وانا (ویب ڈیسک)وانا میں طالبان کی موجودگی ایک حقیقت ہے جو ملا نذیر گروپ کے نام سے جانے جاتے تھے لیکن ملا نذیر کی ہلاکت کے بعد ان کے چار کمانڈروں بہاول خان المعروف صلاح الدین ایوبی، عین اللہ، ملنگ اور تاج نے اپنے اپنے گروپس منظم کیے اور وانا سب ڈویڑن کو بھی چار حصوں میں تقسیم کیا۔اس ہر ایک حصے پر ہر ایک کمانڈر کو اپنا کنٹرول حاصل ہے اس کے علاوہ تحصیل خان کا ایک گروپ تحصیل شکائی میں موجود ہے جس کو اپنے علاقے پر مکمل کنٹرول حاصل ہے اور تحصیل خان گروپ کا ایک دفتر ڈیرہ اسماعیل خان میں بھی موجود ہے۔اس گروپ نے ملا نذیر کی زندگی میں ایک الگ گروپ کی شکل اختیار کی تھی۔دوسرے چار کمانڈروں نے آپس میں علاقے کی تقسیم کچھ اس طرح کی کہ صلاح الدین ایوبی کے حصے میں سپین، تنائی، ثمر باغ، موسی قلعہ، ڈوگ، پیر باغ اور کرم کوٹ آئے۔ عین اللہ کے حصے میں کڑی کوٹ، لمن، غواہ خوہ شو کوٹ، ڈب کوٹ اور دڑہ غونڈئے آئے۔اس طرح ملنگ گنگی خیل کے حصے میں دانہ، شاہ عالم، انگور اڈا، خمرنگ اور رغزائی کے علاقے آئے، جبکہ تاج کے حصے میں اعظم ورسک، کڑہ پنگہ، کالوتائی، وچہ دانہ اور سرکنڈا آئے۔وانا بازار اور اس سے متصل علاقوں کو مہینوں کے حساب سے تقسیم کیا گیا ہے۔ ہر ایک گروپ وانا بازار میں ایک، ایک مہینہ گزارے گا ہر ایک گروپ ہر یکم کو اپنا چارج چھوڑ کر دوسرے کو چارج دے دیتا ہے۔البتہ وانا بازار کی تقسیم میں تحصیل خان کا گروپ شامل نہیں، دیگر چار کمانڈروں کے وانا بازار میں اپنے اپنے دفاتر موجود ہیں اور مقامی پولیٹکل انتظامیہ ان دفاتر کو امن کمیٹیوں کے نام سےجانتی ہے۔مقامی انتظامیہ کے اعدادوشمار کے مطابق وانا بازار میں 6000 سے زیادہ دوکانیں ہیں۔ اس کے علاوہ 30 کے قریب سبزی کی دوکانیں بھی ہیں۔ مقامی انتظامیہ کے مطابق امن و امان کی ذمہ داریاں ان کمیٹیوں کے سپرد ہیں، اس لیے ہر ماہ کے حساب سے ٹیکس بھی یہی کمیٹیاں وصول کرتی چلی آرہی ہیں۔طالبان فی دوکان 500 روپے ٹکیس وصول کرتے ہیں جو مہینے کے حساب سے 30 لاکھ سے زیادہ بنتا ہے۔ اس کے علاوہ جو علاقے کسی کمانڈر کے زیر نگرانی ہیں وہ اس علاقے کے تمام معاملات کو بھی نمٹاتے ہیں۔مقامی لوگوں کے مطابق کاروبار یا زمین کے تنازعات میں ہر ایک فریق سے 50 ہزار سے ایک لاکھ روپے تک وصول کیے جاتے ہیں۔ اس طرح علاقے میں جاری ترقیاتی منصوبوں میں 13 فیصد ہر ایک ٹھیکیدار طالبان کو تھما دیتا ہے۔اس کے ساتھ ساتھ طالبان کی طرف سے لاگو قوانین کی خلاف ورزی پر بھی بھاری جرمانے دینے پڑتے تھے اور شادی بیاہ کے موقع پر موسیقی بجانے پر 50 ہزار، رات دس بجے کے بعد گھر سے نکلنے پر دس ہزار مقرر ہے۔ان سارے پیسوں کی آمد کی وجہ سے وانا میں عام شہریوں کی نسبت طالبان کی زندگی بہتر سمجھی جاتی ہے اور طالبان کے پاس عام لوگوں کی نسبت گاڑیاں بھی اچھی ہیں اور اکثر کمانڈروں نے تو دو دو شادیاں کر رکھی ہیں۔ بات اب یہاں تک پہنچ گئی ہے کہ اگر ایک کمانڈر ہلاک ہو جاتا ہے تو اس کمانڈنگ کی ذمہ داری اپنے گھر میں کسی کو دے دی جاتی ہے اور وہ اسے اپنی میراث سمجھتے ہیں۔ان چاروں گروپوں کا آپس میں مضبوط اتحاد و اتفاق ہے اور علاقے میں کسی مزید گروپ کو بننے نہیں دیا جاتا۔سنہ 2014 میں گلام خون نامی ایک طالب نے ایک الگ گروپ بنانے کی کوشش کی تو چاروں کمانڈروں نے ایک ساتھ ان کے مرکز کو بند کر دیا اور چاروں کمانڈروں کی طرف اس وقت صاف صاف ہدایت جاری کی گئی کہ مزید کسی کو گروپ بنانے کی اجازت نہیں۔وانا بازار میں ان چاروں کمانڈروں کے دفاتر کے علاوہ ہر ایک کے علاقے میں تربیتی مراکز بھی موجود ہیں۔سب سے بڑا مرکز بہاول خان ایوبی کا ہے جو تقریباً 12 سو کنال رقبے پر پھیلا ہوا ہے، جو موسی قلعہ کے نام سے مشہور ہے۔ یہ مرکز وانا سکاو¿ٹس کیمپ سے جنوب کی جانب صرف دو کلومیٹر کے فاصلے پر واقع ہے جس میں ایک عالی شان بنگلہ، سیب، آڑوں اور خوبانی کے باغات ہیں۔یہ زمین پیر عادل گیلانی کی ملکیت ہے جس پر ملا نذیر نے 2007 میں قبضہ کیا تھا، جہاں میں مختلف تنازعات کی پیشیاں ہوتی ہیں۔وانا میں لوگ کئی سالوں سے طالبان کی طرف سے زیادتیاں برداشت کرتے چلے آ رہے ہیں اور کئی دفعہ کسی معاملے پر عزت دار لوگوں کو اٹھا کر جیل میں ڈال دیا جاتا ہے، جس کی وجہ سے عام شہریوں کے دلوں میں طالبان کے لیے غصہ موجود تھا۔کراچی میں نقیب اللہ محسود قتل کیس کے بعد پختون تحفظ مومنٹ (پی ٹی ایم ) نے سر اٹھایا اور ساتھ ہی وانا میں عام شہریوں نے طالبان کے خلاف بات کرنا شروع کر دیا اور کچھ عرصہ پہلے کمانڈر عین اللہ نے ایک پمفلٹ کے ذریعے موسیقی اور ننگے سر پر پابندی کا اعلان کیا تھا، جس پر عام شہریوں نے شور مچایا اور اس پمفلٹ کو اخبارات میں شائع کیا گیا، جس کے بعد عین اللہ اور مقامی علما پریس کانفرنس کرنے پر مجبور ہوگئے اور بتایا گیا کہ ان کا اس پمفلٹ سے کوئی تعلق نہیں۔بعد میں طالبان کے خلاف باتوں نے زور پکڑا، مقامی انتظامیہ نے علما اور مالکان پر مشتمل ایک جرگے کے ذریعے طالبان اور عام شہریوں میں تعلقات بہتر بنانے کی کوشش کی لیکن کامیاب نہ ہوئے اور آخر کار ’پختون تحفظ مومنٹ‘ نے اپنے جلسوں اور سوشل میڈیا پر طالبان کے خلاف بولنا شروع کر دیا اور گذشتہ روز کے واقع سے ایک دن پہلے یعنی دو جون کو وانا سکاو¿ٹس کیمپ کے سامنے پختون تحفظ مومنٹ کے جلسے میں علی وزیر نے طالبان کو خوب للکارا اور کہا کہ وانا میں مزید لمبے بال والے نہیں چلیں گے۔ جس کے نتیجے میں گذشتہ روز کا یہ واقعہ پیش آیا، چار افراد ہلاک جبکہ 28 زخمی ہوگئے۔

لاہور (ویب ڈیسک)قرآن مجید کی زبان میں روزے کا مقصد خاص تقوی کا حصول ہے۔ تقوی ضبط نفس سے عبارت ہے، پیٹ اور نفسانی خواہشات گناہ کے سب سے بڑے دروازے ہیں، ہر گناہ کا سلسلہ نسب انہیں دو محرکات سے ملتا ہے۔ چوری اور ڈکیتی، قتل و غارت گری، دوسروں کے مال پر ناجائز قبضہ، دوسروں کو ان کے حقوق سے محروم رکھنا، رزق میں حرام و حلال کی تمیز نہ کرنا۔ ان سارے گناہوں کا سرچشمہ پیٹ کے سوا اور کیا ہے؟ زنا، بد نگاہی اور بدکاری کی تمام صورتیں اور ان کے لیے قتل و خون ریزی اور آبرو ریزی ان تمام گناہوں اور فتنوں کی اساس نفسانی خواہشات ہی تو ہیں! روزے کا بنیادی مقصد اور حکمت ان دو چیزوں کا کنٹرول اور توازن میں لانا ہے، کیوں کہ جو بندہ مسلسل ایک ماہ اپنے آپ کو اس طرح نفس کے دام ہم رنگ سے بچانے میں کام یاب رہے گا اور وقتا فوقتا نفل روزں کی صورت میں اللہ سے محبت کے عہد کی تجدید کرتا رہے گا یقینا اس میں اپنے آپ پر کنٹرول اور ضبط کی صلاحیت پیدا ہوگی اور وہ اپنے ا?پ کو ہمیشہ گناہوں سے بچا سکے گا، اسی کا نام تقوی ہے۔ تاہم اس کیفیت کے حصول کے روزے کے تمام ا?داب اور شرائط کا لحاظ رکھنا ضروری ہے۔روزہ تو صرف صبح تا شام بھوکے پیاسے کا نام ہرگز نہیں ان کے پیچھے تو معاشرے کا سدھرنا بہت بڑا فلسفہ ہے۔ روزہ تو گناہوں سے بچنے کا نام ہے اس مقصد سے عاری بھو ک و پیاس کی تو باری تعالیٰ کو کوئی حاجت نہیں۔حضرت ابوہریرہ ? سے روایت ہے کہ رسول اللہ نے ارشاد فرمایا: ”جو آدمی روزہ رکھتے ہوئے باطل کلام اور باطل کاموں کو نہ چھوڑے تو اللہ تعالیٰ کو اس بھوکے پیاسے رہنے کی کوئی ضرورت نہیں۔ حدیث پاک سے معلوم ہوا کہ اللہ کے ہاں روزے کے مقبول ہونے کے لیے ضروری ہے کہ آدمی کھانا پینا چھوڑنے کے ساتھ گناہوں سے بھی اجتناب برتے۔اب اگر کوئی شخص روزہ تو رکھے اور گناہ کی باتیں اور گناہ والے اعمال کرتا رہے تو اللہ تعالیٰ کو اس روزے کی کوئی پروا نہیں، یعنی درحقیقت اس کو اجر و ثواب نہیں ملے گا کیوں کہ اجر و ثواب تو روزے پر ہے نہ کہ بھوکے پیاسے رہنے پر اور یہ گناہ والے اعمال کے ہوتے ہوئے جب روزہ مقصد سے خالی ہوا تو ظاہر ہے کہ روزہ باقی ہی نہیں رہا صرف یہ شخص بھوکا و پیاسا رہا جس کو باری تعالی کو کوئی ضرورت نہیں۔
لہذا اس اہم نکتہ سمجھنے کے بعد سب پہلے تو اس بات کا پختہ عزم کیجیے کہ رمضان میں پاکیزہ اور محتاط زندگی گزاریں گے۔ آنکھوں کا غلط استعمال نہ ہونے پائے، کانوں سے گناہ والی باتوں کو نہ سنے ، بے کار کاموں اور لایعنی کاموں میں مشغول نہ ہو۔ اسی طرح کسی کو دل میں کینہ، حسد اور غصہ رکھنا یہ بھی بہت بڑا گناہ ہے۔کینہ رکھنا یہ اتنی بڑی بدبختی ہے کہ حضور کا ارشاد مبارک ہے کہ ایسا شخص شب قدر کی تجلیات مغفرت اور قبولیت دعا سے محروم رہے گا۔ لہذا رمضان کے برکات کے حصول کے لیے ضروری ہے کہ اپنے ا?پ پر ایک نظر ڈالو کہ اور دیکھو کہ کسی کے ساتھ کینہ اور غصہ تو نہیں ہے۔ کسی کی حق تلفی تو نہیں ہوئی ہے، کسی کو ہماری ذات سے تکلیف تو نہیں پہنچی ہے۔اللہ پاک اس وقت تک راضی نہیں ہوتے جب تک ان کی مخلوق ہم سے راضی نہیں ہوجاتی۔ لغو اور فضول باتوں سے پر ہیز کریں کیوں کہ ان سے عبادت کا نور جاتا رہتا ہے۔ اسی طرح رمضان میں کثرت سے نمازوں کا اہتمام کرنا چاہیے۔ تراویح کی نماز، تہجد، اشراق اور اوابین کا خاص طور پر اہتمام ہو۔ تلاوت کلام پاک کی کثرت سے تلاوت ہو کیوں کہ روزہ اور قرآن کا آپس میں گہرا تعلق ہے۔ تلاوت سے ہم بہت سارے فوائد سمیٹ لے سکتے ہیں۔ اسی طرح درود شریف کی بھی کثرت رکھیے۔ دفتر میں کام کرتے ہو تو اس بات کا خاص اہتمام ہو کہ تمہارے ہاتھ، زبان اور قلم سے خدا کی مخلوق کو کوئی پریشانی نہ ہو کسی ناجائز غرض سے اس کا کام نہ روکو۔ آنکھیں گناہوں کی پہلی سیڑھی ہیں ان پر خاص خیال رکھیں۔ہاں ایک بات قابل ذکر ہے کہ بدنگاہی اور آنکھوں کی گناہ صرف کسی پر ب±ری نظر ڈالنا نہیں ہے بل کہ کسی کو حقارت کی نظر سے دیکھنا، حسد کی نظر سے دیکھنا بھی بدنگاہی ہے۔ روزہ داروں کے بارے میں مشہور ہے کہ بات بات پر غصہ آتا ہے یہ بات اچھی نہیں۔ روزہ تو بندگی اور شائستگی پیدا کرتا ہے۔ عاجزی پیدا کرتا ہے۔ پھر یہ روزے کا بہانہ بنا کر بات بات پر لڑائی کرنا اس کا کیا مقصد ؟ ایک افسوس ناک اور خطرناک رجحان بالخصوص نوجوانوں میں ابھرتا ہوا دیکھنے میں ا?رہا ہے کہ رمضان میں سارا دن نیند میں گزار کر ساری رات جاگتا ہے، بازاروں میں وہی رونق اور چلت پھرت۔ رات کو رمضان بھول جاتے ہیں اور سرے سے رمضان کے اثرات بھی دکھائی نہیں دیتے۔یہ انتہائی افسوس ناک پہلو ہے۔ رمضان کی راتیں عبادتوں میں گزارنے سے دن میں بھی سچائی اور دیانت سے کام کی عادت ہوجاتی ہے۔ لہذا اس بات کا خاص کر اہتمام لازم ہے کہ جس طرح دن میں رمضان نظر آرہا ہے تو سارے دن کی کمائی رات میں ضایع نہ ہونے دیں۔ باجماعت نماز کا اہتمام خود پر لازم کرلیں۔ رمضان کا مہینہ خیر اور ایک دوسرے کو نفع رسانی کا مہینہ ہے۔ لہذا اس ماہ کوشش یہ ہونی چاہیے کہ مخلوق خدا کو زیادہ سے زیادہ خیر ہی پہنچائے۔ ضروری ہے کہ رمضان ہماری زندگی اور اعمال میں نمایاں تبدیلی لاسکے، اس کی برکات اور ثمرات ہم مستفید ہوسکیں یہ تب ہی ممکن ہے کہ ہم رمضان کی قدر کریں۔