل کے زیر حراست فلسطینی خواتین اور بچوں کی رہائی کے لیے حماس کے زیر حراست 100 قیدیوں کے تبادلے پر اتفاق کیا ہے۔

واضح رہے کہ قیدیوں کے تبادلے کے حوالے سے قطر کی جانب سے کوششیں جاری رہی تھیں جبکہ رپورٹ کے مطابق اسرائیل اور حماس کے مابین معاہدہ انسانی بنیادوں پر طے پایا ہے۔

عالمی میڈیا کے مطابق حماس کے زیر حراست 241 اسرائیلی موجود ہیں جبکہ حالیہ دنوں میں حماس نے 4 یرغمالیوں کو رہا کیا تھا۔