لاہور( شوبزڈیسک)سینئر اداکارہ لیلیٰ زبیری نے کہا ہے کہ تیس سال کے فنی سفر میں بے پناہ کامیابیاں سمیٹی ہیں اور یہ سب میرے رب کی خاص عنایت اور کرم ہے ،ہمارے دور میں شوبز میں آنا بڑا کٹھن اور مشکل کام ہوتا تھا لیکن موجودہ دور میں بے پناہ آسانیاں ہیں ۔ ایک انٹر ویو میں انہوںنے کہا کہ میں نے پی ٹی وی کوئٹہ سنٹر سے اپنے فنی کیرئیر کا آغاز کیا او ر اس وقت صرف ایک ہی ٹی وی چینل ہوتا تھا ۔ اس وقت نام پیدا کرنا بہت مشکل تھا جبکہ آج تو ٹی وی چینلز کی بھرمار ہے اور آج نوجوان نسل کے پاس خود کو منوانے کے بے شمار پلیٹ فارم اور مواقع موجود ہیں۔ انہوں نے کہا کہ میرا یہ ماننا ہے کہ آپ نیک نیتی اور لگن سے کام کریں کوئی وجہ نہیں کہ آپ کو اس کا ثمر نہ ملے ۔ میں نے اپنے فنی کیرئیر میں نیک نیتی اور بھرپور لگن سے کام کیا اور میرے رب نے مجھے بے پناہ کامیابیوں سے نوازا ہے ۔
جس کا جتنا بھی شکر ادا کروں وہ کم ہے۔
Monthly Archives: June 2018
سہیل خان کافلم” شور شرابا“ 29جون کوریلیز کرنے کا فیصلہ
لاہور(شوبزڈیسک)سہیل خان کی پروڈکشن میں بننے والی فلم شور شرابا 29جون کو ملک بھر میں ریلیز کی جائیگی۔ جس کی تمام تیاریاں حتمی مراحل میں داخل ہو چکی ہیں ۔اس بارے میں پروڈیوسر سہیل خان نے میڈیا سے گفتگو کرتے ہوئے کہا کہ شور شراباعوام کی فلم ہے جس میں ہر طرح کا کمرشل مصالحہ شامل کیا گیا ہے کیو نکہ فلم کا بنیادی مقصد ہی تفریح فراہم کرنا ہوتا ہے اور میں نے اسی چیز کو مد نظر رکھتے ہوئے فلم بنائی ہے ۔ سہیل خان نے کہا کہ فلم ملک کے تمام ڈیجیٹل سینما گھرو ں میں بھی ریلیز کی جائیگی ۔انہوں نے کہا کہ فلم کو ڈیجیٹل سینما گھروں کے ساتھ ساتھ ای پرنٹ سینما گھروں میں بھی ریلیز کیا جائیگا ۔
چوہدری نثار کبھی نظریاتی نہیں رہے ، نواز شریف پر کرپشن الزامات ، چپ کیوں تھے : ضیا شاہد
لاہور (مانیٹرنگ ڈیسک)ٹی وی چینل 92 کے پروگرام میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ چودھری نثار کبھی بھی نظریاتی آدمی نہیں تھے۔یہ چوروں کے ٹولے میں شامل تھے۔پانامہ کیس، نوازشریف پر منی لانڈرنگ اور کرپشن کے الزامات پر خاموش رہے، ڈان لیکس انکوائری کمیٹی کے سربراہ تھے۔ انکو پاکستان یا افواج پاکستان سے کوئی دلچسپی نہیں تھی۔اعتراض صرف یہ تھا کہ فواد حسن فواد نے رپورٹ جاری کیوں کی ۔یہ میرا استحقاق تھا، پھر اعتراض تھا کہ مریم نواز کیوں سیاست میں آگئی ہیں۔ انکی شکایات نوازشریف کی واپسی پر شروع ہوئی تھیں۔جب پرویز رشید ، خواجہ آصف نے انکو نظر انداز کیا اس وقت سے یہ الگ الگ اور ناراض رہتے تھے۔ہر وقت ہر قسم کا دعویٰ کرتے ہیں لیکن بعد میں پھر انہی لیڈروں کے جوتے صاف کرنے لگ جاتے ہیں۔چودھری نثار سے زیادہ مطلب پرست، پاکستان دشمن اور لوگوں کو دھوکہ دینے والا اور کوئی نہیں۔انہوں نے مزید کہا کہ ہمارے یہاں پارٹیاں شخصیات پر استوار ہوتی ہیں۔ نون لیگ میں شریف خاندان کے علاوہ اور کسی کا امکان نہیں۔مریم نواز میں اس وقت اعتماد نہیں پایا جاتا۔ یہ جو وہ حلقہ تبدیل کررہی ہیں وہ ہر قیمت پر جیتنا چاہتی ہیں۔ شہباز شریف کو ضرورت کے تحت لایاگیا۔ نوازشریف کی وارث مریم نواز ہیں اور انہوں نے ہی ٹکٹوں کو تقسیم کیا ہے۔ انہوں نے ایک ایم پی اے کی سیٹ رکھی ہے کہ ضرورت پڑنے پر پنجاب کی وزیر اعلیٰ بن سکیں اور ایک سیٹ ایم این اے کی رکھی ہے تاکہ اگر شہبازشریف کی چھٹی کرنا ہو تو وہ خود وزیر اعظم بن سکیں۔ انہوں نے کہا کہ مریم نواز اور ڈاکٹر یاسمین راشد دونوں امیدوار بہت مضبوط ہیں۔ نواز شریف اور مریم نواز کے بری ہونے کے 25فیصد سے بھی کم امکانات ہیں۔ کیونکہ وہ منی ٹریل پیش نہیں کرسکے۔ نوازشریف امریکی یقین دہانی اور بھارت کی حمایت سے بیٹھے ہوئے ہیں۔ پاکستان میں ڈیم نہ بننا سمیت کوئی بھی نقصان ہو اسکے پیچھے بھارت و اسرائیل کا ہاتھ ہے۔ انہوں نے کہا کہ اگر مریم نواز کو الیکشن لڑنے کا موقع مل بھی جاتا ہے تو اب وزیراعلیٰ ہاو¿س میں انکے چچا موجود نہیں جو حلقے میں آدھی رات کو ترقیاتی کام کروائیں ۔ اب مریم کو اپنی اہلیت و صلاحیت پر الیکشن لڑنا ہوگا۔ارشاد عارف نے کہا ہے کہ پیپلزپارٹی بھی ن لیگ کی طرح نظریاتی جماعت نہیں۔ جب بھٹو کو پھانسی دی گئی تو حفیظ پیرزادہ اور کوثر نیازی سمیت بڑے رہنما ساتھ چھوڑ گئے تھے اور اسی طرح اب سوائے چند بڑے ناموں کے باقی تمام لوگ پی ٹی آئی جوائن کرچکے ہیں۔پی ٹی آئی جن کو الیکٹ اپیل لوگ کہتی ہے کہ یہ تحریک انصاف کو ہائی جیک کررہے ہیں ۔ لاہور میں ولید اقبال کو ٹکٹ نہ دینے کی بات سمجھ نہیں آئی۔ انہوں نے کہا کہ تبدیلی کا نعرہ لگانے والی پارٹی نے بھی ایک ہی خاندان میں 2دو، 3تین ٹکٹ دے دیئے۔ ہر جماعت میں موروثی سیاست ہے۔ اینکر پرسن ڈاکٹر دانش نے کہا ہے کہ چوہدری نثار مسلم لیگ ن میں رہنا چاہتے ہیں۔ اس وقت جب کہ نوازشریف ، مریم نواز ، شہبازشریف پر مقدمات چل رہے ہیں اور انکے خلاف فیصلہ آنے کا امکان ہے اگر یہ لوگ آﺅٹ ہو جاتے ہیں تو وہ مسلم لیگ ن کی قیادت کرسکتے ہیں۔ انہوں نے کہا کہ بیوروکریسی اور پولیس الیکشن میں دھاندلی کرانے کا ذریعہ ہے ۔ انہیں صرف دوسرے ضلعوں میں تبدیل کیا گیا ہے۔ یہ مسئلے کا حل نہیں ہے ۔
صنم اور نور حسن کی ”جیک پاٹ“ کے ”شکریہ شکریہ“ کی دھوم
لاہور(شوبزڈیسک) اداکار اور ماڈل نور حسن اور صنم چوہدری کافلم ”جیک پاٹ“ کےلئے فلمایا جانیوالا گانا ”شکریہ شکریہ“ کا ویڈیو سوشل میڈیا پر چھا گیا ہے۔ جس کو میوزک ڈائریکٹر نوید واجد علی نوشاد نے گلوکار امانت علی اور بینا خان کی آواز میں ریکارڈ کیا جبکہ ہدایتکار شعیب خان نے اسے پاکستان ، تھائی لینڈ اور گوادر میں پکچرائز کیا ہے۔ اداکار نور حسن نے کہا کہ ”جیک پاٹ“ کا حصہ بننے پر بے حد خوش ہوں کیونکہ میری خواہش تھی کہ ٹی وی کی طرح سلورسکرین پر بھی پرستاروں کو سرپرائز دوں۔”جیک پاٹ“ ایک فیملی انٹرٹین فلم ہے جس کا سکرپٹ،میوزک، پروڈکشن اور ڈائریکشن سمیت ہر شعبہ میں محنت کی گئی۔”شکریہ شکریہ“ گذشتہ روز لانچ ہونے کے چند گھنٹوں بعد ہی سینکڑوں لائیک حاصل کرنے میں کامیاب ہوگیا۔ انہوں نے کہا کہ یہ پہلی پاکستانی فلم ہوگی جس کے گانے اور کردار عوام میں مقبول ہونگے۔انہوں نے کہا کہ اس کا کریڈٹ فلمساز خرم ریاض اور ہدایتکار شعیب خان کو جاتا ہے جنہوں نے ”جیک پاٹ“ جیسی خوبصورت فلم بنائی ۔انہوں نے کہا فلم کی تشہیری مہم کے سلسلے میں اسی ہفتہ میں لاہور آرہے ہیں۔واضح رہے یہ فلم چھ جولائی کو سینماﺅ ں میں نمائش کی جارہی ہے۔
” منا بھائی ایم بی بی ایس“ کا کامیاب سین دوبارہ” سنجو“میں ریلیز
ممبئی(شوبزڈیسک) بالی وڈ کی کامیاب فلم منا بھائی ایم بی بی ایس کے ایک کامیاب سین کو دوبارہ ریلیز کر دیا گیا ، سنجے دت کی جگہ سنجو جلوہ گر ہوئے۔ فلم سنجو میں مرکزی کردار ادا کرنے والے رنبیر کپور منا بھائی کے کامیاب سین میں سنجے دت کی جگہ نظر آئیں گے۔ بھارتی میڈیا کے مطابق فلم کے ہدایت کار راج کمار ہیرانی نے منا بھائی کے یادگار سین کو رنبیر کپور کے ساتھ تبدیل کرکے دوبارہ ریلیز کیا، جس میں یہ پہچاننا بیحد مشکل ہورہا ہے کہ اس سین میں رنبیر کپور ہیں یا خود سنجے دت ہی موجود ہیں۔۔فلم سنجو میں رنبیر کپور کے علاوہ منیشا کوئرالا، دیا مرزا، انوشکا شرما، بومن ایرانی، سونم کپور، پریش راول اور وکی کوشل کام کرتے نظر آئیں گے۔
علی ظفراور میشا شفیع کی لڑائی جاری ‘کیس میں آ گیانیا موڑ
لاہور(شوبزڈیسک)گلوکار علی ظفر نے میشا شفیع کے خلاف 100 کروڑ ہرجانے کا دعویٰ ٰدائر کر دیا۔ علی ظفر اور گلوکارہ میشا شفیع کے درمیان عدالتی جنگ شدت اختیار کر گئی۔گلوکار کی جانب سے بھیجے گئے پچھلے لیگل نوٹس کا تسلی بخش جواب نہ دینے پر علی ظفر نے سیشن کورٹ میں میشا شفیع کے خلاف 100 کروڑ روپے ہرجانے کا دعویٰ کردیا۔علی ظفر نے ایڈووکیٹ خواجہ طارق رحیم کہ
وساطت سے دعویٰ دائر کیا جس میں موقف اختیار کیا گیا کہ میشا شفیع نے علی ظفر پر ہراساں کرنے سے متعلق جھوٹے اور بے بنیاد الزامات لگائے۔نوٹس میں یہ نقطہ بھی اٹھایا گیا ہے کہ میشا شفیع نے لیگل نوٹس کے باوجود معافی نہیں مانگی لہذا عدالت میشا شفیع کو ایک ارب روپے کا ہرجانہ ادا کرنے کا حکم جاری کرے۔واضح رہے علی ظفر نے میشا شفیع کو 100 کروڑ کا لیگل نوٹس بھجوایا تھا جس پر میشا شفیع کا کہنا تھا کہ گلوکار اپنا لیگل نوٹس واپس لیں ورنہ وہ قانونی کارروائی کریں گی تاہم نہ تو ان کی جانب سے کسی قسم کی کارروائی کی گئی اور نہ ہی علی ظفر کے نوٹس کا جواب دیا گیا۔
جب کہ وہ اب تک اپنے الزامات پر برقرار ہیں۔
آفریدی آل ٹائم ٹی20 الیون میں جگہ بنانے میں کامیاب
کراچی (بی این پی )سابق کپتان شاہد آفریدی اور فاسٹ باو¿لر عمر گل آل ٹائم ٹی ٹونٹی الیون میں جگہ بنانے میں کامیاب ہو گئے۔ گزشتہ روز کرکٹ ویب سائٹ کرک انفو کی جیوری کی جانب سے سکواڈ کا اعلان کیا گیا جس میں دو پاکستانیوں کے علاوہ ویرات کوہلی،کرس گیل،روہت شرما، ابراہام ڈی ویلیئرز، برینڈن میکولم ، مہندرا سنگھ دھونی، ڈوائن براوو، راشد خان اور لیستھ مالنگا شامل ہیں۔
ڈالر کی اڑان ، روپے کی بے قدری کا راز کھل گیا
ملتان (رپورٹ: عبدالستار قمر) عدالت عظمیٰ کے حکم پر قائم کردہ کمیٹی نے ایک ہوشربا رپورٹ تیار کی ہے جس میں بتایا گیا ہے کہ صرف ایک سال کی اندر پاکستان کے شہریوں نے 15 ارب ڈالر (1830) ارب روپے بیرون ملک بھجوائے جن کی واجہ سے ڈالر کی قدر میں اضافہ اور ملکی کرنسی کی قدر میں کمی واقع ہوئی اگر اتنی بڑی تعداد میں زرمبادلہ بیرون ملک نہ جاتا تو غیر ملکی قرضہ لینے کی ضرورت ہی باقی نہ رہتی رپورٹ میں بتایا گیا کہ رقم وہ ہے جوکہ نارمل بینکنگ چینلز کے ذریعے بھجوائی گئی جبکہ اس سے کہیں زیادہ رقم ہنڈی اور حوالہ میکانزم کے ذریعے ٹرانسفر ہوئی، یعنی ملک کی جڑیں کھوکھلی کرنے والے کوئی اور نہیں بااثر طبقہ سے تعلق رکھنے والے وہ افراد ہیں جن کے خلاف کبھی کوئی کارروائی نہیں کی جاتی، اس رپورٹ میں ان لوگوں کے ناموں کو ظاہر نہیں کیا گیا جنہوں نے اتنے بڑے پیمانے پر زرمبادلہ بیرون ملک منتقل کیا اور ملکی زرمبادلے کے ذخائر کو خالی کردیا، رپورٹ میں بتایا گیا کہ 2016-17ءکے دوران 15 ارب 25 کروڑ 30 لاکھ ڈالر پاکستانی شہریوں نے بیرون ملک منتقل کیے مگر حکمرانوں نے اس کا کوئی نوٹس نہیں لیا بالآخر عدالت عظمیٰ کو از خود نوٹس لینا پڑا اور 26 مارچ کو اقتصادی ماہرین پر مشتمل ایک بارہ رکنی کمیٹی تشکیل دی گئی جس میں گورنر سٹیٹ بینک طارق باجوہ، چیئرمین فیڈرل بورڈ آف ریونیو طارق پاشا، ایڈیشنل اٹارنی جنرل محمد وقار رانا، سینئر قانون دان خالد انور، اکرام الحق، سیکرٹری خزانہ عارف احمد خان، مبشر زیدی، محمود مانڈوی والا، بشیر علی ، طارق پراچہ اور نثار اللہ خان شامل تھے۔
رپورٹ
بھا رت کے ہا تھوں پاکستان کو 4-0سے شکست
بریڈا(نیوزایجنسیاں) آخری ہاکی چیمپئنز ٹرافی کے افتتاحی میچ میں بھارت نے پاکستان کو 0-4 سے شکست دے دی۔37 ویں اور آخری ہاکی چیمپئنز ٹرافی کا آغاز ہالینڈ کے شہر بریڈا میں ہو گیا جہاں افتتاحی میچ میں روایتی حریف پاکستان اور بھارت مدمقابل تھے۔پاکستان نے ٹورنامنٹ میں انتہائی مایوس کن آغاز کیا اور اسے پہلے ہی میچ میں روایتی حریف سے بدترین شکست کا سامنا کرنا پڑا۔بھارتی ٹیم نے کھیل کی ابتداءسے ہی پاکستان ٹیم پر دباو¿ بنائے رکھا اور 26 ویں منٹ رمن دیپ سنگھ نے گول کرکے ٹیم کو برتری دلائی۔بھارت کی جانب سے دوسرا گول دلپریت سنگھ نے 54 ویں منٹ میں کیا اور ٹیم کو 0-2 کی برتری دلادی۔پاکستان نے آخری پانچ منٹ میں گول کیپر کو بٹھا کر اضافی کھلاڑی کو موقع دیا لیکن قومی ٹیم کی یہ حکمت عملی بھی ناکام ہوئی اور بھارت نے اس دوران مزید 2 گول داغے گئے۔بھارت کی جانب سے تیسرا گول کھیل کے 57 ویں منٹ میں مندیپ سنگھ جب کہ چوتھا گول آخری منٹ میں للیت اپادھے نے کیا۔ یاد رہے کہ یہ آخری چیمپیئنز ٹرافی ہے جس کے بعد اس ایونٹ کا سلسلہ ختم ہو جائے گا اور 2019 سے اس کی جگہ ہاکی پرو لیگ (ایچ پی ایل) شروع کی جائے گی۔بھارت اب تک کوئی چیمپیئنز ٹرافی ہاکی ٹورنامنٹ نہیں جیتا ہے تاہم پاکستان 3 مرتبہ یعنی 1978، 1980 اور 1994 میں چیمپئنز ٹرافی کا فاتح بن چکا ہے۔واضح رہے کہ پاکستان ہاکی فیڈریشن کے سابق صدر ائیر مارشل (ر) نور خان نے چیمپئنز ٹرافی کا آئیڈیا پیش کیا تھا جس کے بعد پہلی چیمپیئنز ٹرافی 1978 میں لاہور میں منعقد ہوئی تھی۔
جاپان کے پاس اگلے راﺅنڈمیں رسائی کاسنہری موقع
ماسکو(سپورٹس ڈیسک)روس میں جاری ورلڈ کپ فٹ بال ٹورنامنٹ 2018 میں (آج) ہفتہ کو مزید تین میچ کھیلے جائینگے۔ شیڈول کے مطابق فیفا ورلڈ کپ میںآج پہلا میچ گروپ جی کی ٹیموں انگلینڈاورپاناماکے درمیان کھیلاجائیگا جوپاکستانی وقت کے مطابق شام 5بجے شروع ہوگا۔دوسرے میچ میں جاپان اورسینی گال کی ٹیمیں آمنے سامنے ہونگی یہ میچ رات8بجے کھیلاجائیگا۔تیسرامیچ پولینڈ اورکولمبیا کے درمیان رات11بجے شروع ہوگا۔میگا ایونٹ کا کوارٹر فائنل مرحلہ 6 جولائی سے شروع ہوگا، میگا ایونٹ کا پہلا سیمی فائنل میچ 10 جولائی کو کھیلا جائیگا، دوسرا سیمی فائنل میچ 11 جولائی کو کھیلا جائیگا، تیسری پوزیشن کے لئے میچ 14 جولائی کو کھیلا جائیگا۔ میگا ایونٹ کے چمپئن کا فیصلہ 15 جولائی کو ہوگا۔
فیفاورلڈکپ میں سوئس پلیئرزکاجشن متنازع بن گیا
ماسکو(نیوزایجنسیاں) سوئٹزرلینڈ کے کھلاڑیوں گرینٹ شاکا اور شردان شکیری نے روس میں جاری فٹبال ورلڈ کپ میں سربیا کے خلاف گول اسکور کرنے کے بعد اپنے جشن میں متنازع علامت بنا کر عالمی کپ میں ایک نیا تنازع کھڑا کر دیا۔روس میں جاری فٹبال ورلڈ کپ کے گروپ ای کے میچ میں گزشتہ روز سوئٹزرلینڈ نے سربیا کو دو کے مقابلے میں ایک گول سے شکست دی تھی۔سوئٹزرلینڈ کی جانب سے گرینٹ شاکا اور شردان شکیری نے اپنی ٹیم کی جانب سے ایک ایک گول کیا تھا۔دونوں کھلاڑی نسلاً البانین ہیں لیکن سوئٹزرلینڈ میں پلے بڑھے ہیں اور سوئس ٹیم کی نمائندگی کرتے ہیں۔دونوں کھلاڑیوں نے گول کرنے کے بعد خوشی کے اظہار کے طور پر اپنے ہاتھوں سے دو سَروں والی چیل کی علامت بنائی، ایسا ہی نشانہ البانیہ کے قومی پرچم پر بھی بنا ہوا ہے۔اس جشن سے سربین قوم پرستوں اور البانین نسل کے درمیان کشیدگی بڑھ سکتی ہے۔شردان شکیری کوسوو میں پیدا ہوئے جو پہلے سربیا کا صوبہ تھا اور اس نے 2008 میں آزادی حاصل کی تھی۔سربیا کوسوو کی آزادی کو تسلیم نہیں کرتا اور دونوں ممالک کے درمیان تعلقات میں تناو¿ رہتا ہے۔شاکا کے والدین کا تعلق بھی کوسوو سے ہے اور وہ نسلاً البانین ہیں۔آرسینل کی جانب سے کھیلنے والے شاکا کے والد کوسوو کی آزادی کے حق میں مہم چلانے پر یوگوسلاویہ میں قید بھی رہ چکے ہیں۔شردان شکیری سے جب اس حوالے سے پوچھا گیا تو ان کا کہنا تھا کہ یہ صرف خوشی کے اظہار کا ایک طریقہ تھا۔
فیفا ورلڈ کپ دیکھنازندگی کایادگارلمحہ، احمد رضا
=سینٹ پیٹرز برگ(آئی این پی ) فیفا ورلڈ کپ میں ٹاس کر نے والے سیا لکوٹ سے تعلق رکھنے والے 15 سالہ احمد رضا نے کہا ہے کہ میں نے کبھی خواب میں بھی نہیں سوچا تھا کہ فیفا ورلڈ کپ دیکھنے جا ﺅ ں گا، ہمارا خاندان تین نسلوں سے فٹبال سینے کاکام کررہاہے، ٹاس کے لیے کھڑا ہوا تو سب سے ا ٓخر میں تھامیں جب بھی آگے جاکر کھڑا ہوتامجھے کوئی نہ کوئی پیچھے کردیتا۔ برطانوی نشریاتی ادارے کے مطابق احمد رضا نے کہ ہے کہ انہیں معروف مشروب بنانے والی کمپنی نے فٹبال کھیلتے ہوئے دیکھا اور 1500 بچوں میں سے منتخب کرکے لا ہور لے گئے۔ بعد میں مجھے بتایاگیا کہ وہ مجھے روس میں ہونے والے فیفا ورلڈ کپ میں لے کرجائیں گے اور میں برازیل بمقابلہ کوسٹاریکا کے میچ کے دوران ٹاس کے وقت وہاں موجود ہوں گا۔سینٹ پیٹرز برگ گرانڈ میں داخل ہونے کے احساسات کے حوالے سے احمد رضا نے کہا کہ میں نے اس بارے میں کبھی خواب میں بھی نہیں سوچاتھا کہ میں فیفاورلڈ کپ کا میچ دیکھنے جا ﺅ ں گا۔احمد رضا نے کہاکہ فیفا انتظامیہ کاا صول ہے کہ کسی کھلاڑی سے بات نہیں کرنی تاہم اگر کھلاڑی خود بات کرے تو ٹھیک ہے لہذا جب میں ٹاس کے لیے کھڑا ہوا تو سب سے ا ٓخر میں تھامیں جب بھی آگے جاکر کھڑا ہوتامجھے کوئی نہ کوئی پیچھے کردیتا، تاہم اس وقت میری خوشی کی انتہا نہ رہی جب برازیل سے تعلق رکھنے والے میرے پسندیدہ کھلاڑی نیمار میرے برابر آکر کھڑے ہوگئے۔میں نے ہمت کی اور ان سے ہاتھ ملالیا۔احمد رضا نے کہا ان کے والدشبیر احمد خود سیالکوٹ میں فٹ بال بناتے ہیں اور ان کا خاندان تین نسلوں سے فٹ بال بنانے کاکام کررہا ہے۔ میرے دادا اور دادی بھی فٹبال سیتے تھے شادی کے بعد میرے امی نے بھی فٹبال سینی شروع کردی تاہم اخراجات بڑھنےکی وجہ سے میرے والد نے مزدوری شروع کردی اور رات کو جب وقت ملتاتھا تو وہ فٹبال بھی سیتے تھے۔جب سے میں روس آیاہوں میری والدہ روز فون کرکے مجھے دعائیں دیتی ہیں۔
بلجیم تیونس کو 5-2سے ہرا کر فائنل 16میں
ماسکو(نیوزایجنسیاں)فیفا ورلڈ کپ کے گروپ میچ میں بلجیم نے تیونس کو 5 کے مقابلے میں دو گولز سے آو¿ٹ کلاس شکست دے دی اورپری کوارٹرفائنل کےلئے اپنی جگہ مستحکم کرلی۔گروپ ایف میں میکسیکونے کوریاکو2-1سے شکست دی۔فاتح سائیڈکی جانب سے کارلوس ویلا اورژاویرہرنانینڈزنے گولزسکورکیے۔کوریا کولگاتاردوسری شکست کاسامنا کرناپڑا۔روس میں جاری فٹبال کے عالمی مقابلوں میں گروپ جی کے میچ میں بلجیم نے یکطرفہ مقابلے کے بعد تیونس کو شکست دے دی۔بلجیم کی جانب سے رومیلو لوکاکو اور ایڈن ہزارڈ نے دو دو جب کہ مچی بٹشوائی نے ایک گول کیا۔دو گروپ میچوں میں فتح اور مخالف ٹیموں کے خلاف 6 سے زیادہ گول اسکور کرنے کے بعد بیلجیم نے اگلے مرحلے کے لیے اپنی پوزیشن مستحکم کر لی ہے ۔اگر بلجیم کی ٹیم پوائنٹس ٹیبل پر تیسرے نمبر پر موجود انگلینڈ سے ہار جاتی ہے اور ابھی تک کوئی پوائنٹ حاصل نہ کرنے والی پاناما انگلینڈ اور تیونس کو شکست دے دیتی ہے تو ان تینوں ٹیموں کے 6، 6 پوائنٹس ہو جائیں گے اور پھر گولوں کے اعتبار سے پہلی دو ٹیمیں اگلے مرحلے کے لیے کوالیفائی کر لیں گی مگراس کے امکانات نہ ہونے کے برابرنظرآتے ہیں۔ایک ماہ تک جاری رہنے والے فٹ بال کے میگا ایونٹ میں دنیا بھر سے 32 ٹاپ ٹیمیں شرکت کر رہی ہیں جنھیں 8 مختلف گروپس میں تقسیم کیا گیا ہے ۔ ایونٹ میں گروپ ایف میں عالمی چیمپئن جرمنی کو رکھا گیا ہے۔ میگا ایونٹ میں شرکت کرنے والی 32ٹیموں میں گروپ اے میں میزبان روس، سعودی عرب، مصر اور یوروگوئے شامل ہیں، گروپ بی میں پرتگال، سپین، مراکش اور ایران شامل ہیںِ، گروپ سی میں فرانس، آسٹریلیا، پیرو اور ڈنمارک شامل ہیں، گروپ ڈی میں ارجنٹائن، آئس لینڈ، کروشیا اور نائیجریا شامل ہی، گروپ ای میں برازیل، سوئٹزرلینڈ، کوسٹاریکا اور سربیا شامل ہیں، گروپ ایف میں دفاعی چیمپئن جرمنی، میکسیکو، سویڈن اور کوریا شامل ہیں، گروپ جی میں بیلجیئم، پانامہ، تیونس اور انگلینڈ شامل ہیں جبکہ گروپ ایچ میں پولینڈ، سینیگال، کولمبیا اور جاپان شامل ہیں۔
