آزادجموںوکشمیر(ویب ڈیسک) صدر مملکت ڈاکٹر عارف علوی کا کہنا ہے کہ کشمیر پر صرف کشمیریوں کا حق ہے اور کشمیر کے مستقبل کا فیصلہ صرف کشمیریوں کو کرنا ہے۔یوم کشمیرپرقانون ساز اسمبلی سے خطاب کرتے ہوئے صدر پاکستان ڈاکٹر عارف علوی کا کہنا تھا کہ برصغیرکی تقسیم کے وقت پاکستان اورکشمیرکےساتھ ناانصافی اورسازش کی گئی، باﺅنڈری کمیشن نے مسلم اکثریتی علاقوں کو بھارت کے حوالے کیا، باﺅنڈری کمیشن نےسوچے سمجھے منصوبے کے تحت سازش کی۔صدر پاکستان نے کہا کہ صدیوں سے کشمیری بھائی ظلم سہتے آئے ہیں، کشمیر پر صرف کشمیریوں کا حق ہے اور کشمیر کے مستقبل کا فیصلہ صرف کشمیریوں کو کرنا ہے جب کہ کشمیر کے حوالے سے پاکستانی سیاستدانوں میں کوئی اختلاف نہیں۔عارف علوی کا کہنا تھا کہ وزیراعظم نے بھارت کی جانب دوستی کا ہاتھ بڑھایا لیکن قابض بھارت بات چیت سے بھاگتا ہے،بھارت سے جب بھی بات چیت کا کہا اس نے کو ئی ناکوئی بہانہ بنادیا، کشمیروں کے حق خود ارادیت کی بلاتفریق حمایت کرتے ہیں۔

اسلام آباد(ویب ڈیسک) وزیراعظم عمران خان نے یوم یکجہتی کشمیر کے موقع پر اپنے پیغام میں کہا کہ کشمیری اپنی ہمت، جرا¾ت، بہادری سے حق خود ارادیت کے حصول کیلئے مسلسل کوشاں ہیں۔ یوم یکجہتی کشمیر کے موقع پر اپنے خصوصی پیغام میں صدر مملکت نے کہا کہ 5 فروری حق خود ارادیت کے حصول کیلئے کشمیریوں کے غیر متزلزل عزم کو خراج تحسین پیش کرنے کا دن ہے۔ اس موقع پر حکومت پاکستان اور اس کے عوام اپنے کشمیری بہن بھائیوں اور بالعموم دنیا بھر پر واضح کرتے ہیں کہ ہم جموں و کشمیر کے طویل عرصہ سے حل طلب تنازعہ اور بھارت کے مقبوضہ جموں و کشمیر پر غاصبانہ قبضہ کے خلاف کشمیریوں کی جدوجہد کو نہیں بھولے۔صدر مملکت کا کہنا تھا کہ بھارت “مسلح جنگجوﺅں کو ہلاک” کرنے کے جھوٹے بیانیہ کی آڑ میں اپنی دہشت گردی کو جواز دینے کی کوشش کرتا رہا ہے تاہم وہ اپنی اس کوشش میں بری طرح ناکام ہوا۔ ہم اپنے کشمیر ی بہن بھائیوں کو یقین دہانی کراتے ہیں کہ ہم کشمیر کے بارے میں اپنے اصولی مو¿قف پر پوری طرح کاربند ہیں ، پوری پاکستانی قوم اس بہادرانہ جدوجہد میں اپنے کشمیری بھائیوں کے ساتھ کھڑی ہے جوکہ وہ اپنے جائز حق خوادادیت کے حصول کیلئے کر رہے ہیں ، ہمیں پختہ یقین ہے کہ کشمیری اپنی اس جدوجہد میں ضرور کامیاب ہوں گے۔وزیراعظم عمران خان نے اپنے پیغام میں کہا کہ 7 دہائیاں گزر نے کے باوجود جموں و کشمیر کا تنازعہ حل نہیں ہوسکا، مقبوضہ جموں و کشمیر میں بے گناہوں کے قتل عام، بچوں پر پیلٹ فائرنگ، آبروریزی و تشّدد سمیت بھارتی مظالم جاری و ساری ہیں اور کشمیری اپنی ہمت، جرا¾ت، بہادری سے حق خود ارادیت کے حصول کیلئے مسلسل کوشاں ہیں۔ بھارتی افواج سفاکانہ طریقے سے ہزاروں بے گناہ کشمیریوں کو بے رحمانہ تشدد، غیر قانونی حراست کے دوران قتل کررہی ہیں۔ ہر سال 5 فروری کو منایا جانے والا “یوم یکجہتی کشمیر” کشمیریوں کے بھارتی تسلط کے خلاف اور حق خود ارادیت کیلئے عزم کو مزید مضبوط کرتا ہے، یہ ارادہ ہر گزرنے والے دن اور ہر ڈھائے جانے والے بھارتی ظلم کے ساتھ تقویت پکڑتا جا رہا ہے۔

راولپنڈی،لندن ( ویب ڈیسک ) ڈی جی آئی ایس پی آر میجر جنرل آصف غفور نے کہا ہے کہ انشااللہ پرعزم کشمیری اپنا حق لینے میں کامیاب ہوں گے۔ سما جی رابطے کی ویب سائٹ ٹویٹر پر یوم یکجہتی کشمیر پر اپنے جاری پیغام میں کہاکہ مسئلہ کشمیر 1948 سے اقوام متحدہ ایجنڈے پر حل کا منتظر ہے، دہائیوں سے قابض فوج تحریک آزادی کچلنے میں ناکام ہےانشااللہ پرعزم کشمیری اپنا حق لینے میں کامیاب ہوں گے۔دریں اثنا وزیر خارجہ شاہ محمود قریشی نے کہا ہے کہ پاکستانکی تمام جماعتیں کشمیر ایشو پر ایک پیج پرہیں ، مقبوضہ جموں و کشمیر کی صورتحال روز بروز بگڑی جا رہی ہے، بھارتی وزیر اعظم مودی کے دورہ مقبوضہ کشمیر کے دور ان مکمل ہڑتال اور ہو کا عالم طاری تھا، اس سے زیادہ احتجاج اور کیا ہو سکتا ہی پہلی بار برطانوی پارلیمنٹ کے ہاس آف کامنز میں کھل کر مقبوضہ جموں و کشمیر پر بات چیت ہوئی، کشمیریوں کے خون کی وجہ سے رائے عامہ میں تبدیلی نظر آرہی ہے،مسئلہ جموں و کشمیر شخصیات سے بالاتر ہے یہ ایک بڑی کاز ہے جو شخصیات کی محتاج نہیں۔ وزیر خارجہ مخدوم شاہ محمود قریشی نے کہا کہ انڈیا کسی تیسرے کو مداخلت کی اجازت نہیں دیتا کہ یہ ہم دو ممالک کا مسئلہ ہے اور یو این جی اے میں جب ملاقات طے ہوتی ہے تو ششما سراج ملاقات کو کینسل کر دیتی ہیں جبکہ مقبوضہ جموں و کشمیر کی صورتحال روز بروز بگڑی جا رہی ہے۔

اسلام آباد(ویب ڈیسک)قومی شناختی کارڈ کے بغیر دلہا اور دلہن کے شادی کرنے پر پابندی عائد کر دی گئی ہے۔ تفصیلات کے مطابق پاکستان تحریک انصاف نے دی مسلم فیملی لاز آرڈیننس 1961ئ میں شادیوں کی رجسٹریشن میں ترمیم کی تجویز دے دی۔ پاکستان تحریک انصاف کی رکن پنجاب اسمبلی مسرت جمشید چیمہ کی جانب سے ترمیم کا بل پنجاب اسمبلی میں جمع کروایا گیا۔بل کے سیکشن 5 کے سب سیکشن 1 کے بعد (1a) کے اضافہ کی ترمیم کی تجویز کی گئی۔ ترمیم کے تحت کوئی بھی شادی دلہا اور دلہن کے قومی شناختی کارڈ کے بغیر رجسٹرڈ نہیںہو گی۔ اس وقت قانون کے مطابق شادی کی رجسٹریشن کے لیے دلہا اور دلہن کے شناختی کارڈ کے موجود ہونے کا کوئی قانون موجود نہیں ہے۔ ترمیم دینے کا مقصد کم عمری کی شادیوں کی روک تھام کو یقینی بنانا اور چھوٹی بچیوں کی شادی کے رجحان کو قانونی طور پر ختم کرنا ہے۔دی چائلڈ میرج ریسٹرینٹ ایکٹ میں اس وقت 18 سال سے کم عمر بچہ اور 16 سال سے کم عمر بچی کو چائلڈ تصور کیا جاتا ہے۔ مسرت جمشید چیمہ نے اس قانون میں بھی بچیوں کی عمر 18 سال کرنے کا ترمیمی بل پنجاب اسمبلی میں جمع کروا رکھا ہے۔ مسرت چیمہ نے کہا کہ دی مسلم فیملی لاز آرڈینن 1961ئ کے سیکشن 5 میں 1a شامل کرنے سے کم عمری کی شادیوں کی روک تھام ہو گی اور دونوں قوانین ایک دوسرے کو سپورٹ کریں کے۔اس کے علاوہ اس بل کے قانون بننے سے شناختی کارڈ کی اہمیت میں اضافہ ہو گا اور نئے شادی شدہ جوڑوں کے خانگی معاملات میں بھی بہتری آئے گی۔ یاد رہے کہ گذشتہ ماہ کے آخر میں سینیٹ کمیٹی برائے انسانی حقوق نے شادی کی عمر کی حد اٹھارہ سال کرنے کا بل منظور کیا تھا۔اس بل کی منظوری کے بعد کم عمر کے بچے اور بچیوں کی شادیوں میں کمی آئے گی جبکہ اس امر کو یقینی بنانے کے لیے اب شادی کے وقت دلہا اور دلہن کے قومی شناختی کارڈ کو لازمی قرار دیا گیا ہے۔