قصور (بیورو رپورٹ)محکمہ تعلیم قصور میں تعینات ہیڈمسٹریس غریب ملازمین کے لیے فرعون بن گئی لاقانونیت کی انتہاءکرنیوالی ہیڈ مسٹریس روبینہ اشرف نے مبینہ طور پر ماتحت عملہ پر ظلم کے پہاڑ توڑ دیے غریب چوکیدار ہیڈمسٹریس کے غیر قانونی حکم کی تعمیل کرنے کے دوران عمر بھر کے لیے معذور ہوگیا ہیڈ مسٹریس نے غیر قانونی حکم پر معذرت کرنے کی بجائے مذکورہ چوکیدار کو زندگی بھر کے لیے بےروزگار کرنے کی دھمکیاںدینا شروع کر دیں چلنے پھرنے سے معذور شوکت علی انصاف کے لیے روزنامہ خبریں کے آفس پہنچ گیا شوکت علی نے بتایا کہ وہ نیا بازار قصور میں ایک کرائے کے مکان میں رہائش پذیر چلا آرہا ہے اس کے تین کم سن اور معذور بچے ہیں اور وہ گورنمنٹ ایلیمنٹری گرلز سکول رکن پورہ میں چوکیدار کے طور پر ملازمت کرتا چلا آرہا ہے سکول کے ہیڈ مسٹریس روبینہ اشرف کا رویہ انتہائی تذلیل آمیز اور غیر قانونی رہا ہے ہیڈ مسٹریس اس سے سکول کے علاوہ اپنے گھر کے گھٹیا سے گھٹیا کام کراتی ہے حتیٰ کہ سکول کے ساتھ ساتھ مذکورہ آفیسر کے گھر کے باتھروم تک صاف کرنا بھی اس کی ڈیوٹی میں شامل ہے ہیڈمسٹریس نے غریب ہونے کے باوجود اس کی گرہ سے سکول کے مختلف کمروں میں پینٹ کرانا شروع کیا اور کہاکہ اگر وہ اپنی جیب سے پینٹ خرید کر نہیں لائے گا تو اسے تنخواہ کی ادائیگی رکوا دی جائے گی جس پر وہ مجبوراً پینٹ لے آیا تاہم وقوعہ کے روز وہ شدید بیمار تھا اور شوکت علی کے بقول اس کا جسم حرکت تک نہیں کر رہا تھا مگر ہیڈ مسٹریس نے کہاکہ وہ ہر صورت سیڑھی پر چڑھ کر پینٹ کا کام مکمل کرے جس پر وہ مجبوراً سیڑھی پر چڑھ کر پینٹ کرنے لگا تو اسی دوران بیماری کی وجہ سے توازن برقرار نہ رکھ سکا اور سیڑھی سے نیچے آگرا جس کے نتیجہ میں ناصرف اس کے سر میں گہری چوٹیںآئیںبلکہ اسکا ایک بازو اور ٹانگ بھی ٹوٹ گئے ہیڈ مسٹریس نے اسے ہسپتال پہنچانے کی بجائے دیگر عملہ کے ذریعے گھر پہنچا دیا جہاںپر ہمسائیہ داروںنے اپنے طور پر پیسے اکٹھے کیے اور اس کا علاج معالجہ شروع کرایا شوکت علی کے مطابق وہ اب چار پائی پر پڑا ہے اور اسے مسلسل دھمکیاںدی جارہی ہیں کہ اگر اس نے اس ضمن میں حکام یا میڈیا کو کوئی اطلاع کی تو اسے نوکری سے ہمیشہ کے لیے برخاست کرا دیاجائے گا شوکت علی کے مطابق وہ ہیڈمسٹریس کے ڈر کے مارے کوئی کاروائی نہیں کر رہا مگر ہیڈمسٹریس کے رویے اور غیر قانونی سلوک کی وجہ سے اس کے خاندان کے گھر کی نیندیںحرام ہوچکی ہیں اگر ہیڈمسٹریس نے اسے نوکری سے نکلوا دیا تو وہ اور اس کے بچے ساری عمر کے لیے بیروزگار ہوجائیں گے خبریںنے اس سلسلہ میں ہیڈ مسٹریس روبینہ اشرف کا موقف جاننے کے لیے ان سے متعدد باررابطہ کرنے کی کوشش کی مگر ان کا موبائل فون مسلسل بند جارہا تھا جبکہ شوکت علی نے خبریں گروپ آف نیوز پیپرز کے چیف ایگزیکٹیو جناب ضیاءشاہد کی وساطت سے وزیر اعلیٰ پنجاب سے اپیل کی ہے کہ اسے تحفظ اور انصاف فراہم کیاجائے ۔

اسلام آباد (مانیٹرنگ ڈیسک) مسلم لیگ ن کے رہنماءزعیم قادری نے کہا ہے کہ میری اطلاع کے مطابق تحریک انصاف میں فارورڈ بلاک بن چکا ہے۔ میرا نہیں خیال حکومتی رویہ ایسا ہے کہ یہ حکومت چل سکے کیونکہ ان کو پتہ ہی نہیں حکومتیں کیسے چلتی ہیں ہر چیز سے سبسڈی ختم کر دی گئی مہنگائی سے غریب شخص تو مارا گیا۔ چینل فائیو کے پروگرام نیوز ایٹ 7نے کہا کہ پنجاب میں بھی ن لیگ کی حکومت اس لئے نہیں بن سکی کیونکہ اسٹیبلشمنٹ کی حمایت تحریک انصاف کےساتھ تھی۔ میرا ٹریک ریکارڈ ہے کبھی کسی کو گالی نہیں دی کیونکہ کسی کو گالی دینے سے گالی دینے والے کاقد اونچا نہیں ہو جاتا غلط کو غلط اور درست کو درست کہتا ہوں عمران خان نے مجھے تحریک انصاف میں شمولیت کی دعوت دی تھی جس پر میں تحریک انصاف کا مشکور ہوں لیکن میں اپنے نظریے کو نہیں چھوڑ سکتا میں نے یا میرے اباﺅاجداد نے کبھی پارٹی تبدیل نہیں کی ن لیگ تو میرے خون میں ہے۔ حکومت کو بھی چاہئے اپوزیشن کی مثبت رائے کا احترام کرتے ہوئے عمل بھی کرے۔ سیاسی استحکام سے ہی ملک کی معیشت مضبوط ہوسکتی ہے۔ میرے خیال میں شہباز شریف کے چیئرمین پی اے سی ہونے سے بہتری آ رہی ہے کیونکہ وہ ایک قد آور شخصیت ہیں۔ حکومت کی ذمہ داری ہے اپوزیشن کو ساتھ لے کر چلے۔میں سمجھتا ہوں احتساب بلاامیتیاز ہونی چاہئے میں علیم خان کی گرفتاری کی بھی مذمت کرتا ہوں بغیر ریفرنس تیار کئے گرفتاری نہیں ہونی چاہئے کسی کی گرفتاری سے پارٹیز کو نقصان یا فائدہ نہیں ہوتا۔ صرف الزام کی بنیاد پر کسی کو استعفیٰ دینے کے لئے نہیں کہنا چاہئے۔ عوام کی رائے کیا ہے اس کا اندازہ سوشل میڈیا سے نہیں لگایا جاسکتا حکومت کووقت ملنا چاہئے۔ اگر الیکشن شفاف ہوتے تو تحریک انصاف جیت نہیں سکتی تھی۔ ن لیگ کو بھی چاہئے تھا اپنے لوگوں کا خیال رکھتی تیس تیس سال سے جو لوگ پارٹی کے ساتھ ہیں انہیں ترجیح دینی چاہئے ورنہ خمیازہ تو بھگتنا پڑتا ہے ۔۔ دیگر اراکین سے رائے ضرور لی جاتی ہے لیکن پارٹی کے فیصلے شہباز شریف کے کنٹرول میں ہوتے ہیں۔مریم نواز اور حمزہ میں کوئی تنازعہ نہیں۔

لاہور (مانیٹرنگ ڈیسک) سابق وزیرخارجہ خورشید قصوری نے کہا کہ امریکہ افغانستان سے نکلنے کیلئے سنجیدہ ہے، باراک اوباما بھی فوجیں واپس لانا چاہتے تھے تاہم امریکی اسٹیبلشمنٹ، فوج اور پینٹا گون کے دباﺅکے باعث ایسا نہ کر سکے۔ صدر ٹرمپ کے گرد بھی شروع میں 3 جرنیل اہم عہدوں پر تھے تاہم ان سے ایک ایک کر کے جان چھڑا لی کیونکہ وہ تینوں بھی افغانستان سے نکلنے کے حق میں نہیں تھے۔ افغانستان میں روایتی جنگ نہیں گوریلا وار ہے امریکہ آئندہ 50 سال بھی یہ جنگ نہیں جیت سکتا۔ صدر ٹرمپ اوباما کے مقابلے میں مضبوط ثابت ہوئے کسی دباﺅ کو خاطر میں نہ لائے اور فوجیں واپس بلا رہے ہیں۔ امریکہ اس نتیجہ پر پہنچ چکا ہے کہ جب وہ جنگ نہیں جیت سکتا تو کیو ںاپنے فوجیوں کی جانیں ضائع کرے۔ یہ بات تو ٹھیک ہے تاہم اس میں پاکستان کیلئے بڑے خدشات اور خطرات ہیں امریکہ اگر ماضی کی طرح بھی خاموشی سے افغانستان سے نکل گیا تو وہاں خانہ جنگی شروع ہو جائے گی جس کے نتیجہ میں طالبان کیلئے متحدہ افغانستان پر حکومت ناممکن ہو گی اس لئے طالبان نمائندے نے ماسکو میں کہا کہ وہ پورے افغانستان پر قبضہ نہیں چاہتے خواتین کے حوالے سے بھی نرمی کرنے کی بات کی۔ امریکہ کی کوشش ہے کہ افغانستان میں جولائی میں الیکشن سے پہلے عوامی حکومت بنے جس میں طالبان اور افغان حکومت کے نمائندے شامل ہوں امریکہ جنگ بندی چاہتا ہے تاہم طالبان نے واضح کیا ہے کہ جب تک غیر ملکی افواج موجود ہیں ایسا نہیں ہو سکتا۔ امریکہ نے کہا کہ وہ دہشتگردی کیخلاف ایکشن کیلئے افغانستان میں اپنی بیسز پر چھوٹے دستے رکھنا چاہتا ہے۔ اس بات کی شروع میں طالبان نے مخالفت نہیں کی تاہم لگتا ہے کہ روس اور ایران نے طالبان کو قائل کر لیا ہے کہ افغانستان میں امریکہ کے مستقل اڈے نہیں ہونے چاہئیں ذاتی رائے ہے کہ وہاں امریکہ کے نہیں البتہ یو این یا او آئی سی کے تحت فوجی دستے تعینات رہنے چاہئیں۔ افغانستان میں اس سٹرکچرنگ کیلئے امریکہ اور یورپ کی مدد کی ضرورت ہے۔ عبوری حکومت کیلئے طالبان کی ملاقاتیں شروع ہو چکی ہیں۔ طالبان کسی صورت امن کا کریڈٹ اشرف غنی کو نہیں دینا چاہئے۔ طالبان جو اتحاد بنا رہے ہیں اس میں اشرف غنی کے مخالف ہیں جس کا مقصد افغان صدر پر دباﺅ بڑھانا ہے۔ اشرف غنی کوغصہ ہے کہ طالبان اس سے بات کرنے سے انکاری ہیں اس لئے وہ پاکستان سے ناراض ہے اور غصہ نکال رہا ہے۔ پاکستان تو چاہتا ہے کہ طالبان افغان حکومت سے بات کریں لیکن طالبان ہماری بات ماننے کے پابندن نہیں ہیں۔ اشرف غنی اسی وجہ سے طالبان اور امریکہ کے بجائے پاکستان پر غصہ نکال رہا ہے۔ اشرف غنی کو سمجھ جانا چاہئے کہ طالبان اس کی حکومت کو محض پٹھو حکومت سمجھتے ہیں۔

This will not only be quicker but it is a lot less costly than hiring affordable-papers.net an expert.

لاہور(مانیٹرنگ ڈیسک) کالم نگارمریم ارشد نے کہا ہے کہ علیم خان کی گرفتاری کافی پہلے سے متوقع تھی ان کی گرفتاری کے بعد بھی اپوزیشن تنقید کر رہی ہے حالانکہ ثابت ہو گیا احتساب بلاامتیاز ہو رہا ہے۔سب ہی چاہتے ہیں اب حقیقی تبدیلی آئے۔جتنے بھی کرپٹ لوگ ہیں انہیں سلاخوں کے پیچھے ہونا چاہئے۔نیب کو بنانے والے یہی لوگ تھے جو اس کی زد میں آ ر ہے ہیں۔ ماضی کی حکومتوں نے لاہور کی کلچرل شناخت ختم کر دی گئی۔مذہبی جماعتوں کو مذہب کی آڑ میں سیاست نہیں کرنی چاہئے۔مڈم ٹرم الیکشن کی بات حکومت کو دباﺅ میں لانے کے لئے ہے۔ابھی اور بھی گرفتاریاں ہوں گی۔ کالم نگارعابد کمالوی نے کہا کہ قومی خزانے کو لوٹنے والوں کو گرفت میں آنا چاہئے۔بڑے آدمیوں کو ہاتھ ڈالتے وقت بہت احتیاط کرنی پڑتی ہے کیونکہ اس کے پیچھے لوگ ہوتے ہیں۔علیم خان کی گرفتاری بڑی گرفتاری ہے اس سے بڑی بات انہوں نے خود ہی استعفی دے دیا جس سے مخالفین کو منہ کی پڑی ہے۔انہوں نے کہا کہ حکومت کے لئے قانون سازی کرنا مشکل ہے۔مڈٹرم الیکشن کی بات ن لیگ کے لوگوں کی جانب سے کی جا رہی ہے۔افغانستان پاکستان کی نسبت بھارت کے زیادہ قریب ہے۔ بہت جنگیں لڑ چکے اب ہمیں خود کو افغان معاملے سے الگ رکھنا چاہئے۔انہوں نے کہا موجودہ حکومت سائبر سیکورٹی پر کام کر رہی ہے۔ کالم نگارطا رق وسیم نے کہا کہ نیب کو پہلے اپنی حدود طے کر لینی چاہئے۔بغیر ثبوت کے کسی کو کرپٹ کہنا مناسب نہیں الزامات کی بنیاد پر گرفتاری نہیں ہونی چاہئے۔کیا صر ف سیاستدان ہی کرپٹ ہیں ۔سیاسی جماعتیں ووٹ لینے کے لئے صرف نعرے لگاتی ہیں۔تحریک لیبیک نے کچھ سیٹں نکالی ہیں پہلے یہ جماعت نہیں تھی لیکن بڑی تیزی سے سامنے آئی ہے۔انہوں نے کہا وزیر خارجہ اپنی وزارت کا بہت تجربہ رکھتے ہیں۔انہوں نے افغانستان کے حوالے سے درست بات کی۔ کالم نگارو نمائندہ خصوصی میاں افضل نے کہا کہ ہمیشہ انہی ملکوں نے ترقی کی جن کے ادارے اپنی حدود میں کام کرتے رہے۔نواز شریف کی صحت کے حوالے سے اتنی جلدی جلدی ر بورڈ تشکیل دینا سمجھ سے بالا تر ہے۔انہوں نے کہا پاکستان میں امن کےلئے افغان امن ضروری ہے لیکن افغانستان کو کسی کے کہنے پر ہمیں آنکھیں نہیں دکھانی چاہئیں۔انہوں نے کہا ہمیں اپنی سائبر سیکورٹی بہتری بنانی ہو گی۔