لاہور (ویب ڈیسک ) ملائیشیا میں ٹرائیپکل خطے کا دنیا کا طویل ترین درخت ’ مینارا‘ دریافت ہوا ہے جس کی لمبائی 328 فٹ ہے۔بین الاقوامی خبر رساں ادارے کے مطابق یونیورسٹی آف ناٹنگھم کے محققین نے ملائشیا کی ریاست سابا کے علاقے دانم ویلی میں دنیا کا بلند قامت درخت دریافت کیا ہے، جس کی لمبائی 100 میٹر ( 328 فٹ) ہے۔ طویل ترین درخت ہونے کی وجہ سے اس درخت کو مینارا کا نام دیا گیا ہے۔ مینارا ملایا زبان کا لفظ ہے جس کے معنی اونچی اور سیدھی عمارت کے ہیں۔Tree 2
آکسفورڈ یونیورسٹی کے محققین نے جنگل بورنیو میں ہونے والی اس دریافت کی لمبائی کی تصدیق کے لیے تھری ڈی اسکینز کے ساتھ ساتھ ڈرون بھی استعمال کیا جب کہ مقامی پیما اندنگ جامی نے ٹیپ کے ذریعے درخت کی لمبائی ناپی۔ ا?کسفورڈ اور یونیورسٹی ا?ف ناٹنگھم نے اس دریافت کو اہم کامیابی قرار دیتے ہوئے ماحول اور ارتقا کے مطالعے میں اہم پیشرفت ہونے کی امید کا اظہار کیا ہے۔
Tree 3
سائنس دانوں کا کہنا ہے کہ مرطوب علاقوں میں اتنے بلند قامت درخت نہیں پائے جاتے، یہ دریافت ثابت کرتی ہے کہ ہمارے لیے درختوں کی حفاظت کرنا کتنا ضروری ہے، یہ اپنے اندر ایک ان کہی تاریخ لیے ہوئے ہیں جن کا مطالعہ ارتقائی مرحلوں کو سمجھنے میں کافی مددگار ثابت ہوسکتی ہے۔

بیجنگ (ویب ڈیسک ) ایثار، ہمت اور دوستی کی ایک غیر معمولی خبر چین سے آئی ہے جہاں 12 سالہ ایک بچہ روزانہ اپنے معذور دوست کو پیٹھ پر سوار کرکے گھر سے اسکول اور اسکول سے گھر لے جاتا ہے اور بیت الخلا تک پہنچانے میں بھی اس کی مدد کرتا ہے۔ یہ خدمت وہ مسلسل چھ برس سے انجام دے رہا ہے۔چین کے صوبے سچوان کے علاقے میشان سے تعلق رکھنے والے اس ہیرو بچے کا نام ڑیوبنگ یانگ ہے۔ پہلی جماعت میں اس کا دوست زینگ ہی ایک مرض، ’ مائیستھینیا گرے وِس‘ کا شکار ہوگیا اور دھیرے دھیرے اس کی ٹانگیں بے کار ہوگئیں۔ اب وہ اسکول آنے جانے سے معذور ہوگیا، ایسے وقت میں ڑیوبنگ یانگ نے اس کی جانب مدد کے لیے ہاتھ آگے بڑھایا اور اسے اسکول لانے اور لے جانے لگا۔ اس کے بعد یہ سلسلہ چھ سال سے جاری رہا اور اب بھی وہ اپنے دوست کو پیٹھ پر سوار کرکے اسکول تک لاتا ہے۔ڑیوبنگ یانگ نے کہا کہ میرا وزن 40 کلوگرام اور میرے دوست زینگ ہی کا وزن 25 کلوگرام ہے اور اسی بنا پر میں اسے آرام سے اٹھالیتا ہوں۔ اب دھوپ اور بارش سے بے نیاز وہ اپنے دوست کو سیڑھیاں چڑھ کر کلاس روم تک چھوڑتا ہے۔ درمیان میں دو دوسرے ہم جماعتوں نے زینگ ہی کی ذمے داری سنبھالی لیکن وہ جلد ہی ہانپ گئے تاہم یانگ کی مدد جاری رہی اور اس نے کسی سے اس کی شکایت نہیں کی یہاں تک کہ اپنی والدہ کو بھی نہیں بتایا۔

ہارورڈ (ویب ڈیسک ) روبوٹ موجدین نے ایک ایسا معمار روبوٹ بنایا ہے جو ازخود دھاتی چادروں سے کسی بھی نرم جگہ یعنی ساحلی ریت پر بھی ایسے دھاتی بلاک سے دیواریں بناتا ہے جس کے ٹکڑے ایک دوسرے سے جڑ جاتے ہیں اور یوں دیکھتے دیکھتے ہی ایک مضبوط دیوار قائم ہوجاتی ہے۔اس طرح یہ روبوٹ یا ایسے بہت سے روبوٹ مل کر انسانی مداخلت کے بغیر سیلابی پشتے، حفاظتی دیواریں اور زمین کو کٹاو¿ سے بچانے والی رکاوٹیں بناسکتے ہیں علاوہ ازیں یہ پانی کے ذخائر کی فوری تعمیر میں بھی مددگار ہوسکتے ہیں۔ تعمیر میں دھاتی پلیٹیں غیر ہموار اور ڈھلوانی سطح پر بھی لگائی جاسکتی ہیں اور ان پر مستقل مضبوط دیواریں بھی اٹھائی جاسکتی ہے۔اسی طرح کھیتوں اور باغات میں قیمتی کھاد اور مٹی کو بکھرنے سے بچانا بھی ضروری ہوتا ہے۔ اس کے علاوہ کان کنی، تعمیرات اور دیگر کاموں میں بھی مٹی کے پھسلاو¿ کو روکنے میں یہ روبوٹ اپنا اہم کردار ادا کرسکتے ہیں۔ ایک اندازے کے مطابق اس قسم کے تمام واقعات سے سالانہ 10 ٹریلیئن ڈالر کا مالی نقصان ہورہا ہے جس کے ازالے میں رومو جیسے روبوٹ بہت مفید رہیں گے۔
روبوٹ کو ہارورڈ یونیورسٹی میں واقع وائس انسٹی ٹیوٹ کے ماہرین نے بنایا ہے جو ازخود کام کرسکتا ہے۔ اب روبوٹ کو 2019ئ کی ا?ئی ای ای ای انٹرنیشنل کانفرنس میں پیش کیا جائے گا۔
روایتی طریقوں کے برخلاف یہ روبوٹ اپنی ہی وزن کی بنیاد پر بھاری دھاتی شیٹوں کو مٹی میں دھنساتا جاتا ہے جس میں اس کے چار پہیے ایکچوایٹر کا کام کرتے ہیں۔ ساتھ ہی ارتعاشات (وائبریشن) سے دھاتی پلیٹیں اندر ہی اندر دھنستی جاتی ہیں خواہ ان کی لمبائی روبوٹ سے اونچی ہی کیوں نہ ہو۔

واشنگٹن (ویب ڈیسک ) دنیا میں جابجا عجائب قدرت ہیں اور ان میں پھولوں کا تیل اور مکھی کا لعاب بھی شامل ہیں۔ یہ دونوں مل کر حیرت انگیز حیاتیاتی گوند کی تشکیل کرتے ہیں جو ہمارے لیے بہت کارآمد ثابت ہوسکتا ہے۔شہد کی مکھیاں گھنٹوں پھول پھول پر بیٹھ کر اس کے زردانے (پولن گرین) جمع کرتی ہیں جو ان کی اگلی ٹانگوں سے بہت نفاست سے چپک جاتےہیں۔ اب اگر ہوا تیز چلے یا پانی کی چھینٹ پڑ جائے تو یہ زردانے نیچے گرجاتےہیں۔ لیکن دو اشیا اسے مضبوطی سے جوڑے رکھتی ہیں جن میں پھولوں کا تیل اور مکھی کا اپنا لعاب شامل ہے۔’خشکی، تری، گرمی اور سردی، مکھیاں ہر قسم کے ماحول میں زردانے جمع کرتی رہتی ہیں اور ان کا لعاب اور پھولوں کا تیل ہر کیفیت میں ان کے بدن سے زردانوں کو چپکائے رکھتا ہے،‘ جے کارسن میریڈتھ نے بتایا جو جارجیا ٹیک اسکول آف بایومالیکیولر انجینیئرنگ کے ماہر ہیں۔
کارسن کہتے ہیں کہ دنیا میں شاید ہی کوئی مصنوعی گوند اس قدرتی گوند کا مقابلہ کرسکتی ہے۔ اس کی تفصیلات نیچر کمیونکیشنز میں شائع ہوئی ہیں۔
ایک سے بھلے دو
سائنسدانوں نے کہا ہےکہ مکھی بہت عقلمندی سے ہر زردانے کو اپنے تھوک میں ڈبوتی ہے اور وہ ا?پس میں چپک جاتےہیں۔ یہ تھوک شکروالا مرکب ہوتا ہے جس سے بعد میں شہد بھی بنتا ہے۔ دوسرا مرکب پھولوں کا تیل ہے جو زردانوں کے شیرے کے اوپر دوسری پرت کے طور پر چڑھتا ہے۔ اب یوں سمجھئے کہ ایک باریک زردانے پر مٹھاس کا پانی چڑھا ہوا ہے اور اس کے اوپر پھولوں کا تیل چڑھ جاتا ہے۔ حیرت انگیز بات یہ ہے کہ سردی، گرمی یا خشکی میں پھولوں کا تیل زردانے کے شیرے کو محفوظ رکھتا ہے۔ اس حیرت انگیز امر پر خود ماہرین بھی حیران ہیں۔
ان دونوں گوندوں پر ماہرین نے بھرپور غور کیا تو معلوم ہوا کہ نمی ہو یا خشکی ، گوند کی افادیت ختم نہیں ہوتی۔ اسی بنا پر اگر یہ عمل سیکھ لیا جائے تو ہم ایسی حیاتیاتی گوند بناسکیں گے جو طب، انجینیئرنگ اور دیگر سائنسی مقاصد کے لیے استعمال کی جاسکے گی۔ یعنی دوہری گوند جو دونوں مائعات کو الگ تھلگ رکھ سکے گی۔ اس کے علاوہ ان کے بہاو¿، درجہ حرارت اور دیگر خواص کو قابو کرکے حسبِ ضرورت فوائد بھی حاصل کئے جاسکتے ہیں۔

واشنگٹن (ویب ڈیسک ) سرخ مرچوں میں موجود ایک مشہور کیمیکل کے بارے میں اہم انکشاف ہوا ہے کہ یہ اب سرطان کے پھیپھڑوں کو روکنے میں اپنا اہم کردار ادا کرتا ہے۔مرچوں کو ترشی دینے والا ایک کیمیکل کیپسیسِن جہاں دیگر بہت سے فوائد رکھتا ہے وہیں اب معلوم ہوا ہے کہ یہ پھیپھڑوں میں کینسر کی رفتار کو سست کرسکتا ہے اورسرطانوی خلیات کی بے تحاشہ تقسیم کو روکتا ہے۔ تجربہ گاہ میں کینسر کے خلیات کو روکنے میں کیپسیسِن کی افادیت سامنے آئی ہے۔مرچ کو مرچیلا بنانے والے اس مرکب پرمارشل یونیورسٹی کی ڈاکٹر پیالی داس گپتا نے اپنی لیبارٹری میں اس پر کئی تجربات کئے ہیں۔ تجربہ گاہی ڈشوں میں ڈاکٹر پیالی داس نے پھیپھڑے کے سرطان کے خلیات (سیلز) لے کر ان پر کیپسیسِن ا?زمایا تو سرطانی خلیات پہلے مرحلے پر رک گئے جسے میٹا اسٹیٹس کہتے ہیں یعنی اسی مرحلے پر کینسر کا پہلا حملہ شروع ہوتا ہے۔اگلے مرحلے میں انہوں نے پھیپھڑے کے سرطان سے بیمار چوہے کو کیپسیسِن دی تو دوسروں کے مقابلے میں ان کے پھیپھڑوں میں میٹااسٹیٹک کینسر کے خلیات بہت کم پائے گئے۔
مزید تفصیلات سے معلوم ہوا کہ یہ مرکب ایس آر سی پروٹین کو روکتا ہے جو کینسر کے خلیات کو بڑھانے، پھیلانے اور زندہ رکھنے میں اہم کردار ادا کرتا ہے۔’ ہمارے تجربات سے ظاہر ہوا ہے کہ کیپسیسِن براہِ راست ایس آر سی کو بلاک کرتا ہے اور یوں اس کی رفتار بہت سست ہوجاتی ہے۔ اسی بنا پر کینسر کو پہلے مرحلے پر روکنے والی میٹااسٹیٹک تھراپی پر کام کیا جاسکتا ہے جو ایک انوکھا اور بالکل نیا طریقہ ہوگا،‘ ڈاکٹر پیالی داس نے کہا۔ واضح رہے کہ اس سے قبل کیپسیسِن کو موٹاپا کم کرنے میں بھی مو¿ثر دیکھا گیا ہے۔
کیپسیسِن کا استعمال معدے کی گرانی، جلن اور ا?نتوں کی سوزش کی وجہ بن سکتا ہے۔ تاہم ماہرین پرامید ہیں کہ وہ اسے دیگر طریقہ ہائے علاج کے ساتھ استعمال کرکے کئی اقسام کے سرطان کو محدود کرکے لوگوں کو شفا بھی دے سکیں گے کیونکہ یہ سرطان دھیرے دھیرے ا?نتوں، جگر، ہڈیوں اور دماغ تک بھی پہنچ جاتا ہے۔