لاس اینجلس: امریکی سپر اسٹار گلوکار ڈیڈی  کے ساتھ سابقہ گرل فرینڈ گلوکارہ کیسی نے ریپ اور جسمانی تشدد کے کیس میں تصفیہ کرلیا۔ 

گلوکارہ نے مین ہیٹن کے فیڈرل کورٹ درخواست دی تھی کہ ڈیڈی نے ان کو منشیات دے کر تشدد کا نشانہ بنایا اور انے کے ساتھ ریپ کیا ہے۔

اب دونوں گلوکاروں کی طرف سے تصفیہ کا اعلان کیا گیا ہے اور کیسی نے کہا ہے کہ وہ اپنی خوشی سے چند شرائط پر کیس واپس لے رہی ہیں۔

امریکی سپر اسٹار گلوکار ڈیڈی اور کیسی کے درمیان تصفیہ کی شرائط کو میڈیا کے سامنے نہیں لایا گیا ہے۔

کیسی اور ڈیڈی کی ملاقات 2005 میں ہوئی تھی جب کیسی کی عمر 19 اور ڈیڈی کی عمر 37 برس تھی۔

ڈیڈی نے کیسی کو اپنے لیبل ’بیڈ بوائے ریکارڈز‘ کیلئے سائن کیا اور اس کے ساتھ مل کر مشہور گانے گائے اور اسی دوران ان کا رومانوی تعلق بھی شروع ہوگیا۔

ریاض: سعودی وزیر خارجہ شہزادہ فیصل بن فرحان نے بتایا ہے کہ غزہ کی موجودہ صورت حال کے تناظر میں بہت جلد مسلم ممالک کے وزرائے خارجہ چین کا دورہ کریں گے۔

سعودی میڈیا کے مطابق شہزادہ فیصل بن فرحان نے کہا ہے کہ رواں ماہ کے آغاز میں ہونے والی عرب اسلامی سربراہی کانفرنس میں کیے گئے فیصلوں کے تناظر میں وزرائے خارجہ کے ایک وفد کا دورۂ چین بہت جلد متوقع ہے۔

شہزادہ فیصل بن فرحان نے مزید بتایا کہ عرب اور مسلم دنیا کے وزرائے خارجہ کے دورے کا مقصد غزہ جنگ کے خاتمے کے لیے کوششیں تیز کرنا ہے۔

سعودی وزیر خارجہ نے کہا کہ چین کے بعد اسلامی ممالک کے وزرائے خارجہ کا یہ وفد دیگر ممالک کا بھی دورہ کریں گے اور جنگ کے خاتمے کے لیے راہموار کریں گے۔

فیصل بن فرحان کے مطابق اس دورے کا ایک مقصد غزہ میں انسانی بنیادوں امدادی سامان کی فراہمی کو ممکن بنانے کے لیے عالمی قوتوں پر دباؤ ڈالنا بھی ہے۔

سعودی وزیر خارجہ نے فلسطین کے دو ریاستی حل پر زور دیتے ہوئے کہا کہ دو خود مختار ریاستوں کے قیام کے بغیر فلسطین میں امن و استحکام ناممکن ہے۔

 واشنگٹن: امریکی صدر جوبائیڈن نے کہا ہے کہ غزہ اور مغربی کنارے میں اب کبھی بھی حماس کی حکومت نہیں بن پائے گی بلکہ یہاں اب فلسطینی اتھارٹی حکومت بنائے گی۔

عالمی خبر رساں ادارے کے مطابق امریکی صدر جوبائیڈن نے واشنگٹن پوسٹ میں اپنے آرٹیکل میں لکھا کہ ہم خطے میں پائیدار امن کے لیے کوششیں جاری رکھے ہوئے ہیں۔

امریکی صدر جوبائیڈن نے اپنی ان ’’کوششوں‘‘ کا تذکرہ کرتے ہوئے لکھا کہ اسرائیل حماس جنگ کے بعد فلسطینی اتھارٹی کو مغربی کنارے اور غزہ پر بھی حکومت سنبھالنا ہوگی۔

صدر جوبائیڈن نے کہا کہ فلسطین، غزہ اور مغربی کنارے کو ایک ہی حکومتی ڈھانچے کے نیچے آنا ہوگا۔ اس مسئلے کا پائیدار حل ’’دو ریاستوں‘‘ اسرائیل اور فلسطین کا قیام ہے۔

امریکی صدر نے اسرائیلی وزیراعظم کے غزہ میں طویل عرصے تک اپنی فوجوں کی تعیناتی کے ارادے پر کہا کہ غزہ سے فلسطینیوں کی جبری نقل مکانی یا اسرائیلی قبضے کی حمایت نہیں کریں گے۔ غزہ کے محاصرے اور ناکہ بندی کی بھی مخالفت بھی کرتے ہیں۔

صدر جوبائیڈن نے مزید لکھا کہ میں نے اسرائیلی لیڈروں پر زور دیا ہے کہ مغربی کنارے میں یہودی آبادکاروں کے فلسطینیوں پر انتہا پسندانہ حملوں اور تشدد کے حامی نہیں ان واقعات کو روکا جائے اور ایسا کرنے والوں کا احتساب ہونا چاہیے۔