ممبئی: نامور بالی ووڈ اداکارہ دپیکا پڈوکون اور رنویر سنگھ کے درمیان منگنی کی خبروں نے ایک بار پھر بھارتی میڈیا میں ہلچل مچادی۔بالی ووڈ کی خوبرو اداکارہ دپیکا پڈوکون کا ستارہ ان دنوں عروج پر ہے، دپیکا بالی ووڈ کے ساتھ ہالی ووڈ میں بھی کامیابی کے جھنڈے گاڑرہی ہیں، جب کہ ماڈلنگ کی دنیا میں بھی ان کا کوئی ثانی نہیں، تاہم ان کے مداحوں کو اس بات کی بہت فکر ہے کہ وہ کب اور کس کے ساتھ شادی کے بندھن میں بندھیں گی اور اب لگتا ہے دپیکا کے چاہنے والوں کا انتظار ختم ہوا، حال ہی میں دپیکا کی ایک ایوارڈ شو کی تقریب میں شرکت کی تصاویر جاری ہوئی ہیں جن میں وہ منگنی کی انگوٹھی پہنے ہوئے نظرآرہی ہیں۔
Monthly Archives: September 2017
بھارت ریاستی دہشتگردی بند کرے
نیو یارک(این این آئی)وزیراعظم شاہد خاقان عباسی نے عالمی سربراہان مملکت پر واضح کیا ہے کہ پاکستان افغانستان سمیت کسی بھی ملک کےلئے قربانی کا بکرا نہیں بنے گا ¾دہشتگردی کے خلاف جنگ میں پاکستان کی بے شمار قربانیوں کے بعد افغانستان میں سیاسی او ر فوجی تعطل کا ذمہ دار پاکستان کو ٹھہرایا جانا پریشان کن ہے ¾ داعش اور القاعدہ سمیت دیگر انتہاپسند گروہوں کے ترجیحی خاتمے اور طالبان کےساتھ سیاسی حل تلاش کرنے کی ضرورت ہے ¾ بھارت مقبوضہ کشمیر میں ’وسیع پیمانے پر بلا امتیاز کارروائی‘ کا ذمہ دار ہے ¾کشمیریوں پر مظالم کی بین الاقوامی تحقیقات کی جائیں ¾ مسئلہ کشمیر کے منصفانہ اور پرامن حل کیلئے اقوام متحدہ کا خصوصی نمائندہ مقرر کیا جائے ¾مقبوضہ کشمیر میں ڈریکولین ہنگامی قوانین ختم کئے جائیں اور تمام کشمیری سیاسی قیادت کو رہا کیا جائے ¾روہنگیا افراد کے خلاف نسلی فسادات انسانی اقدار کے منافی ہیں ¾ فلسطین کے المیے کا اختتام ہوتا نظر نہیں آ رہا ¾عالمی برادری پاکستان کو غیر امتیازی بنیاد پر نیوکلیئر سپلائرز گروپ جیسے عالمی ایٹمی عدم پھیلاﺅ انتظامات میں شامل کرے ¾ پاکستان بھارت کے ساتھ کشمیر سمیت تمام دیرینہ تنازعات کے حل کیلئے جامع مذاکرات کی بحالی اور امن اور سلامتی کو برقرار رکھنے کیلئے اقدامات پر بات چیت کا خواہاں ہے ¾ لائن کنٹرول پر بھارت کسی بھی قسم کی مہم جوئی کا ارتکاب کرے گایا پاکستان کے خلاف محدود جنگ کے ڈاکٹرائن پر عمل پیرا ہو گا تو اسے مضبوط اور برابر کا جواب دیا جائے گا۔اقوام متحدہ کی جنرل اسمبلی سے خطاب کرتے ہوئے وزیراعظم شاہد خاقان عباسی نے امریکی صدر ڈونلڈ ٹرمپ کی نئی افغان پالیسی پر پاکستانی مو¿قف کی دو ٹوک وضاحت کی۔ وزیراعظم شاہد خاقان عباسی نے پاکستان کا واضح موقف پیش کرتے ہوئے کہا کہ پاکستان افغانستان کی جنگ کو اپنی سرزمین پر لڑنے نہیں دےگا انہوں نے کہا کہ ہم کسی ایسی ناکام حکمت عملی کی توثیق نہیں کر سکتے جو پاکستان اور افغانستان اور دیگر علاقائی ممالک کے عوام کی تکالیف میں اضافہ اور اسے طویل کر دےگی۔ انہوں نے کہا کہ افغانستان میں فوجی یا سیاسی تعطل کیلئے مورد الزام ٹھہرانا بالخصوص پاکستان کیلئے تشویش کا باعث ہے۔ انہوں نے کہا کہ پاکستان نے دہشت گردی کیخلاف عالمی جنگ میں بہت زیادہ مالی اور جانی نقصان اٹھایا ہے۔ انہوں نے کہا کہ ہم کسی کیلئے قربانی کا بکرا بننے کےلئے تیار نہیں ، طالبان کی محفوظ پناہ گاہیں پاکستان میں نہیں بلکہ افغانستان میں طالبان کے قابض وسیع علاقے میں ہیں۔ انہوں نے کہا کہ سرحد پار سے حملے ضرور ہوتے ہیں لیکن یہ حملے زیادہ تر سرحد کے اس پار موجود محفوظ پناہ گاہوں سے پاکستان مخالف دہشت گردوں کی طرف سے کئے جاتے ہیں۔ اس طرح کے حملوں کی روک تھام کیلئے پاکستان نے افغان حکومت اور اتحادی فورسز کو کہا ہے کہ وہ سرحد کو کنٹرول کرنے کے نظام کو مضبوط بنانے اور نقل و حرکت کی نگرانی کیلئے پاکستان کی جاری کوششوں کی حمایت کرے۔ انہوں نے کہا کہ گزشتہ چار دہائیوں سے غیر ملکی مداخلت سے دونوں ممالک کے عوام کو بہت نقصان پہنچا۔ انہوں نے کہا کہ پاکستان سے زیادہ افغانستان میں امن کا کوئی اور خواہشمند نہیں تاہم افغانستان میں 16 سالہ جنگ کے بعد یہ بات واضح ہے کہ افغانستان میں امن کو جنگ جاری رکھ کر بحال نہیں کیا جا سکتا۔ کوئی بھی فریق ایک دوسرے پر فوجی حل نہیں لاگو نہیں کر سکتا۔ انہوں نے کہا کہ پاکستان اس بات پر یقین رکھتا ہے کہ افغانستان میں فوری اور حقائق پر مبنی مقاصد میں افغانستان میں داعش، القاعدہ اور ان کے حمایتیوں کے خاتمے کیلئے بھی ٹھوس اقدامات شامل ہونے چاہئیں۔ وزیراعظم شاہد خاقان عباسی نے کہا کہ پاکستان کے دہشت گردی کیخلاف اقدامات پر سوال نہیں اٹھایا جا سکتا۔ انہوں نے کہا کہ نائن الیون کے بعد پاکستان کی کاوشوں سے ہی القاعدہ کا خاتمہ کیا گیا۔ انہوں نے کہا کہ پاکستان نے فوجی آپریشنوں سے پہاڑی علاقوں سے تمام عسکریت پسند گروپوں کو ختم کر دیا۔ انہوں نے کہا کہ پاکستان نے دہشت گردی کیخلاف بھاری قیمت چکائی ہے۔ 6500 فوجی اور قانون نافذ کرنے والے اہلکاروں سمیت 27 ہزار پاکستانی اس جنگ میں شہید ہوئے۔وزیراعظم نے دہشت گردی کے عالمی مسئلے سے جامع طور پر نمٹنے کی ضرورت پر زور دیتے ہوئے انسداد دہشت گردی کی عالمی حکمت عملی میں اہم نقائص کا ذکر کیا جس کی وجہ سے اس مسئلے سے نمٹنے میں ناکامی ہوئی۔ انہوں نے دہشت گردی کی بنیادی وجوہات سے نمٹنے کی ضرورت پر زور دیتے ہوئے کہا کہ دہشت گردی کی بنیادی وجوہات محض غربت اور جہالت نہیں ہیں ¾ وزیراعظم نے کہا کہ دہشت گردی کی وجوہات میں ناانصافی، جبر اور غیر ملکی مداخلت سمیت سیاسی اور دوسری محرومیوں پر انتہائی ردعمل بھی ہے۔ انہوں نے کہا کہ ان وجوہات کو ختم کئے بغیر دہشت گرد گروپوں کے بیانیے سے نمٹنا مشکل ہو گا۔ وزیراعظم نے کہا کہ پاکستان کو ایک مخالفانہ اور بڑھتی ہوئی عسکری قوت والے ہمسائے کا سامنا ہے اور پاکستان کیلئے قابل بھروسہ ڈیٹرننس کیلئے اپنی صلاحیت کو برقرار رکھنا ناگزیر ہے۔ انہوں نے کہا کہ پاکستان نے اپنے جوہری ہتھیار صرف اس لئے بنائے ہیں کیونکہ اس کے ہمسائے نے خطے میں ان ہتھیاروں کو متعارف کروایا ہے۔ ہمارے جوہری اثاثے جارحانہ دھمکیوں سے نمٹنے کیلئے ناگزیر ہیں۔ انہوں نے کہا کہ پاکستان کے جوہری اثاثے پوری طرح سے موثر کنٹرول میں ہیں جن کا ماہرین نے اعتراف کیا ہے۔ انہوں نے کہا کہ عالمی برادری پاکستان کو غیر امتیازی بنیاد پر نیوکلیئر سپلائرز گروپ جیسے عالمی ایٹمی عدم پھیلاﺅ انتظامات میں شامل کرے۔ وزیراعظم نے کہا کہ مشرق اور مغرب کے درمیان حالیہ تناﺅ یورپ کو ایک اور سرد جنگ میں دھکیل سکتا ہے جبکہ ایشیا میں امن اور خوشحالی کو جنوبی مشرقی اور مغربی ایشیا میں بڑھتی ہوئی کشیدگی اور ابھرتی ہوئی عالمی طاقتوں کی مزاحمت سے خطرہ ہے۔ وزیراعظم شاہد خاقان عباسی نے کہا کہ شام، عراق ، یمن سمیت مشرق وسطیٰ میں ہر جگہ جنگ اور تشدد ہیں۔ انہوں نے کہا کہ اگرچہ عراق اور شام میں داعش کمزور ہوئی ہے لیکن مشرق وسطیٰ، افریقہ اور دنیا کے دوسرے حصوں میں دہشت گردانہ تشدد پھیل چکا ہے۔ انہوں نے کہا کہ فلسطین کے المیے کا اختتام ہوتا نظر نہیں آ رہا۔ اسرائیل کے غیر قانونی تسلط اور غیر قانونی بستیوں میں توسیع سے مقدس سرزمین پر تشدد پھیلتا نظر آ رہا ہے۔ انہوں نے کہا کہ نسل پرستی اور مذہبی منافرت، اسلامو فوبیا اور زینوفوبیا میں ڈھل چکی ہے اور دنیا کی مختلف اقوام اور عوام کے مابین دیواریں اور نفسیاتی رکاوٹیں کھڑی کر رہی ہے۔ وزیراعظم نے کہا کہ روہنگیا کے مسلمانوں کی نسل کشی نہ صرف انسانیت کے تمام بنیادی اقدار سے متصادم ہیں بلکہ یہ ہمارے اجتماعی ضمیر کیلئے بھی چیلنج ہے۔ انہوں نے کہا کہ غربت، بیماریوں، ماحولیاتی تبدیلیوں، ایٹمی پھیلاﺅ، دہشت گردی اور جبری بیدخلی کے مسئلے سے نمٹنے کیلئے بین الاقوامی تعاون ناگزیر ہے۔ وزیراعظم نے کہا کہ پاکستان اقوام متحدہ کے سیکرٹری جنرل کی طرف سے امن، سلامتی، ترقی اور انتظام میں اقوام متحدہ کی اہلیت کو تقویت دینے کی کوششوں کا خیر مقدم کرتا ہے۔ انہوں نے کہا کہ ہم ان اصلاحات کیلئے بھی پرعزم ہیں جن کے ذریعے سلامتی کونسل کو زیادہ نمائندگی کا حامل، جمہوری اور جوابدہ بنایا جا سکے ناکہ یہ محض طاقتوروں کا کلب بن کر نہ رہ جائے۔ وزیراعظم شاہد خاقان عباسی نے کہا کہ پاکستان اقوام متحدہ کے امن برقرار رکھنے والے دستوں میں دنیا کا سب سے بڑا شراکت دار ہے۔ ہم امن برقرار رکھنے کیلئے سب سے آگے رہیں گے اور اپنے سلامتی چیلنجوں کے باوجود اپنے پیشہ وارانہ اور تربیت یافتہ اہلکاروں کو اقوام متحدہ میں بھجوائیں گے۔ وزیراعظم نے موسمیاتی تبدیلی کو انسانیت کے مستقبل کیلئے ایک نیا خطرہ قرار دیتے ہوئے کہا کہ پاکستان ماحولیاتی تبدیلی کے حوالے سے سب سے زیادہ متاثرہ ملک ہے۔ پاکستان پیرس معاہدے کے اہداف کا ادراک رکھتا ہے اور سمجھتا ہے کہ اس پر عمل اس کے اپنے مفاد میں ہے۔ انہوں نے کہا کہ ترقی پذیر ممالک کے بنیادی مقاصد میں شرح نمو اور ترقی شامل ہیں اور اقوام متحدہ کے پائیدار ترقی کے اہداف تاریخ میں سب سے زیادہ حوصلہ مند سطح پر ہیں۔ انہوں نے کہا کہ چینی صدرکے بیلٹ اور روڈ کے منصوبے سے مشترکہ ترقی کی عکاسی ہوتی ہے اور یہ جنوبی ممالک کے مابین تعاون کا ایک بہترین ماڈل اور خوشحالی اور ترقی کی جانب ایک ٹھوس راستہ ہے۔ وزیراعظم شاہد خاقان عباسی نے عالمی رہنماﺅں کو بتایا کہ پاکستان کی معیشت نے گزشتہ چار سالوں کے دوران شاندار بہتری آئی ہے۔ انہوں نے کہا کہ چائنہ پاکستان اکنامک کوریڈور اقتصادی ترقی کیلئے مزید اہم کردار ادا کرے گا۔ انہوں نے کہا کہ پاکستان اور چین کے درمیان شراکت داری، توانائی اور ٹرانسپورٹیشن سے لے کر کئی دوسرے شعبوں تک پھیلے گی۔ انہوں نے کہا کہ پاکستان 207 ملین کی نوجوانوں پر مشتمل آبادی کے ساتھ پراعتماد ہے کہ وہ بڑھتی ہوئی آمدن، کھپت اور پیداوار کو بروئے کار لاتے ہوئے اقتصادی حکمت عملی کے ذریعے خوشحالی کی جانب بڑھے گا۔ انہوں نے کہا کہ پاکستان اپنے اہداف کے حصول کیلئے اپنے ملک کے اندر اور اپنی سرحدوں کے ارد گرد سلامتی کا خواہاں ہے۔ انہوں نے کہا کہ ہم تمام ریاستوں کے ساتھ برابری اور خود مختاری کی بنیاد پر اچھے تعلقات کے خواہاں ہیں اور ہم دوستی اور تعاون کی تمام پیشکشوں پر مثبت طور پر آگے بڑھیں گے۔ وزیراعظم شاہدخاقان عباسی نے بھارت کے زیر قبضہ کشمیر میں اپنے حق خودارادیت کے حصول کیلئے جدوجہد کرنے والے نہتے عوام پر مظالم پر شدید تشویش کا اظہار کرتے ہوئے کہا کہ بھارت کشمیریوں کو دبانے کیلئے طاقت کا اندھا دھند اور بلا امتیاز استعمال کر رہا ہے، خواتین، بچوں اور نوجوانوں کو بلاامتیاز نشانہ بنایا جا رہا ہے۔ ہزاروں کی تعداد میں معصوم کشمیری مارے اور زخمی کئے جا چکے ہیں۔ شارٹ گن پیلٹ سے بچوں سمیت ہزاروں کی تعداد میں کشمیری اپنی بینائی سے محروم یا معذور ہو چکے ہیں۔ یہ اور اس طرح کے دیگر مظالم جنیوا کنونشن کی خلاف ورزی اور جنگی جرائم کے زمرہ میں آتے ہیں۔ وزیراعظم نے اپنے خطاب میں جنگ سے تباہ حال افغانستان میں امن کیلئے پاکستانی خواہش، پاکستان کی انسداد دہشت گردی کیلئے کوششوں اور قربانیوں، مشرق وسطیٰ میں صورتحال، اقوام متحدہ میں اصلاحات، ماحولیاتی تبدیلی، پاکستان میں جمہوریت اور معاشی استحکام پر بھی اظہار خیال کیا۔ انہوں نے ہمسایوں کے ساتھ امن کے ساتھ رہنے کی پاکستانی خواہش کا اظہار کرتے ہوئے کہا کہ پاکستان بھارت کے ساتھ کشمیر سمیت تمام دیرینہ تنازعات کے حل کیلئے جامع مذاکرات کی بحالی اور امن اور سلامتی کو برقرار رکھنے کیلئے اقدامات پر بات چیت کا خواہاں ہے تاہم انہوں نے کہا کہ ان مذاکرات کیلئے بھارت کو پاکستان کے خلاف ریاستی پشت پناہی سے کی جانے والی دہشت گردی بشمول ہماری مغربی سرحد کے پار سے کی جانے والی دہشت گردی اور بھارت کی طرف سے پاکستان کے خلاف تخریب کاری کی مہم سے اجتناب کرنا ہو گا۔ کشمیر کی صورتحال کا ذکر کرتے ہوئے وزیراعظم شاہد خاقان عباسی نے جنرل اسمبلی کے اجلاس میں شریک دنیابھر کے اعلیٰ سطحی وفود کو بتایا کہ بھارت نے مقبوضہ کشمیر میں کشمیریوں کو ان کے حق خودارادیت سے محروم کرنے اور جدوجہد آزادی کو دبانے کیلئے 7 لاکھ فوج تعینات کر رکھی ہے۔ انہوں نے کہا کہ حالیہ تاریخ میں کسی بھی غیر ملکی فوج کی طرف سے تعینات کی جانے والی یہ سب سے بڑی تعداد ہے۔ انہوں نے کہا کہ آج کشمیری عوام بھارت کے تسلط سے آزاد ہونے کیلئے ایک تاریخی اور مقبول جدوجہد کر رہے ہیں۔ انہوں نے کہا کہ وہ اقوام متحدہ کی جنرل اسمبلی کے 72 ویں اجلاس کی صدارت پر میروسلیو لجکن کو مبارکباد پیش کرتے ہیں۔ انہوں نے کہا کہ مجھے یقین ہے کہ وہ اپنے عوامی خدمت اور بین الاقوامی تعلقات کے طویل تجربے اور بین الاقوامی تعلقات کو بروئے کار لاتے ہوئے دنیا کو درپیش سلامتی، ترقی اور گورننس کے چیلنجوں سے نمٹنے کیلئے کامیاب رہنمائی فراہم کریں گے۔ انہوں نے کشمیر میں بھارتی جرائم کی بین الاقوامی تحقیقات کا مطالبہ کرتے ہوئے اقوام متحدہ کے سیکرٹری جنرل اور انسانی حقوق کے ہائی کمشنر پر زور دیا کہ وہ بھارت کے زیر قبضہ کشمیر میں انسانی حقوق کی خلاف ورزیوں کا پتہ چلانے اور اس کے ذمہ داروں کو سزا دلوانے اور متاثرین کو انصاف اور ریلیف فراہم کرنے کیلئے انکوائری کمیشن بھجوائیں۔ انہوں نے کہا کہ پاکستان بین الاقوامی برادری پر زور دیتا ہے کہ وہ مقبوضہ کشمیر میں پیلٹ گنوں سے کشمیریوں پر حملوں اور نہتے شہریوں پر تشدد اور مظالم کا سلسلہ رکوائے۔ ریاستی پالیسی کے طور پر خواتین سے زیادتیوں کا سلسلہ بند کرایا جائے۔ میڈیا کا بلیک آﺅٹ ختم کیا جائے۔ مقبوضہ کشمیر میں ڈریکولین ہنگامی قوانین ختم کئے جائیں اور تمام کشمیری سیاسی قیادت کو رہا کیا جائے۔ وزیراعظم نے کہا کہ بھارت مقبوضہ کشمیر میں اپنے مظالم سے دنیا کی توجہ ہٹانے کیلئے کشمیر میں لائن آف کنٹرول پرفائر بندی کی مسلسل خلاف ورزی کر رہا ہے۔ انہوں نے کہا کہ رواں سال جنوری سے اب تک بھارت فائر بندی کی 600 خلاف ورزیاں کر چکا ہے۔ پاکستان نے اس صورتحال پر تحمل کا مظاہرہ کیا ہے۔ لیکن اگر لائن کنٹرول پر بھارت کسی بھی قسم کی مہم جوئی کا ارتکاب کرے گایا پاکستان کے خلاف محدود جنگ کے ڈاکٹرائن پر عمل پیرا ہو گا تو اسے مضبوط اور برابر کا جواب دیا جائے گا۔ وزیراعظم شاہد خاقان عباسی نے کہا کہ بین الاقوامی برادری کو صورتحال کو خطرناک ہونے سے بچانے کیلئے فیصلہ کن کردار ادا کرنا ہو گا۔ انہوں نے کہا کہ مسئلہ کشمیر کے منصفانہ پرامن اور فوری حل کیلئے اقدامات کرنا ہوںگے۔ انہوں نے کہا کہ بھارت پاکستان کے ساتھ امن عمل کو بحال کرنے پر تیار نہیں ہے۔ ہم سلامتی کونسل پر زور دیتے ہیں کہ وہ جموں و کشمیر پر اپنی قراردادوں پر عملدرآمد کے سلسلہ میں اپنی ذمہ داری پوری کرے۔ اس سلسلے میں اقوام متحدہ کے سیکرٹری جنرل کشمیر پر خصوصی نمائندہ مقرر کریں جو سلامتی کونسل کی دیرینہ قراردادوں پر علدرآمد کروائے۔
افغانستان سے پاک فوج کی سرحدی چوکی پر فائرنگ سے لیفٹیننٹ ارسلان شہید
راولپنڈی: خیبر ایجنسی کے علاقے راجگال میں پاک فوج کی سرحدی چوکی پر افغانستان سے ہونے والی فائرنگ کے نتیجے میں لیفٹیننٹ ارسلان شہید ہوگئے۔پاک فوج کے شعبہ تعلقات عامہ(آئی ایس پی آر) کے مطابق پاک افغان سرحد کے قریب خیبرایجنسی میں راجگال چیک پوسٹ پر دہشت گردوں کی فائرنگ سے پاک فوج کے لیفٹیننٹ ارسلان عالم شہید ہوگئے ہیں۔آئی ایس پی آر کے مطابق 22 سالہ ارسلان عالم اگلےمورچوں پرفرائض سرانجام دے رہے تھے کہ سرحد پار سے ہونے والی فائرنگ کا نشانہ بن گئے۔
نواز شریف نے آج لندن میں اہم اجلاس بلا لیا
لندن (مانیٹرنگ ڈیسک) سابق وزیراعظم نے مسلم لیگ ن کی اعلیٰ قیادت کا اجلاس آج لندن میں طلب کرلیا ہے جس میں تازہ ملکی سیاسی صورتحال اور احتساب عدالتوں میں پیشی کے معاملات کے حوالے سے مشاورت کی جائیگی، اجلاس میں پارٹی اختلافات پر بھی گفتگو ہوگی مگر اس اجلاس میں سابق وزیرداخلہ چوہدری نثار کو ایک دفعہ پھر نظرانداز کردیاگیا ہے ، نجی ٹی وی چینل کے مطابق سابق وزیراعظم نواز شریف نے کل لندن میں سینئر پارٹی رہنماو¿ں کااجلاس طلب کرلیا ہے ، اجلاس میں نوازشریف کی وطن واپسی اور پارٹی صدارت کیلئے شہبازشریف کے نام پر غورکیا جائیگا، اجلاس کے دوران احتساب عدالتوں میں شریف خاندان کی پیشی کے حوالے سے فیصلہ کیا جائیگا جبکہ مریم نواز شریف کے سیاسی مستقبل کے تعین کے حوالے سے بھی مشاورت کی جائیگی ،نوازشریف کی زیر صدارت اجلاس میں وزیر اعظم شاہد خاقان عباسی کی شرکت بھی متوقع ہے جبکہ شہبازشریف ، اسحاق ڈار، خواجہ آصف اور برجیس طاہر بھی شریک ہونگے، سابق وزیراعظم نوازشریف کی جانب سے طلب کئے جانیوالے اجلاس میں سابق وزیرداخلہ چوہدری نثار کو مدعو نہیں کیا گیا، اجلاس میں مریم نواز خصوصی طور پر شرکت کرینگی۔
ن لیگ نے الیکشن بل میں ترمیم کرکے اخلاقیات کا جنازہ نکال دیا
اسلام آباد (مانیٹرنگ ڈیسک) چیئرمین پاکستان تحریک انصاف عمران خان کا کہنا ہے کہ الیکشن ریفارم بل کی شق میں ترمیم کر کے مسلم لیگ (ن) نے اخلاقیات کا جنازہ نکال دیا ہے اور یہ سب کچھ نواز شریف کا سیاسی کیریئر دوبارہ شروع کرانے کیلئے کیا جا رہا ہے۔ سماجی رابطے کی ویب سائٹ پر ٹوئٹ کرتے ہوئے عمران خان کا کہنا تھا کہ مسلم لیگ (ن) نے ایک نااہل شخص کو پارٹی کی صدارت دلوانے کے لئے الیکشن ریفارم بل کی شق میں ترمیم کر کے اخلاقیات کا جنازہ نکال دیا ہے۔ عمران خان کا کہنا تھا کہ (ن) لیگ یہ سب نواز شریف کا سیاسی کیریئر دوبارہ شروع کرانے کیلئے کر رہی ہے حالانکہ نواز شریف پر کرپشن، منی لانڈرنگ اور ٹیکس چوری کا جرم ثابت ہو چکا ہے۔ پی ٹی آئی کے ترجمان نعیم الحق نے کہا ہے کہ لٹیروں کو بے نقاب کرنا تحریک انصاف کی اولین ذمہ داری اور کرپشن کے خلاف جدوجہد ہمارے ایمان کا حصہ ہے۔ بہت بڑے بڑے نام بہت جلد تحریک انصاف میں شمولیت کا اعلان کریں گے۔ ان کا کہنا ہے کہ چیئرمین عمران خان نے زرداری گروپ کو ان کا کرپشن زدہ چہرہ دکھایا تو پوری قیادت بوکھلاہٹ کا شکار ہو گئی۔ یہ تو صرف چار جلسوں پر آپ کی چیخیں نکل گئیں ابھی تو پارٹی شروع ہوئی ہے۔ پی پی کارکنان چیئرمین عمران خان کے خلاف احتجاج کرنے کے بجائے اپنی قیادت پر ماتم کریں۔
انٹیلی جنس بیورو میں ملک دشمن افسران ، تہلکہ خیز انکشافات ۔۔۔!
اسلام آباد (خصوصی رپورٹ) انٹیلی جنس بیورو آف پاکستان کے ایک جونیئر آفیسر نے ادارے کے متعدد افسران و اہلکاروں کے ملک دشمن خفیہ اداروں کے ساتھ روابط کا انکشاف کرتے ہوئے معاملے کو اسلام آباد ہائیکورٹ میں چیلنج کر دیا ہے۔ انٹیلی جنس بیورو (آئی بی) کے اسسٹنٹ سب انسپکٹر ملک مختار احمد شہزاد نے بیرسٹر مسرور شاہ کے ذریعے اسلام آباد میں دائر درخواست میں مو¿قف اختیار کیا ہے کہ انٹیلی جنس بیورو پاکستان میں تعینات بعض افسران و اہلکاروں کے شام، ایران، بھارت، افغانستان اور ازبکستان کے خفیہ اداروں سے تعلقات ہیں جن کے خلاف ٹھوس شواہد موجود ہیں تاہم حکام ان اہلکاروں کے خلاف کارروائی میں رکاوٹ ہیں۔ درخواست میں استدعا کی گئی ہے کہ ان اہلکاروں کے خلاف آئی ایس آئی کے ذریعے تفتیش کروائی جائے اور ذمہ داروں کے خلاف اقدامات کیے جائیں۔
آئی بی افسر
محرم الحرام کی آمد ،بڑی پابندی لگا دی گئی
لاہور (نیااخبار رپورٹ)لاہور ایوان صنعت و تجارت کے سالانہ انتخابات برائے 2017-18 آج ہو رہے ہیں اور اس سلسلے میں صوبائی دارالحکومت میں انتخابی سرگرمیاں عروج پر پہنچ گئی ہیں۔مارکیٹوں اور بازاروں سمیت شاہراہ ایوان تجارت کے دونوں اطراف امیدواران کے بینرز اور ووٹ کی اپیل کے بینرز آویزاں کر دیے گئے ہیں۔لاہور چیمبر کے انتخابات لاہورکی صنعتی و تجارتی برادری کا سب سے بڑا ایونٹ ہوتا ہے جس دن ممبرز بڑی تعداد میں جوق در جو ق آتے ہیں اور لاہور چیمبر میں ایک جشن سا سماں ہوتا ہے ۔ آج ہو نے والے انتخابات میں پیاف فا نڈر الائنس اور لاہور بزنس مین فر نٹ کے مابین مقابلہ ہوگا جس میں ایسو سی ایٹ کلاس کے سات امیدوران کو لاہور چیمبر کے 8808ممبران اپنے حق رائے دہی سے لاہور چیمبر کی نئی قیادت کا چنا کر یں گے ۔ واضح رہے کہ لاہور چیمبر کے کارپوریٹ کلاس کے آٹھ امیدوران بلا مقابلہ کامیاب ہو گئے ہیں کیو نکہ اپوزیشن گروپ لاہور بزنس مین فر نٹ کارپوریٹ کلاس کے لیے کوئی امیدوار مد مقابل نہ کھڑا کیا ۔ پاکستان سروے رپورٹ کے مطابق لاہور کی مختلف مارکیٹوں اور بازاروں میں تاجر تنظیموں کی جانب سے پیاف فا نڈر الائنس کے قائدین عرفان اقبال شیخ ، افتخار علی ملک اور ان کی مشترکہ امیدوران کے اراکین کا پرجوش اور والہانہ استقبال کیا جا رہا ہے اور ایسے دکھائی دیتا ہے کہ گزشتہ سال کی طرح اس سال بھی پیاف فاﺅنڈر الائنس کے امیدوار کلین سویپ کر لیں گے تاہم لاہور بزنس مین فرنٹ کا دعوی ہے کہ وہ اس سال لاہور چیمبر کے انتخابات میں نتائج تبدیل کر دیں گے اور اپوزیشن گروپ کو کامیابی حاصل ہو گی۔دوسری جانب انجمن تاجران لاہور کے صدر مجاہد مقصو د بٹ جو کہ لاہور چیمبر کی ایسو سی ایٹ کلاس کے لیے آزاد امیدوار تھے انہوں نے انتخابات کے لیے اپنے کاغذات نامزدگی واپس لے لیے ہیں۔فاﺅنڈر کے بانی رہنما افتخار علی ملک ،پیاف کے چیئر مین عرفان اقبال شیخ اورپیاف فاﺅنڈر الائنس کے صدارتی امیدوار طاہر جاوید کا کہنا ہے کہ گزشتہ چودہ سال سے پیاف فاﺅنڈر الائنس لاہور چیمبر کے انتخابات میں کامیاب ہو رہا ہے جو اس بات کا ثبوت ہے کہ پیاف فاﺅنڈر الائنس نے لاہور چیمبر کو ایک پریمیم چیمبر بنا دیا ہے اور ہمیشہ کاروباری کے مسائل کو اجاگر کیا ہے۔انہوں نے کہا کہ آج لاہور کی تاجر برادری پیاف فاﺅنڈرز کے امیدواروں کو بھاری اکثریت سے کامیاب کرائیں گے۔ لاہور بزنس مین فر نٹ کے سر پر ست اعلی امجد چوہدری اور آزاد گروپ کے چیئر مین راجہ حسن اخترنے کہاہے کہ لاہور چیمبر کے انتخابات میں اس بار بر سر اقتدار گروپ کا قبضہ چیمبر سے چھڑادیں گے ۔
سینٹ سے پاس ہو نے وا لی تر میم کیخلاف سپر یم کو رٹ جاﺅ گا
اسلام آباد (آن لائن) عوامی مسلم لیگ کے سربراہ شیخ رشید احمد نے کہا ہے کہ عدلیہ کوگالی دینے والوں کی زبان کھینچ لینی چاہئے ملک میں جھاڑو پھیڑنے کا وقت آگیا، انڈر19کرکٹ ٹیم ملک نہیں چلاسکتی، یہ ماما جی کی دکان نہیں، پاکستان اور نوازشریف اکٹھے نہیں چل سکتے، نہ ہی ملک میں اسحاق ڈار کی پالیسیاں چل سکتی ہیں، پاکستان میں فرقہ واریت نہیں بیرونی طاقتیں لڑاتی ہیں الیکشن قانون کے خلاف سپریم کورٹ جاو¿ں گا، شاید ملک میں جھاڑو پھیرنے کا وقت آگیا۔ نجی ٹی وی کو دیئے گئے انٹرویو میں انہوں نے کہا کہ وہ پرویزمشرف سے رابطے میں نہیں ہیں، لاہور ہائی کورٹ کا حکم مظلوموں کی آواز ہے، بدبودار قسم کے رانا جیسے لوگ بے نقاب ہوگئے ہیں۔ انہوں نے کہا کہ شہبازشریف، نوازشریف کی نااہلی پر خوش ہیں، مریم نواز شہباز کوآگے نہیں آنے دیں گے، مریم نے باپ اور چچا کو آپس میں لڑایا اور اپنے باپ بھائی کو ملک سے نکالا، انڈر19کی ٹیم اس ملک کو نہیں چلاسکتی، یہ ماما جی کی دکان نہیں ہے۔ انہوں نے کہا کہ اب لندن میں بیٹھ کر قانونی چیکر چلائے جارہے ہیں، عدلیہ کو گالی دینے والوں کی زبان کھینچ لینی چاہئے،شائد ملک میں جھاڑو پھیرنے کا وقت آگیا، یہ ملک اس طرح نہیں چل سکتا۔ اب اس ملک میں اسحاق ڈار کی پالیسیاں نہیں چل سکتی اور نوازشریف پاکستان اکٹھے نہیں چل سکتے۔ انہوں نے کہا کہ سب کہتے ہیں کہ حدیبیہ کیس نہیں کھلے گا، حدیبیہ کیس کھلے گا میں ایل این جی کی ڈیل کو چینلج کرنے جا رہا ہوں۔ انہوں نے کہا کہ پاکستان میں فرقہ واریت نہٰں، یہاں شیعہ سنی کی کوئی لڑائی نہیں، بیرونی طاقتیں لڑاتی ہیں۔ شیخ رشید نے کہا کہ اسمبلی نے دھوکے سے جو قانون منظور کیا وہ غیرآئینی ہے، اگر کوئی سپریم کورٹ نہ گیا تو میں جاو¿ں گا، قانون ایک شخص کیلئے ہے۔ انہوں نے کہا کہ شاہدخاقان عباسی خود کو مارچ تک وزیراعظم سمجھ رہے ہیں شاہدخاقان کے اداروں کے ساتھ تعلقات ٹھیک ہیں۔ انہوں نے کہا کہ پہلے لاکھوں کے چور تھے اب اربوں کے ہوگئے‘ نوازشریف کے انیس میں سے ابھی دو مقدمے کھلے ہیں۔ کرپٹ لوگوں کو جیل میں ڈالیں گے تو صولی ہوگی۔ انہوں نے کہا کہ نوازشریف کی لوٹی ہوئی دولت خطرے میں ہے، یہ لندن فلیٹس بھی بیچ دیں گے۔ انہوں نے کہا کہ آدھی دولت ٹھکانے لگادی ہے اور آدھی باقی ہے، ایک سوال پرکہا کہ بے نظیرکے جنازے کو جس سٹریچر پر لایا گیا اس کے تین پہیے تھے چوتھا نہیں بے نظیر کے قتل کا مقدمہ 9سال تک چلا مگرکوئی بھی بیٹا، بیٹی یا اور عدالت نہیں گیا اب نوسال بعد پیپلزپارٹی کو بے نظیر کا کیس کا خیال آگیا۔ انہوں نے کہا کہ قائدحزب اختلاف کا امیدوار نہیں، عمران خان جس کو قائدحزب اختلاف نامزد کریں گے اسے ووٹ دوں گا، عمران خان سے میری دوستی ہے اوررہے گی۔
کوئی نااہل شخص سیاسی جماعت کا سربراہ نہیں ہوسکتا، فاروق ستار
کراچی: ایم کیو ایم پاکستان کے سربراہ فاروق ستار نے کہا ہے کہ نااہل شخص سیاسی جماعت کا سربراہ نہیں بن سکتا اور اگر ایم کیو ایم کے کسی رکن نے (ن) لیگ کی حمایت کی ہے تو اس کے خلاف کارروائی ہوگی۔کراچی میں انسداد دہشت گردی عدالت کے باہر میڈیا سے بات کرتے ہوئے فاروق ستار نے کہا کہ وزیراعظم شاہد خاقان عباسی نے کئی بار کہا ہے کہ کراچی چلتا ہے تو پاکستان چلتا ہے، کراچی پیکج کا تعلق ہمارے ووٹ دینے سے نہیں، یہ کراچی کا حق ہے، اس کے مختلف حصے ہیں اور ان پرکام تیزی سےجاری ہے، مختلف منصوبوں پر جلد کام شروع ہوجائے گا۔سربراہ ایم کیو ایم نے کہا کہ پاکستان مسلم لیگ ن نے سینیٹ میں انتخابی اصلاحات کاجو بل پیش کیا وہ غیر قانونی تھا ، بل اعتزاز احسن کی ترمیم کے بعد پیش ہونا چاہئے تھا۔ کوئی نااہل شخص کسی بھی پارٹی کا سربراہ کیسے ہوسکتاہے۔ انتخابی اصلاحات پر پیپلزپارٹی کی ترمیم کی ایم کیوایم اور پی ٹی آئی نے حمایت کی اور اگر ایم کیو ایم کے کسی رکن نے (ن) لیگ کی حمایت کی ہے تو اس کے خلاف کارروائی ہوگی۔
اجے دیوگن کی فلم ’گول مال اگین‘ کا ٹریلر جاری
بالی وڈ ایکشن اسٹار اجے دیوگن کی فلم ”گول مال اگین“ کا ٹریلر جاری کردیا گیا۔فلم 2006 میں ریلیز ہونے والی کامیڈی فلم ”گول مال“ کا چوتھا سیکوئل ہے جس کی کاسٹ میں کرینہ کپور کی جگہ تبو اور پرینیتی چوپڑا کو شامل کیا گیا ہے۔فلم کی مرکزی کاسٹ وہی رکھی گئی ہے جس میں اجے دیوگن، ارشد وارثی، تشال کپور، کنال کھیمو اور شہریاس تلپاڈے شامل ہیں اور فلم کی ہدایت کاری کے فرائض معروف ڈائریکٹر روہت شیٹھی نے سر انجام دیے ہیں۔کامیڈی فلم کے چوتھے سیکوئل کے ٹریلر کو یو ٹیوب پر 36 لاکھ سے زائد افراد دیکھ چکے ہیں۔فلم کے ٹریلر سے لگتا ہے کہ کامیڈی فلم کی کہانی کو بھوت اور چڑیل سے جوڑا گیا ہے اور فلم میں کامیڈی کے بے شمار مناظر دیکھنے کو ملیں گے جب کہ فلم میں جنوبی بھارت کے مشہور ولن پرکاش راج اور نیل نتین مکیش کو بھی شامل کیا گیا ہے۔فلم میں ہدایت کار روہت شیٹھی اپنے مخصوص انداز میں مہنگی ترین گاڑیوں کو شامل کرنا نہیں بھولے ہیں اور اس کامیڈی فلم میں بھی انہوں نے مہنگی و لگڑری گاڑیوں کا تڑکا دیا ہے۔روہت شیٹھی نے ”گول مال اگین“ میں بھی اینیمیٹڈ مناظر ڈالے ہیں اور اس مرتبہ بھی ٹریلر میں کئی جگہوں پر اینیمیٹڈ مناظر نظر آئے ہیں جس سے اندازہ لگانا مشکل نہیں کہ فلم میں ایسے مناظر کی کتنی بھرمار ہوگی۔فلم کے ٹریلر میں دیکھا جاسکتا ہے کہ ہدایت کار نے فلم میں کامیڈی کے علاوہ ایکشن، گلیمرس، خوبصورت لوکیشن اور ڈانس کے ساتھ ساتھ ہر رنگ ڈالنے کی کوشش کی ہے لیکن اب دیکھنا ہوگا کہ اس فلم کی کامیابی میں کتنا سود مند ثابت ہوگی۔فلم کا ٹریلر فلم بینوں کو پسند آرہا ہے لیکن فلم کی کامیابی کا اندازہ فلم رواں سال 20 اکتوبر کے بعد ہی ہو گا جب یہ فلم ریلیز ہو گی۔
5شہروں میں دہشتگردی کا خطرہ ، فوج کی متعدد کمپنیاں الرٹ
لاہور (خصوصی رپورٹ) وفاق نے محرم الحرام میں پنجاب میں امن و امان قائم رکھنے کے لئے پاک فوج اور رینجرز کی 34کمپنیوں کی صوبہ میں تعیناتی کے لئے منظوری دے دی۔ کمپنیوں میں 25 فوج اور اور بقیہ 9کمپنیوں کا تعلق رینجرز سے۔ ان 34 کمپنیوں 5ہزار جوان شامل ہوں گے۔ پولیس موبائل گاڑیوں پر بھی کیمرے نصب کئے جائیں گے۔ امام بارگاہوں میں جانے والے مرد و خواتین کو 4 سکیورٹی حصاروں سے گزرنا ہو گا جہاں فقہ جعفریہ کے متعلقہ انتظامیہ کے افراد بھی چیکنگ اور شناخت کیلئے موجود رہیں گے۔ جلوس کے راستوں کی سکریننگ 24 گھنٹے پہلے مکمل کی جائے گی جس کے بعد وہاں ہونے والی نقل و حرکت کو محدود کر دیا جائے گا۔ حساس علاقوں کو مکمل طور پر بند کر کے متبادل روٹ پلان جاری کیا جائے گا۔ 9 اور 10 محرم الحرام کے موقع پر لاہور سمیت انتہائی حساس قرار دیئے گئے شہروں میں موبائل اور انٹرنیٹ سروس مکمل طور پر بند رہے گی جبکہ حساس شہروں اور دیگر علاقوں میں امام بارگاہوں اور جلوس کے راستوں پر جیمر نصب کرنے کی تجویز بھی زیرغور ہے۔ 9 اور 10 محرم الحرام کے موقع پر صوبائی دارالحکومت سمیت انتہائی حساس قرار دیئے جانے والے شہروں میں موٹرسائیکل پر ڈبل سواری پر بھی پابندی عائد ہو گی۔ اس پابندی سے صحافی، بزرگ، خواتین اور بچے مستثنیٰ ہوں گے۔ باوثوق ذرائع کے مطابق قانون نافذ کرنے والے اداروں نے لاہور، راولپنڈی، جھنگ، رحیم یار خان اور بھکر کو انتہائی حساس شہر قرار دیا ہے۔ خفیہ ایجنسیوں کی جانب سے ان پانچ شہروں میں بڑے پیمانے پر دہشت گردی کی کارروائیوں کے تھریٹ الرٹ روزانہ کی بنیاد پر جاری کئے جا رہے ہیں۔ علاوہ ازیں خوف و ہراس اور فرقہ واریت پھیلانے کیلئے سیاسی و سماجی شخصیات، فقہ جعفریہ کے علماءاور ذاکرین کو بھی دہشت گردوں کی جانب سے نشانہ بنائے جانے کی اطلاع دی گئی ہے۔ حساس قرار دیئے گئے شہروں میں مظفرگڑھ، ملتان، چنیوٹ، فیصل آباد، ڈیرہ غازی خان، قصور، شیخوپورہ، جہلم، منڈی بہاﺅالدین، اٹک، پاکپتن اور بہاولنگر شامل ہیں۔ محکمہ داخلہ حکومت پنجاب نے محرم الحرام میں سکیورٹی خدشات کے پیش نظر فضائی نگرانی کے لئے ہیلی کاپٹرز استعمال کرنے کا بھی فیصلہ کیا ہے۔ سکیورٹی کے لئے پولیس فورس‘ خفیہ پولیس، ایف سی، پولیس قومی رضاکار، سپیشل پولیس، قومی رضاکار، انٹیلی جنس ایجنسیز اور دیگر قانون نافذ کرنے والے اداروں کے افسران واہلکاران شامل ہوں گے۔ علاوہ ازیں پنجاب کی ٹاپ 10 سکیورٹی ایجنسیوں کی خدمات بھی لی جائیں گی۔ علاوہ ازیں دفعہ 144کے تحت ماسوائے عزاداری مجالس اور ماتمی جلوسوں کے پانچ یا پانچ سے زائد افراد کے اجتماع جبکہ ضلعی انتظامیہ کی اجازت یا لائسنس کے بغیر ماتمی جلوس نکالنے، عزاداری مجالس کے انعقاد اور جلوسوں کے راستے پر واقع عمارتوں کے اوپر کسی قسم کی مورچہ بندی پر پابندی لگا دی ہے۔ نوٹیفکیشن کے مطابق نویں اور دسویں محرم کے موقع پر صوبہ بھر میں ڈبل سواری پر بھی مکمل پابندی عائد کر دی گئی ہے۔ یہ حکم نامہ یکم تا 10ویں محرم تک نافذالعمل ہوگا۔ دریں اثنا صوبائی دارالحکومت لاہور مےں محرم الحرام کے سکیورٹی پلان کے مطابق 16ہزار سے زائد اہلکار اور افسران کے ساتھ ساتھ رےنجرز اور پاک فوج کی خدمات بھی حاصل کی جائیں گی۔ لاہور پولیس کا کہنا ہے کہ محرم الحرام کے دوران مجالس اور جلوسوں کو وقت کا پابند بنایا جائے گا۔ 14 ایس پیز، 36 ڈی ایس پیز، 102 انسپکٹر اور ایس ایچ اوز سمیت 16 ہزار سے زائد نفری سکیورٹی ڈیوٹیوں پر تعینات کی جا رہی ہے۔ شہر میں 5 ہزار 3 سو سے زائد مجالس اور ساڑھے چھ سو جلوس نکالے جائےںگے۔
محرم الحرام‘ سکیورٹی
لنکا کیخلاف کرکڑرز کا پریکٹس میچ بے نتیجہ ختم
لاہور(نیوزایجنسیاں) سری لنکا کے خلاف سیریز سے قبل قومی کرکٹرز کا تربیتی کیمپ لاہور میں جاری ہے جب کہ پلیئرز کی دو ٹیمیں تشکیل دے کر میچ کھیلا گیا جو ڈرا ہو گیا۔گزشتہ روز پی سی بی وائٹس نے چائے کے وقفے تک 27 اوورز میں بغیر کسی وکٹ کے نقصان کے 82 رنز بنائے تھے جب بارش کے باعث کھیل روک دیا گیا تھا۔ اسد شفیق کی قیادت میں پی سی بی وائٹس نے اپنی اننگز کا دوبارہ آغاز کیا تو اوپنر سمیع اسلم 50 اور شان مسعود 43 ریٹائرڈ ہو گئے، محمد رضوان 25 رنز پر ناقابل شکست رہے، اسد شفیق 13 رنز بنا سکے۔ وائٹس نے 55 اوورز میں 3 وکٹ پر 144رنز بنا کر اننگز ڈیکلیئر کر دی۔گرینز کی جانب سے محمد عامر، محمد عباس اور محمد اصغر نے ایک ایک وکٹ حاصل کی۔ سرفراز احمد کی قیادت میں پی سی بی گرینز کھیل کے اختتام تک 37.4 اوورز میں 6 وکٹ پر 91 رنز بنا سکی۔ احمد شہزاد 30، حارث سہیل 20 جبکہ عرفان جونیئر11 رنز بنا سکے۔ کپتان سرفراز احمد 5، عثمان صلاح الدین 4 اور محمد اصغر بغیر کوئی رن بنائے پویلین لوٹے۔ وائٹس کی جانب سے حسن علی نے 8 اوورز میں 19 رنز کے عوض 3 شکار کئے، یاسر شاہ، بلال آصف اور سیف الرحمان نے ایک ایک وکٹ حاصل کی۔
رچرڈزکوئٹہ گلیڈی ائیٹرزکے تاحیات رکن بن گئے
اسلام آباد(آئی این پی)پاکستان سوپر لیگ کی فرنچائز “کوئٹہ گلیڈیئٹر” کے مالک ندیم عمر کا کہنا ہے کہ یہ تاثر درست نہیں سرویوین رچرڈز کا کردار ختم ہوگیا بلکہ وہ تاحیات کوئٹہ گلیڈیئٹر کے رکن رہیں گے۔پی ایس ایل ” تھری” کی شروعات سے قبل ہی یہ خبریں منظر عام پر آرہی ہیں کہ ریٹائرڈ کھلاڑی کی حیثیت سے کیون پیٹرسن کو گلیڈیئٹر کا مینٹور بنایا جاسکتا ہے اور بحیثیت ” مینٹور ” سر ویوین رچرڈز کا اس فرنچائز کے ساتھ کردار ختم سمجھا جائے۔اس بارے میں فرنچائز کے مالک ندیم عمر کا کہنا ہے کہ یہ تاثر غلط ہے کہ سر ویوین رچرڈز کوئٹہ گلیڈیئٹر خاندان کا حصہ نہیں رہیں گے ۔کیوں کہ جو ایک بار خاندان میں شامل ہو جائے اسے چھوڑ دینا ہماری تربیت کے خلاف ہے۔ندیم عمر کا کہنا تھا کہ سر ویوین رچرڈز ایک عظیم کھلاڑی ہیں۔، ہماری خوش قسمتی ہے کہ ہمیں ان کا ساتھ میسر آیا اور اس بات پر ہمیشہ فخر رہے گا۔ندیم عمر کا مزید کہنا تھا کہ یہ ممکن نہیں کہ سر ویوین رچرڈز کے ساتھ ہمارا تعلق ٹوٹ جائے، اب وہ تاحیات کوئٹہ گلیڈیئٹر خاندان کے فرد رہیں گے۔ویسٹ انڈیز کے لئے 50 ٹیسٹ اور 105 ون ڈے میچوں میں بطور کپتان کھیلنے والے سر ویوین رچرڈز پی ایس ایل کے دونوں ایڈیشنز میں کوئٹہ گلیڈیئٹر سے وابستہ رہے اور بحیثیت “مینٹور” ان کے کردار کو خوب سراہا گیا۔خیال رہے کہ سر ویوین رچرڈز نے اس وقت قذافی اسٹیڈیم میں پی ایس ایل ٹو فائنل کے لئے لاہور آنے پر آمادگی ظاہر کی جب کوئٹہ گلیڈیئٹر کی نمائندگی کرنے والے انگلینڈ کے کیون پیڑسن اور لوک رائٹ جیسے کھلاڑیوں نے پاکستان آنے سے انکار کردیا تھا۔
