راولپنڈی، مری (مانیٹرنگ ڈیسک، نمائندہ خبریں) آرمی چیف جنرل قمر جاوید باوجوہ کا کہنا ہے کہ دشمن ایجنسیاں ملک میں عدم استحکام پیدا کرنے کی کوشش کررہی ہیں لیکن سمندر پار بیٹھ کرملک توڑنے کی بات کرنے والوں پرعنقریب قانون کی گرفت ہوگی انہوں نے کہا کہ عوام کی طاقت ہمارے ساتھ ہے کوئی کچھ نہیں بگاڑ سکتا پاکستان کو گالیاں دینے والوں کو نہیں چھوڑیں گے۔ جب کہ امن اور قانون کی بالادستی کے لیے ہر قربانی دیں گے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے لیفٹیننٹ ارسلان عالم شہید کی قبر پر فاتحہ خوانی کی اور پھول چڑھائے جب کہ وہ شہید ارسلان کے گھر بھی گئے جہاں ان کے والدین سے ملاقات کی۔ترجمان پاک فوج کے مطابق اس موقع پر آرمی چیف نے کہا کہ جب کوئی جوان شہید ہوتا ہے تو لگتا ہے میرے جسم کا کوئی حصہ کٹ گیا اور جوان کی شہادت والی رات میرے لیے بڑی مشکل ہوتی ہے، شہدا نے اپنے اہلخانہ کو چھوڑ کر اپنے وطن کو ترجیح دی لیکن قربانی کے جذبے سے سرشارسپوتوں کی موجودگی میں ہمیں کوئی شکست نہیں دے سکتا اور امن کی بحالی اور قانون کی بالادستی کیلیے ہر قربانی دیں گے، ہر قیمت پر امن اور قانون کی حکمرانی بحال کریں گے۔پاک فوج کے سربراہ کا کہنا تھا کہ پاکستان کو دہشت گردوں سے پاک کرنے کا تہیہ کر رکھا ہے اور پاکستان کا دشمن ہمارا دشمن ہے، پاک فوج ملک کے بہترین مفاد میں کام کرتی رہے گی جب کہ کچھ لوگ اور دشمن ایجنسیاں ملک میں عدم استحکام پیدا کرنے کی کوشش کررہی ہیں لیکن پاک فوج دشمنوں کے مذموم عزائم کی راہ میں رکاوٹ ہے اور انہیں کامیاب نہیں ہونے دے گی۔جنرل قمر جاوید باوجوہ نے کہا کہ سمندر پار بیٹھ کرملک توڑنے کی بات کرنے والوں پرعنقریب قانون کی گرفت ہوگی، یہ لوگ اورایجنسیاں پاک فوج کو بھی تنقید کا نشانہ بناتی ہیں جب کہ طاقت کا استعمال صرف ریاست کا استحقاق ہے، افواج پاکستان ملکی مفاد میں اپنی ذمہ داریاں نبھاتی رہے گی اور تمام چیلنجزسے نمٹنے کے لیے قوم کے ساتھ کھڑی رہے گی۔ چےف آف آرمی سٹاف قمر جاوےد باجوہ کی لیفٹےننٹ ارسلان ستی شہےد کے گھر گہل آمد، گہل ڈھانڈا روڈ ارسلان ستی کے گھر تک رسائی دےکر شہےد کے نام سے منسوب کرنے اور گلہڑہ گلی (نےو مری) سکول کو اپ گرےڈ کر کے کالج کا درجہ اور ارسلان ستی شہےد کالج نام رکھنے کا اعلان، ارسلان کے بہادری اور ملک کی خاطر جان کی قربانی دےنے پر ارسلان ستی شہےد کے والد شمشےر عالم ستی، اور دےگر اہل خانہ کو خراج تحسےن چےف آف آرمی سٹاف قمر جاوےد باجوہ مری کے مشکل ترےن راستے سے ہوتے ہوئے ملک اور عوام کی خاطر اپنی جان کا نذرانہ پےش کر کے جام شہادت کے رتبہ پر فائز ہونے والے کمانڈنگ آفےسر راجگال چےک پوسٹ خےبر اےجنسی لیفٹیننٹ ارسلان عالم ستی کے گھر گہل پہنچے اور ارسلان ستی کی قبر پر دعاکی اور شہےد ارسلان عالم ستی کے اہل خانہ کے ساتھ اےک گھنٹہ گزارا اس دوران چےف آف آرمی سٹاف قمر جاوےد باجوہ نے ارسلان ستی شہےد کی بہادری اور ملک و قوم کی خاطر جان قربان کرنے پر شہےد کے والدشمشےر عالم ستی اور دےگر اہل خانہ سمےت تےن بہنوں اور والدہ کے جذبے سے متاثر ہو کر گلہڑہ گلی (نےو مری) سکول کو اپ گرےڈ کر کے کالج کا درجہ اور ارسلان ستی شہےد کالج نام رکھنے اور گہل ڈھانڈا روڈ ارسلان ستی کے گھر تک رسائی دےکر شہےد کے نام سے منسوب کرنے کا اعلان کےا ہے۔

اسلام آباد(مانیٹرنگ ڈیسک، نیوز ایجنسیاں) سابق وزیراعظم نواز شریف ممکنہ طور پر نیب ریفرنسز کا سامنا کرنے کے لیے لندن سے واپس اسلام آباد پہنچ گئے،بے نظیرانٹرنیشنل ایئرپورٹ پر آمد پر مسلم لیگ(ن )کے رہنماﺅںنے استقبال کیا،نوازشریف کو باقاعدہ پروٹوکول کیساتھ اپنی رہائش گاہ پنجاب ہاﺅس لے جایا گیا جبکہ نوازشریف(آج) احتساب عدالت میں پیش ہوں گے۔تفصیلات کے مطابق نواز شریف اسلام آباد کے بینظیر انٹرنیشنل ایئرپورٹ پر پاکستان انٹرنیشنل ایئرلائنز (پی آئی اے) کی پرواز پی کے 786 کے ذریعے لندن سے اسلام آباد پہنچے جہاں سے وہ لیگی رہنماو¿ں کے ہمراہ پروٹوکول میں اپنی رہائش گاہ پنجاب ہاو¿س چلے گئے۔اس موقع پر پاکستان مسلم لیگ (ن) کے رہنما خرم دستگیر، سعد رفیق، مشاہد اللہ خان،سپیکر قومی اسمبلی سردار ایاز صادق، وزیرخارجہ خواجہ آصف،انوشہ رحمان، خرم دستگیر، ،طلال چوہدری اور میئر اسلام آباد انصر عزیز،سردار مہتاب، راجا اشفاق سرور سمیت دیگر اراکین بھی موجود تھے۔ نوازشریف سخت سکیورٹی میں ائر پورٹ سے پنجاب ہاو¿س پہنچے جبکہ ان کی آمد سے چند گھنٹے قبل ہی پروٹوکول اسکواڈ ایئرپورٹ پر موجود تھا۔ سابق وزیر اعظم نواز شریف کے واپس پہنچتے ہی ملکی سیاست میں ایک بار پھر ہلچل مچ گئی ہے۔ واپسی پر طیارے میں دنیا نیوز سے خصوصی گفتگو کرتے ہوئے نواز شریف نے کہا کہ ا±ن کی واپسی پروپیگنڈا کرنے والوں کے لئے جواب ہے، کوئی غلط کام نہیں کیا، اس لئے عدالت میں سرخرو ہوں گے، سیاسی عدم استحکام کی وجہ سے پاکستان کا نقصان ہوا، صورتحال بہتر ہونی چاہئے۔ سابق وزیر اعظم نواز شریف سے چوہدری نثار علی خان ڈیڑھ ماہ بعد ون ٹو ون ملاقات ، پارٹی صدارت سمیت دیگر پارٹی میں گروپ بندی کے حوالے سے شدید تحفظات سے آگاہ کیا جبکہ نواز شریف نے بھی چوہدری نثار کے تمام گلے شکوے ہنستے مسکراتے ہوئے دور کرنے کی یقین دہانی کرادی ہے ۔ پیر کے روز نواز شریف سے سابق وزیر داخلہ چوہدری نثار علی خان نے پنجاب ہاﺅس میں ملاقات کی جس میں چوہدری نثار نے بیگم کلثوم نواز کی خیریت دریافت کی اوران کی جلد صحت یابی کیلئے دعا کی نواز شریف سے ون آن ون ملاقات میں ملک کے حوالے سے تفصیلی بات چیت کی گئی چوہدری نثار نے نواز شریف کو اپنے تحفظات سے آگاہ کیا اور پارٹی صدارت کے معاملے سمیت دیگر اہم امور پر بھی تبادلہ خیال کیا گیا چوہدری نثار نے نواز شریف کی بروقت واپسی کو درست فیصلہ قرار دیتے ہوئے کہا کہ اس سے (ن) لیگ اور متحد ہوگی اور شکوک و شبہات دم توڑ جائینگے واضح رہے نواز شریف سے چوہدری نثار کی یہ ملاقات 45دن بعد ہورہی ہے اور اس ملاقات کیلئے وزیراعلیٰ پنجاب شہباز شریف نے اہم کردار ادا کیا ہے نواز شریف نے چوہدری نثار کے تمام تحفظات کے ازالہ کی یقین دہانی کراتے ہوئے نواز شریف کے ساتھ چلنے پر زور دیا جبکہ چوہدری نثار نے نواز شریف کی قیادت پر بھرپور اعتماد کا اظہار کیا ۔ وزیر اعظم شاہد خاقان عباسی سمیت لیگی رہنماو¿ں کی بڑی تعداد نے نواز شریف سے ملاقاتیں کیں۔نواز شریف اور شاہد خاقان عباسی کی ملاقات میں ملک کی سیاسی صورتحال اور پارٹی معاملات پر تبادلہ خیال کیا گیا۔ وزیر اعظم شاہد خاقان عباسی نے حکومتی معاملات پر نواز شریف کو بریفنگ دی۔ ملاقات میں نواز شریف کی نیب عدالت میں پیشی پر بھی بات چیت ہوئی۔ دونوں رہنماو¿ں نے اس عزم کا بھی اظہار کیا کہ اہم قومی امور پر اتحادیوں کو ساتھ لیکر چلیں گے۔ نواز شریف نے شاہد خاقان عباسی کی کارکردگی کو سراہتے ہوئے انہیں اپنے اور پارٹی کے مکمل تعاون کا یقین دلایا۔چودھری نثار نے بھی بیگم کلثوم نواز کی خیریت دریافت کی اور نواز شریف کو سیاسی صورتحال پر اپنے تحفظات سے آگاہ کیا۔سابق وزیر اعظم سے گورنر پنجاب رفیق رجوانہ، وفاقی وزرائ دانیال عزیز، زاہد حامد، عبد القادر بلوچ، سینیٹر آصف کرمانی، پرویز رشید اور سردار مہتاب خان نے بھی ملاقات کی۔ شریف خاندان کے فیملی ذرائع کے مطابق خواجہ حارث احتساب عدالت میں نوازشریف کی وکالت کریں گے اور احتساب عدالت میں نوازشریف کے بچوں کی وکالت امجد پرویز کریں گے جب کہ نیب ریفرنس کے معاملے پر نوازشریف اور خواجہ حارث کے درمیان ملاقات ہوچکی ہے۔دوسری جانب اسلام ا?باد پولیس نے سابق وزیراعظم میاں نوازشریف کی کل احتساب عدالت میں پیشی پر انہیں فول پروف سیکیورٹی دینے کا فیصلہ کیا ہے جس کے تحت اسپیشل برانچ اور رینجرز کے جوان بھی سیکیورٹی ڈیوٹی دیں گے، احتساب عدالت کے اندر رینجرز اور ایلیٹ فورس کادستہ تعینات کیا جائےگا اور دوران سماعت میڈیا کو احاطہ عدالت میں داخلےکی اجازت نہیں ہوگی۔پولیس ذرائع کے مطابق ٹریفک بہاو¿ کنٹرول کرنے کے لیے ٹریفک اہلکار مخصوص مقامات پر ہوں گے۔واضح رہے کہ پاناما کیس کے فیصلے کی روشنی میں شریف خاندان کے خلاف نیب نے ریفرنسز دائر کردیئے ہیں جب کہ اسحاق ڈار بھی ریفرنس پر احتساب عدالت میں پیش ہوچکے ہیں۔

لاہور (مانیٹرنگ ڈیسک) قیام پاکستان کے وقت سول سیکرٹریٹ لاہور سے یونین جیک کا جھنڈا اتار کر سبز رنگ کا پاکستان مسلم لیگ کا جھنڈا لہرانے والی مس فاطمہ صغری چوراسی برس کی عمر میں انتقال کر گئیں۔ مس فاطمہ صغری نے چودہ سال کی کم عمر میں 1947میں سول سکرٹریٹ لاہورکی عمارت پر یونین جیک کا جھنڈا اتار کر سبز رنگ کا پاکستان مسلم لیگ کا جھنڈا لہرایا تھا۔ ان کی ان خدمات کے عوض حکومت پاکستان کی جانب سے انہیں لائف ٹائم اچیومنٹ ایوارڈ اور پرائیڈ آف پرفارمنس ایوارڈ دیا گیا۔ فاطمہ صغری کی بیٹی ثمر نجم کے مطابق پیٹ کی تکلیف کے باعث اچانک ان کا انتقال ہوا۔ فاطمہ صغری نے سوگوار ان میں دو بیٹیاں اور دو بیٹے چھوڑے ہیں۔ ان کی نماز جنازہ لاہور کے علاقے جوہر ٹاو¿ن میں ادا کی جائے گی۔

اسلام آباد (آئی این پی) وزیر خزانہ سینیٹر اسحاق ڈار احتساب عدالت میں پیشی کے موقع پر میڈیا سے گفتگو کئے بغیر روانہ ہوگئے۔ صحافیوں نے اسحاق ڈار سے پوچھا کہ کیا آپ استعفیٰ دے دیں گے جس پر وزیر خزانہ نے خاموشی اختیار کی تاہم ایک سوال کے جواب پر انہوں نے کہا کہ مجھے کسی قسم کی کوئی پریشانی نہیں اور میڈیا سے بات کئے بغیر روانہ ہوگئے۔ پیر کو اسحاق ڈار اپنے وکیل امجد پرویز کے ہمراہ جوڈیشل کمپلیکس پہنچے اور آمدن سے زائد اثاثوں کے ریفرنس میں احتساب عدالت میں پیش ہوئے۔ عدالت پیشی سے واپسی پر صحافیوں نے اسحاق ڈار سے بات چیت کی کوشش کی تاہم انہوں نے میڈیا سے بات کرنے سے گریز کیا اس دوران میڈیا کے نمائندوںنے اسحاق ڈار سے پوچھا کہ کیا وہ وزارت سے استعفیٰ دے دیں گے جس کا انہوں نے کوئی جواب نہیں دیا۔ ایک صحافی نے پوچھا کہ وزیر خزانہ صاحب آپ پریشان تو نہیں ہیں جس پر اسحاق ڈار نے کہا کہ مجھے کوئی پریشانی نہیں اس کے بعد وہ جوڈیشل کمپلیکس سے روانہ ہوگئے۔

اسلام آباد(صباح نیوز) چیئرمین تحریک انصاف عمران خان نے کہا ہے کہ سینیٹ سے نون لیگ کا انتخابی اصلاحات بل منظور ہونا ہمارے لئے کافی شرم کی بات ہے، معاملے پر تحریک انصاف کے 2 سینیٹرز نعمان وزیر اور کینتھ ولیمز کو شوکاز نوٹس جاری کر دیا گیا ہے۔ ایک انٹرویو میں انہوں نے مزید کہا کہ اگر مجھے نااہل کر دیا گیا تب بھی آرٹیکلز باسٹھ تریسٹھ کو ختم کرنے کی حمایت نہیں کروں گا۔ عمران خان نے پرویز خٹک کے خلاف کرپشن کے ثبوت موجود ہونے کی افواہوں کو مکمل طور پر مسترد کر دیا۔ انہوں نے بتایا کہ اگر خیبر پختونخوا میں ابھی تک احتساب کمشنر تعینات نہیں ہوا تو اس میں ہمارا قصور نہیں، ہم نے معاملہ پشاور ہائیکورٹ کے سپرد کر دیا ہے،عمران خان نے مزید کہا کہ این اے 120 روایتی طور پر ہمارا حلقہ نہیں تھا، ہمارے وہاں دفاتر تک نہیں تھے جبکہ نون لیگ حلقے میں ترقیاتی کام کر رہی تھی، ان کے وزیر الیکشن لر رہے تھے، ڈاکٹر یاسمین راشد کے پاس الیکشن لڑنے کا زیادہ تجربہ تھا نہ وسائل، اس کے باوجود انہوں نے بہت اچھا نتیجہ دیا۔ چیئرمین پی ٹی آئی نے علیم خان کے این اے 122 کے الیکشن میں ڈاکٹر یاسمین کے این اے 120 کے الیکشن سے زیادہ دلچسپی لینے کے الزام کی تردید کی اور کہا کہ انہوں نے دونوں معرکوں میں یکساں حصہ لیا۔بنی گالہ اراضی کیلئے پیسوں کے حصول کے معاملے پر عمران خان نے کہا کہ وہ میرے اور میری بیوی کے درمیان طے پانے والا معاملہ تھا، اس لئے اس کا کوئی معاہدہ کیسے موجود ہو سکتا ہے؟ کیا میاں بیوی ایک دوسرے کو پیسے دیتے ہوئے معاہدے کرتے ہیں؟انہوں نے یہ بھی کہا کہ کرکٹ پر سٹہ میں نے نہیں میری بیوی کے بھائی نے لگایا تھا، میں نے صرف اسے ایڈوائس دی تھی، اس میں کیا غلط ہے؟ میں نے اس پیسے سے وہ قرض اتارا جو مجھ پر واجب الادا تھا، پارٹی کو نہیں دیا تھا۔عمران خان نے فوج یا کسی بھی اور ادارے کے ہاتھوں استعمال ہونے کے الزام کی بھی سختی سے تردید کی اور اسے نون لیگ کا پروپیگنڈا قرار دیا۔ عمران خان کا کہنا ہے کہ امریکا کو طالبان کو ختم کرنے کی کوشش کرنے کے بجائے پاکستان کی مدد سے ان سے مذاکرات کرنے چاہیے۔ امریکی خبر رساں ایجنسی اے پی کو دیئے گئے انٹرویو میں عمران خان نے امریکی صدر ڈونلڈ ٹرمپ کی جانب سے پاکستان پر دہشت گردوں کو پناہ دینے کے الزام کو مسترد کرتے ہوئے کہا کہ پاکستانیوں کو اس الزام سے بہت تکلیف ہوئی۔ انہوں نے کہا کہ درحقیقت افغانستان میں طالبان کی محفوظ پناہ گاہیں موجود ہیں اور افغان سرزمین سے پاکستان میں دہشت گرد حملے کیے جاتے ہیں۔ واضح رہے کہ 22اگست کو امریکی صدر ڈونلڈ ٹرمپ نے افغانستان، پاکستان اور جنوبی ایشیا کے حوالے سے نئی امریکی پالیسی کا اعلان کرتے ہوئے افغانستان میں مزید ہزاروں امریکی فوجیوں کی تعیناتی کا عندیہ دیتے ہوئے پاکستان پر دہشت گردوں کی پشت پناہی کا الزام لگایا تھا۔ اپنے خطاب میں امریکی صدر کا کہنا تھا کہ ہم پاکستان میں موجود دہشت گرد تنظیموں کی محفوظ پناہ گاہوں پر خاموش نہیں رہیں گے۔ امداد میں کمی کی دھمکی دیتے ہوئے ڈونلڈ ٹرمپ کا کہنا تھا کہ ہم پاکستان کو اربوں ڈالر ادا کرتے ہیں مگر پھر بھی پاکستان نے ان ہی دہشت گردوں کو پناہ دے رکھی ہے جن کے خلاف ہماری جنگ جاری ہے۔

لا ہور (خصوصی نامہ نگار)سانحہ ماڈل ٹاون عدالتی انکوائری رپورٹ منظر عام پر لانے کے فیصلے کے خلاف پنجاب حکومت کی اپیل کی سماعت کرنے والا فل بنچ گزشتہ روز اس وقت تحلیل ہو گیا جب لاہور ہائیکورٹ کے قائم مقام چیف جسٹس اور فل بنچ کے سربراہ جسٹس یاور علی نے حکومتی اپیل سمیت اسی نوعیت کی درخواستوں پر سماعت سے معذرت کر لی ۔تاہم قائم مقام چیف جسٹس نے قرار دیا کہ اپیل اور درخواستوں کو التواءمیں نہیں ڈالا جائے گا۔قائم مقام چیف جسٹس نے اسی وقت نیا فل بنچ تشکیل دے دیا۔مسٹرجسٹس عابد عزیز شیخ کی سربراہی میں مسٹر جسٹس شہباز علی رضوی اور مسٹرجسٹس قاضی محمد امین پر مشتمل نئے فل بنچ نے ایک بجے کے بعد حکومتی اپیل اور دیگر درخواستوں کی سماعت کی۔