لاہور (وئب ڈیسک) : مسلم لیگ ن کی نائب صدر اور سابق وزیراعظم نواز شریف کی صاحبزادی مریم نواز آج چودھری شوگر ملز کیس میں نیب کے سامنے پیش ہوئیں جہاں نیب کی تحقیقاتی ٹیم نے ان سے سوالات کیے۔ تاہم ذرائع کے مطابق نیب کے سامنے مریم نواز تسلی بخش جواب نہ دے سکیں۔ مریم نواز نیب آفس میں 40 منٹ تک رہیں۔ نیب نے ان سے سوال کیا کہ آپ کے اکاو¿نٹ میں 480 لاکھ ڈالر دبئی سے کیسے آئے؟ جس پر مریم نواز نے جواب دیا کہ مجھے نہیں پتہ۔آپ عباس شریف اور میاں شریف سے پوچھیں۔ جس پر نیب نے کہا کہ میان شریف اور عباس شریف تو فوت ہو چکے ہیں ، ان سے کیسے پوچھیں؟ نیب نے کہا کہ ہم نے آپ کو سمن بھیجا تھا آپ نے اس کا بھی کوئی جواب نہیں دیا جس پر مریم نواز نے کہا کہ مجھے زیادہ وقت چاہئیے۔نیب نے کہا کہ آپ کے ایک کروڑ کے شئیرز ہیں اور آپ کہہ رہی ہیں کہ آپ کو پتہ ہی نہیں ہے۔ مریم نواز نے نیب آفس میں فرمائش کی کہ میں کافی پینا چاہتی ہوں۔جس پر مریم نواز کو کافی پیش کی گئی۔ نیب کی جانب سے پو چھا گیا کہ چودھری شوگر ملز میں شیئر کی خریداری کیسے ہوئی ؟ مریم نواز نیب ٹیم کو دئیے گئے جوابات سے مطمئن نہ کر سکیں۔ نیب نے مریم نواز کو سوالنامہ دیتے ہوئے انہیں 8 اگست کو دوبارہ طلب کر لیا اور ریکارڈ بھی ساتھ لانے کی ہدایت کی۔ واضح رہے کہ نیب لاہور کی جانب سے مسلم لیگ ن کی نائب صدر مریم نواز اور ان کے بھائیوں حسن اور حسین نواز کو انکوائری کے لئے پہلی مرتبہ طلب کیا گیا ، شریف فیملی پر چودھری شوگر ملز کے ذریعے بذریعہ ٹی ٹی بیرون ملک رقم ٹرانسفر کرنے کا الزام ہے۔یوسف عباس اسی کیس میں نیب میں اپنا بیان ریکارڈ کروا چکے ہیں۔ نیب نے چودھری شوگر ملز کیس میں نواز شریف سے بھی جیل میں تحقیقات کا فیصلہ کر لیا اور اسی کیس میں شہباز شریف کو بھی جلد طلب کیے جانے کا امکان ہے۔

راولپنڈی:(ویب ڈیسک) ترجمان پاک فوج نے کہا ہے کہ بھارت مقبوضہ کشمیر میں ناکامی پر بوکھلاہٹ کا شکار ہے جس کا اظہار وہ کنٹرول لائن پر جنگ بندی کی خلاف ورزیوں سے کررہا ہے۔ڈی جی آئی ایس پی آر میجر جنرل آصف غفور نے ٹوئٹ کرتے ہوئے کہا کہ بھارت کی جانب سے سیز فائر کی بڑھتی خلاف ورزیاں مقبوضہ کشمیر میں اس کی ناکامی پر بوکھلاہٹ کا اظہار ہے، بھارت عام شہریوں کو جان بوجھ کر نشانہ بنا رہا ہے۔میجر جنرل آصف غفور نے کہا کہ پاک فوج بھارت کو جنگ بندی کی خلاف ورزیوں کا مو¿ثر جواب دے رہی ہے اور کنٹرول لائن کے ساتھ مقیم شہری آبادی کے تحفظ کیلئے ہر قدم اٹھائے گی۔واضح رہے کہ بھارت کی جانب سے لائن آف کنٹرول پر جنگ بندی معاہدے کی خلاف ورزیوں میں اضافہ ہوگیا ہے۔ رواں ماہ بھارتی فوج کی بلااشتعال فائرنگ سے خواتین اور بچوں سمیت متعدد عام شہری شہید اور درجنوں زخمی ہوچکے ہیں۔

اسلام آباد( محمد عاصم جیلانی )سینٹ کی قائمہ کمیٹی برائے کامرس اینڈ ٹیکسٹائل نے ماضی میں ہونے والے کھیوڑہ کے قیمتی نمک کی فروخت کے معاہدوں کا ریکارڈ مانگنے کا فیصلہ کر لیا، سینٹ کی قائمہ کمیٹی برائے کامرس اینڈ ٹیکسٹائل کے آئندہ اجلاس میں لیز ایگرےمنٹ کا ریکارڈ طلب کیا جائےگا اور ان معاہدوں میں کسی بھی قسم کے قانونی سقم یا ہیر پھیر کے انکشاف پر ان معاہدوں کا از سر نو جائزہ لیکر نئے معاہدے کیے جا سکتے ہیں۔ منگل کو ذرائع کے مطابق سینٹ کی قائمہ کمیٹی برائے کامرس اینڈ ٹیکسٹائل کے دس اگست کو متوقع اجلاس میں کھیوڑہ نمک کی فروخت کے معاہدوں بابت متعلقہ وزارت اور ذیلی اداروں سے ریکارڈ طلب کیا جائےگا تاکہ معلوم کیا جا سکے کہ کتنے لوگوں کو نمک فروخت کےلئے لیز ایگریمنٹ کیا گیا اور ان معاہدوں کو پرکھا جائےگا کہ آیا یہ سیاسی بنیادوں پر معاہدے کیے گئے اور ان معاہدوں کےلئے کیا طریقہ کار اپنایا گیا تھا اور ان معاہدوں سے حکومت کو فائدہ پہنچ رہا ہے یا متعلقہ ادارے خسارے کا شکار ہیں ذرائع کے مطابق اگر ان معاہدوں میں کسی بھی قسم کا کوئی قانونی سقم پایا گیا تو یہ معاہدے کینسل بھی کیے جا سکتے ہیں اور ان کا از سر نوجائزہ بھی لیا جا سکتا ہے۔”خبریں“ کے رابطہ کرنے پر سینٹ کی قائمہ کمیٹی برائے کامرس اینڈ ٹیکسٹائل کے چیئرمین مرزا محمد آفریدی نے کہا کہ دس اگست کو کمیٹی کے اجلاس میں نمک کے فروخت کے معاہدوں بارے حکام سے ریکارڈ طلب کرکے جانچ پڑتال کریں گے کہ یہ معاہدے آیا مقدار کے حساب سے کیے گئے ہیں یا لم سم کیے گئے ہیں اور ان معاہدوں کےلئے کیا ریٹ مقرر کیا گیا تھا اور کتنے افراد کے ساتھ یہ معاہدے کیے گئے ہیں ، متعلقہ حکام سے جواب ملنے کے بعد صورتحال اشکار ہو سکے گی جس کے بعد حتمی فیصلہ کیا جائےگا کہ آیا یہ معاہدے قانون کے مطابق ہوئے ہیں اور اس میں حکومت کو کوئی فائدہ ہو رہا ہے یا نہیں ، کسی بھی قسم کی پیچیدگی کی صورت میں ان معاہدوں کا از سر نو جائزہ لیا جا سکتا ہے ان کا کہنا تھا کہ میعاری اور بہترین نمک برآمد کرنے کےلئے فیکٹریاں اور ریفائنری لگانے کی ضرورت ہے او ر دنیا بھر میں میڈ ان پاکستان نمک کی فروخت کو یقینی بنانے کےلئے جغرافیائی انڈکیشن لا بنا کر اقدامات کرنے ہوں گے۔ بھارت کو ساڑھے سات روپے فی کلو کے حساب سے نمک فروخت کیا جا رہا ہے گزشتہ سال بھارت کو 2لاکھ 16ہزار ٹن نمک فروخت کیا گیا تھا اور اس سال بھارت میں درآمدی ڈیوٹی میں اضافہ کی وجہ سے ہماری ایکسپورٹ کم ہوئی اور صرف 96ہزار ٹن نمک ایکسپورٹ کیا گیا پاکستانی نمک دنیا بھر میں مشہور ہے لیکن افسوس کی بات ہے کہ بہتر سہولیات نہ ہونے کی وجہ سے معیاری اور بہترین میڈن ان پاکستان نمک فروخت کرنے میں ناکام ہیں ہمیں وائٹ ، کرسٹل اور گلابی نمک کے کوڈ بنانے چاہئے اور انہی کوڈ کے تحت مختلف قیمتوں کا تعین کرکے ایکسپورٹ کرنا چاہئے۔لاہور(نمائندہ خبریں)خبریں چینل ۵ کی خبر پر ایکشن کھیوڑہ اور دیگر نمک کی کانوں سے نکلنا والا قیمتی گلابی نمک جو کے دشمن ملک بھارت ہمارے ملک سے خرید کر دوسرے ممالک کو مہنگے داموں فروخت کرتا ہے خبریں میڈیا گروپ نے اس سنگین مسلہ کو نمایاں طور پر اجاگر کیا جسکے بعد حکومت سمیت پی ایم ڈی سی انتظامیہ بھی حرکت میں آگئی اور نمک کی سپلائی بند کر دی خبریں کی قمیتی گلابی نمک بچاو¿ مہم کو خوب سراہتے ہوئے حکومت پاکستا ن سے مطالبہ کیا ہے کہ کھیوڑہ سمیت سالٹ رینج میں موجود نمک کی کانوں سے نکلنے والے تین اقسام کے نمک کی تحقیقات کروائی جائیں کہ یہ نمک کتنا نکلتا ہے اور کہاں کہاں کس ریٹ پر اور کس قانون کے تحت جاتا ہے کیا نمک کی سپلائی پر حکومت پاکستا ن کو قانون کے مطابق ٹیکس کی ادائیگی ہوتی ہے اگر پرائیوٹ سیکٹر یا لوکل ڈیلر یہ نمک خرید کر آگے دوسرے شہروں اور ممالک میں سپلائی کرتے ہیں تو ان کا ریکارڈ چیک کروایا جائے اور باقاعدہ آڈٹ کروایا جائے تاکہ لاکھوں ٹن نمک کے زرمبادلہ کا اندازا لگایا جا سکے اور مبینہ طور پر کرپشن کرنے والے عناصر نمایاں طور پر سامنے آئیں اور جتنا ہوسکے ملک کو نمک سے زرمبادلہ میں فائدہ ہواور PMDC مکڑاچھ کی سالٹ مائینوں سے سخت ذہریلا پانی لگاتار 24 گھنٹے نکالا جا رہا ھے۔ مائینوں کے اندر سے ڈیزل انجن لگا کر ذہریلا پانی نکالا جا رہا ھے جو کے غیرقانونی ھے۔ جس سے علاقہ کے گاو¿ں گولپور، بھیلوال، ڈھوک جندر، ڈھری کلار، سروبہ تحصیل پنڈدادنخان ضلع جہلم کی زمین تباہ ھو رہی ہیں اور نمک کی سپلائی سے متلق جو جو بدعنوانیاں محکمہ میں ہو رہی ہیں انکی تحقیقات کروائی جائیں لوکل اور مقامی ڈیلروں کی کمپنیوں کی تحقیقات کروائی جائیں کہ یہ رجسٹرڈ ہیں بھی یا نہیں اور یہ کہاں کہاں اور کیسے نمک کی فروخت کر رہے ہیں اسکے علاوہ کھیوڑہ سالٹ مائن کھیوڑہ کے جو ٹھیکے افسران کی مبینہ ملی بھگت سے پرائیوٹ لوگوں کو دیئے گئے ہیں جو ماہانہ لاکھوں روپے کما رہے ہیں ان کی تحقیقات کروائیں تو بہت سے انکشافات اور کرپٹ عناصر سامنے آئیں گے جس سے حکومت کو ریونیوں کی مد میں زبردست منافع ہوگیا عوامی سماجی حلقوں نےوزیراعظم پاکستان وزیر اعلی پنجاب سے اپیل ھے کہ پی ایم ڈی سی میں مبینہ بدعنوانیوں کی تحقیقات کروائیں۔

ملتان (رپورٹ: عبدالستارقمر) پاکستان میں 9 ارب دس کروڑ ڈالر (1446 ارب 90 کروڑ روپے) مالیت کی صرف گیارہ اشیائ کی سمگلنگ ہوئی جس میں ہائی سپیڈ ڈیزل‘ پٹرول‘ وہیکلز‘ ٹائرز‘ چائے کی پتی‘ آٹو پارٹس‘ موبائل فون‘ گارمنٹس‘ سگریٹس‘ پلاسٹک گڈز‘ ایل سی ڈیز‘ سٹیل شیٹ شامل ہیں۔ صرف ان چند اشیائ کی سمگلنگ سے حکومت کو ریونیو کی مد میں 426 ارب 12 کروڑ روپے کا نقصان ہورہا ہے۔ ممبر کسٹمز ایف بی آر نثار محمد خان نے بتایا کہ اگر سمگل ہونے والی اشیائ کا دائرہ وسیع کردیا جائے تو اس کا حجم چار پانچ گنا بڑھ سکتا ہے۔ ایف بی آر کے ذرائع نے تسلیم کیا کہ وسیع پیمانے پر ہونے والی سمگلنگ ہائی پروفائیل سرکاری افسروں کی ملی بھگت کے بغیر ممکن ہی نہیں ہے۔ سمندری حدود میں سمگلنگ کی روک تھام کی ذمہ داری کوسٹ گارڈز کو دی ہوئی ہے مگر وہ ہمیشہ اپنے فرائض ادا کرنے میں ناکام رہے ہیں۔ سرحدی علاقوں میں فرنٹیئر کانسٹیبلری کو کسٹمز کے اختیارات بھی حاصل ہیں اور اس کے با وجود کروڑوں روپے مالیت کی روزانہ سمگلنگ ہورہی ہے۔ ایف بی آر کے ذرا ئع کا کہنا ہے کہ موجودہ حکومت نے آئی ایم ایف کے دبات پر جو نئے ٹیکس عائد کیے ہیں‘ موجودہ ٹیکسوں کی شرح میں اضافہ کیا ہے ان سے حاصل ہونے والے ریونیو دگنا ریونیو صرف گیارہ اشیائ کی سمگلنگ کو روک کر حاصل کیا جاسکتا ہے۔ لیکن سمگلنگ کی روک تھام میں ارکان پارلیمنٹ‘ سرحدی وزیر کے اعلیٰ افسران رکاوٹ ہیں۔ ماہرین معاشیات کا کہنا ہے کہ سمگلنگ کی روک تھام سے ٹیکس ٹو جی ڈی پی 3.9 فیصد سے بڑھ کر 15 فیصد ہوسکتا ہے۔ اس وقت پاکستان میں سمگلنگ کی شرح بھارت اور بنگلہ دیش سے زائد ہے۔ اس کی وجہ ایف بی آر کے افسران کا ملوث ہونا ہے۔

لاہور (شعیب بھٹی) سنگین سزائیں اور معاشرتی پھٹکار بھی جنسی درندوں کو نہیں رو ک سکی ہے۔ پنجاب بھر میں ہر ایک گھنٹے میں ایک خاتون کو زیا دتی کا نشانہ بنانے کی کو شش، ہر دو گھنٹے بعد ایک خاتون کے ساتھ زیادتی جبکہ ہر دوسرے روز کسی خاتون کو اجتماعی زیادتی کا نشانہ بنا یا جانے لگا ہے۔ پو لیس حکام کا دعو ی ٰ ہے کہ مذکورہ مقدمات کے تقر یباً50فیصد ملزمان کو گرفتار کرلیا ہے جبکہ 30فیصد مقد ما ت کے ملزما ن کو پولیس ٹریس نہ کر سکی ہے جبکہ 20 فیصد مقدمات کینسل ہوچکے ہیں۔ تفصیلات کے مطابق پنجاب بھر میں گزشتہ 6ما ہ کے دوران خواتین کے ساتھ اجتما عی زیا دتی کے 100 ، زیا دتی کے 2000جبکہ زیا دتی کی کوشش کے 4ہزا ر واقعا ت رو نما ہو ئے ہیں۔پو لیس کی جا نب تیار کی جانیوالی اس دستاویز کے مطابق پنجاب میںہر دوسرے روز کسی خاتون کو اجتما عی زیا دتی کا نشانہ بنا یا جا تا ہے ، روزانہ22 کے قر یب عورتیں جنسی حملوں کا شکار ہوتی ہیں جبکہ 11 خواتین کو پنجا ب بھر میں ایک روز میںزیا دتی کا نشانہ بنا یا جا تا ہے۔ پولیس کی جا نب سے بنا ئی گئی ر پو رٹ میں بنا یا گیا ہے کہ اجتما عی زیادتی کا نشانہ بنے والی20مقد ما ت تا حال ٹر یس نہ ہو سکے ہیں جبکہ 50مقد ما ت کے ملزمان کو گرفتا ر کر کے چا لان عدا لت بھیج دئےے ہیں جبکہ 15مقد ما ت کیسنل ہو چکے ہیں ، اسی طر ح زیادتی کو شش کر نے والے ملزما ن 50 کے قریب ملزما ن کو پو لیس تاحال ٹر یس نہ کر سکی ہے جبکہ 2ہزا ر کے قریب مقد ما ت کے ملزما ن کو گرفتا ر کر کے چا لا ن عدا لت بھیج دےئے ہیں، جبکہ 180کے قریب مقد ما ت کینسل ہو چکے ہیں۔ اسی طر ح زیا دتی کا نشانہ بنے والی خواتین کے 3سو کے قریب مقد ما ت ٹر یس نہ ہو سکے ہیں جبکہ 1ہزار مقد ما ت کے ملزمان کو گرفتار کرلیا ہے اور چا لا ن عدالت بھیج دیا گیا ہے جبکہ 2سے زائد مقدمات کیسنل ہو چکے ہیں۔

ملتان (عوامی رپورٹر) چولستان میں بہاول پور سے چند ہی کلو میٹر دور تک ”ٹڈی دل“ کے حملے میں شدت آگئی ہے۔ وفاقی اور صوبائی محکموں کی طرح سے جاری سرویلنس اور زرعی ادویات کا سپرے کرنے کے باوجود ”ٹڈی دل“ کنٹرول نہیں کیا جاسکا۔ ماہرین سرپکڑ کر بیٹھ گئے ہیں۔ گزشتہ شام ملنے والی اطلاعات اور رپورٹ کے مطابق قلعہ ڈیراور اس کے نواحی علاقوں میں ”ٹڈی دل“ نے درختوں اور چولستان میں سبزہ تباہی سے دوچار کردیا ہے۔ بجنوٹ اور بلوٹیا میں بھی ”ٹڈی دل“ سپرے کے باوجود کنٹرول نہیں کیا جاسکا۔ ذرائع نے بتایا ہے کہ قلعہ ڈیراور اور اس کے قریب کے علاقوں میں زرعی ادویات کا سپرے بے اثر ہو کر رہ گیا ہے۔ بتایا گیا ہے کہ مختلف کمپنیوں کی طرف سے ”ٹڈی دل“ کنٹرول کرنے کےلئے عطیہ دی گئی ادویات بے اثر ہو کر رہ گئی ہیں اور سرویلنس میں اپنا مقصد ختم کرچکی ہے۔ ماہرین اس سلسلے میں سر پکڑ کر بیٹھ گئے ہیں۔ چولستان میں حالیہ بارشوں میں ”ٹڈی دل“ کی افزائش مزید بڑھی ہے اور تمام تر کوششوں کے باوجود اسے کنٹرول نہیں کیا جاسکا۔ سرکاری ذرائع کے مطابق ملتان ابھی ”ٹڈی دل“ کے حملے سے محفوظ ہے۔ چولستان میں ”ٹڈی دل“ کے حملے میں شدت روہیلے بھی پریشانی سے دوچار ہوگئے ہیں۔ ”ٹڈی دل“ کے حملے سے متاثرہ علاقوں میں مویشیوں کےلئے خوراک تک ختم ہو کر رہ گئی ہے اور مویشی بھی بھوک کی وجہ سے مرنا شروع ہوگئے ہیں۔