بریڈا(ویب ڈیسک) آخری ہاکی چیمپئنز ٹرافی کے افتتاحی میچ میں بھارت نے پاکستان کو 0-4 سے شکست دے دی۔37 ویں اور آخری ہاکی چیمپئنز ٹرافی کا آغاز ہالینڈ کے شہر بریڈا میں ہو گیا جہاں افتتاحی میچ میں روایتی حریف پاکستان اور بھارت مدمقابل تھے۔پاکستان نے ٹورنامنٹ میں انتہائی مایوس کن آغاز کیا اور اسے پہلے ہی میچ میں روایتی حریف سے بدترین شکست کا سامنا کرنا پڑا۔بھارتی ٹیم نے کھیل کی ابتداء سے ہی پاکستان ٹیم پر دباو¿ بنائے رکھا اور 26 ویں منٹ رمن دیپ سنگھ نے گول کرکے ٹیم کو برتری دلائی۔بھارت کی جانب سے دوسرا گول دلپریت سنگھ نے 54 ویں منٹ میں کیا اور ٹیم کو 0-2 کی برتری دلادی۔پاکستان نے آخری پانچ منٹ میں گول کیپر کو بٹھا کر اضافی کھلاڑی کو موقع دیا لیکن قومی ٹیم کی یہ حکمت عملی بھی ناکام ہوئی اور بھارت نے اس دوران مزید 2 گول داغے گئے۔بھارت کی جانب سے تیسرا گول کھیل کے 57 ویں منٹ میں مندیپ سنگھ جب کہ چوتھا گول آخری منٹ میں للیت اپادھے نے کیا۔ یاد رہے کہ یہ آخری چیمپیئنز ٹرافی ہے جس کے بعد اس ایونٹ کا سلسلہ ختم ہو جائے گا اور 2019 سے اس کی جگہ ہاکی پرو لیگ (ایچ پی ایل) شروع کی جائے گی۔بھارت اب تک کوئی چیمپیئنز ٹرافی ہاکی ٹورنامنٹ نہیں جیتا ہے تاہم پاکستان 3 مرتبہ یعنی 1978، 1980 اور 1994 میں چیمپئنز ٹرافی کا فاتح بن چکا ہے۔واضح رہے کہ پاکستان ہاکی فیڈریشن کے سابق صدر ائیر مارشل (ر) نور خان نے چیمپئنز ٹرافی کا آئیڈیا پیش کیا تھا جس کے بعد پہلی چیمپیئنز ٹرافی 1978 میں لاہور میں منعقد ہوئی تھی۔
Monthly Archives: June 2018
ماہ نور بلوچ کی تصاویر سوشل میڈیا پر ایک بار پھر وائرل
کراچی(ویب ڈیسک) پاکستان کی صدابہار اداکارہ ماہ نور بلوچ کی چند تصاویر سوشل میڈیا پر گردش کررہی ہیں جن میں وہ پہلے سے بھی زیادہ حسین اور جوان نظر آرہی ہیں۔48 سالہ اداکارہ ماہ نور بلوچ کا شمار پاکستان شوبز انڈسٹری کی ان اداکاراو¿ں میں ہوتاہے جن پروقت کا کوئی اثر نہیں ہوتااور وہ وقت گزرنے کے ساتھ ساتھ بڑھاپے کی جانب جانے کے بجائے مزید حسین اورجوان نظر آتی ہیں۔1993 میں آج سے تقریباً 25 برس قبل ڈرامہ سیریل ’ماروی‘سے اپنے فنی سفر کا ا?غاز کرنے والی خوبرو اداکارہ ماہ نور بلوچ خوبصورتی میں ا?ج بھی کئی نوجوان اداکاراو¿ں کو مات دیتی نظر ا?تی ہیں۔ ماہ نور بلوچ فی الحال تو کسی ڈرامے میں نظر نہیں آرہیں لیکن ان کی تصاویرنے ایک بار پھر سوشل میڈیا پردھوم مچادی ہے۔حال ہی میں ماہ نور بلوچ کی اداکار ہمایوں سعید کے ساتھ چند تصاویر وائرل ہوئی ہیں جن میں وہ مزید جوان اور حسین نظر ا?رہی ہیں۔ یہ تصاویر فلم”میں ہوں شاہد ا?فریدی“کی شوٹنگ کے دوران لی گئی تھیں۔دلچسپ بات یہ ہے کہ ماہ نور بلوچ ایک شادی شادی بیٹی لیلیٰ حمید کی ماں ہیں تاہم وہ اپنی بیٹی کی ماں کم بہن زیادہ لگتی ہیں۔
چوروں نے اے ٹی ایم ہی دھماکے سے اڑا دی
فلا ڈیلفیا(ویب ڈیسک) یوں تو دنیا بھر میں چوری اور ڈکیتی کے واقعات عام ہیں تاہم امریکا میں چوروں نے فلمی انداز میں چوری کی کوشش کی اور اے ٹی ایم کو ہی دھماکا خیز مواد سے ا±ڑا دیا۔یہ واقعہ امریکی ریاست پنسلوانیا کے شہر فلاڈیلفیا میں پیش آیا اور دو چور ایک اسٹور کے اندر داخل ہوئے اور اے ٹی ایم سے پیسے چرانے کے لئے مشین میں دھماکا خیز مواد لگا دیا۔زور دار دھماکے کی وجہ سے چوروں کے اوسان خطا ہو گئے اور وہ ایک ڈالر لئے بغیر ہے بھاگ نکلے۔رپورٹ کے مطابق اس واقعے میں خوش قسمتی سے کوئی جانی نقصان نہیں ہوا اور پولیس کی بروقت کارروائی پر ایک خاتون چور پکڑی گئی جب کہ دوسرے کی تلاش جاری ہے۔
ن لیگ کا چوہدری نثار کے مقابلے میں امیدوار کھڑا نہ کرنے کا فیصلہ
اسلام آباد (ویب ڈیسک)مسلم لیگ ن نے ناراض پارٹی رہنما چوہدری نثار کے مقابلے میں امیدوار نہ کھڑا کرنے کا فیصلہ کیا ہے۔ذرائع کے مطابق مسلم لیگ ن چوہدری نثار کے مقابلے میں امیدوار نہ کھڑا کرنے کے پر غور کر رہی ہے اور یہ آپشن چوہدری نثار کے لیے پارٹی دروازے کھلے رکھنے کے لیے ہے۔ذرائع کا بتانا ہے کہ چوہدری نثار کے لیے پارٹی دروازے کھلے رکھنے کی تجویز شہباز شریف اور سینیر پارٹی رہنماو¿ں نے دی تاہم سینیٹر پرویز رشید چوہدری نثار کو پارٹی ٹکٹ دینے کے مخالف ہیں۔ذرائع کا کہنا ہے کہ مسلم لیگ ن کے قائد نواز شریف چوہدری نثار کے لیے آپشن کھلا رکھنے کی حتمی منظوری دیں گے۔ذرائع کے مطابق چوہدری نثار کو درخواست نہ دینے کے باعث پارٹی ٹکٹ جاری نہیں ہو گا لیکن نواز شریف حتمی فیصلے سے قبل پرویز رشید کو بھی اعتماد میں لیں گے۔ذرائع کا یہ بھی بتانا ہے کہ چوہدری نثار نے بھی مسلم لیگ ن کی قیادت پر براہ راست تنقید نہ کرنے کا فیصلہ کیا ہے۔خیال رہے کہ چوہدری نثار قومی اسمبلی کی دو اور پنجاب اسمبلی کے دو حلقوں سے آزاد حیثیت میں الیکشن لڑ رہے ہیں۔چوہدری نثار کے مسلم لیگ ن کے قائد نواز شریف کے ساتھ پاناما کا معاملہ سامنے آنے کے بعد سے شروع ہونے والے اختلافات شدت اختیار کر چکے ہیں۔ذرائع کا بتانا ہے کہ شہباز شریف چوہدری نثار کو پارٹی ٹکٹ دینے کے حامی تھے تاہم نواز شریف کا مو¿قف تھا کہ کسی بھی امیدوار کو درخواست کے بغیر ٹکٹ جاری نہیں کیا جائے گا۔دوسری جانب چوہدری نثار کا مو¿قف ہے کہ جب میں نے پہلے کبھی ٹکٹ کے لیے اپلائی نہیں کیا تو اب کیوں کروں۔ان کا کہنا ہے کہ ٹکٹ کے لیے تو نئے لوگ درخواست دیتے ہیں، پرانے سیاستدانوں کی تو کارکردگی خود بولتی ہے۔
اظہر علی نے اپنی خراب کارکردگی کا اعتراف کرلیا
کراچی(ویب ڈیسک) دورہ زمبابوے کے لیے قومی ون ڈے ٹیم سے ڈراپ ہونے والے اظہر علی نے اعتراف کیا ہے کہ ان کی کارکردگی گزشتہ کچھ عرصے سے اچھی نہیں رہی۔میڈیا سے گفتگو کرتے ہوئے سابق قومی کپتان اظہر نے کہا کہ وہ فارغ وقت میں سمر کیمپ میں شرکت کریں گے جس کا مقصد کھلاڑیوں کومستقبل کیلئے تیار کرنا ہے، یہ سمر کیمپ ایک ماہ تک جاری رہے گا۔اظہرعلی نے کہا کہ پاکستان نے ہی سب کچھ دیا ہے، ملک کی خدمت کی کوشش کروں گا، کوشش کروں گا جو بھی ٹائم بچا ہے اسے کارآمد بناو¿ں۔مڈل آرڈر بیٹسمین نے ٹیم میں اپنا انتخاب نہ ہونے کے حوالے سے کہا کہ ہرکھلاڑی کی سلیکشن ٹیم کی بہتری کیلئے ہوتی ہے، ٹیم میں دوبارہ جگہ بنانے کی کوشش کروں گا۔دورہ زمبابوے کے لیے ٹی ٹوئنٹی ٹیم کا اعلان، احمد شہزاد ڈراپ اظہر علی نے کہا کہ زمبابوے کی ٹیم اپنے ملک میں ٹف ٹائم دے سکتی ہے، پاکستان کی ٹیم اس وقت اچھی کرکٹ کھیل رہی ہے، امید ہے پاکستانی ٹیم سہ فریقی سیریز میں کامیابی حاصل کرے گی۔انہوں نے کہا کہ اساتذہ اور کوچز والدین کا درجہ رکھتے ہیں، امید ہے پاکستان کا دورہ زمبابوے کامیاب رہے گا۔اظہر علی نے کہا کہ دورہ زمبابوے کیلئے ٹیم کا انتخاب سلیکشن کمیٹی کا کام ہے، امید ہے اچھی ٹیم کا ہی انتخاب کیا گی ہوگا۔انہوں نے دورہ زمبابوے پر جانے والی ٹیم کیلئے نیک خواہشات کا اظہار کیا اور اس بات کا اعتراف کیا کہ گزشتہ میچز میں ان کی پرفارمنس اچھی نہیں رہی اور وہ اپنی فٹنس پر بھر پور توجہ دے رہے ہیں۔اظہر علی نے کہا کہ بہت جلد گراو¿نڈ میں دوبارہ ایکشن میں نظرآو¿ں گا۔خیال رہے کہ پاکستان کرکٹ ٹیم اپنے دورہ زمبابوے کے دوران یکم جولائی سے 8 جولائی تک ٹرائینگولر سیریز کھیلے گی جس میں پاکستان کے علاوہ میزبان زمبابوے اور آسٹریلیا کی ٹیمیں حصہ لیں گی۔اس کے بعد پاکستان اور زمبابوے کے درمیان 5 ون ڈے میچز کی سیریز ہوگی۔
کشمیر کی آزادی کوترجیح دیں گے:بھارتی کانگریس رہنما
نئی دہلی (ویب ڈیسک)بھارتی کانگریس رہنما نے کہا ہے کہ کشمیر کی آزادی کوترجیح دیں گے،بھارتی حکومت کوحریت کانفرنس سے مذاکرات کرناچاہیے۔میڈیارپورٹس کے مطابق مقبوضہ کشمیرسے تعلق رکھنے والے کانگریس لیڈر نے اعتراف کیا ہے کہ کشمیری عسکریت پسندوں کے خلاف سخت گیرموقف سے کام نہیں چلے گا،ہتھیاراٹھانے والے کشمیری نوجوانوں کے ذہن کوسمجھناہوگا۔سیف الدین سوز نے کہا کہ واجپائی اگرحزب المجاہدین سے بات کرسکتے تھے تومودی حکومت کیوں نہیں؟ مقبوضہ کشمیرمیں طاقت کااستعمال نہیں چلے گا،آپ مارسکتے ہیں،مارتے جائیں مگراس سے مسئلہ کاحل نہیں نکلے گا۔کانگریس لیڈر کا کہنا ہے کہ بی جے پی نے کشمیرمیں محبوبہ مفتی سے اتحاد2019 کے انتخابات کے سبب توڑاہے،بی جے پی 2019انتخابات کیلیے مہم ممکنہ طورپرجموں سے شروع کرے گی۔
پاکستان کا امیر ترین سیاستدان جس کے 4 کھرب روپے کے اثاثے ہیں لیکن اس نے ایک روپیہ بھی ٹیکس نہ دیا
مظفر گڑھ (ویب ڈیسک) عام انتخابات کیلئے کاغذات نامزدگی جمع کرانے والے سیاستدانوں کے اثاثوں کی تفصیلات منظر عام پر آنے کا سلسلہ جاری ہے، بڑی بڑی کاروباری شخصیات نے تھوڑے تھوڑے اثاثے ظاہر کرکے جہاں قوم کو ورطہِ حیرت میں ڈالا وہیں ایک ایسا آزاد امیدوار بھی سامنے آیا ہے جو کھرب پتی ہے لیکن اس نے ایک روپیہ بھی ٹیکس ادا نہ کرکے قوم کو حیرت کا جھٹکا دے دیا ہے۔مظفر گڑھ شہر کے قومی اسمبلی کے حلقہ این اے 182 اور صوبائی اسمبلی کے حلقے پی پی 270سے میاں محمد حسین عرف میاں م±نا شیخ نامی امیدوار نے آزاد حیثیت میں کاغذاتِ نامزدگی جمع کرائے ہیں۔وہ قومی اسمبلی کے حلقے سے عوامی راج پارٹی کے سربراہ جمشید دستی اورسابق وزیر خارجہ حنا ربانی کھر کا مقابلہ کرنے کیلئے پر جوش ہیں۔میاں منا شیخ کی جانب سے کاغذات نامزدگی میں 4 کھرب تین ارب 77 کروڑ روپے کے اثاثے ظاہر کیے گئے ہیں لیکن انہوں نے آج تک انکم ٹیکس اور زرعی آمدنی کی مد میں ایک روپیہ بھی ٹیکس ادا نہیں کیا۔ انہوں نے اپنے کاغذات میں 350 مربع اراضی (یعنی 8 ہزار 750 ایکڑ یا 70 ہزار کنال)، کمرشل رقبہ اور کچھ متنازعہ زمینیں ظاہر کی ہیں۔ منا شیخ نے کاغذات نامزدگی میں لکھا ہے کہ یہ تمام پراپرٹی اسے وراثت میں حاصل ہوئی ہے۔
ٹیکس ایمنسٹی اسکیم: اب تک صرف 3 ہزار 580 افراد نے فائدہ اٹھایا
اسلام آباد(ویب ڈیسک) پاکستان کی ٹیکس ایمنسٹی اسکیم سے فائدہ حاصل کرنے والے افراد کی تفصیلات منظرعام پر آگئیں، جس کے تحت اب تک صرف 3 ہزار 580 افراد نے اسکیم سے استفادہ کیا ہے۔اس طرح فیڈرل بورڈ آف ریونیو (ایف بی آر) کو مجموعی طور پر ٹیکس کی مد میں 8 ارب روپے وصول ہوئے ہیں۔ذرائع کے مطابق اسکیم سے استفادہ کرنے والوں میں 1 ہزار 900 افراد پاکستان میں اثاثہ جات رکھتے ہیں، جبکہ بیرون ملک اثاثہ جات رکھنے والے 1 ہزار 680 پاکستانیوں نے ایمنسٹی اسکیم سے فائدہ اٹھایا جو 20 ارب روپے کے ٹیکس چالان بھی ایف بی آر میں جمع کرانے کےلیے تیار ہیں۔ایف بی آر کو 30 جون تک ایمنسٹی اسکیم کی مد میں 100 ارب روپے حاصل ہونے کی توقع ہے۔ذرائع کا کہنا ہے کہ اسکیم کے تحت ایف بی آر کی طرف سے اعلان کردہ 3 سے 4 ارب ڈالر کے حصول کا ہدف پورا نہیں ہو سکے گا۔گزشتہ روز ایف بی آر کے ترجمان ڈاکٹر اقبال نے پریس کانفرنس کے دوران بتایا تھا کہ ٹیکس ایمنسٹی اسکیم کی مدت 30 جون تک ہے، جس میں توسیع کا اختیار نہیں ہے۔انہوں نے کہا تھا کہ ملکی اور غیر ملکی اثاثے ظاہر کرنے کے لیے ٹیکس ایمنسٹی اسکیم جاری کی گئی، زیادہ سے زیادہ لوگ اس سے فائدہ اٹھائیں کیونکہ اسکیم کی ناکامی کے نتائج برے ہوں گے۔ساتھ ہی ان کا کہنا تھا کہ ٹیکس ایمنسٹی اسکیم سے کوئی مجرم فائدہ نہیں اٹھا سکتا۔
علی ظفر نے میشا شفیع کو بڑا جھٹکا دیدیا ،انتہائی بڑا قدم اٹھا لیا
لاہور (ویب ڈیسک )بین الاقوامی شہرت یافتہ پاکستانی گلوکار و اداکار علی ظفر نے گلوکارہ میشا شفیع کے خلاف 100 کروڑ روپے ہرجانے کا دعویٰ دائر کر دیاہے۔تفصیلات کے مطابق علی ظفر نے میشا شفیع کے خلاف ہرجانے کا دعویٰ لاہور کی سیشن عدالت میں دائر کیا ، جس میں موقف اختیارکیا گیاہے کہ میشا شفیع نے علی ظفر پر ہراساں کرنے سے متعلق جھوٹے اور بے بنیاد الزامات لگائے ، انہوں نے الزامات لگا کر میری اور میرے خاندان کی عزت کو اچھالا اور میری شہرت کو نقصان پہنچایا ہے۔
زمبابوے کا ٹور آسان نہیں، کپتان کی وارننگ
کراچی(ویب ڈیسک) کپتان سرفراز احمد نے ٹیم کو وارننگ جاری کرتے ہوئے کہا ہے کہ دورئہ زمبابوےآسان نہیں ہوگا۔کراچی میں میڈیا سے بات چیت کرتے ہوئے سرفراز احمد نے کہا کہ زمبابوے کا دورہ قریب آ گیا،امید ہے کہ سہ ملکی سیریز کے دوران اچھا کھیل پیش کریں گے، ٹوئنٹی 20کے دوران کوئی بھی ٹیم کمزور نہیں ہوتی، ہماری کوشش ہوگی کہ اچھی کرکٹ کھیلیں، انھوں نے کہا کہ ہمیں جہاں ضرورت ہوکسی نئے کھلاڑی کو موقع دیتے ہیں۔سرفراز احمد نے کہا کہ زمبابوے میں آسٹریلیا سے بھی مقابلہ ہوگا جو کمزور نہیں البتہ برے دور سے گزر رہی ہے، زمبابوے بھی اپنی ہوم کنڈیشنز میں اچھی ٹیم ہے۔کپتان نے کہا کہ ون ڈے میں انگلینڈ کی جانب سے سب سے زیادہ 481رنز بنائے گئے، اس سے لگتا ہے کہ آنے والے وقت میں500 رنز بھی بنیں گے، انھوں نے کہا کہ فاسٹ بولرعامر26 سال کے ہیں وہ ٹیسٹ کرکٹ کیوں چھوڑیں گے،احمد شہزاد کے ڈوپ ٹیسٹ کا مجھے علم نہیں میڈیا سے ہی پتہ چلا ہے۔
پی پی 173: مریم نواز کے کاغذات نامزدگی کی منظوری کیخلاف اپیل مسترد
لاہور(ویب ڈیسک)اپیلٹ ٹریبونل نے پی پی 173 سے مریم نواز کے کاغذات نامزدگی کی منظوری کے خلاف اپیل مسترد کردی۔مسلم لیگ (ن) کی رہنما اور سابق وزیراعظم نوازشریف کی صاحبزادی مریم نواز عام انتخابات میں این اے 125، این اے 127 اور پی پی 173 سے حصہ لے رہی ہیں۔مریم نواز کے پنجاب کی نشست پی پی 173 سے کاغذات نامزدگی منظور کیے گئے جس کے خلاف اپیل اپیلٹ ٹریبونل میں دائر کی گئی تھی۔اپیل کنندہ اقتدار حسین کا مو¿قف تھاکہ ریٹرننگ افسر نے حقائق کے برعکس مریم نواز کے کاغذات نامزدگی منظور کیے، ان کے پاس 2 شناختی کارڈ ہیں جن میں ایک مریم نواز اور دوسرا مریم صفدر کےنام سے ہے۔لاہور ہائیکورٹ کے اپیلٹ ٹریبونل کے جسٹس طارق سلیم شیخ نے اقتدار حسین نامی اپیل کنندہ کی اپیل پر سماعت کی اور اسے ناقابل سماعت قرار دے کر مسترد کردیا۔
جنوبی وزیرستان میں آپریشن: 6 دہشت گرد ہلاک، پاک فوج کے 2 اہلکار شہید
راولپنڈی(ویب ڈیسک) جنوبی وزیرستان ایجنسی کے علاقے لدھا کے قریب آپریشن ردالفساد کے تحت کارروائی کرتے ہوئے سیکیورٹی فورسز نے 6 دہشت گردوں کو ہلاک کردیا جبکہ فائرنگ کے تبادلے میں پاک فوج کے 2 اہلکار بھی شہید ہوگئے۔پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے آئی ڈی پیز کے بھیس میں چند دہشت گردوں کی موجودگی کی خفیہ اطلاع پر گاو¿ں اسپینا میلہ میں کارروائی کی۔آئی ایس پی آر کے مطابق کارروائی میں 6 دہشت گرد ہلاک ہوئے، جن میں مقامی عمائدین کے قتل میں ملوث انتہائی مطلوب دہشت گرد بھی شامل ہیں۔ترجمان کے مطابق دہشت گردوں کے خلاف کارروائی کے دوران فائرنگ کے تبادلے میں حوالدار رزاق خان اورحوالدار ممتاز حسین بھی شہید ہوئے۔آئی ایس پی آر کے مطابق ہلاک دہشت گردوں سے ہتھیار اور مواصلاتی آلات بھی برآمد ہوئے۔آئی ایس پی آر کا مزید کہنا تھا کہ دہشت گرد افغانستان میں اپنے ہینڈلرز سے رابطے میں تھے۔
ازخود نوٹس کا واحد مقصد مسائل کی طرف توجہ دلانا ہوتا ہے: چیف جسٹس
لاڑکانہ(ویب ڈیسک) چیف جسٹس پاکستان جسٹس میاں ثاقب نثار نے کہا ہےکہ ازخود نوٹس کا واحد مقصد مسائل کی طرف توجہ دلانا ہوتا ہے اور عدالت میں جتنی درخواستیں آرہی ہیں وہ انتظامی ناکامی کی وجہ سے ہیں۔لاڑکانہ میں ہائیکورٹ بار کی تقریب سے خطاب کرتے ہوئے چیف جسٹس پاکستان جسٹس ثاقب نثار نے کہا کہ ہم کوئی محتاج لوگ نہیں جن کے حقوق کے تحفظ کے لیے کوئی نہیں اٹھتا تو عدلیہ بھی خاموش رہے، جوڈیشل سسٹم کا مقصد انصاف دینا ہوتا ہے اور ایسا نہیں کہ عدلیہ مسائل پر خاموش رہے، ازخود نوٹس کا واحد مقصد مسائل کی طرف توجہ دلانا ہوتا ہے۔انہوں نے کہا کہ سندھ کے لوگوں کو مستقبل میں اچھی صحت سے محروم ہونے کا خدشہ ہے، اسپتالوں میں آلات، دواو¿ں اور ورک فورس کےمعاملات پر توجہ دینے کی ضرورت نہیں۔جسٹس ثاقب نثار کا کہنا تھا کہ آج عدلیہ پر جو بوجھ اکٹھا ہوا اس میں کسی سیاسی جماعت کو نشانہ نہیں بنارہا، عدالت میں جتنی بھی درخواستیں آرہی ہیں وہ انتظامی ناکامی کی وجہ سے ہیں۔چیف جسٹس پاکستان نے مزید کہا کہ تعلیم کے بغیر کوئی ملک ترقی نہیں کرسکتا۔
