اسلام آباد (ویب ڈیسک)وزیراعظم عمران خان نے کہا ہے کہ جب تک ویکسین نہیں آجاتی اُس وقت تک وائرس کنٹرول نہیں ہوگا، اب ہمیں اس وائرس کے ساتھ رہنا ہے اور مزید لاک ڈاو¿ن کے متحمل نہیں ہوسکتے۔وزیراعظم عمران خان کی زیر صدارت کورونا وائرس کی صورتحال پر اجلاس ہوا جس میں مہلک وائرس کے ملکی معیشت پر پڑنے والے اثرات پر غور کیا گیا۔ذرائع نے بتایا کہ وزیراعظم کو لاک ڈاو¿ن میں نرمی کے بعد کورونا صورتحال پر بریفنگ دی گئی جبکہ لاک ڈاو¿ن میں نرمی سے پہلے اور بعد کی صورتحال کا تقابلی جائزہ پیش کیا گیا۔اجلاس کے بعد بریفنگ میں وزیراعظم عمران خان کا کہنا تھا کہ لاک ڈاو¿ن کھولنے کے فیصلے پرطبی عملے کی فکر تھی کہ اسپتالوں پر دباو¿ بڑھے گا، ہمیں طبی عملے کی پریشانیوں کا پوری طرح احساس ہے۔انہوں نے کہا کہ لوگوں کے جمع ہونے پرکورونا تیزی سے پھیلتا ہے، جب تک ویکسین نہیں آجاتی ا±س وقت تک وائرس کنٹرول نہیں ہوگا، اب ہمیں اس وائرس کے ساتھ رہنا ہے اور دیکھنا یہ ہے کہ وائرس کے ساتھ گزارا کیسے کرنا ہے؟وزیراعظم کا کہنا ہے کہ پاکستان نے بھی دوسری دنیا کی طرح کورونا وائرس کے ساتھ گزارا کرنا ہے۔ان کا کہنا تھا کہ پہلے ہی 2 مہینے کا لاک ڈاو¿ن ہوچکا ہے، کیا ہم لاک ڈاو¿ن کے مزید متحمل ہوسکتے ہیں دیکھنا ہوگا؟ پاکستان میں مشکل سے 8 ارب ڈالر کا ریلیف پیکج دیا اور امریکا نے 2 ہزار ارب ڈالر کا پیکج دیا ہے، کیا ہم لاک ڈاو¿ن کرکے بزنس بند کرسکتے ہیں؟ ہم وہ لاک ڈاو¿ن نہیں کرسکتے جو یورپ، امریکا اور چین نے کیا، ان ملکوں میں وہ غربت نہیں جو پاکستان میں ہے۔ ‘ 12 ہزار روپے کتنی دیرتک ایک خاندان کیلئے کافی رہیں گے؟’زیراعظم نے کہا کہ ہمارے ہاں مزدور اور دیہاڑی دار طبقہ ہے، لاک ڈاو¿ن سے 15 کروڑ لوگ پاکستان بھر میں متاثر ہیں اور یہ 12 ہزار روپے کتنی دیرتک ایک خاندان کیلئے کافی رہیں گے؟ ابھی ملک میں کورونا کیسز اور بڑھنے ہیں، آج اگر لوگوں کو روزگار نہ دیا تو بھوک سے مرنے کا مسئلہ زیادہ ہوگا۔ان کا کہنا ہے کہ میں 10 دفعہ سوچتا ہوں کہ سفید پوش لوگ کیسے گزارا کررہے ہوں گے، ہم اپنے لوگوں کو بھوک سے مرنے سے بچا رہے ہیں۔وزیراعظم نے کورونا کی صورتحال پر بتایا کہ ہمارے ملک میں حالات کنٹرول میں ہیں، 14 مئی تک ہماری پروجیکشن کے مطابق کورونا کے مثبت کیسز کا اندازہ 52 ہزار695 اور اموات کا اندازہ ایک ہزار 324 لگایا تھا۔ان کا کہنا ہے کہ ہمیں ذہنی طور پر تیار رہنا چاہیے لیکن ہماری منصوبہ بندی کے مطابق جون کے آخر تک اسپتالوں میں سہولیات مزید بڑھ جائیں گی۔انہوں نے اپیل کہ کہ دکانوں اور مارکیٹوں کے مالکان حکومت کی طے کردہ ضابطہ کار پر عمل درآمد کریں، عوام بھی احتیاط کریں تاکہ کاروبار کو کھولا جائے، جب تک عوام خود احتیاط نہیں کریں گے تو حکومت کچھ نہیں کرسکتی۔ ‘ٹرانسپورٹ پر پوری طرح فیصلہ نہیں ہوسکا کہ کھولیں یا نہیں’عمران خان کا کہنا ہے کہ سارے فیصلے سے مشاورت سے ہوتے ہیں اور ٹرانسپورٹ پر پوری طرح فیصلہ نہیں ہوسکا کہ کھولیں یا نہیں کیونکہ ایک دو صوبوں کو اعتراض ہے، کورونا وائرس سے جو مشکل میں ہے وہ غریب طبقہ ہے اور غریب ا?دمی کو کہیں جانا ہو تو اس کو پبلک ٹرانسپورٹ چاہیے، ٹرانسپورٹ بند کرتے ہیں تو سب سے زیادہ نقصان غریب کو ہورہا ہے۔ انہوں نے کہا کہ سب سے درخواست کرتا ہوں کہ پبلک ٹرانسپورٹ کھول دیں، امریکا اور یورپ میں ہلاکتوں کے باوجود ٹرانسپورٹ اور ائیرٹریفک بند نہیں کی تو ہم نے کیوں کی ہوئی ہے؟ ہمارے لوگ بیروزگار ہوئے ہیں، ویب سائٹ پر بیروزگار ہونے کا بتانے والوں کو پرائم منسٹر ریلیف فنڈ سے پیر سے پیسے ٹرانسفر کریں گے۔
’ہمارے فیصلوں سے ایسی صورتحال نہیں پیدا ہوگی کہ اسپتالوں کا نظام مفلوج ہوتا نظر آئے‘
اس موقع پر وفاقی وزیر برائے منصوبہ بندی و کورونا وائرس کے حوالے سے بنائے گئے نیشنل کمانڈ اینڈ کنٹرول آپریشن سینٹر (این سی او سی) کے سربراہ اسد عمر کا کہنا تھا کہ میڈیا کا شکریہ ادا کرنا چاہوں گا کہ کورونا آگاہی میں زبردست کردار ادا کیا اور عوام میں کورونا سے متعلق مو¿ثر پیغام پہنچایا، ہم ایک مربوط حکمت عملی کے تحت آگے چل رہے ہیں اور ہم ٹیسٹنگ کی صلاحیت کو بھی بتدریج بڑھا رہے ہیں۔انہوں نے کہا کہ این سی او سی کے اجلاس میں صورتحال کا جائزہ لیا ہے اور ہم اگلے 6 ہفتوں کا بھی دیکھ رہے ہیں کہ ہمارے فیصلوں سے ایسی صورتحال نہیں پیدا ہوگی کہ اسپتالوں کا نظام مفلوج ہوتا نظر آئے۔خیال رہے کہ ملک میں کورونا وائرس کے پیش نظر جزوی لاک ڈاو¿ن میں مزید نرمی کردی گئی ہے جس کے باعث کاروباری مراکز پوری طرح کھل گئے ہیں اور سماجی فاصلے اور طے کردہ ضابطہ کار پر بھی عمل درآمد نہیں کیا جارہا۔وہیں دوسری طرف ملک میں مہلک وائرس سے جاں بحق افراد کی تعداد 822 تک جاپہنچی ہے جبکہ متاثرہ مریضوں کی تعداد 38 ہزار سے تجاوز کرچکی ہے۔

اسلام آباد(ویب ڈیسک ) سول ایوی ایشن ڈویڑن نے 16مئی سے اندرون ملک پروازیں بحال کرنے کا اعلان کردیا ہے۔تفصیلات کے مطابق 16مئی سے اندرون ملک پروازیں بحال کرنے کا اعلان کردیا گیا ہے، سول ایوی ایشن کی جانب سے جاری نوٹیفکیشن کے مطابق پشاور ائیر پورٹ سے 4 اور کوئٹہ ائیرپورٹ سے ہفتہ میں 8 پروازیں چلیں گی جب کہ اسلام آباد اور علامہ اقبال ائیر پورٹ لاہور سے ہفتے میں 32 پروازیں چلیں گی۔نوٹیفکیشن کے مطابق جناح ائیرپورٹ کراچی سے ہفتے میں68 پروازیں چلیں گی جب کہ پی آئی اے اور سیرین ایر لائنز کو اندرون ملک پروازیں چلانے کی اجازت دی گئی ہے۔

لاہور:(ویب ڈیسک) پنجاب حکومت نے مزید نرمی کرتے ہوئے شاپنگ مالز کھولنے اور پبلک ٹرانسپورٹ کی اجازت دینے کا بھی فیصلہ کرلیا۔ذرائع کے مطابق ٹرانسپورٹ کی بندش سے متعلق وزیراعلیٰ پنجاب کو پیش کی گئی رپورٹ میں بتایا گیا ہےکہ پبلک ٹرانسپورٹ بند ہونے سے مشکلات میں اضافہ ہوا اور مجبوری کے باعث عوام مہنگے داموں کی پرائیویٹ گاڑیاں استمعال کر رہے ہیں لہٰذا ٹرانسپورٹ شعبہ کو ریلیف کے لیے اجازت ضروری ہے۔عثمان بزدار نے ٹرانسپورٹ کے لیے ایس او پیز بھی طلب کرلیے ہیں جنہیں حتمی شکل دینے کے لیے آ ٹرانسپورٹرز کے ساتھ اجلاس طلب کیا گیا ہے، اجلاس کے بعد پنجاب حکومت ایس او پیز اور اپنے اقدامات سے وفاقی حکومت کو آگاہ کرے گی۔ذرائع کے مطابق شہر کے اندر اور ایک سے دوسرے شہر کے لیے ٹرانسپورٹ کی اجازت دی جائےگی۔وزیر تجارت پنجاب میاں اسلم اقبال نے کہا کہ پیر سے شاپنگ مالز اور ا?ٹو موبائل انڈسٹری کو اجازت دےدی جائے گی، حکومت نے ا?ٹو موبائل انڈسٹری کے پیداواری یونٹس کو بھی کام کی اجازت دینے کا فیصلہ کیا ہے، متعلقہ شعبوں کے ساتھ ایس او پیز کو حتمی شکل دےدی گئی ہے۔ذرائع کا کہنا ہے کہ شاپنگ مالزکے اوقات کار کا بھی تعین کردیا گیا ہے، مالز میں ایس او پیز کا سختی سے نفاذ ہوگا، مالز میں تھرمل گن سے چیکنگ، ہینڈ سینٹی ٹائز اور ماسک کا استعمال یقینی بنایاجائے گا۔

کراچی: (ویب ڈیسک)ملک بھر میں جاری کورونا لاک ڈاو¿ن کے باعث جلسے جلوسوں پر پابندی کے باوجود چوتھے خلیفتہ الرسول حضرت علیؓ کے یوم شہادت کی مناسبت سے نکلنے والا جلوس نشتر پارک سے برآمد ہو گیا۔حضرت علی رضی اللہ تعالی عنہ کا یوم شہادت آج عقیدت و احترام کے ساتھ منایا جا رہا ہے، ہر سال یوم علیؓ کی مناسبت سے مجالس اور جلسے جلوسوں کا اہتمام کیا جاتا ہے لیکن اس مرتبہ کوروبا وائرس کی وجہ سے ملک بھر میں جلسے جلوسوں پر پابندی عائد ہے۔کورونا وائرس کے باعث ملک بھر میں کیے گئے لاک ڈاو¿ن کے پیش نظر یوم علیؓ کے جلوسوں پر پابندی عائد ہے اور صرف امام بارگاہوں اور گھروں میں حفاظتی انتظامات کے ساتھ مجالس کی اجازت ہے۔کراچی میں یوم علیؓ کے موقع پر نشترپارک میں مجلس عزا منعقد کی گئی ، مجلس مقررہ وقت سے قبل شروع کی گئی جس سے علامہ شہنشاہ نقوی نے خطاب کیا۔مجلس ختم ہونے کے بعد نشتر پارک سے جلوس برآمد ہوا جو مقررہ راستوں سے ہوتا ہوا امام بارگاہ حسینیاں ایرانیاں کھارادر پرختم ہوگا۔دوسری جانب شہر میں نشتر پارک اور اس سے منسلک شاہراوں پر کنٹینرز رکھنے کا عمل جاری ہے تاکہ جلوس نہ نکالے جا سکیں۔پیپلز پارٹی کے چئیرمین بلاول بھٹو زرداری نے جمعہ کی عبادات اور یوم علیؓ پر عزاداری گھروں میں کرنے کی اپیل کی ہے۔

راولپنڈی (ویب ڈیسک) پاک فوج کے شعبہ تعلقات عامہ نے کورونا وبا کیخلاف صف اول میں لڑنے والے طبی عملے کی رہنمائی کیلئے دستاویزی فلم تیار کرلی، جس میں حفاظتی سامان یا آلات کے استعمال سے متعلق آگاہی فراہم کی گئی ہے۔تفصیلات کے مطابق معاون خصوصی صحت ڈاکٹر ظفر مرزا نے پاک فوج کے شعبہ تعلقات عامہ کی مدد سے دستاویزی فلم کا اجراء کر دیا، آئی ایس پی آر نے صرف چھیانوے گھنٹے کے قلیل وقت میں دستاویزی فلم تیارکی۔دستاویزی فلم میں بتایا گیا کہ کب، کس وقت، کن حالات میں کونسا انفرادی حفاظتی سامان یا آلات استعمال کرنا ہیں جبکہ انفرادی حفاظتی سامان اور آلات کے استعمال کا مکمل طریقہ کار واضح بتایا گیا ہے۔دستاویزی فلم ڈاکٹرز، نرسز، پیرامیڈکس، شعبہ صحت سے وابستہ دیگر افراد کیلئے بہترین بصری مدد ہے ، فلم سے ڈاکٹرز کی معاونت اور وسائل کے بہتر استعمال میں مدد مل سکے گی اوراس اقدام سے انفرادی حفاظتی سامان اور آلات کے غیر ضروری استعمال کی حوصلہ شکنی ہوگی۔معاون خصوصی ڈاکٹرظفرمرزا نے اس حوالے سے کہا کہ کہ آئی ایس پی آر کی مدد سے طبی عملے کی تربیت کے لیے ویڈیو بنائی گئی ہے، فلم کورونا سے متاثرہ افراد کاعلاج کرنے والے طبی عملے کےلیے مدد گار ثابت ہوگی۔ان کا کہنا تھا کہ کورونا کے خلاف فرنٹ لائن ورکرز کا تحفظ ضروری ہے اور مذکورہ ویڈیو کا لنک جلد ویب سائٹ پر اپلوڈ کریں گے۔

لاہو ر (ویب ڈیسک)پاکستان میں پھیلے مہلک کورونا وائرس کے مریض دن بدن بڑھتے جارہے ہیں اور آج بھی نئے متاثرین سامنے آنے کے بعد مصدقہ کیسز کی مجموعی تعداد 36 ہزار 865 ہوگئی ہے جبکہ اموات 792 تک جا پہنچی ہیں، تاہم 10 ہزار سے زائد مریض صحتیاب بھی ہوچکے ہیں۔سرکاری سطح پر سامنے آنے والے اعداد و شمار کے مطابق آج ابھی تک 77 نئے مریضوں کا اضافہ دیکھا گیا۔واضح رہے کہ ملک میں کورونا وائرس کے کیسز میں اب یومیہ ہزار سے زائد کا اضافہ دیکھا جارہا ہے جبکہ اموات کی شرح بھی بڑھ رہی ہے۔26 فروری کو سامنے آنے والے پہلے کیس کے بعد سے پاکستان میں اس وائرس کے پھیلاو¿ کو روکنے کے لیے مختلف طرح کی بندشیں اور بعدازاں جزوی لاک ڈاو¿ن لگایا گیا تھا۔تاہم اس کے باوجود یہ وبا تیزی سے پھیل رہی ہے اور مئی کے آغاز میں اس کے کیسز میں اچانک تیزی سے اضافہ ہوا ہے۔اعداد و شمار کو دیکھیں تو 26 فروری سے 30 اپریل تک 2 ماہ سے زائد کے عرصے میں ملک میں کورونا متاثرین کی تعداد ساڑھے 16 ہزار سے زائد تھی جبکہ اموات 385 ہوئی تھیں۔تاہم رواں ماہ یعنی مئی کے ابتدائی 14 روز میں پاکستان میں 20 ہزار سے زائد کیسز اور 400 سے زائد اموات ریکارڈ کی گئیں جو تشویش ناک صورتحال کو ظاہر کرتی ہیں۔آج (15 مئی) کو بھی ملک میں کورونا وبا کے نئے کیسز اور اموات کا اضافہ ہوا، تاہم اس وائرس کے شکست دے کر صحتیاب ہونے والے مریضوں کی تعداد بھی بڑھ گئی۔