لاہور (شوبزڈیسک)بھارتی اداکارہ ادیتی سنگھ جو پاکستانی فلم ”وجود“ میں ایک اہم کردار نبھا رہی ہیں آج کل پاکستان میں اپنی فلم کی تشہیر میں مصروف ہیں۔ ابھی فلم کی تشہیر کراچی کے مختلف شاپنگ مالز اور ہوٹلوں میں جاری ہے جبکہ بہت جلد فلم کی ٹیم لاہور اور راولپنڈی بھی آئے گی۔واضح رہے کہ یہ جاوید شیخ کی ڈائریکشن میں بننے والی فلم ہے، جس کے مرکزی کردار دانش تیمور اور سعیدہ امتیاز نے نبھائے ہیں جبکہ بھارتی اداکارہ ادیتی سنگھ بھی کاسٹ میں نمایاں ہیں۔ اس فلم کی ایک خاص بات یہ ہے کہ اس میں شاہد اور ندیم مدت کے بعد ایک ساتھ کام کر رہے ہیں۔بھارتی اداکارہ نے اپنے ویڈیو پیغام میں کہا ہے کہ وہ ابھی کراچی میں فلم کی تشہیر میں مصروف ہیں جبکہ اگلے مرحلے میں لاہور اور راولپنڈی آئیں گی۔
