وزیر اعظم عمران خان نے کہا ہے کہ بدعنوان قیادت ہی کرپشن کو قابل قبول بناتی ہے۔ وزیر اعظم عمران خان نے عالمی اسکالرز کے ساتھ مکالمہ کرتے ہوئے کہا کہ معاشرے میں جنسی جرائم میں تیزی سے اضافہ ہوا ہے اور معاشرے کو کرپشن اور جنسی جرائم کا سامنا ہے۔ انہوں نے کہا کہ زیادتی کے واقعات کے خلاف ہمیں لڑنا ہو گا اور بدعنوان قیادت ہی کرپشن کو قابل قبول بناتی ہے اس لیے ہمیں کرپشن کو بھی ناقابل قبول بنانا ہو گا۔ عمران خان نے کہا کہ موبائل فون کی وجہ سے ہمیں مسائل کا سامنا ہے کیونکہ موبائل فون سے معلوماتی مواد کے ساتھ فحش مواد بھی ملتے ہیں۔ انہوں نے کہا کہ زیادتی کے واقعات خواتین کے ساتھ بچوں کے ساتھ بھی ہو رہے ہیں اور بہت سارے معاشروں کو اس صورت حال کا سامنا ہے۔ پاکستان سمیت مسلم ممالک کو ایک جیسے مسائل درپیش ہیں۔
Monthly Archives: January 2022
عثمان بزدار کی بچت پالیسی، وزیراعلیٰ آفس کے اخراجات میں 9 کروڑ 60 لاکھ روپے کمی
بچت اورکفایت شعاری میں وزیراعلیٰ پنجاب عثمان بزدار نے سب کو پیچھے چھوڑ دیا، وزیراعلیٰ آفس کے اخراجات میں نمایاں کمی کی مثال قائم کر دی۔ وزیراعلیٰ آفس کے مطابق شہباز شریف کے دور میں آفس کے مجموعی اخراجات 23 کروڑ 90 لاکھ روپے تھے جبکہ بزدار دور کے مالی سال 2020-21 میں مجموعی اخراجات 14کروڑ 30لاکھ روپے رہے، اس طرح وزیراعلیٰ آفس کے اخراجات میں واضح کمی آئی۔ دوسری طرف وزیراعلیٰ عثمان بزدار کا کہنا ہے کہ وزیراعلیٰ آفس سمیت پنجاب بھر میں شاہ خرچیوں کا کلچرختم کر دیا ہے، ہم قومی وسائل کی پائی پائی کے امین ہیں۔
چند روز سے مجھ پر حملہ کرنے سے متعلق دھمکی آمیز کالز آ رہی ہیں: حلیم عادل
سندھ اسمبلی میں اپوزیشن لیڈرحلیم عادل شیخ کہتے ہیں کہ گزشتہ تین چار روز سے ایک نمبر سے دھمکی آمیز کالزآرہی ہیں، اسلحے کی تصاویربھی بھیجی جا رہی ہیں، بتایا گیا ہےکہ مجھ پرحملہ ہوسکتا ہے۔ اپنے ویڈیو بیان میں حلیم عادل شیخ کا کہنا تھا کہ دھمکی آمیز کالز سے متعلق میرے پی ایس نے ایف آئی اے کو درخواست بھی جمع کرائی ہے، کل رات سے ایک اور ویڈیو مختلف گروپس میں وائرل ہورہی ہے، ویڈیو میں دکھانے کی کوشش کی جارہی کہ سندھ پولیس مجھ سے ناراض ہے، میں پولیس کے ہاتھوں مارے جانے والے بے گناہوں کی آواز بنتا ہوں، میری کوئی پولیس سے دشمنی نہیں ہے، کسی پولیس والے کے ساتھ ظلم ہوتا ہے تو میں پولیس کے ساتھ کھڑا ہوتا ہوں۔ ان کا مزید کہنا تھا کہ اوباوڑو میں ہیڈ کانسٹیبل سلطان رند کو مارا گیا میں ان کے گھر پہنچا تھا، سہراب گوٹھ میں ایس ایچ او اور ٹیم نے ڈاکوؤں کو مارا ، میں نے تھانے جا کر انہیں شاباش اور انعام دیا، پہلے کلاشنکوف آئی، پھر سرکاری جی تھری آئی۔ ان کا کہنا تھا کہ وزیرداخلہ، مراد علی شاہ معاملے کی کھوج نکالنے کے ذمے دار ہیں، میری اگر سیاسی مخالفت ہے تو وہ پی پی سے ہے جسے دشمنی بنا دیا گیا ہے، میں عمران خان کا سپاہی ہوں، صرف اللہ کی ذات سے ڈرتا ہوں، ان ظالموں کے خلاف مظلوموں کی جنگ لڑتا رہوں گا۔
سندھ واحد صوبہ ہے جہاں شہری صحت کارڈ سے مستفید نہیں ہوں گے: فواد چوہدری
وفاقی وزیر اطلاعات فواد چوہدری کا کہنا ہے کہ سندھ واحدصوبہ ہے جس کے شہری صحت کارڈ سے مستفید نہیں ہوں گے۔
کراچی میں میڈیا سے گفتگو کرتے ہوئے فواد چوہدری کا کہنا تھا کہ پیپلز پارٹی سندھ کے لوگوں سے نجانے کس چیز کا بدلہ لے رہی ہے، سندھ میں اسپتالوں کا جو حال ہیں اس سے عام آدمی متاثر ہو رہا ہے۔
ملک میں مہنگائی سے متعلق سوال پر فواد چوہدری نے کہا کہ ملک میں مہنگائی ہے لیکن پاکستان میں معاشی استحکام واپس آ رہا ہے، اب صورت حال میں بہتری آنا شروع ہو گی۔
سابق وزیراعظم نواز شریف کی وطن واپسی سے متعلق پوچھے گئے سوال پر وفاقی وزیر کا کہنا تھا کہ نواز شریف کی واپسی کے لیے وزیراعظم نے اٹارنی جنرل کوہدایت جاری کی ہے۔
ان کا مزید کہنا تھا کہ شہباز شریف نواز شریف کو واپس لائیں یا جعلی حلف نامے پر ان کے خلاف کارروائی کی جائے، یہاں موٹر سائیکل چوری ہونے پر بھی پولیس بہو اور بیٹیوں کو بھی اٹھا کر لے جاتی ہے، ہائی کورٹ کو اس معاملے پر ازخود نوٹس لے کر شہباز شریف کو بلاناچاہیے۔
فنانس ترمیمی بل کے حوالے سے فواد چوہدری کا کہنا تھا کہ فنانس ترمیمی بل 15 سے 20 جنوری تک پاس ہو جائے گا، ہم نے 5 سالوں میں 55 بلین ڈالر واپس کرنے ہیں۔
ایک اور سوال کے جواب میں وزیر اطلاعات کا کہنا تھا کہ اسٹیٹ بینک کو آئی ایم ایف کے پاس گروی نہیں رکھا بلکہ اسٹیٹ بینک کا آزاد ہونا پاکستان کے مفاد میں ہے۔
جنوبی افریقہ کی پارلیمنٹ میں آتشزدگی، آگ بجھانے کی کوششیں جاری
جنوبی افریقہ کی پارلیمنٹ میں آتشزدگی سے دیواروں میں دراڑیں پڑ گئیں،فائر بریگیڈ کی جانب سے آگ بجھانے سمیت امدادی کارروائیاں جاری ہیں۔ خبرایجنسی کے مطابق جنوبی افریقہ کی پارلیمنٹ میں لگی آگ بےقابو ہو گئی،فائر بریگیڈ کی متعدد ٹیمیں آگ بجھانے کی کوششوں میں مصروف ہیں تاہم تاحال کامیابی نہیں ملی۔ آگ بڑے پیمانے پر پھیلنے کے سبب قومی اسمبلی کی دیواروں میں دراڑیں پڑگئیں۔ حکام کی جانب سے آگ لگنے کی وجوہات نہیں بتائی گئیں۔
سال 2021: بھارتی فوج کے ہاتھوں 210 کشمیری شہید
مقبوضہ کشمیر میں سال 2021 کے دوران قابض بھارتی فوج کے ہاتھوں 210 کشمیری شہید ہو گئے۔ کشمیر میڈیا سروس (کے ایم ایس) کے مطابق مقبوضہ کشمیر میں قابض بھارتی فوج نے صرف گزشتہ ماہ دسمبر 2021 میں 31 کشمیریوں کو شہید کیا جس میں ایک بڑی تعداد نوجوانوں کی تھی۔ گزشتہ سال بھی قابض بھارتی فوج کی جانب سے مقبوضہ کشمیر میں ظلم و بربریت کا سلسلہ جاری رہا اور مقبوضہ کشمیر میں ہونے والی دہشتگردی کے خلاف عالمی میڈیا بھی بول اٹھا۔ سال بھر مظاہرین پر بھارتی فوج اور پولیس کی جانب سے طاقت کا بے دریغ استعمال کیا گیا۔ بھارتی حکام نے ڈیڑھ مہینے سے جامع مسجد سری نگر میں جمعہ کی نماز ادا کرنے پر پابندی عائد کر رکھی ہے۔ واضح رہے کہ گزشتہ 33 برسوں کے دوران 95 ہزار 948 کشمیری شہید ہو چکے ہیں۔
ملک میں کورونا کی نئی لہر کے آثار نمایاں ہیں، اسد عمر
سربراہ این سی اوسی اسد عمر نے نے کورونا کی نئی لہر شروع ہونے کا خد شہ ظاہر کر دیا۔ نیشنل کمانڈ اینڈ آپریشن سنٹر کے سربراہ اسد عمر نے خطرے کی گھنٹی بجادی۔ انہوں نے سوشل میڈیا ویب سائٹ ٹوئٹر پر ایک پیغام میں کورونا کی نئی لہر کے آنے کا خدشہ ظاہر کیا ہے۔ وزیر منصوبہ بندی اسد عمر نے اپنی ٹویٹ میں کہا ہے کہ ملک میں کورونا کی نئی لہر کے آثار نمایاں ہیں جس کا پچھلے چند ہفتوں سے خطرہ تھا۔ انہوں نے کہا ہے کہ خاص طور پرکراچی میں اومی کرون ویرینٹ کے کیسز بڑھ رہے ہیں۔ کورونا کی نئی لہر سے بچنے کا بہترین حل ماسک پہننا ہے۔
فرانس: 132 ٹن وزنی پتھر جسے اکیلا شخص بھی ہلا سکتا ہے
شمالی مشرقی فرانس میں ایک ایسا 132 ٹن وزنی پتھر ہے جسے کوئی بھی اکیلا شخص ہلا سکتا ہے۔ غیر ملکی خبر رساں ایجنسی کے مطابق فرانس میں ایک جنگل ایسا بھی ہے جو رنگ برنگی چٹانوں سے بھرا پڑا ہے اور جہاں لاتعداد ارضیاتی عجوبے پائے جاتے ہیں۔ اسی جنگل میں ایک پتھر ایسا بھی ہے جو 132 ٹن وزنی ہے تاہم اسے اکیلا شخص بھی ہلا سکتا ہے لیکن اس کے لیے شرط یہ ہے کہ اسے پتھر کو ہلانے کے لیے درست مقام کا پتہ ہو۔ ویل گوت نامی جنگل میں پڑا یہ پتھر بہت مشہور ہے اور بظاہر وہ اتنا بڑا ہے کہ اسے دیکھ کرگمان ہوتا ہے کہ یہ ناقابلِ جنبش ہے اور دیکھنے والا یہی سوچتا ہے کہ کوئی بھی اسے نہیں ہلا سکتا ہے لیکن یہ چٹان نما پتھر بہت آسانی سے ہلایا جاسکتا ہے۔ پتھر کو ہلانے کے لیے شرط ہے کہ آپ کو اس کے ہلانے کے درست مقام کا معلوم ہو کیونکہ وہ پتھر کے مرکزِ ثقل پر اثرانداز ہوتی ہے۔ یہ پتھر نیچے سے تنگ ہے اور اوپر سے قدرے وسیع ہے۔ اس پتھر کو لوگان کے نام سے بھی جانا جاتا ہے۔ جو لوگ بھی اس پتھر کو ہلاتے ہیں وہ خود کو بہت طاقتور تصور کرتے ہیں لیکن ایسا نہیں ہے۔ اگرچہ اس پتھر کی اونچائی انسان سے بھی بلند ہے اور اگر اس پتھر کے نچلے حصے پر دونوں ہاتھوں سے اسے اٹھائیں تو یہ واضح طور پر ہلتا ہے۔
بلال یاسین پر حملے کیلئے پستول نیلا گنبد مارکیٹ سے خریدا گیا، 3 اسلحہ ڈیلر زیرحراست
بلال یاسین پر حملے میں استعمال ہونے والا پستول لاہور کی نیلا گنبد مارکیٹ سے خریدا گیا، پولیس نے تین اسلحہ ڈیلرز کو حراست میں لے لیا۔ لیگی رہنما بلال یاسین پر حملے کی تحقیقات میں پیش رفت، تازہ تحقیقات کے مطابق لیگی ایم پی اے پر اجرتی قاتلوں نے فائرنگ کی، ملزمان کی گرفتاری کیلئے چھاپے مارے جا رہے ہیں۔ ملزمان نے جس پسٹل سے فائرنگ کی وہ فرار ہوتے ہوئے ان سے گر پڑا تھا، ملزمان کے فرار کے دوران کی سی سی ٹی وی فوٹیج میں بھی پسٹل گرتے دیکھا جاسکتا ہے۔ پولیس ذرائع کے مطابق جائے وقوعہ کے قریب ملنے والے پسٹل کو فرانزک کے لیے بھجوادیا ہے، پسٹل کس نام پر رجسٹرڈ ہے، تحقیقات کی جارہی ہیں۔ علاوہ ازیں بلال یاسین نے حملہ آوروں کےخلاف اندراج مقدمہ کےلیے پولیس کو درخواست دیدی ہے۔ انہوں نے کہا کہ سابق کونسلر میاں اکرم کو ملنے موہنی روڈ آیا تھا، ان کے گھر کے باہر بغیر نمبر پلیٹ موٹر سائیکل پر دو حملہ آور آئے، جنہوں نے جینز کی پینٹ اور جیکٹس پہن رکھیں تھیں، انہوں نے موٹر سائیکل سے اتر کر جان سے مارنے کےلیے فائرنگ کردی، ایک فائر پیٹ اور دوسرا بائیں ٹانگ پر لگا تو میں گرگیا۔ مزید برآں وزیراعلیٰ پنجاب سردار عثمان بزدار نے بلال یٰسین سے ٹیلی فونک رابطہ کر کے ان کی خیریت دریافت کی۔ لیگی ایم پی اے نے عثمان بزدار کو فائرنگ سے متعلق واقعہ سے آگاہ کیا۔ لیگی ایم پی اے بلال یاسین کا کہنا تھا کہ کبھی سوچا بھی نہیں تھا کہ اس طرح حملہ ہوگا، کبھی کسی کو کوئی نقصان نہیں پہنچایا، میری کسی سے کوئی دشمنی نہیں، حملہ آوروں کو پولیس والاسمجھ رہا تھا۔
روسی طیاروں کی شام پر بمباری میں خاتون اور بچہ جاں بحق، 10 زخمی
روس کے لڑاکا طیاروں نے شام کے ایک گاؤں پر بمباری کی جس کے نتیجے میں 2 افراد ہلاک اور 10 زخمی ہوگئے جن میں سے 4 کی حالت نازک بتائی جا رہی ہے۔
عالمی خبر رساں ادارے کے مطابق لازکیہ کے خمیمیم بیس سے اڑان بھرنے والے روسی جنگی طیاروں نے گاؤں نہرولبیاد پر بمباری کی جس میں کئی گھر تباہ ہوگئے۔ بمباری کے نتیجے میں ایک خاتون اور ایک بچہ جاں بحق جب کہ دیگر 10 افراد زخمی ہوگئے۔
روسی فوج کا کہنا ہے کہ حملہ دہشت گردوں کے ٹھکانوں پر کیا گیا تاہم سیریئن آبزرویٹری کے مطابق فضائی حملے میں ہلاک اور زخمی ہونے والے شہری تھے۔ شہریوں کے املاک کو بھی شدید نقصان پہنچا ہے۔
دوسری جانب بشار الاسد کی حکومتی فورسز نے بھی حلب کے مغربی دیہی علاقوں کینفرا، کیفرتال اور بینین کے دیہاتوں پر چھاپہ مار کارروائی کیں جس میں بڑے پیمانے پر اسلحہ اور گولہ بارود برآمد کیا گیا ہے۔
واضح رہے کہ ترکی اور روس کے درمیان 5 مارچ 2020 کو ہونے والے معاہدے کے باوجود کئی علاقے اب بھی شورش زدہ ہیں۔
سعودی عرب انسانی بنیادوں پر امداد دینے والے ممالک میں ٹاپ ٹین میں شامل۔رپورٹ: ستار خان
سعودی عرب میں کچھ سالوں سے ہونے والی تبدیلیوں کی کچھ بنیادی وجوہات ہوں گی جس کی وجہ سے پوری دنیا خاص طور پر مغربی دنیا میں سعودی عرب کو ایک منفرد انداز میں دیکھا جانے لگا ہے۔ جہاں ایک طرف بہت سے مثبت پہلو ہیں تو دوسری طرف یقینی طور پر کچھ منفی پہلو بھی سامنے آتے ہیں۔ پاکستان کے ساتھ بھی گاہے بگاہے انسانی ہمدردی کی بنیاد پر دوستی کی بنیاد پر یا پھر ایک مسلمان ملک ہونے کے حوالے سے سعودی عرب بار بار پاکستان کی مددکرتا رہا ہے۔ بہت سے مشکل وقتوں میں جب پاکستان کو سعودی عرب کی مدد کی ضرورت پڑی تو سعودی عرب نے مدد کی۔ ایسا بھی ہوتا رہا ہے کہ مدد کے حوالے سے پاکستان سے کچھ خفیہ راز میں رکھی جانے والی شرائط بھی تھیں۔ انسانی ہمدردی کی بنیاد پر سعودی عرب کی پوری دنیا کی مدد پر ایک نظر: 2020ءمیں سعودی عرب انسانی ہمدردی کی بنیاد پر DONETION دینے والے TOP TEN ممالک میں شامل رہا۔ امریکہ 7.4 ارب ڈالرز دے کر پہلے نمبر ‘ دوسرے نمبر پر جرمنی 2.1 ارب ڈالرز ‘ تیسرے نمبر پر برطانیہ 1.3 ارب ڈالرز‘ چوتھے نمبر پر یورپین کنسورشیم 1.7 ارب ڈالرز‘ پانچویں نمبر پر جاپان 568 ملین ڈالرز‘ کینیڈا 433 ملین ڈالرز ‘ ناروے 410 ملین ڈالرز ‘ سعودی عرب 357 ملین ڈالرز‘ سویڈن 314 ملین ڈالرز‘ ہالینڈ 270 ملین ڈالرز 2007ءسے 2017 ء33 ارب ڈالر کی DONATION‘ سعودی عرب 78 ممالک کے 1000 منصوبوں کے لئے 33 ارب ڈالرز DONATE کئے۔ ایشیائی ممالک کے لئے 21 ارب ڈالر (66 فیصد) افریقی ممالک 9 ارب ڈالر (31 فیصد)‘ یورپی ممالک کے لئے 380 ملین ڈالرز (1.19 فیصد ) نارتھ امریکہ ممالک کے لئے 376 ملین ڈالرز (1.19 فیصد) سینٹرل ایشیائی ممالک کے لئے 170 ملین ڈالرز (054 فیصد)۔TOP دس ممالک میں یمن کو 13.37 ارب ڈالرز 285 منصوبوں کے لئے دوسرے نمبر پر شام 2.35 ارب ڈالرز 95 منصوبے‘ تیسرے نمبر پر مصر 1.84 ارب ڈالرز 20 منصوبوں‘چوتھے نمبر پرنیگرو 1.32 ارب ڈالرز‘ 7 منصوبے‘ پانچویں نمبر پر مارتانیہ 1.33 ارب ڈالرز 14 منصوبے ‘ چھٹے نمبر پر افغانستان 567 ملین ڈالرز 29 منصوبے‘ ساتوں نمبر پر چین 550 ملین ڈالرز 10 منصوبے‘ آٹھویں نمبر پر پاکستان 522 ملین ڈالرز 108 منصوبے‘ نویں نمبر پر جارڈن 516 ملین ڈالرز 11 منصوبے‘ دسویں نمبر پر تیونس 514 ملین ڈالرز 9 منصوبے‘ 2013-14 ءمیں سعودی عرب کی طر ف سے ملنے والا دنیا کا مہنگا ترین تحفہ 1.5 ارب ڈالر کی امداد تھی۔ یہ ایک ایسا انتہائی قیمتی تحفہ تھا جس کے ملنے کی قوم کو بہت خوشی بھی تھی لیکن وہ کنفیوز تھے کہ اس تحفے کو کیا نام دیا جائے اس 1.5 ارب ڈالرز کے تحفے کی شرائط کیا ہیں یہ ہم نے کہا خرچ کرنے ہیں اور اس 1.5 ارب ڈالرز امداد کے ساتھ کیا کیا شرائط عائد ہیں۔ کسی کو کچھ بھی نہیں پتہ تھا پتہ تھا تو صرف اتنا کہ نوازشریف صاحب کی حکومت کو سعودی عرب کی طرف سے 1.5 ارب ڈالرز کا تحفہ ملا ہے اس 1.5 ارب ڈالرز کو تحفے کا نام دینے والے سابق زیر خزانہ اور موجودہ دور کے وزیر مفرور اسحاق ڈار صاحب نے رکھا تھا۔ ملک کے مختلف حلقوں اور عوامی حلقوں میں اس 1.5 ارب ڈالرز کے سعودی تحفے پر ایک DEBATE اور کنٹرورسی شروع ہوگئی اور اس کی سب سے بڑی وجہ خود نوازشریف حکومت تھی۔ مختلف وقتوں میں مختلف انداز میں اس 1.5 ارب ڈالرز کے سعودی تحفے کو پیش کیا گیا۔ ایک مرتبہ سابقہ وزیر خزانہ اسحاق ڈار صاحب نے کہا کہ یہ 1.5 ارب ڈالرز کا سعودی تحفہ پاکستان ڈویلپمنٹ فنڈز میں جائے گا جب کہ پاکستان ڈویلپمنٹ فنڈز کافی عرصے سے اور کافی عرصے تک DOMANT رہا۔
نوازشریف کی میڈیکل رپورٹ بنانےوالے ڈاکٹر لارنس کارڈیک سرجن نہیں تھوراسک،غلط بیانی پر لائسنس منسوخ ہونیکا امکان
لندن(ڈاکٹر اختر گلفام سے) نوازشریف کا علاج کرنے والے اور لیٹر جا ری کرنے واکے ڈاکٹر ڈیوڈلارنس کے خلاف برطانوی جنرل میڈیکل کونسل میں چوہدری طارق نے شکایت درج کروای ہے جس میں ڈاکٹر ڈیوڈ لارنس سے وضاحت طلب کی گئی ہے، جو اس وقت لندن میں نواز شریف کا علاج کررہے ہیں۔ شکایت کنندہ طارق محمود نے کہا کہ ڈاکٹر لارنس جو کہ جی ایم سی میں کارڈیوتھوراسک سرجن کے طور پر رجسٹرڈ ہیں، نے نواز شریف کی صحت کی بنیاد پر برطانیہ میں قیام کی مدت بڑھانے کی درخواست کی حمایت میں خط جاری کیا ہے۔ڈاکٹر لارنس نے اس فیلڈ کا خط لکھا ،جو اس کے دائرہ اختیار ہی میں نہیں آتا۔برطانیہ کی جنرل میڈیکل کونسل (جی ایم سی) میں شکایت درج کرائی گئی ہے، جس میں ڈاکٹر ڈیوڈ لارنس سے وضاحت طلب کی گئی ہے، جو اس وقت لندن میں نواز شریف کا علاج کررہے ہیں۔خط میں شکایت کنندہ طارق محمود نے کہا کہ ڈاکٹر لارنس جو کہ جی ایم سی میں کارڈیوتھوراسک سرجن کے طور پر رجسٹرڈ ہیں، نے نواز شریف کی صحت کی بنیاد پر برطانیہ میں قیام کی مدت بڑھانے کی درخواست کی حمایت میں خط جاری کیا ہے۔شکایت کنندہ نے لکھا کہ ڈاکٹر لارنس جن صحت کے مسائل کا حوالہ دے رہے ہیں، وہ نواز شریف کے لندن میں ریسٹورنٹس اور شاپنگ سینٹرز میں پیشی کا حوالہ دیتے ہوئے ان کے برطانیہ میں قیام کو جواز نہیں بناتے۔جس بنیاد پر ڈاکٹر لارنس نے اپنی رائے دی اور نواز شریف کے لندن میں قیام میں توسیع کی سفارش کی، اس پر سوال اٹھاتے ہوئے شکایت میں مزید کہا گیا کہ چونکہ زیر بحث ڈاکٹر بنیادی طور پر کارڈیک سرجن کے بجائے تھراسک ہیں، اس لیے کارڈیک سپیشلسٹ کیوں؟ ماہر امراض قلب نے ایسی کوئی رپورٹ جاری نہیں کی ہے۔واضح رہے کہ 15 جنوری 2021 کو نواز شریف کے وکیل امجد پرویز نے لاہور ہائی کورٹ میں اپنے موکل کی میڈیکل رپورٹ جمع کرائی تھی۔رپورٹ کے مطابق نواز شریف دماغ کے اندر کی شریانوں کے تنگ ہونے کی بیماری انٹرا کرینیئل سٹیناسس میں مبتلا ہیں۔ رپورٹ میں مزید کہا گیا ہے کہ شریف کے مختلف اسکین کے بعد ڈاکٹروں نے انہیں دل کے علاج کے لیے تجویز کیا ہے اور ان کی حالت بدستور تشویشناک ہے۔ ذرائع کا کہنا ہے کہ مسلم لیگ ن کے سپریمو کی صحت کی رپورٹ برطانیہ میں پاکستانی ہائی کمیشن سے تصدیق شدہ ہے۔ رپورٹ میں کہا گیا ہے کہ نواز شریف اپنے علاج تک برطانیہ میں ہی رہیں۔ رپورٹ میں سابق وزیراعظم کو روزانہ چہل قدمی کرنے کی بھی ہدایت کی گئی ہے۔
ایک ماہ کے دوران 26ٹرینوں کے دوران سفرانجن ،93کوچز خراب
ریلوے انتظامیہ رولنگ سٹاک کی مینٹی ننس کو بھی یقینی نہ بنا سکی۔
رولنگ سٹاک کی مینٹی ننس پر عدم توجہ ہونے کے باعث ایک ماہ میں 26 ٹرینوں کے دوران سفر انجن اور 93 سے زائد کوچز خراب ہوئیں، ریلوے انتظامیہ کی انفراسٹرکچرورولنگ سٹاک کی مینٹی ننس پر عدم توجہ اور شعبہ جاتی کوآرڈینیشن کے فقدان کے باعث مہینوں سے متاثرہ شیڈول دھند میں مزید متاثر ہو گیا۔
ذرائع کے مطابق بروقت آمدورفت کی شرح صرف57 فیصد ریکارڈ کی گئی۔ ریلوے میں موجود 1718 مسافر کوچوں میں سے 38.3 فیصد 658 کوچیں خراب پڑی ہیں، نومبرمیں ٹریک، کوچوں و لوکو موٹوزکی خرابی اورحادثات کے باعث ٹرین آپریشن کے 1519گھنٹے ضائع ہوئے ۔
نومبر کے دوران ریلوے ٹریک خرابی کے باعث328 گھنٹے ضائع ہوئے ،مینڈوان مینڈ لیول کراسنگز سمیت دیگر گیٹس پر69 گھنٹے ضائع ہوئے ،دوران سفر لوکوموٹوز فیل ہونے کے باعث67 گھنٹے ،کوچز کی خرابی کے باعث 52گھنٹے ضائع ہوئے۔
کمپیوٹربیسڈ انٹر لاکنگ سگنل سسٹم کے باعث131 گھنٹے ،سگنل خرابی کے باعث95 گھنٹے ضائع ہوئے، کراسنگز پر67 گھنٹے ،حادثات کے باعث 81گھنٹے ،موسمی حالات اور دھند کے باعث48 گھنٹے ٹرین آپریشن متاثر رہا۔
