لاہور(مانیٹرنگ ڈیسک)چینل فائیو کے تجزیوں اور تبصروں پر مشتمل پروگرام ”کالم نگار“میں گفتگو کرتے ہوئے تجزیہ کارعلامہ صدیق اظہرنے کہا ہے کہ تاریخ میں مارٹن لوتھر کنگ کے جیسے قوم سے خطاب کہ”آئی ڈریم“تاریخ کا حصہ ہیں، ہر ماہ قوم سے سیاسی خطاب موضوع سخن نہیں۔اپوزیشن کی جانب سے بجٹ پاس نہ ہونے دینے کے بعد کچھ ملاقاتیں یکایک ہوئیں۔ ایم کیو ایم کیساتھ گورنر سندھ کی ملاقات میں وعدہ کیا گیا کہ ایم کیو ایم کا ایک اور وزیر لیا جائے گا۔ وزیراعظم عمران خان سے چوہدری شجاعت کی دلچسپ ملاقات میں بجٹ سے پہلے ق لیگ کے تحفظات سامنے آئے اورمزید وزارتیں مانگی گئیں۔ پیپلزپارٹی واحد جماعت تھی جس نے بھٹو کے عہد میں پاکستانی عوام کو بحالی دی، پہلی مرتبہ ڈیڑھ سال میں قومی بینک تین گنا ہوئے،پہلی مرتبہ میٹرک تک تعلیم ، 100والی دوائی جنرک نیم دیکر 10کی کی گئی۔آج پیپلز پارٹی اور آصف زرداری ذوالفقار علی بھٹو کے مجرم ہیں۔ آصف زرداری نے اپنی تقریرمیں این آر او مانگا ہے ، انہوں نے کہاکہ حساب کتاب چھوڑو کب تک حسا ب کرتے رہو گے۔ آصف زرداری کی جائیدار کی لسٹ پڑھ کر بندہ کانوں کو ہاتھ لگاتا ہے۔ ن لیگ اور پیپلز پارٹی نے 30سال پاکستان میں خوفناک لوٹ مار کی ہے۔ہر سندھی کے چہرے پر غربت اور زرداری کی کرپشن کی داستان لکھی ہے۔میزبان تجزیہ کارآغا باقر نے کہاکہ وزیراعظم عمران خان کے قوم سے خطاب کے پیچھے دھواں ،دھوئیں کے پیچھے آگ اور چوہدری شجاعت کی حکومت وقت سے ملاقات ہمیشہ معنی خیز ہوتی ہے۔ ماضی میں وزرائے اعظم بہت کم خطاب کرتے تھے۔ہو سکتا ہے پیپلز پارٹی کے 2008ئ کے این آر او کے پیچھے کوئی سیاسی مصلحت ہو۔پاکستان کرکٹ ٹیم نے پاکستان کی واحد تفریح کو زحمت میں تبدیل کر دیا ہے۔تجزیہ کار خالد چوہدری کا کہنا تھا کہ ماضی کی نسبت موجودہ وزیراعظم کے خطابوں کا بازار لگتا ہے۔ایوب خان نے اپنے دور کے 10سال میں ایک درجن خطاب بھی نہیں کیے تھے۔ عمران خان کا قوم سے خطاب کھودا پہاڑ نکلا چوہا کے مترادف تھا۔سابق حکومتوں کیطرح موجودہ حکومت میں بھی کرپشن جاری ہے۔ پیپلز پارٹی نے عوام کو کچھ نہ دیا ہومگر سیاسی شعور دیا ہے۔ آج پنجاب اسمبلی میں قائد حزب اختلاف حمزہ شہباز نے بی بی شہید کی سالگرہ کا کیک کاٹا جوسیاسی مفاہمت کی نشانی ہے۔پاکستان خطرناک صورتحال سے دوچار ہے، عوام کے لیے اس ملک میں کچھ نہیں ہے۔پاکستان کرکٹ ٹیم کا مستقبل ہے انا للہ وانا الیہ راجعون۔عمران خان نے کرکٹ کو بھی سیاست سمجھتے ہیں۔ آئندہ مستقبل میں ون ڈے کرکٹ بھی ختم ہو جائے گا۔کالم نگار منور انجم نے کہا کہ وزیراعظم عمران خان کے قوم سے خطاب میں قوم کے لیے کوئی لائن نہیں تھی۔تمام کرپٹ لوگ انکے ساتھ حکومت میں بیٹھے ہیں۔ حکومت نے قانون سازی میں کوئی اصلاحات نہیں کیںجسکی وجہ اپوزیشن کو کونے میں لگانا ہے۔ موجودہ بجٹ عوام دوست نہیں ،تحریک انصاف اشرافیہ کی جماعت ہے۔ عمران خان کو سلیکٹ کر کے لایا گیا ہے جسکے پیچھے مقاصد کچھ اور ہیں۔ذوالفقار بھٹو اپنے فلسفے کیوجہ سے آج بھی زندہ ہیں۔آصف زرداری نے اسمبلی فلور پر کوئی این آر او نہیں مانگا انکی تقریر سے لگا آج بھی وہ صدر مملکت ہیں۔قوم کو عمران خان سے توقع تھی کہ کرکٹ کو بہتر سمت میں لیکر جائیں گے مگر قوم کو ٹیم نے مایوس کیا۔

لاہور(مانیٹرنگ ڈیسک)رہنما جماعت اسلامی لیاقت بلوچ نے چینل فائیو کے پروگرام نیوز ایٹ سیون میں گفتگو کرتے ہوئے کہا ہے کہ بطوراپوزیشن پارٹی ن لیگ کی پالیسی حکومت کی مخالفت کرنا ہے۔ عمران خان کی حکومت ضرور ہے مگر بہت سارے ریاستی معاملات انکے اپنے دائرہ اختیار میں نہیں آتے وگرنہ ایکطرف عمران خان اپنے ممبران سے کہاکہ میں چوروں کو پروڈکشن آرڈر نہیں دوںگا۔عجیب بات ہے کہ حکومت اب چوروں ،ڈاکو?ں کیساتھ بیٹھ کر معیثت کے میثاق اور اصلاح کی بات کررہی ہے جو لاحاصل ہے۔ اپوزیشن کے بجٹ نا منظورکے بیانیے کو سنجیدگی سے نہیں لینا چاہیئے تاہم حکومت کے اتحادیوں کی ناراضگی بجٹ منظوری کے لیے خطرناک ہوسکتی ہے۔جماعت اسلامی نے مہنگائی ، بے روزگاری اور آئی ایم ایف کی غلامی کیخلاف جدوجہد شروع کر دی ہے ، 23جون کو فیصل آباد میں عوامی مارچ ہوگا۔جماعت اسلامی ڈرائینگ روم کی سیاست نہیں کرتی۔ سینئر ماہر قانون عارف چوہدری نے کہا کہ نواز شریف نے ضمانت کے 6ہفتے علاج کی بجائے سیاست کی نظر کیے جسکی وجہ سے عدالت نے انکی مزید ضمانت کی درخواست مسترد کردی۔عدالتیں کیس کے میرٹ پر فیصلہ کرتی ہیں۔ حمزہ شہباز کو عدالت نے اپنی صوابدید پر ضمانت دی، جو اس سے پہلے کبھی نہیں ہوا۔ نواز شریف کے وکلائ کو اندازہ ہو گیا تھاکہ میرٹ پر انہیں ضمانت ملنے کی کوئی راہ نہیں ہے۔آصف زرداری کیخلاف منی لانڈرنگ اور جعلی اکا?نٹس کیس کے تانے بانے اکٹھے کرنے میں بہت وقت لگا ہے ، یہ کیس اپنے منطقی انجام کو پہنچے گا کیونکہ یہ کیس نیب پراسیکیوٹرز، حکومت اور آصف علی زرداری کے لیے بڑا چیلنج ہے۔ اس کیس میں آصف علی زرداری کو کلین چٹ مل جاتی ہے تو انصاف کے پورے نظام پر سوالیہ نشان ہوگا۔ تجزیہ کار جنرل (ر)امجد شعیب نے کہا کہ وزیراعظم اور وزیر خارجہ نے بھارتی وزیراعظم و وزیر خارجہ کو مبارکباد کا خط سفارتی آداب کے تحت لکھا تھا۔ بھارت نے خط کے جواب میں دنیا کی آنکھوںمیں دھول جھونکنے کے لیے لکھا ہے کہ ہم بھی امن اور خطے کی ترقی چاہتے ہیں مگر چاہتے ہیں مذاکرات کے لیے ماحول سازگار ہو اور دہشتگردی نہ ہو۔ بھارت اپنے پرانے موقف سے اب بھی نہیں ہٹا۔بھارتی پالیسی پاکستان دشمنی ہے، جسکی وجہ کشمیر، پانی، سرکریک اور پانی کا مسئلہ ہے جو بھارت اپنی مرضی کے مطابق حل کرنا چاہتا ہے۔پاکستان اپنے دفاع کے قابل ہے اسلیے وہ بھارت کی مرضی کے مطابق مسائل کا حل نہیں چاہتا۔ بھارت چاہتا ہے پاکستان کو اندرونی و معاشی طورپر اتنا کمزور کر دیا جائے کہ وہ مسئلہ کشمیر سمیت تمام مسائل بھول جائے۔ پاکستان بھارت کی طرح اسے دہشتگرد ملک قرار دینے کی کوشش نہیں کرتاجیسا کہ بھارت نے پاکستان کو بلیک لسٹ میں شامل کروانے کے لیے سرتوڑ کوشش کی ہے۔ امریکااپنی فوج اور بڑا بحری بیڑا لیکر آیا ہوا ہے اور عرب ممالک کو بتا رہا ہے کہ ہم یہاں آپکے تحفظ کے لیے آئے ہیںورنہ ایران آپکے تیل کے جہازوں کو تباہ کرتا رہے گا۔جبکہ تیل بردار جہازوں کی تباہی کا ذمہ دار ایران نہیں سی آئی اے اور امریکہ کی شیطانیت ہے۔امریکا اپنی فوج کا خرچہ بھی عرب ممالک سے لے گا مگر کام اپنے مقاصد کے لیے کرے گا

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ قرضوں کا اثر عوام پر پڑ رہا ہے جو بڑا تکلیف دہ ہے لیکن سوال یہ ہے کہ اب جو قرضے ہیں وہ واپس تو کرنے ہیں اور کسی نے کسی طرح سے ملک بھی چلانا ہے تو یہ جو جتنی بھی مشکلات آ رہی ہیں یہ ایک قدرتی امر ہے اور بہت ہی صبر و تحمل اور بہادری سے اس کا مقابلہ کرنے کی ضرورت ہے۔ چیئرمین ایف بی آر شبرزیدی کی طرف سے پریس کانفرنس کے حوالہ سے گفتگو کرتے ہوئے ضیا شاہد نے کہا کہ حکومت کو مزید عوام کو اعتماد میں لینا چاہئے اور جو اصل حقیقت بتا دینی چاہئے اور جتنی دیر یہ مشکلات چلیں گی لوگوں کو ان کا بھی ادراک ہونا چاہئے قومی اسمبلی کے اجلاس کے حوالے سے گفتگو کرتے ہوئے کہا کہ بجٹ تو عام طور پر یہ سلسلہ چلے گا۔ ق لیگ کے وفد کی وزیراعظم سے ملاقات کے بارے میں گفتگو کرتے ہوئے ضیا شاہد نے کہا کہ حلیف جماعتوں کے درمیان زیادہ سے زیادہ انڈر سٹینڈنگ ہونی چاہئے اس لئے کہ بجٹ کے سیشن میں عام طور پر بہت سے لوگ ناراض ہوتے ہیں پھر جو ناراض ہوتے ہیں جو کسی نہ کسی طریقے سے اپنی ناراضگی کا اظہار کرتے ہیں مسلم لیگ ق ایک بڑی حلیف جماعت ہے اور سپیکر پنجاب اسمبلی چودھری پرویز الٰہی ہیں اور چودھری شجاعت وہ وہاں گاڈ فادر کے طور پر مسلم لیگ ق کے موجود ہیں تو میں یہ سمجھتا ہوں کہ ان کی ملاقات نہ صرف گاہے بگائے ہوتی رہنی چاہئے چودھری شجاعت ملک کے وزیراعظم رہے ہیں کافی حکومت میں وہ وزارتوں میں رہے ہیں میں سمجھتا ہوں کہ ان تجربات سے فائدہ اٹھایا جا سکتا ہے۔ امیر قطر کی آمد کے حوالے سے بات کرتے ہوئے ضیا شاہد نے کہا کہ اس وقت پاکستان میں جو معاشی بحران ہے اس کے پیش نظر قطر کی طرف 22 ارب کی پیش کش بڑی اہم ہے اتنی انویسٹمنٹ کے نتیجے میں ملازمتیں بھی آئیں گی اور کاروبار بھی کھلیں گے اس لئے کہ سعودی عرب نے جو تعداد بتائی تھی اب تک عملاً اتنی انویسٹمنٹ پاکستان میں آئی نہیں۔ اعلانات ضرور ہوئے تھے مگر شروعات نہیں ہوئی۔ اگر قطر سے سرمایہ کاری پہلے شروع ہو جائے تو فوری طور پر اس کے اثرات سامنے آ سکتتے ہیں ضیا شاہد نے کہا کہ پروڈکشن آرڈر ایک آئینی قدم ہے اور ایک قانونی سہولت ہے کہ اگر کوئی ممبر قومی اسمبلی یا صوبائی اسمبلی جیل میں ہے تو بھی اسے بجٹ سیشن میں یا اسمبلی کی کارروائی میں حصہ لینے کے لئے پروڈکشن آرڈر دیا جائے لیکن یہ سوال یہ ہے کہ اس ممبر کو بھی تو ثابت کرنا پڑے گا کہ جو سہولت اسے دی گئی کیا اس سہولت کے پیش نظر اس نے بحث میں حصہ لیا وہ کوئی جو بھی زیر بحث ایشو چل رہا ہے اس میں اس نے کیا حصہ لیا اگر وہ بحث میں حصہ نہیں لیتا تو اگر وہ 5 یا 7 منٹ تقریر کر کے یا فرض کیجئے کہ 2، 2½ گھنٹے کی تقریر کر کے بیٹھ جاتا ہے تو پھر اس کے پروڈکشن آرڈر کا فائدہ تو تب ہے کہ ایک رکن اسمبلی کی حیثیت سے فائدہ اٹھایا جائے سوال یہ ہے کہ اس سے کیا فائدہ ہوا شہباز شریف کے آنے سے کیا فائدہ ہوا حمزہ شہباز کے آنے سے کیا فائدہ ہوا اور اب سعد رفیق کے آنے سے کیا فائدہ ہوا۔ سعد رفیق نے تو ابھی اسمبلی میں تقریر ہی نہیں کی فواد چودھری کا بیان سامنے آیا ہے کہ نحیب احتساب نہیں کر رہا احتساب ہم کر رہے ہیں یعنی حکومت بار بار کہہ رہی ہے کہ نیب احتساب کر رہی ہے ہمارا احتساب سے کوئی تعلق نہیں ہے۔ نیب نے کہا ہے کہ فواد چودھری کے بیان کی مصدقہ نقول نکال کر ان کے خلاف کارروائی کی جائے۔ اگر کوئی رکن اسمبلی جو پروڈکشن آرڈر پر اسمبلی میں آیا ہے تو اس نے بجٹ پر بحث کوئی تجاویز دی ہیں یا حصہ ڈالا ہے تو ٹھیک ہے ورنہ اگر اس نے اپنی حکومت کی تعریفیں کر دی ہیں اور موجودہ حکومت کو برا بھلا کہہ دیا ہے اس کے بعد وہ چھپ کر بیٹھ گیا ہے باقی وقت میں وہ آرام کرتا ہے گپ شپ لگاتا ہے سیاسی جوڑ توڑ کرتا ہے تو یہ تو اس قانون کا منشائ نہیں ہے اور اس قانون کے ساتھ زیادتی ہو رہی ہے۔ یہ ثابت کرنا پڑے گا کہ پروڈکشن آرڈر پر آئے ہوئے ارکان اسمبلی کو یہ ثابت کرنا پڑے گا کہ ان کی آمد ضروری تھی۔ کیا سائنس اور ٹیکنالوجی کی وزارت کا صرف ایک ہی سنتا رہ گیا تھا کہ چاند کے معاملے وک کھنگالا جائے کیا سائنس اور ٹیکنالوجی کی ضرورت اس لئے تھی کہ چاند کا معاملہ حل کیا جائے جب سے فواد چودھری صاحب سائنس و ٹیکنالوجی کے وزیر بنے ہیں انہوں نے کیا حصہ ڈالا ہے۔ میں نے آج سے کئی سال پہلے گوبر سے بجلی بنانے کے حوالے سے تجاویز دی تھیں۔ آج لوگ اصل چیزوں کی طرف توجہ نہیں دیتا۔ دوسری چیزوں کی طرف توجہ دی جاتی ہے۔ضیا شاہد نے کہا کہ نوازشریف کے بارے میں 3 دن سے ایک اور خبر آ رہی ہے کہ گھیرا مزید تنگ ہو گیا اور اس میں یہ آ گیا کہ ان پر سیاسی ملاقاتوں پر پابندی آ گئی۔ جب سے میں نے ہوش سنبھالا ہے میں نے کبھی کسی قیدی کو سیاست کرتے نہیں دیکھا۔ یہ پہلی مرتبہ ہوا ہے کہ ایک شخص کو سزا ہو چکی ہے اور سزا بھی اخلاقی جرم میں ہوتی ہے یعنی وہ سیاسی جرم میں نہیں ہوئی اخلاقی جرم میں ہوئی ہے اور سیاست کر رہے ہیں وہ ملاقات کر رہے ہیں وہ اپوزیشن کی تحریک چلانے کی باتیں کر رہے ہیں گھر کے لوگ مل رہے ہیں۔ ابھی جوان ہمارے دوست سابق وزیر قانون پنجاب رانا ثنائ اللہ ان کو ملنے گئے تھے بھئی وہ کسی مسئلے پر مشورہ کرنے گئے تھے۔ جب وہ اپنی پارٹی کے چیف نہیں رہے جب قانونی طور پر ان کو منع کر دیا گیا ہے آپ سیاست نہیں کر سکتے تو پھر ان سے کس بات کا مشورہ کر رہے ہیں۔

اسلام آباد(ویب ڈیسک) پاکستان ممکنہ طور پر ایف اے ٹی ایف (فنانشنل ایکشن ٹاسک فورس) کی بلیک لسٹ میں جانے سے بچ گیا۔بھارت کی پاکستان کو معاشی نقصان پہنچانے کی کوششیں ناکام ہوگئی۔ پاکستان ایف اے ٹی ایف (فنانشنل ایکشن ٹاسک فورس) کی بلیک لسٹ سے بچ گیا ہے۔ پاکستان نے ایف اے ٹی ایف کی بلیک لسٹ سے بچانے کیلئے تین اہم دوست ممالک ترکی، چین اور ملائیشیا کی حمایت حاصل کرلی ہے اور بھارت کا راستہ روکنے کیلئے جارحانہ سفارتکاری اپنائی گئی۔چند روز قبل ایف اے ٹی ایف اجلاس میں بھارت کی پاکستان کو بلیک لسٹ کرنے کی قرارداد چین، ترکی اور ملائیشیا نے روک دی تھی۔ موجودہ اجلاس میں پاکستان کے بلیک لسٹ میں جانے کے امکانات کم ہیں۔ اگر پاکستان کو اس اجلاس میں بلیک لسٹ کیا جاتا ہے تواقتصادی پابندیاں اس اجلاس میں نہیں لگائی جائیں گی۔فنانشنل ایکشن ٹاسک فورس کی جانب سے پاکستان کو بلیک لسٹ میں ڈالنے یا نہ ڈالنے سے متعلق حتمی اعلان اکتوبر میں کیا جائے گا۔پاکستان ایف اے ٹی ایف کی نظرمیں جون 2018 سے ہے، جب ملک کے مالی نظام اورسیکیورٹی میکانزم کی تشخیص کے بعد دہشت گردی کی مالی معاونت اورمنی لانڈرنگ کے خدشات کی بنا پر اسے ‘گرے لسٹ’ میں ڈالا گیا تھا۔