وفاقی وزیر برائے منصوبہ بندی اور کورونا وائرس کے حوالے سے بنائے گئے نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کہا ہے کہ گزشتہ روز جو حالات تھے ایسا لگا جیسے لاک ڈاو¿ن میں نرمی کا نہیں بلکہ کورونا ختم ہونے کا اعلان کیا ہو۔اسلام آباد میں ٹائیگر فورس کے رضاکاروں سے خطاب میں اسد عمر کا کہنا تھا کہ حکومتی وسائل اتنے نہیں کہ اکیلے کورونا وبا سے لڑسکیں بلکہ عوام کوبھی مشکل وقت میں ذمہ داری کا مظاہرہ کرنا ہے۔انہوں نے کہا کہ کل جو حالات تھے ایسا لگا جیسےلاک ڈاو¿ن میں نرمی کا نہیں کورونا ختم ہونے کا اعلان کیا ہو۔ان کا کہنا ہے کہ ڈاکٹروں نے جو احتیاطی تدابیر بتائی ہیں ان پرعمل کیا جائے، اگر بےاحتیاطی کی گئی تو مجبوراً دوبارہ بندشیں بڑھائی جائیں گی لہٰذا امید ہے شہری کورونا کی صورتحال کو سمجھیں گے۔وفاقی وزیر کا کہنا تھا کہ عید کی تیاری ضرور کریں مگر حفاظت بھی کریں، سارا پاکستان اس وقت متحد ہے۔خیال رہے کہ وزیراعظم عمران خان کے اعلان کے بعد گزشتہ روز پورے ملک میں لاک ڈاو¿ن میں مزید نرمی کرتے ہوئے کاروبار کھول دیے گئے تھے۔مارکیٹیں کھلنے سے بازاروں میں عوام کا رش لگ گیا تھا جبکہ اکثر شہروں میں حکومتی ضابطہ کار پر بھی عمل درا?مد نہیں کیا گیا۔

(ویب ڈیسک)ملک میں آج اب تک کورونا سے مزید 18 افراد جاں بحق ہوگئے جس کے بعد ہلاکتوں کی مجموعی تعداد 724 ہوگئی جب کہ نئے کیسز سامنے آنے سے مصدقہ مریضوں کی تعداد 32674 تک جاپہنچی ہے۔اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 257 افراد انتقال کرچکے ہیں جب کہ سندھ میں 218 اور پنجاب میں 211 افراد جاں بحق ہوچکے ہیں۔اس کے علاوہ بلوچستان میں 27، اسلام ا?باد 6، گلگت بلتستان میں 4 اور آزاد کشمیر ممیں مہلک وائرس سے ایک شخص جاں بحق ہوا ہے۔

کل ٹیسٹ: 305,851
صحتیاب مریض: 8555 (کمانڈ اینڈ کنٹرول سینٹر کے مطابق)
آج کے کیسز کی صورتحال

آج بروز منگل ملک بھر سے کورونا کے اب تک مزید 630 کیسز اور 18 ہلاکتیں سامنے آئی ہیں جن میں سندھ سے 593 کیسز 18 ہلاکتیں اور اسلام آباد سے 37 کیسز رپورٹ ہوئے ہیں۔
سندھ
سندھ میں آج کورونا کے مزید 593 کیسز سامنے آئے ہیں اور ایک روز میں سب سے زیادہ 18 ہلاکتیں ہوئی ہیں جس کی تصدیق وزیراعلیٰ سندھ نے کی۔مراد علی شاہ نے بتایا کہ 24 گھنٹوں میں کل 4064 ٹیسٹ ہوئے جن میں سے 593 نئے کیسز رپورٹ ہوئے اور 18 اموات بھی ہوئیں جو اب تک سندھ میں ایک روز میں ہونے والی سب سے زیادہ اموات ہیں۔وزیراعلیٰ سندھ کے مطابق صوبے میں کورونا کے مریضوں کی مجموعی تعدد 12610 ہوگئی ہے اور 218 افراد اب تک انتقال کرچکے ہیں۔
سندھ میں اب تک کورونا وائرس سے 2149 افراد صحتیاب بھی ہوچکے ہیں۔
اسلام آباد
وفاقی دارالحکومت سے ا?ج کورونا وائرس کے مزید 37 کیسز سامنے آئے ہیں۔
سرکاری پورٹل کے مطابق نئے کیسز سامنے آنے کے بعد اسلام ا?باد میں کیسز کی مجموعی تعداد 716 ہو گئی ہے جب کہ دارالحکومت میں وائرس سے جاں بحق افراد کی تعداد 6 ہو گئی ہے۔
پنجاب
پنجاب میں پیر کو کورونا سے مزید 14 افراد جاں بحق ہوئے جس کے بعد انتقال کرجانے والوں کی مجموعی تعداد 211 ہوگئی۔ صوبائی ڈیزاسٹر منیجمنٹ اتھارٹی (پی ڈی ایم اے) پنجاب کے مطابق مزید 301 افراد میں مہلک وائرس کی تشخیص ہوئی جس کے بعد صوبے میں متاثرہ مریضوں کی مجموعی تعداد 11869 تک جاپہنچی ہے۔
خیبرپختونخوا
خیبر پختونخوا میں پیر کو مزید 12 افراد کورونا وائرس کے باعث انتقال کرگئے جس کے بعد صوبے میں جاں بحق افراد کی تعداد 257 تک جاپہنچی ہے۔صوبائی محکمہ صحت کے مطابق پشاور میں 6، مردان میں تین اور سوات اپر دیر اور نوشہرہ میں ایک ایک شخص جاں بحق ہوا۔صوبائی محکمہ صحت نے بتایا کہ گزشتہ 24 گھنٹوں کے دوران مزید 206 افراد میں مہلک وائرس کی تشخیص ہوئی ہے جس کے بعد متاثرہ مریضوں کی تعداد 4875 تک جاپہنچی ہے۔محکمہ صحت کے پی کے مطابق صوبے میں اب تک کورونا کے 1256مریض صحت یاب ہوچکے ہیں۔
بلوچستان
بلوچستان میں پیر کو کورونا وائرس کے 44 نئے کیسز اور ایک ہلاکت سامنے ا?ئی جس کے بعد جاں بحق افراد کی مجموعی تعداد 27 ہوگئی۔صوبائی محکمہ صحت نے نئے کیسز تصدیق کرتے ہوئے بتایا کہ صوبے میں مریضوں کی مجموعی تعداد 2061 ہوگئی ہے جب کہ 242 افراد اب تک صحت یاب ہو چکے ہیں۔
گلگت بلتستان
گلگت بلتستان میں پیر کو مزید 15 افراد میں مہلک وائرس کی تشخیص ہوئی جس کے بعد متاثرہ مریضوں کی تعداد 457 ہوگئی ہے۔محکمہ صحت گلگت بلتستان کے مطابق مہلک وائرس سے اب تک 4 ہلاکتیں ہوئی ہیں جب کہ کورونا سے متاثرہ 320 افراد صحت یاب ہو چکے ہیں۔
آزاد کشمیر
آزاد کشمیر میں آج بروز منگل اب تک کورونا کا کوئی کیس رپورٹ نہیں ہوا ہے۔
آزاد کشمیر میں پیر کے روز کورونا وائرس سے پہلی ہلاکت سامنے آئی جس کی تصدیق آزاد کشمیر کے ترجمان ڈاکٹر مصطفیٰ بشیر نے کی۔ڈاکٹر مصطفیٰ بشیر نے بتایا کہ 85 سال کے مریض کو کورونا کے باعث 8 مئی کو آئسولیشن وارڈ میں داخل کیا گیا تھا جہاں وہ جانبر نہ ہوسکا۔سرکاری پورٹل کے مطابق آزاد کشمیر میں کورونا کے کیسز کی تعداد 86 ہے اور اب تک 64 افراد صحت یاب ہوچکے ہیں۔

کراچی(ویب ڈیسک) وزیرتعلیم سندھ سعید غنی نے کہا ہےکہ ممکن ہے کورونا وائرس کے سبب اسکول مزید 6 ماہ تک نہ کھلیں اس لیے چند روز میں آن لائن تعلیمی نظام کا اعلان کرنے جارہے ہیں۔کراچی میں پریس کانفرنس کرتے ہوئے سعید غنی نے کہاکہ سندھ میں اسکول یکم جون سے نہیں کھول رہے اور نئی تاریخ کا اعلان بعد میں کریں گے۔انہوں نے کہا کہ کورونا وائرس کے بعد اب ہمیں اپنا لائف اسٹائل تبدیل کرنا ہے تاہم بچوں کی تعلیم جاری رکھنے کے لیے مختلف ماڈلز پر کام کررہے ہیں کیونکہ ممکن ہے اسکول 6 ماہ تک نہ کھلیں، اس لیے ہم ذہنی طور پر تیار ہیں۔وزیرتعلیم کا کہنا تھا کہ اسکولوں کو بند نہیں رکھا جاسکتا، بچوں کی تعلیم کو بھی دیکھنا ہے اسی لیے کچھ دنوں میں آن لائن تعلیمی نظام کا اعلان کرنے جارہے ہیں۔بچوں کو بغیر امتحانات کے پروموٹ کرنے سے متعلق سعید غنی نے کہا کہ وفاقی وزیر تعلیم شفقت محمود خود کہہ رہے ہیں کہ میٹرک اور انٹر کے طلبہ کو پروموٹ کرنے میں کچھ مسائل ہیں کیونکہ بورڈز کے قوانین کے مطابق امتحانات کے بغیر پروموٹ نہیں کیا جاسکتا یہی وجہ ہے کہ کمیٹی بنائی گئی ہے تاکہ طلبہ کے حوالے سے تمام مسائل حل کیے جاسکیں۔وزیرتعلیم سندھ کا کہنا تھا کہ ہم نہیں چاہتے کہ طلبہ کو مستقبل میں قانونی پیچیدگیوں کا سامنا کرنا پڑے اسی لیے پہلی سے آٹھویں کلاس کے طلبہ کو پروموٹ کرنے کافیصلہ کیا گیا ہے البتہ ان کو بھی پروموٹ کرنے میں مسائل کا سامنا ہے۔انہوں نے کہا کہ بچوں کو پروموٹ کرنا ہے تو ان کی پچھلی جماعت کی کارکردگی کو دیکھنا ہو گا کیونکہ اگر کوئی طالب علم کسی مضمون میں فیل ہے تو پھر اس مضمون کا امتحان حالات بہتر ہونے پر لیا جائے گا۔خیال رہے کہ گزشتہ دنوں وزیراعظم عمران خان کی سربراہی میں کورونا وائرس کے حوالے سے قائم قومی رابطہ کمیٹی کا اجلاس ہوا تھا جس میں 9 مئی سے لاک ڈاو¿ن مرحلہ وار ختم کرنے کا فیصلہ کیا گیا اور ساتھ ہی تعلیمی اداروں کو بھی 15 جولائی تک بند رکھنے کا اعلان کیا گیا تھا۔

اسلام آباد: (ویب ڈیسک) آئندہ بجٹ میں سرکاری ملازمین کے لیے بڑے ریلیف کی تیاریاں، تنخواہوں اور پنشن میں 20 فیصد اضافے کی تجویز سامنے آئی ہے۔نجی ٹی وی کے ذرائع کے مطابق سرکاری ملازمین کے لیے ایڈہاک ریلیف بھی ضم ہوسکتا ہے، بجٹ میں تنخواہوں اور پنشن میں اضافی 142 ارب روپے مختص کرنے کی تجویز دی گئی ہے، تنخواہوں کے لیے 299 ارب روپے مختص کیے جانے پر غور کیا جا رہا ہے۔ذرائع کے مطابق پنشن کے لیے 503 ارب روپے مختص کیے جانے پر غور ہوگا، گریڈ ایک تا 22 ملازمین کے لیے تنخواہوں میں اضافے کی تجویز ہے، وزارت خزانہ ملازمین کے لیے 2016 سے 2019 تک ایڈہاک ریلیف تنخواہ کا حصہ بنانے پر غور ہوگا۔ذرائع کے مطابق گریڈ 21 اور 22 کے سول اور ملٹری افسران کی تنخواہوں میں اضافہ کیا جائے گا، گزشتہ بجٹ میں گریڈ 21 اور 22 کے ملٹری افسران کی تنخواہ منجمند کی گئی تھی۔