پاکستان کرکٹ ٹیم اور شائقین میں پروفیسر کے نام سے مشہور آل راؤنڈر محمد حفیظ نے آج انٹرنیشنل کرکٹ سے ریٹائرمنٹ کا اعلان کیا جس پر ساتھی کرکٹرز کی جانب سے انہیں زبردست خراج تحسین پیش کیا جا رہا ہے۔
پاکستان کے لیے 55 ٹیسٹ، 218 ون ڈے اور 119 ٹی 20 کھیلنے والے محمد حفیظ کے اعلان نے جہاں مداحوں کو افسردہ کیا وہیں قومی کرکٹ ٹیم کے کھلاڑیوں نے آل راؤنڈر کے لیے سوشل میڈیا پر پیغامات شیئر کیے۔
قومی ٹیم کے کپتان بابر اعظم نے اپنی اور پروفیسر کی تصویر شیئر کی اور لکھا کہ حفیظ کا یادگار کیرئیر اپنے اختتام کو پہنچا، میں نے حفیظ بھائی سے اور ان کے تجربات سے بہت کچھ سیکھا، کرکٹ کے میدان میں میری رہنمائی کرنے کے لیے شکریہ۔
آل راؤنڈر شاداب خان نے حفیظ کے کیرئیر کو شاندار قرار دیا اور انہیں مینشن کرتے ہوئے مبارکباد پیش کی۔ شاداب خان نے محمد حفیظ کے مستقبل کے لیے بھی نیک خواہشات کا اظہار کیا۔
قومی کرکٹ ٹیم کے سابق فاسٹ بولر عُمر گل نے کہا کہ ہم نے اپنے کیریئر کا آغاز ایک ساتھ کیا تھا اور اس دن سے میں آپ کو سب سے زیادہ مہربان اور ہر بات سامنے کرنے والے کے طور پر جانتا ہوں۔
عمر گل نے لکھا کہ آپ نے ان سالوں میں دنیائے کرکٹ کو بہت کچھ دیا ہے اور ہم یقیناً آپ کے کھیل کو یاد کریں گے۔
مڈل آرڈر بیٹر آصف علی نے کہا کہ آپ کو لاجواب کیرئیر کے لیے مبارک ہو، اللہ آپ کو ہمیشہ کامیابیاں دے، آمین۔
فاسٹ بولر وہاب ریاض نے لکھا کہ پاکستان کرکٹ کے لیے آپ کی تمام تر خدمات اور بہترین کیرئیر کے لیے مبارک ہو، ہماری ایک ساتھ کئی خوبصورت یادیں ہیں۔ وہاب ریاض نے حفیظ کے مستقبل کے لیے دعائیہ الفاظ بھی کہے۔
Monthly Archives: January 2022
اسٹور سے چاکلیٹ خریدنے والا شخص 10 لاکھ ڈالر جیت کر لوٹا
جب قدرت مہربان ہوتی ہے تو ایسا ہی ہوتا ہے۔ ایک امریکی شخص اپنے بچوں کے لیے چاکلیٹ اور دودھ لینے ایک چھوٹے اسٹور میں گیا اور واپس آیا تو وہ دس لاکھ ڈالر یعنی 17 کروڑ پاکستانی روپے جیت چکا تھا۔
نارتھ چیسٹر فیلڈ کے ڈینس وِلوبی چاکلیٹ اور دودھ لے کر اسٹور سے باہر آرہے تھے کہ انہوں نے ایک اسکریچ لاٹری کارڈ خریدا۔ انہوں نے کارڈ کو وہیں کریدا اور نمبر ملائے تو وہ پلاٹینم لاٹری جیت چکے تھے۔ واضح رہے کہ پلاٹینم انعام سب سے بڑا ہوتا ہے۔
ورجینیا لاٹری کے ترجمان کے مطابق ڈینس نے یہ ٹکٹ سیون الیون نامی اسٹور سے خریدا تھا یعنی وہ چاکلیٹ لینے گئے تھے اور کروڑ پتی بن کر واپس آئے۔ واضح رہے کہ اس ماہ لاٹری کے 16 لاکھ سے زائد ٹکٹ فروخت ہوئے اور اس طرح کسی شخص کے پلاٹینم انعام جیتنے کا امکان بہت ہی کم ہوتا ہے۔
لاٹری جیتنے والے سے کہا گیا ہے کہ اگر پوری رقم ایک ساتھ لیتے ہیں تو ٹیکس کٹنے کے بعد وہ 6 لاکھ 40 ہزار ڈالر لے سکتے ہیں۔ اگر وہ ٹیکس سے بچنا چاہتے ہیں تو یہ رقم انہیں 30 برس میں ہر ماہ یا سال کے حساب سے ادا کی جاسکتی ہے۔ تاہم ڈینس ٹیکس کٹنے کے بعد یکمشت رقم لینا چاہیں گے۔
امریکی وزیردفاع لائیڈآسٹن کورونا کا شکارہوگئے
مریکی وزیردفاع لائیڈ آسٹن کا کورونا ٹیسٹ مثبت آگیا۔
امریکی میڈیا کے مطابق وزیردفاع لائیڈ آسٹن بھی کورونا کا شکار ہوگئے ہیں۔ امریکی وزیردفاع میں کورونا کی معمولی علامات پائی گئی ہیں۔
کورونا ٹیسٹ مثبت آنے کے بعد امریکی وزیردفاع لائیڈ آسٹن نے خود کوگھرپرقرنطینہ کرلیا۔ وہ آئندہ چند روز تک گھرسے کام کریں گے اورورچوئل میٹنگز میں حصہ لیں گے۔
امریکی وزیردفاع لائیڈ آسٹن نے ویکسینیشن کرائی ہوئی تھی اوراکتوبرمیں بوسٹر ڈوز بھی لی تھی۔امریکی وزیردفاع کا کہنا تھا کہ ڈاکٹرزکے مطابق ویکسینیشن نہیں ہوئی ہوتی توکورونا کی شدت زیادہ ہونے کا امکان تھا۔
راولپنڈی میں لڑکی کی نازیبا تصاویر وائرل کرنے میں ملوث دو ملزمان گرفتار
ایف آئی اے سائبر کرائم ونگ نے کارروائی کرتے ہوئے لڑکی کی نازیبا تصاویر و ویڈیوزبناکروائرل کرنے میں ملوث دو ملزمان کو گرفتار کر لیا۔
ایف آئی اے کے مطابق چکوال سے تعلق رکھنے والے ملزمان راجہ عبداللہ امیر اور زین عامر نے لڑکی کی نازیبا تصاویر و ویڈیوز جعلی انسٹا گرام اکاؤنٹ پر اپ لوڈ کردیں، ملزمان نے بعد ازاں وہی نازیبا تصاویر، ویڈیوز اور تحریر متاثرہ لڑکی کی بہن کے انسٹا گرام پر بھی منشن کرکے ٹیگ کردیں۔
ملزمان سے الیکٹرانک ڈیوائس، جعلی اکاؤنٹ اور لڑکی کی نازیبا تصاویر و ویڈیوز برآمد کرلیں گئیں۔ ان کے خلاف پیکا ایکٹ سمیت دیگر دفعات کے تحت مقدمہ درج کرلیاگیا۔
ایف آئی اے کے مطابق ملزمان متاثرہ لڑکی کی شہرت کو نقصان پہچانے کی دھمکیاں دیکر اسے ہراساں بھی کرتے رہے، ان سے تفتیش جاری ہے اور مزید انکشافات کی توقع ہے۔
محمد حفیظ نے انٹرنیشنل کرکٹ سے ریٹائرمنٹ لینے کا فیصلہ کر لیا
آل راونڈرمحمد حفیظ نے انٹرنیشنل کرکٹ سے ریٹائرمنٹ لینے کا فیصلہ کر لیا، وہ آج پریس کانفرنس میں ریٹائرمنٹ کاباقاعدہ اعلان کریں گے۔
ذرائع کے مطابق محمد حفیظ ٹیسٹ کرکٹ سے پہلے ہی سال 2018 میں ریٹائرمنٹ لے چکے ہیں، انہوں نے ٹیسٹ، ون ڈے اور ٹی ٹونٹی فارمیٹس میں قومی ٹیم کی قیادت کے فرائض بھی نبھائے۔ پاکستان کیلئے انہوں نے 55ٹیسٹ، 218 ون ڈے اور 119 ٹی ٹونٹی میچزکھیلے۔392 بین الاقوامی میچوں 12
ہزار 789 رنز بنائے۔ 3 آئی سی سی ورلڈ کپ اور 6 ٹی ٹونٹی عالمی کپ ٹورنامنٹس میں پاکستان کی نمائندگی کی۔
جماعت اسلامی نے سندھ کا بلدیاتی نظام ہائیکورٹ میں چیلنج کر دیا
جماعت اسلامی نے سندھ حکومت کا پاس کردہ بلدیاتی ایکٹ ہائیکورٹ میں چیلنج کر دیا۔
امیر جماعت اسلامی کراچی حافظ نعیم الرحمٰن نے سندھ لوکل گورنمنٹ ایکٹ کو سندھ ہائیکورٹ میں چیلنج کرتے ہوئے مؤقف اختیار کیا کہ سندھ حکومت کا 11 دسمبر 2021 کو پاس گیا نیا بلدیاتی ایکٹ غیر قانونی اور آئین کے آرٹیکل 140 اے کی خلاف ورزی ہے۔
درخواست میں مؤقف اختیار کیا گیا کہ اکثریت کے باوجود آئین سے متصادم قانون سازی نہیں کی جا سکتی۔
حافظ نعیم الرحمٰن نے عدالت سے درخواست کی ہے کہ نئے بلدیاتی ایکٹ پر سندھ حکومت کو عمل درآمد کرنے سے روکاجائے۔
خیال رہے کہ سندھ کے بلدیاتی نظام کے خلاف جماعت اسلامی نے 4 روز سے سندھ اسمبلی کی عمارت کے سامنے دھرنا دے رکھا ہے جس میں خواتین، بچوں اور بزرگو ں کی بڑی تعداد بھی موجود ہے۔
لندن قیام مدت ختم، نوازشریف کی سعودی مشیر سے ملاقات
لندن(ویب ڈیسک)لندن میں نوازشریف سے سعودی حکومت کے مشیرعلی عواد العیسری کی اہم ملاقات، سعودی مشیر نے نواز شریف سے ان کی صحت کے بارے میں دریافت کیا، نجی ٹی وی کے مطابق پاکستان مسلم لیگ نون کے قائد و سابق وزیر اعظم نواز شریف سے لندن میںسعودی عالمی امور سے متعلق حکومتی مشیر علی عواد العیسری نے ملاقات کی ہے، ملاقات کے دوران پاکستان اور سعودی عرب کے درمیان مختلف شعبوں میں تعلقات پر بھی تبادلہ خیال ہوا،سابق وزیراعظم نواز شریف اور سعودی حکومت کے مشیرعلی عواد العیسری نے اس اہم ملاقات کے دوران پاکستان کی سیاسی،داخلی اور علاقائی سلامتی کی صورتحال پر بھی بات چیت کی۔ نوازشریف نے موجود ہ حکومت کے بارے میں بھی اپنے موقف سے آگاہ کیا۔ذرائع کے مطابق نواز شریف کے لندن میں قیام کی مدت ختم ہونے کے تناظر میں اس ملاقات کو اہم قرار دیا جارہا ہے۔
قومی ٹیم کو پاور ہٹنگ کوچ کی ضرورت ہے، وسیم اکرم
قومی ٹیم کے سابق ٹیسٹ کپتان وسیم اکرم نے زور دیا ہے کہ پاکستانی ٹیم کو پاور ہٹنگ (جارحانہ بلے بازی والے) کوچ کی ضرورت ہے۔
کراچی میں این بی پی اسپورٹس کمپلیکس میں میڈیا سے گفتگو کرتے ہوئے سابق کپتان کا کہنا تھا کہ دنیا بھر میں پاور ہٹنگکا تصور بڑھ رہا ہے، پاکستانی کرکٹ ٹیم کو بھی پاور ہٹنگ کوچ کی ضرورت ہے، جس کے لیے امریکا اور انگلینڈ کے کوچز موزوں ہوسکتے ہیں۔
وسیم اکرم نے کہا کہ پاکستان کے لیے ڈراپ ان پچز کا خیال اور تجربہ اچھا ثابت ہوسکتا ہے کیونکہ اب دنیا بھر میں تیز پچز پر کرکٹ کھیلی جارہی ہے۔
انہوں نے کہا کہ میں کرکٹ بورڈ کے فیصلوں سے بالکل لاعلم ہوں البتہ غیر ملکی کوچ کی تعیناتی کا فیصلہ پی سی بی کا اختیار ہے۔ انہوں نے کہا کہ مجھے ثقلین مشتاق کی کوچنگ نے بہت متاثر کیا، کرکٹ میں وقت کے ساتھ تبدیلیوں کی ضرورت ہوتی ہے۔
وسیم اکرم کا کہنا تھا کہ کرونا ایک بار پھر دنیا میں بہت تیزی کے ساتھ پھیل رہا ہے، ہمیں وائرس سے محفوظ رہنے کے لیے بہت زیادہ اختیاط کی ضرورت ہے۔ اس کے ساتھ ہی انہوں نے کہا کہ ویسے تو دنیا بھر میں لاتعداد کرکٹ لیگز ہورہی ہیں، جس کی وجہ سے سپر لیگ کا متاثر ہونا لازمی بات ہے مگر پی ایس ایل اب ایک بڑا پروڈکٹ بن چکا ہے۔
دسمبر2021 میں تجارتی خسارہ 4 ارب ڈالرز سے زائد رہا
گزرے سال کے آخری مہینے تجارتی خسارہ 4 ارب 13کروڑ 90لاکھ ڈالر اور برآمدات میں 14کروڑ 20لاکھ ڈالر کمی ریکارڈ کی گئی۔
وزارت تجارت نےدسمبر 2021 کے تجارتی اعدادو شمار جاری کردیئے ہیں جس کے مطابق گزشتہ سال کے آخری ماہ خسارہ 4 ارب 13 کروڑ 90 لاکھ ڈالرز رہا ،دسمبر میں نومبر کے مقابلے برآمدات میں 14 کروڑ 20 لاکھ ڈالرز کی کمی ریکارڈ کی گئی اور برآمدات مقررہ ہدف سے 3 کروڑ 90 لاکھ ڈالرز کم رہیں۔
اعدادوشمار کے مطابق جولائی تا دسمبر تجارتی خسارہ 24 ارب 78 کروڑ 70 لاکھ ڈالرز تک پہنچ گیا،جولائی تا دسمبر درآمدات 39 ارب 91 کروڑ ڈالرز سے تجاوز کرگئیں، دسمبر میں برآمدات کا حجم 2 ارب 76 کروڑ 10 لاکھ ڈالرز رہا ۔
وزارت تجارت کے مطابق دسمبر کیلئے برآمدات کا ہدف 2 ارب 80 کروڑ ڈالرز مقرر تھا ، دسمبر 2021 میں دسمبر 2020 کے مقابلے برآمدات 16.7 فیصد بڑھیں ، دسمبر 2020 میں برآمدات 2 ارب 36 کروڑ 60 لاکھ ڈالرز تھیں۔
مشیر تجارت کے مطابق دسمبر میں درآمدات 6 ارب 90 کروڑ ڈالرز رہیں ، نومبر کے مقابلے دسمبر میں درآمدات میں ایک ارب ڈالر کی کمی ہوئی ، دسمبر کیلئے درآمدات کا تخمینہ 6 ارب 20 کروڑ ڈالرز تھا، جولائی تا دسمبر برآمدات میں 25 فیصد کا اضافہ ہوا۔
عبدالرزاق داؤد نے کہا کہ پہلی ششماہی میں 15 ارب 12 کروڑ 50 لاکھ ڈالر کی برآمدات رہیں ، گزشتہ سال اسی عرصے میں برآمدات 12 ارب11 کروڑ ڈالرز تھیں اور جولائی تا دسمبر برآمدات کا ہدف 15 ارب ڈالرز مقرر تھا۔
کوئٹہ:سی ٹی ڈی کی کارروائی،3مبینہ دہشتگرد گرفتار
ادارہ برائے انسداد دہشتگردی(سی ٹی ڈی ) نےڈیرہ مرادجمالی میں خفیہ اطلاع پر کارروائی کرتے ہوئے 3 مبینہ دہشتگردوں کو گرفتار کرلیا ہے۔
سی ٹی ڈی کے ترجمان کے مطابق خفیہ اطلاع پر مسافر وین سے مبینہ دہشتگردوں کو گرفتا رکرکے اسلحہ وگولہ بارود برآمد کرلیا گیا ہے۔
ترجمان کے مطابق پکڑے جانےوالے سامان میں 2ہزار400گرام بارود،پرایماکارڈ،ڈیٹونیٹز،نٹ بولٹ اورنقدی شامل ہے جبکہ ملزمان قومی تنصیبات کو نقصان پہنچانے جارہے تھے ۔
بلاول کا زخمی لیگی رکن اسمبلی بلال یاسین کو ٹیلیفون، خیریت دریافت کی
پاکستان پیپلزپارٹی کے چیئرمین بلاول بھٹو زرداری نے لاہور میں زخمی ہونے والے مسلم لیگ (ن) کے رکن پنجاب اسمبلی بلال یاسین کو ٹیلیفون کیا۔ بلال یاسین کے مطابق ٹیلیفونک رابطے میں بلاول نے خیریت دریافت کی اور حملے کی مذمت بھی کی۔ ان کا کہنا تھاکہ اسپتال میں اسلم گل نے بھی عیادت کی۔ بلال یاسین کے مطابق بیگم نصرت شہباز اور سلمان شہباز نے بھی فون پر خیریت دریافت کی۔ خیال رہے کہ گزشتہ دنوں لاہور کے موہنی روڈ پر نامعلوم موٹر سائیکل سوار ملزمان کی فائرنگ میں رکن پنجاب اسمبلی بلال یاسین زخمی ہوگئے تھے اور وہ اسپتال میں زیر علاج ہیں۔
کابل ائیرپورٹ حملے میں بھارت کے ملوث ہونے کا انکشاف؟
ودکش بمبار لوغاری رَچنا یونیورسٹی نیو دہلی کا طالب علم تھا۔ انتہا پسند اور دہشتگرد ہندوستان کا چہرہ دُنیا کے سامنے ظاہر ہونے لگا ہے، 26اگست 2021 کابل ائیرپورٹ پر حملے کے چشم کُشا انکشافات سامنے آگے ، نیو یارک ٹائمز نے اس حوالے سے مفصل رپورٹ جاری کر دی ہے۔ نیویارک ٹائمز کی جانب سے جاری کردہ رپورٹ میں کہا گیا ہے کہ خودکش بمبار لوغاری رَچنا یونیورسٹی نیو دہلی کا طالب علم تھا، اس دوران وہ داعش میں رہتے ہوئے کئی تخریبی سرگرمیوں میں ملوث تھا، امریکی CIAنے اس کی نشاندہی کی تھی۔لوغاری نے کابل ائیرپورٹ کے دھماکے میں 13امریکیوں سمیت 200لوگوں کو خودکش حملے میں ہلاک کیا تھا۔ نیو یارک ٹائمز کی رپورٹ سے ظاہر ہوتا ہے کہ شدت پسندی ہی نہیں دہشتگردی کو ہوا دینے میں ہندوستان کا بہت بڑا ہاتھ ہے، داعش اور بھارتی گٹھ جوڑ کے حالیہ دہشت گردکارروائیوں خاص کر2019میں سری لنکا میں ایسٹر کے موقع پر بم دھماکے، 2017میں نئے سال کے موقع پر ترکی میں کلب پر حملہ اور 2017میں نیو یارک اورسٹاک ہوم حملے نے دُنیا کو ششدر کر دیا، ان حملوں کی پلاننگ میں بھارتی ہاتھ انتہائی پریشان کُن ہے۔
روسی حمایت یافتہ علیحدگی پسند ملیشیا سے جھڑپ میں یوکرین کا ایک فوجی اہلکار ہلاک
روس کی حمایت یافتہ علیحدگی پسند ملیشیا سے جھڑپ میں یوکرین کا ایک فوجی اہلکار ہلاک ہوگیا۔ یوکرین کی فوج نے الزام عائد کیا ہے کہ روس کے حمایت یافتہ جنگجوؤں نے گشت پر مامور اہلکاروں پر حملہ کرکے ایک اہلکار کو ہلاک کردیا۔ روس یوکرین کو اپنا حصہ قرار دیکر ایک حصے پر قبضہ بھی کرچکا ہے، یوکرین میں روس علیحدگی پسند مسلح جماعت کے ذریعے مداخلت جاری رکھے ہوئے اور باقی ماندہ علاقے پر علیحدگی پسندوں کی مدد سے قابض ہونے کی کوشش کر رہا ہے۔اس پر روس کو عالمی دباؤ کا بھی سامنا ہے۔ اس کے جواب میں مغربی ممالک کے دفاعی اتحاد نیٹو نے یوکرین کی مدد کا فیصلہ کیا اور سرحد پر فوجی تعینات کرنا شروع کردیئے۔ روس کے صدر ویلادیمیر پوٹن نے نیٹو کے اس اقدام پر عالمی قوتوں کو بھرپور جوابی وار کی دھمکی بھی دی ہے۔
