ٹیکساس: شوبز انڈسٹری کی معروف جوڑی عروہ حسین اور فرحان سعید کی بیٹی ایک ماہ کی ہوگئی جس کا جشن اُنہوں نے اپنی فیملی کے ساتھ منایا۔

3 جنوری کو عروہ حسین اور فرحان سعید کے ہاں بیٹی کی پیدائش ہوئی تھی جس کا اعلان اس جوڑی نے 5 جنوری کو اپنے انسٹاگرام ہینڈل پر کیا تھا۔

عروہ حسین اور فرحان سعید نے اپنی ننھی پری کا ہاتھ تھامے ہوئے تصویر پوسٹ کرتے ہوئے کہا تھا کہ خوشی، نعمت اور ہماری زندگی کا سب سے قیمتی تحفہ اس دنیا میں آ گیا ہے جس کا نام ہم نے ‘جہاں آرا سعید’ رکھا ہے، یہ ہماری آنکھوں کا تارا ہے جسے ہم پیار سے ‘آرا’ کہہ کر پکاریں گے۔

عروہ اور فرحان سعید کی بیٹی کو دنیا میں آئے ایک ماہ ہوگیا ہے اور اس خوشی میں اُنہوں نے کیک کاٹا اور اپنی فیملی کے ساتھ جشن منایا۔

اداکارہ نے انسٹاگرام پر اپنی فیملی فوٹوز پوسٹ کیں جن میں اُن کی ننھی پری ‘جہاں آرا سعید’ کو بھی دیکھا جاسکتا ہے لیکن تصاویر میں عروہ اور فرحان نے بیٹی کا چہرہ نہیں دکھایا۔

اس خوشی کے موقع پر عروہ اور فرحان سعید نے کیک بھی کاٹا جس پر لکھا تھا کہ “آرا کو ایک ماہ کی سالگرہ مبارک ہو”۔

عروہ حسین نے اپنی پوسٹ میں کہا کہ “آرا کی ایک ماہ کی سالگرہ کی تقریب کے ساتھ ہمارا امریکا کا سفر اختتام پذیر ہوا”۔

اداکارہ نے پاکستان واپس آنے کا اعلان کرتے ہوئے اچھا سُسرال ملنے پر اللہ تعالیٰ کا شُکر بھی ادا کیا۔

واضح رہے کہ عروہ حسین اور فرحان سعید نے دسمبر 2016 میں شادی کی تھی جبکہ سال 2020 میں اس جوڑی کے درمیان علیحدگی کی خبریں سامنے آئی تھیں۔

سال 2023 میں عیدالفطر کے موقع پر عروہ حسین اور فرحان سعید نے انسٹاگرام پر اپنی تصاویر پوسٹ کی تھیں جس کے بعد اس جوڑی کی علیحدگی کی افواہیں دم توڑ گئی تھیں۔

ممبئی: بالی ووڈ کے معروف فلمساز اور اداکار ارباز خان نے اپنی سابقہ اطالوی گرل فرینڈ جارجیا اینڈریانی کے حالیہ بیان کو جھوٹا قرار دے دیا۔

ارباز خان کی سابقہ گرل فرینڈ جارجیا نے اپنے حالیہ انٹرویو میں یہ ظاہر کیا تھا کہ اداکار کی دوسری شادی سے کچھ ماہ قبل ہی اُن کا بریک اَپ ہوا اور وہ بریک اَپ کے بعد بھی اپنے دل میں ارباز خان کے لیے محبت بھرے جذبات رکھتی ہیں۔

جارجیا کے اس بیان پر اب ارباز خان کا ردعمل سامنے آگیا ہے، بھارتی میڈیا کو دیے گئے انٹرویو میں ارباز خان نے کہا کہ “میری سابقہ گرل فرینڈ نے اپنے انٹرویو میں یہ ظاہر کیا کہ میری دوسری شادی سے کچھ ماہ قبل تک ہم دونوں تعلقات میں تھے جبکہ ایسا کچھ نہیں ہے، یہ سب جھوٹ ہے”۔
ارباز خان نے کہا کہ ” یہ میری بدقسمتی ہے کہ مجھے یہاں بیٹھ کر ایسی وضاحت کرنی پڑ رہی ہے کہ جارجیا کے ساتھ میرا تعلق دو سال پہلے ہی ختم ہوچکا تھا اور ہم نے صرف ایک سال ڈیٹ کیا”۔

اُنہوں نے کہا کہ “جارجیا سے بریک اَپ کے ڈیڑھ سال بعد شوریٰ خان میری زندگی میں آئیں اور اب جب ہماری شادی ہوگئی ہے تو مجھے اپنے ماضی کے تعلق کے بارے میں بات کرنی پڑ رہی ہے جوکہ میرے لیے نامناسب ہے لیکن میں مجبور ہوں”۔

فلمساز نے کہا کہ “مجھے لگتا ہے کہ جارجیا کو اپنے تعلقات پر بات نہیں کرنی چاہیے تھی کیونکہ اب میری شادی ہوچکی ہے، میں آگے بڑھ چکا ہوں لہٰذا اب ماضی کے بارے میں بات کرنا درست نہیں ہے”۔

ارباز خان نے مزید کہا کہ “میں نہیں جانتا کہ جارجیا کو ایسا کرنے پر کس نے مجبور کیا لیکن میں یہی کہوں گا کہ اُنہوں نے انٹرویو میں اپنے بریک اَپ کے بارے میں بات کرکے اچھا نہیں کیا”۔

یاد رہے کہ ارباز خان اور جارجیا اینڈریانی سال 2018 سے ڈیٹ کر رہے تھے اور دسمبر 2023 میں ایک انٹرویو کے دوران جارجیا نے ارباز کے ساتھ بریک اپ کی تصدیق کی تھی۔

جارجیا کا کہنا تھا کہ اُنہوں نے اور ارباز خان نے باہمی طور پر الگ ہونے کا فیصلہ کیا ہے لیکن اُن کے دل میں ہمیشہ ارباز کے لیے جذبات رہیں گے۔

واضح رہے کہ ارباز خان نے سال 2023 میں 24 دسمبر کو ممبئی میں چند قریبی دوستوں اور اہلخانہ کی موجودگی میں میک اپ آرٹسٹ شوریٰ خان سے دوسری شادی کی تھی، ان کے نکاح کی تقریب اُن کی بہن ارپیتا خان شرما کے گھر منعقد کی گئی تھی۔

ارباز خان کی پہلی شادی دسمبر 1998 میں ملائکہ اروڑا سے ہوئی تھی، اُن کی پہلی شادی کامیاب نہ ہوسکی اور 19 سال بعد مئی 2017 میں دونوں میں طلاق ہوگئی تھی، ان دونوں کا 21 سالہ بیٹا بھی ہے جس کا نام ارہان خان ہے۔