قومی اور صوبائی اسمبلیوں کے لیے پولنگ کے اگلے ہی ملک کے بازارِ زر نے امریکی ڈالر کی قدر میں گراوٹ کا مشاہدہ کیا۔
انٹر بینک لین دین میں امریکی ڈالر کی قدر میں 14 پیسے کی کمی ریکارڈ کی گئی ہے۔
جمعہ کو انٹر بینک میں امریکی ڈالر کی قیمت 279 روپے 20 پیسے ہوگئی۔
اوپن مارکیٹ میں امریکی ڈالر کی قدر میں کمی بیشی سے متعلق اعداد و شمار موصول نہیں ہوئے۔
پیرس: پیرس گیمز کے میڈلز میں ایفل ٹاور کے ٹکڑے لگائے جائیں گے۔
رواں برس شیڈول پیرس اولمپکس اور پیرالمپکس کے میڈلز میں تاریخی ایفل ٹاور کے ٹکڑے بھی شامل ہوں گے، منتظمین نے ان میڈلز کی رونمائی کردی۔
مقامی آرگنائزنگ کمیٹی کے چیف ٹونی ایسٹینگوئٹ کاکہنا ہے کہ ہم رواں برس اولمپکس میں فاتحین کو تمغے میں 1889 کے ایفل ٹاور کا ایک ٹکڑا پیش کرنا چاہتے تھے۔
ممبئی: جنوبی افریقا کے سابق کپتان اے بی ڈی ویلیئرز نے بھارتی کرکٹر ویرات کوہلی اور بالی ووڈ اسٹار انوشکا شرما کے ہاں دوسرے بچے کی آمد کی خبر کی تردید کردی۔
گزشتہ دنوں جنوبی افریقا کے سابق کپتان اے بی ڈی ویلیئرز نے اپنے یوٹیوب چینل پر انکشاف کیا تھا کہ ویرات کوہلی اور انوشکا شرما کے ہاں دوسرے بچے کی پیدائش متوقع ہے اس لیے بھارتی بلے باز نے اپنی اہلیہ کو وقت دینے کیلئے انگلینڈ کیخلاف ٹیسٹ میچز سے وقفہ لیا ہے۔
اے بی ڈی ویلیئرز کے انکشاف کے بعد یہ خبر جنگل میں آگ کی طرح پھیل گئی تھی لیکن ویرات کوہلی اور انوشکا شرما کی طرف سے اس خبر پر کوئی ردعمل سامنے نہیں آیا تھا جبکہ مداحوں نے اس خبر کو سچ سمجھ لیا تھا۔
تاہم، اب اے بی ڈی ویلیئرز نے شاندار یوٹرن لیتے ہوئے اس خبر کی تردید کرتے ہوئے کہا کہ اُن سے غلطی ہوگئی ہے، ویرات کوہلی اور انوشکا شرما کے دوسرے بچے کی توقع کی خبر درست نہیں ہے۔
بھارتی میڈیا کے مطابق اے بی ڈی ویلیئرز نے اپنے بیان میں کہا کہ میں نے اپنے یوٹیوب چینل پر ایک بہت بڑی غلطی کی تھی، وہ معلومات غلط تھں، اس خبر میں کوئی صداقت نہیں۔
اے بی ڈی ویلیئرز نے کہا کہ خاندان پہلے ہے اور کرکٹ بعد میں ہے، میں اس بارے میں نہیں جانتا کہ ویرات کوہلی نے انگلینڈ کیخلاف ٹیسٹ میچز سے وقفہ کیوں لیا لیکن میں ان کے اور اُن کے اہلخانہ کے لیے نیک خواہشات رکھتا ہوں۔
اُنہوں نے مزید کہا کہ سیریز سے وقفہ لینے کی وجہ کچھ بھی ہو لیکن مجھے امید ہے کہ ویرات کوہلی اپنے اہلخانہ کے ہمراہ بالکل ٹھیک ہوں گے اور مضبوطی کے ساتھ کرکٹ میں واپسی کریں گے۔
واضح رہے کہ ویرات کوہلی نے ذاتی وجوہات کا حوالہ دیتے ہوئے انگلینڈ کے خلاف جاری سیریز کے پہلے دو ٹیسٹ میچوں سے دستبردار ہونے کا فیصلہ کیا تھا۔
بی سی سی آئی نے اپنے بیان میں شائقین اور میڈیا پر زور دیا تھا کہ وہ کوہلی کے فیصلے کی وجوہات کے بارے میں قیاس آرائیاں نہ کریں اور خاندان کی رازداری کو برقرار رکھیں۔
یاد رہے کہ ستمبر میں بھارتی میڈیا کی جانب سے یہ دعویٰ کیا گیا تھا کہ انوشکا شرما اپنے دوسرے بچے کی توقع کر رہی ہے، اُنہیں حال ہی میں اپنے شوہر ویرات کوہلی کے ہمراہ ممبئی کی ایک میٹرنٹی کلینک میں دیکھا گیا تھا۔
ویرات کوہلی اور انوشکا شرما 2017 میں شادی کے بندھن میں بندھے تھے۔ اسٹار جوڑے کے ہاں جنوری 2021 میں بیٹی کی پیدائش ہوئی تھی جس کا نام اُنہوں نے وامیکا رکھا تھا اور اس سال جنوری میں اپنی بیٹی کی تیسری سالگرہ منائی تھی۔
کراچی: پاکستان میوزک انڈسٹری کے معروف گلوکار عاصم اظہر نے ووٹ ڈالنے کے بعد سوشل میڈیا جاری کیے گئے اپنے پیغام میں کہا کہ ہم لٹیروں کو مزید یہ ملک لوٹنے نہیں دیں گے کیونکہ ہم نئے زمانے کے بچے ہیں اور کافی ڈھیٹ ہیں۔
عاصم اظہر نے سماجی رابطے کی ویب سائٹ ایکس (سابق ٹوئٹر) پر اپنی پوسٹ میں کہا کہ “میں بہت فخر محسوس کررہا ہوں کیونکہ تمام مشکلات کے باوجود بھی پاکستانیوں اور خاص طور پر نوجوانوں کی بڑی تعداد گھروں سے نکلی اور اپنا حق استعمال کیا”۔
گلوکار نے کہا کہ “میں ہر ایک پاکستانی کا دل کی گہرائیوں سے شکریہ ادا کرنا چاہتا ہوں جنہوں نے اس مشکل وقت میں بھی ووٹ ڈالا، ہم نے ووٹ ڈال کر سب کو بتا دیا ہے کہ ہمارے اندر شعور ہے اور ہم لٹیروں کو اتنی آسانی سے ہمارا ملک نہیں کھانے دیں گے”۔
اُنہوں نے کہا کہ “ہم لٹیروں کے خلاف لڑیں گے کیونکہ ہم نئی نسل ہیں اور ہم کافی ڈھیٹ ہیں”۔
عاصم اظہر نے ڈھکے چھپے الفاظ میں یہ بھی بتایا کہ پولنگ اسٹیشن پر موجود ہر شخص پی ٹی آئی کو ووٹ دینے کے لیے موجود تھا، انتخابی نشان ڈھونڈنے میں مشکل ہوئی لیکن مشکل کے باوجود بھی لوگوں نے ڈھونڈ لیے۔
واضح رہے کہ الیکشن کمیشن کے مطابق 8 فروری کو ہونے والے عام انتخابات میں قومی و صوبائی اسمبلیوں کے 855 حلقوں پر ملک بھر سے 17 ہزار 816 امیدواروں نے حصہ لیا جبکہ چند حلقوں میں بڑی سیاسی شخصیات بھی مدمقابل تھیں۔
اسلام آباد: وزارت داخلہ کا کہنا کہ نتائج میں تاخیر کی وجہ رابطوں میں کمی تھی۔
ترجمان وزارت داخلہ کے مطابق ریٹرننگ افسروں تک نتائج کی پروسیسنگ میں تاخیر سے متعلق عوام اور میڈیا کے خدشات کا جائزہ لیا۔ تاخیر کی وجہ رابطوں میں کمی تھی جو کہ فول پروف سیکورٹی کے لیے اختیار کی گئی احتیاطی تدابیر کا نتیجہ تھی۔
وزارت داخلہ کا مزید کہنا تھا کہ عملے اور بیلٹ دونوں کے تحفظ کو یقینی بنانے کے لیے جامع پروٹوکول ہیں جس میں خاصا وقت صرف ہوا۔ صورتحال اب تسلی بخش ہے اور توقع ہے کہ نتائج کی آمد کا سلسلہ جاری رہے گا۔
امریکی صدر کی طرف سے کمزور حافظے کا ایک اور شاہکار سامنے آیا ہے۔ میڈیا ٹاک کے دوران انہوں نے مصر کے صدر جنرل عبدالفتاح السیسی کو میکسیکو کا صدر قرار دے دیا۔
جب میڈیا کے نمائندوں نے ان کے حافظے پر سوال اٹھایا تو امریکی صدر نے اس بات پر اصرار کیا کہ ان کا حافظہ کسی بھی اعتبار سے کمزور نہیں۔ انہوں نے طنزیہ کہا کہ ہاں، میرا حافظہ کمزور ہے تبھی تو میں آپ کو بولنے دیتا ہوں۔ اس کے فوراً بعد انہوں نے مصر کے صدر عبدالفتاح سعید حسین خلیل السیسی کو میکسیکو کا صدر قرار دے دیا۔
واضح رہے کہ سرکاری وکیل رابرٹ ہُر نے صدر کے حافظے کو کمزور اور خرابی والا قرار دیا تھا جس پر صدر بائیڈن نے شدید برہمی کا اظہار کیا تھا۔
ایوانِ صدر کی ایک تقریب کے دوران بنائی جانے والی وڈیو میں اُنہیں یہ کہتے ہوئے سُنا جاسکتا ہے کہ ہاں، میں بوڑھا ہوگیا ہوں مگر میرا حافظہ ایسا گیا گزرا نہیں ہے اور میں جو کچھ بھی کر رہا ہوں اُس کے بارے میں اچھی طرح جانتا ہوں۔
رابرٹ ہُر نے صدر کے حافظے کا سوال 2017 میں اُس وقت اٹھایا تھا جب انہوں نے نائب صدر کا منصب چھوڑنے کے بعد انتہائی حسۤاس دستاویزات بھی اپنے پاس رہنے دی تھیں۔
صدر بائیڈن نے مصری ہم منصب کے حوالے سے بتایا کہ ان سے رابطہ کرکے غزہ کے لیے امداد کی ترسیل کی خاطر رفاہ کی سرحد کھولنے کی استدعا کی گئی تھی ہے۔
رابٹ ہُر نے بتایا کہ صدر بائیڈن نے حسۤاس دستاویزات اپنے پاس ضرور رکھی تھیں تاہم یہ کوئی بہت بڑا جرم نہ تھا اور اس حوالے سے انہوں نے قانون نافذ کرنے والوں سے تعاون کیا تھا۔
رابرٹ ہُر کا مزید کہنا تھا کہ صدر بائیڈن بعض اہم تاریخیں بھی بھول چکے ہیں مثلاً انہیں یہ بھی یاد نہیں کہ ان کے بیٹے کا انتقال کس تاریخ کو ہوا تھا۔ بیو بائیڈن دماغ کے کینسر کے باعث 2015 میں انتقال کرگئے تھے۔ ان کی عمر 46 سال تھی۔
الیکشن کمیشن نے ویب سائیٹ پر قومی اسمبلی کے حلقوں کے نتائج کا اعلان مرحلہ وار شروع کردیا ہے تاہم یہ عمل انتہائی سست روی کا شکار ہے۔ قومی اسمبلی کے اب تک کے نتائج کے مطابق مسلم لیگ ن اور آزاد امیدواروں میں کانٹے کا مقابلہ ہورہا ہے۔
قومی اسمبلی کی 119نشستوں میںآزاد امیدوار 54 نشستوں کے ساتھ پہلے، ن لیگ 32 نشستوں کے ساتھ دوسرے جبکہ پیپلز پارٹی 30 نشستوں کے ساتھ تیسرے نمبر پر
شہباز شریف سمیت مسلم لیگ (ن) کے امیدوار کامیاب
الیکشن کمیشن کے جاری کردہ نتائج کے مطابق این اے 123 لاہور سے الیکشن لڑنے والے مسلم لیگ (ن) کے صدر شہباز شریف نے 63 ہزار 953 ووٹ حاصل کرکے انتخابی معرکہ اپنے نام کرلیا۔
شہباز شریف کے حریف آزاد امیدوار افضال عظیم کو 48 ہزار 486 ووٹ پڑے۔ جب کہ اسی حلقے سے الیکشن لڑنے والے جماعت اسلامی پاکستان کے رہنما لیاقت بلوچ کو 3 ہزار 207 ووٹ ملے۔
این اے 55 راولپنڈی فور کے نتائج کے مطابق پاکستان مسلم لیگ ن کے ابرار احمد 78 ہزار 542 ووٹ لے کر کامیاب ہوگئے۔ ان کے مقابلے میں آزاد امیدوار محمد بشارت راجہ نے 67 ہزار 101 ووٹ لیے۔
این اے 58 چکوال ون سے بھی ن لیگ نے میدان مارلیا، لیگی امیدوار طاہر اقبال نے ایک لاکھ 15 ہزار 974 ووٹ حاصل کیے۔ ان کے مقابلے میں آزاد حیثیت سے الیکشن لڑںے والے ایاز امیر کو ایک لاکھ 2 ہزار 537 ووٹ پڑے۔
این اے 59 تلہ گنگ کم چکوال سے بھی ن لیگ کامیاب ہوگئی، لیگی امیدوار سردار غلام عباس نے ایک لاکھ41 ہزار 680 ووٹ حاصل کیے۔ جب کہ آزاد امیدوار رومان احمد ایک لاک 29 ہزار 716 ووٹ حاصل کیے۔
آزاد امیدوار کامیاب
این اے 30 پشاور سے پی ٹی آئی حمایت یافتہ آزاد امیدوار شاندانہ گلزار کامیاب ہوگئی ہیں، فارم 47 کے مطابق شاندانہ گلزار نے 78 ہزار 971 ووٹ حاصل کیے۔
این اے 17 ایبٹ آباد ٹو سے آزاد امیدوار علی خان جدون 97 ہزار 177 ووٹ لے کر کامیاب ہوگئے۔ مسلم لیگ ن کے امیدوار محبت خان کو 44 ہزار 522 ووٹ پڑے۔
این اے 3 سوات ٹو میں آزاد امیدوار سلیم رحمان 81 ہزار 411 ووٹ حاصل کرکے جیت گئے۔ ن لیگ کے واجد علی خان کو 27 ہزار 861 ووٹ ملے۔
امیر حیدر اعظم خان کو شکست
قومی اسمبلی کے حلقہ این اے 22 مردان سے آزاد امیدوار محمد عاطف کامیاب ہوگئے، انہوں نے ایک لاکھ 14 ہزار 748 ووٹ حاصل کیے جبکہ ان کے مقابلے میں عوامی نیشنل پارٹی کے امیدوار امیر حیدر اعظم خان صرف 66 ہزار 159 ووٹ حاصل کرسکے۔
روحیل اصغر کو شکست
این اے 121 لاہور میں آزاد امیدوار وسیم قادر نے ن لیگ کے روحیل اصغر کو شکست دے دی، وسیم قادر نے 78 ہزار 703 ووٹ حاصل کیے جبکہ روحیل اصغر کو 70 ہزار 597 ووٹ ملے۔
ایمل ولی خان بھی ناکام
این اے 25 چارسدہ میں بھی انتخابی بازی آزاد امیدوار نے جیت لی، فضل محمد خان نے عوامی نیشنل پارٹی کے ایمل ولی خان کو شکست دے دی، فضل محمد خان نے ایک لاکھ 713 ووٹ لیے جب کہ 67 ہزار 876 ووٹ ملے۔
پیپلزپارٹی امیدوار کامیاب
این اے 199 گھوٹکی سے پاکستان پیپلزپارٹی پارلیمنٹیرینز کے امیدوار علی گوہر خان مہر نے حریف کو بڑے مارجن سے شکست دی، انھوں نے 1 لاکھ 54 ہزار 832 ووٹ حاصل کیے۔ جب کہ ان کے حریف جمعیت علمائے اسلام پاکستان کے عبدالقیوم نے 40 ہزار204 ووٹ لیے۔
ن لیگ کے بشیر احمد بھی ہار گئے
این اے 216 مٹیاری سے پاکستان پیپلزپارٹی پارلیمنٹیرینز کے مخدوم جمیل الزماں نے ایک لاکھ 24 ہزار 536 ووٹوں کے ساتھ کامیابی حاصل کی۔ جب کہ ن لیگ کے بشیر احمد کو 80 ہزر 439 ووٹ ملے۔
صفدر عباسی کو بھی شکست
این اے 195 لاڑکانہ سے پیپلزپارٹی کے امیدوار نظیر احمد بگھیو نے ایک لاکھ 33 ہزار 830 ووٹ حاصل کیے اور الیکشن جیت لیا۔ جب کہ گرینڈ ڈیمو کریٹک الائنس (جی ڈے اے) کے صفد عباسی نے 48 ہزار 893 ووٹ لیے۔
پیپلز پارٹی امیدوار صادق علی میمن کامیاب
قومی اسمبلی کے حلقہ این اے 225 ٹھٹہ سے پاکستان پیپلز پارٹی پارلیمنٹیرینز کے امیدوار صادق علی میمن ایک لاکھ 40 ہزار 773 ووٹ لے کر کامیاب ہوگئے جبکہ مسلم لیگ ن کے امیدوار رسول بخش جاکھرو 28 ہزار 899 ووٹ لے کر دوسرے نمبر پر رہے۔
خیبرپختونخوا اسمبلی
ترجمان الیکشن کمیشن کے مطابق پی کے 76 سے آزاد امیداور سمیع اللہ خان 18ہزار 888 ووٹ حاصل کرکے جیت گئے۔ پی کے 76 پر ڈالے گئے ووٹرزکی شرح37 فیصد ہے۔
الیکشن کمیشن ترجمان کا کہنا ہے کہ پی کے 6 سوات 4 پر فضل حکیم خان کامیاب ہوئے، انھوں نے 25 ہزار330ووٹ حاصل کیے۔
الیکشن کمیشن نے پی کے 4 سوات ٹو کا حتمی نتیجہ بھی جاری کیا ۔ جس کے مطابق آزاد امیدوار علی شاہ 30ہزار 22ووٹ لیکر کامیاب ہوگئے۔ جب کہ ن لیگ سردارخان 12 ہزار 514 ووٹ لےکردوسرےنمبرپر رہے۔
الیکشن کمیشن کے مطابق پی کے 19 باجوڑ سے آزاد امیدوار حمید الرحمان 23044 ووٹ لے کر کامیاب ہوگئے۔ جب کہ دوسرے آزاد امیدوار خالد خان 13571 ووٹ لیکر دوسرے نمبر پر رہے۔
بلوچستان اسمبلی
الیکشن کمیشن نے بلوچستان اسمبلی کی ایک نشست کے سرکاری نتائج کا اعلان کردیا، جس کے مطابق یہ نشست جمعیت علمائے اسلام پاکستان نے اپنے نام کرلی۔
بلوچستان اسمبلی کے حلقہ پی بی 34 نوشکی سے جمعیت علمائے اسلام پاکستان کے امیدوار 16 ہزار 771 لینے میں کامیاب ہوگئے جبکہ بلوچستان نیشنل پارٹی کے امیدوار 15 ہزار 14 ووٹ لے سکے۔
دنیا بھر میں پرنٹ میڈیا سے محبت کرنے والوں کی تعداد میں کمی واقع ہوتی جارہی ہے۔ دوسری طرف یہ امر بھی انتہائی حیرت انگیز ہے کہ ترقی یافتہ ممالک میں اب بھی ایسے لوگوں کی کمی نہیں جو پرنٹ میڈیا پر زیادہ بھروسا رکھتے ہیں۔
میڈیا کی دنیا میں رونما ہونے والی حیرت انگیز اور مایوس کن تبدیلیوں پر نظر رکھنے والے ماہرین کہتے ہیں کہ پرنٹ میڈیا کا کمزور پڑنا کسی بھی درجے میں غیر متوقع نہیں۔
ٹیکنالوجیز میں پیش رفت نے الیکٹرانک اور آن لائن میڈیا کو غیر معمولی مقبولیت سے ہم کنار کیا ہے۔ یہ ہونا ہی تھا کیونکہ الیکٹرانک اور ڈجیٹل میڈیا نے خبریں بہت تیزی سے لوگوں تک پہنچانا بہت حد تک ممکن بنادیا ہے۔
ایک بنیادی سوال یہ ہے کہ پرنٹ میڈیا کو الیکٹرانک اور ڈجیٹل میڈیا کے سامنے کیوں لایا جارہا ہے۔ پرنٹ میڈیا کا جو بھی کردار تھا وہ اب تبدیل ہوچکا ہے۔ تیزی کے معاملے میں
اخبارات و جرائد کسی بھی درجے میں الیکترانک اور ڈجیٹل میڈیا کا مقابلہ نہیں کرسکتے۔ ٹی وی چینل، یو ٹیوب چینل، ویب ٹی وی، ویب سائٹس اور ایسے ہی دیگر آن لائن میڈیا کے ذریعے لوگوں کو بہت کچھ بہت تیزی سے میسر ہے۔ ایسے میں یہ سوچا بھی نہیں جاسکتا کہ اخبارات و جرائد ان سے مقابلہ کرسکتے ہیں۔
ماہرین کہتے ہیں کہ پرنٹ میڈیا کو زندہ رہنے کے لیے جو کچھ کرنا ہے اٗس میں اولین ترجیح مزاج کی تبدیلی کو دی جانی چاہیے۔ دنیا بھر میں پرنٹ میڈیا کو زندہ رکھنے کے لیے اُس کا مزاج بہت حد تک تبدیل کیا جاچکا ہے۔
ٹی وی، ویب سائٹس اور سوشل میڈیا کے ذریعے بہت سا مواد تیزی سے تو پھیلایا جاسکتا ہے تاہم وہ اپنی نوعیت کے اعتبار سے کچا ہوتا ہے۔ کسی بھی موضوع پر پختہ تر مواد صرف پرنٹ میڈیا کے ذریعے پیش کیا جاسکتا ہے کیونکہ وہاں وقت کی گنجائش رہتی ہے۔ دنیا بھر میں اخبارات و جرائد کا مزاج تجزیاتی ہوتا جارہا ہے۔
ٹی وی چینلز اور ویب سائٹس کی سی تیزی کا مقابلہ نہ کر پانے کی صورت میں خود کو مسابقت کی دوڑ میں رکھنے کے لیے پرنٹ میڈیا کے پاس اب مواد کی پختگی ہی کا طریق رہ گیا ہے۔ اس راستے پر چل کر وہ خود کو اچھی طرح زندہ رکھ سکتے ہیں۔
عام آدمی کے ذہن میں اب بھی یہ تصور پایا جاتا ہے کہ ٹی وی چینل اور ویب سائٹس وغیرہ کچا مواد پیش کرتی ہیں۔ ایسے میں جب وہ مزاج کے اعتبار سے پختہ تر
مغربی دنیا میں اخبارات و جرائد نے خود کو مضبوط تر بنانے پر بہت محنت کی ہے۔ بہت سے مغربی اخبارات و جرائد اپنے مواد کے مستند ہونے کی بنیاد پر آج بھی دنیا بھر میں غیر معمولی مقبولیت سے ہم کنار ہیں۔ امریکا اور برطانیہ کے بہت سے جوائد آج بھی طویل مضامین شائع کرتے ہیں اور اُنہیں پڑھا بھی جاتا ہے۔
ماہرین کہتے ہیں کہ ترقی پذیر اور پس ماندہ ممالک میں اخبارات و جرائد کو اپنا مزاج بدلنا ہوگا۔ انہیں تیزی اپنانے کے بجائے ٹھہراؤ پر متوجہ ہونا ہوگا۔ ٹی وی چینلز اور ویب سائٹس جو کچھ بہت تیزی سے پیش کرتے ہیں اُسے جمع کرکے اُس کا تجزیہ کرکے بھرپور سنجیدگی کے ساتھ تیار کیا جانے والا تجزیہ قارئین کو اپنی طرف زیادہ تیزی سے متوجہ کرسکتا ہے۔
پاکستان مسلم لیگ (ن) کے رہنما اور سابق وفاقی وزیر خواجہ آصف نے اس امید کا اظہار کیا ہے کہ ملک کے وزیر اعظم نواز شریف ہی ہوں گے۔
لیگی رہنما نے نجی ٹی وی کی الیکشن نشریات میں بات چیت کرتے ہوئے کہا کہ ہمارے یہاں کوئی الیکشن تنازعات کے بغیر نہیں ہوا، سیاست امکانات کا کھیل ہے۔
ان کا کہنا تھا کہ بیرسٹرگوہر جو مرضی کہیں، نتائج کے بعد دعوے زیادہ مناسب ہونگے، پی ٹی آئی کے ووٹر بڑی تعداد میں نکلے، ہوسکتا ہے ہمارے ووٹر نے آسان لیا ہو۔
انھوں نے کہا کہ سورج طلوع ہونے سے پہلے الیکشن کے نتائج آجائیں گے، کسی قیاس آرائی سے پہلے الیکشن کمیشن کے حتمی نتائج کا انتظار کرنا چاہیے اور 15 فیصد نتائج پر حتمی رائے نہیں دینی چاہیے۔
سابق وفاقی وزیر نے کہا کہ ہمارے ووٹر صبح 9 بجے پولنگ اسٹیشن پہنچ چکے تھے، موبائل فون بند ہونے پر ہم نے متبادل انتظام کر رکھا تھا۔
خواجہ آصف نے یہ دعویٰ بھی کیا کہ میری سیٹ پر 30 ہزار ووٹوں کی لیڈ ہے، حتمی اعلان الیکشن کمیشن کو ہی کرنا ہے۔
چیف الیکشن کمشنر سکندر سلطان راجہ نے نتائج فوری دینے کی ہدایت کرد ی ہے۔ چیف الیکشن کمشنر سکندر سلطان راجہ کا کہنا ہے کہ الیکشن سو فیصد شفاف اور پرامن ہوئے۔
انتخابات کے نتائج میں تاخیر کے معاملے پر چیف الیکشن کمشنر نے چاروں چیف سیکرٹریز سے ٹیلیفونک رابطہ کیا۔
چیف الیکشن کمشنر نے ڈی آر اوز سے بھی رابطہ کیا، سکندر سلطان راجہ نے ہدایت کی کہ نتائج کے فوری اعلان کو یقینی بنایا جائے۔
الیکشن 100 فیصد شفاف اورپر امن ہوئے، چیف الیکشن کمشنر
اس سے قبل انتخابات کے حوالے سے ایک بیان میں چیف الیکشن کمشنر سکندرسلطان راجہ نے کہا تھا کہ پولنگ کا عمل بغیر کسی وقفے کے جاری رہا۔
انھوں نے کہا کہ کسی شہری کو ووٹ کاسٹ کرنے سے نہیں روکا گیا۔
سکندر سلطان راجہ نے مزید کہا کہ اگر دوپہر دو بجے تک وقت بڑھانے کا کہا جاتا ہے تو وقت بڑھایا جاسکتا ہے۔
ان کا کہنا تھا کہ گجرات کے تین پولنگ اسٹیشنز میں وقت بڑھایا، وہاں کے متعلقہ آراوز نے وقت بڑھانے کی درخواست کی تھی۔
پاکستان تحریک انصاف (پی ٹی آئی) کے بعد مسلم لیگ ن نے بھی حکومت بنانے کا اعلان کردیا ہے۔
الیکشن 2024 کے مکمل سرکاری نتائج بھی آئے نہیں لیکن سیاسی جماعتوں نے حکومت بنانے کے دعوے شروع کردیے ہیں۔
مسلم لیگ ن کی جانب سے پنجاب اور وفاق میں حکومت بنانے کا دعویٰ سامنے آگیا۔
سماجی رابطے کی ویب سائیٹ ”ایکس“ پر مریم اورنگزیب نے اپنی پوسٹ میں کہا کہ ن لیگ حکومت بنائے گی اور نئے دور کا آغاز ہوگا۔
انھوں نے کہا کہ پارٹی کے انتخابی سیل میں نتائج آنے کا سلسلہ جاری ہے۔
لیگی رہنما نے کہا کہ ن لیگ عوام کی خدمت کا عزم پورا کرے گی۔
یاد رہے کہ چند گھنٹے قبل پاکستان تحریک انصاف (پی ٹی آئی) کے رہنما اور وکیل بیرسٹر علی ظفر نے اپنی پارٹی کی جیت کا دعوی کیا تھا۔
سوشل میڈیا پلیٹ فارم ”ایکس“ پر جاری ایک پوسٹ میں بیرسٹر علی ظفر نے لکھا تھا کہ، ’عوام کا مینڈیٹ جیت گیا، اب اگلی حکومت پی ٹی آئی بنائے گی‘۔
عوامی مسلم لیگ نے قومی اسمبلی کے دو حلقوں میں اپنی شکست تسلیم کرلی۔
عوامی مسلم لیگ کے رہنما اور شیخ رشید کے بھتیجے شیخ راشد نے اپنے بیان میں کہا کہ ’ہم این اے 56 اور این اے 57 سے اپنی شکست تسلیم کرتے ہیں۔
راشد شفیق نے کہا کہ جہاں ہمیں اپنی شکست کا غم ہے وہیں اس بات کی خوشی بھی ہے کہ راولپنڈی میں مسلم لیگ ن کو بھی شکست ہوئی ہے۔
انہوں نے کہا کہ میں پاکستان تحریک انصاف کی حمایت یافتہ آزاد امیدوار سیمابیہ طاہر اور شہریار ریاض کو مبارک باد دیتا ہوں۔
کراچی: پاکستان پیپلزپارٹی کے چیئرمین بلاول بھٹو زرداری نے انتخابی نتائج میں سست روی پر تشویش کا اظہار کیا ہے۔
بلاول بھٹو نے سماجی رابطے کی سائٹ ایکس پر اپنے پیغام میں کہا کہ انتخابی نتائج ناقابل یقین حد تک سست روی کا شکار ہیں، پاکستان پیپلزپارٹی کے لئے ابتدائی انتخابی نتائج حوصلہ افزا ہیں۔
انہوں نے کہا کہ پی پی پی امیدوار اور پی پی پی کے حمایت یافتہ آزاد امیدوار انتخابی نتائج میں بہتر کارکردگی کا مظاہرہ کررہے ہیں، دیکھتے ہیں کہ آخر میں حتمی نتائج کیا ہوتے ہیں۔
دوسری جانب ذرائع کا کہنا ہے کہ بلاول بھٹو اور آصف زرداری کے درمیان ٹیلی فونک رابطہ ہوا ہے اور دونوں رہنماؤں نے اب تک کے انتخابی نتائج پر اطمینان کا اظہار کیا ہے اور آصف زرداری نے کہا کہ اب تک کے نتائج حوصلہ افزا ہیں اور آپ کی زبردست انتخابی مہم کا نتیجہ ہیں۔
آصف زرداری نے بلاول بھٹو سے کہا کہ میں کل اسلام آباد جارہا ہوں، آئندہ وفاقی حکومت ان شا اللہ پاکستان پیپلزپارٹی کی ہوگی، جس پر بلاول بھٹو نے کہا کہ آپ کے بعد میں بھی اسلام آباد آرہا ہوں، پی پی پی کی وفاقی حکومت کے قیام کے لیے پرعزم ہوں۔
