ممبئی:(ویب ڈیسک)بھارتی کپتان ویرات کوہلی نے انکشاف کیا ہے کہ ایک بار انھیں ٹکٹ نہ ہونے کی وجہ سے لوکل بس سے اتار دیا گیا تھا۔انہوں نے کہا کہ میں دہلی میں کرکٹ ٹریننگ کیلئے مقامی بس پر سفر کرتا تھا، میرے پاس اکیڈمی کا پاس عام طور پر ہوتا تھا، کچھ لڑکے ٹکٹ کے پیسے بچانے کیلئے خود کو سٹاف ممبر ظاہر کرتے، میں نے بھی ایک بار کوشش کی مگر کنڈیکٹر نے مجھ سے ایسے سوال پوچھے کہ میں نے بس سے اتر جانے میں ہی عافیت محسوس کی۔خود کو سٹاف ممبر کہنے والے لڑکوں میں الگ ہی درجے کا اعتماد ہوتا تھا مگر میرے تو منہ پر لکھا آجاتا تھا کہ جھوٹ بول رہا ہوں۔

نیویارک: (ویب ڈیسک) باسکٹ بال لیجنڈ امریکا کے مائیکل جارڈن کے ابتدائی سیزن میں پہنے جوتے ریکارڈ قیمت 5 لاکھ 60 ہزار ڈالرز میں فروخت ہو گئے ہیں۔1985ء میں مائیکل کے لیے ڈیزائن کئے گئے ائیر جارڈن نامی شوز کی نیلامی اس کی 35ویں سالگرہ کے موقع پر کی گئی۔ باسکٹ بال لیجنڈ مائیکل جارڈن کے جوتے معروف کمپنی نے ائیر جارڈن کے نام سے 1985ء میں ڈیزائن کیے تھے۔ایک جوتے کا سائز 13 اور دوسرے کا 13.5 پانچ ہے۔ منتظمین کو توقع تھی کہ آن لائن نیلامی میں مائیکل کے استعمال شدہ اور آٹوگراف والے یہ شوز ایک لاکھ سے ڈیڑھ لاکھ ڈالرز میں نیلام ہوں گے۔تاہم ان کی قیمت 5 لاکھ 60 ہزار ڈالرز لگی جو ایک نیا ریکارڈ ہے۔ اس سے پہلے اسی کمپنی کے 1972ءمیں بنائے مون شو نامی جوتے 4 لاکھ 37 ہزار پانچ سو ڈالرز کے فروخت ہوئے تھے۔

کراچی :(ویب ڈیسک)قومی کرکٹ ٹیم کے سابق کپتان شاہد آفریدی کی بیٹی اسمارہ 8 برس کی ہوگئیں ، شاہد آفریدی کے مداحوں کی بڑی تعداد اسمارہ کو سالگرہ کی مبارکباد دی۔اسمارہ کو سالگرہ کی مبارکباد دینے والوں کی تعداد اتنی زیادہ ہے کہ سوشل میڈیا بالخصوص ٹوئٹر پر ٹرینڈ پینل پر سرفہرسٹ ٹرینڈز میں ’اسمارہ‘ بھی شامل ہیں۔سماجی رابطے کی ویب سائٹ ٹوئٹر پر شاہد آفریدی کی اہلیہ نادیہ شاہد نے اپنے سوشل میڈیا پیغام میں اسمارہ کی آٹھویں سالگرہ کے موقع پر لی گئیں تصویریں شیئر کیں جنہیں شاہد آفریدی نے بھی اپنے اکاو¿نٹ پر شیئر کیا۔گولڈن فراک اور سر پر دلکش بینڈ پہنے اسمارہ کی تصویریں جلد ہی سوشل میڈیا پر وائرل ہوگئیں۔اسمارہ کی سالگرہ کا کیک بھی انتہائی منفرد تھا، کیک پر 8 کا ہندسہ بھی لگا دکھائی دے رہا تھا، ٹنکر بیل کارٹون کا کردار بھی دکھائی دے رہا تھا اور ساتھ ہی اسمارہ کی بچپن کی ایک یادگار تصویر بھی لگی ہوئی تھی۔مداحوں کی جانب سے اسمارہ کے لیے سالگرہ کے موقع پر نیک تمناو¿ں کے پیغامات شیئر کئے گئے۔واضح رہے کہ شاہد آفریدی کی شادی نادیہ شاہد سے سال 2000 میں ہوئی تھی، ان کی پانچ بیٹیاں اقصیٰ، عنشہ، اجوا اور اسمارہ اور عروہ ہیں۔