لاہور (ویب ڈیسک)وفاقی وزیر ریلوے شیخ رشید احمد کی سربراہی میں ریلوے میوگارڈنز لاہورمیں چھٹی کے روز اہم اجلاس ہوا۔ جس میں ریلوے کے تمام اعلیٰ افسران نے شرکت کی۔ اجلاس میں رائل پام کنٹری کلب کے تفصیلی فیصلے کی روشنی میں ایک مینجمنٹ کمیٹی تشکیل دی گئی جس کی سربراہی سیکرٹری / چیئرمین ریلویز سکندر سلطان راجہ کریں گے دیگر ممبران میں چیف ایگزیکٹوآفیسرپاکستان ریلویز محمد آفتاب اکبر، ایڈیشنل جنرل منیجر ٹریفک زبیر شفیع غوری، ایڈیشنل جنرل منیجر مکینیکل اعجاز احمد بروڑو، ایڈیشنل جنرل منیجر انفراسٹرکچر دوست علی لغاری، ممبر فنانس منظور اختر، انسپکٹر جنرل ریلوے پولیس واجد ضیائ، ڈویژنل سپرنٹنڈنٹ لاہور میاں عام نثار اور ڈائریکٹر پراپرٹی اینڈ لینڈ ہیں۔ یہ کمیٹی سپریم کورٹ آف پاکستان کے احکامات کی روشنی میں رائل پام کے معاملات کو دیکھے گی۔ وزیر ریلوے شیخ رشید احمد کا کہنا ہے کہ رائل پام کنٹری کلب پر تشکیل دی گئی 9 رکنی کمیٹی 90 دن کے اندر اندر انٹرنیشنل ٹینڈر دے گی یہ ایسا ٹینڈر ہوگا جس کو دنیا دیکھے گی۔انہوں نے مزید کہا کہ رائل پام کا فیصلہ ریلوے کی تاریخ کا ایک اہم فیصلہ ہے جس سے باقی قبضہ مافیا کو بھی ایک کلیئر پیغام جاتا ہے کہ ریلوے اپنی زمین پر کسی قسم کا قبضہ برداشت نہیں کرے گا۔ ریلوے کی یہ مذکورہ کمیٹی سپریم کورٹ آف پاکستان کے حکم کے مطابق رائل پام کا قبضہ فرگوسن کمپنی سے 7 دن کے اندر حاصل کرے گی۔ فرگوسن کمپنی اور پاکستان ریلوے ہر طرح کے فرانزک آڈٹ کے لیے آڈیٹر جنرل آف پاکستان کے دفتر کو مدد فراہم کریں گے۔ کلب کی سرگرمیاں معمول کے مطابق چلیں گی کسی کی ممبر شپ کو کینسل نہیں کیا جائے گا۔ وفاقی وزیر ریلوے شیخ رشید احمد نے جوہر ٹاﺅن ایکسپوسینٹر میں چیمبر آف کامرس گوجرانوالہ کی طرف سے لگائے گئے سٹالز کا وزٹ کرنے کے بعد صحافیوں سے گفتگوکرتے ہوئے کہا کہ ریلوے، پی آئی اے اور لاتعداد ادارے خسارے میں ہیں ان حالات میں بھی ہم نے بجٹ پاس کیا ہے۔ ریلوے کی قائمہ کمیٹی کا اجلاس 5 اور 8 جولائی کو بھی رکھا گیا ہے لیکن ایجنڈ ایک ہی ہے اور اس سے ریلوے کو ڈیڑھ کروڑ روپے کا نقصان ہوگا میں اس حوالے سے سپیکر قومی اسمبلی سے بات کروں گا۔ انہوں نے مزید کہا کہ 2 تاریخ کو راولپنڈی ریلوے اسٹیشن پر قوم کے سامنے ریلوے کا بجٹ پیش کریں گے۔ 24 اگست کو بطور وزیر میرا ایک سال مکمل ہوجائے گا۔ 18 سال کے بعد ہم نے رائل پام کا کیس جیتا ہے 11 اپریل کو میں نے یہ کیس دائر کیاتھا اور خود سپریم کورٹ میں اس کیس کے لیے پیش ہوا۔ تمام قبضہ گروپ 60 دن کے اندر اندر ریلوے میں اپنے پیسے جمع کروادیں۔ اللہ کی مدد سے اور سپریم کورٹ آف پاکستان کے آرڈر سے اگر شیخ رشید کے سی آر کے 42 میں سے 36 کلومیٹر خالی کرواسکتاہے تو ریلوے کا ایک ایک قبضہ بھی واپس لے سکتاہے۔ تمام لوگوں کو 90 دن کی چھوٹ دیتا ہوں کہ وہ ریلوے سے اپنے اکاﺅنٹ کلیئر کرلیں اور متعلقہ افسران کو بھی ہدایات کی ہیں کہ اگر آپ نے تمام لیزکو کلیئر نہ کیا تو آپ کو بھی پوسٹ سے فارغ کردیاجائے گا۔ پسنجر ٹرینوں کے ٹارگٹ پر بات کرتے ہوئے وفاقی وزیر ریلویز نے کہا کہ 3 تاریخ کو وزیراعظم پاکستان عمران خان سرسید ایکسپریس کا افتتاح کریں گے جس سے 34 پسنجر ٹرینوں کا ٹارگٹ پورا ہوجائے گااور اس کے بعد پسنجر کی کوئی ٹرین نہیں چلائیں گے۔ اب ٹرینوں اور ٹریک کواپ گریڈ/ بہترکریں گے اور 6 فریٹ ٹرینیں چلائیں گے۔میں نے تمام ریلوے افسران کو ہدایت کی ہے کہ فریٹ ڈیپارٹمنٹ کولاہورسے کراچی شفٹ کردیاجائے کیونکہ لاہور سے زیادہ اس کی کراچی میں ضرورت ہے۔ انہوں نے مزید کہا کہ لوگ کہتے ہیں کہ ریلوے میں ہم نے آمدن نہیں بڑھائی 2 تاریخ کو آپکو پتہ لگ جائے گا۔ اربوں روپے کا خسارہ کم کریں گے اور پانچ سال میں ریلوے کو خسارے سے پاک کریں گے۔ نئی پسنجر ٹرینوں اور فریٹ ٹرینوں کے ٹینڈرلگا دیئے ہیں اس سے پہلے یہ کمیشن خور سنگل ٹینڈر کرتے تھے اور اپنی پارٹیوں کو نوازتے تھے انہوں نے اپنی پارٹیوں کو ہوپر ویگنز اور لوکوموٹیوز کے ٹینڈر دیئے ہیں جب تک میں وزیر ہوں ایک بھی سنگل ٹینڈر نہیں ہوگا۔
Monthly Archives: June 2019
ایمنسٹی اسکیم کا آخری دن، 1575 ارب روپے کے اثاثے ظاہر
اسلام آباد(ویب ڈیسک) ملک اور بیرون ملک اثاثے ظاہر کرنے کے حوالے سے حکومتی ایمنسٹی اسکیم کا آج آخری روز ہے اور اس دوران 35 ہزار افراد نے 1575 ارب روپے کے اثاثے ظاہر کئے ہیں۔حکومت نے عوام کے لیے ان کے اندرون اور بیرون ملک بے نامی اثاثے ظاہر کرنے کے لیے ایمنسٹی اسکیم جاری کی تھی جس کا آخری دن 30 جون کو مقرر رکھا گیا تھا۔ ایف بی آر کے تمام دفاتر آج رات 11 بجے تک کھلے رہیں گے تمام ٹیکس گزار ٹیکسز ، ڈیوٹیز اور گوشوارے جمع کرا سکتے ہیں۔آخری تین دنوں میں اثاثہ جات ظاہر کرنے والے درخواست گزاروں کی تعداد میں بے پناہ اضافہ ہوا ہے جس کے باعث ایف بی آر کے آن لائن پورٹل پر شدید دباو¿ کی وجہ متعدد صارفین کو اثاثے ظاہر کرنے میں شدید مشکلات کا سامنا ہے۔ ہزاروں افراد اپنے ٹیکس ریٹرن فائل نہیں کراسکے۔تاجروں ، سرمایہ کاروں اور صنعتکاروں کی جانب سے ٹیکس ایمنسٹی کی مدت میں 3 ماہ توسیع کا مطالبہ کیا جارہا ہے جس بارے حتمی فیصلہ آج رات تک متوقع ہے تاہم ایف بی آر کا کہنا ہے کہ وزیراعظم کی جانب سے ابھی تک ایمنسٹی اسکیم کی معیاد میں توسیع بارے کوئی ہدایات موصول نہیں ہوئی ہیں اور آئی ایم ایف بھی ایمنسٹی اسکیم میں توسیع کے حق میں ہے۔فیڈرل بورڈ آف ریونیو کو ٹیکس ایمنسٹی اسکیم سے اب تک 35 ہزار لوگوں کی جانب سے 1575 ارب روپے کے اثاثے ظاہر کرکے مجموعی طور پر 34 ارب روپے کا اضافی ریونیو ملا ہے۔ اس کے باوجود وفاقی ادارہ جون کے مہینے کے دوران اب تک کل350ارب روپے کی ٹیکس وصولیاں ہی کرپایا ہے اورابھی بھی اسے ریونیو شارٹ فال کا خطرہ ہے جس کے باعث ایف بی آر کے لئے رواں مالی سال کے لئے مقرر کردہ 4398 ارب روپے کی ٹیکس وصولیوں کا ہدف حاصل کرنا ناممکن ہے۔ایف بی آر ذرائع کا کہنا ہے اس ایمنسٹی اسکیم میں دولت اور اثاثے ظاہر کرنے ساتھ ٹیکس جمع کروانا لازمی نہیں، اثاثے ظاہر کرکے پورے سال کے دوران ٹیکس جمع کروایا جاسکتا ہے تاہم اس کے لئے انہیں جرمانہ ادا کرنا ہوگا لہذا اگر اس ایمنسٹی کے ساتھ زیادہ ریونیو نہیں آتا تو وہ کوئی زیادہ مسئلہ نہیں ہے کیونکہ وہ آنے والے مہینوں میں آجائے گا البتہ جو اثاثے اور دولت ظاہر ہوگی اس سے ملکی معیشت کو دستاویزی بنانے میں مدد ملے گی جس سے فارمل و قانونی اکانومی کا حجم بڑھے گا اور اقتصادی سرگرمیاں تیز ہوں گی۔دوسری جانب فیڈرل بورڈ آف ریونیو(ایف بی آر) نے واضح کیا ہے کہ ظاہر شدہ اثاثے کسی دوسرے قانون کے تحت قانونی کارروائی یا جرمانے کے لئے بطورشہادت استعمال نہیں ہوسکتیں۔چیئرمین ایف بی آر سید محمد شبیر زیدی نے وضاحت کی ہے کہ ایسیٹس ڈکلیریشن آرڈینینس2019 کے سیکشن 1 کے تحت ظاہر شدہ اثاثے ظاہر کنندہ کے خلاف کسی بھی دوسرے قانون کے تحت قانونی کارروائی یا جرمانے کے لئے بطور شہادت استعمال نہیں ہو سکتے۔
وزیراعظم سے ملاقات کرنے والے لیگی ارکان اسمبلی کے نام منظرعام پر آگئے
لاہور(ویب ڈیسک) وزیراعظم عمران خان سے ملاقات کرنے والے مسلم لیگ (ن) کے اراکین کے نام سامنے آگئے جب کہ سابق لیگی رکن اسمبلی یونس انصاری نے دعویٰ کیا ہے کہ ان کی قیادت میں 15 ایم پی ایز اور 5 ایم این ایز نے وزیراعظم عمران خان سے ملاقات کی ہے۔ذرائع کے مطابق وزیراعظم عمران خان سے ملاقات کرنے والے 11 لیگی اراکین میں غیاث الدین، شعیب اویسی، چوہدری اشرف انصاری، فیصل خان نیازی، غلام قاسم ہنجرا، محمد ارشد، اظہر چانڈیہ، غضنفر لنگاہ، جلیل احمد شرقپور، نشاط احمد خان ڈاہا شامل تھے۔سابق لیگی رہنما اور آزاد حیثیت سے انتخابات میں کامیاب ہونے والے رکن صوبائی اسمبلی یونس انصاری نے کہا کہ مسلم لیگ (ن) کے ممبران اسمبلی نے میری قیادت میں عمران خان سے ملاقات کی اور جلد ہی پارٹی کے سندھ کے بڑے گروپ کی وزیر اعظم سے ملاقات کرائی جائے گی۔یونس انصاری کا کہنا تھا کہ شہباز شریف نااہل سیاستدان ہیں، جنھیں اپنے گھر کی خبر نہیں، اقبال گوجر نے انہیں مسلم لیگ (ن) میں واپسی کی دعوت دی جو ٹھکرا دی تھی۔ذرائع کے مطابق وزیراعظم عمران خان سے ملنے والوں میں سابق لیگی رکن اسمبلی یونس انصاری کے بھائی ایم پی اے اشرف انصاری بھی شامل تھے۔ دوسری جانب لیگی رکن صوبائی اسمبلی مولانا غیاث الدین کا کہنا ہے کہ عمران خان سے میں اور جلیل شرقپوری اپنے حلقے کے مسائل بارے ملے تھے تاہم میں مسلم لیگ (ن) میں ہی ہوں۔
برطانوی شہزادہ ولیم اور کیٹ میڈلٹن پاکستان آئیں گے
اسلام آباد(ویب ڈیسک) برطانوی شہزادہ ولیم اپنی اہلیہ کیٹ میڈلٹن کے ہمراہ رواں سال پاکستان کا دورہ کریں گے اور یہ شاہی خاندان کے کسی بھی فرد کا 13سال بعد اس ملک کا پہلا دورہ ہے۔کنگسٹن پیلس کے مطابق دورہ برطانوی وزارت خارجہ کی درخواست پر کیا جا رہا ہے۔بیان میں کہا گیا ہے کہ شاہی جوڑے کا دورہ رواں برس خزاں میں متوقع ہے اور اس سے قبل شاہی خاندان کے افراد کو ایک ہفتے تک خاص ماحول میں رہنے تربیت بھی دی جائے گی۔لندن میں پاکستانی ہائی کمشر نفیس زکریا نے اس دورے کا خیر مقدم کرتے ہوئے کہا ہے کہ شہزادہ ولیم اور کیٹ میڈلٹن کا دورہ دونوں ممالک کے گہرے اور مضبوط تعلقات کی عکاسی ہے۔اس سے قبل 2006 میں بدترین دہشت گردی کے باوجود شہزادہ چارلس اور ان کی اہلیہ کمیلا پارکر بھی پاکستان آئے تھے۔ انہوں نے اسلام آباد اور ان علاقوں کا دورہ کیا جو
2005 کے زلزلے نے تباہ ہو گئے تھے۔ملکہ برطانیہ نے 1961 اور1997 میں پاکستان کے دورے کیے جب کہ شہزادی ڈیانا نے بھی 1991 میں پاکستان کا دورہ کیا تھا۔
امریکی صدر کا ہواوے موبائل کے حوالے سے بڑا فیصلہ
اوساکا(ویب ڈیسک) صدر ڈونلڈ ٹرمپ نے امریکی کمپنیوں پر ہواوے کو آلات اور ٹیکنالوجیز فروخت کرنے پر عائد پابندی کو ختم کردیا۔بین الاقوامی خبر رساں ادارے کے مطابق جاپان کے شہر اوساکا میں جی-20 سمٹ کے دوران امریکی صدر کی چینی ہم منصب کے ساتھ ملاقات میں اہم پیشرفت سامنے آئی ہیں۔ دونوں ممالک کے درمیان تلخیاں ختم ہوگئیں اور ہواوے موبائل کے مستقبل کے حوالے سے بھی اہم فیصلہ کیا گیا۔صدر ٹرمپ نے امریکی کمپنیوں کو چینی موبائل کمپنی ہواوے موبائلز کو اپنی مصنوعات فروخت کرنے کی اجازت دیتے ہوئے کہا کہ دراصل یہ امریکی کمپنیاں ہی ہیں جنہوں نے ہواوے موبائل کو معروف پروڈکٹ بنایا۔قبل ازیں ہواوے اپنی مصنوعات کی تیاری کے لیے اہم آلات اور ٹیکنالوجیز امریکی کمپنیوں سے خریدا کرتی تھی، امریکی صدر نے کینیڈا میں ہواوے کمپنی کی ایگزیکیٹو پر جاسوسی کا الزام عائد کرے امریکی کمپنیوں کو ہواوے کوآلات فروخت کرنے پر پابندی لگادی تھی۔علاوہ ازیں امریکا نے ہواوے کی 5-جی ٹیکنالوجی کو ملکی سیکیورٹی کے لیے خطرہ قرار دیتے ہوئے پابندی عائد کرنے کی عالمی مہم بھی چلائی تھی جس کے باعث ہواوے کو پریشانی کا سامنا تھا اور اس نے اینڈرائیڈ کے متبادل کے طور سافٹ متعارف کرانے کا بھی اعلان کیا تھا۔
’اقتدار کے بغیر ایسے تڑپ رہے ہیں جیسے پانی کے بغیرمچھلی‘
اسلام آباد(ویب ڈیسک) وزیراعظم پاکستان عمران خان کی معاون خصوصی برائے اطلاعات و نشریات فردوس عاشق اعوان نے اپوزیشن جماعتوں کو پانی کے بغیر تڑپنے والی مچھلی سے تشبیہ دے دی ہے۔سماجی رابطوں کی ویب سائٹ پر اپنے ٹویٹ میں انہوں نے کہا کہ یہ لوگ 10 ماہ اقتدار کے بغیر نہیں گزار سکتے؟اقتدار کے بغیر ایسے تڑپ رہے ہیں جیسے مچھلی پانی کے بغیر۔ اپنے دور میں میں آئینی مدت پوری کرنے کی حمایت کرنے والے آج کس منہ سے مڈ ٹرم انتخابات کی بات کر رہے ہیں؟یہ لوگ 10 ماہ اقتدار کے بغیر نہیں گزار سکتے؟اقتدار کے بغیر ایسے تڑپ رہے ہیں جیسے مچھلی پانی کے بغیر۔اب انہیں چار سال ایسے ہی تڑپنا ہوگا۔معاون خصوصی نے کہا کہ اقتدار کی پیچ پر لگاتار کھیلنے والوں کو سرکاری وسائل کے بغیر رہنے کی اب عادت ڈالنا ہوگی۔ اب انہیں چار سال ایسے ہی تڑپنا ہوگا۔ اپنے دور میں میں آئینی مدت پوری کرنے کی حمایت کرنے والے آج کس منہ سے مڈ ٹرم انتخابات کی بات کر رہے ہیں؟یہ لوگ 10 ماہ اقتدار کے بغیر نہیں گزار سکتے؟اقتدار کے بغیر ایسے تڑپ رہے ہیں جیسے مچھلی پانی کے بغیر۔اب انہیں چار سال ایسے ہی تڑپنا ہوگا۔اقتدار کی پچ پر لگاتار کھیلنے والوں کو سرکاری وسائل کے بغیر رہنے کی اب عادت ڈالنا ہوگی۔فرودس عاشق اعوان نے اتوار کی صبح کیے گئے دو ٹویٹس میں حزب اختلاف کی جماعتوں کو کڑی تنقید کا نشانہ بناتے ہوئے سوال اٹھایا کہ اپنے دور میں آئینی مدت پوری کرنے کی حمایت کرنے والے آج کس منہ سے وسط مدتی انتخابات کی بات کر رہے ہیں۔خیال رہے کہ گزشتہ روز قومی اسمبلی میں قائد حزب اختلاف شہباز شریف نے کہا تھا کہ معیشت کو لگی بیماری کا علاج ایوان میں تبدیلی نہیں بلکہ نئے انتخابات ہیں۔شہباز شریف کے وسط مدتی انتخابات کے مطالبے پر ردعمل دیتے ہوئے وزیراعظم کے معاون خصوصی برائے سیاسی امور نعیم الحق نے کہا کہ اسے سنجیدگی سے لینا ممکن نہیں۔انہوں نے کہا کہ حزب مخالف کا ایجنڈا انتشار اور فساد سے زیادہ کچھ نہیں اور پاکستانی قوم اس بات سے آگاہ ہے۔نعیم الحق نے کہا کہ مجرموں کے حربوں سے مرعوب ہوں گے، مک مکا کریں گے نہ ہی احتساب کے عمل میں کوئی نرمی برتی جائے گی۔
ورلڈ کپ میں سیکیورٹی تحفظات، پی سی بی کی آئی سی سی سے شکایت
لندن(ویب ڈیسک) ورلڈ کپ میں قومی ٹیم کے ساتھ کم سیکیورٹی پر پاکستان کرکٹ بورڈ نے آئی سی سی سے شکایت کرتے ہوئے ٹیم کی سیکیورٹی بڑھانے کا مطالبہ کردیا۔افغانستان کے خلاف میچ کے بعد کچھ شائقین کے میدان میں آنے پر پاکستانی کرکٹ کھلاڑی خوف کا شکار ہوگئے تھے جس پر سیکیورٹی حکام نے صورت حال کو سنبھالا اور عماد وسیم کے ساتھ وہاب ریاض کو بحفاظت ڈریسنگ پہنچایا۔میدان کے اندر اور باہر پاکستان اور افغانستان کے تماشائیوں کے درمیان لڑائی جھگڑے کے واقعات کے بعد صورت حال کشیدہ ہونے پر پاکستانی ٹیم بھی خوفزدہ ہوگئی تھی اس کی وجہ سے پاکستانی کرکٹر کافی دیر تک ڈریسنگ روم میں ہی موجود رہے اضافی سیکیورٹی آنے پر کھلاڑیوں کو باحفاظت بس تک پہنچایا گیا تھا۔ذرائع کے مطابق پاکستانی آفیسر نے تمام تر صورتحال سے آئی سی سی کو آگاہ کیا جس پر آدھے گھنٹے کی میٹنگ ہوئی، بعدازاں آئی سی سی نے یہ مطالبہ منظور کیا کہ پاکستانی ٹیم کے ساتھ اضافی پولیس اہلکار تعینات کئے جائیں گے۔میچ سے قبل بھی تماشائیوں کے درمیان تلخ جملوں کے ساتھ ساتھ مار پٹائی کے واقعات سامنے آئے۔ میچ کے دوران صورتحال انتہائی کشیدہ رہی جس کی وجہ سے پاکستانی ٹیم کے سپورٹرز کے ساتھ ساتھ کھلاڑی بھی پریشان دکھائی دیے۔اس خطرناک صورتحال پر سیکیورٹی حکام نے بارہ افغانی تماشائیوں کو اپنی حراست میں بھی لیا اور انہیں میدان سے نکالا۔ افغانی تماشائیوں نے پاکستانی صحافیوں کے ساتھ بھی بدسلوکی کی جس کی رپورٹ پولیس کو کر دی گئی ہے۔
تیزاب گردی، 22سالہ لڑکی جعلی پیر کی انا کی بھینٹ چڑھ گئی
ملکوال(ویب ڈیسک) ملکوال وہ شہر ہے، جہاں اللہ والوں کے بسیرے ہیں، لیکن ان کا فائدہ اٹھاتے ہوئے بہت سارے جعلی پیروں نے بھی یہاں ڈیرے ڈال لئے ہیں۔ان جعلی پیروں کے مذموم مقاصد میں شریف اور سادہ لوح لوگوں کی کثیر تعداد پھنستی بھی ہے، اجڑتی بھی ہے اور مرتی بھی ہے، جس کی واضح مثالیں موجود ہیں کہ کبھی کوئی ڈبل شاہ بن کر سونا اور پیسہ دوگنا کرنے کا جھانسہ دے کر سادہ لوح افراد کو لوٹ رہا ہے، کبھی کوئی نوسرباز پیر لوگوں کے گھروں کے نیچے خزانے چھپے بتا کر انہیں گرا کر میٹریل ہڑپ کر رہا ہے تو کوئی جعلی پیر بن کر حوا کی بیٹیوں کی عزتیں نیلام کرکے تیزاب گردی کا نشانہ بنا رہا ہے، لیکن جعلی پیروں کے خلاف کارروائی کا مربوط سسٹم نہ ہونے سے یہ لوگ باز پرس سے مبرا دندناتے ہی پھرتے نظر آتے ہیں۔ایسے ہی ایک پیر کی بھینٹ ضلع گجرات کی تحصیل کھاریاں سے تعلق رکھنے والا حساس ادارے کا ملازم محمد رمضان اس وقت چڑھا، جب کسی آس، امید اور چڑھاوے کی تکمیل کی خاطر رمضان نے اپنی 14 سالہ بیٹی آج سے 9 سال قبل میں ملکوال کے مغربی علاقہ ضلع سرگودہا کے گاو¿ں چک سیدہ اسٹیشن کے قریب موجود پیر عزیر شاہ کے حوالے اس نظریے پر کی کہ یہ پیر اس کی بیٹی کو اپنی اولاد نہ ہونے پر نہ صرف بیٹی بنا کر رکھے گا بلکہ اس کی تعلیم، صحت اور تربیت کا بھی عمدہ طریقہ سے خیال رکھے گا۔2010ءمیں محمد رمضان سکنہ بھلیسراں والہ اپنی معصوم بیٹی کو ملکوال کے نواحی علاقہ چک سیدہ اسٹیشن سے ملحقہ پیر کے ٹھکانے پر چھوڑ کر چلا گیا، لیکن جوانی کی دہلیز پر قدم رکھتی ماریہ کو جعلی پیر نے اپنی خادمہ بنا لیا، لیکن ماریہ تنگی سختی اور بے جا پابندیوں کے باعث کسی حد تک مبینہ طور پر باغی سی ہونے لگی تھی۔ اس دوران اس کا کسی طریقہ سے قریبی گاﺅں بولابالا کے ایک نوجوان سے موبائل فون پر رابطہ ہوا تو ان دونوں کی آپس میں دوستی ہو گئی، جو آہستہ آہستہ محبت میں بدل گئی۔ماریہ نے تو اس نوجوان اصغر سے شادی کر کے اس کی دلہن بننے اور پیر کے ٹھکانے سے نکل کر اپنا گھر آباد کرنے کے خواب دیکھنے شروع کر دیئے تھے، تاہم اس صورت حال کا جب پیر عزیرشاہ کو پتہ چلا تو وہ سیخ پا ہوگیا اور اس نے ماریہ کو تیزاب سے نہلا دیا۔تیزاب کا جسم پر پڑنا تھا کہ جواں سال ماریہ کا پورا جسم جل گیا۔ ماریہ اس واقعہ کے بعد بھی کئی ماہ پیر کے عقوبت خانے میں چیختی چلاتی اور تڑپتی رہی لیکن پیر عزیر شاہ علاج معالجے کے بجائے بند کمرے میں اس کی موت کا انتظار کرتا رہا۔ یہاں تک کہ پیر کی طرف سے ماریہ کے گھروالوں سے ان کی بیٹی کا کوئی رابطہ بھی نہیں کروایا جاتا تھا۔وقت یوں ہی گزرتا گیا کہ اپریل 2019ءآن پہنچا، اس ماہ میں پیر عزیر شاہ کے گھر کسی کی شادی کا فنکشن ہونا تھا، جس کے لئے مہمان آنا شروع ہوئے تو جس کمرے میں ماریہ کو بند رکھا گیا تھا، وہ کسی کو مہمان مشکوک لگا کیوں کہ اس کمرے کو دن میں ایک بار کھولا جاتا اور یہاں کسی کو جانے کی اجازت بھی نہیں تھی، جس پر اس مہمان نے چھپ کر ایک روز اس کمرے کا مشاہدہ کیا تو اندر سے زندگی اور موت کی کشمکش میں مبتلا جواں سال ماریہ کے کراہنے آئیں تو اس نے مقامی پولیس تھانہ میانی کو اطلاع کر دی، جس پر ایس ایچ او تھانہ میانی رانا امین نے پیر کے ڈیرے پر چھاپہ مار کر ماریہ کو دردناک حالت میں برآمد تو کرلیا لیکن ایس ایچ او کی بے ضمیری نے بھی پیرعزیر شاہ جیسا ہی کردار ادا کیا۔ایس ایچ او نے مبینہ طور پر عزیر شاہ سے بھاری رشوت لے کر مضروبہ ماریہ کے ساتھ ہوئے ظلم کے خلاف نہ صرف مقدمہ درج کرنے سے انکار کر دیا بلکہ عزیر شاہ کی مرضی کے بیانات لے کر ماریہ شاہین کی طرف سے اپنے اوپر خود تیزاب پھینکنے کی کہانی کو پروان چڑھایا اور مختلف اشٹامپ پیپرز اور کاغذات پر ماریہ کے دستخط اور انگوٹھے لگوا لئے، مزید ایس ایچ او تھانہ میانی (ضلع سرگودھا) نے کمال ہوشیاری کا مظاہرہ کرتے ہوئے زندگی موت کی کشمکش میں مبتلا ماریا کو اس کے والدین کے حوالہ کر دیا اور لڑکی کے والد محمد رمضان سے بھی کاغذات پر سائن کروا کر انگوٹھے لگوا لئے کہ وہ کسی قسم کی کاروائی نہیں کرنا چاہتے۔زندہ نعش بن کر ماریہ جب اپنے والد کے گھر پہنچی تو پھر اپنی بیٹی کے حالات زندگی سے 9 سال سے بے خبر والد کو بھی ہوش آیا اور اس نے اپنے رشتہ داروں اور بیٹے کے کہنے پر ماریہ کو ساتھ بٹھا کر اس کی حالت کے حوالہ سے ویڈیو بنوا کر وائرل کی، جس پر اعلی حکام نے فوری نوٹس لیا، وزیر اعلی پنجاب کے ترجمان ڈاکٹر شہباز گل نے ماریہ کے گھر بھلیسراں والی کا دورہ کیا اور مضروبہ سمیت اس کے والد، بھائی اور والدہ کے پیر عمیر شاہ کے خلاف بیانات ریکارڈ کروائے اور فوری طور پر آرپی او سرگودہا سید خرم علی کو جعلی پیر اور اس کے چیلے مرتضی کے خلاف مقدمہ درج کرنے کے احکامات دیئے جبکہ ماریہ شاہین کو حکومت کی طرف سے مفت علاج کی سہولت دیتے ہوئے لاہور منتقل کروا دیا۔اب ماریہ شاہین لاہور کے ہسپتال میں منتقل ہے جبکہ پیر عزیر شاہ اور اس کا ایک چیلہ مرتضی ریمانڈ پر پولیس کی زیرتفتیش ہیں،تفتیشی افسر انسپکٹر خالد محمود کا کہنا ہے کہ ملزمان کے خلاف پوری طرح میرٹ پر تفتیش کر کے کیس کو آگے بڑھایا جائے گا۔ اس پورے واقعہ کے تناظر میں بائیس سالہ لڑکی کے ساتھ ہونے والے ظلم کے ذمہ داروں کا اگر تعین کیا جائے تو بلاشبہ قانون پیر عزیر شاہ کی طرف ہی اپنی لاٹھی گھمائے گا کیونکہ وہی اس واقعہ کا مرکزی ملزم ہے ،لیکن کچھ چیزیں ،باتیں اور محرکات ہمیں یہ سوچنے پر ضرور مجبور کریں گے کہ والدین کو کیا ضرورت پڑجاتی ہے کہ وہ جوانی کی دہلیز پر قدم رکھتی اپنی بیٹیوں کو پیروں، فقیروں اور مرشدوں کے ڈیروں پر چھوڑ دیتے ہیں؟
کرکٹ ورلڈکپ، بھارت کے خلاف انگلینڈ کی جارحانہ بیٹنگ
برمنگھم(ویب ڈیسک) کرکٹ ورلڈکپ کے اہم میچ میں انگلینڈ کی بھارت کے خلاف بیٹنگ جاری ہے۔برمنگھم میں کرکٹ ورلڈکپ کا انتہائی اہم میچ آج انگلینڈ اور بھارت کے درمیان کھیلا جارہا ہے جس میں انگلینڈ نے بھارت کے خلاف ٹاس جیت کر پہلے بیٹنگ کا فیصلہ کیا ہے۔انگلینڈ کی جانب سے اننگز کا آغاز جونی بیئراسٹو اور جیسن رائے نے کیا، دونوں اوپنرز نے جارحانہ کھیل کا مظاہرہ کیا اور 160 رنز کی اوپننگ شراکت قائم کی جس کے بعد جیسن رائے 66 رنز بنا کر کلدیپ یادیو کی گیند پر آﺅٹ ہوگئے۔انگلینڈ نے ایونٹ میں اب تک 7 میچز کھیلے ہیں جس میں سے 4 میں کامیابی جب کہ 3 میں شکست کا سامنا کرنا پڑا جب کہ بھارت ایونٹ میں ابھی تک 6 میچز کے ساتھ ناقابل شکست ہے۔آج کا میچ پاکستان کے لیے ابھی اہمیت کا حامل ہے، انگلینڈ کی شکست کی صورت میں قومی ٹیم سیمی فائنل میں رسائی کے مزید قریب پہنچ جائے گی تاہم بھارت کی شکست کی صورت میں پاکستان کی سیمی فائنل میں رسائی کے لیے انگلینڈ کو نیوزلینڈ سے لازمی ہارنا ہوگا۔
ہواوے پرامریکی ہوائی پابندیاں ختم
اوساکا(آئی این پی ) امریکہ نے چین کے سامنے گٹھنے ٹیک دیئے امریکی کاروباری ادار وں کو بلا تعطل ہواوے کمپنی کو پرزہ جات فروخت کر نے کی اجازت دیدی، امریکہ چینی مصنوعات پر مزید اضافی ٹیرف نہیں لگائے گا، شی ٹرمپ اقتصادی و تجارتی مذاکرات کی بحالی پر متفق امریکی صدر نے کہا ہے کہ امریکی کاروباری ادار ے بلا تعطل ہواوے کمپنی کو پرزہ جات فروخت کر سکتے ہیں ،امید ہے کہ چین امریکہ سے درآمدات میں اضافہ کرے گا جبکہ چینی صدر نے کہا ہے کہچین امریکہ اختلافات بالاخر مذاکرات ہی سے حل ہوں گے، فریقین کو تعاون کے اچھے شراکت دار بننا چاہیے،چین امریکہ کے ساتھ مذاکرات کرنے اور اختلافات پر قابو پانے کے لیے مخلص ہے۔چائنہ ریڈیوانٹرنیشنل کے مطابق جی ٹوئنٹی اوساکا سمٹ کے اختتام پذیر ہونے کے بعد منعقد ہونے والی پریس کانفرنس میں سوالات کے جوابات دیتے ہوئے امریکی صدر ڈونلڈ ٹرمپ نے کہا کہ امریکی کارباری ادارے بلاتعطل ہواوے کمپنی کو پرزہ جات فروخت کرسکیں گے۔ ہواوے کمپنی کو فروخت کی جانے والی مصنوعات سے امریکی کاروباری اداروں نے سالانہ اربوں امریکی ڈالرکا فائدہ اٹھایا۔ جب ان سے یہ سوال پوچھا گیا کہ کیا ہواوے کمپنی کو امریکہ کی جانب سے پابندی زدہ اداروں کی فہرست سے نکالا جائےگا یا نہیں؟ تو ڈونلڈ ٹرمپ نے جواب دیا کہ اس مسئلے پر آنے والے دنوں میں بات چیت کی جائے گی۔ قبل ازیں۔ سی آر آئی کے مطابق جاپان کے شہر اوساکا میں چین کے صدر مملکت شی جن پنگ نے امریکی صدر ڈونلڈ ٹرمپ سے ملاقات کی۔چینی صدر شی جن پھنگ نے ملاقات میں کہا کہ مجھے بے حد خوشی ہے کہ یہاں اوساکا میں میری صدر ٹرمپ سے ملاقات ہوئی۔شی جن پنگ نے کہا کہ اڑتالیس سال پہلے یعنی سن انیس سو اکہتر میں یہاں سے ایک سو کلومیٹر دور شہر ناگویا میں پنگ پانگ کی اکتیسویں عالمی چیمپین شپ میں شریک چینی اور امریکی کھلاڑیوں کے درمیان دوستانہ روابط قائم ہوئے جنہیں “پنگ پانگ سفارت کاری” کا نام دیا گیا تھا۔ پنگ پانگ جیسی چھوٹی گیند نے زمیں جیسی بڑی گیند کے معاملات پر جمی برف کو پگھلایا ، جس کے نتیجے میں آٹھ سال کے بعد سن انیس سو اناسی میں چین اور امریکہ کے درمیان سفارتی تعلقات قائم ہوئے۔سفارتی تعلقات کے قیام کے چالیس برسوں میں عالمی صورتحال اور چین امریکہ تعلقات میں بڑی تبدیلیاں آئی ہیں تاہم ایک بنیادی حقیقت میں کوئی تبدیلی نہیں آئی کہ چین اور امریکہ اگر تعاون کریں ، تو اس میں دونوں کا فائدہ ہے اور عدم تعاون کے نتیجے میں نقصان بھی دونوں ہی کو پہنچتا ہے۔تعاون کشمکش سے بہتر اور مذاکرات مزاحمت سے بہتر ہیں۔حالیہ برسوں میں، میں اور صدر ٹرمپ ٹیلی فون اور خطوط کے ذریعے قریبی رابطے میں ہیں۔آج میں صدر ٹرمپ کے ساتھ چین امریکہ تعلقات کی ترقی کے بنیادی امور پر تبادلہ خیال کرنے کے لیے تیار ہوں تاکہ اگلے مرحلے میں دونوں ممالک کے تعلقات میں ترقی کی سمت کا تعین کیا جائے نیز ہم آہنگی ،تعاون اور استحکام پر مبنی چین امریکہ تعلقات کو فروغ دیا جائے۔چین اور امریکہ کے صدور کی ملاقات میں چینی صدر شی جن پھنگ اور امریکی صدر ڈونلڈ ٹرمپ نے اتفاق کیا کہ چین اور امریکہ برابری اور باہمی احترام کی بنیاد پر اقتصادی و تجارتی مذاکرات کو بحال کریں گے۔امریکہ نے چین کی برآمدی مصنوعات پر مزید ٹیرف نہ لگانے کا عندیہ ظاہر کیا۔دونوں ممالک کے اقتصادی وتجارتی وفود متعلقہ امور پر تفصیلی بات چیت کریں گے۔ ملاقات میں چینی صدر شی جن پنگ نے کہا ہے کہ چین امریکہ اختلافات بالاخر مذاکرات ہی سے حل ہوں گے۔اقتصادی و تجارتی امور کے حوالے سے چینی صدرشی جن پنگ نے واضح الفاظ میں کہا کہ چین اور امریکہ کو تعاون کے اچھے شراکت دار بننا چاہیے۔چین امریکہ کے ساتھ مذاکرات کرنے اور اختلافات پر قابو پانے کے لیے مخلص ہے۔تاہم مذاکرات برابری کی بنیاد پر ہونے چاہیں اور ان میں باہمی احترام کا مظاہرہ کیا جانا چاہیے نیز ایک دوسرے کے تحفظات کا معقول حل دیا جانا چاہیے۔چین اقتدار اعلی اور خود مختاری سے متعلق امور پر اپنے کلیدی مفادات کی حفاظت کرے گا۔دنیا کی سب سے بڑی دو معیشتوں کی حیثیت سے چین اور امریکہ کے درمیان اختلافات کو بات چیت اور مذاکرات ہی سے حل کیا جانا چاہیے اور دونوں فریقین کے لیے قابل قبول حل تلاش کیا جانا چاہیے۔ٹرمپ نے کہا کہ امریکہ تجارتی عدم توازن کے مسئلے کومذاکرات کے ذریعے حل کرنا چاہتا ہے اور دونوں ممالک کے صنعتی و کاروباری اداروں کومساوی سہولیات فراہم کرنا چاہتا ہے۔ امریکہ چینی مصنوعات پر مزید اضافی ٹیرف نہیں لگائے گا۔ امریکی صدر ڈونلڈ ٹرمپ نے جاپان کے شہر اوساکا میں اپنے چینی ہم منصب شی جن پنگ سے ملاقات کی ہے۔ملاقات کے آغاز پر چینی صدر نے باور کرایا ہے کہ مکالمہ مقابلے سے بہتر ہے جبکہ امریکی صدر ٹرمپ نے کہا ہے کہ وہ چین کے ساتھ ایک تاریخی تجارتی معاہدے کے لیے تیار ہیں۔غیرملکی خبررساں ادارے کے مطابق امریکی صدر ڈونلڈ ٹرمپ نے جاپان کے شہر اوساکا میں اپنے چینی ہم منصب شی جن پنگ سے ملاقات کی ہے۔ یہ ملاقات جی 20 سربراہ اجلاس کے ضمن میں ہوئی۔ملاقات کے آغاز پر چینی صدر نے باور کرایا ہے کہ مکالمہ مقابلے سے بہتر ہے۔اس موقع پر ٹرمپ نے کہا کہ وہ چین کے ساتھ ایک تاریخی تجارتی معاہدے کے لیے تیار ہیں۔ شی جن پنگ کے ساتھ ملاقات کے آغاز پر امریکی صدر کا کہنا تھا کہ اگر ہم ایک منصفانہ تجارتی ڈیل تک پہنچنے میں کامیاب ہو گئے تو یہ ایک تاریخی امر ہو گا۔ٹرمپ نے مزید کہا کہ میں سمجھتا ہوں کہ یہ ملاقات نہایت بار آور ہو گی۔
ن لیگی ایم پی اے رانا مشہو د کی امریکہ فرار کی کوشش ناکام
لاہور (خصوصی رپورٹر) ایف آئی اے نے نام بلےک لسٹ مےں ہونے پر (ن) لےگ کے اےم پی اے رانا مشہود احمد خان کو امر ےکہ جانے سے روک دےا جبکہ رانا مشہود احمد خان نے بیرون ممالک جانے سے روکنے پر نیب کو ہرجانے کا نوٹس بھجوانے کا اعلان کرتے ہوئے کہا ہے کہ اس پر پیر کے روز پیشرفت کی جائے گی۔ انہوں نے گفتگو کرتے ہوئے کہا کہ نیب کا ایگزیکٹو بورڈ 2017ئ میں مجھے کلین چٹ دے چکا ہے لیکن مجھے پھر بھی بیرون ملک جانے سے روکا گیا۔ا نہوںنے کہاکہ لائ فرم کے معاہدے کےلئے نجی دورے پر امریکہ جارہا تھاکہ ائیر پورٹ پر بتایا گیا کہ آپ کانام بلیک لسٹ میں شامل ہے۔ انہوں نے ایک سوال کے جواب میں کہاکہ اگر مجھے معلوم ہوتا کہ میرا نام بلیک لسٹ میں شامل ہے تو کیا میں ہوٹل کی بکنگ اور ہوائی جہاز کی ٹکٹ خریدتا۔ انہوں نے کہا کہ ہم نے یوتھ فیسٹول کے ذریعے عالمی ریکارڈ بنائے اور انہیں پوری دنیا نے تسلیم کیا لیکن نیب کے اقدامات پاکستان کی عزت میں کمی کا سبب بن رہے ہیں۔ انہوںنے کہا کہ میرے وکلائ کی ٹیم نیب کو نوٹس بھیجنے کی تیاری کر رہی ہے اور پیر کے روز اس پر پیشرفت کی جائے گی۔ انہوں نے کہا کہ ہم نے مشرف کی آمریت کا سامنا ہے اور موجودہ حکومت کے سیاسی انتقام کا سامنا کرنے کےلئے بھی تیار ہیں۔ انہوں نے نیب کی پیشی کے نوٹس کے حوالے سے کہا کہ پہلے بھی نیب کے سامنے پیش ہوا ہوں اور اب دوبارہ بھی پیش ہو جا?ں گا۔ نیب لاہور نے پاکستان مسلم لیگ (ن)کے رہنما اور سابق وزیر تعلیم و سپورٹس پنجاب رانا مشہود احمد خان کو پنجاب اسپورٹس فیسٹیول کے انعقاد میں ہونے والی مبینہ کرپشن کی تحقیقات کے لئے8 جولائی کو ذاتی حیثیت میں طلب کر لیا۔ نجی ٹی وی کے مطابق 2010-11میں پنجاب اسپورٹس فیسٹیول لاہور میں منعقد کیا گیا تھا۔ نیب پنجاب اسپورٹس فیسٹیول کے انعقاد میں ہونے والی مبینہ کرپشن کی تحقیقات کر رہا ہے اور اس حوالہ سے سابق ڈی جی اسپورٹس پنجاب عثمان انور کو گرفتار کیا جا چکا ہے اور کیس میں 41 افراد کے بیانات ریکارڈ کئے جا چکے ہیں۔نیب لاہور نے رانا مشہود احمد خان کو8جولائی کو ذاتی حیثیت میں طلب کر لیا۔ دوسری جانب نیب لاہور نے رانا مشہود کا نام ای سی ایل میں شامل کرنے کے لئے درخواست وزارت داخلہ کو بھجوا دی ہے۔
معیشت کو لگنے والی بیماری کا علاج نئے انتخابات ہیں : شہباز شریف
اسلام آباد (نامہ نگار خصوصی)مسلم لیگ ن کے صدر اور اپوزیشن لیڈر شہباز شریف نے پبلک اکا?نٹس کمیٹی کی چیئرمین شپ چھوڑنے کا اعلان کر دیا اور مطالبہ کیا کہ ملک میں مڈ ٹرم الیکشن کرائے جائیں۔صحافی کے سوال پر پبلک اکا?نٹس کمیٹی کا اجلاس کیوں نہیں بلاتے؟ جس پر قومی اسمبلی میں اپوزیشن لیڈر شہباز شریف کا کہنا تھا کہ پارٹی فیصلہ کرچکی ہے کہ رانا تنویر حسین پبلک اکا?نٹس کمیٹی کے چیئرمین ہونگے، میں پارٹی کے فیصلے کا پابند ہوں۔ان کا کہنا تھا کہ رانا تنویر کا نام چیئرمین پی اے سی کےلئے پارٹی نے دے دیا ہے، اسی وجہ سے پی اے سی میں نہیں جا رہا، پارٹی یہ بھی فیصلہ کرچکی ہے کہ خواجہ آصف پارلیمانی لیڈر ہوں گے۔شہباز شریف کا کہنا تھا کہ دھاندلی سے متعلق پارلیمانی کمیٹی میں اپوزیشن نے مستعفی ہونے کا فیصلہ کرلیا ہے ہٹانا ہو تو ان ہا?س تبدیلی چاہیں گے یا مڈ ٹرم الیکشن کے سوال پر سابق وزیر اعلی پنجاب کا کہنا تھا کہ معیشت کو لگی بیماری کا علاج ان ہاس تبدیلی نہیں، نئے انتخابات ہیں، ان ہاس تبدیلی کے بجائے فریش مینڈیٹ کو ترجیح دیںگے، آئین میں مڈٹرم الیکشن کی گنجائش ہے، اپوزیشن کا فیصلہ تھا لاڈلے کو ایکسپوز ہونے دے۔مسلم لیگ ن کے صدر کا کہنا تھا کہ سب نے دیکھ لیا معیشت کی تباہی ہوئی، جمہوریت کی بقا کیلئے سیاسی جماعتوں میں ایکا ہو پھر جمہوریت مضبوط ہوگی۔ مولانا فضل الرحمان سے اچھے تعلقات ہیں۔ ان کیساتھ مکمل تعاون کریں گے۔ آل پارٹیز کانفرنس کے فیصلے کے مطابق جمہوریت کو بچانا چاہتے ہیں رہبر کمیٹی جلد لائحہ عمل پر کام شروع کردے گی۔ نوازشریف کے ساتھ ظلم و زیادتی کسی سے ڈھکی چھپی نہیں ہے۔ مشرف دور میں بھی ملاقاتوں پر پابندی نہیں تھی۔ بجٹ کو مسترد کرچکے ہیں۔ راستہ روکنے کی کوشش کریں گے 149 مخالفت میں ووٹ آچکے ہیں اب نوازشریف کا بیانیہ آگے بڑھے گا۔ معیشت کو لگی تباہی کا علاج صرف اور صرف عام انتخابات ہیں علاج ان ہا?س تبدیلی نہیں ہے آیندہ ماہ نئے چیئرمین پی اے سی کا حتمی فیصلہ ہوجائے گا۔ رانا تنویر کو نامزد کیا ہے تمام اپوزیشن ارکان جلد دھاندلی پر قائم پارلیمانی کمیٹی سے مستعفی ہوجائیں گے چار ماہ سے اس کمیٹی کا کوئی اجلاس ہی نہیں ہوا۔ شہبازشریف نے کہا ہے کہ معیشت کو جو بیماری لگ گئی ہے اس کا علاج نئے انتخابات ہیں، بجٹ اجلاس میں ایوان مچھلی منڈی بنا رہا، پہلے 4 دن ضائع کیے گئے، حکومتی ارکان جلتی پر تیل ڈالتے رہے۔ میاں شہباز شریف نے قومی اسمبلی میں صحافیوں سے ملاقات کی، اس موقع پر سابق وزیر اعظم شاہد خاقان عباسی، رانا ثنا اللہ، خرم دستگیر، خواجہ آصف، میاں جاوید لطیف اور مریم اورنگزیب بھی موجود تھیں۔شہباز شریف نے کہا کہ بجٹ اجلاس میں ایوان مچھلی منڈی بنا رہا، پہلے 4 دن ضائع کیے گئے، حکومتی ارکان جلتی پر تیل ڈالتے رہے، بجٹ میں ہمارا کوئی مطالبہ نہیں مانا گیا۔انہوں نے کہا کہ ہم میچور اپوزیشن کریں گے، فیصلہ کیا تھا کہ کل لاڈلے کو بے نقاب ہو نے دیں گے، آج ملک کاجو حال ہوا ہے وہ بے نقاب ہو چکا، یوتھ اور فا?نڈرز کو بھی پتاچل گیا۔ انہوں نے کہا کہ اجتماعی استعفوں سے متعلق تجویز پہلے ایک اے پی سی میں مسترد کر دی گئی تھی، رہبر کمیٹی چیئرمین سینیٹ کا نام تجویز کرے گی، اتفاق رائے نہ ہونے پر سب قیاس آرائیاں ہیں، ابھی تو مرحلہ بھی شروع نہیں ہوا۔
15 ن لیگی ایم پی اے عمران خان سے جا ملے
لاہور(خبر نگار)مسلم لیگ ن ٹوٹ پھوٹ کا شکار ہوگئی اپنے ایم پی ایز بھی ساتھ چھوڑ گئے 15ایم پی ایز نے گزشتہ روز بنی گالاوزیراعظم پاکستان عمران خان سے ملاقات کی ملاقات میں وزیر اعلیٰ پنجاب عثمان بزادر بھی شریک تھے مزید ایم پی ایز اور ایم این اے بھی اگلے ہفتے اعلان کر نے والے ہیں۔تفصیلات کے مطابق ن لیگ کے ناراض اراکین پنجاب اسمبلی نے حکومت سے رابطہ کیا جس کے بعد ان کی وزیر اعظم سے ملاقات طے پائی اورگزشتہ روزانہوں نے بنی گالہ میں وزیر اعظم عمران خان سے ملاقات کی ہے۔ذرائع کا کہنا ہے کہ اس ملاقات میں وزیر اعلیٰ پنجاب سردار عثمان بزدار بھی موجود تھے۔ذرائع کے مطابق ن لیگی اراکین قومی وصوبائی اسمبلی اپنی قیادت کے رویے سے نالاں ہیںان کا یہ بھی کہنا ہے کہ ن لیگ کی قیادت جیلوں میں ہے اور قیادت آپس میں اتفاق نہیں کر رہی مریم نواز شریف اپنا گروپ بنا رہی ہے جبکہ شہباز شریف اپنا گروپ بنا رہے ہیں انہوں نے کہا کہ ہم مجبوری سے ن لیگ کا ساتھ دیتے تھے کیونکہ ہردفعہ ان کی حکومت آجاتی تھی انہوں نے کہا کہ جنوبی پنجاب کو ن لیگ نے ہمیشہ ترقیاتی کاموں سے محروم رکھا ملاقات کر نے والے ایم پی ایز ملک قاسم ہنجرا ،اظہر چانڈیہ ،غیاث الدین شکر گڑھ ،فیصل نیازی ،رانا محمود الحق ،نشاط ڈاھا،اشرف انصاری ،چوہدری ارشد،اور پیپلز پارٹی کے غضنفر علی لنگاہ سمیت 15ارکان اسمبلی نے ملاقات کی اور اپنی وفاداری کا یقین دلایا۔ذرائع کے مطابق اگلی کھیپ زیادہ ہے ان میں ایم این اے اور ایم پی ایز کی کافی تعدا د شامل ہونے جارہی ہے جو جولائی کے پہلے دوسرے ہفتے میں اعلان کرے گی۔واضع رہے اس فارورڈ بلاک بارے روزنامہ خبریں ایک دن پہلے یہ خبر شائع کر چکا ہے۔اسلام آباد (نامہ نگار خصوصی) وزیر اعظم عمران خان نے کہا کہ ملک سے باہر پیسہ اس لیے گیا کیوں کہ حکمراں طبقہ منی لانڈرنگ میں ملوث تھا،جس پر بد عنوانی کا الزام ہو وہ پبلک اکاونٹ کمیٹی کا سربراہ کیسے بن سکتا ہے؟، لانڈرنگ ایک لعنت ہے اور اب اس کیخلاف پورای طرح کریک ڈاون کریں گے، اپوزیشن کا 12واں کھلاڑی ہر روز حکومت گرانے کے لیے حزب اختلاف کو اکٹھا کر لیتا ہے، شہباز شریف کی تقریر کے دوران بجٹ کی وجہ سے جھوٹ نہیں بولنا چاہتا، اپوزیشن کس منہ سے حکومت پر تنقید کر رہی ہے۔ حکومت کومالی خسارہ ورثہ میں ملا، منی لانڈرنگ کے تمام راستے بند کردینگے،غیر ملکی سرمایہ کاری لانے کے لیے کوششیں کر رہے ہیں۔قومی اسمبلی میں اظہار خیال کرتے ہوئے وزیراعظم عمران خان کہنا ہے کہ آج اپوزیشن کے تمام بینچز خالی ہیں۔ ایلیٹ کلاس لوگوں نے پیسہ ملک سے باہر بھجوایا، شہبازشریف کی تقریر کے دوران بجٹ کی وجہ سےبولنا نہیں چاہتا تھا۔ شہباز شریف نے دکھ بھری تقریر کی تھی، شہباز شریف کو یہ بھی بتانا چاہیے تھا کہ روپے کی قدر کم کیوں ہوئی، سابق حکمرانوں نے ملک سے پیسہ باہر بھجوایا۔ان کا کہنا تھا کہ زرداری خاندان اور اومنی گروپ نے یہاں سے پیسہ چوری کر کے باہر بھجوایا گیا ، جس کی مثال جعلی اکاونٹس کا کیس ہے، حدیبیہ پیپلز ملز اور ہل میٹل کے ذریعے سارا پیسہ ملک سے باہر جا رہا تھا۔ عوام کا پیسہ چوری کرنے والے اسمبلی میں آکر کیسے تقریریں کر سکتے ہیں۔بجٹ کے حوالے سے کہنا وزیراعظم کا کہنا تھا کہ بجٹ پاس ہونے پر پارٹی کو مبارکباد پیش کرتا ہوں۔، جس طرح کی تقاریر کی گئی اس کے جواب میں مراد سعید، حماد اظہر سمیت پارٹی کو مبارکباد دیتا ہوں، مراد سعید کو خصوصی مبارکباد دیتا ہوں جنہوں نے بہت شاندار جوابات دیئے۔ وفاقی وزیر مراد سعید کی تقریر کے دوران کونڈولیزا رائس کی کتاب کے حوالے حقیقت ہیں جو انہوں نے پارلیمنٹ میں پیش کیے۔ مراد سعید مبارکباد کے مستحق ہیں۔عمران خان نے تقریر کرتے ہوئے کہا کہ حماد اظہر نے بہت شاندار کام کیا، ان کو پہلے ہی وفاقی وزیر بننے کی خوشخبری دیتا ہوں۔ میں ان کی کارکردگی سے بہت خوش ہوں۔ان کا کہنا تھا کہ روپے کی قدر میں کمی کی بڑی وجہ منی لانڈرنگ ہے، این آر او لینے والے کس منہ سے سلیکٹڈ کی بات کر رہے ہیں۔ مسلم لیگ ن کے سربراہ میاں محمد نواز شریف کی طرف اشارہ کرتے ہوئے وزیراعظم کا کہنا تھا کہ جسے عدالت نے مجرم ڈکلیئر کیا اسے پارٹی کا سربراہ بنا دیا گیا۔وزیراعظم کا کہنا تھا کہ سیاست کا بارہواں کھلاڑی ہر دوسرے دن سب کو اکٹھا کر لیتا ہے، نیلسن منڈیلا کی جعلی آواز میں ہم پر الزام لگاتے ہیں۔ کبھی سنا ہے جو ملک کو مقروض کر کے جائے وہی سوال پوچھ رہے ہیں۔عمران خان کا کہنا تھا کہ غربت کے خاتمے کے لیے احساس پروگرام شروع کیا، نوجوانوں کو مسائل سے نکالنے کے لیے قرض دینگے۔ تجارتی خسارہ بھی کم کر رہے ہیں، لائیو سٹاک پر بھی زور لگا رہے ہیں، کسانوں کے مسائل حل کریںگے۔ آئندہ ہفتے کسانوں کے لیے مکمل تفصیلی پیکیج لا رہے ہیں۔ان کا کہنا تھا کہ بلوچستان اور فاٹا کا احساس محرومی دور کرینگے۔ اختر مینگل کا شکریہ ادا کرتے ہیں، پاک فوج کی جانب سے بجٹ فریز کیے جانے کے دوران جو پیسے بچیں گے وہ بلوچستان اور فاٹا پر لگائیں گے۔ دہشتگردی، بھارت کے ساتھ تعلقات ٹھیک نہیں، پاک فوج کے جوان شہید ہو رہے ہیں، اس کے باوجود پاک آرمی نے اپنا بجٹ فریز کیا جس پر آرمی چیف جنرل قمر جاوید باجوہ کا شکریہ ادا کرتے ہیں۔کراچی کے مسائل پر گفتگو کرتے ہوئے عمران خان کا کہنا تھا کہ کراچی میں تحریک انصاف نے زیادہ سیٹیں جیتیں تاہم اس کے باوجود ایم کیو ایم کا شکریہ ادا کرتے ہیں ان کو یقین دلانا چاہتے ہیں شہر قائد پر پیسہ خرچ کریں گے، بد قسمتی سے کراچی پر جو پیسے خرچ ہونا چاہیے تھا وہ نہیں ہوا، پچھلے دس سال سے احساس محرومی بڑھا ہے، صوبے کی ذمہ داری کے باوجود 45 ارب روپے کا وفاقی پیکیج دیا اور بھی بڑا پیکیج دینے کی کوشش کریں گے۔تقریر کے دوران ان کا کہنا تھا کہ کراچی مشکل صرف 21 ملین ڈالراکٹھا کرتا ہے، لاہور 33 ملین ڈالر اکٹھا کرتا ہے، تہران شہر 70 روپے اکٹھا کرتا ہے، ممبئی ایک ارب ڈالر ٹیکس اکٹھا کرتا ہے، بنگلور 500 ملین ڈالر اپنا ٹیکس کرتا ہے۔ منی لانڈرنگ پاکستان کی سب سے بڑی لعنت ہے ،منی لانڈرنگ دگنا ملک کا نقصان کرتے ہیں، ملک جدھر کھڑا ہے ہم نے کرنٹ اکاو¿نٹ خسارہ مساوی کرنا ہے۔ انہوںنے کہاکہ اب بھی خسارہ ہم نے 30 فیصد کم کیا ہے، منی لانڈرنگ کے تمام لوپ ہولز ختم کرینگے۔ انہوںنے کہاکہ بیرونی سرمایہ کاری یہان کرائینگے، ہاو¿سنگ سکیم کے حوالے سے آئندہ ہفتے سے افتتاح کررہے ہیں انہوںنے کہاکہ لگڑری امپورٹس کم کررہے ہیں، مشکل وقت کا بوجھ پیسے والے افراد پر ڈال رہے ہیں جو اٹھاسکتے ہیں۔ انہوںنے کہاکہ ہم پوری کوشش کررہے ہیں کہ نچلے طبقے پر کم سے کم دباو¿ بڑھے۔ انہوںنے کہاکہ احساس پروگرام بھی اسی وجہ سے شروع کررہے ہیں۔ وزیر اعظم نے کہاکہ بجلی کی سبسڈی 75 فیصد ایسے افراد کو دی ہے جو غریب ترین ہیں۔ وزیر اعظم نے کہاکہ نچلے طبقے کے لیے ہاو¿سنگ سکیم رکھی ہے، نوجوانون کے لیے 100 ارب رکھا ہے۔ انہوںنے کہاکہ زرعی شعبہ کے لیے کوشش کرینگے انہیں سہولیات دیں، اگلے ہفتے بڑا پیکج لارہے ہیں۔ انہوںنے کہاکہ چین کے ساتھ ہی اس سلسلے میں میٹنگ ہوچکی ہے وہ شعبہ زراعت میں ہماری معاونت کررہے ہیں۔ انہوںنے کہاکہ دودھ کی پروڈکشن میں بھی بہتری لارہے ہیں۔ انہوںنے کہاکہ ہم ملک میں صعنت کاری کو فروغ دینگے اور اسی کے ذریعے برآمدات بڑھائینگے۔ انہوںنے کہاکہ ہم مشکل حالات میں صنعت کاری کے لیے اقدام اٹھائے ہیں۔ انہوںنے کہاکہ سپیکر قومی اسمبلی، اپنی جماعت اور اتحادیوں کا شکریہ ادا کرتا ہوں۔انہوںنے کہاکہ ہماری جو ترقی ہوئی ہے اس میں امیر امیر اور غریب غربت میں جبکہ کچھ ایریاز ترقی یافتہ اور کچھ پیچھے رہ گئے۔ انہوکںنے کہاکہ بلوچستان اور فاٹا ترقی کی رفتار میں پیچھے رہ گئے، اس حوالے سے پاک فوج کا شکریہ ادا کرتا ہوں۔ انہوںنے کہاکہ پہلی بار پاکستانی تاریخ میں دہشت گردی، مشرقی بارڈر پر کشیدگی کے باوجود اور ہندوستان کے ساتھ تعلقات بھارت کی وجہ سے خراب ہیں۔ انہوںنے کہاکہان تمام صورتحال کے باوجود پاک آرمی نے اپنا بجٹ کم کیا ہے کیونکہ ہم سب کوشش کررہے ہیں کہ اخراجات کم کرکے مشکلات کا مقابلہ کریں۔ وزیر اعظم نے کہاکہ وزیراعظم سیکرٹریٹ میں 30 کروڑ بچایا مزید بچائیں گے۔ انہوںنے کہاکہ جنرل باجوہ نے مجھے کہا ہے کہ جو پیسہ ہم بچاسکے وہ بلوچستان اور فاٹا پر خرچ ہوگا۔ انہوںنے کہاکہ وفاق کو قرض لے کر اپنے معاملات چلانا پڑ رہے ہیں، شہروں کو بہتر بنانا صوبوں کی ذمہ داری ہے۔ انہوںنے کہاکہ ہم کراچی کو 45 ارب کا خصوصی پیکج دے رہے ہیں۔ انہوںنے کہاکہ ہمارے شہر اس وقت تک ٹھیک نہیں ہونگے جب تک لوکل گورنمنٹ درست کام نہیں کرینگے۔ انہوںنے کہاکہ شہر دنیا بھر میں اپنا پیسہ اکٹھا کرتے ہیں، تہران 70 کروڑ اپنا اکٹھا کرتا ہے اسے کوئی بجٹ نہیں ملتا ،ممبئی 1 ارب ڈالر اور بنگلور 500 ملین ڈالر اکٹھا کرتا ہے۔ وزیر اعظم نے کہاکہ ہمارا کراچی 21 ملین اور لاہور 30 ملین ڈالر اکٹھا کرتا ہے جس کو ہمیں بڑھانا ہے۔ اس موقع پر اسپیکر نے کہاکہ زراعت کے حوالے سے ہمیں کچھ مشکلات درپیش ہیں ،آپ کے پاس جب بھی وقت ہو ہم اس پر آپ سے بات کرنا چاہیں گے۔ بعد ازاں سپیکر نے قومی اسمبلی کا اجلاس غیر معینہ مدت کے لئے ملتوی کردیا۔
