اسلام آباد (ویب ڈیسک) معاون خصوصی برائے اطلاعات و نشریات فردوس عاشق اعوان نے کہا ہے کہ حکومت نئی میڈیا اشتہاری پالیسی لارہی ہے تاکہ اسے دور حاضر کے تقاضوں سے ہم آہنگ کیا جاسکے۔ پالیسی کی تیاری کے حوالے سے تمام فریقین سے مشاورت کی جائے گی۔ نئی اشتہاری پالیسی اگلے ماہ کے دوسرے ہفتے میں کابینہ کے سامنے پیش کریں گے اشتہاری ایجنسیوں کے کردار میں تبدیلیاں متعارف کرائی جائیں گی،ہم میڈیا کے لئے سازگار ماحول بنا رہے ہیں ، میڈیا مالکان کو معاشی آزادی دینا چاہتے ہیں تاکہ میڈیا ورکرز کو وقت پر تنخواہیں ملیں، پاکستان میں منفی اور جعلی خبروں کا بھی تدارک کرنا ہو گا، پرنٹ میڈیا کی اہمیت ختم نہیں ہوئی اس کا اہم اور مضبوط رول ہے۔ وقت کے ساتھ آج سوشل میڈیا بھی اہم کردار ادا کر رہا ہے، اپنی نئی اشتہاری پالیسی میں سوشل میڈیا کو بھی حصہ بنا رہے ہیں تاکہ ان کو بھی آنر شپ ملے،ان خیالات کا اظہار معاون خصوصی اطلاعات ونشریات فردوس عاشق اعوان نے کونسل آف پاکستان نیوز پیپرز ایڈیٹرز (سی پی این ای )کے اجلاس سے خطاب کرتے ہوئے کیا۔ اپنے خطاب میں ڈاکٹر فردوس عاشق اعوان نے کہا کہ سی پی این ای کے صدر عارف نظامی و دیگر ممبران کو اسلام آباد میں خوش آمدید کہتی ہوں۔ میں سمجھتی ہوں کہ اقتدار کے اس صوفے میں ان کی آمد سے اسلام آباد کو مزید تقویت ملے گی اس سے پہلے پریس کو خطرہ سمجھا جاتا تھا وزیراعظم کو آپ کا پیغام پہنچایا ہے کہ آپ ان سے ملاقات کرنا چاہتے ہیں۔ انہوں نے کہا کہ حکومتی ترجمان اس وقت تک مکمل فعال نہیں ہو سکتا جب تک وہ میڈیا کا ترجمان نہ بنے۔ انہوں نے شعر کہتے ہوئے کہا کہ ”تم نے درد دیا ہے تم ہی دوا دو” جہاں سے آپ کو درد ملا ہے وہاں سے ہی دوا ملنی ہے۔ جب دوا اور مرہم کرنے والی ایک ڈاکٹر ہے تو آپ محفوظ ہاتھوں میں ہیں۔ وزیراعظم عمران خان نے میڈیا کو طاقت مانا ہے۔ ہم میڈیا کو موثر رابطے کا ایک ذریعہ سمجھتے ہیں حکومتی بیانیہ میڈیا کے بغیر عوام تک نہیں پہنچ سکتا۔ جب ہماری حکومت آئی تو میڈیا میں غیریقینی صورتحال تھی۔ ہمارے مورچوں سے بھی میزائل چلتے تھے اس کی وجہ سے سانس لینا مشکل تھا اور مسائل پیدا ہوئے۔ میں نے آتے ہی آکسیجن کا لیول بڑھانا شروع کر دیا تاکہ میڈیا کی سانس بحال ہو اور میڈیا کے واجبات کی ادائیگی شروع کی۔ سابقہ حکومت میں اشتہار مخصوص لوگوں نے اپنی خودنمائی کے لئے جاری کئے۔ مگر اس کے باوجود ہم نے فیصلہ کیا کہ ہم تمام بقایاجات دیں گے۔ ہمیں اپنی ذمہ داری کا احساس ہے حکومت وقت خاندان کے سربراہ کی طرح ہوتی ہے جو ہر کسی کا خیال رکھتی ہے۔ میڈیا کے تمام جائز مطالبات پورے کرنا ہمارا ویڑن ہے۔ اس کی وجہ سے سب سے زیادہ میڈیا ورکر متاثر ہوتا ہے اور میڈیا ورکر عمران خان کے دل کے بہت قریب ہیں۔ عمران خان نے اسی احساس کے جذبے کے تحت شوکت خانم بنایا۔ پناہ گاہ، احساس اور کفالت پروگرام شروع کئے۔ عمران خان چاہتے ہیں کہ پسے ہوئے طبقے کو ریلیف دیا جائے۔ عمران خان کے دل میں انسانیت کی خدمت کا جذبہ ہے۔ ہمیں اب ماضی میں نہیں حال میں رہنا ہے اور مستقبل کی تیاری کرنی ہے۔ لڑائی سے مسائل حل نہیں ہو سکتے۔ مذاکرات سے ہی تمام مسائل حل کئے جاتے ہیں چاہے چھوٹے ہوں یا بڑے۔ معاون خصوصی نے کہا کہ واجبات کی ادائیگی میں کچھ مسائل ہیں جس کو دور کر رہے ہیں۔ انہوں نے کہا کہ عید سے پہلے جو واجبات ادا کئے گئے تھے اور شرط رکھی گئی تھی کہ اس سے تنخواہیں ادا کی جائیں گی ان میں کچھ اداروں نے ورکروں کو تنخواہیں ادا کیں اور کچھ نے نہیں کیں۔ نئی اشتہاری پالیسی بنا رہے ہیں پرانی اشتہاری پالیسی میں بہت زیادہ گیپ تھا جس کی وجہ سے پندرہ فیصد والے کو طاقت دی گئی اور 85 فیصد والا بھکاری کی طرح پیچھے پیچھے پھرتا رہا۔ تمام متعلقہ لوگوں سے رائے لیں گے۔ نئی اشتہاری پالیسی جولائی کے دوسرے ہفتے میں کابینہ کے سامنے پیش کریں گے۔ اشتہاری ایجنسیوں کے حوالے سے بھی کام کر رہے ہیں۔ اب کارکردگی کی بنیاد پر ان کو کاروبار ملے گا ذاتی مفاد پر کسی کو کاروبار نہیں دیا جائے گا۔ اصلاحات پر عمل درآمد ایمنسٹی سکیم کی وجہ سے مو¿خر کیا گیا تاکہ اس میں تاخیر نہ ہو ہم بہت جلد اس سٹیٹس کو کو ختم کریں گے۔ سب سے پہلے وزارت اطلاعات و نشریات میں اصلاحات کی جائیں گی۔ ہم میڈیا کے لئے سازگار ماحول بنا رہے ہیں تاکہ میڈیا کے ادارے میڈیا ورکرز کے لئے سازگار ماحول بنا سکیں۔ جب میڈیا ورکر میڈیا مالکان کے شکنجے میں آتے ہیں تو وہ ہمارے پاس آتے ہیں اس لئے ہم ایسی پالیسی بنا رہے ہیں کہ میڈیا مالکان کو معاشی آزادی دینا چاہتے ہیں تاکہ میڈیا ورکر ان کے چنگل سے آزاد ہوسکیں،میڈیا ورکرز کو وقت پر تنخواہیں ملیں اور نظام میں توازن پیدا ہو۔ مالکان اور ورکر کا رشتہ مضبوط کرنے میں تعاون کریں گے۔ ڈاکٹر فردوس عاشق اعوان نے کہا کہ پی آئی او میڈیا مالکان سے رابطے میں رہے گا۔

لاہور(صدف نعیم سے)فیاض الحسن چوہان نے میڈیا سے گفتگوکرتے ہوئے کہا کہ مریم نواز کی مایوسی سے بھرپور پریس کانفرنس کی سٹار پلس کے ڈراموں کی طرح ہمدردی حاصل کرنے کی کوشش کی پاکستان کی اعلی عدلیہ نے نواز شریف کو نااہل قرار دیا جیل میں 11 جون سے 21 جون تک نوازشریف چھوٹا گوشت کھاتے رہے ہیںکریلے گوشت ، بینگن گوشت، پھلیاں گوشت، کریلے قیمہ کھایا، آلو گوشت کھاتے رہے ہیں11 دن تک مسلسل گوشت کھایا ہے دل کا مریض کیا روزانہ چھوٹا گوشت کھا سکتا ہے نوازشریف کی رہائشگاہ پر ڈیڑھ پاﺅ کی ایک بوٹی پکتی ہے پاکستانی قوم کے سامنے بیگم صفدر اعوان اور جیل کا قیدی 420 فراڈ کررہا ہے مرسی اور نواز شریف کی مثال کہاں راجہ بھوجاور کہاں گنگو تیلی ،کس منہ کے ساتھ مرسی کے ساتھ نوازشریف کو جوڑا جاتا ہے صبح کا ناشتہ پیپتے اور تربوز کے جوس کے ساتھ کرتے ہیںکوٹ لکھپت قیدی نمبر 420کو کچھ ہوا تو انہیں اپنے بسیار خوری کی وجہ سے ہوگانوازشریف اور شہباز شریف تم پاکستان کے طیب اردگان نہیں خرد برد خان ہو منی لانڈرنگ کی بنیاد پر سپریم کورٹ نے نوازشریف کو تاحیات مجرم قرار دیا میک اپ والی سرکار عوام سے جھوٹ بولنا چھوڑ دیں کوٹ لکھپت جیل کے چار سو بیس قیدی کو چھوٹے گوشت کی ڈشیں دی جاتی ہیں خدانخواستہ نوازشریف کو کچھ ہوا تو ڈیڑھ پاﺅ کی بوٹی اور بسیار خوری کی وجہ سے کچھ ہو گا نوازشریف شوگر کے مریض ہوں تو چاول نہیں کھاتاکیا وہ کیپٹن صفدر کو کہناچاہتا ہوں بیوی نے فیصلہ کیا چوڑیاں توڑ کر ہتھکنڑیاں پہنوں گی کیپٹن صفدرپندرہ سو ریال کءچوڑیاں توڑنے کااعلان بھی کریں سزا یافتہ مریم نواز پروڈکشن آرڑر پر کوئی ایم پی اے یا ایم این اے میڈیا ٹاک نہیں کر سکتاعمران خان ملک کے ہیرو ہیں جب حمزہ نیکر پہن کر کھیلا کرتے تھے اسوقت وہ قوم کے ہیرو تھے حمزہ بتائیں کس قانون کے تحت جھوٹ بول رہے ہیں ایوان میں کہوں گا حمزہ شہباز کے پرویز الہی پروڈکشن آرڑر کو معطل کریں نااہل ڈیفٹڈ بھٹو عمران خان کو سلیکٹڈ وزیر اعظم کہتے رہے جس طرح آپ آئے اسی طرح عمران خان بھی اقتدار پر آئے جب کوئی بیمار ہوتا ہے وہ لوگوں سےکم ملتا ہے تاکہ جراثیم نہ لگ جائے فدر اعوان اور حمزہ کہتاہے بیمارشخص سے زیادہ لوگوں کو ملوایاجائے۔

دوحہ(ویب ڈیسک) قطر کی حکومت نے پاکستان میں 3 ارب ڈالرز کی سرمایہ کاری کا اعلان کردیا۔امیر قطر شیخ تمیم بن حمد الثانی کے دورہ پاکستان کے ثمرات نظر آنے لگے۔ قطر کی سرکاری نیوز ایجنسی کے مطابق قطر کی حکومت پاکستان میں براہ راست سرمایہ کاری اور ڈپوزٹس کی صورت میں 3 ارب ڈالر کی سرمایہ کاری کرے گی۔ نئی سرمایہ کاری کے بعد قطر کی پاکستان میں سرمایہ کاری 9 ارب ڈالرز تک پہنچ جائے گی۔مشیر خزانہ حفیظ شیخ نے نئی قطری سرمایہ کاری کا خیر مقدم کرتے ہوئے کہا ہے کہ شیخ تمیم بن حماد الثانی نے پاکستانی خزانے میں جمع کروانے اور سرمایہ کاری کیلئے تین ارب ڈالرکا اعلان کیا ہے، اس پر امیر قطر کا شکریہ ادا کرتا ہوں، دونوں ممالک کے تعلقات مزید بہتر کرنے کی یقین دہانی پر بھی امیر قطر کے شکرگزار ہیں۔امیر قطر شیخ تمیم بن حمد الثانی نے ہفتہ اور اتوار کو پاکستان کا دو روزہ دورہ کیا ہے جس کے دوران دونوں ممالک کے درمیان مختلف شعبوں میں تعاون کے لیے مفاہمت کی یادداشتوں پر دستخط کئے گئے۔