لاہور(ویب ڈیسک)لاہور کے جنرل ہسپتال میں آرتھوپیڈک وارڈ کے 18 ڈاکٹر کورونا سے متاثر ہوگئے، وارڈ کے سربراہ ڈاکٹر حنیف نے 10 روز کےلئے وارڈ بند کرنے کے لیے انتظامیہ کوخط لکھ دیا۔ایم ایس جنرل ہسپتال نے ابتدائی طور پرآرتھوپیڈک وارڈ کو 3 روز کےلئے بند کردیا۔لاہور کے جنرل ہسپتال کی انتظامیہ کے مطابق آرتھوپیڈک وارڈ کے 18 ڈاکٹروں کے کورونا ٹیسٹ مثبت آنے کے بعد آرتھوپیڈک وارڈ کے سربراہ نے پرنسپل کو خط لکھا ہے جس میں کہا گیا کہ وارڈ کے باقی ڈاکٹروں کو کورنٹائن کردیا گیا ہے، اس لیے آرتھوپیڈک وارڈ کو دس روز کے لیے بند کردیا جائے۔ایم ایس جنرل ہسپتال محمود طارق کا کہنا ہے کہ بڑی تعداد میں کیسز سامنے آنے پرابتدائی طور پر وارڈ کو 3 دن کے لئے بند کرکے جراثیم سے پاک کیاجارہا ہے۔ہسپتال ذرائع کے مطابق انسٹی ٹیوٹ آف نیورو سائنس کے 3 ڈاکٹروں اور 2 نرسزکا بھی کورونا ٹیسٹ پازیٹیو آیا ہے۔

اسلام آباد: (ویب ڈیسک)وفاقی وزیر ریلوے شیخ رشید احمد نے ایک بار پھر سیاسی پیشن گوئی کرتے ہوئے کہا ہے کہ 31 جولائی تک حکومتی اور اپوزیشن جماعتوں میں جھاڑو پھر جائے گا۔ چینی، آٹے اور آئی پی پیز والے سب عوام کے سامنے پیش ہوں گے۔ تفصیلات کے مطابق ، شیخ رشید احمد نے راولپنڈی ریلوے سٹیشن پر ٹرینوں کی آمدورفت کا جائزہ لینے کے بعد میڈیا سے گفتگو کرتے ہوئے کہا کہ ٹرین آپریشن جزوی طور پر بحال ہو گیا ہے۔ تاہم آن لائن ٹکٹ میں خامیاں ہیں جسے دور کریں گے۔ان کا کہنا تھا کہ ملتان، سکھر، کراچی، کوئٹہ، پشاور اور راولپنڈی سے ٹرینیں چلی ہیں۔ پوری کوشش ہے کہ ایس او پیز پر عمل ہو۔ پوری دنیا میں 70 فیصد مسافروں کے ساتھ فاصلہ رکھا گیا ہے، ہم نے 60 فیصد مسافروں کے ساتھ فاصلہ رکھا۔وزیر ریلوے کا کہنا تھا کہ سندھ حکومت نے صرف صرف ٹی وی پر اعتراض کیا۔ خسارہ تو ہوگا مگر ریلوے عوام کی ہے، ان کی خدمت کرنی ہے، ہم نے آڑھت نہیں کرنی۔شیخ رشید نے سیاسی پیش گوئی کرتے ہوئے کہا کہ 31 جولائی تک بہت سی تحقیقات ہوں گی، جھاڑو پھرے گا۔ شہباز شریف ٹارزن بنا ہوا ہے، اس کو پتا ہے میرا نام ای سی ایل میں آ رہا ہے۔ انہوں نے کہا کہ چینی، آٹے اور آئی پی پیز والے سب عوام کے سامنے پیش ہوں گے۔

کو ئٹہ (ویب ڈیسک)بلوچستان اسمبلی کے رکن اور سابق گورنر سید فضل آغا کورونا وائرس کا شکار ہونے کے بعد کراچی کے نجی ہسپتال میں انتقال کر گئے۔سید فضل آغا کا کورونا ٹیسٹ کچھ روز قبل مثبت آیا تھا۔نجی ٹی وی سے نام ظاہر نہ کرنے کی شرط پر بات کرتے ہوئے فاطمہ جناح چیسٹ ہسپتال کوئٹہ کے ایک ڈاکٹر نے کہا کہ سید فضل آغا کو علاج کے لیے ابتدائی طور پر اسی ہسپتال لایا گیا تھا۔تاہم ان کی حالت بگڑنے کے بعد انہیں کراچی منتقل کردیا گیا تھا۔سید فضل آغا کے ایک عزیز نے بھی ان کا کورونا ٹیسٹ مثبت آنے کی تصدیق کی۔سید فضل آغا، بلوچستان اسمبلی میں جمیعت علمائے اسلام (ف) کے رکن بھی تھے۔وہ 1997 سے 1999 تک بلوچستان کے گورنر رہے جبکہ 80 کی دہائی کے آخر میں سینیٹ کے ڈپٹی چیئرمین کے فرائض بھی انجام دیے تھے۔واضح رہے کہ بدھ کو ہی پاکستان تحریک انصاف (پی ٹی ا?ئی) کی رکن پنجاب اسمبلی شاہین رضا بھی کورونا وائرس کا شکار ہو کر انتقال کر گئی تھیں۔60 سالہ شاہین رضا کو علیل ہونے پر 17 مئی کو پہلے گوجرانوالہ کے سول ہسپتال میں داخل کیا گیا تھا تاہم طبیعت بگڑنے پر 3 روز قبل انہیں لاہور کے میو ہسپتال منتقل کردیا گیا تھا۔ان کے علاوہ یہ وائرس اسپیکر قومی اسمبلی اسد قیصر، گورنر سندھ عمران اسمٰعیل، وزیر خزانہ بلوچستان ظہیر بلیدی، رکن سندھ اسمبلی عبدالرشید کو بھی متاثر کرچکا ہے جو خوش قسمتی سے اس سے صحتیاب ہونے میں کامیاب رہے۔

اسلا م آ با د (ویب ڈیسک)وزیراعظم عمران خان کا کہنا ہے کہ ہندوتوا نظریے والی مودی حکومت مقبوضہ کشمیر میں جنگی جرائم کی مرتکب ہو رہی ہے۔وزیراعظم پاکستان عمران خان نے سوشل میڈیا پر جاری اپنے بیان میں کہا کہ سری نگر میں گزشتہ روز قابض بھارتی فوج نے 15 گھروں کو آگ لگا دی، مودی حکومت مقبوضہ وادی میں آبادی کا تناسب تبدیل کر رہی ہے جو جنیوا کنونشن کی خلاف ورزی ہے۔عمران خان کا کہنا تھا کہ 9 لاکھ بھارتی فوج کشمیریوں پر وحشیانہ مظالم ڈھا رہی ہے، ہندوتوا نظریے والی مودی حکومت مقبوضہ کشمیر میں جنگی جرائم کی مرتکب ہو رہی ہے۔وزیراعظم پاکستان نے ایک بار پھر دنیا کو خبردار کرتے ہوئے کہا کہ بھارت مقبوضہ کشمیر میں نسل کشی سے دنیا کی توجہ ہٹانا چاہتا ہے، بھارت توجہ ہٹانے کےلیے فالس فلیگ آپریشن کرے گا۔

لاہور (خصوصی ر پورٹر)12ارب رو پے کی لا گت سے بنے والی دولفن فورس ، شہریو ں کو تلا شی کے بہا نے عیدی مہم سٹاٹ کردی ، شہر میں پو ش علاقوں میں ڈولفن کے اہلکا ر برینڈ گا ڑیو ں میں سورا شہریو ں سے مبینہ طو ر پر عیدی لے کر جا نے لگے ہیں ، کمزور گرو فت کی حا مل ایس پی دولفن عا ئشہ بٹ کے پا س چار ج ملنے کے بعد ڈولفن فورس میں کرپشن مزید بڑ ھنے لگی اور گا ر گردگی مزید متا ثر ہو نے لگی ہے ۔ تفصیلا ت کے مطا بق شہر میں وارداتوں کا سلسلہ بد ستور جاری ہے ،اور مو ثر گشت نہ ہو نے کے با عث شہر میں ڈکیتی مزا حمت پر قتل سمیت دیگر واقعا ت بڑھنے لگے ہیں ، سابق حکومت کے دور میں12ارب کی لا گت سے بنا ئی گئی ڈولفن فورس جس کا مقصد خصوصی طو ر پر شہر میں سٹر یٹ کرا ئم کے خا تمہ کے لئے بنا ئی گئی لیکن گزشتہ چند ما ہ سے کا ر گردگی ما یوس کن ہو گئی جبکہ شہر بھر میں عید سے قبل دولفن فورس نے ”عیدی مہم“ عروج پرشہر بھر میںپو ش علاقوں میں ڈولفن فورس شہر میں برینڈڈ گا ڑیو ں کو رو ک کر شہریو ں سے 2ہزا ر سے لے کر5 ہزا ر رو پے رشوت لینی شروع کردی ہے ۔اس حوالے سے شہریو ں کی متعد د شکا یا ت بھی مو صو ل ہو ئی ہے جس میں سادہ لوہ شہریوں سے عیدی بٹوری جاری ہے۔دوسری جا نب کمزور گرفت کی حا مل ایس پی دولفن کی تعینا تی کے بعد سے ڈولفن فورس میں کرپشن سمیت شہریو ں سے رشوت کی شکا یا ت میں اضا فہ ہو نے لگا ہے ۔ اس حوالے سے ایس پی ڈولفن فورس عا ئشہ بٹ کا کہنا ہے کہ شکا یات ملنے پر کا رروائی عمل میں لا ئی جا ئے گئی ۔´ اس حوالے سے سی سی پی او لا ہور ذولفقار حمید نے خبریں سے گفتگو کرتے ہو ئے بتا یا کہ ایسی شکا یت پر خفیہ انکوائر ی کی جا ئے گئی اور زمہ دارو ں کے خلا ف کا رروائی عمل میں لا ئی جائے گئی۔

اسلام آباد(ویب ڈیسک)جی 20 ممالک سے 2 ارب ڈالر ریلیف پیکج ملے گا، اقتصادی رابطہ کمیٹی نے منظور دیدی۔ترقی یافتہ ممالک سے قرضے مو¿خر کرنے، پاور سیکٹر کے قرضوں کی ادائیگی کیلئے 10 ارب کے فنڈز کی منظوری۔موبائل فون مینو فیکچرنگ پالیسی کیلئے حماد اظہر کی سربراہی میں کمیٹی قائم، رمضان ریلیف پیکج کا اختیار بھی دیدیا۔وزیر اعظم کورونا ریلیف پیکج پر پالیسی بنانے کیلئے کمیٹی بنا دی گئی، سربراہی عمران خان کریں گے۔وسائل اور ذرائع موجود، پاکستان کمرشل قرضوں کی ری فنانسنگ کیلئے کسی سے رجوع نہیں کرے گا

لاہور (جنرل رپورٹر )پنجاب بھر میں بھارتی ادویات کی فروخت دھڑلے سے جاری ہے ۔لاہور میں غیر ملکی و اسمگل شدہ ادویات کی بھرمار کے خلاف خبریں چینل فائیو کی خبر پر ڈسٹرکٹ ہیلتھ اتھارٹی کا ایکشن،شہر بھر کے 38 میڈیکل اسٹورز پر چھاپے کے دوران بھارتی اسمگل شدہ ادویات چیک کیں جبکہ غیر ملکی ادویات اور قواعدو ضوابط کے برعکس کام کرنے والے 2 میڈیکل سٹور سیل کردیئے گئے، داتا گنج بخش ٹاﺅن میںپنجاب فارمیسی ، رانا فارمیسی کو سیل کیا گیا دوسری جانب نشتر ٹاﺅن میں داتا میڈیکل سٹور ، احسن فارمیسی ، عزیز بھٹی ٹاﺅن میں اکرام فارمیسی ، منصب میڈیکل سٹور ، پاک فارمیسی ، الشیخ میڈیکل سٹور ، داتا گنج بخش ٹاﺅن میں ڈیسینٹ فارمیسی ، عابد فارمیسی ، عثمان اینڈ برادرز فارمیسی ، الہیٰ فارمیسی ، رحمن فارمیسی ، پاک میڈیکوز ، سمیت دیگر فارمیسی اور میڈیکل سٹور میں بھارتی اسمگل شدہ ادویات چیک کی گئیں ۔ خبریں ، چینل فائیو ٹیم کے ہمراہ چیف ایگزیکٹو آفیسر ڈسٹرکٹ ہیلتھ اتھارٹی ڈاکٹر شعیب گرمانی اور ان کی ٹیم نے فارمیسیوںپر چھاپہ مارا تو وہاں پر کوالفائیڈ پرسن یا فارما سسٹ موجود نہ تھا ، جبکہ چا ر افراد جو کہ ڈسپنسر بھی نہ تھے ڈاکٹر کے نسخہ جات کے بغیر شہریوں کو بھارتی ادویات فروخت کر رہے تھے کمپیوٹرائزڈ بل بھی نہ دئیے جارہے تھے ان کے خلاف قانونی کاروائی کا حکم دیا ۔سی ای او ہیلتھ لاہور ڈاکٹر شعیب گرمانی کا کہنا تھا کہ وزیر اعلی پنجاب کے ویژن کے مطابق ڈسٹرکٹ ہیلتھ اتھارٹی اپنی ڈیوٹی جانفشانی سے سرانجام دے رہی ہے۔ قواعد و ضوابط کی خلاف ورزی اور بھارتی اسمگل شدہ ادویات فروخت کرنے والوں کے خلاف سخت ایکشن لیا جائے گا۔ پابندی والی ادویات فروخت کرنے والوں کے خلاف بھرپور کاروائی ہوگی۔ یا درہے کہ ڈرگ ریگولیٹری اتھارٹی اور فارما سیوٹیکل مافیا کے گٹھ جوڑ کے بعد بھارت سے جان بچانے اور وٹامنز کی آڑ میں مختلف دواو¿ں کے 467 فارمولے بھارت سے منگوا ئے گئے تھے حیرت انگیز طور پر 85فیصد ادویات کے فارمولے ایسے تھے جو پاکستان کی لوکل فارما انڈسٹری خود بھی تیار کر رہی ہیں ۔ خبریںاور چینل فائیو نے اس بات کی نشاندہی کی تھی کہ صوبائی دارلحکومت کے متعدد میڈیکل سٹور اور فارمیسیوں پر بھارتی اسمگل شدہ ادویات فروخت کی جا رہی ہیں ۔

اسلام آباد،کراچی،پشاور،لاہور(نمائندگان خبریں) ملک بھر میں کرونا وائرس کے باعث مزید 50 افراد جاں بحق ہو گئے، گزشتہ 24 گھنٹوں کے دوران تقریباََ دو ہزار کیسز سامنے آئے۔ تفصیلات کے مطابق پاکستان میں مجموعی طور پر کرونا وائرس سے جاں بحق افراد کی تعداد 986 ہو گئی ہے جبکہ نئے کیسز سامنے آنے کے بعد مریضوں کی تعداد 45 ہزار776ہو گئی ہے۔ صوبہ پنجاب میں16ہزار 600 کیسز جبکہ اموات 290 ہو چکی ہیں، دیگر صوبوں میں بھی حالات زیادہ مختلف نہیں صوبہ سندھ میں 17 ہزار 947 کیسز جبکہ 299 اموات ہوئیں۔خیبرپختونخوا میں 6 ہزار 554 کیسزسامنے آچکے جبکہ 345 افراد جاں بحق ہوئے۔ بلوچستان میں کیسز کی تعداد 2885، اموات 38، گلگت بلتستان میں کیسز 556 ،اموات 4 ہو چکی ہیں۔ دارلحکومت اسلام آباد میں 1034 کیس سامنے آئے ، جبکہ 9 افراد جاں بحق ،آزاد کشمیر میں 115 جبکہ ایک شخص اس مہلک وبا کے باعث جان کی بازی ہار گیا۔ تحصیل ہیڈ کوارٹر ہسپتال شرقپور شریف کے میڈیکل سپرنٹنڈنٹ سمیت پانچ ڈاکٹرز اور چھ نرسوں اور دو وارڈ بوائز میںکورونا وائرس کی تصدیق ہوگئی ہے ، ذرائع کا کہنا ہے کہ تحصیل ہیڈ کوارٹر ہسپتال شرقپور کے میڈیکل سپرٹنڈنٹ ڈاکٹر غلام مصطفی نے اپنے ڈاکٹرز اور پیرا میڈیکل سٹاف کو حفاظتی کٹس اور دیگر ساما ن فراہم نہیں کیا جس کے باعث وہ خود اور ان کا عملہ کورونا کا شکار ہوگیا تاہم رابطہ کرنے پر ڈاکٹر غلام مصطفی نے بتایا کہ صرف تین ڈاکٹرز کو کورونا ٹیسٹ پازیٹو آئے ہیں اور بوگس بلوں کے ذریعے طبی آلات کی فرضی خریداری کا الزام غلط ہے ، دریں اثناءڈی ایچ کیو ہسپتال شیخوپورہ میں بھی کنفرم کورونا مریضوں کی تعداد 22ہوچکی ہے ۔ فرنٹ لائن پرلڑنے والی پنجاب پولیس بھی کورونا کی زد میں آگئی، پنجاب بھر میں 486 پولیس اہلکاروں میں کورونا وائرس کی تصدیق ہوگئی، 40 فیصد کروائے گئے ٹیسٹوں کے نتائج کا انتظار ہے۔ کورونا کے باعث لاہور پولیس کے 2 اہلکارشہید بھی ہوچکے ہیں، کورونا کی بگڑتی صورتحال کے پیش نظر محکمہ صحت نے وزیراعلیٰ پنجاب کو عید کے بعد مکمل لاک ڈاو¿ن کی تجویز دے دی۔پو لیس حکام کے مطابق متاثرہ ملازمین میں 146 اہلکار صحت یاب ہو کر گھروں کو جا چکے ہیں جبکہ 340 مختلف ہسپتالوں میں زیرعلاج ہیں، سب سے زیادہ کورونا سے لاہور کے 141 اہلکار متاثر ہوئے ہیں، ملازمین کے روزانہ کی بنیاد پر ٹیسٹ کرائے جا رہے ہیں۔کورونا وائرس کے شکار پہلے پولیس ملازم سمیع اللہ کا کہنا تھا کہ وہ 27دن زیرعلاج رہا اور وہاں پر متعلقہ ملازمین و افسران نے بہت ساتھ دیاجبکہ صحت یاب ہونے کے بعد افسران نے چھٹی کے لیے کہا لیکن اس نے ڈیوٹی کوترجیح دی ہے۔ ترجمان پرائمری اینڈ سیکنڈری ہیلتھ کئیر کے مطابق پنجاب میں کورونا وائرس کے 709 نئے کیس، تعداد 16685 ہو گئی۔عام شہروں میں سب سے ذیادہ لاہور میں کورونا وائرس کے 368 نئے مریض سامنے آئے۔ بہاولپور 1، بھکر 2، ڈی جی خان 3، فیصل آباد 47، گوجرانوالہ میں 59 نئے کیس سامنے آئے۔جھنگ 1، جہلم 5، قصور 16، خانیوال 1، خوشاب 2، لودھراں 1، ملتان 61، ننکانہ میں 3 نئے کیس سامنے آئے۔ناروال 4، راولپنڈی 79، رحیم یار خان 8، ساہیوال 3، سرگودھا 16، شیخوپورہ 28، ٹوبہ میں 1 نیا کیس سامنے آگیا۔ کورونا وائرس سے اب تک کل 290 اموات ہو چکی ہیں۔ اب تک کل 180450 ٹیسٹ کیے جا چکے ہیں۔ ترجمان پرائمری اینڈ سیکنڈری ہیلتھ کئیر نے عوام سے گزارش کی ہے کہ حفاظتی تدابیر اختیار کرکے خود کو محفوظ بنائیں۔

لاہور(ویب ڈیسک) ایف آئی اے نے چینی اسکینڈل کا فرانزک آڈٹ مکمل کرلیا ہے جس میں ٹیکسوں کی مد میں اربوں روپے کے فراڈ کا انکشاف ہوا ہے۔ ذرائع کے مطابق ایف آئی اے نے چینی اسکینڈل کا فرانزک آڈٹ مکمل کرلیا، جس کی رپورٹ آئندہ چند روز میں وزیر اعظم عمران خان کو بھی بھجوا دی جائے گی، رپورٹ میں شوگر مل انتظامیہ کے بیانات بھی ریکارڈ کا حصہ بنائے گئے ہیں۔ایف آئی اے کے ذرائع کا کہنا ہے کہ کسی بھی اسکینڈل کی تحقیقات میں پہلی بار فرانزک اڈٹ کروایا گیا، جس میں بڑے بڑے انکشافات سامنے آئے ہیں، شوگر مافیا کا تعلق تمام بڑی سیاسی جماعتوں کے ساتھ ہے، یہ مافیا آج تک پالیسی ہی نہیں بنانے دے سکا، اسٹیٹ بینک اور مسابقتی کمیشن سمیت دیگر ادارے بھی ملوث ہیں، تحقیقات شروع ہوئی تو سب ایک ہوگئے، تحقیقاتی کمیشن کے کئی افسران کو سنگین نتائج کی دھمکیوں کے ساتھ ساتھ کروڑوں روپے کی پیشکش بھی کی گئی۔ذرائع کا کہنا ہے کہ شوگر مافیا کسانوں کا استحصال بھی کرتے ہیں، کسانوں سے گنا خریدنے کے بعد کئی کئی سال اربوں روپے کی ادائیگی نہیں کرتے، جس کی وجہ سے کسان مجبوری میں گنا فروخت کرتے ہیں۔ایف آئی اے ذرائع کا کہنا ہے کہ چینی بنانے کےعمل سے نکلنے والے بگاس پھوک شیرا، مولاسیسز اور گار کو فروخت کر کے اربوں روپے کمائے جاتے ہیں، گنے سے چینی کے علاوہ دیگر بننے والی مصنوعات کو بیرون ممالک بھی فروخت کیا جاتا رہا ہے، شوگر مل مالکان نے بھی چینی بنانے کے ساتھ ساتھ اس عمل کے دوران گنے سے بننے والی دیگر مصنوعات سے اربوں روپے کمائے لیکن ان اشیائ کی فروخت کا اکثر شوگر مل مالکان ریکارڈ ہی نہیں رکھتے، ان اشیائ کی فروخت پر ٹیکسوں کی مد میں اربوں کا فراڈ کیا جاتا ہے،فرانزک اڈٹ کے دوران شوگر مل مالکان کی جانب سے مختلف بینکوں میں ٹرپل اینٹریز بھی کی گئی جو ٹیکس چوری کی وجہ بنی۔ایف آئی اے ذرائع کا کہنا ہے کہ شوگر مافیا تمام اخراجات نکال کر بھی فی کلو 10 سے 15 روپے کماتے ہیں، شوگر مافیا کو سبڈی دینے کی ضرورت نہیں، جتنی سبسڈی دی جاتی ہے اگر حکومت خود امپورٹ کرے تو سستی چینی پڑتی ہے۔