پاکستان فلم و ڈراما انڈسٹری کی معروف اداکارہ ہانیہ عامر نے محبتوں کے عالمی دن ‘ویلنٹائنز ڈے’ سے قبل اپنے دوستوں کو دھمکی دے دی۔

ہانیہ عامر نے سوشل میڈیا سائٹ انسٹاگرام کی اسٹوری میں اپنی ویڈیو شیئر کی جس میں اُنہوں نے اپنے دوستوں کو دھمکی دیتے ہوئے کہ “اگر میرے کسی بھی دوست نے 14 فروری یعنی محبتوں کے عالمی دن پر پھولوں کی تصویر سوشل میڈیا پر شیئر کی تو میں اپنے اس دوست کو اَن فالو کردوں گی”.

اداکارہ نے اپنی ویڈیو میں یہ واضح نہیں کیا کہ وہ پھولوں کی تصویر شیئر کرنے والے اپنے دوستوں کو کیوں ان فالو کریں گی تاہم سوشل میڈیا صارفین کا کہنا ہے کہ ہانیہ عامر سنگل ہیں اور پھولوں کی تصاویر دیکھ کر وہ احساس کمتری کا شکار ہوجائیں گی۔
ہانیہ عامر کی یہ ویڈیو سوشل میڈیا پر تیزی سے وائرل ہورہی ہے جہاں صارفین کی جانب سے اداکارہ کو سخت تنقید کا نشانہ بھی بنایا جارہا ہے۔

صارفین نے کہا کہ ہمیں تو لگا تھا ہانیہ عامر الیکشن کے بارے میں بات کریں گی لیکن انہیں تو پاکستان کے مستقبل سے زیادہ ‘ویلنٹائنز ڈے’ کی فکر ہے۔

صارفین نے یہ بھی کہا کہ ہانیہ عامر اُنہیں زہر لگنے لگی ہیں کیونکہ وہ ہر بات میں گُھسنے کی کوشش کرتی ہیں۔

37 سالہ زینیا فلورنس گیبریلا سوفی آئرس جرمن علاقے سیگزونی کی شہزادی ہیں۔ ان کا دعویٰ ہے کہ اس کا تعلق ہزار سال پرانے شاہی گھرانے ویٹن سے ہے۔

زینیا آئرس ’پلے بوائے‘ کے مقامی ایڈیشن کے ٹائٹل پر نمودار ہو رہی ہیں۔ جرمن میگزین ’بلڈ‘ کے مطابق زینیا کے پڑدادا کے دادا کے پڑدادا فریڈرک آگسٹ سوم سیگزونی کے آخری بادشاہ تھے۔ ان کا انتقال 1932 میں ہوا تھا۔

زینیا آئرس کو یقین ہے کہ اس کا گھرانہ ’پلے بوائے‘ کے ٹائٹل پر اس کی برہنہ تصویر کی اشاعت قبول نہیں کرے گا۔

زینیا کے مطابق اگر فریڈرک آگست سوم زندہ ہوتے تو ان کی برہنہ تصویر کی اشاعت کو ناپسند نہ کرے کیونکہ انہیں بتایا گیا ہے ک وہ بہت شفیق اور خوش مزاج تھے۔

زینیا کہتی ہے اگر میرے شاہی گھرانے میں کسی نے ’پلے بوائے‘ کی کاپی خریدی تو مجھے حیرت ہوگی۔

شاہی گھرانے سے تعلق زینیا آئرس کے لیے بچپن میں دردِ سر ثابت ہوا تھا کیونکہ لڑکیاں پوچھتی تھیں کیا تمہارے گھر میں نوکرانیاں ہیں۔

زینیا کو لڑکے بھی بہت تنگ کرتے تھے جو پوچھتے تھے کہ ہم سے شادی کروگی تاکہ ہم بھی شہزادے کہلاسکیں۔

نئی دہلی: سروائیکل کینسر سے اپنی موت کا ڈراما رچانے والی بھارتی ماڈل و اداکارہ پونم پانڈے کو بھارتی حکومت کی جانب سے سفیر بنائے جانے کی خبر بھی جھوٹی نکلی۔

کینسر جیسے جان لیوا مرض کا سہارا لیکر اپنی تشہیری مہم کرنے والی اداکارہ و ماڈل پونم پانڈے کو بھارت سمیت پوری دنیا میں کڑی تنقید کا سامنا ہے کیونکہ اداکارہ نے موت کا ڈراما کیا۔

پونم پانڈے کے ڈرامے کے بعد سے اداکارہ کے خلاف قانونی کارروائی کرنے کا مطالبہ کیا جارہی ہے لیکن اسی دوران یہ خبر سامنے آئی کہ بھارتی حکومت انہیں سفیر مقرر کررہی ہے۔
کہا جارہا تھا کہ بھارت کی مرکزی حکومت پونم پانڈے کو سروائیکل کینسر کی آگاہی مہم کے لیے سفیر مقرر کرنے والی ہے اور اس حوالے سے بھارت کی مرکزی وزارت صحت اور پونم پانڈے کے درمیان مذاکرات بھی جاری ہیں۔

اس خبر کے بعد بھارتیوں میں غصے کی آگ بھڑک اُٹھی تھی۔ تاہم، اب بھارت کی مرکزی وزارت صحت نے پونم پانڈے کو سفیر بنانے کے حوالے سے وضاحتی بیان جاری کردیا ہے۔

بھارتی میڈیا کے مطابق بھارت کی مرکزی وزارت صحت کے حکام نے اس خبر کی جھوٹا قرار دیتے ہوئے کہا کہ ہم اداکارہ پونم پانڈے کو سروائیکل کینسر کی آگاہی مہم کے لیے سفیر مقرر نہیں کررہے ہیں۔

واضح رہے کہ 2 فروری کی صبح پونم پانڈے کے آفیشل انسٹاگرام پر ایک پوسٹ شیئر کی گئی تھی جس میں کہا گیا تھا کہ سروائیکل کینسر کی وجہ سے اداکارہ کی موت ہوگئی ہے۔

پونم پانڈے کی اچانک موت پر بھارتی شوبز انڈسٹری کو گہرا صدمہ پہنچا تھا جبکہ مداحوں کی جانب سے بھی اداکارہ کی موت پر افسوس کا اظہار کیا جارہا تھا۔

موت کی خبر کے ایک دن بعد پونم پانڈے منظرِ عام پر آگئی تھیں اور سوشل میڈیا پر اپنا ویڈیو پیغام جاری کرکے بتایا تھا کہ وہ زندہ ہیں اور بالکل ٹھیک ہیں، اداکارہ کے مطابق اُنہوں نے یہ ڈراما سروائیکل کینسر کی ویکسین کی تشہیری مہم کے لیے کیا تھا۔