اسلام آباد‘ لاہور (صباح نیوز‘ اے این این)ایف بی آر کے مطابق رمضان شوگر ملز نے بھی جعلی اکا?نٹس کے ذریعے کروڑوں روپے کی ٹرانزیکشنز کیں، ٹیکسی ڈرائیور کے نام پر جعلی اکا? نٹ بنایا گیا۔ ایف بی آر نے ٹیکسی ڈرائیور کو نوٹس جاری کر دیا۔نجی ٹی وی کے مطابق رمضان شوگر ملز نے ٹیکسی ڈرائیور عاقل عباسی کے نام پر بنائے گئے اکا? نٹ سے ٹرانزیکشن کی۔ جعلی اکا?نٹس سے ٹرانزیکشنز پر ایف بی آر نے ٹیکسی ڈرائیور کو نوٹس جاری کر دیا۔ ٹیکسی ڈرائیور سے کہا گیا کہ بتایا جائے آپ کے اکا?نٹ میں اتنے پیسے کہاں آئے؟۔دوسری جانب ٹیکسی ڈرائیور نے بتایاکہ رمضان شوگر ملز کا علم ہے نہ ہی کروڑوں کی ٹرانزیکشن سے کوئی تعلق ہے، اس کے نام سے اکا? نٹ کسی نے بنایا اور کیا ٹرانزیکشنز ہوتی رہیں، ان تمام معاملات کے بارے میں وہ کچھ نہیں جانتا۔ نیب کی جانب سے شریف فیملی کی مبینہ کرپشن اور منی لانڈرنگ کی تحقیقات میں اہم انکشافات سامنے آئے ہیں ذرائع کے مطابق منی لانڈرنگ میں غیر ملکی بنکوں کی برانچوں کے ملازمین کے ملوث ہونے کا بھی انکشاف ہوا ہے۔نیب لاہور نے سہولت کار بنک مینیجر کے خلاف تحقیقات شروع کر دی ہیں۔جو کہ شریف فیملی کے کالے دھن کو سفید دھن میں تبدیل کرتا تھا۔ عبدالقیوم غیر ملکی ترسیلات اپنے اکاو¿نٹ میں منتقل کر کے اسے وائٹ منی شو کرتا تھا۔نیب ذرائع کے مطابق عبد القیوم نے سرکلر روڈ برانچ میں حمزہ شہباز اور سلمان شہباز سمیت شریف فیملی کے دیگر لوگوں کے اکاو¿نٹ کھولے ہوئے تھے۔عبدالقیوم شریف فیملی کے ملازمین کے اکاو¿نٹس سے رقم حمزہ شہباز اور سلمان شہباز کے اکاو¿نٹ میں منتقل کرتا تھا۔نیب نے مذکورہ برانچ میں شریف فیملی کے اکاو¿نٹس کی مکمل تفصیلات حاصل کر لی ہیں۔نیب نے شریف فیملی کے ملازمین اور عبدالقیوم کو رو برو بٹھا کر تفتیش کرنے کا فیصلہ کیا ہے۔نیب ذرائع کے مطابق شریف خاندان نے منی لانڈنگ کے ذریعے 85 ارب کے غیر قانونی اثاثے بنائے۔ ذرائع کا دعویٰ ہے کہ شریف خاندان کے خلاف نیب کے پاس منی لانڈرنگ کے ثبوت موجود ہیں جن کی بنیاد پر حمزہ اور سلمان شہباز کے خلاف وارنٹ گرفتاری جاری کیے گئے۔ ذرائع کا مزید کہنا ہے کہ شریف خاندان منی لانڈرنگ میں ملوث ہے، شہباز شریف کے دور حکومت میں منی لانڈرنگ کی گئی۔جس کے ذریعے 85 ارب کے غیر قانونی اثاثے بنائے گئے۔شہباز شریف کے وزارت اعلیٰ کے دور میں حمزہ شہباز اور سلمان شہباز کے اثاثوں میں آٹھ ہزار گنا اضافہ ہوا۔ سلمان شہباز اس وقت تین ارب کے اثاثوں کے مالک ہیں۔ جبکہ حمزہ شہباز نے 2003ئ میں 2 کروڑکے اثاثے ظاہرکیے تھے، جس کے بعد شہباز شریف کے دور میں حمزہ شہباز کے اثاثوں میں 2 ہزار فیصد اضافہ ہوا۔ یہ دعویٰ بھی کیا گیا ہے کہ منی لانڈرنگ میں ملوث شریف خاندان کے قریبی ساتھیوں اور معاونین کو گرفتار کر لیا گیا ہے اور اس سلسلے میں مزید گرفتاریاں بھی متوقع ہیں۔ نیب کی زیر حراست موجود شریف خاندان کے قریبی ساتھیوں نے کرپشن اور منی لانڈرنگ کا اعتراف بھی کر لیا ہے۔

لاہور (مانیٹرنگ ڈیسک) مسلم لیگ ن کے نائب صدر، سابق وزیراعظم شاہد خاقان عباسی کا 6جون کو چینل ۵ پر نشر ہونے والا انٹرویو سینکڑوں ناظرین نے دیکھا۔ شاہد خاقان عباسی کا یہ طویل انٹرویو چیف ایڈیٹر خبریں ضیا شاہد نے کہا تھا جس میں ان سے ملکی سیاسی صورت حال اور بالخصوص ن لیگ کے آئندہ سیاسی لائحہ عمل بارے سوالات کئے۔ اس انٹرویو کو عوامی حلقوں میں بھرپور پذیرائی ملی جہاں اس انٹرویو کو چینل ۵ پر بڑی دلچسپی سے دیکھا گیا وہاں یوٹیوب پر بھی ناظرین نے بھرپور دلچسپی لی اور سینکڑوں کی تعداد میں ناظرین نے چینل ۵ پر سبکرائب کیا۔

لاہور (مانیٹرنگ ڈیسک)لیگل ایڈوائزر اشرف عاصمی نے کہا ہے کہ قصور میں محلے کی لڑکی رمشائ سے محبت اور شادی کے جرم میں نوجوان بلال پر لڑکی کے گھر والوں کی طرف سے جھوٹی ایف آئی آر کٹوا دی گئی موجودہ چیف جسٹس نے جیسے ہی عہدہ سنبھالا تو انہوں نے کہا تھا جھوٹی گواہیوں کے باعث ہمارا نظام عدل تباہ ہو گیا ہے ایسے لوگ فوری قابل سزا ہیں۔یہ کیس بھی جھوٹی گواہی کا شاخسانہ ہے۔ چینل فائیو کے پروگرام ہیومین رائٹس واچ میں گفتگو کرتے ہوئے انہوں نے کہا کہ ہماری شریعت میں تو پسند کی شادی کی ممانعت نہیں اس کیس میں پولیس فرنٹ مین بنی اور ایف آئی آر درج کر دی کہ نوجوان نے لڑکی کی چھوٹی بہن سے شادی کی جو نابالغ تھی مقدمے میں چھوٹی بہن کا نام بڑی سے تبدیل کیا گیا۔یہ بڑا المیہ ہے بات کچھ ہوتی ہے عدالتوں میں تفتیش میں ثابت کچھ کر دی جاتی ہے۔لڑکے پر زیادتی کی ایف آئی آر کاٹ دی گئی جبکہ جس لڑکی سے اس نے شادی کی تھی اس کی بغیر طلاق آگے شادی کر دی گئی جو شریعت کا مذاق ہے۔پولیس کے ساتھ عدالتی نظام بھی ذمہ دار ہے جو بڑا کمزور ہے۔عدالت کو گمراہ کرنے غلط تفتیش پر ذمہ دارااان کو پینل کورٹ سیکشن193 کے تحت سات سال قید ہو سکتی ہے۔یونین کونسل ،نکاح رجسٹرار یہ گورنمنٹ ریکارڈ کے محافظ ہوتے ہیں ان کے خلاف تواینٹی کرپشن،فراڈ ،جھوٹے معاملات پر ان کے خلاف پینل کورٹ میں مقدمہ چل سکتا ہے۔بغیر طلاق دوبارہ شادی داماد پر جھوٹا کیس بڑا گھنا?نا کھیل ہے۔ہمارا سسٹم ڈیڈ ہو گیا۔نکاح رجسٹرار چوبیس گھنٹے جیب میں مہریں رکھتے ہیں بغیر تحقیق کے نکاح ناموں پر مہر لگا کر پیسے بنا لیتے ہیں۔ عورت کی بغیر طلاق دوسری شادی زنا ہے بچے بھی ہوگئے۔دونوں لڑکیوں کے والدین ذمہ دار ہیں پولیس کو تو پیسے چاہئیں۔غربت کا یہ مطب نہیں بے غیرت بن جائیں۔مدعی کو چاہئے مجسٹریٹ اور اینٹی کرپشن میں درخواست دے۔انہوں نے کہا اصل علمائے کرام ایسے جعلی کام نہیں کرتے۔نادرا میں جعلی نکاح نامے،شناختی کارڈ بھی بن رہے ہیں۔72سال سے ہم معلق ہیں پاکستان فلاحی ریاست نہیں بن سکا۔ سینئر صحافی ضیائ شاہد نے کہا صرف پولیس ہی نہیں ہمارے لوگ بھی قابل اصلاح ہیں۔لڑکی کے گھر والوں نے لڑکی کی دوسری شادی بھی کر دی یہ سب کیا ہو رہا ہے آوے کا آوا ہی بگڑا ہوا ہے۔اس معاملے پر میں نے اپنی ٹیم کے انچارج کو دوبارہ تحقیقات کرنے کو کہا جس کے لئے انہوں نے ایک ہفتہ مزید لیا لیکن رزلٹ وہی نکلا یہ بڑا ظلم ہے پولیس کون ہوتی ہے لوگوں کے گھروں میں گھس کر نکاح تڑوائے اور پھر نکاح کرائے۔میں علمائ مساجد کا بڑا احترام کرتا ہوں بشرط وہ خود بھی اس قابل بنیں ایسے معاملات میں نکاح خواںپرلے درجے کا قانون شکن بن جاتا ہے۔جب میں جنگ میں ہوا کرتا تھا ایک دن خبر آئی اداکارہ انجمن نے شادی کر لی جب رپورٹر نے انجمن سے پوچھا تو انہوں نے کہا میری کوئی شادی نہیں ہوئی ہم نے خبر کے ساتھ نکاح نامہ چھاپ دیا بعد میں پتہ چلا جس نے شادی کرائی وہ جعلی شادیاں کرانے کا ماہر تھا۔حالانکہ خفیہ شادی کوئی شادی نہیں ہوتی یہ تو اعلانیہ ہوتی ہے یہ کیا بات ہوئی نکاح کا کوئی گواہ ہی نہ ہو صرف نکاح خواں ہی موجود ہو۔شرح تو صحیح کام پر مجبور کرتی ہے لیکن اسے جعلی شادیوں کا ذریعہ بنا دیا گیا۔پورا کیس لے کر وزیر قانون راجہ بشارت کے پاس جائیں انہوں نے کہا ہے ہیومین رائٹس واچ پروگرام میں جو کیس آئے گا اس پر کارروائی کروں گا۔چینل فائیو کے نمائندے سجاد انصاری نے بتایا کہ بلال نے تھانہ میں اپنے سسر کے خلاف نکاح پر نکاح کی درخواست دے دی ہے لیکن ابھی تک پولیس نے ایف آئی آر درج نہیں کی۔ٹی ایس آر عمران اور پولیس کی ملی بھگت سے یہ سارا معاملہ ہوا۔بلال نے بتایا میں نے اپنی بیوی کو طلاق نہیں دی اگر ایسا کرنا ہوتا تو ہائیکورٹ جا کر شادی کیوں کرتا۔میرے ساتھ زیادتی ہوئی نکاح کے جعلی کاغذات بنوائے گئے میں ساڑھے چار ماہ جیل میں رہا جب واپس آیا تو پتہ چلا بغیر طلاق میری بیوی کی شادی کہیں اور کر دی گئی۔میرے ساتھ انصاف کیا جائے۔ لڑکے کی ماں نے بتایا کہ میرے بیٹے کو سسرالیوں نے تھپڑ بھی مارے اس پر جھوٹا مقدمہ درج کرایا حکومت ہمیں ہر حال میں انصاف دے۔