اسلام آباد: (ویب ڈیسک) ڈپٹی سپیکر قاسم سوری کی زیر صدارت قومی اسمبلی کا اہم اجلاس، کورنا وائرس کی صورتحال پر بحث ۔ ارکان کی شرکت کو کورونا ٹیسٹ سے مشروط کیا گیا تھا۔ قومی اسمبلی اجلاس کا ایجنڈا اور ایس او پی جاری کر دیئے گئے، وقفہ سوالات، نکتہ اعتراض اور کورم کی نشاندہی نہیں ہوگی، کوئی تحریک استحقاق پیش نہیں کی جائے گی ارکان کی نشتوں کے درمیان ایک نشست خالی رکھی جائے گی۔دوسری طرف پی آئی اے کی خصوصی پرواز کراچی اور کوئٹہ سے 55 پارلیمنٹرینز کو لیکر اسلام آباد پہنچی، پرواز پر کراچی سے 49، کوئٹہ سے 6 پارلیمنٹرینز اسلام آباد آئے، پرواز 8352 کو خصوصی طور پر اراکین اسمبلی کو اسلام آباد لانے کے لئے آپریٹ کیا گیا۔ادھر پاکستان مسلم لیگ (ن) کی ترجمان مریم اورنگزیب نے کہا ہے کہ پارٹی نے شہباز شریف کو قومی اسمبلی اجلاس میں شرکت سے روک دیا، فیصلہ شہباز شریف کے ڈاکٹرز کی تحریری رائے کی تائید کرتے ہوئے کیا ہے، ڈاکٹرز نے سے منع کیا ہے کہ شہباز شریف اجلاس میں شرکت نہ کریں۔پارٹی نے قومی اسمبلی اجلاس میں بھرپور شرکت اور عوامی جذبات کی ترجمانی کا فیصلہ کیا ہے۔ شہباز شریف کی ہدایت پر سینئر پارٹی رہنماو¿ں سے رابطہ کیا، شہباز شریف نے قومی اسمبلی اجلاس کے لیے حکمت عملی کی منظوری دے دی۔

سکھر :(ویب ڈیسک)سندھ کی بیٹی ام رباب کا کہنا ہے کہ پیپلزپارٹی کے دو ایم پی ایز نے والد، دادا اور چچا کو قتل کیا، وزیراعلیٰ سندھ نے اپنی پارٹی میں قاتل بٹھارکھے ہیں، وہ انصاف دلانے میں مدد نہیں کرسکتے تورکاوٹ بھی نہ بنیں۔تفصیلات کے مطابق سندھ کی بیٹی ام رباب نے پریس کانفرنس کرتے ہوئے کہا کہ سکھر پریس کلب ہمیشہ مظلوموں کاساتھ دیتے آیا ہے، کسی سیاسی جماعت سےتعلق نہیں،عدالتوں پریقین رکھتی ہوں۔ام رباب کا کہنا تھا کہ جنوری2018میں میرےوالد،دادا،اورچچاکاقتل ہواتھا، میراگھرتباہ ہواہے،نہیں چاہتی کسی اورکاگھرتباہ ہو، پیپلزپارٹی کی قیادت ان قاتلوں کی سرپرستی کررہی ہے اور سندھ کی بیٹی انصاف کے لئے دہائیاں دے رہی ہے۔

لا ہو ر (ویب ڈیسک)سچائیوں کو افسانوں اور خاکوں کے قالب میں ڈھال کر امر ہو جانے والے سعادت حسن منٹو کی آج 108ویں یوم پیدائش کے موقع پر گوگل اپنا دوڈل تبدیل کر کے انہیں خراجِ عقیدت پیش کر رہا ہے۔سعادت حسن منٹو نے روایتی اردو افسانے کو نئی جہت دی، اردو ادب میں وہ آج بھی اس مقام پر کھڑے ہیں جہاں ان کے مقابل کوئی نہیں۔لیجنڈ افسانہ نگار سعادت حسن منٹو 11 مئی 1912 کو بھارت کے ضلع لدھیانہ میں پیدا ہوئے اور ابتدائی تعلیم اپنے گھر میں حاصل کی، 1921 میں ایم او مڈل اسکول میں چوتھی جماعت میں داخلہ لیا۔پاکستان بننے کے بعد منٹو نے ٹوبہ ٹیک سنگھ، کھول دو، ٹھنڈا گوشت، دھواں اور بو سمیت کئی بہترین افسانے تخلیق کیے جو اردو ادب کے آسمان پر ہمیشہ جگمگاتے رہیں گے۔ منٹو نے ڈھائی سو سے زیادہ افسانے اور کہانیاں لکھیں جس میں سے حکومتِ وقت نے ان کے 5 افسانوں کو فحش قرار دے کر انہیں کٹہرے میں کھڑا کیا۔اردو کے عظیم افسانہ نگار سعادت حسن منٹو کا انتقال 42 برس کی عمر میں 18 جنوری 1955 کو ہوا لیکن وہ آج بھی اپنی تحریروں کے ذریعے دنیائے ادب کے قلب میں بستے ہیں۔منٹو نے اپنی قبر کا کتبہ بھی خود لکھا کہ ‘یہ سعادت حسن منٹو کی قبر ہے، جو اب بھی سمجھتا ہے کہ اس کا نام لوحِ جہاں پر حرفِ مکرر نہیں’۔

راولپنڈی (ویب ڈیسک)پاک فوج کا میجر کورونا وائرس کے خلاف کے خلاف جنگ میں فرائض انجام دیتے ہوئے شہید ہو گیا۔پاک فوج کے شعبہ تعلقات عامہ (آئی ایس پی آر) کے ڈائریکٹر جنرل کے مطابق میجر محمد اصغر طورخم بارڈر پر افغانستان جانے والوں کی سکریننگ کی ذمے داریاں ادا کر رہے تھے۔ڈی جی آئی ایس پی آر کے مطابق میجرمحمد اصغرکو سانس کی تکلیف کے باعث سی ایم ایچ پشاور منتقل کیا گیا تھا، انھیں ہسپتال میں وینٹی لیٹر پر رکھا گیا تھا لیکن وہ جانبر نہ ہو سکے۔ وزیراعلیٰ پنجا ب عثمان بزدار سمیت اہم شخصیا ت کا اظہار تعزیت۔

کراچی ،لاہور (ویب ڈیسک) سندھ میں صبح آٹھ سے شام چار بجے تک محدود کاروبار کی اجازت، شاپنگ مالز بدستوربند رہیں گے، ایس او پیز پر عملدرآمد لازمی قرار دیدیا گیا۔کراچی میں 50 روز بعد آج سے کاروباری سرگرمیاں بحال ہو جائیں گی۔ وزیراعلیٰ سندھ نے ایس او پیز کے تحت ہفتے میں چار دن صبح آٹھ بجے سے شام چار تک شاپنگ مالز کے علاوہ مارکیٹس کھولنے کی مشروط اجازت دے دی ہے۔ ادھر میئر کراچی وسیم اختر نے بڑے شاپنگ مالز اور پلازے کھولنے کا مطالبہ کر دیا۔تفصیل کے مطابق تاجر برادری سندھ حکومت کو قائل کرنے میں کامیاب ہو گئی ہے۔ محکمہ داخلہ سندھ نے پیر سے مارکیٹیں صبح ا?ٹھ سے شام چار بجے تک کھولنے کا نوٹیفکیشن جاری کر دیا ہے۔بڑے شاپنگ مالز پر پابندی کو برقرار رکھا گیا ہے۔اس میں قانون نافذ کرنے والے اداروں کے اہلکار، میڈیکل اور ٹیکنیکل عملہ، کوریئر، صحافیوں، گڈز ٹرانسپورٹ اور سماجی کارکنوں کو نقل وحرکت کی اجازت ہوگی۔کریانہ، گوشت اور پھل سبزی کی دکانوں کو کھلے رہنے کی اجازت ہوگی۔ ریٹیل مارکیٹ ایس او پی کے تحت کھلے گی۔ جلوس اور عوامی اجتماعات پر پابندی برقرار رکھی گئی ہے جبکہ پبلک ٹرانسپورٹ بند رہے گی۔
سینما، سی ویو اور دیگر تفریحی مقامات سمیت حجام، بیوٹی پارلر اور جمز بند رہیں گے۔ گیمنگ زونز اور کیفے بھی نہیں کھولے جائیں گے۔ سندھ حکومت نے پیر سے مخصوص محکموں کے دفاتر بھی کھولنے کا اعلان کر دیا ہے۔اسی طرح لا ہور میں بھی حالات و وا قعات کراچی جیسے ہونگے مگر لاہو ر یو ں کو شا م پا نچ بجے تک کا روبا ر کی اجا زت ہو گی۔محکمہ اوقاف، انسانی حقوق، صنعت وتجارت، انفارمیشن، سائنس اینڈ ٹیکنالوجی، سرمایہ کاری، اقلیتی امور، سوشل ویلفیئر، یونیورسٹیز اینڈ بورڈ اور محکمہ ورکس اینڈ سروسز کے دفاتر ایس او پیز کے تحت کھلے رہیں گے۔

لاہور (ویب ڈیسک)ملک میں کورونا وائرس سے مزید 28 افراد انتقال کر گئے جس کے بعد اموات کی مجموعی تعداد 666 ہوگئی جب کہ نئے کیسز سامنے آنے سے مصدقہ مریضوں کی تعداد 30903 تک جاپہنچی ہے۔اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 245 افراد انتقال کرچکے ہیں جب کہ پنجاب میں 197 اور سندھ میں 189 افراد جاں بحق ہوچکے ہیں۔اس کے علاوہ بلوچستان میں 26، اسلام آباد 5 اور گلگت بلتستان میں 4 افراد مہلک وائرس کے باعث جاں بحق ہو چکے ہیں۔