نگران وزیرداخلہ سرفراز بگٹی نے چیئرمین پی ٹی آئی کو عدالتوں کا لاڈلا قرار دیتے ہوئے کہا کہ عمران خان کو جیل میں دی جانے والی سہولیات کا عام شہری تصور نہیں کر سکتا۔ نگراں حکومت نوازشریف کو کوئی ’فیور‘ نہیں دے رہی۔ انہوں نے کہا کہ لاپتاافرادکےمعاملے پرعدالت کانگراں وزیراعظم کوبلانامناسب نہیں ہے۔

سرفراز بگٹی کا کہنا تھا کہ میرے خیال میں نوازشریف پرجو کیسز بنے وہ زیادہ تربے بنیاد تھے۔تاریخ میں یہ پہلی بار ہوگا کہ بیٹے سے تنخواہ لینے کے جرم میں کوئی نااہل ہوا ہے۔

چیئرمین پی ٹی آئی عمران خان کے حوالے سے نگراں وزیر داخلہ نے کہا کہ انہیں جیل میں حاصل سہولیات کا کوئی تصور بھی نہیں کرسکتا، عدالتی نظام میں اصلاحات کی بہت ضرورت ہے۔

انہوں نے کہا کہ نگراں حکومت کی طرف سےن لیگ کوکوئی فیور نہیں دی جارہی،بگ نگراں حکومت کیلئےنوازشریف اوربلاول ایک جیسےہیں۔

سرفرازبگٹی کا کہنا تھا کہ وزارت داخلہ نے الیکشن کمیشن کو تعاون کی یقین دہانی کروائی۔

انہوں نے غیر قانونی مقیم تارکین وطن کے حوالے سے کہا کہ دیوارپھلانگ کر آئے والے کو مہمان کادرجہ نہیں دےسکتے۔ 3 لاکھ غیر قانونی تارکین وطن واپس لوٹ چکے ہیں،واپسی کا عمل ایک ماہ میں مکمل ہوجائے گا۔ واپس لوٹنے والوں میں 99 فیصد تعداد افغان تارکین وطن کی ہے۔

نگراں وزیرداخلہ کے مطابق پاکستان میں افسوسناک واقعات میں ”را“ کا کردارہوتاہے،لاپتاافرادکےمعاملے پرعدالت کانگراں وزیراعظم کوبلانامناسب نہیں ہے۔ پاکستان میں لاپتا افراد کی تعداد خطے میں سب سے کم ہے، یہ معاملہ ملک کےخلاف ہتھکنڈا بن چکاہے۔

راولپنڈی: 35 پاکستانیوں کی چین سے ہانگ کانگ اسمگلنگ کرنے والے گینگ کے مزید 2 ارکان گرفتار کرلیے گئے۔

وفاقی تحقیقاتی ادارے (ایف آئی اے) کے اینٹی ہیومن ٹریفکنگ سرکل اسلام آباد نے ایک بڑی کارروائی کی، جس میں 35 پاکستانی شہریوں کی چین سے ہانگ کانگ اسمگلنگ کے معاملے میں 2 افراد کو گرفتار کیا گیا ہے۔

ڈپٹی ڈائریکٹر اینٹی ہیومن ٹریفکنگ سرکل اسلام آباد صائم سلطان کی زیر نگرانی چھاپا مار ٹیم نے گینگ کے مزید 2 انسانی سمگلرز کو گرفتار کر لیا ، جن کے نام فواد عالم خان اور محمد ابوبکر ہیں۔ملزمان کو اسلام آباد سے گرفتار کیا گیا ہے، جو چین سے ہانگ کانگ انسانی اسمگلنگ کے گھناؤنے جرم میں ملوث تھے۔
ایف آئی اے کے مطابق ملزم فواد عالم جعلی سپورٹنگ دستاویزات بنانے میں ملوث تھا۔ ملزم مختلف کمپنیوں کی جانب سے جاری کردہ ویزا انوی ٹیشن لیٹرز میں رد وبدل کرتا تھا جب کہ ملزم ابوبکر شہریوں کو چین سے ہانک گانگ بارڈر پار کرانے میں ملوث تھا۔ ملزم بارڈر پار کروانے کے حوالے سے ایجنٹوں کو معلومات فراہم کرتا تھا۔ گرفتار ملزم سرحد کے دونوں جانب انسانی سمگلروں کے ساتھ رابطے میں تھا۔

دونوں ملزمان کو پہلے سے گرفتار ملزم آصف محمود کی نشاندہی پر گرفتار کیا گیا ہے، جن کی نشاندہی پر مزید چھاپا مار کاروائیاں عمل میں لائی جارہی ہیں۔ مذکورہ نیٹ ورک کے دیگر ملزمان کی بھی شناخت حاصل کر لی گئی ہے، جن کی گرفتاری کے لیے تمام تر وسائل کو بروئے کار لایا جا رہا ہے۔

نگراں وزیر خارجہ جلیل عباس جیلانی کا کہنا ہے کہ اسرائیل سمجھ رہا تھا شاید مسئلہ فلسطین دب جائے گا۔

چیئرمین سینیٹ صادق سنجرانی کی زیر صدارت سینیٹ کا اجلاس ہوا، اس موقع پر اظہار خیال پر کرتے ہوئے جلیل عباس جیلانی نے کہا کہ اسرائیل فلسطینیوں کی نسل کشی کر رہا ہے، غزہ میں کئی خاندان اور بچے شہید ہوگئے ہیں۔

انہوں نے کہا کہ غزہ میں اسرائیل جنگی جرائم کا مرتکب ہو رہا ہے، اقوام متحدہ میں اردن کی قرارداد اکثریت سے منظور ہوئی۔

جلیل عباس جیلانی کا کہنا تھا کہ حماس کے پاس 250 اسرائیلی قیدی ہیں جب کہ 7250 فلسطینی اسرائیل کے پاس قید ہیں۔

نگراں وزیر خارجہ نے کہا کہ اسرائیل سمجھ رہا تھا شاید مسئلہ فلسطین دب جائے گا تاہم یورپ اور امریکا میں بھی فلسطینیوں کے حق میں جلوس نکالے گئے، البتہ آزاد فلسطینی ریاست ہی اس مسئلے کا حل ہے۔

اسلام آباد: نگراں وزیراعظم انوار الحق کاکڑ نے کہا ہے کہ نجکاری پر فوکس ہے، آئندہ ہفتے سرمایہ کاری کے حوالے سے اچھی خبریں ملیں گی۔

نجی ٹی وی کے پروگرام میں گفتگو کرتے ہوئے نگراں وزیراعظم کا کہنا تھا کہ ہم نجکاری پر توجہ مرکوز کیے ہوئے ہیں اور پی آئی اے کی نجکاری اولین ترجیح ہے۔ انہوں نے کہا کہ ہم نہ صرف خطے بلکہ خطے سےباہر سے بھی سرمایہ کاری پاکستان لانا چاہتے ہیں۔

انوار الحق کاکڑ کا کہنا تھا کہ آئندہ 10 برس میں10لاکھ نرسز کوتربیت دینے کا پروگرام ہے۔ گزشتہ5سے6دہائیوں میں لوگ یورپ گئے،وہاں سیٹل ہوگئے۔ ایس آئی ایف سی میں سول اورملٹری قیادت کے لوگ ہیں۔ نوجوانوں کو ہنرسکھانے کے لیے مختلف تربیتی پروگرامز کاآغاز کررہےہیں۔
انہوں نے کہا کہ انسانی وسائل کی ترقی اور اصلاحات پرکام جاری ہے۔ پاکستان کا میڈیاآزاداورخودمختار ہے۔ جب ہم بچےتھےتوصبح اٹھتے ہی اخبار دیکھتےتھے، مگراب سب سے پہلے سوشل میڈیا دیکھتے ہیں۔

نگراں وزیراعظم نے کہا کہ کوئٹہ تفتان ریلوے لائن کواپ گریڈ کیاجائےگا۔ خسارے میں چلنےوالےاداروں کی نجکاری پرغورکررہے ہیں۔ایس آئی ایف سی کےذریعے سرمایہ کاری پالیسی میں اصلاحات کی جارہی ہیں۔ حکومتی اخراجات میں کمی کیلیے مختلف لائحہ عمل وضع کیےگئے ہیں۔ فلسطین کے معاملے پر بات کرتے ہوئے انہوں نے کہا کہ غزہ کے حوالے سے کافی تشویشناک صورت حال ہے۔

انہوں نے مزید کہا کہ پاکستان میں آئندہ ہفتے سرمایہ کاری سےمتعلق اچھی خبریں ملیں گی۔ آئندہ ہفتے تک کچھ ایم اویوز پردستخط ہوں گے۔ بیرونی سرمایہ کار مختلف شعبوں میں سرمایہ کاری کریں گے۔ بہت ممالک کے ساتھ سرمایہ کاری کے حوالے سے رابطے میں ہیں۔

اسلام آباد: سینیٹر مشتاق احمد نے کہا ہے کہ اسلام آباد میں سرکاری دفاتر اور رہائش گاہوں کو 10 ارب روپے کی سالانہ مفت بجلی ملتی ہے۔

سینیٹ کا اجلاس چیئرمین صادق سنجرانی کی صدارت میں شروع ہوا، جس میں بعد ازاں نگراں وزیر خزانہ شمشاد اختر بھی پہنچ گئیں۔ وقفہ سوالات کے دوران سینیٹر مشتاق احمد نے کہا کہ اسلام آباد میں سرکاری دفاتر اور رہائش گاہوں کو سالانہ 10 ارب روپے مالیت کی مفت بجلی فراہم ہوتی ہے، جس پر نگراں وزیر خزانہ نے جواب دیا کہ ہم تمام وزارتوں کے سیکرٹریوں کو مراسلہ ارسال کرتے ہیں کہ اس خرچ کو کنٹرول کیا جائے۔

سینیٹر دنیش کمار نے اظہار خیال کرتے ہوئے کہا کہ اندھابانٹے ریوڑیاں ، مڑ مڑ اپنوں کو دے۔ انہوں نے کہا کہ اسٹیٹ بینک کے ایک ایک ملازم کی تنخواہ 40 لاکھ روپے تنخواہ ہے۔ سینیٹر پلوشہ خان نے کہا کہ کون سا ایسا کام ہے کہ ان کی چالیس چالیس لاکھ تنخواہ ہے۔

نگراں وزیر خزانہ نے جواب دیا کہ اسٹیٹ بینک نے پالیسی دی تھی کہ پنشن ختم ہونے کی صورت میں تنخواہ بڑھا ئی جائے گی۔ اسٹیٹ بینک کی پنشن کا بوجھ بڑھ رہا تھا تو یہ پالیسی لائی گئی۔ دنیا بھر میں سینٹرل بنک کا سیلری اسٹرکچر سب سے مختلف ہوتا ہے۔

سینیٹر رضا ربانی نے اظہار خیال کرتے ہوئے کہا کہ ایک طرف سنتے ہیں آئی ایم ایف کے کہنے پر بجلی،گیس کے نرح بڑھائے گئے تو دوسری جانب حکومت کی شاہ خرچیاں کم نہیں ہورہیں۔ ایلیٹ میں بھی اب کلاسز پیدا ہوگئی ہیں۔ ایلیٹ کی تنخواہیں اس حساب سے بڑھائی جارہی ہیں جس کا کوئی حساب نہیں۔ پاکستان کے عام آدمی کی تنخواہ 32 ہزار ہے، جس میں دو وقت کی روٹی پوری کرنا مشکل ہے۔ ایلیٹ کلاس عام مزدور کو بھی 32 ہزار ماہانہ دینے کو تیار نہیں۔ اعلان تو کردیا لیکن اس پر عمل نہیں ہورہا۔

دوران اجلاس نگراں وزیر خزانہ شمشاد اختر نے سینیٹ میں چیف جسٹس۔ پرائم منسٹر ڈیم فنڈ کے تحت جمع کی گئی رقم اور اس کے استعمال کی تفصیلات سے متعلق تحریری جواب جمع کروا دیا، جس کے مطابق 26 جولائی 2023ء تک 11 ارب 46 کروڑ 69 لاکھ 37 ہزار 658 روپے موصول ہوئے۔

نگراں وزیر خزانہ کے جمع کرائے گئے جواب کے مطابق سرکاری سرمایہ کاری پر منافع کی صورت میں 6 ارب 29 کروڑ 59 لاکھ 38 ہزار 962 روپے حاصل ہوئے۔ جس سے فنڈ کی رقوم کی مالیت 17 ارب 86 کروڑ 28 لاکھ 76 ہزار 620 روپے ہوچکی ہے۔ تاوقتیکہ اسٹیٹ بینک میں کھولے جانے والے اکاؤنٹ سے کوئی رقوم نہیں نکالی گئیں۔

لاہور کی احتساب عدالت نے آشیانہ اقبال ریفرنس میں سابق وزیراعظم شہبازشریف سمیت تمام ملزمان کی بریت کا تحریری فیصلہ جاری کردیا۔

احتساب عدالت کے جج ملک علی ذوالقرنین نے آشیانہ اقبال کیس کا فیصلہ 18 نومبر کو سُنایا تھا۔

آشیانہ اقبال ریفرنس کاتحریری فیصلہ 59صفحات پرمشتمل ہے جس میں کہا گیا ہے کہ ریفرنس میں عائد کیے جانے والے الزامات انتہائی مشکوک ہیں۔ ملزمان کےخلاف الزامات ثابت ہونےکا کوئی امکان موجود نہیں۔

تحریری فیصلے کے مطابق سپلیمنٹری انوسٹی گیشن رپورٹ اور گواہوں کے بیانات کا خاصہ یہ ہے۔ شہباز شریف سمیت دیگر کی بریت کی درخواستوں کو منظور کیا جاتا ہے، عدالت شہباز شریف سمیت دیگر کو ان الزامات سے بری کرتی ہے۔

فیصلے میں مزید کہا گیا ہے کہ احد خان چیمہ نے چیئرمین نیب کو جولائی 2022 میں ری انوسٹی گیشن کی درخواست دی ، سپلیمینٹری رپورٹ کے مطابق اس پروجیکٹ میں حکومتی خزانے کو نقصان نہیں پہنچا اور کسی بھی ملزم کے خلاف الزامات ثابت نہیں ہوئے۔

احتساب عدالت کے مطابق اس ریفرنس میں عدالت پراسکیوشن کا ڈینٹ نظر اندازنہیں کرسکتی، فیصلے کی کاپی ڈپٹی پراسکیوٹر جنرل نیب لاہورکو ارسال کی جائے گی۔

کس کس پر فرد جُرم عائد کی گئی تھی
آشیانہ اقبال ریفرنس سنہ 2018 میں دائر کیا گیا تھا۔ شہباز شریف سمیت عدالت نے جن تمام ملزمان کو بری کیا ان میں موجودہ نگران وفاقی وزیر فواد حسن فواد ، نگراں وزیراعظم کے مشیر احد چیمہ، بسم الله کنسٹرکشن کمپنی کے چیف ایگزیکٹو شاہد شفیق، بلال قدوائی، امتیازحیدر، اسرارسعید اور عارف بٹ شامل ہیں۔

عدالت نے اس ریفرنس میں 10 ملزمان پر فرد جرم عائد کی تھی۔

ریفرنس میں دو مرکزی ملزمان ندیم ضیاء اور کامران کیانی پہلے ہی بری ہوچکے ہیں جب کہ نگران وزیراعظم کے مشیر احد چیمہ نےعدالتی فیصلے کے بعد میڈیا سے میں کہا کہ مجھے وعدہ معاف گواہ بننے کا کہا گیا، آج فیصلہ ضرور ہوا ہے تاہم انصاف کے تقاضے پورے نہیں ہوئے۔

آشیانہ اقبال ریفرنس میں نیب نے کہا تھا کہ 16 ہزار غریب شہریوں نے پروجیکٹ میں 61 کروڑ روپے جمع کرائے تھے، کمپنیوں کی نااہلی کی وجہ سے حکومت کو بڑا نقصان اٹھانا پڑا تھا،

نیب ریفرنس 3 والیومز اور ایک ہزار صفحات پرمشتمل تھا جس میں شہباز شریف اور دیگر ملزمان پر اختیارات کا ناجائز استعمال اور خزانے کو نقصان پہنچانے کا الزام لگایا گیا تھا۔