پاکستان(ویب ڈیسک) کے صوبہ سندھ میں مزاحمتی سیاست کا ایک بڑا نام سیاستدان رسول بخش پلیجو طویل علالت کے بعد جمعرات کی صبح کراچی کے ایک نجی ہسپتال میں وفات پا گئے ہیں۔ان کی عمر 89 برس تھی۔ رسول بخش پلیجو گذشتہ چند سالوں سے طویل العمری کی وجہ سے بیماریوں کا شکار تھے لیکن بیماری کے باوجود وہ سیاسی طور پر متحرک تھے۔رسول بخش پلیجو کی جماعت کے ترجمان کے مطابق ان کی تدفین جمعے کی صبح ضلع ٹھٹہ کے علاقہ جنگ شاہی میں کی جائے گی۔

اسلام آبا(ویب ڈیسک)تحریک انصاف کے ترجمان فواد چودھری نے ریحام خان عائشہ گلالئی ٹو قراردے دیا۔نجی ٹی وی چینل سما نیوز کے مطابق ترجمان پی ٹی آئی فواد چودھری نے ریحام خان کو عمران خان کے بلیک بیری پر جواب دیتے ہوئے کہا کہ ریحام خان عائشہ گلالئی ٹو ہے ،کیا ریحام خان نے عمران خان کا بلیک بیری قبر میں لے جانا ہے،اگر عمران خان کا بلیک بیری ہے تومیڈیا کو دے اور ریحام خان بلیک بیری کا فرانزک کروالیں۔

لاہور  (مانیٹرنگ ڈیسک) تحریک انصاف کے ذرائع نے اس امر پر انتہائی افسوس کا اظہار کیا ہے کہ ریحام خان نے پارٹی پر اپنے گھٹیا الزامات کے لیے بھارت جیسے ملک کو استعمال کرنا شروع کردیا ہے۔ بھارتی ٹی وی کو دیے گئے ان کے انٹریو کے حوالے سے ذرائع کا کہنا ہے کہ اس میں کئی ایسی باتیں کہی گئی ہیں جو پاکستان کے مخالف ملک میں نہیں کرنی چاہیں تھیں۔ اس بارے میں ریحام خان کا رویہ بھی وہی ہے جو نواز شریف کا ہے۔ انہوں نے کہا پی ٹی آئی صاف ستھری سیاست کی قائل ہے اور اس پر جنسی ہراسگی جیسے الزامات ایک گھٹیا زین کی پیداوار ہی ہوسکتے ہیں۔ یہ ایسا بیہودہ الزام ہے جو پاکستان کی سیاست میں آج تک کسی نے نہیں لگایا تھا۔

اسلام آباد( آن لائن ) محمود خان اچکزئی ملک دشمن منظور پشتین کے حق میں کھل کر سامنے آگئے ، محمود خان اچکزئی کی جانب سے لسانیت پر مبنی تقاریر نے لوگوں کو بغاوت پر اکساتے ہوئے پشتون تحفظ موومنٹ کی حمایت کا اعلان کردیا پٹھان منظور پشتین کا ساتھ دیں اور ظلم کیخلاف باہر نکلیں ۔ پشتونخوا ملی عوامی پارٹی کے سربراہ محمود خان اچکزئی نے اپنے ویڈیو پیغام میں کہا ہے کہ میں اپیل کرتا ہوں کہ تحریک پشتون تحفظ موومنٹ کا ساتھ دیں اور زیادتی کیخلاف باہر نکل آئیں انہوں نے کہا کہ تمام پٹھان خواہ وہ پاکستان میں ہوں یا دنیا بھر میں وہ زیادتی کیخلاف منظم قوم کے طور پر اٹھ کھڑے ہوں بین الاقوامی اداروں میں آواز اٹھائیں جہاں وہ رہتے ہیں شہروں میں جلسے جلوس اور پریس کانفرنس کریں انہوں نے پشتون خواہ ملی عوامی پارٹی کے کارکنوں کو ہدایت کی کہ وہ پوری طاقت اور انرجی کے ساتھ اس زیادتی کیخلاف تیار رہیں کیونکہ پشتون تحفظ موومنٹ کے نام سے ایک تحریک چل رہی ہے جس نے پاکستان بھر میں جلسے جلوس کئے واضح رہے منظور پشتین پہلے بھی کئی بار ملک کیخلاف باتیں کرچکے ہیں ان کے افغانستان حکومت سے تعلقات بھی سامنے رہے ہیں مگر اب تو انہوں نے لسانیت پر مبنی تقاریر سے لوگوں کو بغاوت پر اکسانے کا پیغام جاری کردیا ہے ۔

لاہور (مانیٹرنگ ڈیسک) وکیل کے بیٹے کے ہاتھوں قاتلانہ حملے کا نشانہ بننے والی قانون کی طالبہ خدیجہ صدیقی نے کہا ہے کہ گورنر پنجاب نے مجھے ملزم شاہ حسین کو معاف کرنے کیلئے پیغام بھیجا جبکہ ملزم کو بری کرنیوالے جج نے مجھے اپنے چیمبر میں بلا کر ملزم سے صلح کرنے کا کہا تھا اور اس وقت ملزم کا باپ بھی جج کے چیمبر میں موجود تھا۔ نجی ٹی وی چینل سے گفتگو کرتے ہوئے خدیجہ صدیقی نے بتایا کہ جج نے مجھے چیمبر میں بلا کر کہا تھا کہ کیا آپ صلح نہیں کر سکتیں؟ کیونکہ یہ ایک معمولی کیس ہے اور بڑے بڑے کیسز میں صلح ہو جاتی ہے اور اس وقت ملزم کے والد صاحب میر سے ساتھ کھڑے ہوئے تھے۔ خدیجہ صدیقی کا کہنا تھا کہ گورنر پنجاب نے بھی مجھے پیغام بھیجا تھا کہ ملزم کو معاف کر دو جس پر میں نے کہا کہ گورنر صاحب ایک وکیل کی حیثیت سے یہ بات کر رہے ہیں یا گورنر پنجاب کی حیثیت سے وہ ایسا کر رہے ہیں؟ البتہ گورنر کے پیغام سے مجھے ایک جھٹکا لگا۔