لاہور (ویب ڈیسک) قومی ٹیم کے فاسٹ بولر جنید خان کا کہنا ہے کہ آسٹریلیا کے خلاف کم بیک کرنے کے ساتھ ورلڈکپ کپ اسکواڈ کا بھی ضرور حصہ بنوں گا۔میڈیا سے گفتگو جنید خان نے کہا کہ مایوس نہیں ہوں اورنہ ہی بولنگ اسپیڈ کم ہوئی ہے،اس وقت بھی ایک سو چالیس کی رفتار سے بولنگ کرسکتا ہوں۔ پی ایس ایل میں بہترین پرفارمنس دے کر ایک بارپھر سلیکٹرز اور ٹیم انتظامیہ کے دل جیت کر قومی ٹیم میں واپس آﺅں گا۔ ان کا کہنا ہے کہ وہاں کی کنڈیشنز تیز بولرز کے لیے زیادہ ساز گار نہیں ،اس کے باجود کوشش کی ہے کہ ٹیم کی توقعات پر پورا اترسکوں۔اپنی رفتار کے حوالے سے بات کرتے ہوئے انہوں نے واضح کیاکہ ٹیم میں ان اور آﺅٹ ہونے سے اعتماد متذلزل ہوتاہے۔ اگر ٹیم سے باہر ہونےکا خوف نہ ہو تو زیادہ تیز گیند کرنے سے رنز بھی پڑجائیں تو فکر نہیں ہوتی، بولنگ نام ہی اعتماد ہے۔ جتنا زیادہ بولر پر کپتان اور ٹیم انتظامیہ کا اعتماد ہوگا، اتناہی وہ زبردست پرفارم کرنے کے قابل ہوگا۔صوابی سے تعلق رکھنے والے پیسر نے کہا کہ چھوٹے سے گاﺅں سے قومی ٹیم کے سفر کا کبھی سوچا نہ تھا، اب بھی اپنی محنت پر یقین ہے کہ آسٹریلیا کےخلاف کم بیک کرنے کے ساتھ ورلڈکپ کپ اسکواڈ کا بھی ضرور حصہ بنوں گا۔ جنید خان کے مطابق اب پی ایس ایل پر فوکس ہے،کوشش ہوگی کہ ملتان سلطانز کے لیے شاندار پرفارمنس دوں۔ پی ایس ایل کے آٹھ میچز پاکستان ہونا بہت خوش آئندہے،اس سے نہ صرف پاکستان کا امیج بہتر ہوگا بلکہ نوجوانوں میں کھیل کا شوق بھی بڑھے گا۔بائیں ہاتھ کے پیسر نے کھلنا ٹائٹنز کی جانب سے سات میچز میں گیارہ وکٹ لیے جس میں کومیلا وکٹورینز کے خلاف بیتیس رنز دےکر چار وکٹوں کی بہترین کارکردگی شامل ہے۔
